Bakit pa iniluwal,
sa mundong ibabaw?
Kung laging sinasakal,
ng pasakit araw-araw?
'Di ko naman ninais,
na kamtan ang pait.
Ngunit bakit nahahapis,
sa tadhanang kay lupit?
Ang hinahon ko'y nilamon,
ng poot na pumaroon,
sa pusong hinamon,
ng galit na mapurol.
Pamilyang naturingan,
'di ka 'man lang matulungan.
Bagkus sila pa ang nagbibigay,
ng galit at ng lumbay.
Puso ko'y sumisigaw,
sa tikis na taglay.
Damdamin ko'y uhaw,
sa pag-asang hinihintay.
Luha ko ay kaypait,
kalayaan ang aking ibig.
Sa buhay na nangagkasalit,
damdamin tuluyang nanlamig.
Ngayon, aking dinidibdib,
ang galit na bumulid.
At tunay na lumupig,
sa kaligayahan at pag-ibig.
BINABASA MO ANG
POETRY
PoetryTula Koleksyon ng mga Emosyon Likha ni: 25_Summer malayang pagbahagi ng mga halo-halong emosyon na binuo ng mga salita't titik at naging isang Tula. Ang pangongopya sa gawa ng iba sa kahit anong paraan ay mahigpit na ipinagbabawal ng batas. Malaya k...
