Tint's Daisy

Episode 15

'အကြော် စားပြီးရင် ကန်ဘောင်ပတ်ဦးမယ်ဆို'

'အခုတောင် နည်းနည်းမှောင်ချင်နေတာ'

'အိမ်ဘဲ တန်းပြန်ရအောင်လား အမတို့ရယ်'

'အမယ်လေး သိမ့်ရယ်၊ တစ်ခါတစ်လေလေးထွက်ရတာကို နောက်ထပ်တစ်နေရာတော့ သွားမယ်လေ'

အမတွေ သွားမယ့်နေရာကို သိနေတယ်လေ။ မလိုက်ချင်ဘူးလို့ ငြင်းချင်ပေမဲ့ အားနာနေတဲ့စိတ်ကို ဖျောက်မရပြန်ဘူး။ ငြင်းဖြစ်ရင်တောင် ဇွတ်ခေါ်ကြဦးမယ်မလား။

'ဒါနဲ့ သိမ့် ချစ်သူ ရှိနေပြီဆို'

အချဉ်ရည်ပန်းကန်ထဲကို ဘူးသီးကြော်တို့လက်စလက်ကို ရပ်တန့်သွားစေတဲ့စကား။

ချက်ချင်းပြန်မဖြေသေးဘဲ လက်ထဲက အကြော်ကို ကုန်အောင်စားပြီးမှ

'ဟုတ်တယ် အမဆောင်း''နောက်ကျရင် မိတ်ဆက်ပေးမယ်နော်။ အမမှူးနဲ့တော့ ဟိုနေ့က တွေ့မိလိုက်တယ်လေ'

'သူ့မာမီက အချောတော့။ ပြီးတော့ ပိုင်ဆိုးပိုင်နင်းလုပ်မယ့် ပုံစံကြီး'

'သိမ့် ထွက်လာခါနီး နှုတ်ဆက်တဲ့တစ်ယောက်ပေါ့ အဲဆို'
သိမ့် ကို အိမ်ကထွက်လာတုန်းက မေးခဲ့ပေမဲ့
စနေတယ်လို့ ထင်လို့ ထပ်မေးကြည့်မိတာ။ သေချာနေတာဘဲ။

'ဟုတ်တယ် အမဝတီ။ အမဝတီကို မပြောဖြစ်သေးတာ'

'သိမ့်လို လူမျိုးနဲ့ ရည်းစားတော်နိုင်တဲ့သူကို မြင်ဖူးချင်လိုက်တာ။ ပြောတော့ ချစ်မိရင်တောင် ဖွင့်မပြောပါဘူးဆို'

'တစ်ခါလောက်ပေါ့။ တစ်ခါလောက်ဖြစ်ဖြစ် ညီမနှလုံးသားကို ဖွင့်ကြည့်ချင်တယ် အမဆောင်း။ အစတုန်းက ညီမ ငြင်းဖို့ကြိုးစားခဲ့တယ်။ ဒါပေမဲ့လေ ညီမ ချစ်မိသွားတယ်။ ကိုယ်ချစ်ရတဲ့သူတစ်ယောက်ကို ကိုယ့်ကိုချစ်တဲ့သူတစ်ယောက်ကို မျက်ရည်မကျစေချင်ဘူး။ ကိုယ့်ကြောင့် မပင်ပန်းစေချင်ဘူး အမဆောင်း'

'အင်း ဒီလိုဆုံးဖြတ်တာကောင်းပါတယ် သိမ့်ရယ်။ သူများကိုတော့ သွားမကစားနဲ့နော်'

'အမဆောင်းရယ် ညီမက သံယောဇဉ်တွယ်မိသွားရင် လွယ်လွယ်နဲ့ မဖြတ်တတ်သလို ဆုပ်ကိုင်မိသွားရင် ညီမဘက်က လွှတ်ချဖို့ခက်တယ်။ သူ့ကိုသာ သူ့ကိုပျော်စေချင်လို့ စိတ်ချမ်းသာစေချင်လို့သာ လွှတ်ပေးလိုက်နိုင်ပေမဲ့ ညီမနှလုံးသားနဲ့အတွေးထဲမှာတော့ သူရှိနေဦးမှာပေါ့'