أســرَار الـزمان .. طارق اللبيب
جدول المحتويات

    أنت تقرأ

    أســرَار الـزمان .. طارق اللبيب

    Random

    ﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...

    #اسرار #الزمان #اللبيب #سوداني #طارق

    ( 16 )

    1K 20 1 
                                        
    
                                              
    ﻭﺗﻼ ﺍﻟﺮﺳﺎﻟﺔ ﺍﻻﺭﺳﻠﻬﺎ ﺍﻟﻤﻠﻚ ﻣﺘﻈﻠﻢ ﻓﻴﻬﺎ ..
    ﻭﻃﻠﺐ ﻣﻦ ﺣﻜﻤﺎ ﺗﻼﺗﺔ ﺍﻧﻬﻢ ﻳﻘﺘﺮﺑﻮ ﻣﻦ ﺍﻻﻣﻴﺮ .. ﻭﻳﺸﻮﻓﻮ ﺣﺎﻟﺘﻮ ﻣﺠﻨﻮﻥ ﻳﺤﻜﻢ ﻋﻠﻴﻬﻮ ﺑﺎﻟﺒﺮﺍﺀﺓ .. ﻭﻟﻮ ﻧﺼﻴﺢ ﺗﺠﺮﻱ ﺍﻟﻤﺤﺎﻛﻤﺔ ﻛﻤﺎ ﻫﻲ ..
    ﻭﺍﻟﺤﻜﻤﺎﺀ ﻃﺎﻧﻮ ﺗﻼﺗﺔ .. ﺍﺗﻨﻴﻦ ﻗﺎﻟﻮ ﺍﻟﺰﻭﻝ ﺩﻩ ﻣﺎﻫﻮ ﻃﺒﻴﻌﻲ .. ﻭﺍﻟﺤﻜﻴﻢ ﺍﻟﺘﺎﻟﺖ ﻗﺎﻝ ﺍﻟﺰﻭﻝ ﺍﻧﺼﺢ ﻣﻦ ﺍﻟﺤﺪﻳﺪ .. ﻋﻼ ﺑﺘﺴﻬﺒﻞ .. ﻭﺑﻠﻌﺐ ﻋﺸﺎﻥ ﺍﻟﺤﻜﻢ ﻳﺴﻘﻂ ﻣﻨﻮ .. ﻭﻛﺎﻥ ﺍﻟﺤﻜﻢ ﻋﻠﻰ ﻛﻼﻡ ﺍﻟﺤﻜﻤﻴﻦ ﺍﻻﺗﻨﻴﻦ .. ﻭﺍﻟﺤﻘﻴﻘﺔ ﺍﻧﻮ ﺍﻻﻣﻴﺮ ﻓﻌﻼ ﻣﺎﻃﺒﻴﻌﻲ .. ﺑﺲ ﻣﺎﻭﺍﺻﻞ ﺩﺭﺟﺔ ﺍﻧﻮ ﻳﺮﻓﻊ ﻋﻨﻪ ﺍﻟﺘﻜﻠﻴﻒ ﺑﺲ ﺍﻫﺒﻞ ﻛﺪﺍ .. ﻭﻻ ﻣﺮﺑﻰ ﺗﺮﺑﻴﺔ ﻏﻠﻂ ﻣﺎﺗﻔﻬﻢ ﺍﻟﺤﺎﺻﻞ ﻓﻴﻬﻮ ﺷﻨﻮ ..
    ﺍﻟﻤﻬﻢ .. ﺣﻜﻤﺖ ﺍﻟﻤﺤﻜﻤﺔ ﺑﺒﺮﺍﺀﺓ ﺍﻻﻣﻴﺮ ﻣﻦ ﺍﻟﺘﻬﻢ .. ﻭﺗﻌﻮﻳﺾ ﺍﻫﺎﻟﻲ ﺍﻟﻀﺤﺎﻳﺎ .. ﻭﺩﻩ ﺍﻭﻝ ﻧﺼﺮ ﻟﻠﻤﻠﻚ ﺍﻟﻤﺨﻠﻮﻉ .. ﺍﻧﻮ ﻃﻠﻊ ﻭﻟﺪﻭ ﺑﺮﺍﺀﺓ .. ﺑﺲ ﺍﻟﻤﻠﻚ ﻃﻠﺐ ﻣﻦ ﺍﻟﻤﺤﻜﻤﺔ ﺭﺟﻮﻉ ﻭﻟﺪﻩ ﻟﻠﺴﺠﻦ ﺧﻮﻓﺎ ﻋﻠﻴﻪ ﻛﻢ ﺍﻟﻤﺘﺮﺑﺼﻴﻦ ... ﺍﻭ ﺗﻜﻮﻭﻳﻦ ﺣﺮﺱ ﺧﺎﺹ ﻟﻴﻬﻮ .. ﻻﻧﻮ ﻓﻲ ﺗﻬﺪﻳﺪ ﻋﻠﻰ ﺣﻴﺎﺗﻮ .. ﻭﻗﺘﻞ ﻣﺤﺘﻤﻞ ..
    ﻭﺍﻟﻘﺎﺿﻲ ﻗﻀﻰ ﺑﺮﺟﻮﻋﻪ ﺍﻟﻰ ﺍﻟﺴﺠﻦ .. ﻟﻐﺎﻳﺔ ﺗﺘﻮﻓﺮ ﻟﻴﻪ ﺍﻟﺤﻤﺎﻳﺔ ﺍﻟﻜﺎﻣﻠﺔ .. ﻭﺍﻻﻥ ﺑﻘﻰ ﻣﻦ ﻣﺴﺆﻟﻴﺔ ﺍﻟﺪﻭﻟﺔ .. ﻳﻼ ﻫﻨﺎ ﺍﻟﻤﻠﻚ ﺑﻌﺪ ﻣﺎﺧﻼﺹ ﺿﻤﻦ ﺳﻼﻣﺔ ﻭﻟﺪﻭ ..
    ﺍﺗﻔﺮﻍ ﻟﻼﻧﺘﻘﺎﻡ ﻣﻦ ﻭﺩ ﺩﺍﺭ ﺍﻟﺰﻳﻦ .. ﺑﻤﻮﺿﻮﻉ ﺍﻟﺪﻫﺐ ﺑﺘﺎﻉ ﺍﻟﺸﻴﻠﺔ .. ﺍﻟﻘﺎﻝ ﺍﻧﻮ ﺭﺷﻮﺓ .. ﺍﻭﻝ ﺧﻄﻮﺓ ﻋﻤﻠﻬﺎ ﺭﺳﻞ ﺿﻤﺮﺓ ﻳﻤﺸﻲ ﻟﻠﻘﺎﺿﻲ .. ﻳﻨﺎﺩﻳﻬﻮ ﻟﻴﻬﻮ .. ﻗﺎﻝ ﻟﻴﻬﻮ ﺍﻣﺮﻱ ﻓﻴﻬﻮ ﺿﺮﻭﺭﻱ .. ﺍﻥ ﺷﺎﺀ ﺍﻟﻠﻪ ﻳﺠﻴﻨﻲ ﻣﺘﺨﻔﻲ ﺑﺎﻟﻠﻴﻞ .. ﻭﻋﻠﻴﻚ ﺍﻟﻠﻪ ﻳﺎﺿﻤﺮﺓ ﺍﻏﺮﻳﻬﻮ ﺑﺎﻱ ﻃﺮﻳﻘﺔ ..
    ﻗﺎﻡ ﺍﻟﻘﺎﺿﻲ ﺟﺎﺀ ﺯﻳﺎﺭﺓ ﻟﻲ ﺍﻟﻤﻠﻚ ﺍﻟﻤﺨﻠﻮﻉ ﻓﻲ ﺍﻟﺴﺮﺍﻳﺎ .. ﺑﺎﻟﻠﻴﻞ .. ﻭﺍﺳﺘﺎﺫﻥ ﻣﻦ ﺍﻟﺤﺮﺍﺱ .. ﻗﺎﻝ ﻟﻴﻬﻢ ﻋﻨﺪﻱ ﺗﺤﻘﻴﻖ ﺍﻧﻔﺮﺍﺩﻱ ﻣﻊ ﺍﻟﻤﺘﻬﻢ ..
    ﺩﺧﻞ ﻋﻠﻰ ﺍﻟﻤﻠﻚ ﺟﻮﺓ ﻭﺍﻟﻤﻠﻚ ﻗﺎﻝ ﻟﻴﻬﻮ : ﺭﺑﻨﺎ ﺑﺮﺍﻫﻮ ﻳﺠﺰﻳﻚ ﺧﻴﺮ ﻋﻠﻰ ﻣﺎﻓﻌﻠﺘﻪ ﻟﻲ ﻭﻟﺪﻱ .. ﺍﻧﺖ ﺍﺏ ﻭﺑﺘﻌﺮﻑ ﻳﻌﻨﻲ ﺷﻨﻮ ﺍﻟﻮﺍﻟﺪ .. ﻭﻛﺖ ﻳﻜﻮﻥ ﻋﻨﺪﻭ ﻭﻟﺪ ﻭﺍﺣﺪ .. ﺍﻧﺎ ﺭﺳﻠﺖ ﻟﻴﻚ ﻋﺸﺎﻥ ﺍﺩﻳﻚ ﻫﺪﻳﺔ .. ﺗﻜﻮﻥ ﻋﺮﺑﻮﻥ ﺻﺪﺍﻗﺔ ﺑﻴﻨﻲ ﻭﺑﻴﻨﻚ .. ﻭﻣﺎ ﻛﻨﺘﺎ ﺩﺍﻳﺮ ﺍﺩﻳﻚ ﻳﺎﻫﺎ ﻗﺒﻞ ﺍﻟﺤﻜﻢ .. ﻋﺸﺎﻥ ﻣﺎﺗﻔﻬﻢ ﺍﻧﻬﺎ ﺭﺷﻮﺓ .. ﺑﺲ ﻭﺍﻟﻠﻪ ﺗﺠﺎﻭﺑﻚ ﻣﻌﺎﻱ .. ﻭﻣﻮﻗﻔﻚ ﻣﻊ ﺍﻟﻌﺪﺍﻟﺔ ﺍﻧﺎ ﺩﺍﻳﺮ ﺍﺩﻳﻚ ﻫﺪﻳﺔ .. ﺍﻣﺸﻲ ﻳﺎﺿﻤﺮﺓ .. ﻓﻲ ﺍﻟﻤﻨﻄﻘﺔ ﺍﻟﻔﻼﻧﻴﺔ .. ﻓﻲ ﺍﻟﺤﺘﺔ ﺍﻟﻔﻼﻧﻴﺔ ﺑﺎﻟﻀﺒﻂ .. ﺑﺘﻠﻘﻰ ﺣﺠﺮ ﺭﺗﺠﺔ ﻛﺒﻴﺮ .. ﺑﺸﺒﻪ ﺍﻟﺰﻭﻝ ﺍﻟﻘﺎﻋﺪ .. ﻭﺟﻨﺒﻮ ﺗﻠﺔ . ﺑﻴﻦ ﺍﻟﺤﺠﺮ ﻭﺍﻟﺘﻠﻪ .. ﻗﻴﺲ ﺍﻟﻤﺴﺎﻓﺔ ﺑﺎﻟﺨﻄﻮﺍﺕ ﻭﺍﻗﺴﻤﻬﺎ ﺍﻟﻨﺺ .. ﺑﺘﻠﻘﺎﻫﺎ ﻣﻴﺔ ﻭﺧﻤﺴﻴﻦ ﺧﻄﻮﺓ .. ﻓﻲ ﺍﻟﺨﻄﻮﺓ ﺍﻟﺨﻤﺲ ﻭﺳﺒﻌﻴﻦ .. ﺍﺣﻔﺮ ﺗﺤﺖ ﺭﺟﻠﻴﻚ ﺑﺘﻠﻘﺎ ﻗﻠﺔ ﺑﺘﺎﻋﺎﺕ ﻓﺨﺎﺭ ﺻﻐﻴﺮﺓ ﺟﻴﺒﻬﺎ ﻭﺗﻌﺎﻝ ..
    ﺩﻱ ﻫﺪﻳﺔ ﺍﻟﻘﺎﺿﻲ ﺍﻧﺖ ﻳﺎﺿﻤﺮﺓ ﻫﺪﻳﺘﻚ ﺑﺮﺍﻫﺎ .. ﺿﻤﺮﺓ ﻣﺸﻰ .. ﻭﺍﻟﻘﺎﺿﻲ ﺑﻘﻰ ﻳﺘﻮﻧﺲ ﻣﻊ ﺍﻟﻤﻠﻚ ﺍﻟﻤﺨﻠﻮﻉ .. ﻭﻛﻠﻬﺎ ﺗﻌﺎﻫﺪﺍﺕ ﺍﻧﻮ ﻳﻀﻴﻊ ﻭﺩ ﺩﺍﺭ ﺍﻟﺰﻳﻦ .. ﻭﻳﺪﺧﻠﻮ ﺍﻟﺴﺠﻦ .. ﻗﺎﻝ ﻟﻴﻬﻮ ﺑﺲ ﻧﺨﻠﻴﻬﻮ ﻳﺪﺧﻞ ﺍﻟﻤﺠﻠﺲ ﺑﻬﻨﺎ .. ﻭﻫﻨﺎﻙ ﻳﻜﻮﻧﻮ ﻓﻲ ﻧﺎﺱ ﻗﺮﻳﺒﻴﻦ ﻣﻦ ﺑﻴﺘﻮ .. ﻳﺪﺧﻠﻮ ﺍﻟﺒﻴﺖ ﻋﻨﻮﺓ .. ﻭﻳﺠﻴﺒﻮ ﺍﻟﺪﻫﺐ .. ﻭﻳﺪﺧﻠﻮﻫﻮ ﻋﻠﻰ ﻣﺠﻠﺲ ﺍﻟﺸﻮﺭﻱ ﻭﺍﻧﺎ ﺑﻌﺪﻳﻦ ﺑﻌﺮﻑ ﺍﻋﻤﻞ ﻟﻴﻬﻮ ﺷﻨﻮ؟؟ ..
    ﺍﻟﻤﻬﻢ .. ﺑﻌﺪ ﺳﺎﻋﺔ ﺑﺲ .. ﺿﻤﺮﺓ ﺟﺎ ﺭﺍﺟﻊ ﻭﺷﺎﻳﻞ ﺍﻟﻘﻠﺔ ﺗﺤﺖ ﺗﻴﺎﺑﻮ .. ﻭﺍﻟﻤﻠﻚ ﺍﻟﻤﺨﻠﻮﻉ ﻛﺒﺎ ﺍﻟﺪﻫﺐ ﻟﻠﻘﺎﺿﻲ ﻓﻲ ﻃﺮﻓﻮ .. ﺍﻟﺪﻫﺐ ﻳﺮﻗﺶ ﻣﻊ ﺍﻟﻘﻨﺎﺩﻳﻞ ﺍﻟﻤﻌﻠﻘﺔ ﻋﻠﻰ ﺍﻟﺤﻮﺍﺋﻂ .. ﻭﻛﺎﻥ ﻓﻲ ﺍﺗﻨﻴﻦ ﻣﻦ ﺍﻟﺤﺮﺍﺱ ﻭﺍﻗﻔﻴﻦ ﺑﻌﺎﻳﻨﻮ ﻭﺿﻤﺮﺓ ﺍﻟﺘﺎﻟﺖ .. ﺍﻟﻜﻼﻡ ﺩﻩ ﻳﻮﻡ ﺍﻟﺨﻤﻴﺲ ﺑﺎﻟﻠﻴﻞ ﺻﺒﺤﺎﻥ ﺍﻟﺠﻤﻌﺔ ..
    ﺍﻫﺎ ﺑﺎﻛﺮ ﺍﻟﺠﻤﻌﺔ ﺍﻟﺼﺒﺎﺡ ﺍﻟﻤﻠﻚ ﺍﻟﻤﺨﻠﻮﻉ .. ﺭﺳﻞ ﻟﻠﻘﺎﺿﻲ ﺭﺳﺎﻟﺔ ..
    ﻣﻔﺎﺩﻫﺎ .. ﺍﻳﻬﺎ ﺍﻟﻘﺎﺿﻲ ﺍﻟﻤﻮﻗﺮ .. ﺍﻧﺖ ﻗﺒﻠﺖ ﺍﻟﺮﺷﻮﺓ ﻣﻨﻲ ﺑﺸﻬﻮﺩ ..
    ﻭﺍﻧﺎ ﻟﻦ ﺍﻧﻄﻖ ﺑﻜﻠﻤﺔ ﺍﺫﺍ ﻋﺎﻗﺒﺖ ﻭﺩﺍﺭ ﺍﻟﺰﻳﻦ .. ﻭﺍﺭﺟﻌﺘﻨﻲ ﺍﻟﻰ ﻋﺮﺷﻲ .. ﺍﻣﺎ ﺍﺫﺍ ﻧﺠﺎ ﻭﺩ ﺩﺍﺭ ﺍﻟﺰﻳﻦ .. ﻭﺍﻧﺎ ﻇﻠﻴﺖ ﻋﻠﻰ ﺣﺎﻟﺘﻲ ﻫﺬﻩ ﺑﺪﻭﻥ ﺳﻠﻄﺔ .. ﻓﺎﻧﺖ ﺳﺘﻬﻠﻚ .. ﺑﺘﻬﻤﺔ ﺍﻟﺮﺷﻮﺓ .. ﻭﺑﺸﻬﺎﺩﺓ ﺍﻟﺸﻬﻮﺩ .. ﻓﻬﻮﻻﺀ ﺣﺮﺳﻲ .. ﻭﻳﺎﻛﻠﻮﻥ ﻣﻦ ﻳﺪﻱ .. ﻓﺎﻓﻌﻞ ﻣﺎﺗﺮﺍﻫﻮ ﻣﻨﺎﺳﺒﺎ " ..
    ﻭﻟﺴﻊ ﻳﻮﻡ ﺍﻟﺴﺒﺖ ﻣﺎﺟﺎ .. ﺍﻟﻠﻬﻮ ﻳﻮﻡ ﺍﻟﺠﻠﺴﺔ ﺍﻻﻭﻟﻰ ﻓﻲ ﻇﻞ ﺣﻜﻢ ﺍﻟﻤﻠﻚ ﺍﻟﺠﺪﻳﺪ .. ﻳﻮﻡ ﺍﻟﺠﻤﻌﺔ ﺩﺍ ﻓﻲ ﺍﻟﻮﻗﺖ ﺩﻩ ﺣﺼﻠﺖ ﺣﺎﺟﺎﺕ ﻋﺠﻴﺒﺔ .. ﺍﻟﻨﺎﺱ ﺍﻟﻜﺎﻧﻮ ﻣﺘﻠﻤﻠﻤﻴﻦ ﻭﺣﺎﻗﺪﻳﻦ ﻋﻠﻰ ﺍﻻﻣﻴﺮ .. ﻓﻲ ﺍﻟﺴﻮﺍﻫﻮ ﻓﻴﻬﻢ .. ﺍﺗﻼﻗﻮ .. ﻭﻛﻞ ﺯﻭﻝ ﺑﻘﻰ ﻳﺤﻜﻲ ﻟﻠﺘﺎﻧﻲ ﺍﻟﺤﺼﻞ ﻋﻠﻴﻬﻮ .. ﻭﻣﺸﻮ ﻗﻌﺪﻭ ﻓﻲ ﺳﻮﻕ ﺳﻨﺎﺭ ..
    ﻭﺣﺼﻞ ﺑﻴﻨﻬﻢ ﺗﻌﺎﺭﻑ .. ﻻﻧﻬﻢ ﺍﺻﺤﺎﺏ ﻭﺟﻌﺔ ..
    ﻭﺩﺍﻳﻤﺎ ﺍﺻﺤﺎﺏ ﺍﻟﻤﺼﻴﺒﺔ ﺍﻟﻤﺸﺘﺮﻛﺔ ﺑﺒﻜﻮ ﻣﻊ ﺑﻌﺾ .. ﻭﺯﻋﻼﻧﻴﻦ ﻣﻦ ﺍﻟﺒﺮﺍﺀﻩ .. ﻭﻣﺎﻋﺎﺭﻓﻴﻦ ﻳﻨﺘﻘﻤﻮ ﻛﻴﻒ ..
    ﻫﻨﺎﻙ ﻓﻲ ﺍﻟﺤﻠﻪ . ﺍﺏ ﺧﻮﺳﺔ ﻳﻮﻡ ﺍﻟﺠﻤﻌﺔ ﺟﺎﺀ ﻟﻲ ﻭﺩ ﺩﺍﺭ ﺍﻟﺰﻳﻦ ﻓﻲ ﺍﻟﺒﻴﺖ .. ﺑﺎﻟﻤﺴﺎﺀ ﻭﻗﺎﻝ ﻟﻴﻬﻮ ﺍﻧﺎ ﺩﺍﻳﺮ ﺯﻭﺟﺘﻲ ..
    ﻗﺎﻝ ﻟﻴﻬﻮ ﻃﻴﺐ ﺍﺻﺒﺮ .. ﺍﻟﺘﺼﻔﻰ ﺍﻻﻣﻮﺭ ﺍﻟﺤﺎﺻﻠﺔ ﺩﻱ .. ﻭﺍﻥ ﺷﺎﺀ ﺍﻟﻠﻪ ﺩﻭﺭ ﺍﻟﻠﻴﻠﺔ ﻧﺠﻲ ﻧﻘﻌﺪ ﻭﻧﻌﻘﺪ ﻟﻚ ﻭﺗﺴﻮﻗﺎ ﺗﻤﺸﻲ ..
    ﻗﺎﻝ ﻟﻴﻬﻮ ﺍﻥ ﺷﺎﺀ ﺍﻟﻠﻪ .. ﺍﻫﺎ ﻳﺎ ﻭﺩ ﺩﺍﺭ ﺍﻟﺰﻳﻦ ﻋﻤﻠﺖ ﺍﻟﻘﻠﺖ ﻟﻚ ﻋﻠﻴﻬﻮ؟؟ .. ﻗﺎﻝ ﻟﻴﻬﻮ ﺍﻱ ﻋﻤﻠﺖ .. ﻣﺸﻴﺖ ﺍﻟﻠﻴﻠﺔ ﺳﻨﺎﺭ ﺻﻠﻴﺖ ﺍﻟﺠﻤﻌﺔ ﻣﻊ ﺍﻟﺸﻴﺦ ﺍﺏ ﻛﻒ .. ﻭﺳﺄﻟﺘﻪ ﻣﻦ ﻣﻮﺿﻮﻉ ﺍﻟﺪﻫﺐ ﺍﻟﻌﻨﺪﻱ .. ﻗﺎﻝ ﻟﻲ ﻻﻳﺠﻮﺯ ﻟﻚ ﺍﻻﺣﺘﻔﺎﻅ ﺑﻪ ﺣﺘﻰ ﻟﻮ ﻛﺎﻥ ﻣﻬﺮﺍ " .. ﻭﺍﻧﺖ ﻋﺎﺭﻑ ﺍﻧﻮ ﻣﺨﺘﻠﺲ ﻣﻦ ﻣﺎﻝ ﺍﻟﺪﻭﻟﺔ .. ﻭﺍﻱ ﻗﻴﻤﺔ ﺗﺨﺘﻠﺲ ﻣﻦ ﻣﺎﻝ ﺍﻟﺪﻭﻟﺔ .. ﺣﺮﺍﻡ ﻋﻠﻰ ﻣﺎﺧﺪﻫﺎ ﻭﺍﻟﻤﺄﺧﻮﺫﺓ ﺍﻟﻴﻪ ..
    ﻋﻤﺮ ﺑﻦ ﺍﻟﻌﺰﻳﺰ ﺭﺿﻲ ﺍﻟﻠﻪ ﻋﻨﻪ .. ﻳﻮﻡ ﺟﺎﻫﻮ ﺗﻔﺎﺡ ﻣﻦ ﺍﻟﺸﺎﻡ .. ﻟﻴﻮﺯﻋﻪ ﻋﻠﻰ ﺍﻟﻤﺴﻠﻤﻴﻦ .. ﻓﺎﻧﺸﻐﻞ ﻟﺤﻈﺎﺕ .. ﻋﻨﺪﻩ ﻃﻔﻠﺔ ﺻﻐﻴﺮ ﺍﺧﺪﺕ ﺗﻔﺎﺣﺔ .. ﻓﺎﻧﺘﺒﻪ ﺍﻟﻴﻬﺎ ﻭﻧﺰﻋﻬﺎ ﻣﻦ ﻓﻤﻬﺎ .. ﻓﺒﻜﺖ ﺍﻟﻄﻔﻠﺔ .. ﻓﻘﺎﻟﺖ ﻟﻪ ﺯﻭﺟﺘﻪ ﻓﻲ ﺫﻟﻚ .. ﻓﻘﺎﻝ ﻟﻬﺎ ﻭﺍﻟﻠﻪ ﻳﺎ ﻓﺎﻃﻤﺔ .. ﺣﻴﻨﻤﺎ ﻧﺰﻋﺘﻬﺎ ﻣﻦ ﻓﻤﻬﺎ .. ﻛﺎﻧﻲ ﻧﺰﻋﺘﻬﺎ ﻣﻦ ﻗﻠﺒﻲ .. ﻭﻟﻜﻦ ﻧﺰﻉ ﻗﻠﺒﻲ ﺍﻫﻮﻥ ﻋﻠﻲ ﻣﻦ ﻏﻀﺐ ﺭﺑﻲ .. ﻭﺩﺧﻮﻝ ﺟﻬﻨﻢ .. ﺩﻱ ﺗﻔﺎﺣﺔ ﻳﺎﻭﺩ ﺩﺍﺭ ﺍﻟﺰﻳﻦ .. ﺧﻠﻴﻚ ﻣﻦ ﺍﻻﻣﻮﺍﻝ ﺍﻟﻌﻨﺪﻙ ..
    ﺣﻘﻴﻘﺔ ﺍﻧﺎ ﻳﺎ ﺍﺑﺨﻮﺳﺔ ﺧﻔﺖ ﺟﺪ .. ﻭﺑﺎﻛﺮ ﺍﻥ ﺷﺎﺀ ﺍﻟﻠﻪ ﺍﻧﺎ ﻣﺎﺷﻲ ﺍﻟﻤﺠﻠﺲ .. ﻭﺑﺸﻴﻞ ﻣﻌﺎﻱ ﻛﻞ ﺍﻟﺤﺎﺟﺎﺕ ﺩﻱ .. ﻭﺍﺧﺘﻬﺎ ﻗﺪﺍﻡ ﺍﻟﻤﺠﻠﺲ ..
    ﻭﻓﻌﻼ ﻳﻮﻡ ﺍﻟﺴﺒﺖ ﻣﻦ ﺍﻟﺼﺒﺎﺡ ﺍﻟﺪﻏﺶ ﻭﺩ ﺩﺍﺭ ﺍﻟﺰﻳﻦ .. ﺟﺎﺏ ﻧﻔﺮﻳﻦ ﺑﻲ ﺟﻤﺎﻟﻬﻢ .. ﻭﺭﻓﻊ ﻟﻴﻬﻢ ﺍﻟﺤﺎﺟﺎﺕ ﻛﻠﻬﺎ ﻭﻗﺎﻝ ﻟﻴﻬﻢ ﻭﺭﺍﻱ .. ﻟﻤﻦ ﻭﺻﻞ ﺍﻟﻤﺪﻳﻨﺔ ﻭﺩﺧﻞ ﺍﻟﺤﺎﺟﺎﺕ ﻟﻠﻘﺼﺮ .. ﻭﻛﻠﻢ ﺍﻟﻌﻤﺎﻝ ﻳﻨﺰﻟﻮ ﻫﺎ ﻓﻲ ﺟﻤﺒﺔ ﺍﻟﺪﻳﻮﺍﻧﻴﺔ .. ﻭﻛﺎﻥ ﺍﻟﻘﺎﺿﻲ ﻛﻮﻥ ﻟﺠﻨﺔ ﻭﺍﺭﺳﻠﻬﻢ ﻓﻲ ﻧﻔﺲ ﺍﻟﻮﻗﺖ ﻟﻲ ﺑﻴﺖ ﻭﺩ ﺩﺍﺭ ﺍﻟﺰﻳﻦ .. ﻋﺸﺎﻥ ﻳﻔﺘﺸﻮ ﺍﻟﺒﻴﺖ ﻭﻳﻠﻘﻮ ﺍﻟﺤﺎﺟﺎﺕ ﺩﻱ ﻫﻨﺎﻙ .. ﻟﻜﻦ ﻭﺩ ﺩﺍﺭ ﺍﻟﺰﻳﻦ ﺭﺑﻨﺎ ﺍﻧﻘﺬﻭ ﺑﻨﺼﻴﺤﺔ ﺍﺑﺨﻮﺳﺔ ﻭﺍﻟﺸﻴﺦ ﺍﺏ ﻛﻒ .. ‏( ﻧﻌﻢ ﺍﻟﺮﺟﺎﻝ ‏) ..
    ﻭﺑﺪﺕ ﺍﻟﺠﻠﺴﺔ .. ﻭﺑﺪﺃ ﺍﻟﺘﺪﺍﻭﻝ ﻭﻛﺎﻧﺖ ﺍﻟﺠﻠﺴﺔ ﻳﺪﻳﺮﻫﺎ ﺍﻟﻤﻠﻚ ﺍﻟﺠﺪﻳﺪ .. ﺷﺎﻳﻞ ﺳﺒﺤﺘﻮ ﻭﺷﻐﺎﻝ ﻓﻲ ﺍﻭﺭﺍﺩﻩ .. ﻭﺩ ﺩﺍﺭ ﺍﻟﺰﻳﻦ ﺭﻓﻊ ﺍﻳﺪﻭ ﻗﺒﻞ ﻣﺎﺗﺒﺪﺍ ﺍﻟﺠﻠﺴﺔ .. ﻭﻗﺎﻝ ﺍﺳﺘﺄﺫﻥ ﻣﻦ ﻣﻮﻻﻱ ﺍﻟﺴﻠﻄﺎﻥ ﺍﻟﻤﻮﻗﺮ .. ﺍﻟﻨﺎﺱ ﺩﻱ ﻛﻠﻬﺎ ﺑﻘﺖ ﺗﻨﻘﻨﻖ .. ﻳﺎﺭﺑﻲ ﻭﺩ ﺩﺍﺭ ﺍﻟﺰﻳﻦ ﺩﻩ ﻣﺎﻛﻔﺎﻫﻮ ﻣﻦ ﺍﻟﻜﻮﺍﺭﺙ ﺍﻟﺒﻘﻮﻝ ﻓﻴﻬﺎ ﺩﻱ؟؟ ..
    ﺍﻟﻤﻠﻚ ﺍﻟﺠﺪﻳﺪ .. ﻗﺎﻝ ﻟﻴﻬﻮ ﺍﺗﻔﻀﻞ ﻳﺎﻭﺩ ﺍﻟﺰﻳﻦ .. ﺍﺣﻤﺪ ﺍﻟﻠﻪ ﻭﺻﻠﻰ ﺍﻟﻨﺒﻲ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ .. ﻭﻗﻮﻝ ﺍﻟﻌﻨﺪﻙ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻳﺎ ﺟﻼﻟﺔ ﺍﻟﺴﻠﻄﺎﻥ ﺍﻟﻌﻈﻴﻢ ﻭﺍﻋﻀﺎﺀ ﺍﻟﺸﻮﺭﻯ ﺍﻟﻤﻮﻗﺮﻳﻦ .. ﻗﺒﻞ ﻓﺘﺮﺓ ﺍﺭﺳﻞ ﺍﻟﺴﻠﻄﺎﻥ ﺍﻟﺴﺎﺑﻖ .. ﻫﺪﻳﺔ ﺍﻟﻲ ﺍﺑﻨﺘﻲ ﻭﻫﻲ ﻓﻲ ﺷﻜﻞ ﻣﻬﺮ ﺍﻭ ﺗﺠﻬﻴﺰ ﻋﺮﺱ ﻭﺑﻪ ﻣﺒﺎﻟﻎ ﻃﺎﺋﻠﺔ ﻣﻦ ﺍﻟﺬﻫﺐ .. ﻭﻟﻜﻨﻲ ﺍﺳﺘﻔﺘﻴﺖ ﺑﻌﺾ ﺍﻫﻞ ﺍﻟﻌﻠﻢ .. ﻓﻘﺎﻟﻮ ﻟﻲ ﻻﻳﺠﻮﺯ ﺍﻻﺣﺘﻔﺎﻅ ﺑﻬﺎ ﻻﻧﻬﺎ .. ﻣﻦ ﺍﻣﻮﺍﻝ ﺍﻟﻤﺴﻠﻤﻴﻦ ﺍﻟﻌﺎﻣﺔ ..
    ﻓﺎﻧﺎ ﺍﺿﻌﻬﺎ ﺑﻴﻦ ﺍﻳﺪﻳﻜﻢ ﻻﺑﺮﺍﺀ ﺫﻣﺘﻲ .. ﻭﺣﺘﻰ ﺍﻧﻘﺾ ﺍﻣﺎﻣﻜﻢ ﻣﺎﻛﺎﻥ ﺑﻴﻨﻲ ﻭﺑﻴﻨﻪ ﻭﺑﻴﻦ ﺍﺑﻨﻪ ﻣﻦ ﺧﻄﻮﺑﺔ ﻭﻏﻴﺮﻫﺎ ﻭﺍﻟﻠﻪ ﻭﺍﻟﻤﻮﻓﻖ ..
    ﺍﻟﻤﻠﻚ ﺍﻟﺠﺪﻳﺪ .. ﻗﺎﻝ ﻟﻴﻬﻮ ﺟﺰﺍﻙ ﺍﻟﻠﻪ ﺧﻴﺮﺍ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻟﺰﻳﻚ ﻗﻠﻴﻞ .. ﻧﺎﺱ ﺍﻟﺰﻣﻦ ﺩﻩ ﺑﻘﻮ ﻣﺎ ﺑﺘﻮﺭﻋﻮ ﻣﻦ ﺍﻟﺤﺮﺍﻡ ..
    ﻫﻨﺎ ﺍﻟﻘﺎﺿﻲ ﺩﺧﻞ ﻓﻲ ﺿﻔﻮﺭﻭ .. ﻻﻧﻮ ﻣﺎﻋﻨﺪﻭ ﺍﻱ ﺣﺠﺔ ﻳﺪﺧﻞ ﻭﺩ ﺩﺍﺭ ﺍﻟﺰﻳﻦ ﻓﻲ ﺗﻬﻤﺔ .. ﻭﺑﻘﻰ ﻫﺎﻣﻲ ﻣﻦ ﻗﺼﺔ ﺍﻟﻔﻀﻴﺤﺔ ﺍﻟﺢ ﻳﻔﻀﺤﻮ ﻟﻴﻬﺎ ﺍﻟﻤﻠﻚ ..
    ﺍﻟﻤﺠﻠﺲ ﺍﺳﺘﻤﺮ ﻭﺍﻟﻤﺪﺍﻭﻻﺕ ﻃﺎﻟﺖ ﻃﻮﻝ ﺷﺪﻳﺪ .. ﻭﻭﺩ ﺩﺍﺭ ﺍﻟﺰﻳﻦ ﺑﻘﻰ ﻓﻲ ﻧﻈﺮ ﻧﺎﺱ ﺍﻟﺪﻳﻮﺍﻧﻴﺔ ﺑﻄﻞ ﺍﻟﻤﻮﺳﻢ .. ﻓﻲ ﻗﻮﻝ ﺍﻟﺤﻖ ﻭﺍﻟﺒﻌﺪ ﻋﻦ ﺍﻟﺤﺮﺍﻡ ..
    ﻓﻲ ﻓﺘﺮﺓ ﺭﺍﺣﺔ ﻛﺪﺍ .. ﻭﺍﻟﻨﺎﺱ ﻛﻠﻬﻢ ﻃﻠﻌﻮ ﻣﻦ ﺍﻟﺪﻳﻮﺍﻧﻴﺔ ﻳﻔﻄﺮﻭ ﻭﻳﺸﺮﺑﻮ ﺍﻟﻘﻬﻮﺓ ﻭﻳﺠﻮ ﺭﺍﺟﻌﻴﻦ ..
    ﻓﻲ ﺍﻟﻔﺮﺻﺔ ﺩﻱ ﺍﻟﻘﺎﺿﻲ ﺍﻟﻌﺎﻡ ﻟﻘﻰ ﻓﺮﺻﺔ .. ﻭﺭﻛﺐ ﻓﺮﺳﻮ ﻭﻗﺎﻡ ﺻﻮﻑ ..
    ﻳﺪﺧﻞ ﻣﻦ ﺷﺎﺭﻉ ﻟﻲ ﺷﺎﺭﻉ .. ﻻﻣﻦ ﻭﺻﻞ ﺑﻴﺘﻮ .. ﻭﺟﺎﺏ ﺍﻟﺪﻫﺐ ﺍﻟﺮﺷﻮﻫﻮ ﺑﻴﻬﻮ ﻭﺟﺎﺀ ..
    ﻓﻲ ﺍﻟﻔﺘﺮﺓ ﺍﻟﺘﺎﻧﻴﺔ ﺍﻟﺒﻌﺪ ﺍﻟﻔﻄﻮﺭ ﻟﻠﺠﻠﺴﺔ .. ﺩﺧﻞ ﺍﻟﻘﺎﺿﻲ .. ﻭﻃﻠﺐ ﺍﻻﺫﻥ ﺑﺎﻟﻜﻼﻡ .. ﻗﺎﻝ ﺍﻧﺎ ﺍﺭﻳﺪ ﺍﺣﻜﻲ ﻟﻜﻢ ﻗﺼﺔ .. ﺣﺪﺛﺖ ﻣﻌﻲ ﻓﻲ ﻣﺴﺎﺀ ﺍﻟﺨﻤﻴﺲ .. ﺍﻟﺤﺼﻞ ﺍﻧﻮ ﺍﻟﻤﻠﻚ ﺍﻟﻤﻨﺰﻭﻉ ﺍﺭﺳﻞ ﻟﻲ .. ﻓﺤﻀﺮﺕ ﺍﻟﻴﻪ ﻭﺣﺼﻞ ﺣﺼﻞ ﺣﺼﻞ .. ﻭﺣﻜﻲ ﻛﻞ ﺍﻟﺸﻲ ﺍﻟﺪﺍﺭ ﺑﻴﻨﻮ ﻭﺑﻴﻦ ﺍﻟﻤﻠﻚ ﻭﺭﺷﻮﺗﻪ ﻟﻪ .. ﻗﺎﻝ ﻭﺷﻜﺮﻧﻲ ﻻﻧﻨﻲ ﺍﻧﻘﺬﺕ ﺍﺑﻨﻪ ﻣﻦ ﺍﻻﻋﺪﺍﻡ .. ﻭﺍﻋﻄﺎﻧﻲ ﻫﺪﻳﺔ ﻭﻫﻲ ﺑﺎﻻﺣﺮﻯ ﺭﺷﻮﺓ .. ﻭﺍﻧﺎ ﻗﺒﻠﺘﻬﺎ ﻻﺿﻌﻬﺎ ﺍﻣﺎﻣﻜﻢ ﻭﺍﺧﺒﺮﻛﻢ ﺍﻥ ﺍﻟﻤﻠﻚ ..
    ﺩﺍﻓﻦ ﻛﺜﻴﺮ ﻣﻦ ﺍﻣﻮﺍﻝ ﺍﻟﺪﻭﻟﺔ ﻓﻲ ﺍﻣﺎﻛﻦ ﻣﺨﺘﻠﻔﺔ .. ﻭﻫﺬﺍ ﺑﺸﻬﺎﺩﺓ ﺛﻼﺛﺔ ﻣﻦ ﺣﺮﺍﺳﻪ .. ﺍﻋﺮﻑ ﻭﺟﻮﻫﻬﻢ .. ﻭﻗﺪ ﺗﺄﻛﺪﺕ ﺑﻤﺎ ﻻﻳﺪﻉ ﻣﺠﺎﻻ ﻟﻠﺸﻚ .. ﺍﻥ ﺍﻻﻣﻴﺮ ﻏﻴﺮ ﻣﺠﻨﻮﻥ .. ﻭﺍﻥ ﺍﻟﺠﻨﻮﻥ ﺣﻴﻠﺔ ﻟﻴﻨﻘﺬﻩ ﻣﻦ ﺍﻻﻋﺪﺍﻡ .. ﻓﻠﺬﻟﻚ ﺍﻃﻠﺐ ﻣﻦ ﺍﻟﻤﺠﻠﺲ ﺍﻟﻤﻮﻗﺮ ﺍﺿﺪﺍﺭ ﻣﺮﺳﻮﻡ .. ﺑﺤﺒﺲ ﺍﻟﻤﻠﻚ ﻋﻠﻰ ﺫﻣﺔ ﺍﻟﺘﺤﻘﻴﻖ ..
    ﻭﺍﻋﺎﺩﺓ ﻓﺘﺢ ﻗﻀﻴﺔ ﺍﻻﻣﻴﺮ .. ﻭﺍﻟﻠﻪ ﺍﻟﻤﻮﻓﻖ .. ﺍﻟﻨﺎﺱ ﺩﻳﻞ ﺿﺠﻮ ﺿﺠﺔ ﻏﺮﻳﺒﺔ .. ﻭﻛﻠﻬﻢ ﺑﻘﻮ ﻳﻌﺎﻳﻨﻮ ﻟﻠﻤﻠﻚ ﺍﻟﺠﺪﻳﺪ .. ﺡ ﻳﻘﻮﻝ ﺷﻨﻮ؟
    ﻃﺒﻌﺎ ﺍﻟﻤﻠﻚ ﺍﻟﻤﻨﺰﻭﻉ ﻣﺎﻋﺎﺭﻑ ﺍﻟﺤﺼﻞ ﺑﻮﺭﺍﻫﻮ ﻫﻨﺎ .. ﺩﺍﻳﺮ ﻳﺘﻐﺪﺍ ﺑﺎﻟﻘﺎﺿﻲ .. ﺍﻟﻘﺎﺿﻲ ﺷﺮﺏ ﺑﻴﻬﻮ ﺷﺎﻱ ﺍﻟﺼﺒﺎﺡ ﺑﺎﻟﻠﻘﻴﻤﺎﺕ ﻫﻬﻬﻪ ..
    ﺍﻟﻤﻠﻚ ﺍﻟﺠﺪﻳﺪ ﺍﺻﺪﺭ ﻣﺮﺳﻮﻡ ﻋﻠﻰ ﺣﺴﺐ ﻛﻼﻡ ﺍﻟﻘﺎﺿﻲ ﺑﺤﺒﺲ ﺍﻟﻤﻠﻚ ﺍﻟﻘﺪﻳﻢ .. ﻭﻓﺘﺢ ﻗﻀﻴﺔ ﺍﻻﻣﻴﺮ ﻣﺮﺓ ﺍﺧﺮﻯ ..
    ﻭﺍﻧﺘﻬﺖ ﺍﻟﺠﻠﺴﺔ .. ﻭﻭﺩ ﺩﺍﺭ ﻃﻠﻊ ﻣﻨﺼﻮﺭ ﻣﻜﺮﻡ ﻋﺰﻳﺰ .. ﻣﺮﻓﻮﻉ ﺍﻟﺮﺍﺱ ..
    ﻭﺍﻟﻤﻠﻚ ﺍﻟﺠﺪﻳﺪ ﻭﺿﻊ ﺍﻣﺎﻝ ﻛﺒﻴﺮﺓ ﻋﻠﻰ ﻭﺩ ﺩﺍﺭ ﺍﻟﺰﻳﻦ ..
    ﻭﺗﺎﻧﻲ ﻳﻮﻡ ﻃﻮﺍﻟﻲ . ﺍﻟﻤﻠﻚ ﺍﻟﺠﺪﻳﺪ ﺍﻭﺻﻰ ﺑﺎﻥ ﻳﻜﻮﻥ ﻭﺩﺍﺭ ﺍﻟﺰﻳﻦ ﺍﻟﻤﺴﺆﻭﻝ ﺍﻻﻭﻝ ﻋﻦ ﻣﺮﺍﻗﺒﺔ . ﻣﺆﺳﺴﺎﺕ ﺍﻟﻨﻈﺎﻡ ﻓﻲ ﺍﻟﺴﻠﻄﻨﺔ .. ﻭﺩﻱ ﻭﻇﻴﻔﺔ ﻛﺒﻴﺮﺓ ﺷﺪﻳﺪ .. ﺯﻱ ﻭﺯﻳﺮ ﺍﻟﺪﺍﺧﻠﻴﺔ ﺗﻘﺮﻳﺒﺎ . ﻭﺍﻥ ﻳﻮﻇﻒ ﻣﻌﻪ ﻣﻦ ﻳﺮﺍﻫﻮ ﻣﻨﺎﺳﺒﺎ " ﻣﻦ ﺍﻫﻞ ﺍﻟﺼﺪﻕ ﻭﺍﻻﻣﺎﻧﺔ .. ﻭ ﻳﺘﻐﺎﺿﻰ ﺭﺍﺗﺐ ﻛﺒﻴﺮ ﺟﺪﺍ .. ﻳﻌﻨﻲ ﻭﺩ ﺩﺍﺭ ﺍﻟﺰﻳﻦ ﺭﺑﻨﺎ ﻋﻮﺿﻮ ﺑﺎﻟﺤﺮﺍﻡ ﺣﻼﻻ ﻃﻴﺒﺎ .. ﻣﻦ ﺗﺮﻙ ﺷﻴﺌﺎ " ﻟﻠﻪ . ﺯ ﺍﺑﺪﻟﻪ ﺍﻟﻠﻪ ﻣﺎﻫﻮ ﺧﻴﺮﺍ ﻣﻨﻪ .. ﻭﺩ ﺩﺍﺭ ﺍﻟﺰﺯﻳﻦ ﻃﻠﺐ ﻣﻦ ﺍﻟﻤﻠﻚ ﺍﻥ ﻳﻜﻮﻥ ﻣﺴﺎﻋﺪﻩ ﺍﺏ ﺧﻮﺳﺔ ..
    ﻭﺩ ﺩﺍﺭ ﺍﻟﺰﻳﻦ ﺟﺎﻫﻮ ﺍﻻﻣﺮ ﺑﺎﻟﺘﻜﻠﻴﻒ ﺗﺎﻧﻲ ﻳﻮﻡ ﺑﻌﺪ ﺍﻟﺠﻠﺴﺔ ﺑﺘﺎﻋﺔ ﺍﻟﺴﺒﺖ .. ﻭﻛﻞ ﺍﻳﺎﻡ ﺍﻻﺳﺒﻮﻉ ﺩﻱ ﺑﺤﻨﺲ ﻓﻲ ﺍﺏ ﺧﻮﺳﺔ .. ﺍﻧﻮ ﻳﻜﻮﻥ ﻣﺴﺎﻋﺪ ﻟﻴﻬﻮ .. ﻭﺍﺑﺨﻮﺳﺔ ﺭﺍﻓﺾ .. ﺣﺘﻲ ﻳﻮﻡ ﻗﺎﻝ ﻟﻴﻬﻮ ﻟﻮ ﺧﻠﻴﺖ ﺍﻟﺨﺎﻧﺔ ﺩﻱ ﻟﺰﻭﻝ ﻏﻴﺮﻙ .. ﺑﺠﻲ ﻭﺍﺣﺪ ﻳﻈﻠﻢ ﺍﻟﻨﺎﺱ .. ﻭﻳﻌﺘﺪﻱ ﻋﻠﻰ ﺍﻻﻣﻮﺍﻝ ﺍﻟﻌﺎﻣﺔ .. ﺍﻧﺖ ﺍﻻﻣﻴﻦ ﻋﻠﻰ ﺧﺰﺍﺋﻦ ﺍﻟﻠﻪ ﻓﻲ ﺍﻻﺭﺽ .. ﻭﺩﻱ ﻭﻇﻴﻔﺔ ﺷﺮﻳﻔﺔ ﻳﺎ ﺍﺑﺨﻮﺳﺔ ..
    ﻓﻲ ﻧﺺ ﺍﻻﺳﺒﻮﻉ ﻛﺪﺍ .. ﺟﺎﺀ ﻭﺍﺣﺪ ﻣﻦ ﻣﺘﻠﻔﻠﻒ .. ﻭﻛﺖ ﺻﻼﺓ ﺍﻟﻌﺼﺮ .. ﻭﺩﻕ ﺍﻟﺒﺎﺏ ﻟﻲ ﻭﺩ ﺩﺍﺭ ﺍﻟﺰﻳﻦ .. ﻭﻗﺎﻝ ﻟﻲ ﻭﺩ ﺩﺍﺭ ﺍﻟﺰﻳﻦ .. ﻭﺻﻒ ﻟﻲ ﺑﻴﺖ ﻧﺎﺱ ﻋﻄﻴﺔ ﻭﺩ ﻣﺨﺘﺎﺭ .. ﻗﺎﻝ ﻟﻴﻬﻮ ﻓﻲ ﺷﻨﻮ ؟ ﻭﺍﻧﺎ ﺻﻮﺗﻚ ﺩﻩ ﺯﻱ ﺍﻟﺒﻌﺮﻓﻮ .. ﻗﺎﻝ ﻟﻴﻬﻮ ﻣﺎﺑﺘﻌﺮﻓﻨﻲ .. ﺑﺲ ﻓﻲ ﺍﻣﺎﻧﺔ ﻋﺎﻳﺰ ﺍﻭﺻﻠﻬﺎ ﻟﻴﻬﻢ ﺳﺮﻳﻊ .. ﻭﺩ ﺩﺍﻻ ﺍﻟﺰﻳﻦ ﻭﺻﻒ ﻟﻴﻬﻮ ..
    ﻗﺎﻡ ﺍﻟﺮﺍﺟﻞ ﺑﻲ ﺣﺼﺎﻧﻮ ﺷﻖ ﺍﻟﺴﻴﺢ ﻭﻣﺸﻰ ﻟﻲ ﻧﺎﺱ ﻋﻄﻴﻪ .. ﻟﻘﺎﻫﻢ ﻗﺎﻋﺪﻳﻦ ﺍﻟﺴﺘﺔ ﻳﺘﻮﻧﺴﻮ ﻭﻳﻀﺤﻜﻮ ..
    ﺳﻠﻢ ﻋﻠﻴﻬﻢ ﻭﻛﺸﻒ ﻭﺷﻮ .. ﻋﺮﻓﻮ ﻟﻴﻚ ﻃﻮﺍﻟﻲ .. ﺩﻩ ﺍﻟﻨﻮﺭ .. ﺑﺘﺘﺬﻛﺮﻭ ﺍﻟﻨﻮﺭ ﺍﻟﺰﻣﺎﻥ ﻗﺎﻝ ﺩﺍﻳﺮ ﺍﻟﻨﺴﻴﻢ .. ﻭﻗﺎﻟﻮ ﻟﻴﻬﻮ ﺗﺠﻴﺐ ﺍﻟﺤﺠﻞ ﻣﻦ ﺍﻟﺒﺸﻴﺮ .. ﻭﻏﻠﺒﻮ .. ﻫﻬﻬﻪ ﺑﺲ ﻳﺎﻫﻮ ﺩﻩ ﺫﺍﺗﻮ .. ﻭﻣﺸﻜﻠﺘﻮ ﻣﻊ ﺍﻻﻣﻴﺮ ﺷﻨﻮ ﻣﺎﻣﻌﺮﻭﻑ ..
    ﺍﻟﻤﻬﻢ ﻗﺎﻝ ﻟﻲ ﻧﺎﺱ ﻋﻄﻴﺔ . ﺧﻠﻴﻜﻢ ﻣﺴﺘﻌﺪﻳﻦ ﺍﻧﺎ ﻭﺻﻠﺘﻨﻲ ﺍﺧﺒﺎﺭ ﺳﺮﻳﺔ .. ﺍﻧﻮ ﻓﻲ ﻧﺎﺱ ﻣﻦ ﻧﺎﺱ ﺍﻟﺸﺮﻃﺔ ﺍﻟﻔﺎﺳﺪﺓ ﺍﻟﻤﺮﺗﺸﻴﻦ .. ﻋﺎﻳﺰﻳﻦ ﻳﻬﺮﺑﻮ ﺍﻻﻣﻴﺮ ﻣﻦ ﺍﻟﺴﺠﻦ .. ﻗﺒﻞ ﺍﻟﻤﺤﺎﻛﻤﺔ ﺍﻟﺘﺎﻧﻴﺔ .. ﻭﺍﺑﻮﻫﻮ ﺩﺍﻓﻊ ﻟﻴﻬﻢ ﺩﻓﻊ ﺷﺪﻳﺪ .. ﻗﺎﻟﻮ ﻟﻴﻬﻮ ﺑﻬﺮﺑﻮﻫﻮ ﺑﻲ ﻭﻳﻦ ؟؟
    ﻗﺎﻝ ﻟﻴﻬﻢ ﻣﻮﺩﻳﻨﻮ ﻟﻲ ﻛﺴﻼ ﺑﻲ ﻃﺮﻳﻖ ﺍﻟﺼﺒﺎﻍ .. ﺑﻄﻠﻌﻮﻫﻮ ﻣﻦ ﺍﻟﺴﺠﻦ ﻗﺒﻞ ﺍﻟﻨﺒﺎﻩ .. ‏( ﺍﺫﺍﻥ ﺍﻟﻔﺠﺮ ﺍﻻﻭﻝ ‏) .. ﻭﻃﻮﺍﻟﻲ ﻗﻠﺐ ﺣﺼﺎﻧﻮ ﻭﻓﺎﺕ ..
    ﻃﺒﻌﺎ " ﺍﻭﻻﺩ ﻣﺨﺘﺎﺭ ﺑﻌﺪ ﻋﺮﻓﻮ ﺳﺒﺐ ﻫﺮﻭﺏ ﺍﻟﻨﺴﻴﻢ ﻛﺎﻥ ﺍﻻﻣﻴﺮ .. ﻭﺑﻲ ﺍﻟﻜﻼﻡ ﺍﻟﻘﺎﻟﻮ ﻭﺩ ﺩﺍﺭ ﺍﻟﺰﻳﻦ ﻓﻲ ﺍﻟﺠﻠﺴﺔ .. ﺍﻟﺒﻠﺪ ﻛﻠﻬﺎ ﺳﻤﻌﺖ ﺑﺎﻟﺘﻔﺎﺻﻴﻞ .. ﻭﻫﻢ ﺑﻘﻮ ﺣﺎﻗﺪﻳﻦ ﻋﻠﻰ ﺍﻻﻣﻴﺮ .. ﺧﺼﻮﺻﺎ ﺑﻌﺪ ﺗﻤﺖ ﺑﺮﺍﺀﺗﻪ .. ﻭﻫﺴﻊ ﻧﺎﻭﻳﻦ ﻋﻠﻴﻬﻮ ﺗﺐ .. ﺍﻫﺎ ﺑﺎﻟﻠﻴﻞ ﺍﻭﻻﺩ ﻣﺨﺘﺎﺭ ﺍﺟﺘﻤﻌﻮ ﻭﻟﺒﺴﻮ ﻭﺍﺳﺘﻌﺪﻭ ﺑﻲ ﺍﺳﻠﺤﺘﻬﻢ .. ﻻﻧﻬﻢ ﻣﺎﻋﺎﺭﻓﻴﻦ ﺍﻟﻨﺎﺱ ﺍﻟﻤﻬﺮﺑﻴﻦ ﺍﻻﻣﻴﺮ ﺩﻩ ﻛﻢ ﻧﻔﺮ . ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ .. ﻻﻧﻮ ﻟﻮ ﻗﺘﻠﻮﻫﻮ ﺩﻱ ﺟﺮﻳﻤﺔ .. ﻭﻋﻘﺎﺑﻬﺎ ﻓﻲ ﺍﻟﻤﻤﻠﻜﺔ ﺍﻟﻘﺘﻞ ﻟﻴﻬﻢ ﺟﻤﻴﻌﺎ " .. ﺑﻌﺪﻳﻦ ﺍﺣﺘﻤﺎﻝ ﻭﺩ ﺩﺍﺭ ﺍﻟﺰﻳﻦ ﺫﺍﺗﻮ ﻳﺨﺶ ﻓﻲ ﻣﺸﻜﻠﺔ .. ﻻﻧﻮ ﻣﻌﺮﻭﻑ ﻋﺪﺍﻭﺗﻮ ﻣﻊ ﺍﻟﻤﻠﻚ ﺍﻟﻤﻨﺰﻭﻉ ﻭﺍﻻﻣﻴﺮ .. ﻭﺩﻳﻞ ﺍﺧﻮﺍﻥ ﻣﺮﺗﻮ ﻭﺧﻴﻼﻥ ﺑﺘﻮ ..
    ﺍﻟﻤﻬﻢ ﻏﺎﻳﺘﻮ ﺍﻭﻻﺩ ﻣﺨﺘﺎﺭ ﺍﺳﺘﻌﺪﻭ ﺗﺐ ﻭﺑﻘﻮ ﻧﺎﺱ ﻏﺎﺭﺓ ..
    ﻭﺑﺎﻟﻠﻴﻞ ﺟﻮﻫﻢ ﺗﺎﻧﻲ ﺧﻤﺴﺔ ﺍﻧﻔﺎﺭ .. ﻓﻴﻬﻢ ﺍﻟﻘﺎﺳﻢ ﻭﺩ ﺍﻟﻤﺮﻳﻮﺩ .. ﻭﻣﻌﺎﻫﻮ ﺍﺭﺑﻌﺔ ﻓﺮﺳﺎﻥ .. ﻓﻴﻬﻢ ﻋﻤﺎﺭﺓ ﺣﺎﺭﺱ ﺍﻻﻣﻴﺮ ﺍﻟﻤﻈﻠﻮﻡ .. ﻋﻤﺎﺭﺓ ﻗﺎﻝ ﻟﻴﻬﻢ ﺍﻧﺎ ﺍﻟﺨﺒﺮ ﺟﺎﻧﻲ ﺃﻭﻝ ﺯﻭﻝ .. ﻭﺍﻧﺎ ﺍﻟﺮﺳﻠﺖ ﻟﻴﻜﻢ ﺍﻟﻨﻮﺭ .. ﻭﺟﻴﺖ ﻏﺎﺷﻲ ﺍﻟﺠﻤﺎﻋﺔ ﺍﻟﻤﻐﺒﻮﻧﻴﻦ ﺩﻳﻞ ﻋﺸﺎﻥ ﻧﺎﺧﺪ ﺣﻘﻨﺎ ﺑﻲ ﻓﻮﻕ ﺍﻟﻘﺎﻧﻮﻥ .. ﻭﺗﺎﻧﻲ ﺍﻟﺒﺴﻮﻳﻬﺎ ﻋﻠﻴﻨﺎ ﺍﻟﺘﺒﻘﻰ .. ﻭﺑﻘﻮ ﻳﻤﺸﻄﻮ ﻓﻲ ﺍﻟﺸﺎﺭﻉ .. ﻣﻦ ﻗﺮﻳﺐ ﻣﺨﺮﺝ ﺍﻟﻤﺪﻳﻨﺔ .. ﻭﻻ ﻗﺒﻠﺔ .. ﻗﺮﻳﺐ ﺻﻼﺓ ﺍﻟﺼﺒﺢ .. ﺷﺎﻓﻮ ﺗﻼﺕ ﺯﻭﺍﻣﻞ ‏( ﺟﻤﺎﻝ ‏) ﺍﺗﻨﻴﻦ ﺭﺟﺎﻝ ﻭﺍﻟﺘﺎﻟﺘﺔ ﺷﺒﺮﻳﺔ .. ‏( ﻫﻮﺩﺝ ‏) ﻓﻴﻬﻮ ﻣﺮﺓ ﻣﺘﺒﻠﻤﺔ .. ﻋﻤﺎﺭﺓ ﻗﺎﻝ ﻟﻬﻢ ﻳﺎﻫﻢ ﺍﻟﺠﻤﺎﻋﺔ ﻭﺯﻭﻟﻜﻢ ﺗﺮﺍﻫﻮﺩﺍﻙ ﻓﻲ ﺍﻟﺸﺒﺮﻳﺔ .. ﺍﻟﻜﻼﻡ ﺩﻩ ﻓﻲ ﻣﻨﻄﻘﺔ ﺟﻨﻮﺏ ﻗﺮﻳﺔ ﺍﻟﺸﻴﺦ ﺍﻟﺴﻤﺎﻧﻲ .. ﺣﺎﻟﻴﺎ ﺍﻟﻤﻨﻄﻘﺔ ﺩﻱ ﻣﺪﻓﻮﻥ ﻓﻴﻬﺎ ﺷﻴﺦ ﺍﺳﻤﻮ ﺍﻟﺸﻴﺦ ﻭﺩ ﻧﻔﺮﻳﻦ .. ﺍﻫﺎ ﺑﺲ ﻭﺍﺗﺤﺎﻭﻃﻮﻫﻢ ﻟﻴﻚ .. ﻭﻗﺎﻟﻮ ﻟﻴﻬﻢ ﻧﻮﺧﻮ ﻳﺎﺭﺟﺎﻟﺔ ‏( ﺑﺮﻛﻮﺍ ﺍﻟﺠﻤﺎﻝ ‏) ﻗﺒﺎﻝ ﻧﻌﻘﺮ ﺍﻟﺒﻞ . ﻃﻮﺍﻟﻲ ﻧﻮﺧﻮ .. ﻭﺟﻮ ﺗﻼﺕ ﻣﻦ ﺍﻭﻻﺩ ﻣﺨﺘﺎﺭ ﻣﺎﺷﻴﻦ ﻋﻠﻰ ﺍﻟﺸﺒﺮﻳﺔ .. ﻭﺟﺮﻭ ﺍﻟﺘﻮﺏ ﻣﻦ ﻭﺷﻮ .. ﻭﻓﻌﻼ ﻟﻘﻮﻫﻮ ﺩﻩ ﺍﻻﻣﻴﺮ ﻫﺎﺭﺏ ﻣﻦ ﺍﻟﺴﺠﻦ .. ﻣﺘﻨﻜﺮ ﻓﻲ ﻣﻼﺑﺲ ﻣﺮﺍﺓ ﻭﺗﻌﺎﻝ ﺷﻮﻑ ..
    ﺍﻟﻰ ﺍﻟﻠﻘﺎﺀ .. ﺍﻥ ﺷﺎﺀ ﺍﻟﻠﻪ
    أســرَار الـزمان .. طارق اللبيبحيث تعيش القصص. اكتشف الآن