أســرَار الـزمان .. طارق اللبيب

النهـــاية

ﻋﻄﻴﺔ ﻭﺍﻗﻒ ﺑﻌﺎﻳﻦ ﻗﺎﻝ ﻟﻴﻬﻮ ﻣﺎﺗﻬﺒﺸﻮ ﻳﺎﺑﺨﻴﺖ ﺍﺻﺒﺮ .. ﺍﻭﻝ ﺣﺎﺟﺔ ﺍﻣﺴﻜﻮ ﺍﻟﺮﻣﻢ ﺍﻻﺗﻨﻴﻦ ﺩﻳﻞ ﻭﻛﺘﻔﻮﻫﻢ .. ﻭﺍﻻﻣﻴﺮ ﻳﺮﺟﻒ ﺯﻱ ﺍﻟﺒﺎﺑﻮﺭ ﺍﻟﻄﺎﻓﻲ ﺑﻠﻚ .. ﺑﺨﻴﺖ ﻭﺩ ﻣﺨﺘﺎﺭ ﻗﺎﻝ ﻟﻴﻬﻢ ﺍﺭﻣﻮ ﺳﻴﻮﻓﻜﻢ ﺩﻳﻞ ﺳﺮﻳﻊ ﻗﺒﺎﻝ ﻣﺎﻧﻐﻴﺮ ﻋﻠﻴﻜﻢ ..
ﺭﻣﻮ ﺳﻴﻮﻓﻬﻢ .. ﻋﻄﻴﺔ ﻗﺎﻝ ﻣﺎﻓﻲ ﺯﻭﻝ ﻳﻀﺮﺏ ﺯﻭﻝ .. ﺍﻟﻮﻟﺪ ﺍﻟﺨﺎﻳﺐ ﺩﻩ ﻋﻨﺪﻭ ﻣﺤﻜﻤﺔ ﺗﺎﻧﻲ .. ﻭﺍﺣﺘﻤﺎﻝ ﻳﺸﻨﻘﻮﻫﻮ .. ﺑﺨﻴﺖ ﻗﺎﻝ ﻟﻴﻬﻮ ﻭﺍﺣﺘﻤﺎﻝ ﻣﺎﻳﺸﻨﻘﻮﻫﻮ .. ﻭﺍﻟﻤﻐﺴﺔ ﺗﺸﻘﻨﺎ .. ﻭﺍﻟﻨﻘﺎﺵ ﺍﺣﺘﺪﺍ .. ﺍﻟﻨﺎﺱ ﺩﻳﻞ ﻛﻠﻬﻢ ﺩﺍﻳﺮﻳﻦ ﻳﻘﺘﻠﻮﻫﻮ .. ﻭﻋﻄﻴﺔ ﻗﺎﻝ ﻟﻬﻢ ﺩﻱ ﺟﺮﻳﻤﺔ ﺍﻭﻋﻜﻢ ﺗﻐﻠﻄﻮ .. ﺑﻌﺪﻳﻦ ﻛﻠﻨﺎ ﺑﻨﺘﺤﺎﻛﻢ ﻓﻮﻗﺎ .. ﻗﺎﻟﻮ ﻟﻴﻬﻮ ﻃﻴﺐ ﺍﻧﺖ ﺟﺒﺘﻨﺎ ﻟﻴﻪ ﻳﺎﻋﻄﻴﺔ؟ ﻋﺸﺎﻥ ﻧﺴﻮﻗﻮ ﻧﺮﺟﻌﻪ ﻟﻲ ﻗﺼﺮ ﺍﻟﻈﻠﻤﺔ ﻭﺍﻟﻤﺮﺗﺸﻴﻦ؟؟
ﻗﺎﻝ ﻟﻴﻬﻢ ﻻﻻ .. ﺍﻧﺎ ﺟﻴﺖ ﺑﻲ ﻓﻜﺮﺓ ﻛﻠﻜﻢ ﺑﺘﻔﺮﺣﻮ ﺑﻬﺎ .. ﻭﻫﺴﻊ ﺑﺘﻮﺍﻓﻘﻮ ﻋﻠﻰ ﻛﻼﻣﻲ .. ﻧﻌﻤﻞ ﻓﻴﻬﻮ ﻋﻤﻠﻴﺔ ﺍﻟﺨﺮﻭﻑ ﺍﻟﺪﻋﻮﻝ .. ‏( ﻧﺨﺼﻴﻬﻮ ‏) .. ﻭﻧﻨﻬﻲ ﺭﺟﻮﻟﺘﻮ ﻣﺪﺓ ﺣﻴﺎﺗﻮ .. ﺗﺎﻧﻲ ﻳﺒﻘﻰ ﺯﻳﻮ ﻭﺯﻱ ﺍﻟﻔﺘﺎﺓ .. ﻭﻧﺴﻮﻗﻮ ﻣﻜﺘﻒ ﻧﺮﺟﻌﻮ ﺍﻟﺴﺠﻦ .. ﻳﺴﻮﻭ ﻓﻴﻬﻮ ﺍﻟﺪﺍﻳﺮﻧﻮ ﺗﺎﻧﻲ .. ﻗﺎﻟﻮ ﻟﻴﻬﻮ ﻭﺍﻟﻠﻪ ﻳﺎﻋﻄﻴﺔ ﺩﻱ ﺍﺣﺴﻦ ﻓﻜﺮﺓ .. ﻗﺎﻝ ﻟﻴﻬﻢ ﻳﻼ ﻧﻔﺬﻭ ﻃﻮﺍﻟﻲ ..
ﻣﺴﻜﻮﻫﻮ ﻭﺭﺑﻄﻮ ﻟﻴﻬﻮ ﻛﺮﻋﻴﻮ .. ﻛﻞ ﻛﺮﺍﻉ ﻋﻠﻰ ﺟﻴﻬﻪ .. ﻭﺩﻩ ﻣﺴﻚ ﻣﻦ ﻛﺮﺍﻉ ﻭﻣﺸﻰ ﻛﺪﺍ .. ﻭﺩﻩ ﻣﺴﻚ ﻣﻦ ﻛﺮﺍﻉ ﻭﻣﺸﻰ ﻛﺪﺍ .. ﻭﺧﻠﻮ ﻣﺸﺘﺢ .. ﻭﻗﻌﺪﻭﻫﻮ ﻓﻮﻕ ﺣﺠﺮ .. ﻭﺟﺎ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ ﺷﺎﻳﻞ ﻋﻜﺎﺯ .. ﺿﺮﺑﻮ ﻓﻲ ﺭﺟﻮﻟﺘﻮ ﺿﺮﺏ ﻏﺮﻳﺐ .. ﻭﺍﻻﻣﻴﺮ ﻳﺼﺮﺥ ﻻﻣﻦ ﻃﺮﺵ ﺩﻡ .. ﻭﻏﻤﻲ ﻋﻠﻴﻬﻮ ..
ﻋﻄﻴﺔ ﻗﺎﻝ ﻟﻬﻢ ﻓﻜﻮﻫﻮ .. ﺩﻩ ﺗﺎﻧﻲ ﻻﻧﺎﻓﻊ ﻗﺮﺑﺔ ﻻﻧﺎﻓﻊ ﺳﻌﻦ .. ﻛﺎﻥ ﺷﻨﻘﻮﻫﻮ ﻛﺎﻥ ﺧﻠﻮﻫﻮ .. ﺩﻩ ﺑﻘﻰ ﺧﺮﻭﻑ ﻣﺨﺼﻲ .. ﺍﻟﻜﻠﺐ .. ﺑﻌﺪ ﻣﺴﺎﺍﺍﺍﺍﺍﺍﺍﺍﻓﺔ ﺍﻓﺎﻕ ﻣﻦ ﺍﻻﻏﻤﺎﺀ .. ﻭﺣﺎﺳﻲ ﺑﻲ ﺍﻟﻢ ﺷﺪﻳﺪ .. ﺍﻟﻘﺎﺳﻢ ﺑﻘﻰ ﻳﻘﻮﻝ ﻟﻴﻬﻮ ﻣﺘﺬﻛﺮ ﺍﺑﻮﻱ ﺍﻟﻄﻌﻨﺘﻮ ؟؟ .. ﻣﺘﺬﻛﺮ ﺍﺧﺘﻲ ﺍﻟﺴﻘﺘﻬﺎ .. ﻭﻭﺍﺣﺪ ﺗﺎﻧﻲ ﻗﺎﻟﻮ ﻣﺘﺬﻛﺮ ﺍﺧﻮﻱ ﺍﻟﻜﺘﻠﺘﻮ .. ﻣﺘﺬﻛﺮ ﺍﺧﺘﻲ ﺍﻻﻋﺘﺪﻳﺖ ﻋﻠﻴﻬﺎ ﻗﺪﺍﻡ ﺣﺮﺍﺳﻚ ؟؟ ﺍﻟﻨﺎﺱ ﺩﻳﻞ ﻛﻞ ﻭﺍﺣﺪ ﺑﻘﻰ ﻳﺬﻛﺮ ﻓﻴﻬﻮ ﺍﻟﺤﺎﺟﺔ ﺍﻟﻌﻤﻼ .. ﻋﻄﻴﺔ ﻗﺎﻟﻬﻮ .. ﺩﻩ ﺣﻖ ﺑﻨﺎﺕ ﺍﻟﻨﺎﺱ ﻳﺎﻗﺬﺭ .. ﻧﺸﻴﻠﻚ ﻭﻧﺮﺟﻌﻚ ﺍﻟﺴﺠﻦ ﺗﺎﻧﻲ ﻭﻧﺤﺮﺳﻚ ﻧﺤﻦ ﻻﻣﻦ ﻳﺤﻜﻤﻮ ﻋﻠﻴﻚ .. ﻭﺍﻟﺒﺒﻘﻰ ﻋﻠﻴﻚ ﻧﺤﻦ ﻣﺎﻧﻲ ﺧﺴﺮﺍﻧﻴﻦ ﺑﻌﺪ ﻛﺪﻱ .. ﻭﺍﻥ ﺑﻘﻮ ﻋﻔﻮﻙ ﺗﺎﻧﻲ ﻣﺎﻓﻲ ﻓﺮﻕ ﺑﻴﻨﻚ ﻭﺑﻴﻦ ﺍﻟﻔﺘﺎﺓ .. ﺍﻫﺎ ﻳﺎﺧﻮﻱ ﺑﺘﻤﺸﻲ ﺗﺸﻜﻴﻨﺎ ﺗﻘﻮﻝ ﺍﻟﻨﺎﺱ ﺩﻳﻞ ﻧﻬﻮ ﺭﺟﻮﻟﺘﻲ؟
ﻛﺎﻥ ﻣﺸﻴﺖ ﻓﺘﺤﺖ ﺧﺸﻤﻚ ﺍﻟﺪﻧﻴﺎ ﻛﻠﻬﺎ ﺑﺘﻌﺮﻑ ﺍﻧﻚ ﺑﻘﻴﺖ ﻣﺎﺭﺍﺟﻞ .. ﻭﻧﺤﻦ ﻛﺎﻥ ﺳﺠﻦ ﻛﺎﻥ ﻏﺮﺍﻣﺔ ﺟﺎﻫﺰﻳﻦ ﻟﻬﺎ .. ﻭﻃﻮﺍﻟﻲ ﺭﻓﻌﻮﻫﻢ ﻣﻜﺘﻔﻴﻦ ﺍﻟﺘﻼﺗﺔ .. ﻓﻮﻕ ﺍﻟﺰﻭﺍﻣﻞ ﻭﺍﺗﺤﺮﻛﻮ ﻛﻠﻬﻢ ﻋﻠﻰ ﺳﻨﺎﺭ ..
ﺑﻲ ﻫﻨﺎﻙ ﺳﻨﺎﺭ ﻛﻠﻬﺎ ﺟﺎﻳﻄﺔ .. ﻭﺍﻟﻨﺎﺱ ﺍﺗﺴﺎﻣﻌﻮ ﺑﻬﺮﻭﺏ ﺍﻻﻣﻴﺮ ﻣﻦ ﺍﻟﺴﺠﻦ .. ﻭﻣﺎﻓﻲ ﺯﻭﻝ ﻋﺎﺭﻑ ﺍﻧﻮ ﻫﺮﺑﻮﻩ ﻋﻨﺎﺻﺮ ﺍﻟﺸﺮﻃﺔ ﺍﻟﻤﺮﺗﺸﻴﻦ .. ﻃﺒﻌﺎ " ﺍﻟﻨﻮﻋﻴﺔ ﺩﻱ ﺍﺳﻮﺀ ﻧﻮﻋﻴﺔ ﻓﻲ ﺍﻟﺸﺮﻃﺔ .. ﻭﻫﻲ ﻣﻮﺟﻮﺓ ﻓﻲ ﻛﻞ ﺍﻻﻧﻈﻤﺔ ﻋﻠﻰ ﻣﺮ ﺍﻟﻌﺼﻮﺭ .. ﻳﺎﺧﻲ ﺩﻳﻞ ﺍﻟﻮﺍﺣﺪ ﻣﻤﻜﻦ ﻳﻤﺮﺭ ﺳﻼﺡ .. ﻳﺪﺧﻞ ﺍﻟﺒﻠﺪ ﺑﻲ ﺭﺷﻮﺓ ﺧﻤﺴﺔ ﻭﻋﺸﺮﻳﻦ ﺟﻨﻴﻪ .. ﻳﺎﺧﻲ ﺩﻳﻞ ﺑﺠﻴﺒﻮ ﺍﻟﺒﻨﻘﻮ ﻟﻠﻤﺴﺎﺟﻴﻦ ﻓﻲ ﺍﻟﺴﺠﻦ .. ﻏﺎﻳﺘﻮ ﺭﺟﻞ ﺍﻟﻘﺎﻧﻮﻥ ﻻﻣﻦ ﻳﻜﻮﻥ ﺧﺎﻳﻦ ﺍﻟﺒﻠﺪ ﺑﺘﺒﻮﻅ .. ﺭﺑﻨﺎ ﻳﺴﺘﺮﻧﺎ ﻭﻳﺴﺘﺮﻛﻢ ..
ﺍﻫﺎ ﺍﻟﺴﻠﻄﺎﻥ ﺍﻟﺠﺪﻳﺪ .. ﺳﻤﻊ ﺑﺎﻧﻮ ﺍﻻﻣﻴﺮ ﻫﺮﺏ ﻣﻦ ﺍﻟﺴﺠﻦ .. ﺑﺪﻭﻥ ﻣﺤﺎﻛﻤﺔ .. ﻭﺍﻟﻠﻪ ﺍﻟﺰﻭﻝ ﺩﻩ ﺯﻋﻞ ﺯﻋﻞ .. ﻭﻋﻤﻞ ﺍﺟﺘﻤﺎﻉ ﻓﻲ ﺍﻟﻤﻴﺪﺍﻥ ﻟﻲ ﻛﻞ ﺍﻟﺤﻜﻮﻣﺔ ﻭﻣﺎﻣﻮﺭﻳﻦ ﺍﻟﺴﺠﻦ ﻭﺍﻟﺸﺮﻃﺔ .. ﻭﻛﺎﻥ ﺍﻟﻤﻴﺪﺍﻥ ﻣﻔﺘﻮﺡ ﻭﺍﻟﻨﺎﺱ ﻛﻠﻬﺎ ﺍﺗﺠﻤﻌﺖ .. ﺣﺘﻰ ﻧﺎﺱ ﺍﻟﺴﻮﻕ ﺟﻮ .. ﻭﺍﻟﻤﻠﻚ ﺑﺪﺃ ﻳﺘﻜﻠﻢ ﻫﺎﻳﺞ .. ﻭﻗﺎﻝ ﻛﻴﻒ ﺍﻟﺰﻭﻝ ﺩﻩ ﻳﻬﺮﺏ ﻭﺍﻧﺘﻮ ﻗﺎﻋﺪﻳﻦ؟؟ .. ﻟﻮ ﻫﺮﺑﺘﻮﻫﻮ ﺍﻧﺘﻮ ﺗﺒﻘﻮ ﺧﻮﻧﺔ .. ﻭﻟﻮ ﻫﺮﺏ ﺑﺮﺍﻫﻮ ﺍﻧﺘﻮ ﺿﻌﻔﺎﺀ .. ﺍﻻﻥ ﺍﻧﺎ ﺍﺻﺪﺭ ﻗﺮﺍﺭ .. ﻟﻠﻤﻌﻨﻴﻴﻦ ﺑﺎﻻﻣﺮ .. ﺍﻥ ﻛﻞ ﺍﻟﺸﺮﻃﺔ ﺍﻟﺤﺎﺭﺳﺔ ﺍﻟﺴﺠﻦ ﺗﺘﺤﻮﻝ ﺍﻟﻰ ﻣﺴﺎﺟﻴﻦ .. ﻓﻲ ﺍﻟﺤﺒﺲ ﺍﻻ ﺍﻥ ﻳﺮﺟﻊ ﺍﻻﻣﻴﺮ ..
ﻗﺮﻳﺐ ﺍﻟﺴﺘﻴﻦ ﻓﺮﺩ ﻣﻦ ﺍﻓﺮﺍﺩ ﺍﻟﺸﺮﻃﺔ ﻗﺎﻝ ﻟﻴﻬﻢ ﺍﻧﺘﻮ ﺑﺎﻻﺳﻢ .. ﻣﻦ ﺍﻟﻤﺎﻣﻮﺭ ﻻﺧﺮ ﺷﺮﻃﻲ .. ﻛﻞ ﻣﺴﺎﺟﻴﻦ .. ﻭﺍﻣﺮ ﺑﻲ ﻋﻨﺎﺻﺮ ﺗﺎﻧﻴﺔ ﻳﻤﺴﻜﻮ ﺍﻟﺤﺮﺍﺳﺔ ﻓﻲ ﺍﻟﺴﺠﻦ .. ﺍﻟﻜﻼﻡ ﺩﻩ ﻛﻠﻮ ﺗﻢ ﻓﻲ ﺻﺒﺎﺣﻴﺔ ﺍﻟﻴﻮﻡ ﺍﻟﻬﺮﺏ ﻓﻴﻬﻮ ﺍﻻﻣﻴﺮ ..
ﺑﺲ ﺍﻟﻨﺎﺱ ﻣﺠﺘﻤﻌﻴﻦ ﻓﻲ ﺍﻟﻤﻴﺪﺍﻥ .. ﺷﺎﻓﻮ ﻣﻦ ﻫﻨﺎﻙ ﻓﻲ ﻧﺎﺱ ﺭﺍﻛﺒﻴﻦ ﺧﻴﻮﻝ .. ﻭﺳﺎﻳﻘﻴﻦ ﺯﻭﺍﻣﻞ ﻭﺑﻲ ﺷﺒﺮﻳﺔ .. ﻭﻻﻣﻦ ﻗﺮﺑﻮ .. ﺷﺎﻓﻮﻫﻢ ﺷﺎﻳﻠﻴﻦ ﻓﻮﻕ ﺍﻟﺰﻭﺍﻣﻞ ﻧﺎﺱ ﻣﺮﺑﻄﻴﻦ .
ﻭﺍﻟﺴﻠﻄﺎﻥ ﺍﻟﺠﺪﻳﺪ ﻭﺍﻗﻒ ﻣﺎﺷﺎﻑ ﺍﻟﺰﻭﺍﻣﻞ .. ﻭﺍﻟﺤﺮﺱ ﻣﻦ ﺣﻮﻟﻪ ﻣﻈﻠﻠﻨﻮ ﺑﻲ ﻓﺮﻭﻉ ﺍﻟﻨﻴﻢ ﻭﺟﺮﻳﺪ ﺍﻟﻨﺨﻞ .. ﻭﺑﺘﻜﻠﻢ ﺑﺮﺍﻫﻮ ﺯﻋﻼﻥ .. ﺑﺎﻟﻠﻪ ﺍﻟﺒﻠﺪ ﺩﻱ .. ﻓﻮﺿﻰ ﺑﺎﻟﻄﺮﻳﻘﺔ ﺩﻱ .. ﻭﻧﺤﻦ ﻣﺎﺟﺎﻳﺒﻴﻦ ﺧﺒﺮ؟ ﺍﻟﻨﺎﺱ ﺩﻳﻞ ﻣﺎ ﺩﺍﻳﺮﻳﻦ ﺻﺤﺒﺔ ﺍﻟﻤﺼﻄﻔﻰ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ؟؟ .. ﺍﻟﻨﺎﺱ ﺩﻳﻞ ﻛﺎﻥ ﻣﺎﺑﺤﺒﻮ ﺭﺑﻬﻢ .. ﻣﺎﺑﺨﺎﻓﻮ ﻣﻨﻮ؟؟ .. ﺍﻟﻠﻬﻢ ﻳﺎﺭﺑﻲ ﻻﺗﺼﻴﺒﻨﺎ ..
ﻓﺠﺄﺓ ﻧﻈﺮﻭ ﺍﺗﻠﻔﺖ ﻋﻠﻰ ﺍﻟﺠﻴﻬﺔ ﺍﻟﺠﺎﻳﺎﺕ ﻣﻨﻬﺎ ﺯﻭﺍﻣﻞ ﺍﻭﻻﺩ ﻣﺨﺘﺎﺭ ﻭﺍﻟﺠﻤﺎﻋﺔ ﺍﻟﻤﻌﺎﻫﻢ ..
ﻭﻋﻄﻴﺔ ﻣﺎﺷﻲ ﻗﺪﺍﻡ ﺍﻟﻘﺎﻓﻠﺔ .. ﻭﻛﻠﻬﻢ ﺩﺧﻠﻮ ﺳﻴﻮﻓﻬﻢ ﻓﻲ ﺟﻔﺎﻳﺮﻫﺎ .. ﺩﻻﻟﺔ ﻋﻠﻰ ﺍﻟﻤﺴﺎﻟﻤﺔ ..
ﻭﻋﻄﻴﺔ ﻣﻦ ﺑﻌﻴﺪ ﻛﻮﺭﻙ ﺑﺎﻋﻼ ﺻﻮﺗﻪ .. ﻳﺎﻣﻮﻻﻱ ﺍﻟﻤﻠﻚ .. ﺍﻧﺎ ﻋﻄﻴﺔ ﻭﺩ ﻣﺨﺘﺎﺭ ﻭﻣﻌﺎﻱ ﺍﺧﻮﺍﻧﻲ .. ﻭﺍﺻﺪﻗﺎﺋﻲ .. ﻧﺤﻦ ﻗﺒﻀﻨﺎ ﺍﻟﺴﺠﻴﻦ .. ﺍﻟﻬﺎﺭﺏ .. ﻭﻣﻌﺎﻫﻮ ﺍﺗﻨﻴﻦ ﻣﻦ ﺍﻟﻈﻠﻤﺔ ﻭﺍﻟﻤﺮﺗﺸﻴﻦ .. ﻭﻧﺴﺘﺎﺫﻥ ﻣﻦ ﺟﻼﻟﺘﻜﻢ ﺍﻧﻮ ﻧﻨﻮﺥ ﺍﻻﺑﻞ ﻓﻲ ﺍﻟﻤﻴﺪﺍﻥ ﺍﻣﺎﻣﻜﻢ ﻭﺍﻣﺎﻡ ﺍﻟﻨﺎﺱ ..
ﺍﻟﺴﻠﻄﺎﻥ ﻗﺎﻝ ﻟﻴﻬﻮ ﺍﻧﺖ ﻭﺩ ﻣﺨﺘﺎﺭ ﺗﻮﺭ ﺍﻟﺸﺮﻕ؟ .. ﻗﺎﻝ ﻟﻴﻬﻮ ﻧﻌﻢ ﻳﺎﻣﻮﻻﻱ .. ﻳﺎﻫﻮ ﻣﺨﺘﺎﺭ ﺗﻮﺭ ﺍﻟﺸﺮﻕ .. ﻗﺎﻝ ﻟﻴﻬﻮ ﻓﻌﻼ ﻳﺎ ﻋﻄﻴﺔ ﺍﻻﺳﺪ ﻳﻠﺪ ﺍﻻﺷﺒﺎﻝ .. ﺍﺑﻮﻙ ﻛﺎﻥ ﻓﺎﺭﺱ ﻗﺒﺎﻳﻞ .. ﻧﻮﺥ ﻧﻮﺥ ..
ﻓﻜﻮ ﺍﻻﻣﻴﺮ .. ﺟﺎ ﻭﻗﻒ ﻗﺪﺍﻡ ﻣﻮﻛﺐ ﺍﻟﻤﻠﻚ .. ﻟﻘﺎﻫﻮ ﻫﺪﻭﻣﻮ ﻣﻼﻧﺎﺕ ﺩﻡ ﻭﺗﺮﺍﺏ ﻭﺣﺎﻟﺘﻮ ﺗﺤﻨﻦ .. ﻗﺎﻝ ﻟﻴﻬﻮ ﻣﺎﻟﻚ ﺍﻟﺤﺼﻞ ﺷﻨﻮ؟؟ ﻭﺍﻟﺪﻡ ﺩﻩ ﺷﻨﻮ؟ ﻗﺎﻝ ﻟﻴﻬﻮ ﻗﺎﻟﻴﻬﻮ ﻳﺎﻣﻮﻻﻱ ﺍﻟﻨﺎﺱ ﺩﻳﻞ ﺧﺼﻮﻧﻲ .. ﻗﺎﻝ ﻟﻴﻬﻮ ﺗﺴﺘﺎﻫﻞ ﺍﻛﺘﺮ ﻣﻦ ﻛﺪﻱ .. ﺑﺮﻛﺔ ﺍﻟﺨﺼﻮﻙ .. ﻗﺎﻝ ﻟﻴﻬﻮ ﻗﺎﻟﻮ ﺍﻧﺎ ﺑﻘﻴﺖ ﻓﺘﺎﺓ ﺻﺢ ﻳﺎﻣﻮﻻﻱ . ؟؟ ﻗﺎﻝ ﻟﻴﻬﻮ ﺍﻧﺖ ﻣﺎﻗﺎﻟﻮ ﻣﺠﻨﻮﻥ ؟ ﺑﺼﺢ ﺍﻧﺖ ﻣﺠﻨﻮﻥ؟؟ .. ﻗﺎﻝ ﻟﻴﻬﻮ ﻻﻻ ﻣﺎ ﻣﺠﻨﻮﻥ ﺍﻧﺎ .. ﺩﻩ ﺍﺑﻮﻱ ﻳﺎﻣﻮﻻﻱ .. ﻗﺎﻝ ﻟﻲ ﺳﻮ ﺭﻭﺣﻚ ﻣﺠﻨﻮﻥ .. ﻭﺍﻧﺎ ﺳﻮﻳﺖ ﺭﻭﺣﻲ ﻣﺠﻨﻮﻥ ..
ﺍﻟﻤﻠﻚ ﻗﺎﻝ ﻟﻴﻬﻮ ﻭﺍﻟﻠﻪ ﻓﻌﻼ ﻣﺎﻙ ﻧﺼﻴﺢ .. ﻭﺍﻧﺎ ﻣﻦ ﺭﺍﻱ ﻣﺎﻳﺤﺎﻛﻤﻮﻙ ﺍﻧﺖ ﻣﺎﺗﺎﻡ ﻣﺠﻨﻮﻥ ﺫﺍﺗﻮ .. ﺳﻮﻗﻮﻩ ﺍﺭﻣﻮﻫﻮ ﻓﻲ ﺍﻟﺴﺠﻦ .. ﻭﺭﺳﻠﻮ ﻟﻠﻤﻈﺎﻟﻢ ﻳﻌﻔﻮ ﻋﻨﻮ .. ﺍﻛﺮﺍﻣﺎ " ﻟﻲ ﺍﻧﺎ .. ﻛﻔﺎﻫﻮ ﺍﻟﺨﺼﻴﺔ ..
ﻓﻲ ﺟﻤﺎﻋﺔ ﻣﻦ ﻧﺎﺱ ﺍﻟﻘﺎﻓﻠﺔ ﺍﻟﺠﻮ ﻣﻊ ﻋﻄﻴﺔ .. ﻗﺎﻟﻮ ﻟﻴﻬﻮ ﻧﺤﻦ ﻋﻔﻴﻨﺎ ﺍﻛﺮﺍﻣﺎ ﻟﻴﻚ ﻳﺎ ﺟﻼﻟﺘﻚ .. ﺍﻟﻤﻠﻚ ﺷﻜﺮﻫﻢ .. ﻭﺭﺳﻞ ﻟﻜﻞ ﺍﻟﻨﺎﺱ ﺍﻟﻤﺘﻈﻠﻤﻴﻦ ﻭﺍﻟﻨﺎﺱ ﻛﻠﻬﺎ ﻋﻔﺖ .. ﻭﻓﻲ ﺍﻟﻨﻬﺎﻳﺔ ﺍﻟﻤﻠﻚ ﺍﺻﺪﺭ ﻣﺮﺳﻮﻡ ﻋﻔﻮ ﻋﻦ ﺍﻟﻤﻠﻚ ﺍﻟﻘﺪﻳﻢ ﻭﺍﺑﻨﻪ .. ﻭﺍﻥ ﻳﺮﺣﻠﻮﻫﻮ ﻟﺰﻭﺟﺘﻪ ﻓﻲ ﺟﻨﻮﺏ ﻛﺴﻼ ﻭﺯﻭﺟﺘﻪ ﺍﻟﺼﻐﻴﺮﺓ ﻃﻠﺒﺖ ﺍﻟﻄﻼﻕ .. ﻭﺷﺎﻟﺖ ﺣﻘﻮﻗﻬﺎ ﻭﺳﺎﻓﺮﺕ ﺍﻟﻘﻀﺎﺭﻑ .. ﻭﻫﻮ ﺳﺎﻕ ﻭﻟﺪﻭ ﺍﻟﻤﺨﺼﻲ ﻭﻣﺸﻰ ﻛﺴﻼ .. ﻭﻗﺼﺘﻪ ﺍﻧﺘﻬﺖ .. ﻟﺤﺪﻱ ﻫﻨﺎ ..
ﻳﻮﻡ ﺍﻟﺠﻤﻌﺔ ﺟﺎﺀ ﺍﺑﺨﻮﺳﺔ .. ﻭﻣﻌﺎﻫﻮ ﺭﻛﺐ ﻻﻳﺴﺘﻬﺎﻥ ﺑﻪ ﻟﻲ ﺑﻴﺖ ﻭﺩ ﺩﺍﺭ ﺍﻟﺰﻳﻦ .. ﻣﻌﺎﻫﻮ ﺍﻣﻪ ﻭﺍﺑﻮﻫﻮ .. ﻭﺍﻟﺮﺳﺎﻟﺔ .. ﻭﻛﺎﻧﺖ ﺍﻟﻠﻤﺔ ﺍﻣﻪ ﻣﻦ ﺍﻟﻨﺎﺱ ﻟﻴﻬﺎ ﺭﺍﺱ ﻭﻗﻌﺮ .. ﻭﻓﻴﻬﺎ ﺍﻭﻻﺩ ﻣﺨﺘﺎﺭ .. ﺍﻟﻔﻲ ﺍﻟﻨﻬﺎﻳﺔ ﺑﻘﻮ ﻣﻦ ﻓﺮﺳﺎﻥ ﺟﻴﺶ ﺍﻟﻤﻠﻚ ﺍﻟﺼﺎﻟﺢ .. ﻭﻓﻴﻬﺎ ﻋﻤﺎﺭﺓ ﺍﻟﻔﻲ ﺍﻟﻨﻬﺎﻳﺔ ﺑﻘﻰ ﺭﺋﻴﺲ ﺣﺮﺱ ﺍﻟﺴﻠﻄﺎﻥ ﺍﻟﺠﺪﻳﺪ .. ﻭﻓﻴﻬﺎ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ .. ﻭﻓﻴﻬﺎ ﺍﻟﻨﻮﺭ ﻓﺎﺭﺱ ﺍﻟﻘﺒﺎﻳﻞ ﺍﻟﻐﺴﻞ ﺳﺮﻭﺍﻝ ﺍﻟﺒﺸﻴﺮ .. ﻭﺍﻟﺒﺸﻴﺮ ﺑﻲ ﻣﺮﺗﻮ .. ﻭﺍﻟﺸﻴﺦ ﺍﺏ ﻛﻒ .. ﻭﻛﻤﻴﺔ ﻣﻦ ﺍﻟﻜﺮﺍﻡ ﻛﺎﻧﻮ ﺣﺎﺿﺮﻳﻦ ﻳﻮﻡ ﺍﻟﻌﻘﺪ ﺩﻩ .. ﻭﻭﺩ ﺩﺍﺭ ﺍﻟﺰﻳﻦ ﺍﻟﻴﻮﻡ ﺩﺍﻙ ﺿﺎﺑﺤﻠﻮ ﺑﻜﺮﺓ ﻭﺍﺭﺑﻌﺔ ﺧﺮﻓﺎﻥ ..
ﻭﺍﻟﻨﺴﻴﻢ ﺩﻱ ﺍﺑﻮﻫﺎ ﻛﺴﺎﻫﺎ ﻣﻦ ﻛﻞ ﺯﻳﻨﺔ .. ﻭﺍﺑﻮﻫﺎ ﻋﻤﻞ ﻟﻴﻬﺎ ﺍﻟﻌﻤﺎﻳﻞ ﺍﻟﻤﺎﺑﻌﺮﻓﻮ ﻟﻴﻬﺎ ﺍﻻ ﺍﻟﻨﺎﺱ ﺩﻳﻞ .. ﺍﻟﻨﺴﻴﻢ ﺑﻘﺖ ﺗﺸﺒﻪ ﺍﻟﺘﻔﺎﺣﻪ ﺍﻟﺼﻔﺮﺍﺀ ﺍﻟﻠﺒﻨﺎﻧﻴﺔ .. ﻭﻛﺖ ﻳﻔﻜﻮﻫﺎ ﻣﻦ ﻭﺭﻗﺘﻬﺎ .. ﻭﻃﻠﻌﺖ ﻛﺎﻧﻬﺎ ﻋﺮﻭﺱ ﻻﻭﻝ ﻣﺮﺓ .. ﻭﻛﺎﻧﺖ ﻓﺮﺣﺎﻧﺔ ﻓﺮﺣﺔ ﻣﺎﺑﻌﺪﻫﺎ ﻓﺮﺣﺔ .. ﺑﺮﺟﻮﻉ ﺍﺏ ﺧﻮﺳﺔ ..
ﻭﻗﺎﻋﺪﺍﺕ ﻣﻌﺎﻫﺎ ﺍﻟﺒﻨﺎﺕ ﺻﺎﺣﺒﺎﺗﻬﺎ .. ﻭﺍﻟﺮﺳﺎﻟﺔ .. ﺑﺘﻮﻧﺴﻦ .. ﻭﺍﺣﺪﺓ ﺍﺳﻤﻬﺎ ﺍﻡ ﺳﺮ . ﻗﺎﻟﺖ ﻟﻴﻬﺎ ﻳﺎ ﺍﻟﻨﺴﻴﻢ .. ﻋﺎﺩ ﺍﻟﻤﺮﺓ ﺩﻱ ﺍﻭﻋﻚ ﺗﺠﻴﻨﺎ ﺿﻬﺮﻙ ﻳﺎﺑﺲ .. ‏( ﻳﻌﻨﻲ ﻻﺯﻡ ﺗﺠﻲ ﺣﺎﻣﻞ ‏) .. ﻗﺎﻟﺖ ﻟﻴﻬﺎ ﻋﺎﺩ ﻳﺎ ﺍﻡ ﺳﺮ ﻣﺎ ﺑﺴﻌﻠﻚ .. ﺑﺎﻗﻲ ﺍﻛﺎﻥ ﺍﺩﻭﻧﻲ ﻳﺎﻩ .. ﺑﺨﻠﻴﻬﻮ ﻭﺭﺍﻱ ﻭﺍﺟﻲ ؟ ..
ﺍﻟﺮﺳﺎﻟﺔ ﻗﺎﻟﺖ ﻟﻴﻬﺎ ﻳﻌﻨﻲ ﻗﺼﺪﻙ ﺷﻨﻮ ﻳﺎ ﺍﻟﻨﺴﻴﻢ؟؟ .. ﻗﺎﻟﺖ ﻟﻴﻬﺎ ,, ﺍﻟﻠﻪ ﺑﺴﻌﻠﻚ ﻳﺎ ﺍﻟﺮﺳﺎﻟﺔ .. ﺍﻟﺸﻲ ﺩﻩ ﻋﻠﻲ ﺍﻧﺎ ﻭﻻﻋﻠﻰ ﺍﺧﻮﻙ؟
ﻗﺎﻟﺖ ﻟﻴﻬﺎ ﻳﺨﺘﻲ ﻗﺎﻟﻮ ﻋﻠﻴﻜﻢ ﺍﻻﺗﻨﻴﻦ .. ﺍﻟﻤﻬﻢ ﺍﻟﻮﻧﺴﺔ ﺣﻘﺖ ﺑﻨﺎﺕ ﺍﺣﺴﻦ ﺍﻧﺎ ﺍﻣﺸﻲ ﻏﺎﺩﻱ .. ﻋﻠﻰ ﺍﻟﺮﺟﺎﻝ ..
ﺍﻟﺠﻤﺎﻋﺔ ﻗﺎﻋﺪﻳﻦ ﺑﺘﻮﻧﺴﻮﺍ .. ﻭﺍﻟﺸﻴﺦ ﺍﺏ ﻛﻒ ﻣﻜﻮﻉ .. ﻭﺍﻟﺪﻳﻮﺍﻥ ﺣﻖ ﻭﺩ ﺍﻟﺰﻳﻦ ﻛﺒﻴﺮ ﻭﻭﺍﺳﻊ ﻭﻣﻼﻥ ﻧﺎﺱ .. ﻗﺎﻡ ﻭﺍﺣﺪ ﺳﺄﻝ ﺍﻟﺸﻴﺦ ﺍﺏ ﻛﻮﻉ .. ﻗﺎﻝ ﻟﻴﻬﻮ ﻳﺎ ﺷﻴﺨﻨﺎ ﻫﺴﻊ ﺣﻜﺎﻳﺔ ﺍﻟﺠﻦ ﺍﻟﺒﻘﻰ ﻳﺨﺘﻒ ﺍﻟﺒﻨﻮﺕ ﺩﻩ ﺷﻨﻮ؟
ﻗﺎﻝ ﻟﻴﻬﻮ ﻳﺎﺗﻮ ﺟﻦ ﺩﻩ ﺍﻟﺒﺨﺘﻒ ﺍﻟﺒﻨﻮﺕ؟ .. ﻗﺎﻝ ﻟﻴﻬﻮ ﻫﺴﻊ ﺍﻟﻨﺴﻴﻢ ﺩﻱ ﻣﺎ ﺧﻄﻔﻬﺎ ﺍﻟﺠﻦ ﺻﺢ؟
ﻗﺎﻝ ﻟﻴﻬﻮ .. ﺍﺑﺪﺍ " ﺍﻟﺠﻦ ﺑﺮﻳﺌﻴﻦ ﻣﻦ ﺍﻟﺘﻬﻤﺔ ﺩﻱ .. ﻭﻻ ﺧﻄﻔﻮﻫﺎ ﺍﻟﺠﻦ ﻭﻻﺷﻲ .. ﻫﻨﺎ ﻭﺩ ﺩﺍﺭ ﺍﻟﺰﻳﻦ ﺍﻧﺘﺒﻪ .. ﻗﺎﻝ ﻟﻴﻬﻮ ﻳﺎﺷﻴﺨﻨﺎ .. ﻃﻴﺐ ﻣﻌﻨﺎﻫﺎ ﺍﻧﺖ ﻋﺎﺭﻓﻬﺎ ﻛﺎﻧﺖ ﻭﻳﻦ؟
ﺍﻟﺸﻴﺦ ﺍﺏ ﻛﻒ ﻗﺎﻝ ﻟﻴﻬﻮ ﺍﻳﻮﺓ ﻋﺎﺭﻓﻬﺎ .. ﻗﺎﻝ ﻟﻴﻬﻮ ﻃﻴﺐ ﺍﺣﻜﻲ ﻟﻲ .. ﻭﺍﻟﻠﻪ ﻳﺎﺷﻴﺨﻨﺎ ﻧﺤﻦ ﻛﻠﻨﺎ ﺩﺍﺧﻠﺔ ﻓﻴﻨﺎ ﺣﻴﺮﺓ .. ﺍﺻﻠﻮ ﻣﺎ ﻣﻌﻘﻮﻟﺔ .. ﻣﻦ ﺍﻟﺤﺘﺔ ﺍﻟﻜﺎﻧﺖ ﻓﻴﻬﺎ ﺍﻟﻨﺴﻴﻢ ..
ﻗﺎﻝ ﻟﻴﻬﻮ ﺍﻟﻨﺴﻴﻢ ﻋﺎﺭﻓﺔ ﺍﻱ ﺣﺎﺟﺔ .. ﻟﻜﻦ ﻣﻌﺎﻫﺪﺍﻧﻲ ﻣﺎﺗﻨﻀﻢ .. ﻭﺍﻇﻨﻬﺎ ﻻﻫﺴﻊ ﻣﺎﻧﻀﻤﺖ .. ﻭﺍﻟﻘﺼﺔ ﺍﻟﺤﻜﺘﻬﺎ ﻟﻴﻜﻢ ﺩﻱ .. ﻛﻠﻬﺎ ﻣﺎﻫﺎ ﺣﻘﻴﻘﺔ ..
ﻗﺎﻝ ﻟﻴﻬﻮ ﻛﻴﻒ ﻳﻌﻨﻲ ؟؟
ﻗﺎﻝ ﻟﻴﻬﻮ ﻳﺎﻭﺩ ﺩﺍﺭ ﺍﻟﺰﻳﻦ ﺍﻧﺖ ﺯﻭﻝ ﺑﻘﻴﺖ ﻣﻨﻨﺎ ﻭﻓﻴﻨﺎ .. ﻭﺍﻟﺒﻬﻤﻚ ﺑﻬﻤﻨﺎ ﻭﺑﺘﻚ ﺑﺘﻨﺎ .. ﺍﻧﺎ ﻭﻛﺖ ﻟﻘﻴﺘﻚ ﻭﺍﻗﻊ ﺑﻴﻦ ﻧﺎﺭﻳﻦ .. ﻳﺎ ﺍﻣﺎ ﺍﻟﺒﺖ ﺗﻘﻊ ﻓﻲ ﺍﻟﺤﺮﺍﻡ ﻭﺯﻭﺍﺝ ﺑﺪﻭﻥ ﻋﺪﺓ .. ﻳﺎ ﺍﻣﺎ ﺍﻧﺖ ﺗﻤﻮﺕ ﻓﻮﻕ ﻋﺮﺿﻚ ..
ﺭﺑﻨﺎ ﻫﺪﺍﻧﻲ ﻟﻲ ﻃﺮﻳﻘﺔ ﺍﺣﻞ ﺑﻴﻬﺎ ﺍﻻﺷﻜﺎﻝ .. ﻋﻨﺪﻱ ﺍﺧﻮﻱ ﺍﻟﻠﻪ ﻳﺮﺣﻤﻮ ﻣﺘﺰﻭﺝ ﻣﺮﺍﺓ ﻣﻦ ﺍﺧﻮﺍﻟﻚ ﺍﻟﺸﻜﺮﻳﺔ .. ﻭﻋﻨﺪﻭ ﻣﻨﻬﺎ ﺑﻨﺘﻴﻦ .. ﻭﺩﻳﺎﺭﻫﻢ ﻋﻠﻰ ﺟﻴﻬﺔ ﺍﻟﺒﺎﻫﻮﻗﻲ .. ﻣﺴﻴﺮﺓ ﻳﻮﻡ ﻭﻧﺺ ﻣﻦ ﻫﻨﺎ .. ﺍﻫﺎ ﻛﺎﻧﺖ ﻣﻌﺎﻱ ﻫﻨﺎ ﺯﻳﺎﺭﺓ ﺑﻲ ﺑﻨﺎﺗﻬﺎ ﻟﻴﻬﺎ ﺷﻬﺮﻳﻦ .. ﻭﻭﻛﻠﻤﺘﻬﺎ ﺑﻲ ﻗﺼﺘﻚ ﻣﻊ ﺍﻻﻣﻴﺮ .. ﻭﻛﻠﻤﺘﻬﺎ ﺗﺴﻮﻕ ﻣﻌﺎﻫﺎ ﺍﻟﻨﺴﻴﻢ .. ﻭﺗﺨﻠﻴﻬﺎ ﺍﻟﺒﺖ ﻣﻌﺎﻫﺎ ﻓﺘﺮﺓ ﺍﻟﻌﺪﺓ .. ﺍﻫﺎ ﻫﻲ ﻭﺍﻓﻘﺖ .. ﺍﻧﺎ ﺭﺳﻠﺖ ﺍﻟﺒﻨﺎﺕ ﺍﻻﺗﻨﻴﻦ .. ﻭﻣﻌﺎﻫﻦ ﺗﻼﺗﺔ ﻣﻦ ﺍﻟﺤﻴﺮﺍﻥ .. ﻭﻣﺸﻮ ﻟﻘﻮ ﺑﺘﻚ ﻭﺍﻣﻬﺎ ﻛﺎﻧﺖ ﻣﺎﻓﻲ .. ﻭﺳﺎﻗﻮﻫﺎ ﺑﺎﻟﻐﺶ ﻻﻣﻦ ﻭﺻﻠﻮﻫﺎ ﺍﻟﺨﻮﺭ ﺍﻟﻮﺭﺍﻛﻢ .. ﻭﻛﺖ ﺩﺍﻳﺮﺓ ﺗﻜﻮﺭﻙ ﺭﺑﻄﻮﻻ ﺧﺸﻤﻬﺎ .. ﻭﻛﺘﻔﻮﻫﺎ ﻭﺟﺎﺑﻮﻫﺎ ﻭﺻﻠﻮﻫﺎ ﻟﻲ ﻫﻨﺎ .. ﻭﺍﻧﺎ ﺍﻧﺎ ﻛﻠﻤﺖ ﺑﺘﻚ ﻭﻫﻲ ﺑﺘﻌﺮﻓﻨﻲ ﺗﺐ ﻟﻘﻴﺘﻬﺎ .. ﻭﻭﺿﺤﺖ ﻟﻬﺎ .. ﻭﻗﻠﺖ ﻟﻬﺎ ﺍﺑﻮﻙ ﻓﻲ ﺧﻄﺮ .. ﻭﺑﻤﻮﺕ ﺑﻲ ﺳﺒﺒﻚ .. ﺳﺎﻓﺮﻱ ﻣﻊ ﺑﻨﺎﺕ ﺍﺧﻮﻱ ﺩﻳﻞ .. ﻭﺍﻧﺘﻲ ﻓﻲ ﺍﻣﺎﻥ .. ﻭﺍﻓﻘﺖ ﺍﻟﻠﻪ ﻳﺒﺎﺭﻙ ﻓﻴﻬﺎ .. ﻭﻣﺸﺖ ﻣﻌﺎﻫﻦ ﻻﺩﻩ ﺷﺎﻑ ﻻ ﺩﻩ ﺳﻤﻊ .. ﻭﻗﻌﺪﺕ ﻋﺰﻳﺰﺓ ﻣﻜﺮﻣﺔ .. ﻻﻣﻦ ﺍﺗﻌﺪﺕ ﺍﻟﺨﻄﺮ ﻭﺟﺎﺑﻮﻫﺎ .. ﻭﺍﻟﻨﺴﻴﻢ ﺭﺑﻲ ﻳﺤﻔﻈﻬﺎ .. ﺣﻔﻈﺖ ﺍﻟﺴﺮ ﻟﻐﺎﻳﺔ ﺍﻟﻠﻴﻠﺔ .. ﻣﺎﺑﺎﺣﺖ ﺑﻲ ﺳﺮ ﺷﻴﺨﻬﺎ . .. ﻭﺩﺍﺭ ﺍﻟﺰﻳﻦ ﻳﺴﻤﻊ .. ﻭﺍﺑﺨﻮﺳﺔ ﻳﺴﻤﻊ .. ﻭﺍﻭﻻﺩ ﻣﺨﺘﺎﺭ ﻳﺴﻤﻌﻮﺍ .. ﻭﺍﻟﻨﺎﺱ ﻛﻠﻬﻢ ﻳﺴﻤﻌﻮ ﻓﻲ ﺍﻟﻘﺼﺔ ﺍﻟﻌﺠﻴﺒﺔ ﺩﻱ .. ﻻﻣﻦ ﺑﻜﻮ ..
ﻭﻗﺎﻟﻮ ﻟﻴﻬﻮ ﻳﺎﺷﻴﺨﻨﺎ ﻟﻮ ﻓﻲ ﺻﺎﻟﺤﻴﻦ ﻭﺍﻭﻟﻴﺎﺀ ﻓﻲ ﺍﻟﺒﻠﺪ ﺩﻱ .. ﺍﻧﺖ ﻳﺎﺷﻴﺨﻨﺎ .. ﻗﺎﻝ ﻟﻴﻬﻢ ﻫﻮﻱ ﻫﺎ .. ﻧﺤﻦ ﻧﺎﺱ ﻣﻘﻄﻌﻴﻦ ﺳﺎﻱ .. ﺭﺑﻨﺎ ﻳﺘﻮﻻﻧﺎ ﺑﻲ ﺭﺣﻤﺘﻮ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻳﺎ ﺟﻤﺎﻋﺔ ﺍﻧﺘﻮ ﻫﺴﻊ ﺳﺎﻳﻘﻴﻦ ﻣﻨﻲ ﺍﻟﻨﺴﻴﻢ .. ﻭﺑﺘﺨﻠﻮﻧﻲ ﺍﻧﺎ ﺑﺮﺍﻱ ﺯﻭﻝ ﻣﺎﻣﻌﺎﻱ .. ﺍﻧﺎ ﻃﺎﻟﺐ ﻣﻨﻜﻢ ﻃﻠﺐ .. ﺗﻘﻴﻔﻮ ﻣﻌﺎﻱ ﻓﻴﻬﻮ .. ﺍﻟﻨﺎﺱ ﻛﻠﻬﻢ ﻗﺎﻟﻮ ﻟﻴﻬﻮ ﺍﺗﻔﻀﻞ ﻳﺎ ﻋﻤﺪﻩ .. ﻗﺎﻝ ﻟﻴﻬﻢ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ ﺍﻟﻘﺪﺍﻣﻜﻢ ﺩﻩ .. ﺍﺑﻮﻫﻮ ﺍﺗﻜﺘﻞ .. ﻭﺍﺧﺘﻮ ﻛﺘﻠﺖ ﺭﻭﺣﻬﺎ .. ﻭﻫﺴﻊ ﻻ ﻋﻨﺪﻭ ﻗﺮﻳﺐ ﻻﺣﺒﻴﺐ ..
ﻭﺍﻧﺎ ﺩﺍﻳﺮﻭ ﻳﺒﻘﻰ ﻟﻲ ﻭﻟﺪ .. ﻛﻠﻤﻮﻫﻮ ﻟﻲ ﻳﻘﺒﻞ .. ﺑﺲ ﺩﻩ ﻃﻠﺒﻲ ..
ﺍﻟﻘﺎﺳﻢ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻤﻲ ﺍﻧﺖ ﺑﺪﻭﻥ ﻣﺎ ﺍﻟﻨﺎﺱ ﻳﺴﺎﻋﺪﻭﻙ ﻓﻲ ﻃﻠﺒﻚ ﺩﻩ .. ﺍﻧﺖ ﺍﺑﻮﻱ .. ﻭﺧﺎﻟﻲ .. ﻭﻋﻤﻲ .. ﻭﻣﻦ ﺍﻟﻠﻴﻠﺔ ﺭﺑﻨﺎ ﺍﺩﺍﻙ ﻭﻟﺪ .. .. ﻭﺗﺎﻧﻲ ﻣﺎﻧﻲ ﻣﻔﺎﺭﻗﻚ ﺗﺐ ﻭﺍﻟﻠﻪ .. ﻭﺩ ﺩﺍﺭ ﺍﻟﺰﻳﻦ ﻓﺮﺡ ﻻﻣﻦ ﺩﻣﻊ ..
ﻭﺩﺍﺭ ﺍﻟﺰﻳﻦ . ﻗﺎﻝ ﻟﻲ ﺍﺑﺨﻮﺳﺔ . ﻃﻴﺐ ﻳﺎ ﺍﺑﺨﻮﺳﺔ .. ﺍﻧﺎ ﺩﺍﻳﺮ ﻭﻟﺪﻱ ﺍﻟﻘﺎﺳﻢ ﻳﺸﻮﻑ ﺍﻟﺮﺳﺎﻟﺔ ﺃﺧﻴﺘﻚ ..
ﺍﻟﻘﺎﺳﻢ ﻗﺎﻝ ﻟﻴﻬﻮ ﺍﻧﺎ ﻳﺎﺑﺎ ﺍﻟﺮﺳﺎﻟﺔ ﺷﺎﻳﻔﻬﺎ ﻗﺒﺎﻝ ﻛﺪﻱ .. ﻭﺩﺍﻳﺮﻫﺎ ﺗﺐ ..
ﻗﺎﻝ ﻟﻴﻬﻮ ﺷﻔﺘﻬﺎ ﻭﻳﻦ ﻳﺎ ﺍﻟﺸﻘﻲ؟؟ .. ﺣﻜﻲ ﻟﻴﻬﻢ ﺍﻟﻘﺼﺔ .. ﺍﺏ ﺧﻮﺳﺔ ﻗﺎﻝ ﻟﻴﻬﻮ ﻳﺎ ﻭﺩ ﺩﺍﺭ ﺍﻟﺰﻳﻦ .. ﺍﻧﺎ ﻣﺎﻋﻨﺪﻱ ﻣﺎﻧﻊ .. ﻟﻜﻦ ﺍﻟﻜﻼﻡ ﺩﻩ ﻣﻮﻓﻲ ﺍﻳﺪﻱ .. ﺍﻧﺖ ﻧﺎﺳﻲ .. ﻗﺼﺘﻲ ﻣﻊ ﺑﺎﻣﺒﻲ؟ ﺗﺎﻧﻲ ﻣﺎﺑﻘﻊ ﺍﻟﻮﻗﻌﺔ ﺩﻳﻚ .. ﻟﻜﻦ ﺍﻥ ﺷﺎﺀ ﺍﻟﻠﻪ ﺧﻴﺮ .. ﺍﺣﺴﻦ ﻣﻦ ﺍﻟﻘﺎﺳﻢ ﻣﺎﻧﻲ ﺩﺍﻳﺮﻳﻦ .. ﻟﻜﻦ ﺍﻟﻜﻼﻡ ﻋﻨﺪ ﺍﺑﻮﻫﺎ ﺩﻩ ﻭﻋﻨﺪﻫﺎ ﻫﻲ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺗﺮﺍﻫﻮ ﺍﺑﻮﻫﺎ ﻗﺎﻋﺪ .. ﻭﻫﻲ ﻗﺎﻋﺪﺓ .. ﺍﻫﺎ ﻳﺎ ﻋﻤﻲ ﺍﻟﻮﺷﺎﺵ؟؟ ﺭﺍﻳﻚ ﺷﻨﻮ ﺩﺍﻳﺮﻳﻦ ﺍﻟﺮﺳﺎﻟﺔ ﻟﻲ ﻭﻟﺪﻱ ﺍﻟﻘﺪﺍﻣﻚ ﺩﻩ ..
ﺍﻟﻮﺷﺎﺵ ﺍﺿﺎﻧﻮ ﺗﻘﻴﻠﺔ .. ﻗﺎﻟﻴﻬﻮ ﻗﻠﺖ ﺷﻨﻮ؟؟ .. ﺍﻟﺮﺳﺎﻟﺔ ﻣﺎﻻ؟؟؟ ﻛﺮﺭ ﻟﻴﻬﻮ ﺍﻟﻜﻼﻡ ﺗﺎﺍﺍﺍﺍﻧﻲ ﺑﺼﻮﺕ ﺍﻋﻠﻰ .. ﻗﺎﻝ ﻟﻴﻬﻮ ﺍﻟﺒﻘﻮﻟﻮ ﻋﻤﺮ ﻭﻟﺪﻱ ﻳﻤﺸﻲ ﻳﺎﻭﺩ ﺩﺍﺭ ﺍﻟﺰﻳﻦ .. ﻃﻮﺍﻟﻲ ﻭﺩ ﺩﺍﺭ ﺍﻟﺰﻳﻦ ﺩﺧﻞ ﺟﻮﺓ .. ﻗﺎﻝ ﻟﻠﻨﺴﻴﻢ ﺍﺳﺄﻟﻲ ﺍﻟﺮﺳﺎﻟﺔ ﻣﻦ ﺍﻟﻘﺎﺳﻢ ﺍﻟﻼﻗﺎﻫﺎ ﻗﺒﺎﻝ ﻛﺪﻱ .. ﻭﻛﻠﻤﺘﻮ ﺑﻲ ﺳﺮﻙ .. ﻗﻮﻟﻴﻬﺎ ﻗﺎﻝ ﺑﺪﻭﺭ ﻳﺎﺧﺪﻙ .. ﺍﺩﻳﻨﺎ ﺭﺍﻳﻚ ..
ﺍﻣﺸﻲ ﺳﺮﻳﻊ ﻳﺎﻟﻨﺴﻴﻢ ﺍﻧﺎ ﺭﺍﺟﻴﻚ ﻫﻨﺎ .. ﻣﺸﺖ ﺍﻟﻨﺴﻴﻢ ﻭﺟﺎﺕ .. ﻗﺎﻟﺖ ﻟﻴﻬﻮ
ﺍﻋﻘﺪﻭﻟﻮ ﻋﻠﻴﻬﺎ ﺳﺎﻱ ﻳﺎﺑﺎ .. ﻭﺍﻧﺎ ﻣﺴﻌﻮﻟﺔ .. ‏( ﻋﻠﻰ ﻣﺴﺆﻟﻴﺘﻲ ‏) .. ﻫﻬﻪ
ﻣﺸﻰ ﻭﺩ ﺩﺍﺭ ﺍﻟﺰﻳﻦ ﻟﻠﺠﻤﺎﻋﺔ ﺑﻲ ﻏﺎﺩﻱ .. ﻭﻗﺎﻝ ﻟﻴﻬﻢ ﺍﻫﺎ ﻳﺎﺟﻤﺎﻋﺔ ﻗﻮﻟﻮ ﺭﺑﻨﺎ ﻳﺘﻢ ﻋﻠﻰ ﺧﻴﺮ .. ﺍﻟﺮﺳﺎﻟﺔ ﻭﺍﻓﻘﺖ ..
ﺍﻟﻤﻬﻢ ﺑﻌﺪ ﻣﺎﺿﺮﺑﻮ ﺍﻟﻠﺤﻤﺔ .. ﻭﻣﺸﻮ ﺻﻠﻮ ﺍﻟﺠﻤﻌﺔ .. ﻭﺟﻮ ﻋﻘﺪﻭ ﻋﻘﺪﻳﻦ ﻓﻲ ﻗﻌﺪﺓ ﻭﺍﺣﺪﺓ .. ﻋﻘﺪﻭ ﻟﻠﻨﺴﻴﻢ ﻋﻠﻰ ﻃﻠﻴﻘﺎ ﺍﺑﻮﺧﻮﺳﺔ ﻋﻤﺮ ﻭﺩ ﺍﻟﻮﺷﺎﺵ ﺍﻟﺤﺪﺍﺩ .. ﻓﻲ ﺑﻌﺾ ﺍﻟﺮﻭﺍﻳﺎﺕ ﺑﺘﻘﻮﻝ ﺣﻠﺔ ‏( ﻭﺩ ﺍﻟﺤﺪﺍﺩ ‏) ﺩﻱ .. ﻣﺴﻤﻴﺔ ﻋﻠﻴﻪ .. ﻭﻟﻜﻦ ﺭﻭﺍﻳﺔ ﻏﻴﺮ ﻣﺆﻛﺪﺓ .. ﻭﻋﻘﺪﻭ ﻟﻲ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ ﻋﻠﻰ ﺍﻟﺮﺳﺎﻟﺔ ﺑﺖ ﺍﻟﻮﺷﺎﺵ ..
ﻭﺍﻧﺘﻬﺖ ﺍﻟﻠﻤﺔ ﺑﻲ ﻓﺮﺣﺔ ﻭﻫﻴﺼﺔ .. ﻳﺎﺳﻼﺍﺍﺍﻡ .. ﻭﺍﻟﻨﺴﻴﻢ ﺩﻱ ﻣﺮﻗﺖ ﻣﻊ ﺭﺍﺟﻠﻬﺎ ﺯﻱ ﺍﻟﻤﻼﻙ .. ﺻﻼﺓ ﺍﻟﻨﺒﻲ ﻓﻮﻗﻬﺎ .. ﻋﻴﻨﺎ " ﺣﺎﺳﺪﺓ ﻣﺎﺗﺸﻮﻓﻬﺎ ..
ﻭﺭﺍﺟﻠﻬﺎ ﻣﻨﻌﻬﺎ ﻣﻦ ﺍﻟﺒﻴﺮ ﻃﻴﻠﺔ ﺣﻴﺎﺗﻬﺎ ..
ﻭﺍﻟﺮﺳﺎﻟﺔ ﻣﺸﺖ ﻣﻊ ﺍﻫﻠﻬﺎ .. ﻭﺗﻤﻮ ﺯﻭﺍﺟﻬﺎ ﺑﻌﺪ ﺷﻬﺮ ﻣﻦ ﺍﻟﻌﻘﺪ ﺩﻩ ..
ﻭﺑﻌﺪ ﺩﺍﻙ ﺍﻟﻘﺎﺳﻢ ﻭﺍﻟﺮﺳﺎﻟﺔ ﺳﻜﻨﻮ ﻣﻊ ﻭﺩ ﺍﻟﺰﻳﻦ ﻭﺍﻟﺘﺎﻳﺔ .. ﺍﻣﺎ ﺍﻟﻨﺴﻴﻢ ﺑﻘﺖ ﻓﻲ ﺑﻴﺖ ﺍﻟﻮﺷﺎﺵ ﻋﺰﻳﺰﺓ ﻣﻜﺮﻣﺔ ..
ﺑﻌﺪ ﺍﻟﻘﻌﺪﺓ ﺩﻱ ﺑﻲ ﺍﺳﺒﻮﻉ .. ﻓﻲ ﺍﻟﻘﺼﺮ ﻭﺩ ﺩﺍﺭ ﺍﻟﺰﻳﻦ ﻭﺍﺑﺨﻮﺳﺔ ﺣﺎﻳﻤﻴﻦ .. ﻭﻻﺑﺴﻴﻦ ﻣﻼﺑﺲ ﺍﻟﻤﺴﺆﻟﻴﻦ .. ﺟﻮ ﻣﺎﺷﻴﻦ ﺑﻲ ﻋﻨﺪ ﺍﻟﻤﻄﺒﺦ ﺍﻟﻤﻠﻜﻲ .. ﺍﺏ ﺧﻮﺳﺔ ﻗﺎﻳﺪ ﻋﺎﻡ ﻗﻮﺍﺕ ﺍﻟﺸﺮﻃﺔ .. ﻭﻗﺎﻝ ﺩﺍﻳﺮ ﻳﺪﺣﻞ ﺍﻟﻤﻄﺒﺦ
ﻭﺩ ﺩﺍﺭ ﺍﻟﺰﻳﻦ ﻗﻌﺪ ﻳﻀﺤﻚ ﻋﻠﻴﻬﻮ .. ﻭﻗﺎﻝ ﻟﻴﻬﻮ ‏( ﻣﻦ ﺧﻼ ﻋﺎﺩﺗﻮ ﻗﻠﺖ ﺳﻌﺎﺩﺗﻮ ‏) ﻫﻬﻪ .. ﺍﻧﺖ ﻣﺴﺆﻝ ﻣﻦ ﺍﻣﻦ ﺍﻟﺒﻠﺪ .. ﻭﺗﺎﻧﻲ ﺩﺍﺧﻞ ﻋﻠﻰ ﺍﻟﻤﻄﺒﺦ؟
ﻳﻌﺮﻓﻮﻙ ﻃﺒﺎﺥ ﻛﻴﻒ؟؟ .. ﻭﺑﻲ ﺳﺒﺐ ﺍﻟﻨﺴﻴﻢ ﺑﺖ ﻭﺩ ﺩﺍﺭ ﺍﻟﺰﻳﻦ .. ﻣﻤﻠﻜﺔ ﺍﻟﻔﻮﻧﺞ .. ﺩﺧﻠﺖ ﻓﻲ ﻣﺮﺣﻠﺔ ﺟﺪﻳﺪﺓ .. ﻣﻦ ﺍﻟﻌﺪﻝ ﻭﺍﻟﺼﺪﻕ ﻭﺍﻟﻮﻓﺎﺀ ﻭﺍﻟﺰﻫﺪ .. ﻭﺣﺼﻠﺖ ﺍﺻﻼﺣﺎﺕ ﺍﺩﺍﺭﻳﺔ ﻛﺒﻴﺮﺓ .. ﻭﺍﺯﺩﻫﺮﺕ ﺍﻟﺘﺠﺎﺭﺓ .. ﻭﺑﻘﺖ ﺳﻤﻌﺔ ﺍﻟﺴﻠﻄﻨﺔ ﻋﻨﺪ ﺍﻟﻘﺎﺻﻲ ﻭﺍﻟﺪﺍﻧﻲ .. ﻭﻋﺪﻝ ﺍﻟﻤﻠﻚ ﻳﻀﺮﺏ ﺑﻪ ﺍﻟﻤﺜﻞ .. ﻭﺍﻟﺴﻠﻄﺎﻥ ﺑﻘﻰ ﻳﻨﺸﻂ ﺍﻟﻨﺎﺱ ﻋﻠﻰ ﺍﻟﻌﻠﻢ .. ﻭﻣﺠﺎﻟﺴﺔ ﺍﻟﻌﻠﻤﺎﺀ .. ﻭﺍﺭﺳﻞ ﻛﻤﻴﺔ ﻣﻦ ﺍﻟﻄﻠﺒﺔ ﻟﻲ ﺍﻻﺯﻫﺮ ﻭﺍﻟﻤﻐﺮﺏ .. ﻟﺘﻠﻘﻲ ﺍﻟﻌﻠﻮﻡ .. ﻭﺍﻧﺘﺸﺮ ﺍﻟﻌﻠﻢ ﻭﺍﻟﻌﻠﻤﺎﺀ .. ﻭﺑﻬﺬﺍ ﺗﻨﺘﻬﻲ ﻗﺼﺔ ﺍﻟﻨﺴﻴﻢ ﺍﻟﺘﻲ ﺍﺳﻤﻴﺘﻬﺎ ‏( ﺍﺳﺮﺍﺭ ﺍﻟﺰﻣﺎﻥ ‏) ..