(Sa lahat ng hindi malapit sa kanilang Ina ngunit naghahangad ng pagmamahal at pagtanggap sa kanila, baka maka-relate ka dito!)
Maraming katanungan sa isipan ko'y gumugulo,
bakit nga ba ganito mo ako itrato,
anak nga ba ang sa'kin ay turing mo,
o ako, sa iyo'y ibang tao?
Laging binibigkas ng labi mo,
na ako'y minamahal mo,
ngunit bakit hindi iyon,
ang nadarama ng aking puso?
Sa mga oras na kalinga mo'y kailangan ko,
nasaan ka o ina'y, bakit wala ka sa tabi ko?
ni hindi ko mahawakan ang dulo ng daliri mo,
kahit isang dangkal lamang ang sa'kin ay layo mo.
Pinipilit kong unawain ang lahat ng ito,
marahil abala ka, kaya 'di mo pansin ang tulad ko.
Mahal na mahal kita o nanay ko,
'yan ay tapat at galing sa'king puso.
Ang nais ko lamang ay mahalin mo ako,
sa kung sino at anong mayroon ako.
Ina, huwag mong hayaang tuluyang mapalayo,
at masanay na nag-iisa ang aking puso.
BINABASA MO ANG
POETRY
PoesieTula Koleksyon ng mga Emosyon Likha ni: 25_Summer malayang pagbahagi ng mga halo-halong emosyon na binuo ng mga salita't titik at naging isang Tula. Ang pangongopya sa gawa ng iba sa kahit anong paraan ay mahigpit na ipinagbabawal ng batas. Malaya k...
