He Stole My Last Kiss

Move Two

The First Show
~•~•~•~•~•~•~

"Pink kasi 'yun, e! Sino ba nagsabi na isasama ang pink sa white load?" galit na tanong ko kay Zane at tinignan ulit ang mga puting damit ko na ngayon ay may pink tint na. Yes, the idiot put a pink shirt in a white load. Ayan tuloy!

Pumadyak si Zane. "Hindi naman ako babae para malaman 'yan, e!"

"Common sense, tanga!"

"As if naman matalino ka masyado."

Umirap ako. "At least alam ko ang basics ng gawaing bahay! Paglalaba lang 'di mo kaya? E, sino naglalaba para sainyo this past year?!"

"May tinatawag na labandera, Nessa!" sigaw niya pabalik. "Hindi naman katapusan ng mundo kapag 'di marunong maglaba, a? OA ka lang!"

"OA?!" Hinampas ko sakanya 'yung dating white t-shirt ko. "Halos karamihan ng damit ko na puti sinira mo dahil sa kaengotan mo! Tapos OA pa ako ngayon? Wow ha!"

"Ang ingay mo, bwisit!"

"Mag-sorry ka nalang kasi!"

Inirapan niya ako. "Kapag maputi na ang buhok mo!"

"Matagal pa 'yun." Lumabi ako.

"Then start waiting," patapos niyang sabi at iniwan ako doon. Sa inis ko at binato ko nalang ulit lahat ng damit na hawak ko pero sinara na niya ang pinto. Huminga-hinga ako ng malalim para kumalma ako, pero nang maglaon ay inis na nilinis ko lang din ang laundry room. Kahit kailan talaga napaka-bastos ng lalaking 'yun! Wala siyang modo talaga!

Habang nagaayos ako ay tumunog ang phone ko at agad ko 'yung kinuha.

Cait: Kita tayo sa SB mga 4PM?

Huminga ako ng malalim at tumingin sa nilabhan kong mga damit. Napangiwi ako namg makitang pati ang tatlong tshirt ni kuya ay may pink tint nadin. Kasalanan naman ni Zane.

Vanessa: YES PLS. I need coffee so bad

Cait: zane??

Vanessa: Tumpak!

Cait: LMAO imagine when you're married

Kumunot ang noo ko at napalabi ako. Bakit ba lagi nilang sinasabi na magkakatuluyan kami ni Zane? E, alam naman nilang lahat na 'di pa nagkakaroon ng treaty 'tong war namin. Sa tagal ng panahon na magkakakilala kami, tsaka lang kami 'di nagbabangayan ni Zane kapag tulog kami pareho.

Vanessa: gonna ignore your comment. Kitakits! Papahatid ako kay Angelo.

Cait: wait and see. Okay!!

Napailing nalang ako at mabilis na tinapos ang pagtutupi sa mga damit. Magre-research nalang ako mamaya sa Google kung may chance bang ibalik sa dati 'yung kulay. May isang engot kasi na nagmagaling, e.

Nang matapos ako ay lumabas na ako at nakita ko agad si kuya na pawisan na sumasayaw. Pinanood ko muna siya dahil alam kong nagcho-choreograph siya ng sayaw. Pero para saan?