"မပြန်ပါနဲ့ဦးလား ဘေဘီရယ်..။ ကိုယ်နဲ့ဘဲ နေပေးပါဦး..။ ဘေဘီမရှ်ိရင် ကိုယ်နေရတာ တစ်မျိုးဘဲ.."
ပြန်ရောက်ကထဲက တဂျီဂျီ လုပ်နေသည့် ဟီဆွန်းက ဆောင်းဟွန်း ရဲ့ရင်ခွင်ထဲကနေထွက်မလာတော့ဘဲ အတင်းဖက်ထားသည်။ ဆောင်းဟွန်း ကိုလည်း သူနဲ့ ဘဲအတင်းနေခိုင်းပြီး ဘယ်ကိုမှမသွားစေချင်သလိုမျိုး ဂျစ်တိုက်ချင်နေသည်..။
"အချစ်..မဆိုးရဘူးကွာ.."
"ကိုယ်..ဆိုးချင်နေတယ်..။ ခလေးကို ကိုယ် အရမ်းလိုအပ်နေလို့ပါကွာ.."
တမင်ကို မျက်လုံးရွဲကြီးများဖြင့် မော့ကြည့်လာသည့် ဟီဆွန်း က ဆောင်းဟွန်း မလွန်ဆန်နိုင်မှာကိုသိနေသည့်အတိုင်း..။
ဆောင်းဟွန်းကလည်း လက်သွယ်လေးဖြင့် ဟီဆွန်းရဲ့ ရှေ့ဆံပင်ကို သပ်တင်လိုက်ကာ နဖူးလေးကို အသာအယာစမ်းလိုက်သည်။
"ကိုယ်လဲမပူပါဘူးရော်..။ ဘယ်နား မအီမသာဖြစ်နေတာရှိနေလဲ..အချစ်.."
ဟီဆွန်းရဲ့ နဖူးလေးမှတစ်ဆင့် ခါးနားဆီကို သူ့ရဲ့ လက်သွယ်လေးဖြင့် ပြန်လည်ဖက်တွယ်ထားလိုက်သည်..။
ခေါင်းကိုသာ တွင်တွင်ယမ်းပြလာသည့်ဟီဆွန်းက သူ့ရဲ့နှာတံစင်းစင်းကို ဆောင်းဟွန်း ရဲ့ရင်ခွင်ထဲ ပိုမိုနစ်ဝင်စေကာ မွှေးမွှေးလေးရနေတဲ့ ကိုယ်ရနံ့ လေးကိုဘဲ တစိုက်မက်မက် မွှေးကြူ နေမိတယ်..။
ဆောင်းဟွန်းအလိုလို သိနေပါတယ်..။ဟီဆွန်း က ပုံမှန်အချိန်ထက်သူ့အနားကို တွယ်ကပ်လာပြီဆိုရင် သူ့ဆီမှာ စိတ်ထွက်ပေါက်တစ်ခုခု လိုအပ်လာနေလို့ဆိုတာမျိုး..။
မဟုတ်မှ အချစ်ရဲ့ မိသားစုနဲ့များ အဆင်မပြေဖြစ်လာတာများလား..။ အမြဲတက်ကြွနေလေ့ရှိတဲ့အချစ်ကို အပြုံးတွေဖြင့် လှလှလေးရှိစေချင်သည်..။ မျက်နှာလေးများ တစ်နေ့လောက်ဖြစ်ဖြစ် ညှိုးနွမ်းနေတတ်ရင် ဆောင်းဟွန်း မနေတတ်..။ မီးစကို ရင်မှာထိုးထားသလို ဒီရင်မှာပူလှသည်မို့..
"အချစ်..တစ်ခုခု..စားချင်တာရှိလား..။ ဘာစားချင်လဲ..ဟင်.."
ဆောင်းဟွန်း ရင်ခွင်ထဲက ဟမ်းစတားပေါက်က သူ့ကို စိုက်ကြည့်လာတာမှ ခပ်စိမ်းစိမ်း..။ မျက်လုံးရွဲများထဲဝယ် ဆောင်းဟွန်း အမည်မဖော်နိုင်သည့် စိတ်ဆန္ဒတစ်ချို့ တောက်လောင်နေသကဲ့သို့ပင်..။
ဆောင်းဟွန်း ရင်တွေတုန်လာမိလို့ မျက်လွှာကိုအသာအယာချမိသည်..။ သူဘာများမှားပြောမိလိုက်လို့ အချစ်က စူးစူးရဲရဲ ကြည့်လာတာပါလိမ့်..?
"အချစ်က..ဒီမှာ ငြိမ်ငြိမ်လေးဘဲနေလေ ။ ကိုယ်သွားဝယ်ပေးမှာပါ.."
အာ့တော့ ဟမ်းစတားပေါက်က အားလျော့သွားသလို လျောခနဲ ဆောင်းဟွန်း ရင်ခွင်ထဲ ပြန်ငုံ့သွားကာဝင်သွားလျက်..
"ခလေး..မသွားရဘူး..။ ဘေဘီနဲ့ တစ်စက္ကန့်လေးတောင် မခွဲချင်တော့ဘူး.."
"ခုလည်း မင်းနဲ့တူတူ ရှိနေတာဘဲလေအချစ်ရဲ့..။ ဒါနဲ့များ အချစ်အလိုမကျ ချင်ရတာက ဘာများဖြစ်မလဲ.."
ဆောင်းဟွန်းက မချင့်မရဲဟန်ဖြင့် ပါးလေးကို ဖွဖွနမ်းရှုပ်လာကာ သူတွေးရခက်နေကြောင်း အမူအရာဖြင့် ပြသသည်...။ ထို့နောက် ဟီဆွန်း ရဲ့ပါးနွေးနွေးတွေပေါ် သူ့ရဲ့ ပါးလေးတွေဖြင့် ထပ်တူကျတဲ့အထိ ထိကပ်လိုက်ပြီး...
"ကိုယ်..မလုံလောက်ခဲ့လို့များလား..အချစ်..။ ကိုယ် ဘယ်နေရာမှာများပေါ့လျော့မိသွားလို့များလဲ..။ အချစ်..တစ်ခုခုတော့ဖြေပါဦးလား.."
"မဟုတ်တာဘဲ ဘေဘီရယ်..။ ဘေဘီ ကိုယ့်ဆီမှာရှိပေးနေရုံကိုဘဲ ကိုယ့်အတွက်လုံလောက်တာထက်အများကြီးပိုလွန်းပါတယ်.."
"ဒါဆို..အာ့ဒီမျက်နှာလေးကရော..၊ မလန်းချင်ဘူးဖြစ်နေတယ်ဆိုတာကရော..အချစ်.."
ဟီဆွန်းရဲ့ ပါးလေးကို ရွရွလေးကိုင်ထားလျက် ဆောင်းဟွန်း က မဖြေမချင်းမေးမဲ့သဘောဖြင့်တဖွဖွမေးလာသည်။ မျက်ဝန်းအိမ်လေးရဲ့ အနားသတ်များ တုန်ယင်ချင်နေသည့် ဆောင်းဟွန်း က နေရာမှာတင် ပုလဲမျက်ရည်မိုး များသွန်းချလုမတတ်ပင်..
အမူအရာပိုလှသည့် ဆောင်းဟွန်းရဲ့ အကြင်နာအငွေ့အသက်များက သနားချစ်ခင်ဖွယ်ရာကောင်းလှပေမဲ့ ဟီဆွန်း အတွက်ကဖြင့် အာ့ဒီ သနားချင့်စဖွယ် မျက်ဝန်းလှလှလေးကို မျက်ရည် များဖြင့် ပြည့်လျှံသွားစေသည့်အထိ၊ နှုတ်ခမ်းထွေးတွေကို သူ့ကြောင့်နှင့် ယောင်ယမ်းသွားစေတဲ့အထိ ချစ်ပစ်လိုက်ချင်စမ်းမိတယ်..။
"ကိုယ်..ဒီတိုင်း..ခရီးပန်းလာရုံပါ.."
ပြောပြောဆိုဆို ရှောင်ဖယ်သွားတဲ့ အချစ်မရှိသည့် ဆောင်းဟွန်း ရဲ့ရင်ခွင်ငယ်က အချစ် ထားခဲ့တဲ့အတိုင်း ဟာတာတာကျန်ရစ်သည်။
တကယ်က တစ်စက္ကန့်လေးမှမခွဲချင်တာ အချစ်တစ်ယောက်ထဲ မှမဟုတ်တာဘဲ...
ဆောင်းဟွန်း က ဟီဆွန်း ရဲ့ ရင်ခွင်ထဲကို လုံးခနဲ တိုးဝင်လာတာများ ယုန်ပေါက်လေးကဲ့သို့ လုံးလုံးကလေး..
ဖက်တွယ်ထားသည့်လက်သွယ်များက ဟီဆွန်း လောက် သိပ်ပြီးအားမပါလှပေမဲ့လည်း အစီအစဥ်တကျ ရင်အုပ်ပေါ်ဝယ် ခေါင်းလေးမေးတင်လိုက်ကာ..
"အချစ်..နေပျော်လာတဲ့အထိ ၊ အချစ်စိတ်အဆင်ပြေလာတဲ့အထိ ဆောင်းဟွန်း ဘာဘဲလုပ်ပေးရရလုပ်ပေးချင်တယ်.."
ထို့နောက် သူ့ရဲ့ လက်ညှ်ိုးသွယ်သွယ်လေးကို ဟီဆွန်းရဲ့ နှုတ်ခမ်းဆီမှာ နစ်ဝင်စေကာ..
"အချစ်က..နှုတ်ခမ်းဖျားလေး..ဖွင့်လိုက်ရုံပါဘဲ.."
အခါတိုင်းနေ့များနှင့်မတူဘဲ သူ့အပေါ်လိုလိုချင်ချင်ရှိလှတဲ့ ဟွန်းငယ် က ဒီလူရဲ့ ဆင်ခြင်တုံတရားတွေ ကင်းမဲ့စေအောင် ပြုစားပစ်တဲ့ ကဝေငယ်..
