Tint's Daisy

Episode 19

ဘေဘီလေးနဲ့ စကားပြောကာ အရွှန်းဖောက်နေပေမဲ့ တစ်ချက်တစ်ချက် စိတ်က ခင်မျိုးနွယ်ရဲ့စကားတွေဆီ ရောက်ရောက်သွားသည်။

'သမီး ပြန်တော့မယ်နော် မာမီ'
'၉ နာရီထိုးပြီးရင် အမေ့ဆီဖုန်းဆက်ရမှာမလို့လေ'

'အင်းပါ မနက်ကျ သင်တန်းသွားရဦးမယ်လား
မာမီ လိုက်ပို့မယ်နော်'

'မာမီ အားလို့လား။ အန်တီနွယ့်ကိုရော'

'ရပါတယ် အားပါတယ် ဘေဘီလေးရဲ့'

'ပြီးတာပါဘဲ နောက်အပတ်ပြီးရင်တော့ ပြီးပြီလေ'

'ဟင်'
မာမီတစ်ယောက် စိုးရိမ်သွားတဲ့ မျက်ဝန်းနဲ့ ထွက်ကျလာတဲ့ အသံပါ။

'ဘာလို့လဲဟင်'

'အဲဆို ဘေဘီလေးက ရန်ကုန်ကနေပြန်တော့မှာလား'

ပြန်တော့ဖို့ ထရင်း စကားပြောနေတဲ့ သိမ့်ကို သူ့ဘေးနားကို ဆွဲထိုင်ခိုင်းကာ မေးပါတော့သည်

'မပြန်ပါဘူး ဒီမှာဘဲ ဆက်နေရမလားလို့လေ'

တော်ပါသေးတယ်။ မဟုတ်ရင် ဒေါ်တင့်တစ်ယောက် ချာချာလည်နေဦးမည်။ ဒါပေမဲ့ နောက်ကဆက်ပြောလာတဲ့ စကားဆက်ကြောင့်

'ဒါပေမဲ့...'

'ဒါပေမဲ့ ဘာဖြစ်လဲ'

'အိမ်တော့ ခဏပြန်ရဦးမယ် သီတင်းကျွတ်နီးပြီလေ'

ဟုတ်သားဘဲ။

'အင်းပါ ပြန်တော့လာမှာဘဲမလား'

'ဒါပေါ့ အပြန်ကျရင် အမေပါလာမှာလေ မိတ်ဆက်ပေးမယ်'

ဟင် အဲလိုသဘောမျိုးနဲ့ပြောလိုက်တာတော့မဟုတ်ပါ။
ဒါပေမဲ့ မိတ်ဆက်ပေးမယ်ပြောတော့ အတော်လေး သဘောကျသွားပါသည်။

မသေချာမရေရာတဲ့ ဆက်ဆံရေးတွေဆို ဘယ်သူ့ကိုမှ အသိမပေးတတ်တာများတယ်မလား။
အခုက အမေနဲ့ပါ မိတ်ဆက်ပေးမယ်ဆိုတော့ သေသေချာချာ ရွေးချယ်ပြီးသွားပြီနေမှာပါ။ ဘေဘီလေးကို ချစ်ခဲ့မိတာက တကယ်ကို ကံကောင်းခဲ့တာပါဘဲ။

'ဘာတွေအဲလောက်တွေးနေရတာတုန်း မာမီ
သမီး ပြန်တော့မယ်နော်'

'ခဏ'

စကားသံအဆုံးမှာ သိမ့်ပါးပြင်းပေါ် ကျရောက်လာတဲ့ နူးနူးညံ့ညံ့အနမ်းလေး။