မာမီ ဘာစိတ်ကူးပေါက်သည်မသိ ။ နောက်ဆုံးအကြိမ် စစ်ဆေးမည့် လပတ်စာမေးပွဲတွင် တစ် ကနေပြီး တစ်ဆယ် အတွင်းဝင်နိုင်ပါက သူ့တို့နှစ်ယောက်ရဲ့ဆက်ဆံရေးကို ဆက်လက်ခွင့်ပြုပေးမည် ။
အကယ်လို့ ဟီဆွန်းဘက်က လွဲချော်သွားခဲ့လျှင် ရလဒ်ကပြောင်းပြန်ဖြစ်သည်။
မာမီ ရဲ့စိန်ခေါ်မှုက ပုံမှန်စာကြိုးစားသည့် အဆင်ပြေနိုင်ပေမဲ့ ဟီဆွန်း အတွက်ကျ ခက်ခဲသည်ထက်ပိုလွန်းသည်လို့ သတ်မှတ်ရတော့မည်။
"မာမီ့ကို နောက်တစ်ခုဘဲ ပြောင်းပေးဖို့ပြောကြည့်ရမလား ။ ဘယ်လိုဖြစ်စေချင်လဲ "
"ကိုယ်က အန်တီ့ကို ကျေးဇူးတင်နေမိတာ "
ထင်ထားတာထက် စိတ်အခြေအနေကောင်းနေပုံရသည့် ဟီဆွန်း က ခြေထောက်ကို ပြောင်းချိတ်ကာ ထိုင်လိုက်သေးသည်။
"ပြောင်,ချော်ချော်လုပ်နေ သိလား ။ မာမီကို နောက်လို့ရမယ် များ ထင်နေလား "
"ကိုယ်အတည်ပြောနေတာ ဟွန်း ရဲ့ ။ Top 10 မဟုတ်ဘဲ Top 1 သာဆိုရင် ကိုယ်လုပ်နိုင်မယ်မထင်ဘူး "
"ချက်ချင်းကြီး ဘာဖြစ်ပြန်ပြီလဲ "
"မင်းလေးက ကိုယ့်ကို အနိုင်ယူတာမျိုးဘဲ လိုချင်တာ ကလေး ရဲ့ ။ မင်းကို ကျော်ပြီးမှရမဲ့ အောင်မြင်မှုမျိုးကိုတော့ ကိုယ်လုံးဝငြင်းလိုက်မှာ "
ဆောင်းဟွန်း ရဲ့ မေးဖျားလေးကို ချစ်စနိုးအမူအရာဖြင့် ဟီဆွန်းက ဖွဖွလေး ဆွဲလှုပ်ကိုင် လိုက်သည် ။
"လက်ကို ငြိမ်ငြိမ်ထားပါလို့ ဘယ်နှစ်ခါပြောရဦးမှာလဲ "
ဆောင်းဟွန်း မနေတတ်စွာ ပြောမိပေမဲ့ ဟီဆွန်း မရိပ်မိအောင် အပေါ်နှုတ်ခမ်းကို အလုပ်ပေးလိုက်မိသည်။
"ဟီဆွန်း "
"အွန်း "
ဆောင်းဟွန်း နှုတ်ခမ်းတွေ တလှုပ်,လှုပ်ဖြင့် တုံ့ဆိုင်းနေရင်းမှ ခပ်တိုးတိုးပြောလာခဲ့သည် ။
"ချစ်..တယ် "
မမျှော်လင့် ထားဟန်ဖြင့် ဟီဆွန်း ကအံ့သြသွားဟန်ဖြင့် ကြည့်နေရင်းမှ နောက် တော့ အသာအယာ ပြုံးလာသည်။
