رسائل حب

الجزء ٢١

انزلوا الحقيبه و بدأ عبدالله
يسحب و رزان تدفع حتى خرجوا من المنزل
ثم وضعوها بالسيارة لما استداروا كي يعودوا
لبقية الاغراض فوجئوا بأم عبدالله أمامهم
و هي متكتفه بلع عبدالله ريقه
من الخوف و كان الجميع في حالة صدمة
مشت حنان من جنب عبدالله الذي نظر إلى
نوارة و هي تنزل رأسها
فتحت حنان باب السيارة ففتحت الحقيبة
حتى رأت سارة التي فوجئت بها
قالت حنان:نزلي من السيارة.
فنزلت سارة و نزلت رأسها من الخوف
قالت حنان:و أخيرا تأكدت من شكوكي.
نظر إليها عبدالله بسرعه
التفتت إليه حنان و قالت:تحسبوني
غبيه وما افهم ش قاعد يصير ببيتي؟
نزل عبدالله رأسه
قالت حنان:كنت اراقب تصرفاتكم طول
الوقت،صحيح ما اكتشفت ش اللي مخبينه
الا الحين،بس كنت ادري انكم مخبين عني شي
بس رغم كذا سكت و غضيت النظر
اثاريكم جايبن بنت الخدامه هنا عندنا،لاااا و بعد
حاطينها بغرفتك.
عبدالله:....
حنان:تدري اشلون عرفت و تأكدت من انكم
مخبين عني شي و اكتشفت وشو؟
رزان:....
حنان:أختك نوارة قالت لي عن كل شي صار.
نظر عبدالله إلى اخته و هو عاقد حاجبيه
سارة:....
حنان:عموما انا عرفت كل شي،و زين اني
عرفت الحين،ولا لو دريت و انتي لسا
قاعده بالبيت كان علمتك دروس عمرك
ما تنسيها بحياتك،عشان كذا احمدي ربك
اني دريت الحين،يعني افلتي من عذابي.
و التفتت إلى ابنها و قالت:و أنت،بصراحه
ما توقعت انه يطلع منك كل هذا،انا اللي اعرفه
ان ولدي عوني و رأيه من رأيي،و لما عرفت انك
انت ساعدتها ما صدقت،لاني اعرف ان ميعاد و نوارة
و مروة بس هم اللي يحبونها و هم اللي بيساعدونها
بس أنت!أنت ولدي تساعد ها البنيه،ما اصدق.
و بكت و دخلت المنزل مسرعه
عبدالله لميعاد و رزان:دخلوا الشنط السيارة،
و انا بروح اشوي و راجع.

دخل عبدالله المنزل فوجد والدته جالسه
على الاريكه تبكي،فجلس امامها على الارض
و امسك يديها و قال:سامحيني يمه،ادري اني
زعلتك،بس...بس لازم تقدريني اشوي،البنيه
انطردت من بيت ابوها،فاشلون تبيني اخليها في الشارع
هذي مهما صار تظل بنت عمي،يعني عرضي و شرفي
و اللي يصير عليها يصير علي،يعني...يعني
احيانا لا بد اننا نغض النظر عن بعض الاشياء.
حنان:....
عبدالله:يمه،انا ما ابي اروح من هنا لما
آخذ رضاك،لانك تدرين ش كثر انا احبك.
حنان:انت بتقعد سارة عندكم بالبيت؟
نزل عبدالله رأسه و قال:ايه،لان
ما في مكان تروح له،انتي مل تبينها و زوجة
عمي نفس الشي،معناها وين تبينها تروح؟
بعدين عمي الله يرحمه كان يهتم فيها مرة
و لاني احب عمي الله يرحمه فلازم احفظ ها الامانه.
حنان:خلاص يا ولدي،سو اللي تشوفه مناسب.
عبدالله:يعني اقدر اقول انك رضيتي عني؟
ابتسمت حنان بين دموعها و قالت:روح الله يرضى
عليك يا ولدي،و يوفقك و يرزقك بالذرية الصالحه.
وضع رأسه في حضن والدته و وضعت يدها على
رأسه.

في منزل عبدالله الجديد:
دخل عبدالله المنزل و وقف امام زوجته
و قال:يمينك،يمينك!
و ادخلت رجلها اليمين و اخذت
تتأمل البيت و دخلت خلفها سارة و بدأت
تتأمل البيت هي الاخرى
قال عبدالله:ها وش رأيك؟
رزان:صراحه البيت يهبل يينن"يجنن"
و الأثاث مرة روعه،صراحة احسنت الاختيار.
عبدالله بتفاخر:وش حابه تقولين لزوجك
اللي اختارها؟
رزان:شكرا.
عبدالله:بس شكرا،و ياليتها طالعه من قلبك،
لا ابي كلمه حلوة و طالعه من قلبك.
رزان:اشكرك شكرا جزيلا على هذا البيت الفخم.
عبدالله:بعد ابي كم كلمه زيادة.
رزان:الله لا يحرمنا منك.
عبدالله:بعد ابي كلمه زيادة.
رزان:اش تبيني اقول بعد؟
عبدالله:خلاص خلاص،هونت ما ابي كلمه حلوة
يكفيني الدعوة اللي قلتيها اللحين.
و اخذهم جوله في البيت
حتى فتح باب غرفة سارة
فوجدته غرفة جميله و مرتبه و متواضعه و ليس
كما تخيلتها غرفة صغيرة و غير مرتبه
قال عبدالله:هذي غرفتك،خليتها حلوة و مرتبه
عشان ما تجين تنامين بغرفتنا،و تكتمين على نفسنا.
سارة:....
عبدالله:يلا رزان،خليني اوريك غرفة
نومنا.
و ذهبا اما سارة فدخلت الغرفة
و جلست على السرير

فتح عبدالله باب غرفته و دخلت رزان
و هي منبهره بجمال الغرفة،اغلق عبدالله
الباب خلفه و قال:هاه،وش رأيك بالغرفة؟
رزان و هي منبهرة بالغرفة:جناااان،كلمة جنان قليله
بحقها،صراحه مدري ش قول!
عبدالله:قولي لي كلمة حلوة،عشان حس
انك كافأتيني دامني انا اللي اخترت الاثاث.
نظرت إليه رزان و قالت:الله لا يحرمني منك
يا أحلى زوج بالعالم.
عبدالله:هه،هذا الكلام اللي ابي اسمعه من
زمان،انا ابيك من الان فصاعدا،لازم تسمعيني
كلمة حلوة.
رزان:تمام،بس بشرط انه يكون بغرفتنا.
عبدالله:و انا موافق.

حل الليل:
كانت سارة جالسه امام التلفاز
خرجت رزان من غرفتها و رأت سارة
و مشت حتى جلست بجوارها على الاريكه
ابتسمت سارة و قالت:اشلون الاوضاع معكم؟
رزان:ابشرج الاوضاع في افضل حال.
سارة:اكيد بتصير بأفضل حال دامكم بروحكم
وما في احد يضايكم.
ضحكت رزان و قالت:اموت و اعرف
يا ترى في مثلج حريم ينسون بسرعه
الاشخاص اللي حبوهم اكثر من انفسهم؟
ضحكت سارة و قالت:مدري والله،بس
اكيد في حريم مثلي و احسن بعد.
رزان:تخيلي ان احد من
خوالج جا من الهند و طلب منج انج تسافرين
معه الهند،يا ترى بتوافقين انج تروحين معاه؟
سارة:اشلون طرى على بالك تسألين
ها السؤال؟
و نزلت رأسها
رزان:ما عندج جواب صح؟
سارة:....
...............................
ايش رأيكم ببارت اليوم...
و اسفه على التأخير...
و ان شاء الله البارت القادم
رح يكون اطول ان شاء الله...

و دمتم في حفظ الرحمن...
و سامحوني ع القصور...
（⌒_⌒）