Ben ဘက်က လက်ခံလိုက်သည်မို့ ရိုက်ကူးရေး အဖွဲ့ဟာ ရောက်ရောက်ချင်း နောက်ရက်မှာပင် ရိုက်ကူးရေး စ ရတော့သည်။ ဘယ်လောက်ပဲ သူ လိုက်လျောတယ်ဆိုဆို သူ့ အားလပ်ရက် အကုန်လုံးကိုတော့ မပေးလိုက်နိုင်တာမို့ ၁ ပတ်အတွင်း အပြီးရိုက်ရန် သူ့ Boss ဖြစ်သူအား ရိုက်ကူးရေး team နှင့် သဘော တူညီမှုတော့ ရယူထားစေလိုက်သည်။
လက်ရှိ သူရောက်ရှိနေသည့်၊ တစ်နည်းအားဖြင့် သူတို့ ရိုက်ကူးရေးလုပ်မည့် location ဟာ Beijing မြို့ပင် ဖြစ်လေသည်။ 21 ရာစု၏ cyber city အဖြစ်လည်း လွန်စွာမှ တိုးတက်သည့် မြို့ပြဖြစ်ရာ ဘယ်နေရာကြည့်ကြည့် မီးရောင်များဟာ ထိန်ထိန်လင်းနေကာ နေ့ဘက်များတွင်လည်း မြင့်မားလှသည့် အဆောက်အအုံများနှင့် လူးလာ သွားလာနေကြသည့် သူများကြောင့် အမြဲ ဆူညံနေသည့် မြို့ပြဖြစ်ပေသည်။
ဒီနေ့ သူတို့ ရိုက်ကူးရေးစလုပ်မည့်နေရာဟာ tourist spot အဖြစ် လူသိများသည့်
"Mutianyu Great Wall" ၌ဖြစ်ပေသည်။ ဒီတစ်ခေါက် variety show team တစ်ခုလုံး၌ လူငယ်မျိုးဆက်သစ် idol များနှင့် မင်းသား၊မင်းသမီးများသာ ပါဝင်သည်မို့ production team ၏ script ၌ များစွာသော activity များဟာ ခန္ဓာကိုယ်၏ ကြံ့ခိုင်မှုကိုသာ သုံးရသည့် ဂိမ်းများက များပေသည်။
Variety စရိုက်ရန် ချိန်းချက်ထားသည့် အချိန်ဟာ မနက် ၇ နာရီဖြစ်ပေသည်။ နေမြင့်လာလျှင် ရိုက်ကူးရ ခက်ခဲမည်စိုး၍ ဖြစ်ပေသည်။ Ben အနေနဲ့ နောက်ကျသည်ဟုတော့မဆိုသာသော်လည်း ၆ နာရီ ၄၅ မိနစ်လောက်၌ ရောက်သွားသည်မို့ team ဘက်ကနေ ပြင်ဆင်ရတာ အနည်းငယ်တော့ အလျင်လိုသွားကြရသည်မို့ သူ stylist နှင့် မိတ်ကပ် artist အား အားနာကြောင်း ပြောမိလေသည်။ သူ တမင်သက်သက် နောက်ကျအောင် လာသည် မဟုတ်ပေ။ သို့သော် morning person မဟုတ်သည်မို့ အနည်းငယ် ထရန် ခက်ခဲခဲ့ခြင်းသာ။
သူ့အကြောင်း သိနေပြီးသား ၊ သူနဲ့ အလုပ်တွဲလုပ်လာသည်မှာ ကြာပြီဖြစ်သည့် production team က အမတွေကပင် သူ့ကို ဘာမှ ဗွေမယူကြပေ။
အားလုံး ပြင်ဆင်ပြီးသည့်အခါ သူ ရိုက်ကူးရေး နေရာကို သွားလိုက်လေတော့ ဤ variety show အား အတူရိုက်မည့် သူအပါအဝင် အဖွဲ့ဝင် ၈ ယောက်ဟာ အားလုံး အသင့်ဖြစ်နေပြီ ဖြစ်လေသည်။
