Chilli Pepper

Part-20

Ben ရဲ့ world tour ဟာ မျှော်မှန်းထားသည်ထက်ပင် အောင်မြင်သည်ဟု ဆိုနိုင်လောက်အောင်ပင် ပထမ ဖျော်ဖြေသည့် အာရှနိုင်ငံ ၃ နိုင်ငံမှာပင် လက်မှတ်ပေါင်း ၁ သိန်းကျော် ရောင်းကုန်ခဲ့သည်အထိပင်။

ထို့ကြောင့် သူ့အနေနဲ့ ၂ ပတ်ခန့် နားရက်ရတာမို့ ချက်ချင်းပင် အထုပ်ဆွဲကာ ကိုကိုနှင့် လွှမ်းအား ပြေးတွေ့ရန် ကြံလိုက်သော်လည်း သူ၏ evil boss ဖြစ်သူ၏ အစီအစဉ်ညံ့မှုကြောင့် လွန်ခဲ့‌ေသာ အခေါက်က သူလက်ခံပါဝင်မိသည့် variety show အား အခု သူရောက်နေသည့် နိုင်ငံ၌ လာရောက် ရိုက်ကူးမည့်အကြောင်းကြားစာ ရောက်လာသည်မို့ Ben တစ်ယောက် အကြီးအကျယ် ပေါက်ကွဲလေတော့သည်။

*မရိုက်နိုင်ဘူးဗျာ ! ကျွန်တော် ပြန်ဖို့ လေယာဉ်လက်မှတ်တောင် ဖြတ်ပြီးပြီ !*

သူ ရတိပြတ်ပင် ငြင်းလိုက်လေတော့ တစ်ဖက်မှ သူ့ Boss ဖြစ်သူ၏ သက်ပျင်းချသံအား ကြားလိုက်ရလေတော့သည်။

*သူတို့ ဘက်က ကြိုပြောပါတယ်။ ငါကိုက မင်း concert မပြီးခင် သိရင် concert မှာ ကောင်းကောင်း မလုပ်မှာ စိုးလို့ ခုမှ ပေးသိတာပါကွာ ။ ငါ့အမှား ဟုတ်ပြီလား !*

တစ်ဖက်က ပြန်ချေပသည့် စကား ကြားသည့်အခါ Ben ပို၍ ဒေါပွသွားတော့သည်။ ဒင်းတို့ကပဲ ရာရာစစ သူ့ကို လာထိန်ချန်ထားရဲသေးတယ်? သူ ဆိုသည့် Benjamin ဟာ သူကပဲ သူများကို ကွက်ကျော်ရိုက်မည်။ သူ့အား ကွက်ကျော် လာရိုက်လျှင် သူ လုံးဝ သည်းမခံနိုင်သည်မို့ ချက်ချင်းပင် ဖုန်းအား ကောက်ယူကာ...

*ကိုယ့် အမှားကိုယ်သိရင်လည်း လစ်လိုက်တော့ ဟွန့်!*

သူ ပြောချင်တာ ပြောပြီးတာနှင့် ဖုန်းကို ပိတ်ချပစ်ကာ သူ၏ အဝတ်များကို အိတ်ထဲသို့ စုပြုံကာ လုံးချေကာ ပစ်ထည့် ပစ်လိုက်သည်။ သူတတ်နိုင်သလောက် အမြန်ပြန်ပြေးမှ ဖြစ်ပေတော့မည်။ တော်ကြာ သူ့ Boss လူညစ်က သူ့ကို ကိုကိုနဲ့ လာကိုင်ပေါက်နေမှ သူ လှုပ်မရဖြစ်နေဦးမည်။ သူသာ ဒီနိုင်ငံက အရင်ဆုံးထွက်သွားလိုက်ရင် ဘယ်သူမှ သူ့ကို အကြပ်ကိုင်နိုင်မည် မဟုတ်ပေ။

ဟွန့် ! Benjamin တဲ့! သူ ဂျစ်ရင် ကိုကိုတောင် မခံနိုင်ပေ။

ထို့ကြောင့် Ben တစ်ယောက် တစ်ဖက်ကလည်း သူ၏ laugage ကို ထည့်ကာ တစ်ဖက်ကနေလည်း သူ၏ မန်နေဂျာ ဖြစ်သူကို ဖုန်းခေါ်ကာ လေယာဥ် လက်မှတ်ဖြတ်ခိုင်းရလေသည်။