ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺣﺒﺎﺑﻚ ﻭﺍﻟﻠﻪ .. ﻗﺎﻝ ﻟﻴﻬﻮ ﺍﻧﺎ ﺍﺳﻤﻲ ﻋﻤﺎﺭﺓ .. ﺣﺎﺭﺱ ﻣﻦ ﺣﺮﺱ ﺍﻻﻣﻴﺮ .. ﻗﺎﻝ ﻟﻴﻬﻮ ﺍﻱ ﺑﻌﺮﻓﻚ ﺍﻭﻟﺪﻱ .. ﺍﻧﺰﻝ ﺍﺗﻔﻀﻞ .. ﻧﺰﻝ ﻭﺩﺧﻞ ﺟﻮﺓ ﻗﺎﻝ ﻟﻴﻬﻮ .. ﺍﻧﺎ ﻋﺎﻳﺰﻙ ﺗﻮﺻﻒ ﻟﻲ ﺑﻴﺖ ﻧﺎﺱ ﻋﻄﻴﺔ ﻭﺩ ﻣﺨﺘﺎﺭ ..
ﻗﺎﻝ ﻟﻴﻬﻮ ﻣﺎﻟﻚ ﺍﻥ ﺷﺎﺀ ﺍﻟﻠﻪ ﺧﻴﺮ؟ .. ﻗﺎﻝ ﻟﻴﻬﻮ ﺍﻧﺖ ﻣﻦ ﺳﺪﻧﺔ ﺍﻟﺴﻠﻄﺔ .. ﻭﻣﺎﺑﺘﺤﻞ ﻭﻻ ﺑﺘﺮﺑﻂ .. ﺧﻠﻨﻲ ﺍﻟﻨﻤﺸﻲ ﻟﻠﺠﻤﺎﻋﺔ ﺩﻳﻞ ..
ﻗﺎﻝ ﻟﻴﻬﻮ ﺣﺮﻡ ﺗﻨﺰﻝ ﻭﺗﺤﻜﻲ ﻟﻲ ﺍﻟﺤﺎﺻﻞ .. ﻭﺍﻥ ﺑﻘﻰ ﺷﻔﺘﻨﻲ ﻣﺘﺨﺎﺫﻝ .. ﻳﺒﻘﻰ ﺍﻧﺎ ﻣﺎ ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﺧﻴﺮ ﻳﻼ ﺍﺭﺡ ﺍﺣﻜﻲ ﻟﻴﻚ ..
ﺭﺑﻂ ﺣﺼﺎﻧﻮ ﻭﺩﺧﻞ ﻣﻌﺎﻫﻮ ﺟﻮﺓ .. ﻭﺑﺪﺍ ﻳﺤﻜﻲ ﻟﻴﻬﻮ ﻓﻲ ﻣﺄﺳﻲ ﻭﺟﺮﺍﻳﻢ ﺍﻻﻣﻴﺮ .. ﻭﺍﻋﺘﺪﺍﻫﻮ ﻋﻠﻰ ﺍﻋﺮﺍﺽ ﺍﻟﻤﺴﻠﻤﻴﻦ .. ﻭﺍﺳﺘﻌﺒﺎﺩﻭ ﻟﻠﺒﺸﺮ ..
ﻗﺎﻝ ﻟﻴﻬﻮ ﺍﻧﺎﺣﺎﺿﺮ ﺍﻛﺘﺮ ﻣﻦ 8 ﺣﺎﻻﺕ .. ﺑﺴﻮﻕ ﺍﻟﺒﺖ ﻭﺑﻜﺘﻞ ﺍﺑﻮﻫﺎ ﻭﻻ ﺍﺧﻮﻫﺎ .. ﻭﺑﻘﻌﺪ ﻣﻌﺎﻫﺎ 15 ﻳﻮﻡ ﻭﻳﺒﻴﻌﻬﺎ .. ﻭﻻﻧﻬﻦ ﺑﻨﺎﺕ ﺟﻤﻴﻼﺕ ﺑﺒﻴﻌﻦ ﺑﻲ ﺍﻏﻼ ﺍﻻﺗﻤﺎﻥ .. ﻭﻳﻤﺸﻲ ﻳﻐﺮﻱ ﻧﺎﺱ ﺗﺎﻧﻲ .. ﻛﺎﻥ ﻗﺒﻠﻮ ﺍﻻﻏﺮﺍﺀ ﺑﻬﺎ .. ﻛﺎﻥ ﻣﺎﻗﺒﻠﻮ ﺑﺴﻮﻗﻬﺎ ﺑﺎﻟﺰﻧﺪﻳﺔ .. ﻭﺣﻜﻰ ﻟﻴﻬﻮ ﻗﺼﺔ ﺑﺖ ﺍﻟﻤﺮﻳﻮﺩ ﺍﺧﺖ ﺍﻟﻘﺎﺳﻢ ﺍﻟﻜﺘﻠﻮ ﺍﺑﻮﻫﺎ ﻭﺍﻧﺘﺤﺮﺕ .. ﺑﺲ ﻭﺩﺩﺍﺭ ﺍﻟﺰﻳﻦ ﻣﺎﻛﺎﻥ ﻋﺎﺭﻑ ﺍﻟﻮﻟﺪ ﺍﻟﺠﺎﻫﻮ ﺍﻣﺲ ﻭﺩ ﺍﻟﻤﺮﻳﻮﺩ .. ﻭﻭﺍﺻﻞ ﻋﻤﺎﺭﺓ ﻗﺎﻝ ﻟﻴﻬﻮ ﺍﻣﺎ ﺑﺘﻚ ﺩﻱ ﻗﺼﺘﻬﺎ ﻗﺼﺔ ﺑﺮﺍﻫﺎ .. ﻭﻣﺎ ﻇﻦ ﺗﻜﻮﻥ ﺣﻜﺖ ﻟﻚ ﺍﻟﺤﺼﻞ .. ﻻﻧﻬﺎ ﻛﺎﻥ ﺣﻜﺖ ﻟﻚ ﺍﻟﺤﺼﻞ .. ﻣﺎ ﻛﺎﻥ ﻗﺒﻠﺖ ﺍﻧﻮ ﺍﻟﺰﻭﻝ ﺍﻟﻮﺳﺦ ﺩﻩ .. ﻳﺒﻘﻰ ﺭﺍﺟﻞ ﺑﺘﻚ .. ﺍﻟﺰﻭﻝ ﺩﻩ ﻭﻛﺖ ﻟﻘﺎﻫﺎ ﻓﻮﻕ ﺍﻟﺒﻴﺮ ﺑﺘﻨﺸﻞ .. ﺍﻭﻝ ﺣﺎﺟﺔ .. ﺟﺎﺀ ﻧﺎﺯﻝ ﻭﺩﺍﻳﺮ ﻳﻌﺘﺪﻱ ﻋﻠﻴﻬﺎ .. ﻭﻣﺴﻜﻬﺎ ﻣﻦ ﺍﻳﺪﻫﺎ .. ﻭﻫﻲ ﻣﺎﻋﺮﻓﺖ ﺗﺘﺨﻠﺺ ﻣﻨﻮ ﻛﻴﻒ .. ﻗﺎﻟﺘﻠﻮ ﺍﻧﺎ ﺑﻌﺮﺳﻚ ﺑﺎﻟﺤﻼﻝ .. ﺑﺲ ﺗﺼﺒﺮ ﻟﻲ ﻟﻤﻦ ﺍﻃﻠﻖ ﺭﺍﺟﻠﻲ .. ﻗﺎﻝ ﻟﻬﺎ ﻛﺎﻥ ﻣﺎ ﻃﻠﻘﺘﻴﻬﻮ ﻓﻲ ﻇﺮﻑ ﺍﺳﺒﻮﻉ ﺍﻧﺎ ﺑﻘﺘﻠﻮ .. ﻭﺍﺑﻮﻙ ﻟﻮ ﺭﻓﻀﻨﻲ ﺑﺮﺿﻮ ﺑﻘﺘﻞ ﺍﺑﻮﻙ .. ﻭﺍﻟﺒﺖ ﺷﻜﻠﻬﺎ ﺧﺎﻓﺖ .. ﻻﺣﻜﺖ ﻟﻚ ﻻﺣﻜﺖ ﻟﻲ ﺭﺍﺟﻼ .. ﻟﻜﻦ ﺍﻧﺘﻮ ﺍﻟﻤﻔﺮﻭﺽ ﺗﻜﻮﻧﻮ ﻋﺎﺭﻓﻴﻦ .. ﻭﺗﺤﺴﻮ ﺑﺎﻟﻤﻮﺿﻮﻉ ..
ﻭﺩ ﺩﺍﺭ ﺍﻟﺰﻳﻦ ﺩﻩ ﺯﻋﻞ ﺯﻋﻞ ﺷﺪﻳﺪ ﺧﻼﺹ ﻣﻦ ﺍﻻﻣﻴﺮ ﺩﻩ ..
ﻗﺎﻝ ﻟﻠﺤﺎﺭﺱ ﻋﻤﺎﺭﺓ ﺩﻩ .. ﻭﺍﻧﺖ ﻫﺴﻲ ﺑﺘﻜﻠﻤﻨﻲ ﺑﺎﻟﻜﻼﻡ ﺩﻩ ﻟﻴﻪ؟ .. ﻣﺎ ﺣﺴﻴﺖ ﺍﻧﻚ ﺑﺘﺨﻮﻧﻮ ؟
ﻗﺎﻝ ﻟﻴﻬﻮ ﺍﺑﺪﺍ ﺍﻧﺎ ﺫﺍﺗﻲ ﺩﺍﻳﺮ ﺍﻛﺘﻠﻮ .. ﺍﻧﺎ ﻣﻈﻠﻮﻡ ﻳﺎ ﻭﺩ ﺩﺍﺭ ﺍﻟﺰﻳﻦ ..
ﻗﺒﻞ ﻓﺘﺮﺓ ﻧﺤﻦ ﺍﻛﻨﺎ ﺗﻼﺗﺔ .. ﺗﺎﻟﺘﻨﺎ ﻭﺍﺣﺪ ﺍﺳﻤﻮ ﺍﻟﻀﻴﺐ .. ﻭﻣﺎﺷﻴﻦ ﻋﺎﺩﻱ ﻓﻲ ﺍﻟﺸﺎﺭﻉ .. ﺑﻲ ﻗﺪﺍﻡ ﻏﺮﺳﻠﻲ .. ﺍﻻﻣﻴﺮ ﻗﺎﻟﻨﺎ ﺍﻧﺰﻟﻮ ﻭﻛﺘﻔﻮ ﺍﻟﻀﻴﺐ ﺩﻩ .. ﻭﻧﺤﻦ ﻣﺎﻓﺎﻫﻤﻴﻦ ﺍﻟﺴﺒﺐ .. ﻭﺍﻟﻀﻴﺐ ﺫﺍﺗﻮ ﻣﺎﻓﺎﻫﻢ ﺍﻟﺴﺒﺐ .. ﻧﺰﻟﻨﺎ ﻛﺘﻔﻨﺎ ﺍﻟﻀﻴﺐ .. ﻭﺍﻻﻣﻴﺮ ﺟﺎ ﻣﺎﺷﻲ ﻋﻠﻴﻬﻮ ﺑﺎﻟﺴﻴﻒ ﻃﻌﻨﻮ ﻓﻲ ﺻﺪﺭﻭ ﻟﻐﺎﻳﺔ ﻣﺎ ﻃﻠﻊ ﺍﻟﺴﻴﻒ ﻣﻦ ﺿﻬﺮﻭ ..
ﻧﺤﻦ ﻗﻠﻨﺎ ﻟﻴﻬﻮ ﺍﻟﻀﻴﺐ ﻣﺎﻟﻮ ﻳﺎ ﻣﻮﻻﻱ ﺍﻻﻣﻴﺮ؟؟ ﻗﺎﻝ .. ﻋﺸﺎﻥ ﻣﺎﻟﻘﻴﻨﺎ ﺻﻴﺪ ﻭﻣﺎﺷﻔﻨﺎ ﺩﻡ ,. ﺑﺲ ..
ﺍﻫﺎ ﻧﺤﻦ ﺑﻘﻴﻨﺎ ﻣﻼﻭﺯﻳﻦ .. ﻭﺧﺎﻳﻔﻴﻦ ﻭﻣﺎﻋﺎﻳﺸﻴﻦ ﻓﻲ ﺍﻣﺎﻥ ﻣﻊ ﺍﻟﻤﺨﻠﻮﻕ ﺩﻩ .. ﺍﻫﺎ ﻳﻮﻡ ﺍﻧﺎ ﺍﺗﻐﻴﺒﺖ .. ﻭﻫﻮ ﺟﺎﺀ ﻳﻜﻮﺱ ﻟﻲ ﻓﻲ ﺍﻟﺤﻠﺔ .. ﻭﺍﻫﻠﻲ ﻗﺎﻟﻮﻟﻪ ﻣﺎﻋﺎﺭﻓﻴﻦ ﻋﻤﺎﺭﺓ ﻣﺸﻰ ﻭﻳﻦ .. ﻗﺎﻝ ﻟﻢ ﻳﺎ ﺗﻮﺭﻭﻧﻲ ﻣﺸﻲ ﻭﻳﻦ .. ﻭﻻﺑﺤﺮﻕ ﻓﻮﻗﻜﻢ ﺑﻴﺘﻜﻢ ﺩﻩ .. ﻗﺎﻟﻮ ﻟﻪ ﻓﻲ ﺑﻴﺖ ﺧﺎﻟﻮ ﺍﻟﻨﻌﻴﻢ .. ﺍﻧﺎ ﻓﻌﻼ ﻛﻨﺖ ﻋﻨﺪ ﻧﺎﺱ ﺧﺎﻟﻲ ﺍﻟﻨﻌﻴﻢ .. ﺍﺑﻮ ﺧﻄﻴﺒﺘﻲ ﺍﺳﻤﺎﺀ .. ﺟﺎﻧﻲ ﺍﻻﻣﻴﺮ ﺳﺎﻳﻖ ﺧﻤﺴﺔ ﻋﺴﺎﻛﺮ .. . ﻭﺍﻟﻤﺸﻜﻠﺔ ﺍﻧﻮ ﺷﺎﻑ ﺍﺳﻤﺎﺀ ﺑﺖ ﺧﺎﻟﻲ .. ﺍﻟﻔﻴﻬﺎ ﻗﻠﺒﻲ ﻭﻋﻘﻠﻲ .. ﻭﻛﺖ ﺷﺎﻓﻬﺎ ﻗﺎﻝ ﺍﻧﺎ ﺩﺍﻳﺮ ﺍﻟﺒﺖ ﺩﻱ .. ﺍﺗﺤﺮﻛﻮ ﺳﺮﻳﻊ ﻟﺒﺴﻮﻫﺎ ﻭﺧﻠﻮﻫﺎ ﺍﻟﺘﻤﺸﻲ ﻣﻌﺎﻧﺎ .. ﺍﻧﺎ ﻭﻛﺖ ﺍﻧﺎ ﺩﺍﻳﺮ ﺍﺗﻜﻠﻢ .. ﺧﺎﻟﻲ ﺍﻟﻨﻌﻴﻢ ﻗﺎﻝ ﻟﻲ ﺷﻦ ﻟﻴﻚ ﻋﻠﻴﻬﺎ .. ﺍﻧﺎ ﺩﻓﻌﺘﻬﺎ ﻟﻴﻬﻮ .. ﻭﻫﺴﻊ ﻣﻮﻣﺨﺒﻮﺭ ﻣﺤﻠﻬﺎ ﺍﻟﻐﺘﺴﻬﺎ ﻓﻴﻬﻮ .. ﻭﺍﻧﺎ ﺩﺍﻳﺮ ﺍﻛﺘﻠﻮ .. ﺩﺍﻳﺮ ﺍﻛﺘﻠﻮ ﺑﺲ ﺧﺎﻳﻒ ﻣﻦ ﺍﻟﻌﻮﺍﻗﺐ ﻋﻠﻰ ﻋﺎﻳﻠﺘﻲ .. ﻭﻋﺎﻳﻠﺔ ﺧﺎﻟﻲ ﺍﻟﻨﻌﻴﻢ .. ﻭﺟﻴﺖ ﺍﺣﻜﻲ ﻟﻚ .. ﻭﺍﺣﻜﻲ ﻟﻲ ﺍﻭﻻﺩ ﻣﺨﺘﺎﺭ .. ﻭﻧﺮﺻﺪ ﻟﻠﻜﻠﺐ ﻭﻧﻜﺘﻠﻮ .. ﻭﻻ ﺯﻭﻝ ﻳﺠﻴﺐ ﻟﻴﻬﻮ ﺧﺒﺮ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺍﺻﺒﺮ ﺍﺻﺒﺮ .. ﺍﻧﺎ ﺍﻟﻤﻮﺿﻮﻉ ﺩﻩ ﻣﺎﺑﺨﻠﻴﻬﻮ .. ﺩﺣﻴﻦ ﺑﻌﺪ ﺑﺎﻛﺮ ﻣﻮ ﺍﻟﺴﺒﺖ ؟ .. ﻗﺎﻟﻮ ﺍﻱ ﻳﺎﻫﻮ .. ﻗﺎﻝ ﻟﻴﻬﻮ ﻳﻮﻡ ﺍﻟﺴﺒﺖ ﻳﻮﻡ ﺍﻟﺠﻠﺴﺔ ﺍﻧﺎ ﺩﺍﻳﺮﻙ ﺗﻜﻮﻥ ﻗﺮﻳﺐ ..
ﻭﺗﺤﻜﻲ ﻛﻼﻣﻚ ﺩﻩ ﻣﺠﻠﺲ ﺍﻟﻤﺸﺎﻳﺦ .. ﻭﺍﻧﺎ ﺑﻀﻤﻦ ﻟﻚ ﺳﻼﻣﺘﻚ .. ﻣﺎﻓﻲ ﺩﺍﻋﻲ ﻟﻠﻤﻮﺕ ﻭﺍﻟﻜﺘﻞ .. ﻭﻟﻮ ﺍﺻﻼ ﻓﻲ ﻣﻮﺕ ﺍﻭ ﻗﺘﻞ .. ﺧﻠﻮﻫﻮ ﺑﻌﺪ ﺍﻟﺠﻠﺴﺔ ﻭﺷﻮﻑ ﺍﻟﺒﺤﺼﻞ .. ﺑﺲ ﺍﺻﺒﺮ ﻟﻲ ﻻ ﺑﻌﺪ ﺑﺎﻛﺮ ﻭﺑﺘﺸﻮﻓﻨﻲ ﺍﻧﺎ ﺑﺴﻮﻱ ﺷﻨﻮ .. ﺍﻟﻠﻪ ﺍﻛﺒﺮ ﻋﻠﻴﻬﻢ .. ﻗﺎﻝ ﻟﻴﻬﻮ ﻭﺍﻧﺎ ﺑﺴﺎﻋﺪﻙ ﻭﺍﻟﻠﻪ .. ﺍﻗﻮﻝ ﻛﻞ ﺍﻟﺤﻘﺎﻳﻖ ﺍﻟﺸﻔﺘﻬﺎ ﺑﻲ ﻋﻴﻨﻲ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ .. ﺑﺲ ﻃﻠﺒﺘﻚ ﺑﻲ ﺍﻟﻠﻪ ﻫﺴﻊ ﻣﺎﺗﻤﺸﻲ ﺗﻜﻠﻢ ﺍﻭﻻﺩ ﻣﺨﺘﺎﺭ .. ﺧﻠﻲ ﺍﻟﻜﻼﻡ ﺑﻴﻨﻲ ﻭﺑﻴﻨﻚ .. ﺍﺗﻮﺍﻋﺪﻭ ﻋﻠﻰ ﻛﺪﻱ ﻭﻣﺸﻮ .. ﻭﺷﻜﻠﻮ ﻭﺩ ﺩﺍﺭ ﺍﻟﺰﻳﻦ ﺩﺍﻳﺮ ﻳﺤﻞ ﺍﻟﻘﻀﻴﺔ ﺣﻞ ﺳﻴﺎﺳﻲ .. ﻭﺩﻱ ﻣﺠﺎﺯﻓﺔ ﻛﺒﻴﺮﺓ .. ﻛﻮﻧﻮ ﻳﻄﻌﻦ ﻓﻲ ﺍﻻﻣﻴﺮ ﻗﺪﺍﻡ ﻣﺠﻠﺲ ﺍﻟﻤﺸﺎﻳﺦ ﻭﺍﻟﻌﻤﺪ ﻭﺍﻟﻨﻈﺎﺭ ..
ﺍﻟﻤﻬﻢ ﺍﻭﻝ ﻣﻦ ﻃﻠﻊ ﻋﻤﺎﺭﺓ ﻣﻦ ﻭﺩ ﺩﺍﺭ ﺍﻟﺰﻳﻦ .. ﻭﺭﻛﺐ ﻣﺸﻰ .. ﻭﺩ ﺩﺍﺭ ﺍﻟﺰﻳﻦ ﻟﺒﺲ ﺗﻮﺑﻮ .. ﻭﻣﺸﻰ ﻟﻠﻨﻈﺎﺭ ﻭﺍﻟﻌﻤﺪ ﻭﺍﻟﻤﺸﺎﻳﺦ ﻓﻲ ﺑﻴﻮﺗﻬﻢ ﻭﺍﺣﺪ ﻭﺍﺣﺪ .. ﻛﻤﻞ ﻳﻮﻡ ﺍﻟﺨﻤﻴﺲ ﺩﻩ ﻛﻠﻮ ﺣﺎﻳﻢ ﻓﻮﻗﻬﻢ ﺍﻱ ﺯﻭﻝ ﻳﻤﺸﻲ ﻟﻴﻬﻮ ﻳﺤﻜﻲ ﻟﻴﻬﻮ ﺍﻟﺠﺮﺍﻳﻢ ﺩﻱ ﻭﻳﻘﻮﻝ ﻟﻴﻬﻮ ﺍﻧﺎ ﺩﺍﻳﺮ ﺩﻋﻤﻚ ﻓﻲ ﺟﻠﺴﺔ ﺍﻟﺴﺒﺖ .. ﺍﻟﺨﻤﻴﺲ ﻭﺍﻟﺠﻤﻌﺔ ﻛﻠﻬﺎ ﺣﺎﻳﻢ ﻓﻮﻗﻬﻢ .. ﻭﻛﻠﻬﻢ ﻗﺎﻟﻮ ﻟﻴﻬﻮ ﻭﺍﻟﻠﻪ ﻧﺤﻦ ﺳﺎﻣﻌﻴﻦ ﺑﻲ ﺟﺮﺍﻳﻢ ﺍﻻﻣﻴﺮ .. ﻭﺗﻌﺪﻳﻬﻮ ﻋﻠﻰ ﺍﻟﻨﺎﺱ ﺑﺲ ﻣﺎﻋﻨﺪﻧﺎ ﺷﻬﻮﺩ ﻭﺑﺮﻫﺎﻥ .. ﻻﻧﻮ ﺍﻟﻨﺎﺱ ﻛﻠﻬﺎ ﺧﺎﻳﻔﺔ ﺗﺸﻬﺪ ﻭﺗﻤﻮﺕ ..
ﻻﻧﻮ ﻣﻦ ﺯﻣﺎﻥ ﺍﻟﺰﻭﻝ .. ﺍﻟﺒﺸﻬﺪ ﺿﺪ ﺍﻟﻈﺎﻟﻢ ﺍﻟﻨﺎﻓﺬ .. ﺑﻤﻮﺕ ﺑﻲ ﺳﺒﺐ ﻏﻴﺮ ﻣﻔﻬﻮﻡ ,. ﻭﻣﻌﺮﻭﻑ ﻓﻲ ﺍﻟﺴﻠﻄﺔ ﺍﻟﻈﺎﻟﻤﺔ ﻓﻲ ﺍﻱ ﺯﻣﺎﻥ ﻭﻣﻜﺎﻥ .. ﺍﻟﺸﺎﻫﺪ ﻋﻠﻰ ﺟﺮﺍﻳﻢ ﺍﻟﺤﺎﻛﻢ .. ﻭﺍﻟﺒﻜﻮﻥ ﻋﻨﺪﻭ ﻣﻌﻠﻮﻣﺎﺕ ﺧﻄﻴﺮﺓ ﺿﺪ ﺍﻟﻨﻈﺎﻡ .. ﺑﻤﻮﺕ ﺑﻲ ﺳﺒﺐ ﻣﺎ ﺍﻭ ﺑﺄﺧﺮ .. ( ﺍﻟﺘﺼﻔﻴﺔ ﺍﻟﺠﺴﺪﻳﺔ ) ..
ﻳﻮﻡ ﺍﻟﺴﺒﺖ .. ﻭﺩ ﺩﺍﺭ ﺍﻟﺰﻳﻦ ﻣﺸﻰ ﺳﻨﺎﺭ .. ﻭﺍﺳﺘﻌﺎﻥ ﺑﺎﻟﻠﻪ ﺍﻟﻌﻈﻴﻢ .. ﻭﺍﺗﻮﻛﻞ ﻋﻠﻰ ﺍﻟﻠﻪ ﺍﻟﺬﻱ ﻻ ﺍﻟﻪ ﺍﻻ ﻫﻮ ﺍﻟﺤﻲ ﺍﻟﻘﻴﻮﻡ .. ﻭﻗﺒﻞ ﻣﺎﻳﺪﺧﻞ ﻋﻠﻰ ﺍﻟﻘﺼﺮ .. ﻟﻘﻰ ﺍﻟﻮﻟﺪ ﺍﻻﺳﻤﻮ ﺍﻟﻘﺎﺳﻢ ﻭﺍﻗﻒ ﻗﺪﺍﻡ ﺍﻟﻘﺼﺮ .. ﻗﺎﻝ ﻟﻴﻬﻮ ﺍﻧﺖ ﺍﺳﻤﻚ ﺑﺎﻟﻜﺎﻣﻞ ﻣﻨﻮ .. ؟؟
ﻗﺎﻝ ﻟﻴﻬﻮ ﻟﻴﻚ ﺍﻧﺖ .. ﻭﻻﺭﺳﻤﻴﺎ ﺩﺍﺧﻞ ﺍﻟﻘﺼﺮ .. ﻗﺎﻝ ﻟﻴﻬﻮ ﺍﺳﻤﻚ ﺭﺳﻤﻴﺎ .. ﻗﺎﻝ ﻟﻴﻬﻮ ﺍﺳﻤﻲ ﺍﻟﻜﻀﺐ .. ﻣﺒﻠﻮﻝ ﻭﺩﺣﻤﺪﺍﻥ . ﻣﻦ ﺍﻡ ﻓﺮﺧﻪ .. ﻗﺎﻝ ﻟﻴﻬﻮ ﻃﻴﺐ ﺍﺳﻤﻚ ﺍﻟﺤﻘﻴﻘﻲ .. ﻗﺎﻝ ﻟﻴﻬﻮ ﺍﺳﻤﻲ ﺍﻟﺤﻘﻴﻘﺔ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ .. ﻭﺩ ﺩﺍﺭ ﺍﻟﺰﻳﻦ ﺍﺗﺨﻠﻊ .. ﻭﻗﺎﻝ ﻟﻴﻬﻮ ﺍﻧﺖ ﻭﺩ ﺍﻟﻤﺮﻳﻮﺩ ﺍﻟﻜﺘﻠﻮ ﺍﻻﻣﻴﺮ ﻭﺳﺎﻕ ﺑﺘﻮ؟؟
ﻗﺎﻝ ﻟﻴﻬﻮ ﻧﻌﻢ .. ﻗﺎﻝ ﻟﻴﻬﻮ ﻳﺎﺳﻼﻡ ﻳﺎﺧﻲ .. ﻭﺍﻟﻠﻪ ﺍﻧﺎ ﻣﺤﺘﺎﺟﻠﻚ ﺣﻮﺟﺔ ﺷﺪﻳﺪﺓ .. ﺗﻌﺎﻝ ﺍﺩﺧﻞ .. ﺍﺷﻐﻠﻚ ﻓﻲ ﺍﻟﻘﺼﺮ ﻭﺍﻥ ﺩﺍﻳﺮ ﺗﺒﻘﻰ ﻭﺯﻳﺮ ﺗﺒﻘﻰ ..
ﺩﺧﻞ ﻣﻌﺎﻫﻮ .. ﻓﻲ ﻭﻛﻠﻢ ﺍﻟﺤﺮﺍﺱ .. ﺍﻧﻮ ﺍﻟﻮﻟﺪ ﺩﻩ ﺗﺒﻌﻲ .. ﻋﻨﺪﻭ ﻣﻮﺿﻮﻉ ﺧﺎﺹ ﻣﻊ ﺍﻟﻤﻠﻚ .. ﻭﺩﺧﻞ ﻣﻌﺎﻫﻮ .. ﻭﻗﺎﻝ ﻟﻴﻬﻮ ﺧﻠﻴﻚ ﺧﺎﻓﻲ ﻧﻔﺴﻚ .. ﻭﺍﻗﻌﺪ ﻟﻲ ﺑﺮﺓ ﺍﻟﺪﻳﻮﺍﻧﻴﺔ ﻻﻣﻦ ﺍﻧﺎﺩﻳﻚ .. ﺍﻟﻮﻟﺪ ﻭﻗﻒ ﺑﺮﺓ .. ﻭﺟﺎ ﺍﻟﺤﺎﺭﺱ ﺍﻻﺳﻤﻮ ﻋﻤﺎﺭﺓ ﻭﻗﻒ ﻣﻌﺎﻫﻮ ..
ﻭﺩ ﺩﺍﺭ ﺍﻟﺰﻳﻦ ﺩﺧﻞ ﻋﻠﻰ ﺍﻟﺠﻠﺴﺔ ..
ﻭﺍﺑﺘﺪﺕ ﺍﻟﺠﻠﺴﺔ ﻛﻌﺎﺩﺗﻬﺎ . ﻭﺍﻟﺠﻠﺴﺔ ﻛﺎﻧﺖ ﻋﻨﺪﻫﺎ ﻣﺤﺎﻭﺭ ﻣﻌﻴﻨﺔ .. ﻣﺪﺭﻭﺳﺔ ﻣﺴﺒﻘﺎ .." ﻭﻋﻨﺎﺻﺮﻫﺎ ﻣﻜﺘﻮﺑﺔ ﻛﺘﺎﺑﺔ .. ﺑﺲ ﻭﺩ ﺩﺍﺭ ﺍﻟﺰﻳﻦ ﺍﻟﻠﻴﻠﺔ ﻧﺎﻭﻱ ﻳﺼﻮﺗﻬﺎ ﺻﻮﺍﺗﺔ ..
ﺣﺪﺩﻭ ﺍﻟﻤﺤﺎﻭﺭ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﺭﻓﻊ ﻳﺪﻭ .. ﻭﻗﺎﻝ ﻳﺎﻣﻮﻻﻱ ﺳﻠﻄﺎﻥ ﺳﻠﻄﻨﺔ ﺍﻟﻔﻮﻧﺞ .. ﻭﻳﺎ ﺣﻜﺎﻡ ﺍﻟﻤﺴﻠﻤﻴﻦ ..
ﻭﺍﻟﻘﺎﻳﻤﻴﻦ ﻋﻠﻰ ﺍﻣﺮ ﺍﻟﺒﻼﺩ .. ﺍﻥ ﺍﻟﻨﺼﺮﺓ ﻣﻦ ﺍﻟﻠﻪ .. ﻭﺍﻟﺘﻮﻓﻴﻖ ﻣﻦ ﺍﻟﻠﻪ .. ﻭﻧﺤﻦ ﻟﻦ ﻳﻨﺼﺮﻧﺎ ﺍﻟﻠﻪ .. ﻭﻻ ﻧﺴﺘﺤﻖ ﺍﻟﺮﺣﻤﺔ ﻭﻻ ﺍﻟﺘﻮﻓﻴﻖ .. ﻻﻧﻨﺎ ﻇﻠﻤﺔ .. ﻭﻻﻧﻨﺎ ﺍﺗﺼﻔﻨﺎ ﺑﺼﻔﺔ .. ﺣﺮﻣﻬﺎ ﺍﻟﻠﻪ ﻋﻠﻰ ﻧﻔﺴﻪ .. ﻭﺟﻌﻠﻬﺎ ﺑﻴﻦ ﺍﻟﻨﺎﺱ ﻣﺤﺮﻣﺔ .. ﺍﻻ ﻭﻫﻲ ﺍﻟﻈﻠﻢ .. ﺍﻻ ﺍﻥ ﻧﺮﺩ ﺍﻟﻤﻈﺎﻟﻢ .. ﻭﻧﻌﺎﻗﺐ ﺍﻟﻈﺎﻟﻢ .. ﻭﻧﻨﺼﻒ ﺍﻟﻤﻈﻠﻮﻡ .. ﻗﺒﻞ ﺍﻥ ﻧﺒﺪﺃ ﻓﻲ ﺍﻟﻨﻘﺎﺵ ﺣﻮﻝ ﺍﻟﻤﺤﺎﻭﺭ ﺍﻟﻤﺬﻛﻮﺭﺓ .. ﻟﻮ ﺳﻤﺢ ﻟﻲ ﻣﺠﻠﺲ ﺍﻟﺸﻮﺭﻯ ﺍﻟﻤﻮﻗﺮ .. ﺑﺴﺮﺩ ﺍﻟﻈﻠﻢ ﺍﻟﻮﺍﻗﻊ ﻋﻠﻰ ﺍﻻﻣﺔ .. ﻭﺍﻧﺎ ﻣﺘﺄﻛﺪ ﺍﻧﻪ ﺳﻴﻐﻴﺮ ﺭﺍﻳﻜﻢ ﻣﻦ ﻫﺬﻩ ﺍﻟﻤﺤﺎﻭﺭ ..
ﺍﻟﻤﻠﻚ ﻗﺎﻝ ﻟﻴﻬﻮ ﺍﺗﻔﻀﻞ .. ﻗﻮﻝ ﻛﻞ ﺍﻟﻌﻨﺪﻙ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻧﺖ ﻋﻀﻮ ﻣﻦ ﺍﻋﻀﺎﺀ ﺍﻟﻤﺠﻠﺲ ﻭﻣﻦ ﺣﻘﻚ ﺗﻐﻴﺮ ﺣﺘﻰ ﺍﻟﻤﺤﺎﻭﺭ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ..
ﻓﻲ ﻧﻔﺮﻳﻦ ﻣﻮﺟﻮﺩﻳﻦ ﺧﺎﺭﺝ ﺩﻳﻮﺍﻧﻴﺔ ﺍﻟﺠﻠﺴﺔ .. ﺍﻃﻠﺐ ﺩﺧﻮﻟﻬﻤﺎ ﺍﻟﻰ ﺍﻟﻤﺠﻠﺲ ﻟﻴﻜﻮﻧﺎ ﺷﺎﻫﺪﻳﻦ ﻋﻠﻰ ﻣﺎ ﺍﻗﻮﻝ .. ﻗﺎﻝ ﻟﻠﺤﺎﺭﺱ ﺍﺩﺧﻠﻬﻤﺎ ..
ﻓﺪﺧﻞ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ ﺍﻟﻔﺘﻰ ﺫﻭ ﺍﻝ 17 ﺭﺑﻴﻊ .. ﻭﻣﻌﻪ ﻋﻤﺎﺭﺓ ﺣﺎﺭﺱ ﺍﻻﻣﻴﺮ ﺍﻟﺸﺨﺼﻲ ..
ﻭﺩ ﺩﺍﺭ ﺍﻟﺰﻳﻦ ﺑﺪﺍ ﻭﻗﺎﻝ ﻳﺎﻣﻮﻻﻱ ﺍﻟﻤﻠﻚ .. ﺍﻟﻈﻠﻢ ﻭﺍﻗﻊ ﻣﻨﻚ ﺍﻧﺖ ﺷﺨﺼﻴﺎ .. ﺑﻮﺍﺳﻄﺔ ﺍﺑﻨﻚ ﺍﻻﻣﻴﺮ .. ﻭﺍﻧﺖ ﻋﻠﻰ ﻋﻠﻢ ﺑﻜﻞ ﻣﺎﻳﻘﻮﻡ ﺑﻪ ﻣﻦ ﺟﺮﺍﻳﻢ ﻭﻇﻠﻢ .. ﺍﻋﺘﺪﺍﺀ ﻋﻠﻰ ﺍﻋﺮﺍﺽ ﺍﻟﻤﺴﻠﻤﻴﻦ .. ﻭﺍﻧﺎ ﺳﺄﺫﻛﺮ ﺍﻟﻮﻗﺎﺋﻊ ﺑﺎﻟﺪﻻﻳﻞ ﻭﺍﻟﺸﻬﻮﺩ ..
ﺣﺼﻞ ﻓﻲ ﻗﺮﻳﺔ ﻛﺬﺍ .. ﺍﻥ ﺍﻻﻣﻴﺮ ﺫﻫﺐ ﻭﺍﺧﺪ ﻓﻼﻧﺔ ﺑﻨﺖ ﻓﻼﻥ ﻣﻦ ﻭﺍﻟﺪﻫﺎ ﻭﻟﻤﺎ ﺍﻋﺘﺮﺽ ﻗﺘﻠﺔ ..
ﻭﺣﺼﻞ ﻓﻲ ﻗﺮﻳﺔ ﻛﺪﺫﺍ ﺍﻧﻮ ﺍﺧﺬ ﻓﻼﻧﺔ ﺑﻨﺖ ﻓﻼﻥ ﻭﻟﻤﺎ ﺍﻋﺘﺮﺽ ﺍﺧﻮﻫﺎ ﻗﺘﻠﺔ ﻭﻗﺘﻞ ﺧﺎﻟﻬﺎ ﻭﻋﻤﻬﺎ .. ﻭﺣﺼﻞ ﻭﺣﺼﻞ ..
ﻭﻛﻞ ﺍﻟﻔﺘﻴﺎﺕ ﻳﻘﻀﻰ ﻋﻠﻰ ﺷﺮﻓﻬﻦ .. ﺛﻢ ﻳﺒﻌﻬﻦ ﺑﺎﺑﺨﺲ ﺍﻻﺛﻤﺎﻥ .. ﻭﻳﻐﺮﻱ ﺑﺎﻟﻤﺎﻝ ﺍﺧﺮﻳﻦ .. ﻭﻟﻮ ﻟﻢ ﻳﻘﺒﻠﻮ ﺍﻻﻏﺮﺍﺀ ﺳﺎﻕ ﺍﻟﻔﺘﺎﺓ ﻗﺴﺮﺍ "
ﻭﺍﻣﻴﺮﻛﻢ ﺍﻟﻤﻮﻗﺮ ﻗﺘﻞ ﺣﺎﺭﺳﻪ ﺍﻟﻀﻴﺐ .. ﺗﺤﺖ ﺷﻬﻮﺩ ﺍﻟﺤﺮﺍﺱ ﺍﻻﺧﺮﻳﻦ ﻻ ﻟﺴﺒﺐ ﻭﺍﻧﻤﺎ .. ﻟﻴﺘﺴﻠﻰ ﺑﺮﺅﻳﺔ ﺍﻟﺪﻡ .. ﻻﻧﻮ ﻟﻢ ﻳﺠﺪ ﺻﻴﺪﺍ ﻓﻲ ﺫﻟﻚ ﺍﻟﻴﻮﻡ ..
ﻭﺣﺼﻞ ﻳﺎ ﺟﻼﻟﺘﻜﻢ ﺍﻧﻪ ﺫﻫﺐ ﺍﻟﻰ ﻗﺮﻳﺔ ﻛﺬﺍ ﻭﻛﺬﺍ .. ﻓﻲ ﻳﻮﻡ ﻛﺬﺍ .. ﻭﺩﺧﻞ ﺑﻴﺖ ﺍﻟﺮﺟﻞ ﺍﻟﺼﺎﻟﺢ ﻭﺩ ﺍﻟﻤﺮﻳﻮﺩ .. ﺍﻟﻔﺎﺭﺱ ﺍﻟﻤﺸﻬﻮﺭ ﺍﻟﺬﻱ ﺧﺪﻡ ﻓﻲ ﺍﻟﺠﻴﺶ ﺗﺴﻌﺔ ﺳﻨﻮﺍﺕ .. ﺛﻢ ﺍﺻﻴﺐ ﻓﻲ ﺭﺟﻠﻪ .. ﺍﻻﻣﻴﺮ ﺍﺧﺪ ﺑﻨﺘﻪ .. ﻭﻟﻤﺎ ﺍﻋﺘﺮﺽ ﻭﺩ ﺍﻟﻤﺮﻳﻮﺩ .. ﻃﻌﻨﻪ ﺑﺸﻬﻮﺩ ﺍﻫﻞ ﺍﻟﺤﻠﺔ .. ﻭﺗﺮﻛﻪ ﻳﺴﺒﺢ ﻓﻲ ﺑﺮﻛﺔ ﻣﻦ ﺍﻟﺪﻡ .. ﻭﺍﺑﻨﻪ ﻫﺬﺍ ﻳﺤﺘﻀﻦ ﺟﺜﺘﻪ .. ﻭﻟﻤﺎ ﺭﻓﻀﺖ ﺍﻟﻔﺘﺎﺓ ﺍﻥ ﺗﻤﻜﻨﻪ ﻣﻨﻬﺎ .. ﺣﻠﻖ ﻟﻬﺎ ﺭﺍﺳﻬﺎ .. ﻭﺟﻌﻠﻬﺎ ﻓﻲ ﺣﻮﺵ ﺍﻟﺮﻗﻴﻖ .. ﺍﻟﻰ ﺣﻴﻦ ﺍﻟﺒﻴﻊ .. ﻭﻟﻜﻨﻬﺎ ﻛﺎﻧﺖ ﻓﺎﺭﺳﺔ ﻛﺎﺑﻴﻬﺎ .. ﻓﻄﻌﻨﺖ ﻧﻔﺴﻬﺎ ﻭﻣﺎﺗﺖ ..
ﻭﺣﺼﻞ ﻳﺎ ﺟﻼﻻﻟﺘﻜﻢ ﺍﻥ ﺍﻻﻣﻴﺮ ﺍﺧﺬ ﺧﻄﻴﺒﺔ ﺣﺎﺭﺳﻪ ﺍﻟﺸﺨﺼﻲ ﻋﻤﺎﺭﺓ ﺍﻟﻮﺍﻗﻒ .. ﺍﻣﺎﻣﻜﻢ ﻭﺑﻨﺖ ﺧﺎﻟﻪ .. ﻏﺼﺒﺎ ﻋﻨﻪ ﻭﻋﻦ ﺍﺑﻴﻬﺎ ﻭﺍﻫﻠﻬﺎ .. ﻭﺍﻻﻥ ﻻﻳﻌﻠﻢ ﺍﺣﺪ ﺍﻳﻦ ﻫﻲ ..
ﻭﺣﺼﻞ ﻳﺎ ﻣﻮﻻﻱ ﺍﻥ ﺍﺑﻨﻜﻢ ﺻﺎﺩﻑ ﺑﻨﺘﻲ ﻓﻲ ﺍﻟﺒﻴﺮ .. ﻭﻛﺎﻧﺖ ﻣﺘﺰﻭﺟﺔ ﻟﻬﺎ ﺛﻤﺎﻧﻴﺔ ﺍﺷﻬﺮ .. ﻭﺍﺭﺍﺩ ﺍﻥ ﻳﻌﺘﺪﻱ ﻋﻠﻴﻬﺎ ﻋﻠﻴﻬﺎ ﻭﻟﻜﻦ ﺑﻔﻄﻨﺘﻬﺎ ﻭﻋﺪﺗﻪ ﺑﺎﻟﺤﻼﻝ .. ﻓﺎﻣﺮﻫﺎ ﺍﻥ ﺗﻄﻠﻖ ﺯﻭﺟﻬﺎ ﻭﻳﺘﺰﻭﺟﻬﺎ .. ﻭﺍﺭﺍﺩ ﺍﻥ ﻳﺘﺰﻭﺟﻬﺎ ﻗﺒﻞ ﺍﻛﺘﻤﺎﻝ ﻋﺪﺗﻬﺎ ﻛﻤﺎ ﻳﻔﻌﻞ ﺍﻟﺠﻬﻠﺔ .. ﻭﺍﻧﺖ ﺷﺨﺼﻴﺎ ﻳﺎﻣﻮﻻﻱ ﻋﻠﻰ ﻋﻠﻢ ﺑﻜﻞ ﻣﺎ ﺍﻗﻮﻝ .. ﻭﻟﻮﻻ ﻋﺒﺎﺩ ﺍﻟﻠﻪ ﺍﻟﺼﺎﻟﺤﻴﻦ ﺳﺮﻗﻮﺍ ﺑﻨﺘﻲ ﺛﻼﺛﺔ ﺍﺷﻬﺮ .. ﻭﻏﺎﺑﺖ ﻋﻦ ﺍﻟﻮﺟﻮﺩ .. ﺣﺘﻰ ﺷﺎﺭﻓﻨﺎ ﻧﺤﻦ ﻋﻠﻰ ﺍﻟﺠﻨﻮﻥ ﺑﻔﻘﺪﻫﺎ .. ﻭﻫﻮ ﺍﻻﻥ ﻳﻌﺪ ﺍﻟﻌﺪﺓ ﻟﻴﺘﺰﻭﺝ ﺑﻨﺘﻲ ﺍﻟﻤﺠﺒﻮﺭﺓ ﻋﻠﻰ ﺍﻟﻄﻼﻕ ﻣﻦ ﺯﻭﺟﻬﺎ .. ﺍﺏ ﺧﻮﺳﺔ ﻭﺩ ﺍﻟﻮﺷﺎﺵ ﺍﻟﺤﺪﺍﺩ ..
ﻭﻛﻞ ﻣﺎﺳﺒﻖ ﻣﻦ ﺷﻜﺎﻭﻯ ﻟﻔﺨﺎﻣﺔ ﺍﻟﻤﺠﻠﺲ .. ﻳﺸﻬﺪ ﻋﻠﻴﻪ ﻋﻤﺎﺭﺓ ﺣﺎﺭﺱ ﺍﻻﻣﻴﺮ ﺍﻟﺸﺨﺼﻲ .. ﺍﻟﺬﻱ ﻳﻘﻒ ﺍﻣﺎﻣﻜﻢ .. ﻭﺣﺎﺩﺛﺔ ﻭﺩ ﺍﻟﻤﺮﻳﻮﺩ ..
ﺷﻬﺪ ﻋﻠﻴﻬﺎ ﺍﺑﻨﻪ ﻫﺬﺍ ﺍﻟﻤﻜﻠﻮﻡ ﺍﻟﻤﻈﻠﻮﻡ ﺍﻟﻮﺍﻗﻒ ﺍﻣﺎﻣﻜﻢ ..
ﺍﻻﻥ ﻗﺒﻞ ﺍﻥ ﺍﻧﻬﻲ ﻛﻼﻣﻲ ﺍﻃﻠﺐ ﻣﻦ ﺟﻼﻟﺘﻜﻢ ﺍﻟﺴﻤﺎﺡ ﻟﻠﺤﺎﺭﺱ ﻋﻤﺎﺭﺓ
ﺍﻥ ﻳﻘﻮﻝ ﻛﻠﻤﺘﻪ .. ﻭﺍﻃﻠﺐ ﻣﻨﻜﻢ ﺍﻣﺎﻧﻲ ﻭﺍﻣﺎﻥ ﺍﻟﺸﻬﻮﺩ .. ﺣﺘﻰ ﺗﻜﺘﻤﻞ ﺍﻟﻌﺪﺍﻟﺔ ﻭﺍﻟﻠﻪ ﺍﻟﻤﻮﻓﻖ ..
ﺍﻟﻨﺎﺱ ﺩﻱ ﺻﻨﻨﻨﻦ ﺻﻨﺖ .. ﺍﻟﻤﻠﻚ ﻗﺎﻝ ﺍﺗﻔﻀﻞ ﻳﺎ ﻋﻤﺎﺭﺓ .. ﻋﻤﺎﺭﺓ ﺍﺗﻨﺤﻨﺢ ﻭﻭﺍﻗﻒ ﻋﻠﻰ ﺣﻴﻠﻮ ﻭﻣﺮﺑﻊ ﻳﺪﻳﻬﻮ .. ﻭﻗﺎﻝ ﺍﻧﺎ ﻣﺎﻋﻨﺪﻱ ﺧﺒﺮﺓ ﺍﺟﺮﺟﺮ ﺍﻟﻜﻼﻡ ﺑﺎﻟﻤﻨﺎﻃﻘﺔ ﺯﻱ ﻭﺩ ﺩﺍﺭ ﺍﻟﺰﻳﻦ .. ﻟﻜﻦ ﺍﻟﻨﻀﻢ ﺍﻟﻘﺎﻟﻮ ﻭﺩ ﺩﺍﺭ ﺍﻟﺰﻳﻦ ﺩﻩ ﻛﻠﻮ ﺣﺎﺻﻞ ﻗﺪﺍﻡ ﻋﻴﻨﻲ .. ﻭﺭﺑﻨﺎ ﺑﺴﻌﻠﻨﻲ ﻣﻦ ﻛﻞ ﻛﺒﻴﺮﺓ ﻭﺻﻐﻴﺮﺓ
ﻭﺷﻜﺮﺍ ..
ﺍﻟﻤﻠﻚ ﻗﺎﻝ ﻟﻲ ﺍﻟﻘﺎﺳﻢ ﺍﺗﻔﻀﻞ ﻳﺎ ﺍﺑﻨﻲ ﻗﻮﻝ ﺍﻟﻌﻨﺪﻙ ..
ﺍﻟﻘﺎﺳﻢ ﻗﺎﻝ ﻟﻴﻬﻮ ﺍﻭﻻ .. ﺍﻧﺖ ﻟﻮ ﻓﻌﻼ ﻣﻠﻚ ﺻﺤﻴﺢ .. ﻣﺎ ﺑﺘﺴﻤﺢ ﻟﻮﻟﺪﻙ ﻳﺴﺮﺡ ﻭﻳﻤﺮﺡ ﻓﻮﻕ ﺧﻠﻖ ﺍﻟﻠﻪ ﺯﻱ ﻣﻮ ﺩﺍﻳﺮ .. ﺍﻧﺎ ﻣﺎﻋﻨﺪﻱ ﻛﻼﻡ ﺍﻗﻮﻟﻮ ﻏﻴﺮ ﺍﻧﻮ ﺑﻘﻮﻝ ﻟﻲ ﺍﻟﻨﺎﺱ ﺍﻟﻘﺎﻋﺪﻳﻦ ﺩﻳﻞ ﻟﻮ ﻓﻴﻜﻢ ﻓﺎﻳﺪﺓ .. ﻭﻓﻌﻼ ﺍﻧﺘﻮ ﻣﺸﺎﻳﺦ ﻭﻋﻤﺪ ﻭﻧﻈﺎﺭ ﻭﺍﺻﺤﺎﺏ ﻛﻠﻤﺔ .. ﺍﻟﻤﻠﻚ ﺩﻩ ﻳﺸﻴﻠﻮ ﻣﻨﻮ ﺍﻟﺴﻠﻄﺎﻥ .. ﻭﻳﺴﺠﻨﻮﻫﻮ .. ﻭﻭﻭﻟﺪﻭ ﺍﻟﻤﻠﻌﻮﻥ ﺗﺤﻜﻤﻮ ﻋﻠﻴﻬﻮ ﺑﺎﻻﻋﺪﺍﻡ ..
ﻭﺷﻜﺮﺍ ..
ﺍﻟﻨﺎﺱ ﺩﻳﻞ ﻓﻲ ﺍﻟﻤﺠﻠﺲ ﺯﻱ ﺍﻟﺼﺎﺑﺔ ﻓﻮﻗﻬﻢ ﻣﻄﺮﺓ ﻭﺍﻟﺠﻮ ﻣﺘﻮﺗﺮ ﻭﺍﻟﻮﻟﺪ ﺩﻩ ﺯﻋﻼﻥ ﺯﻋﻞ ﻻﻣﻦ ﻣﺜﺒﺘﻨﻮ ..
ﺍﻟﻤﻠﻚ ﻗﺎﻝ ﺑﺴﻢ ﺍﻟﻠﻪ ﺍﺑﺪﺍ ﻟﻴﻜﻢ ﺍﻧﺎ ﺑﺎﻟﺮﺩ ﻋﻠﻰ ﺍﻟﻜﻼﻡ ﺩﻩ ....
ﻓﻲ ﻧﺎﻇﺮ ﻣﻦ ﻧﻈﺎﺭ ﺍﻟﻤﺴﻠﻤﻴﺔ .. ﻗﺎﻃﻊ ﺍﻟﻤﻠﻚ .. ﻭﻗﺎﻝ ﻟﻴﻬﻮ ﻟﺤﻈﺔ ﻳﺎﻣﻮﻻﻱ .. ﺍﻧﺖ ﺍﻻﻥ ﻣﺎﻋﻨﺪﻙ ﻓﺮﺻﺔ ﻟﻠﻜﻼﻡ .. ﻻﻧﻚ ﻓﻲ ﻧﻈﺮﻧﺎ ﺗﺤﻮﻟﺖ ﻣﻦ ﻣﻠﻚ ﺍﻟﻰ ﻣﺘﻬﻢ ..
ﺍﻟﻜﻼﻡ ﺍﻻﻥ ﻟﻤﺠﻠﺲ ﺍﻟﺸﻮﺭﻯ ﻟﻠﺒﺖ ﺍﻟﺴﺮﻳﻊ .. ﻓﻲ ﺍﻟﻘﻀﻴﺔ ..
ﻛﻞ ﺍﻟﻤﺠﻠﺲ ﺿﺞ ﻭﻗﺎﻟﻮ ﻧﻌﻢ ﻧﻌﻢ .. ﻣﺎﻓﻲ ﻛﻼﻡ ﺑﻌﺪ ﻛﺪﻱ ..
ﻭﺑﺪﺃﺕ ﺍﻟﻤﻨﺎﻗﺸﺎﺕ ﺣﻮﻝ ﺍﻟﻘﻀﻴﺔ ﺍﻟﺸﺎﺋﻜﺔ .. ﻭﺍﻟﻤﻠﻚ ﻣﺴﺘﻤﻊ .. ﺍﻭﻻ " ﻃﺒﻌﺎ ﺍﺻﺤﺎﺏ ﺍﻟﺪﺭﺟﺔ ﺍﻟﺴﻠﻄﺔ ﺍﻻﻭﻟﻰ .. ﻭﻫﻢ ﺍﻟﻔﻮﻧﺞ .. ﻏﻴﺮ ﺭﺍﺿﻴﻦ ﻣﻦ ﺍﻟﻤﻠﻚ .. ﻛﻮﻧﻪ ﻳﺪﺧﻠﻬﻢ ﻓﻲ ﺣﺘﺔ ﺯﻱ ﺩﻱ .. ﻭﺍﺻﺤﺎﺏ ﺍﻟﺴﻠﻄﺔ ﺍﻟﺪﺭﺟﺔ ﺍﻟﺘﺎﻧﻴﺔ .. ﻣﻜﻮﻙ ﻭﻣﺸﺎﻳﺦ ﻭﻧﻈﺎﺭ ﺍﻟﻌﺮﺏ .. ﺍﺻﻼ ﻋﻨﺪﻫﻢ ﻏﻞ ﻭﺗﻈﻠﻢ ﺟﻮﺍﻫﻢ .. ﻣﻦ ﺍﺻﺤﺎﺏ ﺍﻟﺴﻠﻄﺔ ﺍﻻﻭﻟﻰ .. ﻓﺎﻟﻠﻴﻠﺔ ﻓﺮﺻﺘﻬﻢ ﻓﻲ ﺍﻟﺘﺸﻔﻰ .. ﺍﻭ ﺑﺘﺤﺼﻞ ﺣﺮﺏ ﺩﺍﺧﻞ ﺍﻟﻤﻤﻠﻜﺔ ..
ﻓﺒﺪﺃ ﺍﻟﺘﺪﺍﻭﻝ ﻓﻲ ﺍﻟﺮﺍﻱ .. ﻓﻲ ﻧﺎﻇﺮ ﻗﺎﻝ ﺍﻋﺪﺍﻡ ﺍﻻﻣﻴﺮ ﻭﺳﺠﻦ ﺍﻟﻤﻠﻚ .. ﻓﻲ ﻋﻤﺪﺓ ﺗﺎﻧﻲ ﻗﺎﻝ ﺍﻋﺪﺍﻡ ﺍﻟﻤﻠﻚ ﻭﺍﻋﺪﺍﻡ ﺍﻻﻣﻴﺮ .. ﻓﻲ ﻋﻤﺪﺓ ﻗﺎﻝ ﺳﺠﻦ ﺍﻻﻣﻴﺮ ﻭﻋﺰﻝ ﺍﻟﻤﻠﻚ .. ﺍﻟﻤﻬﻢ ﻛﻞ ﺍﻻﻗﻮﺍﻝ ﺩﺍﺭﺕ ﻓﻲ ﺍﻟﻤﻨﺤﻨﻰ ﺩﻩ .. ﻭﻧﺎﺋﺐ ﺍﻟﺠﻠﺴﺔ ﻛﺎﻥ ﻣﻦ ﺍﻟﻔﻮﻧﺞ ﻓﺤﺎﻭﻝ .. ﻳﺨﻔﻒ ﺍﻟﺤﻜﻢ ﻋﻠﻰ ﺍﻟﻤﻠﻚ ﻭﻭﻟﺪﻩ .. ﺍﺻﺪﺭ ﻗﺮﺍﺭ ﻓﻲ ﻧﻬﺎﻳﺔ ﺍﻟﺠﻠﺴﺔ .. ﺑﺴﺠﻦ ﺍﻻﻣﻴﺮ ﻭﻣﺤﺎﻛﻤﺘﺔ ﺍﻣﺎﻡ ﺍﻟﻌﺎﻣﺔ .. ﺑﻘﺎﺿﻲ ﺍﻟﻘﻀﺎﺓ ﻭﻭﺯﻳﺮ ﺍﻟﻌﺪﻝ ﻓﻲ ﺍﻟﻮﻛﺖ ﺩﺍﻙ .. ﻭﻛﺎﻥ ﺑﺮﺿﻮ ﻣﻦ ﺍﻟﻔﺮﻧﺞ .. ﻭﺍﺻﺪﺭ ﻧﺎﺋﺐ ﺍﻟﺠﻠﺴﺔ ﻣﺮﺳﻮﻡ ﻓﻴﻪ ﻋﺰﻝ ﺍﻟﻤﻠﻚ ﻓﻲ ﺍﻟﺤﺎﻝ .. ﻭﺗﺠﺮﻳﺪﻩ ﻣﻦ ﺻﻼﺣﻴﺘﻪ ﻓﻲ ﻧﻔﺲ ﺍﻟﺠﻠﺴﺔ ..
ﻭﺗﻨﺼﻴﺐ ﺍﻟﻤﻠﻚ ﺍﻟﺠﺪﻳﺪ .. ﻣﻦ ﺧﺎﺭﺝ ﺍﻻﺳﺮﺓ ﺍﻟﻤﻠﻜﻴﺔ .. ﻓﻲ ﻧﻔﺲ ﺍﻟﺠﻠﺴﺔ .. ﻭﺩﻱ ﻛﺎﻧﺖ ﻧﻘﻄﺔ ﺗﺤﻮﻝ .. ﻣﻦ ﺍﺳﺮﺓ ﺣﻜﻤﺖ ﺍﻟﺴﻮﺩﺍﻥ ﻗﺮﺍﺑﺔ ﺍﻟﺘﻤﺎﻧﻴﻦ ﺳﻨﺔ .. ﻭﻓﻲ ﻧﻔﺲ ﺍﻟﺠﻠﺴﺔ ﻧﺼﺒﻮ ﻣﻠﻚ ﺟﺪﻳﺪ .. ﻭﺳﺎﻗﻮ ﺍﻟﻤﻠﻚ ﺍﻟﻘﺪﻳﻢ .. ﺩﺧﻠﻮﻫﻮ ﻓﻲ ﺍﻻﻗﺎﻣﺔ ﺍﻟﺠﺒﺮﻳﺔ .. ﻭﺳﺎﻗﻮ ﺍﻻﻣﻴﺮ ﻋﻠﻰ ﺳﺠﻦ ﺍﻟﻤﺠﺮﻣﻴﻦ .. ﻭﺍﻧﺘﻬﺖ ﺍﻟﺠﻠﺴﺔ ﻭﻗﺎﻣﻮ ﺍﻟﻤﻌﻠﻨﻴﻦ ﻳﻜﻮﺭﻛﻮ ﻓﻲ ﺍﻟﺸﻮﺍﺭﻉ ﺑﺎﻟﺤﺼﻴﻦ .. ( ﻳﺎ ﻧﺎﺱ ﺍﻟﺴﻠﻄﻨﺔ ﺍﻟﺰﺭﻗﺎﺀ .. ﺍﻟﻤﻠﻚ ﺷﺎﻟﻮﻫﻮ ﻣﻦ ﺍﻟﺤﻜﻢ .. ﻭﺍﻻﻣﻴﺮ ﺳﺠﻨﻮﻫﻮ .. ﻭﻣﺤﻜﻤﺘﻮ ﻳﻮﻡ ﺍﻟﺨﻤﻴﺲ .. )
ﺑﺲ ﺍﻟﻤﺸﺎﻛﻞ ﺍﻟﺠﺪ ﺟﺪ .. ﺑﻌﺪ ﻛﺪﺍ .. ﺗﻌﺎﻝ ﺷﻮﻑ ﺍﻟﺤﺼﻞ ﻓﻲ ﺍﻟﺨﻔﺎﺀ ..
ﺍﻟﻰ ﺍﻟﻠﻘﺎﺀ ﺍﻥ ﺷﺎﺀ ﺍﻟﻠﻪ ..
أنت تقرأ
أســرَار الـزمان .. طارق اللبيب
Randomﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...
