رسائل حب

الجزء ٢٣

دخلت رزان الغرفة
و اغلقت باب الغرفة و مشت نحو زوجها
الذي كان مستلقيا على شقه الايمن
و جلست بجواره
و قالت:عبدالله!
عبدالله:....
رزان:ادري انك مو نايم.
عبدالله:...
رزان:مدري ش جرى لك،من يوم ما ييت من
بيت عمك و انت زعلان و مضايق،احد قال لك
شي ضايقك؟
عبدالله:طلع كلام عمتي صدق.
رزان:وش تقصد؟
عبدالله:انا سمعت حديثكم امس،و رحت اتأكد
من رائد،و قال لي عن كل شي متعلق بحياة سارة.
رزان:...
عبدالله:ما كنت ادري ان اللي نامت
بغرفتي هي وحده غريبه و مهيب بنت عمي.
رزان:و دامك دريت الحين ش بتسوي؟
عبدالله:اننا نتستر على سارة،و بعدين نبت في
امرها،يمكن اروح انا وياها ع الهند
و ادور اهلها.
رزان:....

بعد شهر:
كانت سارة تعد العصير لضيفة رزان
اما رزان فكانت في الصالة مع ضيفتها
نسيم:الف مبروك،هذا الخبر اللي يفرح،
متى دريتي انج حامل؟
رزان:امس رحت انا و زوجي و كشفوا علي
قالو لي اني حامل،و زوجي طار من الفرح.
نسيم:اقول رزان،الحين ها البنيه
على طول ساكنه عندكم ولا فترة و تروح؟
دق الباب:
نهضت رزان و خرجت سارة مسرعه
و هي تقول:خليك،انا بفتح!
فتحت سارة الباب فإذا بها مروة
فرحت سارة كثيرا و ضمت مروة
سارة:الحمدلله على سلامتك.
مروة:الله يسلمك.
دخلت مروة و هي تقول:وينها ام سعيد؟
نهضت رزان اما نسيم فتغير ملامح وجهها
رزان مرحبه:يا حيا الله من يانا،
متى وصلتوا؟
مروة:تونا الحين وصلنا،و قلنا نمركم،قبل
ما اروح عند اهلي.
رزان:زين سويتي.
نظرت مروة إلى نسيم
مروة:من متى و انتي هنا؟
نسيم:مالي الا خمس دقايق.
مروة:زين.
و جلسن
سارة:بروح اجيب العصير.
و ذهبت المطبخ
نسيم بهمس:ما قلتي لي
سويره،رح تعيش عندكم على طول ولا
فترة و تروح؟
مروة:و انتي ش دخلك؟لتكون قاعده ببيتك و انا
مدري؟
نسيم:لا تفهميني غلط،هذا بس مجرد سؤال،
بس سمعت من الناس ان سارة ما تقرب لكم
و انها بالاصل من الهند و ان عمك سعيد هو اللي
رباها،فجيت اقول لكم ان ريحتها اطلعت،اقصد
انكم يا تسفرونها الهند ولا يتزوجها عبدالله،
ولا شوفوا لها حل لان الناس بدت تبلبل بالكلام.
مروة:ما اقول غير الله يقطع لسان اللي طلع
ها الكلام عن سارة،و انا دريت من هي اللي
بدت تبشر.
رزان:اش قصدج؟
مروة:بعدين اقول لك.

كان رائد جالسا على الرصيف هو و صديقه
مروان و بينما هما يتبادلان الحديث
حتى جاءهما رجل غريب
الرجل:السلام اليكم.
رائد:و عليكم السلام،آمر!
الرجل:انا في يجي من الهند،ادور الى رجال
اسمو؟اسمو؟والله ما في معلوم اسم.
"انا جيت من الهند،ادور على رجل"
رائد:عندك له صورة؟
الرجل:اندي سورة مال هو من اشرين سنه.
"عندي صورة له من عشرين سنه"
رائد:طيب ورني الصورة يمكن اعرفه.
اعطاه الرجل الصورة
و رآها رائد و لما امعن النظر فإذا
بها صورة والده
رائد:من وين لك الصورة؟
الرجل:هدا سديق مال انا،كان يجي هو و باتشا
يوم انا،و كبل ما اسافرت اطاني
هدا سورة اشان ذكرى،و اطاني انوان مال
هو اشان اذا في يجي مرة تاني،في يزور هو،
انت في يأرف هدا الرجال؟
"هذا صديقي كان يجي هو و طفل
يوم كنت اشتغل هنا،و قبل ما اسافر عطاني
هذي الصورة للذكرى و اعطاني العنوان
عشان اذا جيت مرة ثانيه ازوره،انت تعرف هذا
الرجل؟"
رائد:اي اعرفه هذا ابوي.
الرجل:و باتشا مال هو موجود؟
رائد:ايه انا و اخوي اكبر مني.
الرجل:لا باتشا بنت مو ولد.
رائد:في ثنتين داخل.
الرجل:بس انا في معلوم تلاته بنات
مو تنتين.
رائد:الثالثة مهيب موجودة،راحت بيت ثاني.
الرجل:ايش اسم اخوات مال انته؟
رائد:و انت وش دخلك؟
الرجل و هو يريد ان يبكي:لان في
معلوم واحد من اخوات مال انت هي بنت
اخت مال انا.
عقد رائد حاجبيه:وش قلت؟وحده من البنات
تك...لحظه يعني سارة هي بنت
اختك؟
الرجل:سه كلام مال انته،انا وسفت
ابو مال انت على اخت مال انا،بادين ابو
مال انت جاب اخت مال انا هنا،بادين جاب اخت
مال انا بيبي و مات،و سار ابو مال انته يجيب
سارة اندي،اشان اشوفها،
بادين انا في يسافر هند،هو في يعطي
انا سورة و انوان مال بيت.
"صح كلامك،انا وصفت ابوك على اختي،
بعدين جاب اختي هنا،بعدين جابت اختي بيبي
و ماتت،وصار ابوك يجيب سارة عندي عشان
اشوفها،بعدين انا بسافر الهند فهو عطاني الصورة
و عنوان البيت"
رائد:....
الرجل:وين ابو مال انته؟
رائد:ابوي توفى قبل شهر.
الرجل:....
مروان:انا بروح البيت،تآمرني على شي؟
رائد:لا سلامتك.
مروان:مع السلامه.
و ذهب
رائد:تفضل،تفضل.
الرجل:لا شكرا،انا في يروخ.
"انا بروح"
رائد:ماتبي تعرف وين سارة؟
الرجل:الا انا ابغى اارف وين سارة.
"الا انا ابغى اعرف وين سارة"
رائد:تفضل اللحين،و بعدين بوديك لها.
ابتسم الرجل و دخل

في منزل ابو عبدالله:
كان عبدالله جالسا مع امه و مروة
حنان:ابي اعرف ش مقعد ها البنت عندكم؟
عبدالله:البنت ما عندها بيت تسكن فيه،وين
تبينها تروح؟
مروة:ودي اروح لعمتي و اعطيها درس مرتب
عشان ما تتجرأ و تسوي ها السوات.
حنان:لا والله،ليكون اصغر عيالك عشان تعلمينها
درس ما تنساه،بعدين هي ما قالت شي غلط.
مروة بسخريه:صح كلامك،ما قالت شي غلط،اصلا من
قال لك ان عمتي تغلط،فعلا عمتي ما تغلط
ملاك اسم الله عليها،ليتني مثلها،فعلا
و نعم العمه.
حنان:اقول لا تطنزين،"نظرت إلى عبدالله و قالت:"
و انت ليه ما تسفر البنت الهند و ترجع،
ولا ما تبيها تسافر؟
عبدالله:....
مروة:اهنيك يا والدتي على هذي الفكرة
الجهنميه،فعلا ليش ما نسفرها الهند
على الاقل با ترتاح من الهذرة الزايده و تلاقي اهلها
و تعيش بسعادة و هناء،و على فكرة
انا بروح معكم عشان اساعدكم بالبحث.
حنان:هو،و زوجك؟
مروة:لا تخافين با اتفاهم معه.
عبدالله:انا لقيت الحل.
حنان:وش هو الحل؟
عبدالله:....
---------------------------------------
ايش رأيكم ببارت اليوم
ان شاء الله ما كون تأخرت عليكم
و اعتذر على الاخطاء الاملائيه

و اكيد انتظر انتقاداتكم البناءه
و على فكرة الصورة اللي فوق لخال سارة

و دمتم بخير...
♥♥♥♥♥