Losing You..[Slow Update]

LY~Chapter 1..

Losing You..

Written by: SweetSmillee

--
LY~Chapter 1..

.Bestfriends ko sila.

"Louise, saan mo balak magpunta pagkatapos ng klase natin?" tanong ni Leigh sakin isa sa mga best friend ko. Nasa third year college kami ngayon sa Xavier University.

"Hindi ko pa alam eh? Gusto mo mall tayo? Haha. Shopping?" Sabi ko naman sa kanya, kasi alam ko padating sa shopping or pag mamall etong bestfriend ko na to, hindi ako mahihindian, pero depende yun kapag maaga ang uwian namin sa ngayon.

Oo tama kayo sa nabasa niyo, ako si Louise Anne Vergara at ang kausap ko ngayon ang yung isa sa mga matalik ko na kaibigan since highschool pa kami yun ay si Leigh Mendoza, at may kaibigan pa kaming isa na bihira nanamin makita, dahil hindi namin alam kung anong pinagkakaabalahan nung lalaki na yun na si Charles Delosreyes.

"Oh sige ba? Go na go ako diyan, ay teka si Charles ba isasama natin?" Napaisip naman ako, madalas na kasing hindi nakakasama si charles samin, palagi siyang busy, kaya hindi nanamin siya niyaya.

Minsan naman kasi nagyaya naman si Charles na tumambay kami ni Leigh sa kanila okaya naman ay gumala kaming tatlo, kaya hindi nanamin siya pinagkaabalahan pang tanungin kung ano ang pinagbubusyhan niya.

Speaking of Charles, bigla naman siyang sumulpot sa harapan namin ni Leigh, aba himala, hindi busy ang lalaking to.

"Charles, what are you doing here? Sabi mo samin kanina busy ka? Eh bakit ka nandito at di maipinta yang mukha mo?" tanong ko sa kanya napatingin din naman siya sa akin at ngumisi.

"Ayan ka nanaman sa pagiging Ms. Masungit mo, wala namimiss ko lang kayo ni Leigh, kaya naisip ko na umalis nalang tayo, alam ko marami din akong utang sa inyo, tska huwag mo nang pansinin yung pagiging busangot ko, may iniisip lang ako." Sabi niya saming dalawa, tumango nalang din ako.

Eto namang isang kaibigan ko, aba titig na titig kay Charles, at parang biglang nabuhayan ng dugo ang lola mo. Kung di niyo mamasamain, ilalaglag ko ng ai Leigh sa inyo ah? Ahahah! Crush kasi niya si Charles eh, pero tingin ko, alam naman ni charles yun, pero di nalang niya ineentertain kasi nga magkakaibigan kaming tatlo.

"Ay, buti naalala mo pa kami ano charles?, so paano? last subject nadin naman natin at di pa alam kung papasok yung prof natin." Sabi naman ni Leigh habang nakatambay kami dito sa my cafeteria ng school namin.

Wala kasi yung prof namin kanina sa isang subject kaya heto kami at naghihintay kami para dun sa last subject namin. May meeting ata kasi ang mga professor kanina, kaya di namin alam kung matutuloy paba ang klase namin sa pang huling subject. Nagbell na at naglabasan na ang ibang mga students galing sa iba't ibang year level.

Ngayon aakyat na kami sa room namin dahil oras na ng klase para sa huling subject. Nahiwalay na sa amin si Charles kasi ibang section siya sa amin ni Leigh, mechanical engineering kasi ang course ni charles, kami naman ni Leigh computer science, kaya iba ang building, kaya sinabihan niya nalang kami na magkita sa favorite place namin, kapag wala daw kaming klaseng tatlo.

Pero alam niyo gusto ko magiba ng course, hindi naman sa ayaw ko ng course ko ngayon, okay nadin naman pero balak ko pang magaral ng iba, pagkatapos kong itake yung course ko ngayon. Umakyat na kami ni Leigh sa building namin.

Ngunit pagdating namin sa my hall way, nagkakagulo ang ibang mga studyante at sa tapat pa talaga ng room namin. Kaya hindi nadin naman mapigilan tong si Leigh na magtanong sa isa naming kaklase na kakapasok lang mg room at kagagaling lang sa pagiging usisera.