Tips Para sa mga Torpe

2.4K 5 0

ni UnoDosTriss

ni UnoDosTriss

~Sweet_cupcake17's NOTE:

Hi readers! Naghahanap lang ako sa google ng mga tips... and then I found this... hahahah sounds interesting! ^^ Para ito sa mga Torpe and Non-torpe, bahala kayo if you want to read it or not :D

Read: *We found Us (One-Shot) and *Spell LOVE, It's Y-O-U (On-going)... ^^ Thank you! ^^

*****************************************************

ANG pagiging mahiyain ay karaniwan nang ugali ng isang lalaki. Ito ang dahilan kung bakit hindi siya nagiging aktibo sa harap ng ibang tao, mula sa pagsasalita ng kanyang tunay na damdamin sa anumang bagay at ang pinakamalungkot ang maligawan ang babaeng kanyang gustong maging nobya at asawa.

1. MAGPRAKTIS SA HARAP NG KAIBIGAN. Ang malaking dahilan sa pagkamahiyain ay ang takot na mabasted. Tanggalin ang dahilang ito sa pakikipag-usap at pagpili sa babae para sa iyong kaibigan o iyong kapatid (pero tiyakin na alam ito ng iyong kaibigan). At dahil ang iyong ego ay hindi itinataya, hindi ka masyadong personal na involve sa iyong approach. Ramdam mo kasi na walang big deal at gusto mo lang mapraktis ang pakikipag-usap.

2. MAG-POKUS SA UNTI-UNTING HAKBANG. Magsimula sa 12 steps program. Simulan mo sa matamis na ngiti. Ipakita sa lahat hindi lamang sa cute girl na ikaw ay friendly at madaling makausap. Sa sumunod na araw, gawin na ang makipag-“hi.” Ang sumunod ay medyo makikipag-usap na. Iparamdam sa kanya na bukas-loob ka at madaling kausap. Kung medyo nakapagbiro ka, okey lang. Madali lang namang magpatawad ang tao. Kung naaakit sa maganda, ganito ang gawin. Kailangang alamin kung anong hitsura ng lalaki ang hanap niya at ganu’ng hitsura ang siya mong i-project.

3. SIMULANG TANUNGIN ANG ESPESYAL NA BABAE NG SIMPLENG TANONG. Maipakita mong nagmamalasakit ka dahil nakumusta mo siya ng araw na iyon.

4. HUWAG MASYADONG PERSONALIN ANG ISANG BAGAY. Kung nais magtagumpay sa larangan ng pag-ibig, kahit anong sandali ay puwedeng tiyempuhan, pero anuman ang kanyang timing sa iyo ay huwag masyadong damdamin. Huwag masaktan kung may nabanggit man siyang iba.

5. MATUTONG MAKINIG. Huwag ikaw ang laging magsasalita. Kung puwede ay pagsalitain ang babae. Isang beses lang magtanong at saka makinig na sa kanya. Kung bagot na siya sa usapan, ibahin ang paksa. Sumundot ng iba pang bagay na mapag-uusapan para maipagpatuloy ang kuwentuhan.

6. MAKIPAG-USAP SA MARAMI. Huwag matakot na makipag-usap kahit kanino, mula sa isang matandang naggo-grocery, praktis lang ang kailangan.

7. HUWAG MATAKOT NA MABASTED. Maraming boksingero ang sumasagupa pero kahit natatalo ay nagpapatuloy sa larangan. Ganyan ka rin, hindi ka dapat umasa na laging panalo. Kaya kung anuman ang karanasan sa panliligaw ay ituring itong isang positibong learning experience. Ang trick dito ay hindi dapat sumuko. Ang pagkamahiyain at pag-aalangan ay nangyayari kung iniisip lagi ang kakulangan. Sa halip, ipokus ang isipan sa babaeng kausap. Kalimutan ang kakulangan, makikita mo kung paano ka bibigyan ng atensiyon.

8. LUMABAS AT MAKIPAGKAIBIGAN. Lumahok sa mga aktibidad na nakikipag-ugnayan sa maraming tao gaya ng pagdyi-gym, exercise class, college society o hobby club. Sa lugar na ito, dapat lagi kang nakikipag-ugnayan at darating ang time na magiging komportable ka rin. At higit sa lahat, garantisadong dito mo matatagpuan ang babaeng magpapatibok ng puso mo.

9. SIMULAN SA SARILI MO. Kapag tatalikuran na ang pagkamahiyain, kailangan ng panahon at tiyaga, makikita mo kung paano magbabago ang iyong buhay.

10. IMADYININ NA NAKIKIPAG-USAP KA LAGI SA ISANG KAIBIGAN. Iyong walang seksuwal na atensiyon para maging komportable sa pakikipag-usap.

11. TUMINGIN NANG MATA SA MATA. At ipaalam sa kanya na ikaw ay interesado. Pero huwag namang tititig.

12. MAGPAKATOTOO, MAGING MARESPETO SA BABAE.

13. BATIIN ANG MALILIIT NA BAGAY SA KANYA. IYONG MGA BAGAY NA ‘DI MASYADONG NAPAPANSIN NG IBANG LALAKI. At kapag nagawa ‘yan, feeling niya espesyal na siya.

Hit VOTE if you like this post! :D

~Sweet_cupcake17