Bumped Into An Arrogant Gangster [ Book 1 ]

Chapter 9 ¤ Hero of the Night ¤

Trixcy's POV

"De Guzman, girlfriend mo ba 'to?" Saka ako inakbayan ng lalaki. Tae alam niya bang wala pang umaakbay sa akin na lalake?! Binali ko ang hintuturo niya para maalis ang braso niya sa pag-akbay sa akin. Buong pwersa ko iyong binali para talaga mawalan siya ng daliri, sa kasamaang palad ay mas malakas ang unggoy na'to kaysa sa akin kaya nasapak niya ako sa mukha dahilan na mapadapa ako sa kalsada. Tae ang sakit!

"Waahhh mommy!" Naiiyak kong sigaw. Kita ko naman ang paglapit sa akin ni Jiro at tinanong ako ulit.

"Masakit ba?" Sarap niya kutusan.

"Hindi, iiyak ba ako kung hindi masakit ha? Tipaklong ka tinatanong pa ba 'yon!?" Saka ko siya tinulak. "Stupid."

"Bakit ba nagagalit ka?" Inis niyang sabi.

"Eh ang engot mo magtanong eh! Ikaw kaya magpasapak sa kanila tapos tatanongin kita kung masakit ba? Ano–" Magsasalita pa sana ako nang umepal 'yong mga panget.

"Jiro, mukhang ayaw na ng syota mo sa sa'yo." Nakangising sabi ng isang panget. Mabilis naman ako na nagtago sa likoran ni Jiro habang nakahawak ang magkabilang kamay ko sa balikat niya.

"The hell are you doing?" Hindi ko makita pero alam kong nakakunot na naman ang noo nito.

"Ano ba sa tingin mo ha? Malamang nagtatago. Ang engot mo talaga magtanong pang-ilan na ngang tanong 'yan?" Saka ko siya tinaasan ng kilay.

"I don't know, I'm not counting it." Anak ng tilapya!

"Miss sa amin ka nalang, pasasayahin ka namin." Nagtawanan naman silang tatlo. Mommy nakakatakot sila.

"Nasaan na nga ba ang boss niyo at nagtatyaga na lang kayo dito sa kalye ng mapagtripan?" Hindi ko alam kung anong klaseng ugali meron ang shokoy na'to pero nakakatakot ang tono ng pananalita niya. Kanina ko pa rin nahahalata na parang magkakilala na sila.

"Pfft... Si Troy? Hahaha! Namiss mo ba siya?" Matapos sabihin ng onggoy 'yon ay nakita ko ang pagsara ng kamao ni Jiro kaya dahan-dahan akong napalayo sa kanya, galit na kasi yata eh. I think he's about to punch the ugly faces of those jerks. "Wag kang mag-aalala, mukhang magkikita na naman kayo ulit ng bestfrenemy mo." Saka sila nagtawanang lahat.

Kinagulat ko nalang nang tumakbo niya papalapit sa mga panget na 'yun at pinagsusuntok. Hindi lang natapos doon nang lumaban pa ang mga panget na unggoy ay sinipa niya ito sa leeg pagkatapos ay pinagsusuntok niya ito sa mukha. Umatake naman ang isang panget, hindi iyon napansin ni Jiro kaya nasuntok siya nito sa mukha. Napaatras siya at bahagyang napahinto saka pinahid ang gilid ng bibig niya gamit ang kanyang daliri. Tinanggal niya ang tatlong butones ng polo niya saka pinilo pataas ang sleeves nito at sumugod sa dalawang unggoy na papaatake din sa kanya. Sinipa niya ang isa sa tiyan at siniko naman ang isa pa sa batok nito, natatamaan rin siya ng suntok pero hindi 'yon sapat na manghina siya, buong lakas at pwersa niya itong nilabanan. Wow! Ang lakas niya naman nagpapractice ba siya ng martial arts? Matapos niyang mapatumba ang tatlo na nahihirapan na itong makatayo ay naglakad siya papalapit sa akin. Sa paglapit niya sa akin ay nakatingin lang siya mga mata ko at ganon din ako, napalunok ako ng sariling laway nang makita ang tumutulong pawis mula sa buhok niya pababa sa kanyang mukha.

"What's with that look?" Kunot noo niyang tanong. I composed myself and cleared my throat upon answering him.

"You knocked them down." I smiled.

"Psh! Next time 'wag kana maglakad mag-isa, delikado swerte ka lang ngayon kasi nagkataong dumaan ako dito. Tsk!" Pangaral niya at kinagulat ko nang hinawakan niya bigla ang kamay ko. Naglakad na siya–este kaming dalawa pala dahil hawak niya kamay ko malamang susunod nalang ako.