Thirteen Pets

Chapter 22: Wound

Kuro's POV

Tatayo na sana ako at kinakapa si Knox sa likuran ko nang bigla naman ako nakarinig ng ingay na nagmumula sa iba pang mga studyante. Nang lumingon ako, nahuli ko nang nadatnan na nakahiga na si Knox at walang malay.

Mabilis akong tumungo sa kaniya, "Knox! Knox!" malakas na sigaw ko, "Tangina, Knox. Siraulo ka ba?!"

Kaya's POV

Mabilis ang pangyayari, ni hindi ko maigalaw ang dalawang paa ko nang mapagtanto kong ang studyanteng sumugod—ay walang iba kun'di ang kaibigan namin, si Knox.

Bumalik ako sa sarili ko nang mapansin kong mabilis na tumakbo si Fudge patungo roon, pati na rin ang iba ko pang mga kaibigan.

Binitawan ko ang dala dala ko at mabilis na sumunod. Hingal na hingal akong napahinto, nakatayo at matagal na nakatitig kay Knox, na ngayon ay karga karga na ni Seht.

"He'll be fine." ani ng pamilyar na boses, "He's a cool guy, I could never do that."

Pasulpot sulpot talaga 'to kahit kailan.

"You know wiping your tears won't hide that swollen eyes, right?"

"H-ha? E hindi naman ako naiyak." pagsisinungaling ko at pasimpleng tumalikod sa kaniya. Bwisit na mata kasi 'to, ang bilis mamaga.

"Let's go." tugon nito at hinawakan ang kamay ko, "Saan tayo pupunta?" nalilito ko namang tanong,

"Your arm is bleeding." sagot niya, nang makita ko ang kaliwang braso ko na nagdudugo nga talaga.

Pa-fall ka, Archilles.

Fudgee's POV

Mabilis akong tumakbo upang malaman ang nangyari. Nalito naman ako nang masilip at marinig kong pinagmumura na ni Kuro ang walang malay na studyante.

Sumiksik ako sa mga studyanteng pumapalibot sa kanila, mabilis naman akong napatigil at napaluhod nang malaman kong si Knox pala ang kanina pang nakahiga sa paanan ni Kuro.

Napayuko na lamang ako at hinawakan si Kuro sa likod.

"Kilala niyo naman 'yan si Knox, malakas 'yan." kinarga ni Seht ang walang malay na katawan ni Knox.

"Students, stop gossiping and go back to your dormitories now." malakas na sigaw at pahiwatig ni Ms. Alove.

Nagsitabihan naman kaming lahat ng maraming mga pulis ang dumating at hinuli ang dalawang lalaki.

Salamat kay Knox, walang nasaktan kahit isa sa mga studyante. Huli ko namang napansin na wala na si Kuro sa tabi ko,

"Tangina."

Leary's POV

Tahimik kaming nakaupo ngayon sa labas, habang si Knox ay nakahiga at wala pa ring malay sa loob ng patient room.

"Nasaan si Kuro at si Kaya?" pag tigil ko sa kanina pang katahimikan na pumapalibot sa amin ngayon. Pansin ko rin na wala si Kuro at si Kaya, kaya siguro walang maingay.

"Hindi ba nasa tabi mo lang kanina si Kuro, Fudge?" nakakunot noong tanong ni Seht habang nakatingin kay Fudge na nasa magkabilaang upuan.

"Bigla na lang siyang nawala, hinanap ko naman ngunit hindi ko pa rin mahanap." paliwanag ni Fudge.

"Si Kaya? Wala bang nakakita sa kaniya?"

"Nakita ko si Archilles kasama siya kanina, pero hanggang do'n lang. Sa sobrang dami ng studyante kanina, 'di ko na namalayan sa'n sila nagpunta." sinagot naman ako ni Fitz.