She's Enigmatic

Seven

Chapter 7

Enjoy reading!

3rd.

Nanaig ang katahimikan sa buong hallway na pati ang pagsinghap ng ilan ay nawalan ng tunog. Nakatagilid pa rin ang ulo niya dahil sa pagsipa ni Jameson na 'di sinasadyang siya ang matamaan.

Naramdaman ulit ng lahat ang katahimikan na nakakakaba na hatid ng kanyang presensya.

Dahan-dahan n'yang inangat ang ulo at narinig ng ilan ang mahinang pagsinghal niya. Ginalaw-galaw niya ang kanyang leeg pakanan pakaliwa habang nakapikit pa rin. Namamanghang nakatitig ang iba sa kanya dahil sa kagandahang taglay niya ngunit nangingibabaw ang mapanganib n'yang awra sa mga oras na ito.

Pati ang grupo ni Laine at Zync ay natigilan rin na kasalukuyang nakatayo sa kanyang likuran.

Minulat niya ang kanyang mga mata at matamang tinitigan si Jameson sa mata, namutla si Jameson nang magsimula s'yang humakbang at ang takong ng sapatos niya ay tila tambol na umalingawngaw sa tenga ng lalaki. Umatras ang lalaki nang makalapit siya kaya mas lalo s'yang lumapit dito.

Inilapit ni Katarina ang mukha kay Jameson at binigyan ng isang kakaibang ngiti ang lalaki. Napanganga ang lalaki sa ganda ng ngiting iyon kaya napangisi ito sa pag-aakalang hindi siya magagalit sa nagawang hindi sinasadyang pagsipa.

Mas lalong napangisi si Jameson nang inilapit niya ang kanyang mga labi sa tenga nito. Naramdaman nito ang kanyang mainit na hininga.

'Damn. She's so beautiful and hot!' Untag ni Jameson sa isipan.

Diretso ang tingin ni Katarina sa lalaking nakatayo sa likod ni Jameson. Nakipaglaban naman sa titigan si Rusty sa kanya.

"It's not how you do it, too weak for a football captain." Marahan at malumanay na bulong niya sa lalaki.

Biglang nanlaki at tila umusok ang ilong ni Jameson nang mapagtanto ang kanyang binulong. Marahas itong lumingon sa kanya ngunit huli na nitong napansin na nakaatras na pala siya at ang kanyang killer heels ay humalik na sa pisnge ng lalaki.

Tumilapon si Jameson palayo ngunit hindi pa man ito nakakahulma sa pagkagulat ay naramdaman nito ang pagsipang muli ni Katarina sa kabila nitong pisnge.

"That's what you fvcking call double roundhouse kick, idiot!" Hiyaw ni Sia na nakipagkumpulan rin pala sa mga usi.

Nakatanga lang ang lahat sa kanya dahil sa kanyang mabilis at maliksi na paggalaw na tila nagsasayaw ng ballet dahil sa magaang pag-ikot ng katawan. Babagsak na sana si Jameson sa sahig nang sinalo ito ni Katarina gamit ang isang paa at initsa niya ito pabalik pataas. Hinuli niya ang kwelyo ng lalaking nakapikit dahil sa sakit at gulat. Nilapit niya ang mukha ng lalaki sa kanya.

"How was it?" Nanlilisik ang mga matang tiningnan niya ito. Nakangiwing napalunok naman si Jameson dahil sa takot at pilit iniiwas ang tingin sa kanya. "That's how you kick, captain." Binitiwan niya si Jameson at sisipain na sanang muli nang may dalawang kamay na pumigil sa kanyang binti.

Napatingin si Katarina sa mga may-ari ng mga kamay na iyon. Napangisi siya nang makita ang mga seryosong tingin nina Laine at Rusty sa kanya. Marahas n'yang binawi ang binti at umayos ng tayo.

"Dude!" Sigaw ng mga kaibigan ni Jameson atsaka dinaluhan ito nang bumagsak ito sa sahig dahil sa takot.

"Oh my gosh, sweetheart! What is going on here?!" sigaw naman ni Aica na kakarating lang.

Matalim ang tingin ni Laine sa kanya habang ang tingin naman ni Rusty ay 'yong tingin ng isang presidente sa isang nagkasala.

"Oh my gosh!"