رسائل حب

الجزء ١٨

قالت مروة:لا،بس مستغربين الحب اللي نزل عليك
فجأه،اللي يشوفك الحين ما يقول هذاك هو
اللي كان يكرهها وما يطيق يسمع
سيرتها،ممكن اعرف سبب مساعدتك لها؟
عبدالله:بس كذا،ما عندي سبب معين.
و نهض من فوره و صعد إلى غرفته.

دخل عبدالله غرفته فإذا بسارة و رزان
و نوارة بالغرفة
نزل رأسه و خرج من الغرفة
قالت نوارة:اقول سارة ليش ما تروحين معي
لغرفتي؟
اومأت سارة بنعم و نهضتا
من على السرير و خرجتا من الغرفة
و دخلتا غرفة ميعاد و نوارة

خرجت رزان من الغرفة
و نزلت إلى الصالة فوجدت مروة و ميعاد
رزان:وين راح عبدالله؟
ميعاد:طلع الحديقة.
ثم خرجت إلى الحديقة و بحثت
عنه حتى وجدته جالسا على النافورة
فذهبت إليه و جلست بجواره
و قالت:عبدالله!
نظر إليها عبدالله دون ان يتكلم
رزان:اش رح تسوي بسالفة سارة؟
عبدالله:الليلة بتنام بغرفة البنات،
و أنا من بكرة بروح ادور لنا على بيت
و نسكن فيه و نآخذ سارة معنا.
رزان:فكرة حلوة،بس انت تدري ان
غرفة اخواتك ما فيها مفتاح،يمكن احد
يدش غرفتهم و يشوفها.
عبدالله:طيب وين تقترحين انها تنام؟
رزان:عند اختك مروة.
عبدالله:امي تنام عند مروة.
رزان: عيل ش نسوي وين نحطها؟
عبدالله:و انا وش دراني؟
و بعد تفكير
قالت رزان بحماس:لقيتها!
عبدالله بلهفه:هاه قولي!
رزان:اش رأيك انها تنام عندنا بالغرفة؟
عقد عبدالله حاجبيه و قال:هااااه؟جنيتي انتي؟
لا مستحيل اقبل،"تكتف"دوري حل غيره.
رزان:بالميلس" المجلس"
اخوانك ما ينامون الا الفير"الفجر"
و غرفة مروة امك نايمه فيه،غرفة
البنات ماله مفتاح،يعني وين تبينا
نومها بالصالة ولا بالمطبخ مثلا؟
بعدين غرفتنا حمامه فيه،و الماي بعد موجود
بالغرفة،اما بالنسبه للاكل فما ظنيت انها تيوع"تجوع"
بالليل،و ان ياعت "جاعت"انا اروح اسوي
لها اكل،و الاهم من ذا كله غرفتنا مسكره بالمفتاح
يعني امان،صح ولا انا غلطانه؟
عبدالله:ما شاء الله عليك مهتمه فيها زيادة
و نسيتي زوجك،ما قلتي وين بينام
زوجي...
قاطعته رزان قائلتا: من قال لك اني مو
شايله همك،بالعكس انا بعد مضبظه لك مكان
تنام فيه،بالحقيقه هم مكانين تختار وحده
منهم تنام فيها.
فرح عبدالله و قال:اكيد بتخيريني يا أما
نام ع السرير او انام ع الكنب،بس احب اخبرك
اني بنام ع السرير طال عمرك،و سارة تنام
ع الكنب،
و قال بتفاخر:ما شاء اله علي القطها ع الطاير.
رزان:اسفه عبدالله بس مع الاسف
انت غلطان بالخيارات،هذا مو الخيارات
اللي رح اطرحها عليك.
عبدالله:اجل وشي الخيارات اللي
حضرتك تبين تطرحيها علي؟
ابتسمت رزان بخبث و قالت:الخيارات يا سيدي
هما:يا أما انك تنام على الكنب،ولا تنام
ع الأرض،هما خياران لا ثالث لهما.
فتح عبدالله عينيه و قال: من صدقك
تبيني انام ع الارض ولا ع الكنب؟
رفعت رزان كتفيها و قالت:اعتذر منك
يا زوجي المحترم،بس سارة اهم لانها ضيفه
و اكرام الضيف واجب.
و نهضت من فورها و ذهبت
و هو يقول:لحظة بسس...
و بدأ يتأفف

كانت رزان تمشي في الحديقة و لما طلعت
على اول درجه لتدخل البيت،رات عمتها
قادمه من بعيد فاسرعت و دخلت البيت
و قالت:وين سارة؟
مروة:في غرفة ميعاد و نوارة،ليش؟
رزان:لازم تدخل...
فإذا بأم عبدالله دخلت عليهن
و قالت:السلام عليكم.
ردين بصوت واحد:و عليكم السلام.
رزان:ابي اطلع غرفتي لاني نسيت جوالي
فوق.
و صعدت بسرعه
قالت مروة:ها اشلون كانت الزيارة؟

دخلت رزان غرفة نوارة
و قالت بسرعه:سارة،يلا تعالي معي!
سارة:ليش؟
رزان:عمتي جت،يلا قومي!
و نهضت مسرعه و ذهبت معها
ثم دخلتا غرفة عبدالله
قالت سارة:ليش دخلتيني هنا؟
رزان:هني امان،انتي بتنامين هني بغرفتنا.
تفاجآت سارة و قالت:اييييش؟
رزان:انتي بتنامين هني عندنا بالغرفة.
سارة:انتي مجنونه،مستحيل انام هنا،
بعدين عبدالله وين بينام؟
قالت رزان:هني بعد،بس بينام ع الأرض
ولا ع الكنبه ولا ينام في البلكونه.
سارة:لا مستحيل...
قاطعتها رزان:ما عندج مكان تروحين عليه،
عند مروة عمتي،و نوارة و ميعاد غرفتهم
ما فيها حمام ولا في مفتاح عشان يسكرون
الباب و اخاف انهم يدشون عليج الغرفه
ساعتها اش رح يكون موقفج
و انتي تدرين ان عمتي ما تواطنج،
حتى اذا تبين تنزلين المطبخ ولا الحمام
يمكن تصقعين بواحد من حمياني.
نزلت سارة رأسها و لم تتكلم

الساعة ١١ليلا
كانت رزان و سارة جالستين وسط السرير
حتى دخل عبدالله و معه بطانية و مخده
و اغلق الباب بالمفتاح
قالت رزان:عسا ما حد شافك و انت تشيل
عفشك؟
عبدالله:انتي انطمي،ولا تكلميني ابدا.
وضعت سارة يدها على فمها كي تكتم الضحك
قالت رزان:هو،وش فيك علي؟
عبدالله:قلت انطمي،ما سمعتي ش قول؟
و جلس فوق البطانيه
و قال:ابشرك ما حد شافني.
و نظر إلى سارة التي نزلت
رأسها من الخجل و عاد و نظر
إلى رزان و قال:بكرة بروح ادور بيت
نسكن فيه حنا الثلاثه.
و نهض من فوره و اخذ ملابسه ثم دخل الحمام
و سارة تنظر إليه بتعجب.
-----------------------------------------
ايش رأيكم ببارت اليوم
و من هنا ستبدأ الاحداث الاخيرة من القصه
عموما لا تنسوا الدعم و النقد...

و يعطيكم الف عافيه
（⌒_⌒）