Tunay nga na ang buhay ay maikli lamang.
Darating ang panahong hininga natin ay mapaparam.
Sa isang iglap lakas ng katawan ay babawiin,
linaw ng mata ay kukunin.
Tinig ay hihina rin hanggang sa makaririnig na lamang ay hangin.
Masakit mang tanggapin.
Mahirap mang unawain.
Ang katotohanan na bawat isa sa atin,
ang buhay dito sa mundo ay lilipas din.
Hubad tayong dito ay dumating,
hubad din natin itong lilisanin.
At ang tanging maiiwan na lamang ay ala-ala,
pangit man ito o maganda,
ngunit isa lamang ang tunay na mahalaga,
ang ala-alang ito'y magdudulot ng kaunting saya,
sa mga pusong tanging nadarama ay pagdurusa.
BINABASA MO ANG
POETRY
PoetryTula Koleksyon ng mga Emosyon Likha ni: 25_Summer malayang pagbahagi ng mga halo-halong emosyon na binuo ng mga salita't titik at naging isang Tula. Ang pangongopya sa gawa ng iba sa kahit anong paraan ay mahigpit na ipinagbabawal ng batas. Malaya k...
