SHORT NOVEL TEAKOOK 💜💐

ស្នេហ៍សង្សារគេ(ភាគទី5+6)

ព្រឹកថ្ងៃថ្មីឈានចូលមកដល់ថេយ៉ុងបើកហាងកាហ្វេដូចធម្មតា តែទាស់ថាព្រឹកនេះមិនឃើញជុងហ្គុកមកជួយដូចរាល់ព្រឹកឡើយប្រហែលជានាយជាប់ការងារដកឃ្លាមិនរួចហើយមើលទៅ ផ្ទុយទៅវិញបែរជាលេចចេញវត្តមានអតីតចៅហ្វាយនាយ មីនយ៉ុនហ្គីមកជួយទៅវិញ ប្លែកខ្លាំងណាស់។

" ថ្ងៃនេះបងយ៉ុនទំនេរមែនទេ? បានជាមានពេលមកលេងខ្ញុំទាំងព្រលឹមតែម្តងហើយ!" ថេយ៉ុងលើកកាហ្វេទៅឲ្យភ្ញៀវហើយក៏ឈ្លៀតសួរប្រុសកម្លោះដែលកំពុងតែមមាញឹកលើលើកនំតាមភ្ញៀវកម្មង់ ព្រោះជាធម្មតាពេលព្រឹកបៀបនេះសិស្សវិទ្យាល័យគឺមកចូលហាងថេយ៉ុងទាំងព្រឹកព្រលឹមឡើងកកកុញតែម្តងហើយ។ យ៉ុនហ្គីមកនេះបំណងថាមកផឹកកាហ្វេសាងសងជាមួយម្ចាស់បែបរ៉ូម៉ែទិចគ្មានអ្នករំខាន តែចៃដន្យអីពេលមកដល់ឃើញថាភ្ញៀងឡើងណែនណាន់តាន់តាប់ ទើបនាយសម្រេចចិត្តថាជួយដេយ៉ាងឲ្យរាងស្រាកស្រាន្តភ្ញៀវខ្លះសិន ចាំសារ៉េរកពេលវាលាបែបមនោសញ្ចេតនាតាមក្រោយក៏មិនទាន់ហួសពេលដៃ។

" ដំបូងទំនេរ ឥឡូវរវល់វិញហើយ វរល់ដោយសារភ្ញៀវថេនឹង!" ឮសម្តីកម្លោះរត់តុថ្មីស្រឡាង រូបសង្ហារទាក់ចិត្តនារីៗក្រុំៗវិទ្យាល័យហើយ ធ្វើឲ្យថេយ៉ុងអស់សំណើចក្នុងបំពងកឡើងរហឹស មកលេងពេលណាមិនមក មកលេងពេលព្រឹកម៉ោងកំពុងពេញភ្ញៀវ ពេញហាងរកកន្លែងអង្គុយមិនបានទៅវិញ បើមកណេលនេះគេមិនមែនហៅថាមកលេងទេ គឺមកជួយរត់តុច្បាស់ណាស់ ហ្ហាស់ហា។

ក្រិកៗ!! សម្លេងឮចេញមកពីទូរស័ព្ទសិស្សសាលាស្រីម្នាក់ ដូចជាថតរូបនំនិងកាហ្វេនៅលើតុខណៈពេលដែលយ៉ុនហ្គីនិងថេយ៉ុងលើកមកដាក់តុនាងពេលតែមួយ តែតាមពិតនាងថតជាប់ទាំងកម្លោះសង្ហារទាំងពីរជាច្រើនសន្លឹក ហើយក៏យកទៅបង្ហោះលើគណនី IG។ នៅក្នុងសារបង្ហោះនោះ មានរូបបួនប្រាំសន្លឹកមើលដូចជាថតបង្ហោះពីហាង នំផ្អែមៗ កាហ្វេគួរឲ្យចង់ចង់ញុាំតែមួយសន្លឹកណាក៏ជាប់បុរសសង្ហារអ្នករត់តុដែរ។
នាងតូចញញឹមសើចកក្អឹកជាមួយមិត្តភក្តិស្រីនាងម្នាក់ទៀត ដោយសារតែនៅលើផុសរបស់នាងបានដាក់captionsថា{ នំក៏ឆ្ងាញ់អ្នករត់តុក៏ស្អាត} មិនត្រឹមតែប៉ុណ្ណោះនាងតូចថែមទាំងទម្លាក់ទីតាំងហាងនៅលើផុសនោះទៀតផង ដូចជាកំពុងប្រម៉ូតហាងកាហ្វេឲ្យថេយ៉ុងផងដែរ មានអីល្អម្យ៉ាងដែរតើ។