// ဘေဘီ ...ဂွတ်မောနင်း..//
ဟီဆွန်း ပို့ထားသည့် message တစ်စောင်နှင့်အတူ ဆောင်းဟွန်း တစ်နေ့တာကို အစပြုရင်း နိုးထ လာတတ်သည်က အဆန်း မဟုတ်တော့ ။
လာပြန်ပြီလား..ဘေဘီ? ???
ထစ်ခနဲရှိ မျက်ရည်လွယ်တတ်တဲ့ လူကိုမှ ရွေးထားမိတော့လည်း သီးခံပေအုံးတော့ ငါ့ကောင်ရေ ။
ဆောင်းဟွန်း ခုတလော တတ်နိုင်သမျှ စိတ်လျော့ ထားပေမဲ့ ဟီဆွန်းခေါ်လိုက်တိုင်း သူ့စိတ်က အင်တင်,တင် တော့ဖြစ်နေမိတုန်း ။
ဖုန်း noti သံပေါ်လာလို့ ဟီဆွန်း ကပျာကယာ ဖြင့်ဖုန်းကို အလျင်စလို ကောက်ကြည့် လိုက်သည် ။ သူ့ရဲ့ဘေဘီလေး ဟွန်း ဘယ်လိုပုံစံနဲ့ တုံ့ပြန်လာမလဲဆိုတာ စိတ်ဝင်တစား ရှိမိသည်လေ..
// နင်း...//
ဟင်...? ဟင်....?
ဘေဘီတော့ ဘေဘီဟွန်း လေးဘဲ ။ စိတ်က မဆိုစလောက် ကြီးတတ်လို့ မနည်း ကြိတ်ပြီး စဥ်းစား လိုက်ရသည်။
နောက်တော့မှ ပို့ထားသည့် မက်ဆေ့ချ် ကို အဖျားခတ် ခေါ်ထားမှန်း နားလည်သွားရသည် ။
ဘေဘီ ကတော့လေ..အထူးအဆန်းတွေဆို သိပ်လုပ်တတ်တာဘဲ..
ဒီနေ့အတွက်လဲ ကလေးဆန်နေပြန်ရော ..ဟင်း..
ဟီဆွန်း အမြင်တွင်တော့ ဆောင်းဟွန်း ဘာလုပ်လုပ် ချစ်စရာလေး ဆိုပြီး အမွှန်းတင်လို့မဆုံးနိုင်..
// အိပ်ပုတ်လေး..နိုးပြီလား? //
ဆောင်းဟွန်း မကျေမနပ် ဖြင့် နှုတ်ခမ်းကိုကိုက်ထား ရင်း ပို့ထားသည့်မိနစ်ကို ရှာလိုက်သည်။ ထင်တဲ့အတ်ိုင်း ခြောက်နာရီ..လူမနိုးတဲ့အချ်ိန်ကိုမှ ရွေးပို့ပြီးတော့ သက်သက် လုပ်တာ ။
// ငါ့နာမည် က ပတ်ဆောင်းဟွန်း..
ဘေဘီ လဲ မဟုတ်ဘူး..အိပ်ပုတ် လဲမဟုတ်ဘူး..//
ဟီဆွန်း ဟက်ခနဲနေအောင် ရယ်လိုက်မိသည်။ပါးလေး တွေဖောင်းနေအောင်ကို ကောက်နေတော့မှာဘဲ..ကိုက်စားချင်စရာလေး ဖြစ်နေ တော့မှာ..ဟင်း..
// ကိုယ်က ချစ်လို့ စတာပါကွာ ။ ဒီနေ့လဲ ချစ်တယ်..ဘေဘီ //
ဆောင်းဟွန်း အာ့တော့မှ ငြိမ်ကျသွားသည် ။ "အချစ် " ဆိုတဲ့စကားလုံးကို type ဖို့ပြင်နေပြီးမှ ပြန်ချထားလိုက်သည်။ ဟီဆွန်း သိနေရင်ပြီးတာဘဲလေ...
