Chilli Pepper

Ch-19

နှစ်ယောက်သား အမွှေကောင်း၍ ကိုကို့ဆီမှ ပညာပေးခံလိုက်ရပြီးတဲ့နောက်မှာတေ့ တစ်လတိတိ နှစ်ယောက်သားအား တွေ့ခွင့်ပါ ပိတ်ထားသည်မို့ သူတို့မှ့ာ အချင်းချင်း စာပို့တာ အပြင် မလုပ်ရဲကြပေ။ ပြောရလျှင် ကိုကို့၏ ပညာပေးမှုဟာ သူတို့ အပေါ် ထိရောက်လွန်းလှသည်ပေါ့။

သို့သော် Ben အနေနဲ့ကတော့ tour စတင်နေပြီမို့ နိုင်ငံအတွင်းမှာ ရှိမနေတော့့့ ဘဲ အိပ်ရာနိုးလာတိုင်း မတူညီသော နိုင်ငံများ၌ ရောက်နေသည်က များပေသည်။ သို့သော် လွှမ်းတစ်ယောက်ကတော့ ဒီတစ်ခေါက် အခွင့်ထူးရသည်‌ ပြောရမည်လား ကိုစေ့ ဆေးရုံ၌ ရိုက်ကူးရေးဟာ ဆက်ရှိနေဆဲမို့ သူ့မှာ နေ့တိုင်း နီးပါး ကိုစေနှင့် တွေ့နေရသည်မို့ ဒီတစ်ခေါက် အပြစ်ပေးခံရသော်လည်း တန်သည်ဟု သူထင်မိလေသည်။

ထို့ကြောင့် သူ့မှာ နေ့တိုင်း ထိုကိစ္စအား အဝေးရောက်နေသည့် Ben အား ကြွားရသည်မှာလည်း အလုပ်တစ်ခုပင်။ သို့သော် ကိုစေဟာ သူ့အား အရမ်းကြီး အလိုလိုက်နေသည်တော့ မဟုတ်။ သူ့ဘက်ကသာ နေ့တိုင်း မနက်ဆို ကိုစေ့ ရုံးခန်းထဲသွားကာ ကိုစေ သောက်နေကြ ကော်ဖီ် သွားထားပေးလိုက်၊ နေ့လည်ဆို ကိုစေနဲ့ အတူ ထမင်းစားချင်တာမို့ လူထူထပ်သည့် နေရာဆို မကြိုက်သည့် သူက၊ သူပါ ကိုစေနဲ့အတူ ဆေးရုံ ကန်တင်းမှာ သွားစားရသည့် အဖြစ်ပင်။

ကိုစေကလည်း သူ့အား ခါးခါးသီးသီးတော့ ဟုတ်မနေပေ။ သူအမုန်းဆုံး စည်းကမ်းအား ချိုးဖောက်ခဲ့သော်််် လည်း ထိုက်တန်သည့် အပြစ်အား ပေးပြီးပြီမို့ သူ့အား အလိုက်အထိုက် ဆက်ဆံံပါသည်။ ဒါပေမယ့် အရမ်းတော့ အလိုမလိုက်ပေ။

ယနေ့မှာလည်း လွှမ်း ခါတိုင်းနေ့များလို ကိုစေနှင့် အတူ ကန်တင်း၌ အတူ နေ့လည်စာ စားဖြစ်လေသည်။

*ကိုစေ ဒီနေ့ ဂျူတီ စောပြီးမှာလားဟင်?*

လွှမ်းမေးလိုက်တော့ ကိုစေဟာ သူ၏ မျက်မှန်ကိုင်းလေးအား တစ်ချက်ပင့်တင်ကာ ပြန်ဖြေလာလေသည်။

*အင်း။ နှစ်ရက်ဆက်တိုက် ညဆိုင်း ဆင်းပေးထားတော့ ခွဲလူနာတွေ ပါးတုန်း ခဏ ပြန်နား မလားလို့*