ခြံဝန်းကျယ်ကြီးထဲတွင် glass tent ပေါင်းမိုးအကြီးကြီး တည်ဆောက်ထားပြီး နှင်းဆီဖြူ ၊ သစ်ခွ ၊ ကျူးလစ်ပန်းပေါင်းများစွာကို ပေါင်းမိုးမှ ဖြာကျနေသယောင် အလှဆင်ထားသည်။
မွေးနေ့ပါတီပွဲကျင်းပရာ ခြံဝန်းထဲတွင် ရှန်ပိန် table ၊ dessert corner များအားများသောအားဖြင့်ခပ်စိတ်စိတ် တွေ့နိုင်သည်။
အမျိုးသမီးအများစုက အဖိုးတန်လက်ဝတ်ရတနာများဖြင့် ပိုးသားပွဲတက်ဝတ်စုံကို သူ့ထက်ငါအပြိုင်ရှိနေပြီး အမျိုးသားများကလည်း Luxury vibe အပြည့်မှီအောင် ဝတ်ဆင်ထားသည်..။
အများစုက bussiness talk ကိုသာ အမူအရာပါပါဖြင့် ဆွေးနွေးကာရှိနေကြပြီး ပါတီပွဲ၏ အဓိကလူဖြစ်သည့် လီဒယ်ဟန် ကဖြင့် အထင်ပေါ်ဆုံးဖြစ်နေသည်။
ပါတီပွဲကို High class လုပ်ငန်းရှင်ကြီးများ ၊ သတင်းထောက်အချို့ ၊ နိုင်ငံရေးသမား တစ်ချို့ကိုတောင်ဖိတ်ကြားထား၍ သာမန်ပေါ့ပေါ့ပါးပါးမွေးနေ့ပွဲမှာတောင် လီဒယ်ဟန် ရဲ့ အရှိန်အဝါကမသေးလှ၍ တက်ရောက်သူဧည့်ပရိတ်သတ်များက အချင်းချင်း တီးတိုးပြောကာချီးမွမ်းခန်းဖွင့်နေကြသည်။
များမကြာမီ ဂျယ်ယွန်း ရဲ့လက်ကို ကနွဲ့ကလျဟန်ဖြင့်ချိတ်လျက် Ms.ယွန်းမီလည်း ဧည့်ပရိသတ်အလည်ထဲသို့ ဝင်ရောက်လာလေသည်။ လူစုကြီးက Ms.ယွန်းမီရဲ့ ဘေးနားတွင် ရှိနေသည့်ဂျယ်ယွန်းကို ပိုမိုအာရုံစိုက်မိကာ မျက်စိကျနေကြသည်။
အနက်ရောင် suit အပြည့်ကို သေသပ်ကျနစွာ ဝတ်ဆင်ထားသည့် ဂျယ်ယွန်း ရဲ့နဖူးဝင်းဝင်းပေါ်သို့ လှိုင်းတွန့်ကဲ့သို့ ခွေလိိပ်နေသည့် ဆံပင်နက်ပြေပြေလေးများဖြင့် ပေါင်းစပ်လိုက်လျှင် စမတ်ကျကျဖြင့် ဆွဲဆောင်မှုပြင်းသည့် လူရွယ် အသွင်ရှိစေသည်။
ခပ်ဝိုင်းဝိုင်းရှိနေသည့်မျက်ဝန်းနက်များနှင့်အတူ နူးညံ့စိုပြေသည့်အသားအရေကြောင့်လည်း တစ်ဖက်မှာလည်း ချစ်စရာအမျိုးသားငယ် အသွင်ဆွဲဆောင်မှုတစ်မျိုးကို ထပ်တိုးပေးနေပုံပေါက်ရပြန်လို့ အမျိုးသမီး များကို အသက်အရွယ်မရွေး နူးနပ်ထားစေနိုင်သည်။
ဂျယ်ယွန်း မှာ လုပ်ငန်းရှင်များက ကိုယ်နှင့် မျက်မှန်းတန်းနေမိ၍သာ အလိုက်အထိုက်စကားပြောပေးနေရပေမဲ့ ခုချိန်ထိ အရိပ်အယောင်မှမတွေ့သေးလို့ စိတ်ထဲထင့်နေမိ သည်။
လီဒယ်ဟန်ဆီက ခွင့်ပြုချက်ရသည်နှင့် ဂျယ်ယွန်း အလျင်စလိုဟန်ဖြင့် စံအိမ်ကြီးဆီသို့ ထွက်လာလိုက်သည်။ ပါတီပွဲ၏ အစပိုင်း ရှန်ပိန် corner ဘေးနားတွင် ဂျယ်ယွန်း ကိုကျောခိုင်းလှည့်ထားသည့်လူက မျက်နှာချင်းဆိုင်လာခဲ့သည်။
ဟီဆွန်းက ထိပ်တန်းအနက်ရောင် fabric suit ဖြင့် ရှန်ပိန် glass ကို တစ်လက်ထဲကိုင်ထားပြီး တည်ငြိမ်စွာရပ်နေသည်။ အချိုးအစားကျနလွန်းသည့် Jaw line တွေက မီးအလင်းရောင်ဟပ်မှုကြားမှာ ထင်ထင်ရှားရှားရှိစေသည်။
အမျိုးအမည်မသိရသည့် အေးတိအေးစက် aura တစ်ခု ကြောင့် လူရည်မွန်သည့်လူရွယ်ပုံစံရှိနေပေမဲ့ လူအများစုက ချဥ်းကပ်ရခက်မှန်းအလိုလိုသဘောပေါက်စေသည်။
စက္ကန့်အနည်းငယ်သာဆိုပေမဲ့ လူအစုအဝေးထဲက spotlight တစ်ခုလိုမျိုး အနက်ရောင် suit အပြည့်ဖြင့် ဟီဆွန်း ရဲ့ကိုယ်ဟန်သွင်ပြင်က ဂျယ်ယွန်း ကိုအကြည့်မလွှဲနိုင်အောင် ထိထိမိမိရှိနေခဲ့သည်။
နီညိုရောင်ဆံနွယ်အောက်မှ နှုတ်ခမ်းပါးတွေက ခပ်တင်းတင်း ရှိနေသည့်က ပိုမိုဆွဲဆောင်နိုင်ပြီး မျက်စိကျိန်း လောက်အောင် တောက်ပလွန်းသည့် aura..
ဟီဆွန်း က ရှန်ပိန် ခွက်ကို ငြိမ်ငြိမ်လှုပ်နေကာ တိမ်းညွှတ်လောက်သည့် အပြုံးသေးသေးထုတ်လိုက်ချိန်မှာတော့ ဂျယ်ယွန်း ရဲ့နှလုံးခုန်သံက တဒိတ်ဒိတ်ဖြင့်တိုးလာတာကို မသင့်လျော်မှန်းသိနေရက်သားနဲ့ မထိန်းချုပ်နိုင်ခဲ့ဘူး ။
...ဘာလို့ ဒီလောက် တောက်ပနေတာလဲ..အာ့ဒီနေရာမှာမဟုတ်ဘဲ ငါ့ဘေးနားမှာသာဆိုရင်...
ဂျယ်ယွန်းခေါင်းကိုခါယမ်းပစ်လိုက်ကာ အသိစိတ်ကပ်စေလိုက်တယ် ။ တကယ်က တစ်ဖက်သတ်ဆန်လွန်းတဲ့ ခံစားချက်သက်သက်ဘဲမို့ အဓိပ္ပါယ်ရှိမနေဘူး။ ဒါပေမဲ့ လည်း သူ အာ့ဒီစိတ်ပျက်ဖို့ကောင်းတဲ့ခံစားချက်ကို ရူးရူးမိုက်မိုက် ဖက်တွယ်မိဆဲဘဲ ။ ခဏလေးလက်လွတ်မိရင်တောင်အပြစ်ရှိသလိုခံစားရတဲ့အထိပေါ့..
"ကိုကို နားမလည်သေးဘူး ။ ကျွန်တော့်အတွက် ကိုကိုက ဘယ်လောက် အရေးကြီးသလဲ.."
"ဟီဆွန်း...ဒီမိန်းကလေးက အဖေတို့ အကျိုးတူပူးပေါင်းထားတဲ့ ကုမ္ပဏီရဲ့ သမီးလေး Yoo Mina..မင်းရဲ့ အနာဂတ်အတွက် ကလေးမကို ကောင်းကောင်း ဆက်ဆံဖို့ မျှော်လင့်နေမယ်.."
ငြင်သာသည့်အပြုံးတစ်ခုဖြင့် လီဒယ်ဟန်ရဲ့ အေးခဲလွန်းသည့်အကြည့်အောက်မှ ဖော်ပြလို့မရတဲ့ဖိအားတစ်ခုက ဟီဆွန်းကို သတိပေးခေါင်းလောင်းသံအဖြစ် အဆက်မပြတ် ဖြစ်လာစေတယ် ။
"တွေ့ရတာဝမ်းသာပါတယ်..အဖေ့ဆီကနေပြီး ဟီဆွန်း ရှီး အကြောင်းတွေအများကြီးကြားထားပါတယ်.."
သူ့ရဲ့လက်မောင်းကိုတွယ်ချိတ်လာတဲ့ ပိုင်ရှင်ကမိန်းကလေးတစ်ယောက်ဖြစ်နေလို့ အခါတိုင်းလို အကြမ်းနည်းသုံးလို့မရပြန်ဘူး..
"ကိုယ်လည်း မင်းနဲ့ဆုံရတာ ပြောမပြတတ်အောင်ဘဲ ။ Mina-shii ကကိုယ် ထင်ထားတာထက် အများကြီးလှတယ်.."
ဟီဆွန်း သူ့နှုတ်ခမ်းကို ကိုက်ဖြတ်ချင်လောက်အောင်ထိ ရွံရှာနေပေမဲ့ ဒီလိုစကားမျိုးကို မင်သေသေဖြင့် ပြောနိုင်တဲ့ကိုယ့်ကိုကိုယ်လည်း အံ့သြမိသေးတယ် ။
"အို..မဟုတ်တာနော်..။ Mina မနေတတ်တော့ဘူး.."
သူ့ရင်ဘတ်ကို ခပ်ဖွဖွ ထိလာတဲ့ Mina ရဲ့အပြုအမူက ရဲတင်းလွန်းလှတယ် ။ သူတို့က ယခုမှဘဲစပြီးမိတ်ဆက်ရုံအဆင့်ဘဲကိုက အရမ်းလွယ်လွန်းမနေဘူးလား..
"ကိုကို က Mina နဲ့ရှိနေတာလား ။ အချိန်ကောင်းလေးတွေ ပိုင်ဆိုင်ထားပုံရတယ်နော်.."
ရင်းနှီးနေတဲ့အသံတစ်ခုဆီမှာ မကြားချင်အောင် ခပ်လှောင်လှောင်အသံက ရောစွက်နေတယ် ။ မျက်လုံးချင်းဆိုင်မိသည့်အခါမှာလည်း သူ့ရဲ့ မအီမသာဖြစ်နေသည့်ပုံစံကို အပေါ်ဆီးမှ မိုးကြည့်နေတဲ့ ပုံရိပ်အနေဖြင့်..
"အားဟ..သိပ်ရှိတာပေါ့ ဂျယ်ယွန်း... ။ မသိရင် ကိုယ်တို့နှစ်ယောက်ရဲ့ဆုံတွေ့မှုက ဘုရားသခင် ကောင်းချီးပေးခံရတဲ့အတိုင်းဘဲ.."
"ခစ်ခစ်..ကိုကို ကတော့..မြှောက်လွန်းနေပါပြီနော်.."
သူ့ဘက်ဆီယိမ်းလာတဲ့ Mina ကိုသူကလည်း အလွတ်မပေးတော့ဘဲအလိုက်သင့် ပွေ့ပိုက်ထားလိုက်တဲ့အခါ ယုံကြည်ချက်တွေ ပျက်ယွင်းသွားတဲ့အထိအနည်ထိုင်သွားတဲ့ သူ့ရဲ့မျက်ဝန်းတွေကို ကိုယ်ကမလွတ်တမ်းစောင့်ကြည့်နေရုံပါဘဲ..
ကိုယ်နဲ့ပတ်သက်လာရင် သူက သိပ်ပြီး ထိထိခိုက်ခိုက် ဖြစ်လွယ်တာ ကိုယ်သိနှင့်ပြီးသားလေ..
"အစ်ကို.."
ပိုပြီး လူကြီးတစ်ယောက်လို အသံကအစ ခပ်သြသြဖြင့် ၊ ဆေးဆိုးထားတဲ့ ဆံပင်ရှည်တွေဝဲလျက်ရှိသည့် Long coat အနက်ဖြင့် ပိုမိုရင့်ကျက်တဲ့လူအဖြစ် ကြီးပြင်းလာမှုကို သူက တကယ်တမ်း ပီတိအပြုံးဝေဝေဆာဆာ ဖြင့် စိတ်လွတ်ကိုယ်လွတ် ကြိုဆိုပေးခဲ့ရမှာ..
"ကျွန်တော့် ကောင်မလေးနဲ့ မိတ်ဆက်ပေးချင်လို့.."
"မင်းကို ဘာတွေက လုပ်သင့်တယ် ။ ဘယ်အရာကဖြင့် သွားတောင်မထိသင့်ဘူး ဆိုတာ ကောင်းကောင်း နားလည်နေမယ်လို့ ထင်ခဲ့တာ "
လူရှင်းနေသည့်ခေါင်မိုးအလွတ်တစ်ခုအောက်မှာ ဒီကလေးရဲ့ အကြည့်တွေကအစ စိမ်းသက်လွန်းနေတယ်..
"ကျွန်တော့်ကို ပွင့်ပွင့်လင်းလင်း ပြောပေးစေချင်တယ် "
"အိပ်ချင်ယောင်ဆောင်တဲ့လူက အနှိုးရအခက်ဆုံးဆိုတာ မင်းကို ကြည့်ပြီး နားလည်လာသလိုတော့ရှိသား.."
"မဟုတ်ဘူး ။ ကောင်မလေး ခေါ်နေလို့ အစ်ကို မြန်မြန်လေး.."
"သွားလေ..."
ခပ်မိုက်မိုက် ဒေါင် ကောင်းကောင်း လို့ထင်ရတဲ့ နိခိ က သူ့အရှေ့မှာ လက်ကလေးယှက်လျက် ရှိနေတဲ့အသွင်သို့ တမဟုတ်ချင်းပြောင်းလဲသွားတယ်..
"တကယ် သွားရမှာလား.."
"သွားတော့.."
သူ့ကို တစ်ချက်လှမ်းကြည့်ကာ မပြေးရုံတမယ် ခြေလှမ်းဖြင့် စတင်ပြေးကြည့်ဖို့ ကြံရွယ်နေတယ် ။
"သူ..ငိုနေခဲ့တယ်..နိခိ.."
အနည်းငယ်အနှေးပြကွက်အဖြစ် ခြေလှမ်းကို ဟီဆွန်း စိုက်ခနဲ ကြည့်လိုက်ကာ ပိုပြီးရပ်တန့်သွားစေခဲ့တယ် ။
"နေ့တိုင်းနီးပါးလိုဘဲ..။ မင်း အခုပြန်သွားရင် အချိန်မှီလောက်သေးတယ်.."
"ဆောင်းဟွန်း ဟျောင်း..!!!!
"ဘေဘီ က.."
"ဆောင်းဟွန်း ဟျောင်းရှိနေတာဘဲ ။ အစ်ကိုဆော ကိုနှစ်သိမ့်ပေးနိုင်တာ ဆောင်းဟွန်း ဟျောင်းအပြင် ထပ်မရှိနိုင်ဘူး..အစ်ကို ။ ကျွန်တော် စိတ်ချ လက်ချထားခဲ့နိုင်တာ.."
"မင်း..မမြင်နိုင်တော့ဘူးလား ။ မင်းတစ်ယောက်ထည်းအတွက်ဘဲဆိုတာရော ထည့်မတွက်တော့ဘူးလား "
ကိုယ်မသိလိုက်ခင်မှာဘဲ ပခုံးကို ခပ်ကြမ်းကြမ်း လှုပ်ခါမိသည့်အထိ စိတ်တွေအားမလိုအားမရဖြစ်နေခဲ့ရသည်။ နိခိက ရုန်းလည်းမရုန်း ၊ ပြန်လည်မတုံ့ပြန်ဘဲခေါင်းငိုက်စိုက်လျက်ရှိနေခဲ့သည် ။
အာ့သည့်အပြုအမူက..ကိုယ့်ကိုကိုယ် နှိပ်စက်နေတာဘဲ..ဒီကလေးနှယ်...
"ငယ်ငယ်လေးထဲက ရှိနေခဲ့တာဘဲ..။ ဒီသံယောဇဥ်ကို ကိုယ်လိုသလို ပြောင်းလဲလို့မရနိုင်မှန်း မင်းနားလည်သင့်နေပြီ.."
"ကျွန်တော်က..ကျွန်တော် က မျက်ရည်ကျအောင် လုပ်ခဲ့တဲ့ တရားခံသာဆို ၊ အစ်ကိုဆောကို ဝမ်းနည်းစေခဲ့တဲ့ လူသာဆိုရင် အဓိပ္ပါယ်က ဒီအတိုင်းလေးဘဲ သူ့နေရာနဲ့သူ ရှိသင့်တာက အကောင်းဆုံးဘဲ မဟုတ်လား.."
"နိခိ..ခုရပ်.."
တစ်ဟုန်ထိုးပြေးထွက်ချင်တဲ့ ကောင်ကလေးက အမှန်တရားကနေပြီး ဘဝတစ်သက်တာလုံး ရှောင်ထွက်နိုင်ပါတယ်လို့ ကြွေးကြော်ထားပုံရပါတယ်..။
"အရမ်းအားကျတာဘဲနော် ။ ညီအစ်ကိုတွေ ချစ်ချစ်ခင်ခင် ရှိနေတာကိုမြင်ရင်.."
သူ့အားမျက်နှာသေဖြင့် ကြည့်လာကြတာဖြစ်လို့ လန့်သွားသလိုမျိုး လက်ကို နှုတ်ခမ်းနားကပ်ကာ..
"ကြည့်ရတာ..ဂျယ်ယွန်း နှောင့်ယှက်မိသွားပြီထင်တယ်.."
ဂျယ်ယွန်းဆီအာရုံရောက်နေသည့် ဟီဆွန်း ဆီမှ နိခိ အသာလေးထွက်လာနိုင်ခဲ့သည် ။ ဂျယ်ယွန်း ရှိနေသည့်တိုင်အောင် စကားတစ်ခွန်းမှ မဟသည့် နိခိက ဂျယ်ယွန်း ကိုမတွေ့မမြင်သလိုမျိုး..
