ﺍﻟﺮﺳﺎﻟﺔ .. ﻗﺎﻋﺪﺓ ﺟﻮﺓ ﺧﺎﺗﺔ ﺍﻟﺼﺎﺝ ﺣﻖ ﺍﻟﻠﺤﻤﺔ ﻭﺷﻐﺎﻟﺔ .. ﻭﺍﻟﻨﺴﻴﻢ ﺟﻬﺰﺕ
ﺍﻟﻤﺮﺍﺭﺓ .. ﻭﻛﻮﺭﻛﺖ ﻓﻲ ﻟﻲ ﺍﺏ ﺧﻮﺳﺔ .. ﻫﻮﻱ .. ﻫﺎﺍ ﻋﻮﻭﻭﻙ ...
ﻃﻮﺍﻟﻲ ﺟﺎﻫﺎ ﺷﺎﻝ ﺍﻟﻤﺮﺍﺓ .. ﻭﻗﺎﻝ ﻟﻠﺮﺳﺎﻟﺔ ﺍﻧﺎ ﺟﺎﻳﻴﻚ ﻓﻲ ﻏﺮﺩ ﺩﺍﻳﺮﻭ ﻣﻨﻚ ..
ﻗﺎﻟﺖ ﻟﻴﻬﻮ ﺣﺒﺎﺑﻚ ﻭﻟﻴﻚ ﻋﻮﻳﻨﺎﺗﻲ ..
ﻣﺸﻰ ﺍﺧﺪ ﻣﻌﺎﻫﻢ ﻗﻌﺪﺓ .. ﻭﺟﺎﻫﺎ ﺭﺍﺟﻊ .. ﻗﺎﻝ ﻟﻬﺎ .. ﺷﻔﺘﻲ ﺍﻟﺮﺍﺟﻞ ﺍﻟﻘﺎﻋﺪ ﺑﺮﺓ
ﻣﻊ ﺍﺑﻮﻱ ﻭﺩ ﺩﺍﺭﺍﻟﺰﻳﻦ ﺩﻫﻴﺎ ﺍﻟﺮﺳﺎﻟﺔ .. ﻗﺎﻟﺖ ﻟﻴﻬﻮ ﺍﻱ ﺑﻌﺎﻳﻦ ﻟﻴﻬﻮ ﺗﺮﺍ ﺷﺎﻳﻔﺎﻫﻮ
ﺍﻫﺎ ﺷﻦ ﺧﺒﺮﻭ ؟؟
ﻗﺎﻝ ﻟﻴﻬﺎ ﻗﺒﺎﻝ ﻋﺮﺳﻲ ﺑﺎﻟﻨﺴﻴﻢ .. ﻛﺎﻥ ﻓﻲ ﺭﺍﺟﻼ" ﻋﺠﻮﺯ ﻣﺘﺸﺮﺑﻚ ﻓﻴﻬﺎ ..
ﻭﺍﻟﺰﻭﻝ ﺩﻩ ﻗﺎﻝ ﻟﻲ ﺍﻧﺎ ﺑﻔﻜﻮ ﻣﻨﻬﺎ .. ﻭﺍﺑﻘﺎﻟﻚ ﺳﺒﺐ ﻓﻲ ﻋﺮﺳﻚ .. ﺑﺲ ﻋﻨﺪﻱ
ﻣﻨﻚ ﻏﺮﺩ ﺗﺪﻳﻨﻲ ﻟﻴﻬﻮ .. ﺍﻧﺎﻗﺘﻠﻮ ﺍﻛﺎﻥ ﺩﺭﺕ ﻧﻮﻡ ﻋﻴﻨﻲ .. ﺑﺪﻳﻚ ﻳﺎﻫﻮ ..
ﺍﻫﺎ ﻫﺴﻊ ﺟﺎﻧﻲ ﻗﺎﻝ ﻟﻲ ﺑﺪﻭﺭ ﺍﺧﺪ ﺍﻟﺮﺳﺎﻟﺔ ..
ﻭﻫﺴﻊ ﺍﻟﻜﻼﻡ ﻋﻨﺪﻙ ﺷﻦ ﺑﺘﻘﻮﻟﻲ؟ .. ﻗﺎﻟﺖ ﻟﻴﻬﻮ ﻋﺎﺩ ﺍﻧﺎ ﻋﻨﺪﻱ ﻗﻮﻝ؟؟ ﺑﻌﺪ
ﻗﻮﻟﻚ ﻳﺎ ﺧﻮﻱ ؟ ﺍﻧﺖ ﺭﺍﺳﻲ ﻭﺍﻧﺖ ﻛﺮﻋﻲ .. ﺍﻟﺒﺘﻘﻮﻟﻮ ﺑﺴﻮﻳﻬﻮ .. ﺍﻛﺎﻥ ﻗﻠﺖ ﻟﻲ
ﻣﻠﻲ ﺭﺍﺳﻚ ﺩﻩ .. ﻓﻲ ﺍﻟﻨﺎﺭ ﺩﻱ ﺑﻤﻠﻮ ..
ﻗﺎﻝ ﻟﻴﻬﺎ ﻭﺍﻟﻠﻪ ﻳﺎﻫﺎ ﺍﻟﻜﻨﺖ ﺣﺎﺭﻳﻬﺎ ﻓﻴﻚ .. ﻛﻼﻡ ﻣﺎﻓﻲ ..
ﺍﻟﻨﺴﻴﻢ ﻗﺎﻋﺪﺓ ﺗﺴﻤﻊ .. ﺍﻟﻨﺴﻴﻢ ﻗﺎﻟﺖ ﻟﻴﻬﻮ ﺧﻼﺱ ﺍﻧﺖ ﺍﻣﺶ .. ﺍﻗﻌﺪ ﻣﻌﺎﻫﻢ
ﺷﻮﻳﺔ .. ﻭﻣﺎ ﺗﺪﻳﻬﻮ ﺍﻟﻤﻮﺍﻓﻘﻪ .. ﻻﻣﻦ ﺗﺠﻴﻨﻲ ﺭﺍﺟﻊ ..
ﻗﺎﻝ ﻟﻴﻬﺎ ﻟﺸﻨﻮ ﻳﺎ ﺍﻟﻨﺴﻢ؟ .. ﻗﺎﻟﺖ ﻟﻴﻬﻮ ﻗﺖ ﻟﻚ ﻛﺪﻱ ﺑﺲ ﺍﻧﺖ ﻣﺎﺗﺎﺑﺎ ﻛﻼﻣﻲ ..
ﻗﺎﻟﻬﺎ .. ﺳﻤﻊ ﺍﻟﻨﺴﻴﻢ ﺍﺟﻴﻚ ﺑﻌﺪ ﺷﻮﻳﺔ ..
ﻗﺎﻟﺖ ﻟﻴﻬﻮ ﻻﻻ ﺍﺧﺪ ﻗﻌﺪﺗﻚ ﺗﺐ .. ﻻﻣﻦ ﺍﻻﻛﻞ ﻳﺠﻬﺰ .. ﻓﺎﺕ ﻣﺴﺘﻐﺮﺏ ﻃﺒﻌﺎ ..
ﻭﻣﺎﻫﻮ ﻋﺎﺭﻑ ﺍﻟﻨﺴﻴﻢ ﻋﻨﺪﻫﺎ ﻓﻜﺮﺓ ﻓﻲ ﺭﺍﺳﻬﺎ ..
ﺑﻌﺪ ﻣﺮﻕ .. ﺍﻟﻨﺴﻴﻢ ﻗﺎﻟﺖ ﻟﻠﺮﺳﺎﻟﺔ .. ﺍﻧﺘﻲ ﻳﺎ ﺍﻟﺮﺳﺎﻟﺔ ﺍﻟﺮﺍﺟﻞ ﺩﻩ ﺷﻔﺘﻴﻬﻮ
ﺗﺐ؟؟ ﻭﺍﺗﺎﻛﺪﻱ ﻣﻨﻮ؟ ﻗﺎﻟﺖ ﻟﻴﻬﺎ ﺷﻔﺘﻮ ..ﺍﺷﻮﻑ ﻧﺒﻲ ﺍﻟﻠﻪ .. ﺗﺮﺍ ﺑﻌﺎﻳﻦ ﻛﺒﻴﺮ
ﻭﻗﺒﻴﺢ .. ﻟﻜﻦ ﻋﺎﺩ ﺍﻗﻮﻝ ﺷﻨﻮ؟؟ ﺩﻱ ﻗﺴﻤﺘﻲ ﻭﻛﻠﻤﺔ ﺍﺧﻮﻱ .. ﻭﺭﻣﺖ ﻟﻴﻬﺎ
ﺩﻣﻌﺘﻴﻦ ﺯﻱ ﺍﻟﻠﺆﻟﺆ ﻓﻲ ﺧﺪﻭﺩﻫﺎ ﺍﻟﻐﻀﺔ ﺍﻟﺒﺮﻳﺌﺔ .. ﺍﻟﻨﺴﻴﻢ ﻗﺎﻣﺖ ﻣﺴﺤﺖ ﻟﻴﻬﺎ
ﺩﻣﻴﻌﺎﺗﻬﺎ .. ﻭﻗﺎﻟﺖ ﻟﻴﻬﺎ ﺍﺻﺒﺮﻱ ﺍﻧﺎ ﺑﻤﺮﻗﻚ ﻭﺍﻣﺮﻕ ﺍﺧﻮﻙ .. ﻗﺎﻟﺖ ﻟﻴﻬﺎ ﻋﻠﻴﻚ ﻳﺎ
ﺍﻟﻨﺴﻴﻢ ﺑﺘﻘﺪﺭﻱ؟ ﻗﺎﻟﺖ ﻟﻴﻬﺎ ﺍﺻﺒﺮﻱ ﺷﻮﻓﻲ ﺑﺮﺍﻙ .. ﺻﺒﺮﺕ ﻻﻣﻦ ﺟﺎﻫﺎ ﺍﺏ
ﺧﻮﺳﺔ ﺩﺍﺧﻞ ﻓﻲ ﺍﻟﺘﻜﻞ .. ﻗﺎﻟﺖ ﻟﻴﻬﻮ ﺍﻟﺮﺳﺎﻟﺔ ﻣﺎﻫﺎ ﺩﺍﻳﺮﺓ ﺍﻟﺮﺍﺟﻞ ﺩﻩ .. ﻟﻜﻦ
ﻣﺎﻫﺎ ﺩﺍﻳﺮﺓ ﺗﻜﺴﺮ ﺑﻲ ﺧﺎﺗﺮﻙ .. ﻗﺎﻝ ﻟﻴﻬﺎ ﻭﺍﻟﻠﻪ ﻳﺎ ﺍﻟﻨﺴﻴﻢ ﺍﻧﺎ ﺑﺮﺍﻱ ﻣﺎﻧﻲ ﺩﺍﻳﺮﻭ
ﻟﻴﻬﺎ .. ﻟﻜﻦ ﻋﺎﺩ ﺍﻟﺮﺍﺟﻞ ﻣﺴﻜﻨﻲ ﺍﻳﺪﻱ ﺍﻟﺒﺘﻮﺟﻌﻨﻲ .. ﻗﺎﻟﺖ ﻟﻴﻬﻮ ﺍﻧﺎ ﺑﻔﻜﻮ ﻣﻨﻚ
..ﺍﻛﺎﻥ ﻣﺎﻓﻜﻴﺘﻮ ﻣﻨﻚ ﻣﺎ ﺍﻛﻮﻥ ﺍﻟﻨﺴﻴﻢ ﺑﺖ ﻭﺩ ﺩﺍﺭ ﺍﻟﺰﻳﻦ .. ﻫﻮ ﺍﺳﻤﻮ ﺑﻼ
ﺍﻟﺒﺎﻣﺒﻲ .. ﺍﺳﻤﻮ ﺍﻟﻌﺪﻳﻞ ﻣﻨﻮ ﻗﻠﺖ ؟؟ ﻗﺎﻟﻴﻬﺎ ﺍﺳﻤﻮ ﻋﺒﺪﺍﻟﺒﺎﻗﻲ ﻭﺩﺍﺑﺮﻕ ..
ﻗﺎﻟﺖ ﻟﻴﻬﻮ ﺍﻣﺸﻠﻮ ﻭﻗﻮﻟﻬﻮ .. ﺍﺩﻳﻨﺎﻙ .. ﻭﺑﺎﺭﻛﻠﻮ ﻭﺗﻌﺎﻝ .. ﻭﺗﻌﺎﻝ ﻟﻲ ﺭﺍﺟﻊ ..
ﻭﻓﻌﻼ ﻣﺸﻰ ﺍﺧﺪ ﻟﻴﻬﻮ ﻗﻌﺪﺓ .. ﻭﻗﺎﻝ ﻟﻴﻬﻮ ﻳﺎ ﻋﺒﺪﺍﻟﺒﺎﻗﻲ .. ﻧﺤﻦ ﺍﺩﻳﻨﺎﻙ ﺗﺐ ..
ﺍﺑﻮﻱ ﻣﺸﻰ ﺍﻟﻜﻠﻤﺔ ﻭﺍﻟﺮﺳﺎﻟﺔ ﻣﺸﺖ ﺍﻟﻜﻠﻤﺔ .. ﻣﺒﺮﻭﻙ .. ﻭﺭﺑﻨﺎ ﻳﺘﻢ ﻋﻠﻰ ﺧﻴﺮ ..
ﻭﺟﺎ ﺗﺎﻧﻲ ﻟﻠﻨﺴﻴﻢ ﻗﺎﻝ ﻟﻴﻬﺎ ﺍﻫﺎ ..
ﺍﻟﻨﺴﻴﻢ ﺍﺗﺒﻠﻤﺖ ﺑﻲ ﺗﻮﺑﺎ .. ﻭﻣﺮﻗﺖ ﻋﻠﻰ ﺍﻟﻀﻴﻮﻑ ﻗﺎﻟﺖ ﻟﻴﻬﻮ .. ﻳﺎ ﻋﻤﻲ ﻋﺒﺪ
ﺍﻟﺒﺎﻗﻲ ﺑﺪﻭﺭ ﻟﻲ ﻣﻌﺎﻙ ﻛﻠﻤﺘﻴﻦ .. ﻭﺳﺎﻗﺘﻮ ﻣﺸﺖ ﻗﺮﻳﺐ ﺍﻟﺮﺍﻛﻮﺑﺔ ﺣﻘﺔ ﺍﻟﺤﺎﺟﺔ
ﺍﻡ ﻋﻤﺮ ﺍﺑﺨﻮﺳﺔ .. ﻭﺟﺮﺕ ﺍﻟﻌﻨﻘﺮﻳﺐ ﻋﻠﻰ ﺍﻟﻀﻞ ﻭﻗﺎﻟﺖ ﻟﻴﻬﻮ ﺍﻗﻌﺪ .. ﻭﻫﻮ
ﻣﺘﻠﻔﻊ ﺑﻲ ﺗﻮﺏ .. ﻭﺷﺎﻳﻞ ﻟﻴﻬﻮ ﻋﺼﺎﻳﺔ ﻣﺘﺮ ﻭﻧﺺ .. ﻗﻌﺪ ﻓﻲ ﺍﻟﻌﻨﻘﺮﻳﺐ ﻭﻫﻲ
ﻧﺰﻟﺖ ﺍﻟﺘﺒﺮﻭﻗﺔ ﺍﻟﻤﻌﻠﻘﺔ (ﺑﺮﺵ ﺍﻟﺼﻼﺓ ) ﻭﺧﺘﺘﻬﺎ ﻗﺪﺍﻣﻮ ﻭﻗﻌﺪﺕ ﺍﺗﺮﺑﻌﺖ ﻓﻴﻬﺎ ..
ﻗﺎﻟﺖ ﻟﻴﻬﻮ .. ﺍﻧﺖ ﻓﻲ ﻣﻘﺎﻡ ﻋﻤﻲ ﺍﺧﻴﻴﻴﻲ .. ﺍﺑﻮﻱ ﻧﻌﻤﻨﻚ ﻣﻦ ﺯﻣﺎﻥ ﺑﺴﻤﻌﺒﻚ
ﻋﻨﺪﻭ .. ﺩﺣﻴﻦ ﺍﻧﺎ ﻃﺎﻟﺒﺎﻙ ﺑﻲ ﺍﻟﻠﻪ ﻃﻠﺐ .. ﻭﻏﺮﺩﺍ ﺑﺪﻭﺭﻭ ﺑﺮﺍﺍﺍﻱ .. ﺑﺲ ﻣﺎﻃﻠﺒﺘﻮ
ﻣﻨﻚ ﻗﺪﺍﻡ ﺍﻟﺮﺟﺎﻝ .. ﻋﺸﺎﻥ ﻋﺎﺭﻓﺎﻙ ﻣﺎﺑﻘﻤﺤﻨﻲ .. ( ﻳﻌﻨﻲ ﺗﺮﺩﻧﻲ ﺧﺎﻳﺒﻪ ) .. ﻗﺎﻝ
ﻟﻴﻬﺎ ﻗﻮﻟﻲ ﻳﺎ ﺍﻟﻨﺴﻴﻢ ﺍﻟﺒﺘﻘﻮﻟﻴﻬﻮ ﺍﻧﺎ ﺑﻨﻔﺬﻭ ﻟﻴﻚ .. ﻗﺎﻟﺖ ﻟﻴﻬﻮ ﻓﻮﻗﻚ ﻧَﻀُﺮ؟؟؟
ﻳﻌﻨﻲ (ﺑﺘﻮﻋﺪﻧﻲ؟؟ ) .. ﻗﺎﻝ ﻟﻴﻬﺎ ﺍﻳﺎ ﺣﺮﻡ .. ﻗﺎﻟﺖ ﻟﻴﻬﻮ ﺍﻟﺒﻨﻴﺔ ﺗﺒﻜﻲ .. ﻭﻣﻲ
ﺩﺍﻳﺮﻩ ﺍﻟﻌﺮﺱ .. ﻭﻭﺍﻓﻘﺖ ﻋﺸﺎﻥ ﻣﺎﺗﻜﺴﺮ ﻛﻠﻤﺔ ﺍﺧﻮﻫﺎ .. ﺩﺍﻳﺮﺍﻙ ﺑﺲ ﺗﺪﻳﻨﻲ
ﻭﻛﺘﻲ ﻣﻌﺎﻫﺎ .. ﺍﻧﻀﻢ ﻣﻌﺎﻫﺎ .. ﻭﺍﺣﻮﻟﻖ ﻓﻮﻗﺎ ﺑﻲ ﺟﺎﻱ ﻭﺑﻲ ﺟﺎﻱ .. ﻻﻣﻦ ﺑﺮﺍﻫﺎ
ﺗﺮﺿﻰ .. ﺳﻴﺪ ﺑﻴﺘﻲ ﻗﺎﻝ .. ﺍﻟﻌﻠﻤﺎﺀ ﻗﺎﻟﻮ .. ﺍﻟﺒﻨﻴﺔ ﻛﺎﻥ ﻣﺎﺭﺿﺖ ﻋﺮﺳﻬﺎ ﺣﺮﺍﻡ ..
ﻗﺎﻝ ﻟﻴﻬﺎ ﺩﻱ ﺣﻘﻴﻘﺔ ﻳﺎ ﺍﻟﻨﺴﻴﻢ .. ﻭﺍﻧﺎ ﻃﻠﺒﻚ ﺑﻨﻔﺬﻭ .. ﻭﻫﺴﻊ ﺗﺐ ﻣﺎﻧﻲ ﺟﺎﻱ
ﻋﻠﻴﻬﺎ ..
ﻗﺎﻟﺖ ﻟﻴﻬﻮ ﺍﻟﺒﺖ ﻫﺴﻊ ﺻﻐﻴﺮﺓ . ﻭﻣﺎﻫﺎ ﻓﺎﻫﻤﺔ ﺷﻲ ..ﻭﻣﺎﻓﻲ ﺯﻭﻝ ﻋﻠﻤﻬﺎ ..
ﻭﺍﻧﺎ ﺑﺮﺍﻱ ﺩﺍﺑﻲ ﺟﻴﺘﻬﻢ .. ﺩﺍﻳﺮ ﺍﺑﻞ ﻓﻴﻬﺎ ﺷﻮﻗﻲ .. ﻭﺍﻋﻠﻤﻬﺎ ﺍﻣﻮﺭ ﺍﻟﺤﺮﻳﻢ .. ﻗﺎﻝ
ﻟﻴﻬﺎ ﺍﻫﺎ ﻳﺎ ﺍﻟﻨﺴﻴﻢ ﻳﺎﺑﺘﻲ ..ﺍﺩﻳﻚ ﻛﻢ ﻣﻦ ﺍﻟﻮﻛﺖ ؟ ﻗﺎﻟﺖ ﻟﻴﻬﻮ .. ﻛﺎﻥ ﺣﻮﻟﻴﻦ ﻛﺎﻥ
ﺗﻼﺗﻪ (ﺳﻨﺘﻴﻦ ﺗﻼﺗﺔ ) .. ﻗﺎﻝ ﻟﻴﻬﺎ ﻟﻜﻦ ﻣﺎﻫﻦ ﻛﺘﺎﺭ ﻋﻠﻲ .. ؟؟ ﻗﺎﻟﺖ ﻟﻴﻬﻮ ﻣﺎﻫﻦ
ﻛﺘﺎﺭ .. ﻭﻗﻮﻝ ﺍﺭﻳﺘﺎ ﺗﺮﺿﻰ ..
ﻗﺎﻝ ﻟﻴﻬﺎ ﺍﺭﻳﺘﺎ ﺗﺮﺿﻰ .. ﺳﻜﺘﺖ ﻣﺴﺎﻓﻪ ﻭﻗﺎﻟﺖ ﻟﻴﻬﻮ .. ﺑﺲ ﺍﻧﺖ ﻣﺎﺗﻘﻮﻝ ﻻﺑﻮﻱ
ﻭﻻﺗﻘﻮﻝ ﻟﻲ ﺳﻴﺪ ﺑﻴﺘﻲ ﺍﻟﻜﻼﻡ ﺩﻩ .. ﺍﻟﺮﺟﺎﻝ ﺑﺎﺭﻛﻮﻟﻚ ..
ﺍﻧﺖ ﻗﻮﻟﻬﻢ ﺩﺍﻳﺮ ﻟﻲ ﻭﻛﺖ ﺷﻮﻳﺔ ..ﻭﺑﺮﺟﻊ ﻟﻜﻢ .. ﻭﻣﺎﺗﺤﺪﺩ ﻭﻛﺖ .. ﻋﺸﺎﻥ ﺍﻟﺸﻲ
ﺩﺍ ﻣﻮﻣﻌﺮﻭﻑ .. ﺍﻧﺖ ﺭﺍﺟﻞ ﺿﻮ ﻗﺒﺎﻳﻞ .. ﻭﺍﻧﺎ ﻣﺎﻟﻴﺔ ﻳﻤﻴﻨﻲ ﻣﻨﻚ .. ﻭﻛﺖ ﺟﻴﺘﻚ
ﻋﺎﺭﻓﺎﻙ ..
ﻗﺎﻝ ﻟﻴﻬﺎ ﻭﺍﻟﻠﻪ ﻳﺎ ﺍﻟﻨﺴﻴﻢ ﺑﻌﺪ ﻗﻌﺪﺗﻚ ﻗﺪﺍﻣﻲ ﻭﻛﻼﻣﻚ ﺩﻩ .. ﺍﻥ ﺑﻘﻴﺖ ﻗﻤﺤﺘﻚ
ﻳﺒﻘﻰ ﺍﻧﺎ ﻣﺎﻧﻲ ﺭﺍﺟﻞ .. ﻗﺎﻟﺖ ﻟﻴﻬﻮ ﻭﺍﻧﺎﻃﻤﻌﺎﻧﺔ ﻓﻲ ﻛﺮﻣﻚ ﺍﻛﺘﺮ ﻣﻦ ﻛﺪﻱ ..
ﻗﺎﻝ ﻟﻴﻬﺎ ﺍﻛﺘﺮ ﻣﻦ ﻛﺪﻱ ﺍﺳﻮﻱ ﺷﻨﻮ ﻳﻌﻨﻲ ؟
ﻗﺎﻟﺖ ﻟﻴﻬﻮ ﺻﺎﺣﺐ ﺍﻟﻌﻘﻞ ﻳﻤﻴﺰ .. ﺳﻜﺖ ﻣﺴﺎﺍﺍﻓﺔ .. ﻭﻓﻬﻢ ﻗﺼﺪﻫﺎ ..
ﻗﺎﻝ ﻟﻴﻬﺎ ﺳﻤﺢ ﺑﺮﺍﻙ ﺑﺘﺸﻮﻓﻴﻨﻲ ..
ﻭﺩ ﺩﺍﺭ ﺍﻟﺰﻳﻦ ﻭﺍﺑﺨﻮﺳﺔ ﻗﺎﻋﺪﻳﻦ ﻳﻌﺎﻳﻨﻮ ﻟﻴﻬﻢ ﺑﻨﻀﻤﻮ ﻟﻜﻦ ﻣﻮﻥ ﻋﺎﺭﻓﻨﻬﺎ ﺑﺘﻘﻮﻝ
ﻟﻴﻬﻮ ﻓﻲ ﺷﻨﻮ .. ﻭﺩﺩﺍﺭ ﺍﻟﺰﻳﻦ ﺳﺄﻝ ﺍﺑﺨﻮﺳﺔ ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﻨﺴﻴﻢ ﺑﻘﺖ
ﺷﺪﻳﺪﺓ ﻭﻟﻀﻴﻀﺔ .. ﻗﻠﺖ ﻟﻲ ﻫﺴﻊ ﺑﺘﻘﻨﻊ ﻓﻴﻬﻮ ﻳﻐﻴﺮ ﺭﺍﻳﻮ؟
ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﺑﻌﺮﻓﻬﺎ .. ﺑﺘﻘﻮﻝ ﻟﻴﻬﻮ ﻓﻲ ﺷﻨﻮ .. ﺍﻟﻨﺸﻮﻓﻮ ﺑﻌﺪ ﻳﺮﺟﻊ ..
ﺍﻫﺎ ﺍﻟﻨﺴﻴﻢ ﻗﺎﻟﺖ ﻟﻴﻬﻮ ﺍﻟﻨﻘﻮﻡ ﺍﻟﺤﻖ ﺍﻻﻛﻞ ﺍﻟﺮﺳﺎﻟﺔ ﺑﺮﺍﻫﺎ ..
ﻗﺎﻣﺖ ﻣﺸﺖ ﻋﻠﻰ ﺍﻟﺘﻜﻞ .. ﻭﺑﺎﻣﺒﻲ ﺟﺎﺀ ﻗﻌﺪ ﻣﻊ ﺍﻟﺠﻤﺎﻋﺔ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ
ﻟﻴﻬﻮ ﻗﺎﻟﺖ ﻟﻴﻚ ﺷﻨﻮ ﺍﻟﺒﺖ ﺩﻱ؟؟ ﻗﺎﻝ ﻟﻴﻬﻮ ﺷﻦ ﻟﻴﻚ ﺑﻴﻬﺎ .. ( ﻣﺎﻟﻚ ﻭﻣﺎﻻ ) ..
ﺑﺘﻲ ﻭﻧﻀﻤﺖ ﻣﻌﺎﻱ .. ﻭﺍﻧﺎ ﻋﻤﻬﺎ .. ﻭﻫﻲ ﻛﺎﻥ ﺩﺍﻳﺮﺍﻛﻢ ﺗﻌﺮﻓﻮ .. ﺳﺎﻗﺘﻨﻲ
ﺑﺮﺍﻱ؟؟
ﺳﻜﺖ ﻣﺴﺎﻓﺔ ﻭﻗﺎﻝ ﻟﻴﻬﻮ ﻳﺎ ﺍﺑﺨﻮﺳﺔ .. ﻭﺍﻟﻠﻪ ﻳﺎﺧﻲ ﺍﻧﺖ ﺭﺍﺟﻞ ﻭﻭﻓﻴﺖ ﺑﻮﻋﺪﻙ ..
ﻭﻧﻔﺬﺕ ﻃﻠﺒﻲ ﺗﺐ ﻣﺎﻗﺼﺮﺕ ﻟﻜﻦ ﺍﻧﺎ ﺑﺮﺍﻱ .. ﺍﻟﻤﻮﺿﻮﻉ ﺩﻩ ﻗﻠﺒﻲ ﻣﺎﺩﺍﺭﻭ .. ﺍﻥ
ﺷﺎﺀ ﺍﻟﻠﻪ ﺍﻟﺒﺖ ﺗﺠﻴﻬﺎ ﻗﺴﻤﺘﻬﺎ .. ﺍﻧﺎ ﻧﺰﻟﺖ ﻣﻦ ﺿﻬﺮﻙ ﺗﺐ ..
ﺍﻫﺎﺍﺍﻻﻛﻞ ﺟﺎﺀ ﻭﺍﻟﺠﻤﺎﻋﺔ ﺿﺮﺑﻮ ﻓﻲ ﺍﻟﻠﺤﻢ ﻻﻣﻦ ﺷﺒﻌﻮ ﻓﻀﻠﺔ ﺧﻴﺮﻛﻢ .. ﻭﻓﻲ
ﻟﻘﻤﺔ ﻋﺼﻴﺪﺓ ﺑﻲ ﻣﻼﺡ ﻭﻳﻜﺔ .. ﻣﻘﻠﻮﺑﺔ ﻓﻮﻕ ﺻﺤﻦ ﻃﻠﺲ ﺍﺑﻴﺾ .. ﻭﺍﻟﻤﻼﺡ
ﻛﺎﺑﻨﻮ ﻓﻲ ﻗﺮﻋﺔ .. ﻏﺎﻳﺘﻮ ﺣﻴﺎﺓ ﻟﺬﻳﺬﺓ .. ﻳﺎﺳﻼﺍﺍﺍﺍﺍﺍﺍﺍﺍﻡ ..
ﻭﺍﺗﻮﻧﺴﻮ ﺑﻲ ﺍﻻﻣﻮﺭ ﺍﻟﺴﻴﺎﺳﻴﺔ .. ﻭﺑﺘﻜﻠﻤﻮ ﻋﻦ ﻣﺸﺎﻛﻞ ﺍﻟﻘﺼﺮ ﻓﻲ ﺍﻟﻤﻤﻜﻠﺔ
ﻭﺍﻟﻤﻜﺎﻳﺪﺍﺕ ﺍﻟﺤﺎﺻﻠﺔ ﻓﻲ ﺍﻟﺰﻣﻦ ﺩﺍﻙ .. ﻭﻗﺎﻣﻮﺍ ﻭﺩﻋﻮﻫﻢ
ﻭﻭﺩ ﺩﺍﺭ ﺍﻟﺰﻳﻦ ﺍﺩﻯ ﺑﺘﻮ ﻣﻨﺪﻳﻞ ﻣﺼﺮﻭﺭ ﻓﻴﻬﻮ ﺷﻲ .. ﻣﻮ ﻣﻌﺮﻭﻑ ﺷﻨﻮ ..
ﺑﺎﻟﻨﺴﺒﺔ ﻟﻲ ﻣﻤﻜﻠﺔ ﺳﻨﺎﺭ ﻛﺎﻧﺖ ﻣﻤﻠﻜﺔ ﺑﻤﺜﺎﺑﺔ ﺧﻼﻓﺔ ﺍﺳﻼﻣﻴﺔ .. ﺑﺎﺳﻄﺔ
ﺳﻴﻄﺮﺗﻬﺎ ﻋﻠﻰ ﻧﻄﺎﻕ ﻭﺍﺳﻊ ..
ﻛﺎﻧﺖ ﻓﻲ ﻣﻨﺎﻓﺴﺎﺕ ﺷﺪﻳﺪﺓ ﻋﻠﻰ ﺳﻠﻄﺔ ﺍﻟﻜﻜﺮ ﻭﺍﻟﻄﺎﻗﻴﺔ ﺍﻡ ﻗﺮﻳﻨﺎﺕ ..
ﻭﺍﻟﺪﺳﺎﻳﺲ ﺷﻐﺎﻟﺔ ﺩﺍﺧﻞ ﺍﻟﻘﺼﺮ .. ﻭﻓﻲ ﻏﺮﻑ ﺍﻟﺴﻠﻄﺎﻥ ﻭﺍﻻﻣﻴﺮﺍﺕ .. ﻭﺍﻟﻨﺎﺱ
ﻛﻠﻬﺎ ﻣﺎﺭﺿﻴﺎﻧﺔ ﻣﻦ ﺍﻟﻮﺿﻊ ﺍﻟﺤﺎﺻﻞ ﻓﻲ ﺍﻟﺒﻠﺪ .. ﺍﻟﻤﻠﻚ ﺿﻌﻴﻒ ﻭﻭﻟﺪﻭ ﺳﻔﻴﻪ ..
ﻭﻫﻮ ﺍﻟﺒﺎﻗﻲ ﺍﻟﻮﺣﻴﺪ ﻣﻦ ﺍﺻﻞ ﺍﺭﺑﻌﺔ ﺍﺧﻮﺍﻥ ﺳﻤﻤﺘﻬﻢ ﺍﻣﻬﻢ .. ﻭﺍﻟﻤﻠﻚ ﻣﺎ ﺩﺍﻳﺮ
ﻳﻮﺻﻲ ﻻﻭﻻﺩ ﺍﺧﻮﻩ .. ﻭﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ..
ﺍﻫﺎ ﻳﺎﺯﻭﻝ ﻣﺮﺕ ﺍﻻﻳﺎﻡ ﻭﺍﻟﺤﻴﺎﺓ ﻓﻲ ﺑﻴﺖ ﻧﺎﺱ ﻋﻤﻚ ﻭﺩ ﺩﺍﺭ ﺍﻟﺰﻳﻦ ﻣﺎﺷﺔ ﻓﻲ
ﺍﻣﻦ ﻭﺍﻣﺎﻥ .. ﻭﺍﻟﻨﺴﻴﻢ ﺟﺴﻤﻬﺎ ﺭﺟﻊ ﺯﻱ ﻣﺎﻛﺎﻥ ﻭﺍﺣﺴﻦ .. ﺣﻴﺚ ﺍﻟﺨﻼﻳﺎ ﺍﻟﺠﺪﻳﺪﺓ
ﺍﻧﻀﺮ ﻭﺍﻟﻤﻊ .. ﻭﺑﻘﺖ ﺑﻌﺪ ﺍﻟﻌﺮﺱ ﺍﻳﺔ ﻣﻦ ﺍﻳﺎﺕ ﺍﻟﻠﻪ ..
ﺑﻌﺪ ﻣﺮﻭﺭ 8 ﺷﻬﻮﺭ ﻭﺍﻟﻨﺴﻴﻢ ﻋﺎﻳﺸﺔ ﻓﻲ ﺑﻴﺘﻬﺎ ﺍﺣﺴﻦ ﻋﻴﺸﺔ ﻭﻧﺎﺱ ﺍﻟﺒﻴﺖ
ﺑﺤﺒﻮﻫﺎ ﺣﺐ ﻣﻨﻘﻄﻊ ﺍﻟﻨﻈﻴﺮ ﻭﺍﻟﺮﺍﺟﻞ ﺍﻟﻔﺤﻞ ﺍﻟﻀﻮ ﺍﺑﺨﻮﺳﺔ ﺳﻌﻴﺪ ﺳﻌﺎﺩﺓ
ﻻﺗﻮﺻﻒ .. ﺭﺍﺿﻲ ﺑﻲ ﻭﺿﻌﻮ ﻭﻣﺎﻛﻞ ﻭﺷﺎﺭﺏ ﻭﻋﺎﻟﻒ ﻭﺳﺎﻋﻲ
ﻭﺍﻟﻨﺴﻴﻢ ﺑﺘﺤﺒﻮ ﺣﺐ ﻣﺒﺎﻟﻎ ﻓﻴﻬﻮ .. ﻭﻛﻞ ﻳﻮﻡ ﺍﻟﺤﺐ ﺑﻴﻨﻬﻢ ﻳﺰﻳﺪ ..
ﻭﻟﻜﻦ ﺍﻟﻔﺮﺣﺔ ﻻﺗﺪﻭﻡ ﻛﺜﻴﺮ ﺍﺻﻼ .. ﻭﻛﺎﻥ ﺍﻟﺪﻧﻴﺎ ﺑﺘﺤﺴﺪ ﺍﻻﻧﺴﺎﻥ ﻓﻲ ﺍﻟﻔﺮﺣﺔ
ﻭﺍﻟﺴﻌﺎﺩﺓ .. ﻃﺒﻌﺎ ﻣﻦ ﺍﻟﺼﺒﺎﺡ ﺍﻟﺒﺮﻧﺎﻣﺞ ﺍﻧﻮ ﺍﻟﺮﺳﺎﺍﻟﺔ ﺑﺘﻤﺮﻕ ﺗﺮﻋﻲ ﺍﻟﺒﻬﺎﻳﻢ
ﻟﻐﺎﻳﺔ ﻧﺺ ﺍﻟﻨﻬﺎﺭ ﻛﺪﻱ ﻭﺗﺠﻲ ﻭﻣﺎﺑﺘﺒﻌﺪ ﻣﻦ ﺍﻟﺤﻠﺔ ﻛﺘﻴﺮ .. ﻭﺍﺏ ﺧﻮﺳﺔ ﺑﻤﺮﻕ
ﻳﺠﻴﺐ ﺍﻟﺤﻄﺐ ﻭﻳﻮﺯﻋﻮ ﻋﻠﻰ ﺍﻟﺤﻼﻝ .. ﻭﻳﻮﻡ ﻳﻜﻮﻥ ﻓﻲ ﺳﻮﻕ ﺑﻮﺩﻳﻬﻮ ﺍﻟﺴﻮﻕ
ﺍﻻ ﺍﻟﺴﻮﻕ ﺍﺳﺒﻮﻋﻲ ..
ﻭﺍﻟﻨﺴﻴﻢ ﺑﺘﻤﺮﻕ ﺗﺠﻴﺐ ﺍﻟﻤﻮﻳﺔ ﻣﻦ ﺍﻟﺒﻴﺮ .. ﺑﺘﺸﻴﻞ ﺻﻔﻴﺤﺔ ﻭﻣﺮﺍﺕ ﺗﺸﻴﻞ ﺍﻟﻘﻠﺔ
ﻭﺗﺘﻮﻗﻰ ﺑﻲ ﻃﺮﺣﺔ .. ﻳﻌﻨﻲ ( ﺗﻠﻒ ﺍﻟﻄﺮﺣﺔ ﻓﻲ ﺷﻜﻞ ﻋﻤﺎﻣﺔ ﺻﻐﻴﺮﺓ ﻭﺗﺨﺘﻬﺎ
ﻓﻮﻕ ﺭﺍﺳﻬﺎ ﻋﺸﺎﻥ ﺗﺨﺖ ﻓﻮﻗﻬﺎ ﻣﺎﻋﻮﻥ ﺍﻟﻤﻮﻳﺔ .. ﻻﻧﻮ ﺍﻟﻤﺴﺎﻓﺔ ﻣﻦ ﺍﻟﺒﻴﺮ ﻟﻠﺒﻴﺖ
ﺑﻌﻴﺪﺓ ﺷﻮﻳﺔ .. ﻭﺗﺠﻲ ﺗﺴﻮﻯ ﺍﻻﻛﻞ ﻭﺗﻘﻮﻡ ﺑﻲ ﺷﺆﻭﻥ ﺍﻻﺑﻮ ﻭﺍﻻﻡ ..
ﺍﻫﺎ ﻳﻮﻡ ﻣﻦ ﺫﺍﺕ ﺍﻻﻳﺎﻡ ﺍﻟﻨﺴﻴﻢ ﻟﺒﺴﺖ ﺗﻮﺑﻬﺎ ﻭﺍﺗﻮﻗﺖ ﺑﺎﻟﻮﻗﺎﻳﺔ ﻭﻣﺮﻗﺖ ﻋﻠﻰ
ﺍﻟﺒﻴﺮ ﻭﺍﻟﻜﻼﻡ ﻣﻦ ﺍﻟﺼﺒﺎﺡ .. ﺷﺎﻓﺖ ﻟﻬﺎ ﺍﺭﺑﻌﺔ ﺍﻧﻔﺎﺭ ﺟﺎﻳﻦ ﺭﺍﻛﺒﻴﻦ ﺣﺼﻴﻦ .. ﺗﻼﺗﺔ
ﺣﺼﻴﻦ ﺳﻮﺩ ﻭﺣﺼﺎﻥ ﻭﺍﺣﺪ ﺍﺑﻴﺾ .. ﺍﻟﺮﺍﻛﺐ ﺍﻟﺤﺼﺎﻥ ﺍﻻﺑﻴﺾ ﺟﺎﺭﻱ ﻗﺪﺍﻣﻬﻦ
ﻭﺍﺣﺪ ﺑﻴﻤﻴﻨﻮ ﻭﻭﺍﺣﺪ ﺑﺸﻤﺎﻟﻮ ﻭﻭﺍﺣﺪ ﻭﺭﺍﻫﻮ ..
ﻭﺟﻮ ﻣﻦ ﺑﻌﻴﺪ ﻗﺎﺻﺪﻳﻦ ﺍﻟﺒﻴﺮ .. ﺍﻟﻨﺴﻴﻢ ﻇﻨﺘﻬﻢ ﺩﺍﻳﺮﻳﻦ ﻳﺴﻘﻮ ﺣﺼﻴﻨﻬﻢ .. ﻭﻛﺖ
ﻭﺻﻠﻮ ﻫﻲ ﻛﺎﻧﺖ ﺑﺘﻨﺸﻞ ﻭﺑﺘﻨﻮﻧﻲ .. ﻭﻫﻢ ﻭﻗﻔﻮ ﺑﻌﺎﻳﻨﻮ ﻟﻴﻬﺎ ..
ﻣﺮﻗﺖ ﺍﻟﺪﻟﻮ ﻣﻦ ﺍﻟﺒﻴﺮ .. ﻭﻛﺒﺘﻮ ﻓﻲ ﻗﻠﺘﻬﺎ .. ﻭﻛﺎﻧﺖ ﻋﺮﻗﺎﻧﺔ ..
ﻭﻫﻢ ﻭﺍﻗﻔﻴﻦ ﺑﺎﻟﻨﺎﺣﻴﺔ ﺍﻟﺸﺮﻗﻴﺔ .. ﻋﺎﻳﻨﺖ ﻟﻴﻬﻢ ﻛﺪﺍ ﻭﻣﺴﺤﺖ ﺍﻟﻌﺮﻕ ﻣﻦ ﺟﺒﻬﺘﻬﺎ
.. ﻭﺷﻬﺎ ﺩﻩ ﺯﻱ ﻗﻌﺔ ﺍﻟﻘﻤﺮ .. ﺍﻟﺮﺍﻛﺐ ﺍﻟﺤﺼﺎﻥ ﺍﻻﺑﻴﺾ ﻧﺰﻝ ﺟﺎ ﻣﺎﺷﻲ ﻋﻠﻴﻬﺎ ..
ﻻﺑﺲ ﻟﺒﺲ ﺭﻫﻴﺐ ﺟﺒﺔ ﻭﻋﻠﻴﻬﺎ ﻋﺒﺎﻳﺔ ﻭﻓﻮﻗﻬﺎ ﺭﻛﺎﻣﺔ ﻣﺸﻐﻮﻟﺔ ﺑﺎﻟﺮﻗﺎﺵ ..
ﻗﺎﻝ ﻟﻴﻬﺎ ﺍﻧﺘﻲ ﻣﻨﻮ؟ ﻭﺑﺖ ﻣﻨﻮ؟ ﻭﺟﺎﻳﺔ ﻣﻦ ﻭﻳﻦ ؟
ﺍﻧﺘﻲ ﺍﻧﺴﻴﺔ ﻭﻻﺟﻨﻴﺔ ؟ ﺍﻧﺘﻲ ﻋﺎﻳﺸﺔ ﻓﻲ ﺍﻟﺒﻠﺪ ﺩﻱ ﻭﺍﻧﺎ ﻣﺎﻋﺎﺭﻓﻚ؟ ﻗﺎﻟﺖ ﻟﻴﻬﻮ
ﺍﻧﺖ ﻣﻨﻮ؟ ﻗﺎﻝ ﻟﻴﻬﺎ ﺍﻧﺎ ﺍﻻﻣﻴﺮ ﻓﻼﻥ ﻭﺩ ﺍﻟﻤﻠﻚ ﻓﻼﻥ .. ﻣﻠﻚ ﻣﻤﻜﺔ ﺍﻟﻔﻮﻧﺞ ..
ﻭﺳﻠﻄﺎﻥ ﺳﻨﺎﺭ .. ﺍﻧﺎ ﻭﻟﺪﻭ ﺍﻟﻮﺣﻴﺪ .. ﻗﺎﻟﺖ ﻟﻴﻬﻮ ﻭﺍﻟﻤﻌﺎﻙ ﺩﻳﻞ ؟ ﻗﺎﻝ ﻟﻴﻬﺎ ﺩﻳﻞ
ﺣﺮﺍﺳﻲ .. ﻗﺎﻟﺖ ﻟﻴﻬﻮ ﺍﺗﻔﻀﻠﻮ ﻋﻠﻲ ﺍﻟﺒﻴﻮﺕ ﺳﻴﺪ ﺍﻟﺒﻴﺖ ﻣﺮﻕ ﻭﺑﺠﻲ .. ﺍﻟﻨﻜﺮﻡ
ﻣﺜﻮﺍﻛﻢ .. ﻗﺎﻝ ﻟﻴﻬﺎ ﻻﻻ ﺍﻧﺘﻲ ﺗﻜﺮﻣﻴﻨﻲ ﺍﻧﺎ ﺑﺲ ﻭﻫﻨﺎ ﻭﻫﺴﻊ .. ﻭﻣﺴﻜﻬﺎ ﻣﻦ
ﻳﺪﻫﺎ ﻗﺎﻟﺖ ﻟﻴﻬﻮ ﻫﻮﻱ ﻫﻮﻱ .. ﻭﺣﺎﺕ ﺍﻟﺨﻠﻘﻨﻲ ﻳﺠﻲ ﺭﺍﺟﻠﻲ ﺍﻻ ﻳﻘﻄﻊ ﺭﺍﺳﻚ ..
ﻣﺎﺗﻘﻮﻝ ﻟﻲ ﻭﺩ ﺍﻟﻤﻠﻚ .. ﺍﻧﺖ ﻣﺎﻙ ﻋﺎﺭﻑ ﺍﻧﺎ ﺑﺖ ﻣﻨﻮ؟ ﺍﻧﺎ ﺑﺖ ﻭﺩ ﺩﺍﺭ ﺍﻟﺰﻳﻦ ..
ﺍﻟﻤﺎﺑﻴﺎﺧﺪ ﺑﺎﻟﺪﻳﻦ ..ﻭﻓﻲ ﺍﻟﺪﻳﻮﺍﻥ ﺍﻟﻤﻠﻜﻲ ﻋﻨﺪﻭ ﺭﺍﻳﺎ" ﺯﻳﻦ ..
ﻗﺎﻝ ﻟﻴﻬﺎ ﻭﺍﻧﺎ ﻣﺎﻙ ﻋﺎﺭﻓﺎﻧﻲ ﻭﺩ ﻣﻨﻮ ؟ ﺍﻧﺎ ﺍﺑﻮﻱ ﺍﻟﺴﻠﻄﺎﻥ ..ﺳﻴﺪ ﺍﻟﺪﻳﻮﺍﻥ ..
ﺍﺑﻮﻙ ﻗﺪﺍﻣﻮ ﺯﻱ ﺍﻟﺠﻌﺮﺍﻥ .. ﻭﺍﺳﻤﻌﻲ ﺍﻧﺎ ﺍﻧﺎ ﺑﺎﺧﺪ ﻣﻨﻚ ﺍﻟﺪﺍﻳﺮﻭ .. ﻭﺑﻤﺸﻲ
ﻭﻛﺖ ﻳﺠﻲ ﺭﺍﺟﻠﻚ .. ﻛﻠﻤﻴﻬﻮ ﺧﻠﻴﻬﻮ ﺍﻟﻴﺠﻲ ﻳﺸﻜﻴﻨﻲ ﻓﻲ ﺍﻟﻘﺼﺮ .. ﺍﻟﻨﺸﻮﻑ
ﺍﻟﺒﻤﻮﺕ ﻣﻨﻮ ﺍﻧﺎ ﻭﻻ ﻫﻮ . ؟
ﻭﺍﺣﺪ ﻣﻦ ﺍﻟﺤﺮﺍﺱ ﻗﺎﻝ ﻟﻴﻬﺎ ﻳﺎﺑﺖ ﻫﻮﻱ .. ﺍﻧﺘﻲ ﻗﻨﻌﺎﻧﺔ ﻣﻦ ﺭﺍﺟﻠﻚ ﻭﻻﺷﻨﻮ؟ ..
ﻳﺎﺑﺖ ﺧﻠﻲ ﺍﻻﻣﻴﺮ ﻳﺎﺧﺪ ﺍﻟﺪﺍﻳﺮﻭ ﻭﻳﻤﺸﻲ .. ﻭﻻ ﺩﻩ ﺷﺎﻑ ﻻ ﺳﻤﻊ .. ﻭﺍﻻﻣﻴﺮ
ﻣﺎﺳﻜﻬﺎ ﻣﻦ ﻳﺪﻫﺎ ﻭﻋﺮﻓﺖ ﺍﻧﻮ ﺍﻟﻮﺿﻊ ﻓﻌﻼ ﺧﻄﻴﺮ ﻭﻓﻴﻬﻮ ﻣﻮﺕ ﻟﻲ ﺍﺏ ﺧﻮﺳﺔ ..
ﻻﻧﻬﺎ ﺳﺎﻣﻌﺔ ﺑﺎﻟﻈﻠﻢ ﺍﻟﺤﺎﺻﻞ ﻓﻲ ﺍﻟﻤﻤﻠﻜﺔ ﻭﺍﺳﺘﺒﺪﺍﺩ ﺍﻻﻣﺮﺍﺀ ﻋﻠﻰ ﺍﻟﻨﺎﺱ ..
ﻗﺎﻟﺖ ﻟﻴﻬﻮ ﺧﻼﺹ ﻛﻮﻳﺲ ﺗﻌﺎﻝ ﺟﺎﻱ .. ﺩﻳﻞ ﻣﺎﻳﺴﻤﻌﻮﻧﺎ ﺍﻟﻨﻘﻮﻝ ﻟﻚ ﻛﻼﻡ ..
ﺍﻧﺖ ﺫﺍﺗﻚ ﺍﻧﺎ ﺷﺎﻳﻔﺎﻙ ﺭﺍﺟﻞ ﺗﻤﻼ ﺍﻟﻌﻴﻦ ﻻﻣﻦ ﺗﻔﻀﻞ .. ﻟﻜﻦ ﻣﺎﻧﻲ ﺩﺍﻳﺮﺍﻙ
ﺑﺎﻟﺤﺮﺍﻡ . ﺩﺍﻣﻨﻲ ﻋﺠﺒﺘﻚ ﻭﻣﻠﻴﺖ ﻋﻴﻨﻚ .. ﺧﻠﻨﻲ ﺍﺑﻘﻰ ﻣﺮﺗﻚ ..
ﺍﻧﺖ ﺗﺴﻌﺪ ﻭﺍﻧﺎ ﺍﻛﻮﻥ ﻣﺮﺍﺓ ﺍﻻﻣﻴﺮ .. ﻧﺴﺒﻲ ﺣﺮ .. ﻭﺍﺑﻮﻱ ﻣﻦ ﺍﻫﻞ ﺍﻟﺸﻮﺭﻯ ..
ﺍﻧﺖ ﺑﺲ ﺍﺻﺒﺮ ﻟﻲ ﺍﻧﺎ ﺍﻃﻠﻖ ﺍﻟﺮﺍﺟﻞ ﺩﻩ .. ﻭﺍﻧﺖ ﺗﻌﺎﻝ ﺍﺧﺪﻧﻲ ..
ﻟﻜﻦ ﻭﺍﻟﻠﻪ ﺗﺤﺎﻭﻝ ﻓﻴﻨﻲ ﺑﺎﻟﺤﺮﺍﻡ .. ﺍﻧﺎ ﺍﻗﺪ ﻗﻠﺒﻲ ﺑﺎﻟﺴﻜﻴﻦ .. ﻭﺍﺷﻜﻴﻚ ﻋﻠﻰ ﺍﻟﻠﻪ
ﻳﻠﻌﻨﻚ ﻟﻌﻨﺔ ﻻﻣﻦ ﺗﻤﻮﺕ ﺑﻲ ﺣﺴﺮﺗﻚ .. ﺍﺧﻴﺮ ﻟﻚ ﺍﻟﺤﻼﻝ .. ﻭﺍﻛﻮﻥ ﻣﻌﺎﻙ ﻃﻮﻝ
ﻋﻤﺮﻙ ..
ﻗﺎﻝ ﻟﻴﻬﺎ ﺧﻼﺹ ﻣﻮﺍﻓﻖ .. ﻟﻜﻦ ﻭﺍﻟﻠﻪ ﺗﻐﺸﻴﻨﻲ ,, ﺍﻧﺎ ﺑﺮﺍﻱ ﺍﺟﻲ ﺍﻛﺘﻞ ﺭﺍﺟﻠﻚ
ﻭﺍﺳﻮﻗﻚ ﻗﺪﺍﻡ ﺍﻫﻠﻚ .. ﻗﺎﻟﺖ ﻟﻴﻬﻮ ﺍﻧﺖ ﻣﺎﺑﺘﺨﺎﻑ ﻣﻦ ﺍﺑﻮﻙ ﺍﻟﻤﻠﻚ؟
ﻗﺎﻝ ﻟﻴﻬﺎ ﻣﻠﻚ ﺷﻨﻮ؟ ﺍﺑﻮﻱ ﻋﺠﺰ ﺧﻼﺹ .. ﻭﺍﻧﺎ ﻫﺴﻲ ﺍﻟﻌﻨﺪﻱ ﺍﻟﻜﻠﻤﺔ ﻋﻠﻴﻬﻮ ﻫﻮ
ﺫﺍﺗﻮ .. ﺍﻧﺎ ﻭﺍﻟﻠﻪ ﺑﺴﻮﻱ ﺍﻟﺪﺍﻳﺮﻭ .. ﻭﺍﺑﻮﻱ ﻳﻘﻮﻝ ﺣﺎﺿﺮ .. ﺍﻧﺎ ﻭﻟﺪﻭ ﺍﻟﻮﺣﻴﺪ .. ﻭﺍﻧﺎ
ﻭﺭﻳﺚ ﺍﻟﻜﻜﺮ .. ( ﺍﻟﻜﺮﺳﻲ ) ﺍﺳﻌﻠﻲ ﺍﺑﻮﻙ ﻣﻦ ﺍﻟﻜﻼﻡ ﺩﻩ .. ﺍﻧﺎ ﻗﺒﺎﻝ ﺷﻬﺮ ﺳﻘﺖ
ﻟﻲ ﺑﺖ ﻣﻦ ﺍﻫﻠﻬﺎ ﻭﻛﺘﻠﺖ ﺍﺑﻮﻫﺎ ﻭﻗﻀﻴﺖ ﻣﻨﻬﺎ ﺑﻌﺪ ﺍﺳﺒﻮﻉ ﺑﻌﻨﺎﻫﺎ ﻣﻊ ﺍﻟﺮﻗﻴﻖ ..
ﻭﺍﻟﻨﺴﻴﻢ ﻣﻄﻴﺮﺓ ﻋﻴﻮﻧﺎ ﻭﺗﻌﺎﻳﻦ ﻟﻴﻬﻮ .. ﻗﺎﻟﺖ ﻟﻴﻬﻮ ﺧﻼﺹ ﺑﻌﺪ ﺗﻌﺮﺳﻨﻲ ﺍﻧﺎ ﺗﺎﻧﻲ
ﻣﺎﺑﺨﻠﻴﻚ ﺗﻘﺒﻞ ﻋﻠﻰ ﻣﺮﺍﺓ .. ﺍﻧﺎ ﻳﺎﺩﻱ . ﻋﺮﻭﺱ ﻟﻲ ﺗﻤﺎﻧﻴﺔ ﺷﻬﻮﺭ .. ﻗﺎﻝ ﻟﻴﻬﺎ
ﺧﻼﺹ ﺍﻧﺎ ﺑﻌﺪ ﺩﻭﺭ ﺗﻤﺎﻧﻴﺔ ﻳﻮﻡ .. ﺑﺠﻴﻚ ﻭﻛﺎﻥ ﻟﻘﻴﺘﻚ ﻃﻠﻘﺘﻴﻬﻮ ﺑﺴﻮﻳﻠﻚ ﻋﺮﺱ
ﻣﻠﻜﻲ ﻭﺍﺑﻮﻙ ﻳﻜﻮﻥ ﺍﺳﻌﺪ ﻣﺨﻠﻮﻕ .. ﻭﺍﻥ ﻟﻘﻴﺘﻚ ﻣﺎﻃﻠﻘﺘﻴﻬﻮ .. ﺑﺲ ﺍﻗﻨﻌﻲ ﻣﻨﻮ
ﻭﺍﻟﻠﻪ ﺍﻗﻄﻊ ﻟﻚ ﺭﺍﺳﻮ ﻭﺍﺧﺘﻮ ﻟﻴﻚ ﻓﻲ ﻃﺮﻓﻚ .. ﻭﺭﻛﺐ ﻣﺸﻰ ..
ﺍﻟﻰ ﺍﻟﻠﻘﺎﺀ
أنت تقرأ
أســرَار الـزمان .. طارق اللبيب
Randomﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...
