He Stole My Last Kiss

Move Eight

The First Date
~•~•~•~•~•~•~

"Hanggang ngayon, hindi ka padin kinakausap nyan?" rinig kong sabi ni Angelo kaya napairap ako sa ginagawa kong homework. Pero hindi ako nag-react, baka sabihin pang defensive ako masyado. Bahala sila mag-chismisan d'yan, wala akong pakialam.

"Drama queen nga kasi 'yan," sagot naman ni Zane at alam kong sinadya niyang lakasan ang boses niya para marinig ko. Again, hindi ako nag-react. Una, may homework ako at kailangan kong tapusin bago bukas. Pangalawa, naiinis padin ako sa pagmumukha ni Zane. Nakakabwisit parin siya. Pangatlo... Well. Okay. I only have two.

"Baka nagpapasuyo, brad," sabi ni Angelo at medyo natigilan ako. Napaisip ako sa sinabi ni Angelo and I found myself agreeing. Okay, then. Magpapasuyo ako!

But after the thought, napailing ako. As if naman susuyuin ako ni Zane. That man is too stubborn and too proud! Hindi siya magpapakababa ng pride na humingi ng tawad. All he knows is to steal kisses! Not ask for them!

Ask for them, Vanny?

I pursed my lips. Where are my thoughts leading to now?

Ask for them? So ibibigay mo din?

No! Napailing ako sa sarili ko. Hindi kaya ako papayag! As if naman.

You liked kissing him last night...

I groaned again. Lasing lang ako! And yes, nakakalasing ang juice! Gosh. My mind should just concentrate on my homework rather on some jerk!

"Vanny, 'yung kamay mo," biglang sabi ni kuya Vin at nagulat ako nang kunin niya mula sa kamay ko 'yung ballpen ko. I stared at my hand and gasped. Sa sobrang inis ko ay hindi ko na napansin na naputol ko ang ballpen na hawak ko at puno na ng ink 'yung buong kamay ko. "Ano ba 'yang iniisip mo at lutang na lutang ka?"

Umiwas ako ng tingin sa kunot-noo niyang mukha. "Wala. Hindi ko alam."

"Oh, ano'ng nangyari sa'yo, Vanny?" tanong ni Angelo na lumabas mula sa kitchen at pumasok sa sala kung asan ako. Napasimangot ako nang makita nakasunod si Zane sakanya at may hawak siyang bimpo at maliit na palanggana.

I shrugged. "Nag-spill lang 'yung ink."

Napabuntong-hininga si kuya Vin. "You know what? I don't even want to know. Gelo, samahan mo ako. Bibili tayo ng groceries." Aangal na sana ako pero tinignan ako ni kuya at napatiim-labi agad ako. "Mag-uusap kayo ni Zane. Seriously. The last time you guys kissed, mas lumala ang away ninyo. Pag-usapan niyo 'to."

Nagkatinginan kami ni Zane pero agad din akong umiwas ng tingin. The guy I hate, tsk.

"Ako ba magd-drive?" Angelo asked while they were exiting the apartment. Hindi ko na narinig ang sagot ni kuya dahil naisara at na-lock na nila ang apartment door. I snorted and tidied my station. Sa kwarto nalang ako magh-homework.

Tumayo na ako pero napatigil din noong tawagin ako ni Zane. "What?" iritableng tanong ko at hinarap siya.

Pinanliitan niya ako ng mata. "Sit down and stay there, Nessa," utos niya at lumapit sa'kin. Hindi ako gumalaw at pinanood lang siya na umupo sa couch at nilapag 'yung palanggana na hawak niya sa coffee table, away from my homework. Tumingala siya at nang makitang hindi ako gumalaw ay hinawakan niya ang kamay ko at hinila ako paupo sa tabi niya. Napapadyak ako at tinulak ang mukha niya papalayo pero napailing lang siya at inabot niya 'yung maduming kamay ko. He silently dabbed on it hanggang sa medyo nawawala na 'yung ink at hindi ako nagsalita.