He Stole My Last Kiss

Prologue

The First Kiss
~•~•~•~•~•~

"Kuya Vin?"

Tumingin siya sa'kin. "Oh, Vanny, what are you doing here? Akala ko ba sasamahan mo si Mama?"

"Dapat," sabi ko at tumabi sakanya. "Kaso dumating si ate kaya sabi ko siya nalang. Ayoko mag-shopping, e."

Tinaasan niya ako ng kilay. "Himala ata 'yan? You're obsessed with shopping."

Lumabi ako. "It's my stress reliever, you know that, kuya."

"Of course," tawa niya at nilipat ulit ang channel. He was watching a movie, pero knowing him, alam kong nagsawa na siya agad. He can never keep his attention focused on one thing. Madali siyang magsawa. "So, ate Vicky's visiting, huh? Sana naman buong weekend siya dito."

"Para manood ng dance show?" tanong ko. Dancer si kuya, and he is part of our High School's dance team. Noong una, hindi ko talaga trip ang nanonood. But he dragged me to a show of theirs one time, and I enjoyed it. Ang gagaling kasi nilang sumayaw, e. Talagang mapapanganga ka at hindi mo p'wedeng ma-miss ang kahit isang move lang nila. They're so good that they once performed on It's Showtime, pero hindi nila tinuloy ang competition dahil may namatay na Trooper.

Tumango siya. "Yeah. 'Di pa niya ako napapanood this year," aniya.

Ate Vicky is two years older than kuya Vincent "Vin" Decilva. Si kuya naman isang taon lang ang tanda sa akin. Senior na siya, and I'm a Junior. We were supposed to have another baby sister, pero nagka-miscarriage si Mama. Those were dark days for us.

"Vanny, may outing pala tayo next week, ah? Before school officially starts," sabi niya sa'kin at napangiwi ako. Close kami ni kuya, kaya naging close ko din ang barkada niya. Mostly Troopers sila, and they are all so nice to me. Maliban kay Zane.

"Kasama si Zane?" tanong ko at alam kong lukot na naman ang mukha ko. Hindi ko alam kung ano ang problema ni Zane sa'kin, pero napakasungit niya kapag ako na ang kaharap niya.

Kuya Vin looked apologetic. "Sorry, Vanny. He's still a Trooper."

Lumabi nalang ako at tumango. Ayoko naman na mag-cancel dahil lang sakanya, dahil masungit siya sa'kin. Medyo nasasanay naman na ako sa ugali niya, e. At isa pa, andoon naman 'yung iba pang kaibigan namin ni kuya kaya hindi sakanya ang buong atensyon ko. That's okay with me.

"Mag-pack ka nalang, dali," aniya at tinulak ako patayo. Napapadyak ako at tumawa naman siya. "Go, Vanny. Alam ko kung gaano ka kabagal mag-empake ng gamit mo."

"Sa Monday pa naman, e, 'di ba?" simangot na tanong ko sakanya.

Napailing siya. "We leave Sunday night. Mga 11PM," sambit niya.

"Who's driving?" tanong ko at nagsalubong ang kilay ko. "Pretty sure pagod kayo lahat dahil competition niyo ng Sunday, 7PM!"

Tumawa si kuya. "Sasama naman si Angelo, e. Pati si Cody. Alternate daw sila sa pagmamaneho."

"Camping tayo saan, kuya?"

"Basta. Magha-hiking tayo," aniya. "Just try to pack lightly."

Tumango ako at pumanhik na sa kwarto ko. It's two days away, pero tama naman si kuya na matagal ako mag-impake ng gamit. But that's only because I make a checklist all the time, para wala akong maiwan or makalimutan na kahit ano. Mahirap na.