أســرَار الـزمان .. طارق اللبيب
جدول المحتويات

    أنت تقرأ

    أســرَار الـزمان .. طارق اللبيب

    Aléatoire

    ﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...

    #اسرار #الزمان #اللبيب #سوداني #طارق

    ( 3 )

    1.5K 29 0 
                                            
    
                                                  
    ﻣﻦ ﺍﻟﺼﺒﺎﺡ ﺍﺏ ﺧﻮﺳﺔ .. ﺭﻓﻊ ﺣﺰﻡ ﺍﻟﺤﻄﺐ ﻓﻮﻕ ﺣﻤﺎﺭﺗﻮ .. ﺑﻲ ﺟﺎﻱ ﻭﺑﻲ ﺟﺎﻱ
    .. ﻭﻟﺒﺲ ﻃﺎﻗﻴﺔ ﺣﻤﺮﺍ ﻣﺸﻐﻮﻟﺔ ﺑﺎﻟﻴﺪ . ﻭﻧﻂ ﻓﻮﻕ ﺍﻟﺤﻤﺎﺭﺓ ﻭﻗﺎﻝ ﻛﺪﻱ ﻟﻜﻪ ..
    ﻣﺸﻰ ﻋﻠﻰ ﺑﻴﺖ ﻧﺎﺱ ﻭﺩ ﺩﺍﺭ ﺍﻟﺰﻳﻦ .. ﺍﻟﺰﻣﻦ ﺩﻩ ﺗﻘﺮﻳﺒﺎ ﺯﻱ ﺍﻟﺴﺎﻋﺔ 8 ﺻﺒﺎﺣﺎ" ..
    ﻟﻜﻦ ﻣﺎﻓﻲ ﺯﻭﻝ ﻋﻨﺪﻭ ﺳﺎﻋﺔ ﻭﻻﺳﻤﻌﻮ ﺑﻴﻬﺎ ﺫﺍﺗﻮ ..
    ﺍﻟﻤﻬﻢ ﻣﻦ ﺑﻌﻴﺪ ﻫﻮ ﻣﺎﺷﻲ ﺑﻲ ﺣﻤﺎﺭﺗﻮ .. ﺑﻌﺎﻳﻦ ﻳﻬﺪﺍﺍﺍﺍﻙ ﺍﻟﺒﺎﺏ .. ﺍﻟﺒﺎﺏ ﻓﺘﺢ ..
    ﻭﻫﻮ ﻟﺴﻊ ﺑﻌﻴﺪ ﻣﻨﻮ .. ﻭﻗﻒ ﺣﻤﺎﺭﺗﻮ ﻭﺑﻘﻰ ﻳﻌﺎﻳﻦ ﻣﻦ ﺑﻌﻴﺪ .. ﺷﺎﻑ ﺍﻟﺘﺎﻳﺔ ﺑﺖ
    ﻣﺨﺘﺎﺭ ﺍﻡ ﺍﻟﻨﺴﻴﻢ ﻳﺎﺩﻭﺑﺔ ﻣﺎﺭﻗﺔ ﻋﻠﻲ ﺍﻟﺴﻮﻕ .. ﺍﻧﺘﻈﺮ ﻻﻣﻦ ﺩﺧﻠﺖ ﻣﺸﺖ ﺑﻌﻴﺪ ..
    ﻭﻟﻔﺖ ﺑﻲ ﻭﺭﺍ ﺑﻴﻮﺕ ﻧﺎﺱ ﺑﺎﺑﻜﺮ ..
    ﻃﻮﺍﻟﻲ ﺍﺗﺤﺮﻙ ﻭﺟﺎ ﻧﻘﺮ ﺍﻟﺒﺎﺏ ﺑﻲ ﻋﺼﺎﺗﻮ .. ﻛﻮ ﻛﻮ ﻛﻜﻮ ..
    ﻳﻨﻘﺮ ﻭﻳﻨﻘﺮ ﺍﺻﻠﻮ ﻣﺎﻓﻲ ﺯﻭﻝ ﺟﺎﻫﻮ .. ﺑﻘﻰ ﻳﻜﻮﺭﻙ .. ﻳﺎ ﺍﻟﺘﺎﺍﺍﻳﺔ .. ﻋﻮﻭﻭﻙ ﻳﺎ
    ﺍﻟﺘﺎﻳﺔ ﺑﺖ ﻣﺨﺘﺎﺭ ..
    ﺑﺮﺍﺍﺍﺣﺔ ﺍﻟﺒﺎﺏ ﺍﺗﻔﺘﺢ .. ﻭﺍﻟﺰﻭﻝ ﺍﻟﻔﺘﺢ ﺍﻟﺒﺎﺏ ﻣﻀﺎﺭﻱ ﻣﺎﺑﻨﺸﺎﻑ .. ﺍﺏ ﺧﻮﺳﺔ
    ﺳﻤﻊ ﻟﻴﻚ ﺻﻮﺕ ﻧﺎﺍﺍﺍﺍﻋﻢ ﻭﻃﺎﻋﻢ .. ﻗﺎﻟﺖ ﻟﻴﻬﻮ .. ﺣﺒﺎﺑﻚ .. ﺍﻣﻲ ﻣﺮﻗﺖ ﻋﻠﻰ
    ﺍﻟﺴﻮﻕ .. ﺍﻧﺖ ﻣﻨﻮ؟
    ﻗﺎﻝ ﻟﻴﻬﺎ ﺍﻧﺎ ﺍﺏ ﺧﻮﺳﺔ ﻭﺩ ﺟﺎﺭ ﺍﻟﻨﺒﻲ .. ﻫﺎﻙ ﻋﻠﻴﻚ ﺍﻟﻠﻪ ﺍﺩﻳﻬﺎ ﺍﻻﻣﺎﻧﺔ ﺩﻱ ..
    ﻭﻧﺰﻝ ﻣﻦ ﺍﻟﺤﻤﺎﺭ .. ﻭﻫﻲ ﻇﻬﺮﺕ ﻧﺺ ﺟﺴﻤﻬﺎ .. ﻭﻭﺷﻬﺎ ﻛﺎﻣﻞ ..
    ﻃﺒﻌﺎ ﻻﺑﺴﻪ ﺭﺣﻂ . ﻭﺳﺪﺭﻳﺔ .. ‏( ﺍﻟﺮﺣﻂ ﺣﺰﺍﻡ ﻣﻦ ﺍﻟﺠﻠﺪ ﻓﻴﻬﻮ ﺧﻴﻮﻁ ﺟﻠﺪ ﻣﺘﺪﻟﻴﺔ
    ﻣﺸﺮﺷﺮﺓ ﺗﺴﺘﺮ ﺍﻟﻌﻮﺭﺓ ﻓﻘﻂ ‏) .. ﻭﺷﻌﺮﻫﺎ ﻣﻀﻔﺮ ﺑﺎﻟﻮﺩﻉ ﺍﻻﺑﻴﺾ ﺍﻟﺪﻗﺎﻕ ..
    ﻧﺎﺯﻝ ﻓﻮﻗﺎ ﺯﻱ ﻟﻴﻞ ﺍﻟﺒﻮﺍﺩﻱ .. ﻭﺍﻟﺰﻣﺎﻡ ﻓﻲ ﻧﺨﺮﺗﻬﺎ ﺣﻠﻘﺔ ﺯﻱ ﻫﻼﻝ ﺍﻟﻌﻴﺪ ..
    ﻭﺑﺎﻗﻲ ﺟﺴﻤﻬﺎ ﻣﺎﻓﻮﻗﻮ ﻭﻻﻗﻄﻌﺔ ..ﻭﺩﻩ ﺍﻟﻠﺒﺲ ﺍﻟﻜﺎﻥ ﺳﺎﻳﺪ ﻟﻠﻔﺘﻴﺎﺕ ﻓﻲ
    ﺍﻟﻮﻛﺖ ﺩﺍﻙ .. ﺍﺏ ﺧﻮﺳﺔ ﻋﺎﻳﻦ ﻟﻴﻬﺎ ﻣﻦ ﺭﺍﺳﻬﺎ ﻟﻲ ﻛﺮﻋﻴﻬﺎ ..
    ﻭﻫﻲ ﻣﺎﺭﻓﻌﺖ ﻭﺷﻬﺎ ﻋﺎﻳﻨﺖ ﻟﻴﻬﻮ .. ﺑﺲ ﺍﺳﺘﻠﻤﺖ ﻣﻨﻮ ﺣﺰﻣﺔ ﺍﻟﺤﻄﺐ .. ﻭﻗﻔﻠﺖ
    ﺍﻟﺒﺎﺏ .. ﺍﺏ ﺧﻮﺳﺔ ﺑﻘﻰ ﻭﺍﻗﻒ ﻗﺪﺍﻡ ﺍﻟﺒﺎﺏ ﺑﻌﺪ ﺍﺗﻘﻔﻞ .. ﺯﻱ ﺍﻟﺼﻨﻢ ﻭﻻﻗﺎﺩﺭ
    ﻳﺒﻠﻊ ﺭﻳﻘﻮ ..
    ﺷﻮﻳﺔ ﻛﺪﺍ ﺍﻧﺘﺒﻪ ﻟﻲ ﻧﻔﺴﻮ ..ﻭﻫﺰ ﺭﺍﺳﻮ ﻭﺭﻛﺐ ﺣﻤﺎﺭﺗﻮ .. ﻭﻣﺸﻰ .. ﻭﻗﺎﻝ ..
    ﺑﺎﻝ ﺍﻟﺰﻭﻝ ﻭﺩﺭ .. ﻗﻮﻝ ﻳﺎﻟﻄﻴﻒ ﺍﻟﺤﺎﻝ .
    ﻛﺎﻥ ﺍﻫﺪﺍ ﻭﺍﻃﻴﺐ ﻣﻦ ﺍﻟﺠﻨﻮﻥ ﺩﻩ ﻣﺤﺎﻝ ..
    ﻭﺩﺑﺎﻣﺒﻲ ﺷﻜــﻴﺘﻮ ﻋﻠﻰ ﺍﻟﻘﻮﻱ ﺍﻟﻤﺘﻌﺎﻝ ..
    ﺍﺗﺴﻠﻂ ﻋﻠﻲ .. ﻭﺭﻣﺎﻧﻲ ﻓﻲ ﺍﻷﻫﻮﺍﻝ ..
    .
    ﻣﺸﻰ ﻃﻮﺍﻟﻲ ﻋﻠﻰ ﺍﻟﺒﻴﺖ ﻭﻓﻮﻗﻮ ﺣﻤﻰ ﺗﻨﻬﺒﺶ ﺑﺎﻟﻌﻮﺩ .. ﺍﻟﻤﻬﻢ ﺑﺎﻟﻠﻴﻞ ﺟﺎﻫﻮ
    ﺑﺎﻣﺒﻲ ﻗﺎﻝ ﻟﻴﻬﻮ ﺍﻫﺎ ﺍﺣﻜﻲ ﺍﻟﺤﺎﺻﻞ .. ﺷﻦ ﺷﻔﺖ .. ﻗﺎﻝ ﻟﻴﻬﻮ ..
    ﺷﻔﺖ ﺍﻟﻨﺎﺭ ﻭﺷﻔﺖ ﺍﻟﻮﻳﻞ ﻭﺷﻔﺖ ﺍﻟﻬﻢ ..
    ﺷـــﻔﺖ ﺍﻟﺒﻄﻔﻲ ﺑﻲ ﻧﻮﺭﻭ ﺍﻟﺒﺪﻭﺭ ﺍﻟﺘﻢ ...
    ﺷﻔﺖ ﺍﻟﺮﺧﺮﺥ ﺍﻟﻨﺸﺸﺸﻒ ﻣﻨﺎﺑﻊ ﺍﻟﺪﻡ ....
    ﻣﻦ ﺷﻔﺘﻮ ﺍﻟﺼﺒﺎﺡ ﺟﺴﻤﻲ ﺍﻟﺘﻘﻮﻝ ﻣﻨﺴﻢ ...
    ﺑﺎﻣﺒﻲ ﻗﺎﻝ ﺍﻟﻤﺮﺿﻞ .. ﺍﻣﺎﻧﺔ ﺍﻟﻠﻴﻠﺔ ﻣﺎﻭﻗﻊ ﺭﺍﺟﻞ .. ﻗﺎﻝ ﻟﻴﻬﻮ ﻳﺎ ﺑﺎﻣﺒﻲ ﻋﻠﻴﻚ
    ﺍﻟﻠﻪ ﺍﻟﺴﻠﻄﻚ ﻋﻠﻰ ﺷﻨﻮ ﺍﻧﺎ ﻛﻨﺖ ﻓﻲ ﺣﺎﻟﻲ .. ﻋﻠﻴﻚ ﺍﻟﻠﻪ ﺍﻛﺎﻥ ﻣﺎ ﺷﻘﺎﻭﺓ" ﻋﻠﻲ
    ﺍﺑﺮﻯ ﻛﻼﻣﻚ ﺍﺕ ..
    ﺩﻱ ﻭﺍﻟﻠﻪ ﻳﺎ ﺑﺎﻣﺒﻲ ﺍﻧﺎ ﻣﺎﻳﺨﻠﻮﻧﻲ ﺍﺑﻘﺎﻻ ﺧﺪﺍﻡ .. ﺧﻠﻲ ﻳﺪﻭﻧﻲ ﻟﻴﻬﺎ ﻣﺮﺍﺓ ..
    ﻗﺎﻝ ﻟﻴﻬﻮ ﺍﻟﻤﻮﺿﻮﻉ ﺩﻩ ﺧﻠﻮ ﻋﻠﻲ .. ﺑﺲ ﺍﻧﺖ ﺍﺗﺬﻛﺮ ﺍﻧﻲ ﻃﺎﻟﺒﻚ ﺷﻲ .. ﻭﺍﻳﺮﻙ
    ﺗﻮﻓﻲ ﻟﻲ ﻳﻮﻣﻲ ﺍﻻﺟﻲ ﺍﻃﻠﺒﻮ ﻣﻨﻚ .. ﻗﺎﻝ ﻟﻴﻬﻮ ﻳﺎﺯﻭﻝ ﺳﻮ ﺳﻮﺍﺗﻚ ﻭﻃﻠﺒﻚ
    ﻣﺎﺿﻲ ..
    ﻳﻮﻣﻴﻦ ﺗﻼﺗﺔ ﻭﻣﺸﻰ ﺑﺎﻣﺒﻲ ﻟﻲ ﻭﺩ ﺩﺍﺭ ﺍﻟﺰﻳﻦ ﻓﻲ ﺍﻟﺒﻴﺖ .. ﻗﺎﻝ ﻟﻴﻬﻮ ﺍﻫﺎ ﺍﻟﺰﻭﻝ
    ﺍﻟﻤﻠﻌﻮﻥ ﺍﻻﺳﻤﻮ ﻭﺩ ﻣﻜﺘﻮﻝ ﺩﻩ ..ﺳﻮﺍ ﺷﻨﻮ ﻣﻊ ﻋﻤﻚ ﺍﻟﺒﺸﻴﺮ .. ﻗﺎﻝ ﻟﻴﻬﻮ ﻭﺍﻟﻠﻪ
    ﻳﺎ ﺑﺎﻣﺒﻲ ﺍﻟﺮﺍﺟﻞ ﺷﻐﺎﻝ ﻳﺨﺪﻡ ﺧﺪﻣﺔ ﺍﻟﻌﺒﻴﺪ .. ﻻ ﻛﻼ ﻭﻻﻣﻼ ..
    ﻗﺎﻝ ﻟﻴﻬﻮ ﺍﺳﻤﻊ ﻳﺎﻭﺩ ﺩﺍﺭ ﺍﻟﺰﻳﻦ . ﺍﻧﺎ ﺍﻟﻜﻼﻡ ﺍﻟﺒﻘﻮﻟﻮ ﻟﻴﻚ ﺗﻤﺸﻲ ﺗﺴﻮﻳﻬﻮ ..
    ﺍﻭﻋﻚ ﺗﻘﻮﻝ ﻟﻲ ﻟﻴﻪ ..ﻓﺎﻫﻢ ﻭﻻﻻ ..
    ﺍﻧﺖ ﻣﻮﺵ ﺩﺍﻳﺮ ﺍﻟﺰﻭﻝ ﺩﻩ ﻳﺒﻌﺪ ﻣﻦ ﺑﺘﻚ؟ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻗﻮﻝ .. ﺍﻧﺎ
    ﺳﺎﺍﺍﺍﺍﻣﻌﻚ ..
    ﻗﺎﻝ ﻟﻴﻬﻮ ﺑﻌﺪﻳﻦ ﺑﺎﻟﻠﻴﻞ ﺗﺘﻌﺸﻮ .. ﻟﻒ ﻭﺷﻴﻚ ﺑﺎﻟﻌﻤﺔ .. ﻭ ﺳﻮﻕ ﺍﻟﻨﺴﻴﻢ ﻭﺍﻣﺸﻲ
    ﻟﻲ ﻋﻤﻚ ﺍﻟﺒﺸﻴﺮ .. ﻓﻲ ﺍﻟﺒﻴﺖ ﻭﻛﺘﻴﻦ ﺗﺼﻞ ﻫﻨﺎﻙ ﻣﺎﺗﺴﻠﻢ .. ﺍﺩﺧﻞ ﺍﻧﺖ ﻭﺍﻟﺒﺖ
    ﻓﻲ ﺍﻻﻭﺿﺔ ﺍﻟﻔﺎﺿﻴﺔ .. ﻭﻭﻭﻭ ﺍﻟﻤﻬﻢ ﺑﺎﻣﺒﻲ ﺑﺪﺍ ﻳﺮﺳﻢ ﻟﻴﻬﻮ ﻓﻲ ﺧﻄﺔ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻤﻜﺎﺭ ﺍﻧﺖ .. ﻭﺩﻣﻜﺘﻮﻝ ﻣﻮﻣﻜﺎﺭ .. ﺑﺎﻟﻠﻴﻞ
    ﻭﺩ ﺩﺍﺭ ﺍﻟﺰﻳﻦ ﻧﺎﺩﻯ ﺍﻟﻨﺴﻴﻢ ..ﻭﻗﺎﻝ ﻟﻴﻬﺎ ﺍﻟﺒﺴﻲ ﻧﻌﻼﺗﻚ ﺍﺭﺡ ﻣﻌﺎﻱ ..
    ﻭﺣﻜﻰ ﻟﻴﻬﺎ ﺍﻟﺨﻄﺔ ﺍﻟﻤﻔﺮﻭﺽ ﻳﺴﻮﻭﻫﺎ ..
    ﻣﺸﻮ ﻃﻮﺍﻟﻲ ﺍﻻﺗﻨﻴﻦ ﻭﺩ ﺩﺍﺭ ﺍﻟﺰﻳﻦ ﻻﻑ ﺭﺍﺳﻮ ﺑﺎﻟﻌﻤﺔ .. ﻭﺩﺧﻞ ﻣﻌﺎﻫﺎ ﺍﻻﻭﺿﺔ
    .. ﻋﻤﻞ ﻛﺮﻛﺒﺔ ﻓﻲ ﺍﻻﻭﺿﺔ .. ﺍﻟﺒﺸﻴﺮ ﻗﺎﻝ ﺍﻟﺠﻮﺓ ﻣﻨﻮ .. ؟؟ ﺑﺲ ﻭﺩﺍﺭ ﺍﻟﺰﻳﻦ
    ﺧﻼﻫﺎ ﺟﻮﺓ ﻭﻗﺎﻡ ﺟﺎﺭﻱ ﺗﻠﺐ ﺑﺎﻟﺤﻴﻄﺔ ﻭﻣﺮﻕ ..
    ﻭﺍﻟﺒﺸﻴﺮ ﻭﻭﺩﻣﻜﺘﻮﻝ ﺍﻻﺗﻨﻴﻦ ﺷﺎﻓﻮ ﺍﻟﺰﻭﻝ ﺍﻟﺠﺮﻯ .. ﻭﺍﻟﻨﺴﻴﻢ ﺟﺎﺕ ﻣﺎﺭﻗﺔ ﻣﻦ
    ﺟﻮﺓ ﺍﻻﻭﺿﺔ ..
    ﻗﺎﻟﻮ ﻟﻴﻬﺎ ﺍﻧﺘﻲ ﻣﻨﻮ ؟ ﻗﺎﻟﺖ ﺍﻧﺎ ﺍﻧﺎ ﺍﻟﻨﺴﻴﻢ ﺑﺖ ﻭﺩ ﺩﺍﺭ ﺍﻟﺰﻳﻦ .. ﻗﺎﻟﻮ ﻟﻴﻬﺎ . ﺩﻩ
    ﻣﻨﻮ ﺍﻟﻜﺎﻥ ﻣﻌﺎﻙ ..
    ﻗﺎﻟﺖ ﻟﻴﻬﻢ ﺩﻩ ﺍﺑﻮﻱ .. ﻗﺎﻟﻮ ﻟﻴﻬﺎ ﻳﺎﻛﻀﺎﺑﺔ ﻳﺎ ﺧﺎﻳﻨﺔ .. ﺍﺑﻮﻙ ﺍﻟﺒﺨﻠﻴﻬﻮ ﻳﻠﻒ ﺭﺍﺳﻮ
    .. ﻭﻳﻘﻮﻡ ﺟﺎﺭﻱ ﺷﻨﻮ؟؟
    ﻭﻗﻌﺪﻭ ﻳﺰﺭﺯﺭﻭ ﻓﻴﻬﺎ .. ﻭﻫﻲ ﺗﺤﻠﻒ ﻭﺗﻘﻮﻝ ﻟﻴﻬﻢ ﺩﻩ ﺍﺑﻮﻱ .. ﺑﻌﺪ ﻣﺴﺎﻓﺔ ﺍﺑﻮﻫﺎ
    ﺟﺎﺀ .. ﺩﺍﺧﻞ ﺑﻲ ﻫﻴﺌﺘﻮ ﺍﻟﻤﻌﺮﻭﻓﻪ ﻭﻻﺑﺲ ﻋﻤﺘﻮ ﻛﻮﻳﺲ .. ﻭﻻﺑﺲ ﻣﺮﻛﻮﺑﺔ ..
    ﻭﺷﺎﻳﻞ ﻋﺼﺎﺗﻮ ..
    ﻗﺎﻝ ﻟﻴﻬﻢ ﻳﺎﺟﻤﺎﻋﺔ ﻓﻲ ﺷﻨﻮ؟ .. ﻭﺩ ﻣﻜﺘﻮﻝ ﻗﺎﻝ ﻟﻴﻬﻮ ﺑﺘﻚ ﺟﺎﺑﺘﻠﻴﻬﺎ ﺯﻭﻝ ﻫﻨﺎ
    ..ﻭﺩﺧﻠﺖ ﻣﻌﺎﻫﻮ ﺍﻻﻭﺿﺔ .. ﺍﻟﻤﻈﻠﻤﺔ ﺩﻳﻚ ﻭﻛﺖ ﺣﺴﻴﺒﻨﺎﺑﻮ .. ﻗﺎﻡ ﺟﺎﺭﻱ ﻭﺗﻠﺐ
    ﺑﻲ ﺍﻟﺤﻴﻄﺔ ﺍﻟﻘﺼﻴﺮﺓ ﺩﻱ ..
    ﻗﺎﻝ ﻟﻴﻬﻢ ﻭﻫﻲ ﻗﺎﻟﺖ ﻟﻴﻜﻢ ﺩﻩ ﻣﻨﻮ .. ﻗﺎﻝ ﻟﻴﻬﻮ ﻗﺎﻟﺖ ﺩﻩ ﺍﺑﻮﻫﺎ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻢ ﺍﻱ ﺻﺎﺡ .. ﺩﻩ ﺍﻧﺎ ﺍﻟﻜﻨﺖ ﻣﻌﺎﻫﺎ .. ﻭﺩ ﻣﻜﺘﻮﻝ ﻗﺎﻝ ﻟﻴﻬﻮ
    ﻛﻤﺎﻥ ﺑﺘﺘﺴﺘﺮ ﻋﻠﻰ ﺑﺘﻚ .. ﻳﺎﻋﻤﺪﺓ ﺍﻟﺒﻠﺪ ..
    ﺧﺴﺎﺭﺓ ﺍﻳﺎﻣﻲ ﺍﻟﻌﺪﻳﺘﻦ ﻣﻌﺎﻛﻢ .. ﺑﺘﻜﻢ ﻣﺎﻧﻲ ﺩﺍﻳﺮﻫﺎ .. ﻭﺩﺍﻳﺮ ﻳﻤﺸﻲ .. ﻭﺩ ﺩﺍﺭ
    ﺍﻟﺰﻳﻦ ﻗﺎﻝ ﻟﻴﻬﻮ ﺍﻧﺎ ﻗﻠﺖ ﻟﻚ ﺍﻟﺤﻘﻴﻘﺔ .. ﻟﻜﻦ ﻋﻠﻲ ﺍﻟﻄﻼﻕ ﺍﺳﻤﻊ ﺑﻚ ﺍﺗﻜﻠﻤﺖ
    ﻓﻲ ﺑﺘﻲ ﻛﻠﻤﺔ ﻣﺎﻳﺎﻫﺎ .. ﺍﻻ ﺍﻗﻄﻊ ﺭﺍﺳﻚ ﻭﺍﺟﺪﻋﻚ ﻟﻠﺼﻘﻮﺭ .. ﻭﺩﻣﻜﺘﻮﻝ ﻗﺎﻡ
    ﻟﻤﻠﻢ ﻫﺪﻭﻣﻮ .. ﻭﻣﺸﻰ ﺑﺎﺕ ﻋﻨﺪ ﺍﻫﻠﻮ ..
    ﻭﺩ ﺩﺍﺭ ﺍﻟﺰﻳﻦ ﻳﻀﺤﻚ ﻭﻳﺴﺘﺮﻳﺢ .. ﻭﺍﻟﻨﺴﻴﻢ ﺗﻀﺤﻚ ﻣﻦ ﺿﺤﻚ ﺍﺑﻮﻫﺎ ..
    ﺍﻟﻮﺍﻃﺔ ﺑﺎﻟﻠﻴﻞ ﻭﺍﻟﻘﻤﺮ ﻣﺎﻟﻰ ﺍﻟﺴﻤﺎﺀ .. ﻭﻃﺒﻌﺎ" ﺣﻜﻮ ﻟﻠﻠﺒﺸﻴﺮ ﺍﻟﺤﺎﺻﻞ ..
    ﻭﻗﺎﻝ ﻟﻴﻬﻮ ﺩﻱ ﻟﻌﺒﺔ ﻻﻋﺒﺎ ﺑﺎﻣﺒﻲ .. ﻗﺎﻟﻮ ﻳﺎﺯﻭﻝ ﻭﺩ ﻣﻜﺘﻮﻝ ﻣﺸﻰ ﺣﻜﻰ ﻟﻲ
    ﻭﻟﺪﻭ ﺍﻟﻘﺼﺔ .. ﻭﻟﺪﻭ ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻧﺖ ﺯﻭﻝ ﻣﺴﻜﻴﻦ .. ﻳﺎ ﺍﻣﺎ ﺍﻟﺠﻤﺎﻋﺔ
    ﺍﻛﻠﻮ ﺭﺍﺳﻚ ﺑﻲ ﻗﺪﺡ ﻛﻤﻮﻧﻴﺔ .. ﻭﻻﺍﻧﺖ ﺑﻘﻴﺖ ﺗﺸﻮﻑ ﻃﺸﺎﺵ .. ﻭﻛﻼﻣﻚ ﺩﻩ
    ﺩﺣﻴﻦ ﻣﺎﺗﻘﻮﻟﻮ .. ﺍﻟﻨﺎﺱ ﺑﻘﻮﻟﻮ ﺧﺮﻑ .. ﻧﺴﻴﻢ ﺷﻨﻮ ﺍﻟﺒﺘﺪﺧﻞ ﻟﻴﻬﺎ ﻣﻊ ﺭﺍﺟﻞ ..
    ﺍﻧﺖ ﻣﺎﻙ ﻧﺼﻴﺢ .. ﺍﻟﻨﺴﻴﻢ ﺍﻟﻨﺎﺱ ﻛﺎﻳﺴﻴﻦ ﻟﻲ ﺷﻮﻓﺘﻬﺎ .. ﺭﺑﻨﺎ ﻳﺸﻔﻴﻚ ﻳﺎﺑﺎ ..
    ﻭﺍﻟﻜﻼﻡ ﺩﻩ ﻣﺎﺗﺠﻴﺒﻮ ﻓﻮﻕ ﺧﺸﻤﻚ .. ﻭﺩﺍﺭ ﺍﻟﺰﻳﻦ ﺑﺠﻲ ﻳﻜﺘﻞ ﻟﻤﺒﺘﻚ ..
    ﺍﻟﻤﻬﻢ ﻭﺩ ﻣﻜﺘﻮﻝ ﻭﺭﻗﺔ ﻭﺍﺗﺤﺮﻗﺖ ﺑﻌﺪ 11 ﻳﻮﻡ ﻣﻦ ﺍﻟﺨﺪﻣﺔ ﺍﻟﻤﺘﻮﺍﺻﻠﺔ ﻭﺍﻟﺬﻟﺔ
    ﻭﺍﻻﻫﺎﻧﺔ .. ﻳﺎﺧﻲ ﺩﻱ ﻣﺎﻛﺎﻧﺖ ﺍﻟﻨﺴﻴﻢ ﺩﻱ ..
    ﺍﻫﺎ ﻳﺎﺯﻭﻝ ﻳﻮﻡ ﺍﻟﺴﺒﺖ .. ﻭﺩ ﺩﺍﺭ ﺍﻟﺰﻳﻦ ﻻﻗﻰ ﺑﺎﻣﺒﻲ .. ﻭﺣﻜﺎ ﻟﻴﻬﻮ ﺑﺎﻟﻘﺼﺔ ..
    ﻭﺩﺍﻙ ﺍﺻﻠﻮ ﻣﺎﺿﺤﻚ .. ﻭﻻ ﺍﻋﺘﺒﺮ ﺍﻟﻘﺼﺔ ﺩﻱ ﻏﺮﻳﺒﺔ ..ﻻﻧﻮ ﺯﻭﻝ ﻣﻜﺎﺭ ﻣﻜﺮ ﺷﺪﻳﺪ
    ..
    ﻗﺎﻝ ﻟﻴﻬﻮ ﺍﻫﺎ ﻳﺎ ﻳﺎﻭﺩ ﺩﺍﺭ ﺍﻟﺰﻳﻦ ﻳﺎﺩﻭﺏ ﺍﻟﻤﻮﺿﻮﻉ ﺍﻟﺠﺪ ﺟﺎﻳﻴﻚ .
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻣﻮﺿﻮﻉ ﺷﻨﻮ؟
    ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﻭﺩ ﺍﻟﺪﺍﺭ . ﺍﻧﺎ ﺍﺻﺤﺎﺑﻲ ﻓﻲ ﺍﻟﺪﻧﻴﺎ ﺩﻱ ﺍﺗﻨﻴﻦ
    ﺍﻧﺖ ﻭﺍﺏ ﺧﻮﺳﺔ . ﺍﻧﺖ ﺍﺏ ﺧﻮﺳﺔ ﺑﺘﻌﺮﻓﻮ ..
    ﻗﺎﻝ ﻟﻴﻬﻮ ﺍﻳﻮﺓ ﺑﻌﺮﻓﻮ .. ﻣﻮ ﻳﺎﻫﻮ ﺳﻴﺪ ﺍﻟﻤﺸﻜﻠﺔ ﺍﻟﻜﺎﻥ ﻃﺒﺎﺥ ﺍﻟﻘﺼﺮ؟
    ﻗﺎﻝ ﻟﻴﻬﻮ ﺍﻳﻮﺍﺍﺍﺍ ﻳﺎﻫﻮ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻭﺍﻟﻠﻪ ﺷﻲ ﻏﺮﻳﺐ ﻳﺎ ﺑﺎﻣﺒﻲ ..
    ﺍﻧﺖ ﺯﻭﻝ ﻓﻲ ﻣﻘﺎﻡ ﻭﺯﻳﺮ .. ﺗﺼﺎﺣﺐ ﺍﻟﻄﺒﺎﺥ ﺍﻟﺒﻘﻰ ﺣﻄﺎﺑﻲ . ؟؟
    ﻗﺎﻝ ﻟﻴﻬﻮ ﻳﺎﺯﻭﻝ ﺍﻧﺖ ﻣﻌﻨﺎﻫﺎ ﻣﺎﺑﺘﻌﺮﻑ ﺍﺏ ﺧﻮﺳﺔ .. ﻭﺑﺪﺍ ﻳﺤﻜﻲ ﻟﻴﻬﻮ ﻋﻦ ﺍﺏ
    ﺧﻮﺳﺔ .. ﻭﻋﻦ ﺣﺎﺟﺎﺗﻮ ... ﻭﻣﻮﺍﻗﻔﻮ ﻣﻊ ﺍﻟﻤﻠﻚ .. ﻭﺣﺐ ﺍﻟﻤﻠﻚ ﻟﻴﻬﻮ .. ﻭﺗﻔﺎﺻﻴﻞ
    ﻛﺪﺍ ﻋﺎﺭﻓﻬﺎ ﺑﺎﻣﺒﻲ ﺑﺮﺍﻫﻮ .. ﻟﻐﺎﻳﺔ ﻣﺎ ﻭﺩ ﺩﺍﺭ ﺍﻟﺰﻳﻦ ﺍﺗﻤﻨﻰ ﻳﺨﺎﻭﻱ ﺍﺏ ﺧﻮﺳﺔ ..
    ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺰﻭﻝ ﺩﻩ ﺯﻭﻝ ﺷﺎﺏ ﻭﻣﻜﺎﻓﺢ ..
    ﺍﻧﺖ ﺑﻲ ﻣﺎﻟﻚ ﻭﻫﻮ ﺑﻲ ﺍﻣﺎﻧﺘﻮ ﻭﺍﺧﻼﻗﻮ ﻭﻧﻌﺮﺳﻠﻮ ﺍﻟﻨﺴﻴﻢ ﺷﺎﻥ ﻣﺎﻳﺠﻴﻨﺎ ﺯﻭﻝ
    ﻣﺪﻟﻘﻦ ﻳﺪﺧﻠﻨﺎ ﻓﻲ ﺿﻔﻮﺭﻧﺎ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻳﺎﺧﻮﻱ ﺍﻧﺎ ﻣﺎﻋﻨﺪﻱ ﻣﺎﻧﻊ .. ﺩﺍﻡ ﺯﻭﻻ" ﺑﺘﻌﺮﻓﻮ ﺍﻧﺖ ﻭﺩﻩ
    ﻭﺻﻔﻮ .. ﺑﺲ ﻳﻠﺰﻣﻮ ﻳﻌﺪﻱ ﺍﻻﻳﺎﻡ ﻋﻨﺪ ﺍﻟﺒﺸﻴﺮ .. ﻋﺸﺎﻥ ﺩﻩ ﺷﺮﻃﻲ .. ﻭﻣﺎﻳﻨﻔﻊ
    ﺍﻧﺎ ﺍﺷﺮﻃﻮ ﻓﻮﻕ ﻧﺎﺱ ﻭﺍﺧﻠﻲ ﻧﺎﺱ . ﻭﺍﻧﺎ ﺩﺍﻳﺮ ﺍﻟﺤﺠﻞ ..
    ﻗﺎﻝ ﻟﻴﻬﻮ ﻳﺎﺯﻭﻝ ﻋﻠﻰ ﺍﻟﻄﻼﻕ .. ﺍﺏ ﺧﻮﺳﺔ ﻳﻨﺠﺢ .. ﺍﺻﻠﻚ ﻣﺎ ﺗﺨﺘﺒﺮﻭ
    ﻗﺎﻝ ﻟﻴﻬﻮ ﺧﻠﻮ ﺍﻟﻨﺸﻮﻑ ﺍﻟﺒﺴﻮﻳﻬﺎ ..
    ﺗﺎﺍﺍﺍﻧﻲ ﺑﺎﻣﺒﻲ ﺭﺟﻊ ﻟﻲ ﺍﺏ ﺧﻮﺳﺔ .. ﻭﻗﺎﻝ ﻟﻴﻬﻮ ﺍﻣﺶ ﺍﺗﻘﺪﻡ ﻟﻲ ﻭﺩ
    ﺩﺍﺭﺍﻟﺰﻳﻦ .. ﺍﻧﺎ ﻓﺘﺤﺖ ﻟﻚ ﺍﻟﺪﺭﺏ .. ﻭﺍﻟﺸﺮﻁ ﺍﻟﺒﻘﻮﻟﻮ ﻟﻴﻚ ﺗﻘﺒﻞ ﺑﻴﻬﻮ . ﻭﻻﺯﻡ
    ﺗﺨﺴﺮ ﻛﺮﺍﻣﺘﻚ ﻭﺗﺪﻭﺳﻬﺎ ﺑﻲ ﻛﺮﺍﻋﻚ .. ﻋﺸﺎﻥ ﺍﻟﺒﺖ ﺍﻟﺸﻮﻓﺘﻬﺎ ﻭﻻ ﺷﻨﻮ؟ ﻗﺎﻝ
    ﻟﻴﻬﻮ ﺍﻟﺸﺮﻁ ﺷﻨﻮ ﻳﺎﺑﺎﻣﺒﻲ .. ؟؟ ﺑﺎﻣﺒﻲ ﻭﺭﺍﻫﻮ ..
    ﺍﺏ ﺧﻮﺳﻪ ﻗﺎﻝ ﻟﻴﻬﻮ ﻣﺎﻓﻲ ﻣﺸﻜﻠﺔ .. ﺍﻧﺎ ﺑﻤﺸﻲ ﻟﻲ ﻭﺩ ﺩﺍﺭ ﺍﻟﺰﻳﻦ ﻭﺑﺮﺿﻰ ﺑﻲ
    ﺷﺮﻃﻮ ..
    ﺍﻟﻤﻬﻢ ﻳﺎﺯﻭﻝ ﺳﺎﻕ ﺍﺑﻮﻫﻮ ﺍﻟﺮﺍﺟﻞ ﺍﻟﻜﺒﻴﺮ .. ﻭﻗﺎﻝ ﻟﻴﻬﻮ ﺗﻤﺸﻲ ﻣﻌﺎﻱ ﻟﻲ ﻭﺩ
    ﺍﻟﺰﻳﻦ ﺍﻧﺎ ﺩﺍﻳﺮ ﺑﺘﻮ .. ﺍﺑﻮﻫﻮ ﻗﺎﻝ ﻟﻴﻬﻮ ﻳﺎ ﻭﻟﺪﻱ ﺍﻟﻨﺎﺱ ﺩﻳﻞ ﻧﺤﻦ ﻣﺎﻧﻲ ﻗﺪﺭﻫﻢ ..
    ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻟﻌﺰﺓ ﻓﻲ ﺍﻟﻘﻨﺎﻋﺔ .. ﻭﻧﺤﻦ ﻓﻲ ﺍﻟﺒﻠﺪ ﺩﻱ ﻣﺎ ﺍﻋﺰ ﻣﻨﻨﺎ ..
    ﻭﺍﻟﻔﻠﺲ ﻣﺎﺑﻌﻴﺐ ﺍﻟﺮﺟﺎﻝ . ﺍﻧﺖ ﺗﻤﺸﻲ ﻣﻌﺎﻱ ﻭﺍﻟﺒﺘﺒﻘﻰ ﺍﻟﺘﺒﻘﻰ ..
    ﺑﺎﻻﺧﺘﺼﺎﺭ ﻣﺸﻮ ﺍﺗﻘﺪﻣﻮ ﻟﻲ ﺍﻟﻨﺴﻴﻢ ﻣﻦ ﺍﺑﻮﻫﺎ .. ﻭﺍﺑﻮﻫﺎ ﻓﺘﺤﺔ ﺧﺸﻤﻮ ﻗﺎﻝ ﻟﻴﻬﻮ
    ﻭﺍﻟﻠﻪ ﻳﺎ ﺍﺏ ﺧﻮﺳﺔ ﺍﻧﺎ ﺍﺗﺸﺮﻑ ﺑﻲ ﻧﺴﺒﻚ .. ﻋﻼ ﺑﺪﻭﺭ ﺍﻟﺤﺠﻞ ..
    ﻗﺎﻝ ﻟﻴﻬﻮ ﻗﺒﺎﻝ ﻣﻦ ﻣﺎﺗﻘﻮﻝ ﻟﻲ ..ﺍﻥ ﺑﻘﻰ ﻓﻲ ﺣﺠﻞ ﻋﻨﺪ ﻋﻤﻚ ﺍﻟﺒﺸﻴﺮ ﺑﺠﻴﺒﻮ
    ﻟﻴﻚ ﺍﻧﺎ .. ﻭﺍﻥ ﺑﻘﻰ ﻣﺎﻓﻲ ﻣﺎﻓﻲ ,,
    ﺩﻱ ﺍﺭﻗﺪ ﻣﻨﻬﺎ ﻗﻔﺎ .. ﻗﺎﻝ ﻟﻴﻬﻮ ﻭﺍﻟﻠﻪ ﺗﺠﻴﺒﻮ ﻟﻲ ﺍﻟﻨﺴﻴﻢ ﺗﻜﻮﻥ ﻣﺮﺗﻚ ﻭﺍﻧﺎ ﺍﻛﻮﻥ
    ﺍﺧﻮﻙ ..
    ﻏﺎﻳﺘﻮ ﻳﺎﺟﻤﺎﻋﺔ ﺍﻧﺎ ﻗﺼﺔ ﺍﻟﺤﺠﻞ ﺩﻱ ﻣﺤﻴﺮﺍﻧﻲ .. ﻟﻜﻦ ﻧﺸﻮﻑ ﻭﻟﻐﺎﻳﺔ ﻛﺘﺎﺑﺔ
    ﺍﻟﺴﻄﻮﺭ ﺩﻱ ﻣﺎﻋﺎﺭﻑ ﻗﺼﺘﻮ ﺑﺎﻟﻀﺒﻂ ﺷﻨﻮ ..
    ﺍﻟﻤﻬﻢ ﻳﺎﺯﻭﻝ ﻏﺎﻳﺘﻮ ﺍﺏ ﺧﻮﺳﺔ ﻣﺸﻰ ﻟﻠﺒﺸﻴﺮ .. ﻭﺍﻭﻝ ﻣﺎ ﻭﺻﻞ ﻭﺳﻠﻢ ﻋﻠﻴﻬﻮ
    ﻭ .. ﻗﺒﺎﻝ ﺍﻟﺒﺸﻴﺮ ﻣﺎﻳﺒﺪﺍ ﻳﺨﺪﻣﻮ .. ﺍﺏ ﺧﻮﺳﺔ ﺳﺄﻟﻪ ﻗﺎﻝ ﻟﻴﻬﻮ ﺍﻧﺖ ﻫﺴﻊ ﺍﻟﺒﺎﻗﻲ
    ﻓﻲ ﺭﺍﺳﻚ ﻣﻨﻮ؟ .. ﻳﻌﻨﻲ ﺍﻟﺒﺨﺪﻣﻚ ﻭﻳﺼﺮﻑ ﻋﻠﻴﻚ ..
    ﻗﺎﻝ ﻟﻴﻬﻮ ﺑﺎﻗﻴﺔ ﻓﻲ ﺭﺍﺳﻲ ﺑﺘﻲ ..
    ﻗﺎﻝ ﻟﻴﻬﻮ ﻳﺎﻋﻤﻲ ﺍﻟﺒﺸﻴﺮ .. ﺍﻧﺎ ﻣﺎﺑﻘﺒﻞ ﺍﺷﻴﻞ ﻟﻚ ﻣﺼﺮﻭﻓﻚ ﻣﻦ ﺭﺍﺟﻞ ﺑﺘﻚ ..
    ﻭﻛﻴﻒ ﺍﻧﺖ ﺭﺍﺟﻞ ﻋﻤﺪﺓ ﻭﺍﺑﻮﻙ ﻋﻤﺪﺓ .. ﺗﻜﻮﻥ ﻋﺎﻳﺶ ﻋﺎﻟﺔ ﻋﻠﻰ ﺭﺍﺟﻞ ﺑﺘﻚ ..
    ﻗﺎﻝ ﻟﻴﻬﻮ ﻃﻴﺐ ﺍﺳﻮﻱ ﺷﻨﻮ؟ ﻣﺎﻋﻨﺪﻱ ﺍﻟﻘﺪﺭﺓ ..
    ﻗﺎﻝ ﻟﻴﻬﻮ ﻭﺩ ﺍﺧﻮﻙ ﻭﺩ ﺩﺍﺭ ﺍﻟﺰﻳﻦ .. ﻗﺎﻋﺪ ﻭﻗﺮﻭﺷﻮ ﺍﻟﻨﺎﺭ ﻣﺎﺗﻜﻤﻼ .. ﺧﻠﻨﻲ
    ﺍﻗﻨﻌﻮ ﻟﻴﻚ ..
    ﻳﺮﺑﻂ ﻟﻴﻚ ﻣﺎﻫﻴﺔ .. ﻭﻛﺎﻥ ﻟﻠﺨﺪﻣﺔ ﺍﻧﺎ ﺑﺨﺪﻣﻚ ﺣﻔﻴﺎﻥ .. ﻭﻣﺎﺑﻤﺮﻕ ﻣﻦ ﻫﻨﺎ ﺍﻻ
    ﺍﻋﻘﺪ ﻟﻴﻚ ﻋﻠﻰ ﻣﺮﺍﺓ ﺗﺒﻘﻰ ﻟﻚ ﺧﺪﺍﻣﺔ ..
    ﻗﺎﻟﻠﻴﻬﻮ ﻭﺍﻟﻠﻪ ﻳﺎﻭﻟﺪﻱ ﻛﺎﻥ ﻗﺪﺭﺕ ﻋﻠﻰ ﺍﻻﺗﻨﻴﻦ ﺩﻳﻞ .. ﺗﺒﻘﻰ ﺍﻧﺖ ﻭﻟﺪﻱ
    ﺍﻟﻤﺎﺟﺒﺘﻮ ﻣﻦ ﺿﻬﺮﻱ .. ﻗﺎﻝ ﻟﻴﻬﻮ ﺍﻟﻜﻼﻡ ﺩﻩ ﺧﻠﻮ ﻋﻠﻲ ..
    ﻫﺴﻊ ﺍﻧﺎ ﺑﻤﺸﻲ ﺍﺟﻴﺐ ﺍﻟﻤﻮﻧﺔ ﻣﻦ ﻭﺩ ﺩﺍﺭ ﺍﻟﺰﻳﻦ ﻭﺍﺟﻴﻚ .. ﻣﺸﻰ ﻟﻲ ﻭﺩ ﺩﺍﺭ
    ﺍﻟﺰﻳﻦ .. ﻭﻗﺎﻝ ﻟﻴﻬﻮ ﻛﻴﻒ ﺗﻬﻤﻞ ﻋﻤﻚ ﺗﻌﻴﺸﻮ ﺑﺘﻮ .. ﻭﺍﻧﺖ ﻗﺎﻋﺪ ..
    ﻭﺍﻟﻠﻪ ﻳﺎﻭﺩ ﺩﺍﺭ ﺍﻟﺰﻳﻦ ﺍﻧﺎ ﻗﺎﻳﻠﻚ ﻋﻤﺪﺓ .. ﻟﻜﻦ ﺧﺴﺎﺭﺓ ..
    ﻃﺒﻌﺎ ﻭﺩ ﺩﺍﺭ ﺍﻟﺰﻳﻦ ﺍﺻﻼ" ﻣﺘﻜﻴﻒ ﻣﻦ ﺍﺏ ﺧﻮﺳﺔ .. ﻭﻣﺎ ﺩﺍﻳﺮ ﻳﺨﺴﺮﻭ ..
    ﻗﺎﻝ ﻟﻴﻬﻮ ﻳﺎﺯﻭﻝ ﺍﻟﻔﺎﺕ ﺧﻠﻮ .. ﻫﺴﻊ ﺍﻻﺣﺘﻴﺎﺟﺎﺕ ﺷﻨﻮ ؟
    ﻗﺎﻝ ﻟﻴﻬﻮ ﺩﺍﻳﺮ ﻣﻮﻧﺔ ﺷﻬﺮ ‏( ﻣﻮﺍﺩ ﻏﺬﺍﺋﻴﺔ ‏) .. ﻭﺗﺮﺑﻄﻠﻮ ﻣﺎﻫﻴﺔ ﺷﻬﺮﻳﺔ .. ﻭﺩ ﺩﺍﺭ
    ﺍﻟﺰﻳﻦ ﺷﻴﻠﻮ ﺍﻟﻌﻴﺶ ﻭﺍﻟﺒﺼﻞ ﻭﺍﻟﻮﻳﻜﺔ ﻭﺍﻟﺰﻳﺖ ﻭﻣﺎﺧﻼﻟﻮ ﺷﻲ ..
    ﻭﺍﺑﺨﻮﺳﺔ ﺟﺎﺑﻦ ﻭﺟﺎ .. ﻭﻗﻌﺪ ﻳﺨﺪﻡ ﻭﻳﻐﺴﻞ ﻭﻳﻄﺒﺦ .. ﻭﻳﺄﻛﻞ ﻋﻤﻚ ﺍﻟﺒﺸﻴﺮ ﻓﻲ
    ﺧﺸﻤﻮ ..
    ﻭﻳﻔﺮﺵ ﻟﻴﻬﻮ .. ﻭﻳﻐﺘﻴﻬﻮ ﻣﻦ ﺍﻟﺼﻘﻂ .. ﻭﺑﻌﻤﻞ ﺣﺎﺟﺎﺕ ﺍﺻﻼ ﻋﻤﻚ ﺍﻟﺒﺸﻴﺮ
    ﻣﺎﻃﻠﺒﻬﺎ ﻣﻨﻮ .. ﻭﻛﺎﻥ ﺑﺸﺘﻐﻞ ﺑﻲ ﺍﺧﻼﺹ .. ﻭﻋﻄﻒ ﻋﻠﻰ ﺍﻟﺮﺍﺟﻞ ﺍﻟﻌﺠﻮﺯ ﺩﻩ ﻣﻦ
    ﺟﻮﺓ ﻗﻠﺒﻮ .. ﺑﻐﺾ ﺍﻟﻨﻈﺮ ﻋﻦ ﺍﻟﻨﺴﻴﻢ ﻭﻏﻴﺮﻫﺎ ..
    ﻭﻛﻞ ﻳﻮﻡ ﻣﻦ ﺍﻟﺼﺒﺎﺡ ﻳﻘﻮﻡ ﻳﺠﻬﺰ ﻟﻴﻬﻮ ﺍﻟﻤﻮﻳﺔ ﻭﺍﻟﻤﻠﺢ .. ﻭﻳﺸﻄﻔﻮ .. ﻭﻫﺪﻭﻣﻮ
    ﻧﻈﻴﻔﺔ .. ﻣﻄﺒﻘﺔ ﺟﻤﺒﻮ ..
    ﻭﻳﺤﻠﻖ ﻟﻴﻬﻮ ﺭﺍﺳﻮ .. ﻭﻳﻈﺒﻂ ﻟﻴﻬﻮ ﺩﻗﻨﻮ ﻭﺷﻨﺒﻮ .. ﻭﻳﻘﻄﻊ ﻟﻴﻬﻮ ﺍﺿﺎﻓﺮﻭ ..
    ﻭﻳﻘﻌﺪﻭ ﻟﻴﻚ ﺯﻱ ﺍﻟﻌﺮﻳﺲ ..ﻭﻳﻘﻮﻡ ﻳﺴﻮﻱ ﻟﻴﻬﻮ ﺍﻻﻛﻞ ﻣﻦ ﻭﺍﻟﻰ ..
    ﻳﺎﺯﻭﻝ ﺍﻟﺒﺸﻴﺮ ﻳﻌﺎﻳﻦ ﻟﻠﺰﻭﻝ ﺩﻩ ﻳﻌﻤﻞ ﻓﻲ ﻋﻤﻞ .. ﻫﻮ ﺫﺍﺗﻮ ﻣﺎ ﻃﻠﺒﻮ ﻣﻨﻮ ..
    ﻧﺎﺩﺍﻫﻮ .. ﻗﺎﻝ ﻟﻴﻬﻮ ﻳﺎ ﺍﺏ ﺧﻮﺳﺔ ﺍﻧﺎ ﺩﺍﻳﺮﻙ ﻓﻲ ﻛﻠﻤﺘﻴﻦ .. ﺍﻧﺎ ﻋﻨﺪﻱ ﺣﺠﻞ .. ﺣﻖ
    ﺍﻣﻲ ..ﻭﻓﻴﻬﻮ ﻟﻌﻨﺔ .. ﻭﺍﻱ ﺯﻭﻝ ﻳﻬﺒﺸﻮ ﺑﻲ ﻳﺪﻭ ﺑﺠﻴﺒﻠﻮ ﺍﻟﻤﺮﺽ .. ﻭﺩ ﺩﺍﺭ ﺍﻟﺰﻳﻦ
    ﻣﻘﻮﻱ ﺭﺍﺳﻮ .. ﻭﻗﺎﻝ ﺩﺍﻳﺮ ﺍﻟﺤﺠﻞ .. ﻭﻗﺎﻝ ﻣﺎﺑﻌﺮﺱ ﺍﻟﻨﺴﻴﻢ ﺍﻻ ﻟﻠﺰﻭﻝ ﺍﻟﺒﺠﻴﺐ
    ﻟﻲ ﺍﻟﺤﺠﻞ ﻣﻦ ﻋﻤﻲ ﺍﻟﺒﺸﻴﺮ ..
    ﻗﺎﻝ ﻟﻴﻬﻮ ﺍﻟﻜﻼﻡ ﺩﻩ ﻛﻠﻮﺍﻧﺎ ﻋﺎﺭﻓﻮ .. ﺍﻟﺒﺸﻴﺮ ﻗﺎﻝ ﻟﻴﻬﻮ ﻭﺍﻧﺎ ﻭﺍﻟﻠﻪ ﻳﺎﻭﻟﺪﻱ
    ﺍﺗﻤﻨﻴﺖ ﺍﻟﻨﺴﻴﻢ ﻟﻴﻚ .. ﺍﻧﺖ ﻭﺍﻟﻠﻪ ﺭﺍﺟﻞ ﺑﺴﺘﺎﻫﻼ ﻏﻴﺮﻙ ﻣﺎﻓﻲ .. ﺍﻧﺎ ﺑﻮﺻﻒ ﻟﻚ
    ﻣﻜﺎﻥ ﺍﻟﺤﺠﻞ .. ﺑﺲ ﺍﻧﺖ ﺗﻮﻓﻲ ﻟﻲ ﺑﻮﻋﺪﻙ .. ﺗﻘﻨﻊ ﻭﺩ ﺩﺍﺭ ﺍﻟﺰﻳﻦ ﻳﻌﺮﺱ ﻟﻲ ..
    ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻤﻲ ﺍﻟﺒﺸﻴﺮ .. ﺍﻧﺎ ﻛﺎﻥ ﺑﻘﺖ ﺍﻟﻨﺴﻴﻢ ﻗﺴﻤﺘﻲ ﻭﻻ ﻣﺎﺑﻘﺖ .. ﺍﻥ
    ﻣﺎﻋﺮﺳﺖ ﻟﻚ ﻣﺮﺍﺓ .. ﻭﻗﻌﺪﺗﻬﺎ ﻣﻌﺎﻙ ﻓﻲ ﺍﻟﺒﻴﺖ ﺩﻩ .. ﻭﺭﻳﺤﺘﻚ ﻭﺭﻳﺤﺖ ﺑﻨﻴﺘﻚ ﻣﻦ
    ﺍﻟﻤﺸﺎﻭﺭﻳﺮ .. ﺑﺮﺍﻙ ﺗﺸﻮﻑ ﺑﻲ ﻋﻴﻨﻚ ..
    ﻗﺎﻝ ﻟﻴﻬﻮ ﺧﻼﺹ ﻳﺎﻭﻟﺪﻱ .. ﺍﻧﺎ ﺍﻟﺤﺠﻞ ﺣﻖ ﺍﻣﻲ ﺩﻓﻨﺘﻮ ﻓﻲ ﻣﻜﺎﻥ .. ﻣﺎﻓﻲ ﺯﻭﻝ
    ﺑﻘﺪﺭ ﻳﻌﺮﻓﻮ .. ﻭﺍﻧﺎ ﺑﻮﺭﻳﻚ ﻣﺤﻠﻮ ﻋﺸﺎﻥ ﺗﻠﻘﻰ ﺍﻟﻔﻲ ﻣﺮﺍﺩﻙ ..ﻭﺍﻟﻨﺴﻴﻢ ﺯﻭﻻ
    ﻏﻴﺮﻙ ﺑﺴﺘﺎﻫﻼ ﻣﺎﻓﻲ .. ﺷﻔﺖ ﺍﻟﺴﺪﺭﺓ ﺍﻟﻔﻲ ﺣﻮﺵ ﺍﺑﻮﻱ ﺍﺣﻤﺪ؟
    ﺗﺎﺧﺪ ﻣﻨﻬﺎ ﺷﺮﻕ ﺧﻤﺴﺔ ﺧﻄﻮﺍﺕ .. ﻭﺗﺤﻔﺮ ﺗﺤﺖ ﻛﺮﺍﻋﻚ .. ﻣﺴﺎﻓﺮ ﺷﺒﺮﻳﻦ ..
    ﺍﺏ ﺧﻮﺳﺔ ﻗﺎﻝ ﻟﻴﻬﻮ ﺍﺑﺸﺮ ﻳﺎﺣﺎﺝ .. ﺍﻧﺖ ﻋﺪﻟﺖ ﻟﻲ ﺭﺍﺳﻲ .. ﻭﺍﻧﺎ ﺑﻌﺪﻝ ﻟﻚ
    ﺭﺍﺳﻚ .. ﻗﻮﻣﺎﻛﺎ ﺍﻟﻨﻔﻄﺮ .. ﻭﺍﻧﺎ ﺑﻤﺸﻲ ﺍﻧﺎﺩﻱ ﻭﺩ ﺩﺍﺭ ﺍﻟﺰﻳﻦ ﻭﺍﺟﻴﻚ .. ﻭﺍﻧﺖ ﺑﺲ
    ﺧﻠﻚ ﺳﺎﻛﺖ ..
    ﺑﻌﺪ ﻓﻄﺮﻭ .. ﻣﺸﻰ ﺍﺏ ﺧﻮﺳﺔ ﻧﺎﺩﻯ ﺍﺑﻮ ﺍﻟﻨﺴﻴﻢ ..ﻭﻗﺎﻝ ﻟﻴﻬﻮ ﺩﺍﻳﺮﻧﻚ ﻓﻲ ﺑﻴﺖ
    ﻋﻤﻚ ﺍﻟﺒﺸﻴﺮ .. ﻭﻛﺖ ﺟﺎ ..
    ﺍﺏ ﺧﻮﺳﺔ ﻗﺎﻝ ﻟﻴﻬﻮ .. ﺍﺳﻤﻊ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻧﺎ ﻋﻤﻲ ﺍﻟﺒﺸﻴﺮ ﺩﻩ ﺍﻟﻠﻪ ﻳﻤﺪ
    ﻓﻲ ﺍﻳﺎﻣﻮ . ﻭﺭﺍﻧﻲ ﻣﺤﻞ ﺍﻟﺤﺠﻞ ﺍﻻﻧﺖ ﺩﺍﻳﺮ ﺗﻤﻮﺕ ﺑﻲ ﺷﻮﻗﻮ .. ﻭﺍﻧﺎ ﺧﻼﺹ
    ﺿﻤﻨﺖ ﻧﺴﺒﻚ .. ﻭﺍﻟﻨﺴﻴﻢ ﺑﻘﺖ ﻓﻲ ﻳﻤﻴﻨﻲ .. ﻟﻜﻦ ﻋﻨﺪﻱ ﺷﺮﻁ ..
    ﻟﻮ ﻣﺎﻭﻓﻴﺘﻮ .. ﺍﻧﺎ ﻣﺎ ﺑﻮﺭﻳﻚ ﻣﺤﻞ ﺍﻟﺤﺠﻞ .. ﻭﺍﻟﻨﺴﻴﻢ ﻣﺎﻧﻲ ﺩﺍﻳﺮﻫﺎ ..
    ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﻋﻠﻲ ﺍﻟﻄﻼﻕ ﺍﻟﻨﺴﻴﻢ ﻏﻴﺮﻙ ﺭﺍﺟﻞ ﺑﻤﺴﻚ ﺍﻳﺪﻫﺎ ﻣﺎﻓﻲ
    .. ﻭﺷﺮﻃﻚ ﻭﻗﻮﻟﻮ ﻟﻲ .. ﻭﺍﻟﻠﻪ ﺍﻥ ﺑﻘﻰ ﻓﻴﻬﻮ ﺭﻗﺒﺘﻲ ﺍﺳﺪﻭ ﻟﻴﻚ ..
    ﻗﺎﻝ ﻟﻴﻬﻮ ﺩﺍﻳﺮﻙ ﺗﺸﻮﻑ ﻟﻚ ﺍﻥ ﺷﺎﺀ ﺍﻟﻠﻪ ﻋﺰﺑﺔ .. ﺗﻌﻘﺪ ﻟﻲ ﻋﻤﻚ ﺍﻟﺒﺸﻴﺮ ﻋﻠﻴﻬﺎ ..
    ﻭﺩ ﺩﺍﺭ ﺍﻟﺰﻳﻦ ﻗﻌﺪ ﻳﻀﺤﻚ ﻻﻣﻦ ﺭﻗﺪﻓﻲ ﺍﻟﻮﺍﻃﺔ .. ﻭﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﺏ
    ﺧﻮﺳﺔ ﺍﻧﺖ ﻃﻠﻌﺖ ﺍﻛﺒﺮ ﻣﺤﺘﺎﻝ ﻓﻲ ﺍﻟﺴﻠﻄﻨﺔ ..
    ﻳﺎﺧﻲ ﺍﻧﺖ ﻋﺮﻓﺖ ﺗﺎﻛﻞ ﺭﺍﺱ ﺍﻟﺮﺍﺟﻞ .. ﺑﻲ ﻃﺮﻳﻘﺔ ﻣﺎﻓﻲ ﺯﻭﻝ ﺳﺒﻘﻚ ﻋﻠﻴﻬﺎ ..
    ﻟﻜﻦ ﺍﺳﻤﻊ ﻭﺍﻟﻠﻪ ﺑﺲ ﺷﻮﻓﻮ ﻟﻲ ﺍﻟﻤﺮﺍﺓ ﺍﻟﺒﺘﻮﺍﻓﻖ ﺑﻴﻬﻮ .. ﺍﻧﺎ ﺑﺎﻛﺮ ﺩﻱ ﺑﻌﻘﺪ
    ﻟﻴﻬﻮ .. ﻭﻣﻌﻴﺸﺘﻬﻢ ﻋﻠﻲ ..
    ﺑﺎﻟﻄﺮﻳﻘﺔ ﺍﻟﻮﺍﺿﺤﺔ ﺍﻧﻮ ﻋﻤﻚ ﺍﻟﺒﺸﻴﺮ ﺍﻣﻮﺭﻭ ﻭﺿﺤﺖ .. ﻭﺍﺑﺨﻮﺳﺔ ﻓﺎﺯ ﺑﻲ ﺳﺖ
    ﺍﻟﺒﻨﺎﺕ .. ﻭﺍﻣﻴﺮﺓ ﺍﻟﺠﻴﻞ ﺍﻟﻨﺴﻴﻢ ﺑﺖ ﺩﺍﺭ ﺍﻟﺰﻳﻦ .. ﻟﻜﻦ !!!
    ﻟﻜﻦ !!! ﺗﺄﺗﻲ ﺍﻟﺮﻳﺎﺡ ﺑﻤﺎ ﺷﻨﻮ ﻛﺪﺍ ﻣﺎﻋﺎﺭﻑ ..
    ﺍﻟﻰ ﺍﻟﻠﻘﺎﺀ
    أســرَار الـزمان .. طارق اللبيبحيث تعيش القصص. اكتشف الآن