ယနေ့အတွက် အလင်းရောင် ဖြန့်ကြည်ပေးလာသည့်တိမ်စိုင်များက ကြည်ပြာရောင် သမ်းနေ၍ ရာသီဥတု အခြေအနေသာယာ သည်လို့ ဆိုရပေမည်။
အတန်းနံပါတ် ကျောင်းသားစာရင်းကို ကပ်ထားသည့် board ကို ဖောက်ထွက်လုမတတ် ကြည့်နေသည့် ဖြူစွတ်စွတ် အရောင်အသွေးရှိသူ ကျောင်းသားအတွက်တော့ မုန်တိုင်းမလာခင်လေပြေလာသည်နှင့်သာ ခပ်ဆင်ဆင်တူတော့၏
Roll no.1 တစ်နည်းအားဖြင့် သူ သေချာပေါက်ပိုင်ဆိုင်ရကိုရမည့်နေရာတွင်ရှိနေသည့် ကျောင်းသားနာမည်ကို စက်စုပ်မုန်းတီးစွာကြည့်နေမိရင်း မခံမရပ်နိုင် စွာမေးမြန်းလိုက်၏
"လီ..ဟီ...ဆွန်း...!!!!!!
"ကျွန်တော့်ကို ခေါ်လိုက်တာလား "
ချိုသာစွာဖြင့်ပြောလာသည့် ခပ်နိမ့်နိမ့်အသံက သူ၏ ဇောချွေးများပြန်နေသည့်နောက်ကျောဘက်မှ ပျံ့လွှင့်လို့လာခဲ့သည်။ မရည်ရွယ် ပါဘဲစူးစမ်းမိသည့်အခိုက်တွင် မျက်မှန်တပ်ဆင်ထားခြင်းမရှိသည့် လုံးဝိုင်းသည့်မျက်ဝန်းတစ်စုံကို စတင်သတိပြုမိလျက်သား..
လီဟီဆွန်း ဆိုသူရဲ့အရပ်အမောင်းက သူနှင့်မတိမ်းမယိမ်းလို့ဆိုသာပေမည့် သူရဲ့ပြိုင်ဘက်အဖြစ်အလိုလိုသတ်မှတ်ထားသည့်လူကို မော်ကြည့်နေရသည်ကိုအသားမကျနိုင်သေးချေ။
"မြန်မြန် သွားရအောင် ။ အတန်းချိန်နီးနေပြီထင်တယ် "
ဘေးနားတွင် အကဲခတ်နေဟန်ရှိသည့်ဆောနူးကိုပါခေါ်ကာ တစ်စက္ကန့်မျှမရှိချင်သည့်နေရာကနေ ရှောင် ဖယ်ဖို့ရန်ကြိုးစားမိသည်။
"Congratulation " "မင်း အတွက် "
လီဟီဆွန်း လို့ခေါ်တွင်သည့်ကျောင်းသားသစ်ဆီမှ မကြိုက်သည့်အချက်တစ်ခုက သူနှင့် ဆောနူးရဲ့ကြားဇွတ်တိုးဝင်ကာ အလိုက်မသိသည့်အပြုအမူကနေစတင်သည်။
"Second place ရတဲ့လူကို ဂုဏ်ပြုစကားဆိုတော့ မများလွန်းဘူးလား Haa "
အေးစက်စက်မေးလာသည့်မေးခွန်းအောက်တွင် ဝိုင်းစက်သွားသည့်မျက်ဝန်းများက ထင်မှတ်မထားသည့်ပုံရသည် ။ တလက်,လက် တောက်ပ တတ် သည့်မျက်ဝန်းများကို ရင်ဆိုင်ရမှာ ဝန်လေးနေမိသည်။
