Tint's Daisy

Episode 4

'ဘယ်သွားမှာလဲဟင်'

'သိမ့် ဘာစားချင်လဲ'

'ရပါတယ် အန်တီတင့် အဆင်ပြေတာစားလေ'

'တို့က အပြင်သိပ်မထွက်တတ်ဘူး။ ဒီလိုထွက်တာ ပထမဆုံးဘဲ'

'ဒါဆို အခုက ဘယ်သွားနေတာလဲဟင် အဲတာဆို'

'ကားရောက်တဲ့နေရာ'.....'ရီနေတာလား'

ပုံမှန်လူဆို ကျွန်မကိုလှောင်ရမလားဆိုပြီး အပြစ်တင်ပလိုက်မှာ။ ဒါပေမဲ့ သူ ရီနေတာလေးက ချစ်စရာလေးလေ။ အားရပါးရ ရီတဲ့အခါ ပေါ်လာတဲ့ညာဘက်ပါးကပါးချိုင့်လေးက ပြေးနမ်းချင်စရာဘဲ။

'သိမ့် ရီလိုက်ရင် မျက်လုံးအောက်က အစ်နေတာဘဲနော်'

'မွေးရာပါလေ အန်တီတင့်ရဲ့.....အမေနဲ့တူတာ မျက်လုံးကမို့တယ်'

'တစ်မျိုးလေး'

'အဲကြောင့် သမီးက အများကြီးအိပ်ရေးဝနေအောင် မအိပ်ဘူး အိပ်လိုက်ရင် အဲမျက်လုံးအောက်က ဖောင်းနေတော့တာ'

'ချစ်စရာလေးပါ'

'ထင်လို့ပါ'

'တို့ ဘယ်ကိုမောင်းရမလဲ'

'သမီးပြောရမှာလား'

'အင်း'

'Lotteria အနီးစပ်ဆုံးဆိုရင် JS မှာရှိမယ်ထင်တယ်'

'တို့ တစ်ခါရောက်ဖူးတယ်'

သိမ့်ပြောတဲ့ Lotteria ကိုဘဲ မောင်းလာခဲ့တော့တယ်။ စကားပြောချင်လို့သာ ဆိုင်တစ်ခုခုထိုင်ရအောင်လို့ ပြောလိုက်ပေမဲ့ ရေရေရာရာထိုင်ဖူးတဲ့ ဆိုင်မှမရှိဘဲ။
တော်သေးတာပေါ့ ဒီဆိုင်ကို ခင်မျိုးနွယ်ကြောင့် တစ်ခါထိုင်ဖူးလို့ ကျေးဇူးပါ ခင်မျိုးနွယ်ရေ။

'ဘာစားမလဲ'

'တန်းစီရမှာမလား အန်တီတင့်ဘာစားမလဲ သမီးအတူတူမှာလိုက်မယ်လေ။ နှစ်ယောက်လုံးစောင့်နေ ကြာနေမှာစိုးလို့'

'ကောင်းပြီလေ'

'ဘာမှာရမှာလဲ အန်တီတင့်အတွက်'

'အဆင်ပြေတာမှာပါ ရတယ်'

'အစပ်စားနိုင်လားဟင်'

'No'

'Ok ok'

တကယ်ကိုစိတ်ရှည်ရှည်နဲ့စောင့်နေတာဘဲ။ ငါသာဆို မစားဘဲပြန်မှာ။