أســرَار الـزمان .. طارق اللبيب
جدول المحتويات

    أنت تقرأ

    أســرَار الـزمان .. طارق اللبيب

    Random

    ﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...

    #اسرار #الزمان #اللبيب #سوداني #طارق

    ( 9 )

    1K 26 0 
                                        
    
                                              
    ﻭﺩ ﺩﺍﺭ ﺍﻟﺰﻳﻦ ﻛﺎﻥ ﻣﻮﺟﻮﺩ ﺟﺎﺀ ﻓﺘﺢ ﺍﻟﺒﺎﺏ .. ﺍﻟﺒﺎﺏ ﻛﺎﻥ ﺑﺎﺏ ﺧﺸﺐ ﺗﻘﻴﻞ
    ﻣﻌﻤﻮﻝ .. ﻣﺮﻛﺒﺔ ﻓﻴﻬﻮ ﺣﺪﻳﺪﺓ ﻣﻦ ﻓﻮﻕ ﻛﺪﺍ .. ﺍﻟﺘﺮﺑﺎﺱ ﺑﺘﺎﻋﻪ ﻛﻠﻼﺏ .. ﻭﺍﻟﻜﻠﻼﺏ
    ﻫﻮ ﻛﻴﻠﻮﻥ ﻣﻦ ﺍﻟﺨﺸﺐ .. ﻫﺴﻲ ﻣﺎﻣﻮﺟﻮﺩ .. ﺑﻌﻤﻠﻮﻫﻮ ﺍﻟﻨﺠﺎﺭﻳﻦ .. ﺍﻻﻣﻴﺮ ﻟﻤﻦ
    ﻛﺎﻥ ﺑﻴﻀﺮﺏ ﻓﻴﻬﻮ ﺑﻲ ﻃﺮﻑ ﺍﻟﻘﻮﺱ ﺑﻲ ﻗﻮﺓ ﺷﺪﻳﺪﺓ ..
    ﻭﺩ ﺩﺍﺭ ﺍﻟﺰﻳﻦ ﺟﺎﺀ ﻃﺎﻟﻊ .. ﻭﻛﺖ ﻟﻘﻰ ﺍﻻﻣﻴﺮ ﺍﻟﺒﻌﺮﻓﻮ ﺯﻱ ﺟﻮﻉ ﺑﻄﻨﻮ .. ﻭﺩ ﺩﺍﺭ
    ﺍﻟﺰﻳﻦ ﺍﺗﻔﺎﺟﺄ ﺑﺎﻻﻣﻴﺮ .. ﻭﺍﻻﻣﻴﺮ ﺍﺗﻔﺎﺟﺄ ﺑﻲ ﻭﺩ ﺩﺍﺭ ﺍﻟﺰﻳﻦ .. ﻻﻧﻮ ﺑﺸﻮﻓﻮ ﻃﻮﺍﻟﻲ
    ﻓﻲ ﺍﻟﺒﻼﻁ ﺍﻟﻤﻠﻜﻲ ﺑﺎﻋﺘﺒﺎﺭ ﺍﻧﻮ ﻭﺩ ﺩﺍﺭ ﺍﻟﺰﻳﻦ ﻣﻦ ﻧﺎﺱ ﺍﻟﺸﻮﺭﺓ .. ﻟﻜﻦ ﻣﺎﺑﻌﺮﻑ
    ﺍﺳﻤﻮ ﺑﺎﻟﻀﺒﻂ .. ﻭﺩﺍﻳﻤﺎ ﺑﺸﻮﻓﻮ ﻣﻊ ﺍﻟﻤﻠﻚ .. ﺍﻭﻝ ﻣﻦ ﺷﺎﻑ ﻭﺩ ﺩﺍﺭ ﺍﻟﺰﻳﻦ .. ﻧﺰﻝ
    ﻓﻲ ﻣﻦ ﺣﺼﺎﻧﻪ ﻭﺳﻠﻢ ﻋﻠﻴﻬﻮ ﻛﻮﻳﺲ .. ﻳﻌﻨﻲ ﺍﺣﺘﺮﺍﻡ ﻭﻛﺪﺍ .. ﻭﻗﺎﻝ ﻟﻴﻬﻮ .. ﻣﺎﻛﺖ
    ﻋﺎﺭﻑ ﺍﻟﺒﻴﺖ ﺑﻴﺘﻚ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻟﻲ ﺍﻟﺸﺮﻑ ﻳﺎﻣﻮﻻﻱ ﺍﻻﻣﻴﺮ .. ﺍﻟﺒﻴﺖ ﺑﻴﺘﻚ
    ﺍﺗﻔﻀﻠﻮ ﻻﺟﻮﺓ .. ﻭﺍﻟﻠﻪ ﺍﻟﻠﻴﻠﺔ ﺍﻧﺎ ﺍﺳﻌﺪ ﻣﺨﻠﻮﻕ .. ﺍﻻﻣﻴﺮ ﻗﺎﻝ ﻟﻠﺠﻤﺎﻋﺔ ﺍﺭﺑﻄﻮ
    ﺍﻟﺨﻴﻞ ﻭﺗﻌﺎﻟﻮ ﺟﻮﺓ .. ﻭﺩﺧﻞ ﻣﻊ ﻭﺩ ﺩﺍﺭ ﺍﻟﺰﻳﻦ .. ﻭﺩ ﺩﺍﺭ ﺍﻟﺰﻳﻦ ﻃﻮﺍﻟﻲ ﻣﺸﻰ
    ﻋﻠﻰ ﺍﻟﺰﺭﻳﺒﺔ .. ﻋﺸﺎﻥ ﻳﻀﺒﺢ ﻭﻳﻜﺮﻡ ﺍﻟﻀﻴﻮﻑ .. ﺍﻻﻣﻴﺮ ﻗﺎﻝ ﻟﻴﻬﻮ ﻻﻻ .. ﺍﻧﺎ
    ﻣﺎﺑﺎﻛﻞ ﻓﻲ ﺍﻱ ﺑﻴﺖ ﻏﻴﺮ ﺍﻛﻞ ﺍﻟﻘﺼﺮ .. ﺟﻴﺐ ﻟﻴﻨﺎ ﻣﻮﻳﺔ .. ﺟﺎﺏ ﻟﻴﻬﻢ ﺍﻟﻤﻮﻳﺔ ..
    ﻭﺷﺮﺑﻮ ﻭﻭﺩ ﺩﺍﺭ ﺍﻟﺰﻳﻦ ﻣﺴﺘﻐﺮﺏ ﺷﺪﻳﺪ .. ﻓﻲ ﺍﻟﺰﻳﺎﺭﺓ ﻭﺭﺍﻳﻮ ﻳﻮﺩﻱ ﻭﻳﺠﻴﺐ ..
    ﻳﺎﺧﻮﺍﻧﺎ ﺍﻟﻠﻴﻠﺔ ﻓﻲ ﺷﻨﻮ؟؟؟ .. ﻭﺍﻟﺰﻭﻝ ﺩﻩ ﺍﻟﺠﺎﺑﻮ ﻫﻨﺎ ﺷﻨﻮ؟ ﺍﻭﻋﺎ ﻳﻜﻮﻥ ﻋﺎﻳﺰ
    ﻳﺘﻔﻖ ﻣﻌﺎﻱ ﺍﺗﻔﺎﻕ ﺳﻴﺎﺳﻲ ﻋﺸﺎﻥ ﻳﻜﺘﻞ ﺍﺑﻮﻫﻮ .. ﻭﻣﺎ ﻛﺎﻥ ﺧﺎﺗﻲ ﻓﻲ ﺭﺍﺳﻮ ..
    ﺍﻱ ﺍﺣﺘﻤﺎﻝ ﺑﺨﺺ ﺍﻟﻨﺴﻴﻢ ..
    ﺍﻻﻣﻴﺮ ﻓﺘﺢ ﺧﺸﻤﻮ ﻗﺎﻝ ﻟﻴﻬﻮ .. ﻳﺎﻋﻤﻲ ﻋﺸﺎﻥ ﻧﺪﺧﻞ ﻓﻲ ﺍﻟﻤﻮﺿﻮﻉ ﻃﻮﺍﻟﻲ .. ﺍﻧﺎ
    ﺟﻴﺘﻚ ﺩﺍﻳﺮ ﺑﺘﻚ ﺍﻻﺳﻤﻬﺎ ﺍﻟﻨﺴﻴﻢ .. ﻗﺎﻝ ﻟﻴﻬﻮ ﻭﺍﻟﻠﻪ ﻟﻲ ﺍﻟﺸﺮﻑ ﻳﺎﻣﻮﻻﻱ .. ﻟﻜﻦ
    ﺍﻧﺖ ......... ﻭﺳﻜﺖ ..
    ﺍﻻﻣﻴﺮ ﻗﺎﻝ ﻟﻴﻬﻮ ﻋﺎﺭﻓﻚ ﺩﺍﻳﺮ ﺗﻘﻮﻝ ﻟﻲ ﺷﻔﺘﻬﺎ ﻭﻳﻦ؟؟ ﻭﺑﺘﻌﺮﻓﻬﺎ ﻣﻦ ﻭﻳﻦ؟
    ﺍﻧﺎ ﺷﻔﺘﻬﺎ ﻓﻮﻕ ﺍﻟﺒﻴﺮ ﺍﻟﻘﺪﺍﻡ ﺍﻟﺤﻠﺔ .. ﻭﻣﺎﻛﻨﺖ ﻋﺎﺭﻓﻬﺎ ﻣﺘﺰﻭﺟﺔ .. ﻭﻫﺴﻊ ﻻﻣﻦ
    ﺟﻴﺖ ﺳﺄﻟﺖ ﻣﻨﻬﺎ .. ﻗﺎﻟﻮ ﻟﻲ ﻃﻠﻘﻮﻫﺎ .. ﻭﺍﻧﺎ ﻫﺴﻊ ﺩﺍﻳﺮﻫﺎ .. ﺑﻲ ﺳﻨﺔ ﺍﻟﻠﻪ
    ﻭﺭﺳﻮﻟﻪ .. ﻭﺗﺪﻳﻨﻲ ﻟﻴﻬﺎ ﻫﺴﻊ ﻭﺍﺩﻓﻊ ﻟﻚ ﺍﻟﻤﻬﺮ ﻭﺍﺳﻮﻗﻬﺎ ..
    ﻗﺎﻝ ﻟﻴﻬﻮ .. ﻟﻜﻦ ﻳﺎﻣﻮﻻﻱ ﺍﻟﺒﺖ ﺩﺍﺑﻬﺎ ﻣﻄﻠﻘﺔ .. ﻟﻴﻬﺎ ﺗﻤﺎﻧﻴﺔ ﻳﻮﻡ .. ﺍﻧﺖ ﺑﺲ ﺍﺻﺒﺮ
    ﻟﻲ .. ﻻﻣﻦ ﺗﺘﻢ ﺍﻟﻌﺪﺓ ﺍﻟﻤﻔﺮﻭﺿﺔ ﻓﻲ ﺍﻟﻜﺘﺎﺏ .. ﻭﺗﺎﻧﻲ ﺗﻌﺎﻝ ﺳﻮﻗﻬﺎ ..
    ﻗﺎﻝ ﻟﻴﻬﻮ ﻳﺎﺗﻮ ﻛﺘﺎﺏ ﺩﻩ؟ .. ﻗﺎﻝ ﻟﻴﻬﻮ ﻛﺘﺎﺏ ﺍﻟﺪﻳﻦ .. ﺍﻭﺍﻣﺮ ﺭﺏ ﺍﻟﻌﺎﻟﻤﻴﻦ
    ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﺣﺎﺝ ﻣﺎ ﺗﺘﺸﺪﺩ ﻓﻲ ﺍﻟﺪﻳﻦ .. ﺳﺎﻛﺖ ﻫﺴﻊ ﺍﻟﺸﻐﺎﻝ ﺑﻲ
    ﺍﻟﻤﻮﺍﺿﻴﻊ ﺩﻱ ﻣﻨﻮ .. ﻣﺎﺗﺮﺍ ﺍﻟﻨﺎﺱ ﺑﺘﺼﻠﻲ ﻭﺑﺘﺼﻮﻡ ﺗﺎﻧﻲ ﻓﻲ ﺩﻳﻦ ﻏﻴﺮ ﺍﻟﺼﻮﻡ
    ﻭﺍﻟﺼﻼﺓ ؟
    ﻗﺎﻝ ﻟﻴﻬﻮ ﻛﻴﻒ ؟ ﺭﺑﻨﺎ ﺍﻟﺒﻨﺼﻠﻲ ﻟﻴﻬﻮ ﺩﻩ ﻋﻨﺪﻭ ﻛﺘﺎﺏ ﻓﻴﻬﻮ ﺗﻌﻠﻴﻤﺎﺕ ﺍﻧﺖ
    ﻣﺎﺑﺘﻌﺮﻑ ﺍﻟﻘﺮﺍﻥ؟ ﻗﺎﻝ ﻟﻴﻬﻮ ﺑﺴﻤﻌﺒﻮ ﻟﻜﻦ ﻣﺎﺷﻔﺘﻮ ؟؟ ﺩﻩ ﺷﻐﻞ ﺍﻟﻔﻘﺮﺍ
    ﻭﺍﻟﻤﺸﺎﻳﺦ ﺍﻧﺎ ﻣﺎﻟﻲ ﻭﻣﺎﻟﻮ ؟ .. ﺍﻧﺎ ﺑﺲ ﺩﺍﻳﺮ ﺍﺳﻮﻗﻬﺎ ﻫﺴﻊ ﻛﺎﻥ ﺣﺮﺍﻡ ﻛﺎﻥ
    ﺣﻼﻝ .. ﻳﺎﺗﻌﻘﺪ ﻟﻲ ﻋﻠﻴﻬﺎ .. ﻭﺍﺩﻳﻚ ﺍﻟﻤﻬﺮ ﻭﺍﺳﻮﻗﻬﺎ .. ﻭﻻﺑﺴﻮﻗﻬﺎ ﺯﻧﺪﻳﺔ ..
    ‏( ﻏﺼﺒﺎ" ﻋﻨﻚ ‏) ..
    ﻗﺎﻝ ﻟﻴﻬﻮ ﻃﻴﺐ ﻳﺎﻣﻮﻻﻱ ﺍﻧﺎ ﻣﺎﻋﻨﺪﻱ ﻣﺎﻧﻊ .. ﻟﻜﻦ ﺑﺘﺠﻴﺐ ﺍﻟﻜﻼﻡ ﻭﺍﻟﻔﻀﺎﻳﺢ ﻟﻲ
    ﻭﻟﻲ ﻣﻮﻻﻱ ﺍﻟﻤﻠﻚ .. ﻳﻌﻨﻲ ﺍﻟﻨﺎﺱ ﻳﻘﻮﻟﻮ ﺍﻟﻤﻠﻚ ﻗﻠﻊ ﺑﺖ ﺻﺎﺣﺒﻮ ﻟﻲ ﻭﻟﺪﻭ ..
    ﻭﺍﻟﻤﺸﺎﻳﺦ ﻳﻘﻮﻟﻮ ﺍﺩﺍﻫﺎ ﻟﻴﻬﻮ ﺑﺎﻟﺤﺮﺍﻡ .. ﻭﻳﻘﻮﻟﻮ ﺳﺎﻗﻮﻫﺎ ﺧﺎﺩﻡ .. ﻋﺸﺎﻥ ﻣﺎﺗﻤﺖ
    ﻋﺪﺗﺎ ﻣﻦ ﺍﻟﻄﻼﻕ .
    ﺍﻻﻣﻴﺮ ﻗﺎﻝ ﻟﻴﻬﻮ ﻻﻻ ﺍﻧﺎ ﻣﺎﺑﻤﺸﻲ ﻟﻮ ﻣﺎﺳﻘﺘﻬﺎ ﻣﻌﺎﻱ .. ﻭﺍﻧﺎ ﻣﻘﻮﻱ ﺭﺍﺳﻲ ﺗﺐ
    ..
    ﻭﺍﻟﻠﻪ ﻟﻮ ﻣﺎ ﻛﻨﺖ ﺍﻧﺖ ﻣﻦ ﻧﺎﺱ ﺍﻟﺸﻮﺭﻯ ﺍﻧﺎ ﻛﺎﻥ ﻣﻦ ﻗﺒﻴﻞ .. ﻣﻦ ﺑﺮﻩ ﺍﻟﺸﺎﺭﻉ
    ﺿﺮﺑﺘﻚ ﻛﺘﻠﺘﻚ ﻭﺩﺧﻠﺖ ﺳﻘﺘﻬﺎ .. ﺍﻧﺖ ﻣﺎﻋﺎﺭﻓﻨﻲ ؟؟ ﻓﻲ ﺯﻭﻝ ﺑﻘﺪﺭ ﻳﺮﻓﺾ ﻟﻲ
    ﻃﻠﺐ . ؟؟؟ ﻗﺎﻝ ﻟﻴﻬﻮ ﺍﺑﺪﺍ ﻳﺎﻣﻮﻻﻱ .. ﻗﺎﻝ ﻟﻴﻬﻮ ﺑﺲ ﺍﻧﺎ ﺍﺣﺘﺮﻣﺘﻚ ﻻﻧﻚ ﻣﻦ ﻧﺎﺱ
    ﺍﻟﺸﻮﺭﺓ ﻓﻲ ﺍﻟﻘﺼﺮ ﻭﺑﺸﻮﻓﻚ ﻣﻊ ﺍﺑﻮﻱ .. ﺑﺘﻤﺸﻲ ﺗﻨﺎﺩﻳﻬﺎ ﻭﻻ ﺍﺭﺳﻞ ﺍﻟﺤﺮﺍﺱ
    ﻳﺠﻴﻮﻫﺎ ﺑﺎﻟﻘﻮﺓ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ .. ﻟﻜﻦ ﻳﺎﻣﻮﻻﻱ ﻫﺴﻊ ﺍﻟﺒﺖ ﻋﻴﺎﻧﺔ ﺷﺪﻳﺪ .. ﻣﺎﺑﺘﻘﺪﺭ
    ﺗﻘﻮﻡ ﻋﻠﻲ ﺣﻴﻼ .. ﻟﻮ ﻗﺎﻣﺖ ﺑﺘﻤﻮﺕ ﻭﺍﻧﺖ ﺗﺎﻧﻲ ﻣﺎﺑﺘﻠﻢ ﻓﻴﻬﺎ .. ﺍﻻﻣﻴﺮ ﻭﻗﻒ ﻋﻠﻲ
    ﺣﻴﻠﻮ .. ﻗﺎﻟﻴﻬﻮ ﺍﻭﻭﻭﻋﻚ .. ﻛﻠﻮ ﺷﻲ ﻭﻻ ﺍﻟﻨﺴﻴﻢ ﺗﻤﻮﺕ .. ﺍﻟﻨﺴﻴﻢ ﺣﻤﺘﻨﻲ ﺍﻟﻨﻮﻡ ..
    ﺍﻛﺎﻥ ﺣﺼﻠﺖ ﻟﻴﻬﺎ ﺣﺎﺟﺔ .. ﺍﻧﺎ ﺑﺤﺮﻕ ﺍﻟﻤﻤﻠﻜﺔ ﻛﻠﻬﺎ ..
    ﻗﺎﻝ ﻟﻴﻬﻮ ﺧﻼﺹ ﺑﺲ .. ﺍﻧﺖ ﺗﻌﺎﻝ ﻟﻲ ﺑﻌﺪ ﺩﻭﺭ ﺗﻤﺎﻧﻴﺔ ﻳﻮﻡ .. ﻭﻫﻲ ﺗﻜﻮﻥ ﺑﻘﺖ
    ﻛﻮﻳﺴﺔ .. ﻭﻳﺠﻬﺰﻭﻫﺎ ﻟﻴﻚ .. ﻭﻧﻌﻘﺪ ﻟﻚ ﻋﻠﻴﻬﺎ ﺑﺎﻟﺸﻲ ﺍﻟﺒﺘﻘﻮﻟﻮ ..
    ﻗﺎﻝ ﻟﻴﻬﻮ ﺧﻼﺹ ﺩﻭﺭ ﺑﺲ .. ﻭﺍﻟﻠﻪ ﺗﻐﻴﺮ ﻛﻼﻣﻚ ﺍﻧﺖ ﻋﺎﺭﻑ ﺍﻧﺎ ﺟﻨﻲ ﻛﻌﺐ .. ﻗﺎﻝ
    ﻟﻴﻬﻮ ﺍﻱ ﻋﺎﺭﻓﻚ ﻳﺎﻣﻮﻻﻱ ﺍﻟﻌﺎﺭﻓﻚ ﻏﻴﺮﻱ ﻣﻨﻮ؟ ..
    ﻗﺎﻝ ﻟﻴﻬﻮ ﺗﻌﺠﺒﻨﻲ ﻳﺎﻋﻤﻲ .. ﺍﻧﺖ ﺭﺍﺟﻞ ﻣﺘﻔﻬﻢ .. ﺧﻼﺹ ﻗﻮﻡ ﻧﺎﺩﻱ ﻟﻲ ﺍﻟﻨﺴﻴﻢ
    ﺍﺳﻠﻢ ﻋﻠﻴﻬﺎ .. ﻗﺎﻝ ﻟﻴﻬﻮ ﻋﻴﺎﻧﺔ ﻣﺎﺑﺘﻘﺪﺭ ﺗﻘﻮﻡ ..
    ﻗﺎﻝ ﻟﻴﻬﻮ ﺍﻣﺶ ﻗﻮﻝ ﻟﻴﻬﺎ ﻣﻮﻻﻛﻲ ﺍﻻﻣﻴﺮ ﻗﺎﻝ ﻟﻚ ﺗﻌﺎﻟﻲ .. ﻛﺎﻥ ﻗﺪﺭﺕ ﺑﺘﺠﻲ ..
    ﻭﻛﺎﻥ ﻣﺎﻗﺪﺭﺕ ﺧﻠﻴﻬﺎ ..
    ﺩﺧﻞ ﻭﺩ ﺩﺍﺭ ﺍﻟﺰﻳﻦ ﻋﻠﻰ ﺑﺘﻮ ﺟﻮﺓ .. ﻭﻗﺎﻝ ﻟﻴﻬﺎ ﺍﻧﺘﻲ ﻟﻴﻪ ﻣﺎﻛﻠﻤﺘﻴﻨﻲ ﺍﻧﻮ ﺍﻟﻜﻠﺐ
    ﺍﻟﻤﻠﻌﻮﻥ ﺩﻩ ﻻﻗﺎﻙ؟؟ .. ﻗﺎﻟﺖ ﻟﻲ ﻣﻨﻮﻳﺎﺑﺎ؟؟ ﻗﺎﻝ ﻟﻴﻬﺎ ﺍﻻﻣﻴﺮ ﺍﻟﻮﺳﺦ؟؟ ..
    ﻗﺎﻟﺖ ﻟﻴﻬﻮ ﺟﺎﺀ ؟؟ ﻗﺎﻝ ﻟﻴﻬﺎ ﺍﻳﻮﺓ ﺗﺎﺭﻫﻮ ﺑﺮﻩ .. ﺳﻮﻱ ﺭﻭﺣﻚ ﻣﺮﺿﺎﻧﺔ ﻳﺎ ﺍﻟﻨﺴﻴﻢ
    ﺷﺪﻳﺪ .. ﻭﻋﻨﺪﻙ ﺩﻡ ﻭﻣِﺪﺓ ﻭﻭﻋﺎ ‏(ﺻﺪﻳﺪ ‏) .. ﻧﺎﺯﻝ ﻣﻦ ﺭﺣﻤﻚ .. ﻭﻣﺎﻙ ﻗﺎﺩﺭﺓ
    ﺗﻘﻮﻣﻲ .. ﻓﺎﻫﻤﺔ؟؟ ﻗﺎﻟﺖ ﻟﻴﻬﻮ ﺳﻤﺢ ﻳﺎﺑﺎ .. ﻗﺎﻝ ﻟﻴﻬﺎ ﺍﺗﻠﻔﻠﻔﻲ ﻓﻲ ﺍﻟﺘﻮ ﺏ ﺩﻩ ..
    ﻭﺍﻗﻨﺘﻲ .. ﻳﻌﻨﻲ ‏( ﺍﺻﺪﺭﻱ ﺍﻧﻴﻦ ‏) .. ﺍﺗﻠﻔﺖ ﺑﺎﻟﺘﻮﺏ ﻭﺑﻘﺖ ﺗﺌﻦ ..
    ﻗﺎﻝ ﻟﻴﻬﺎ ﺍﻟﺘﺎﻳﺔ ﻫﻮﻱ ﻳﺎ ﺍﻟﺘﺎﻳﺔ .. ﺷﻴﻠﻲ ﻣﻌﺎﻱ ﺍﻟﺒﺖ ﺩﻱ .. ﺷﺎﻟﻮﻫﺎ ﺍﻻﺗﻨﻴﻦ
    ﺑﺎﻟﻌﻨﻘﺮﻳﺐ .. ﺍﻻﺗﻨﻴﻦ ﻻﻣﻦ ﻭﺻﻠﻮﻫﺎ ﺍﻻﻭﺿﺔ ﺍﻟﻔﻴﻬﺎ ﺍﻻﻣﻴﺮ ..
    ﻭﺍﻟﻨﺴﻴﻢ ﺗﻘﻨﺖ .. ﻗﺎﻡ ﺍﻻﻣﻴﺮ ﻗﻤﺰ ﺯﻱ ﺍﻟﻤﺠﻨﻮﻥ ﺟﺎﻫﺎ ﺟﺎﺭﻱ .. ﻗﺎﻝ ﻟﻴﻬﺎ ﻣﺎﻟﻚ ﻳﺎ
    ﺍﻟﻨﺴﻴﻢ؟ ﻣﺎﻟﻚ؟ .. ﻗﺎﻟﺖ ﻟﻴﻬﻮ ﻣﺮﺿﺎﻧﺔ ﻣﺮﺿﺎﻧﺔ ﻋﻨﺪﻱ ﻣﺮﺽ ﻛﻌﺐ ﻳﺎﻣﻮﻻﻱ ..
    ﻓﻲ ﺩﻣﻮﻡ ﻣﺪﺓ ﻭﻭﻋﺎ ﻧﺎﺯﻟﺔ ﻣﻦ ﺭﺣﻤﻲ .. ﻗﺎﻝ ﻟﻴﻬﺎ ﺍﻋﻮﺫ ﺑﺎﻟﻠﻪ .. ﻫﺴﻊ ﺍﻟﻌﻔﻨﺔ
    ﺩﻱ ﻓﻴﻚ ﺍﻧﺘﻲ ؟؟ ﻗﺎﻟﺖ ﻟﻴﻬﻮ ﻣﺎﻧﺸﺎﻣﺎﻫﺎ ..
    ﻗﺎﻝ ﻟﻴﻬﺎ .. ﺍﻧﺎ ﺑﺘﺮﺟﺎﻙ ﻳﺎ ﺍﻟﻨﺴﻴﻢ ﻻﻣﻦ ﺗﺒﻘﻲ ﻛﻮﻳﺴﺔ .. ﻭﺑﻄﻨﻮ ﻃﻤﺖ ﻭﻗﺒﻞ
    ﻏﺎﺩﻱ .. ﻗﺎﻝ ﻟﻴﻬﺎ ﻛﺎﻥ ﻣﺎﺑﻘﻴﺘﻲ ﻛﻮﻳﺴﺔ ﻛﺎﻥ ﻣﺎ ﺑﻘﻴﺘﻲ .. ﺍﻧﺎ ﺑﺠﻲ ﺍﺳﻮﻗﻚ
    . ﻭﺑﺠﻴﺐ ﺍﺣﺴﻦ ﺍﻟﺤﻜﻤﺎ ﻓﻲ ﺍﻟﺴﻠﻄﻨﺔ . ﻗﺎﻟﺖ ﻟﻴﻬﻮ ﺳﻤﺢ ﻳﺎﻣﻮﻻﻱ .. ﺳﻤﻌﺎ"
    ﻭﻃﺎﻋﺔ .. ﺍﻟﻨﺴﻴﻢ ﺧﺎﻳﻔﺔ ﻋﻠﻰ ﺍﺑﻮﻫﺎ ﺍﻛﺘﺮ ﻣﻦ ﺭﻭﺣﻬﺎ .. ﺍﻟﻠﻪ ﻳﻠﻌﻦ ﺍﻟﻈﻠﻢ
    ﻭﺍﻟﻄﺎﻟﻤﻴﻦ ..
    ﺍﻻﻣﻴﺮ ﺭﻛﺐ ﻭﻓﺎﺕ .. ﻭﻗﺎﻝ ﻟﻴﻬﺎ ﺧﻼﺹ ﺍﻧﺎ ﺑﺠﻲ ﺑﺴﻮﻗﻚ ﺩﻭﺭ ﺍﻟﻠﻴﻠﻪ . ﻗﺎﻟﺖ ﻟﻴﻬﻮ
    ﺧﻼﺹ ﺭﺍﺟﻴﺎﻙ .. ﻟﺴﻊ ﻓﻲ ﺍﺳﺮﺍﺭ ﻛﺘﻴﺮﺓ ﻭﺩ ﺩﺍﺭ ﺍﻟﺰﻳﻦ ﻣﺎﻋﺎﺭﻓﻬﺎ .. ﻭﻣﺎﻣﻌﺮﻭﻑ
    ﻭﺩ ﺩﺍﺭ ﺍﻟﺰﻳﻦ ﻫﺪﻓﻮ ﺷﻨﻮ ﻣﻦ ﺍﻻﺳﺒﻮﻉ ﺩﻩ ؟
    ﻏﺎﻳﺘﻮ ﺍﻟﺮﺍﺟﻞ ﺳﻴﺎﺳﻲ ﻣﺤﻨﻚ .. ﻭﺫﻛﻲ ﻭﺑﻌﺮﻑ ﻳﻠﻌﺐ ﻛﻮﻳﺲ .. ﺍﻟﻨﺸﻮﻓﻮ ..
    ﺍﻭﻝ ﻣﻦ ﺍﻻﻣﻴﺮ ﻃﻠﻊ .. ﻭﺩ ﺩﺍﺭ ﺍﻟﺰﻳﻦ ﻗﻔﻞ ﺍﻟﺒﺎﺏ ﻭﺟﺎﺀ ﻟﻠﻨﺴﻴﻢ .. ﻗﺎﻝ ﻟﻴﻬﺎ
    ﺍﻧﺘﻲ ﻻﻗﻴﺘﻲ ﺍﻟﻤﻠﻌﻮﻥ ﺩﻩ ﻣﺘﻴﻦ ؟ .. ﻗﺎﻟﺖ ﻟﻴﻬﻮ ﺷﺎﻓﻨﻲ ﻳﻮﻡ ﻓﻮﻕ ﺍﻟﺒﻴﺮ ..
    ﻗﺎﻝ ﻟﻴﻬﺎ ﺍﻫﺎ ﻗﻮﻟﻲ .. ﻗﺎﻟﻚ ﺷﻨﻮ ؟
    ﻗﺎﻟﺖ ﻟﻴﻬﻮ ﻋﻠﻴﻚ ﺍﻟﻠﻪ ﻳﺎﺑﺎ ﺧﻠﻨﻲ ﻣﻦ ﻗﻮﻟﻮ .. ﺍﻧﺎ ﺩﺍﻳﺮﺍﻫﻮ ﺑﺲ ﺍﻧﺖ ﻣﺎﺗﻌﺎﺭﺽ ..
    ﻗﺎﻝ ﻟﻴﻬﺎ ﻳﺎ ﺍﻟﻨﺴﻴﻢ .. ﺍﻟﺰﻭﻝ ﺩﻩ ﻫﻮ ﺍﻟﺠﺒﺮﻙ ﺗﻄﻠﻘﻲ ﺭﺍﺟﻠﻚ .. ﻗﺎﻟﺖ ﻟﻴﻬﻮ ﻻﻻ ﻻ ..
    ﺑﺮﺍﻱ ﺭﺍﺟﻠﻲ ﻣﺎﻧﺪﺍﻳﺮﺍﻫﻮ ..
    ﻭﻫﺴﻊ ﻗﺖ ﺩﺍﻳﺮﺓ ﺍﻻﻣﻴﺮ .. ﻋﺸﺎﻥ ﺍﺑﻘﻰ ﻣﻠﻜﺔ .. ﺍﻧﺖ ﻣﺎﻟﻚ ﻳﺎﺑﺎ ﻣﺎﺑﻲ ﻟﻲ
    ﺍﻟﻤﻠﻚ؟ .. ﻗﺎﻝ ﻟﻴﻬﺎ ﻟﻜﻦ ﻳﺎ ﺍﻟﻤﻄﺮﻃﺸﺔ ﺍﻟﺰﻭﻝ ﺩﻩ ﻣﻠﻌﻮﻥ .. ﻭﺍﻟﻠﻪ ﻳﺨﻠﻴﻚ ﻓﻮﻕ
    ﺳﺮﻳﺮﻙ ﻭﻳﻤﺸﻲ ﻳﺠﻴﺐ ﺍﻟﺤﺮﻳﻢ ﻣﻦ ﺑﻴﻮﺕ ﺍﺑﻮﺍﺗﻦ ﺑﺎﻟﻘﻮﺓ .. ﺩﻩ ﺍﻧﺎ ﺳﻔﻴﻪ ﻭﺍﻧﺎ
    ﺑﻌﺮﻓﻮ ..
    ﻭﺍﻟﺘﺎﻳﺔ ﻃﺒﻌﺎ ﻣﻨﺪﻫﺸﺔ ﻭﻣﻄﻴﺮﺓ ﻋﻴﻮﻧﺎ .. ﻭﻗﺎﻟﺖ ﻟﻴﻬﻮ ﺍﻧﺎ ﻛﺎﻥ ﻗﻠﺒﻲ ﺣﺎﺱ
    ﺍﻟﻨﺴﻴﻢ ﺩﻱ ﺑﺘﺠﻴﺒﺎ ﻟﻴﻨﺎ ‏( ﺿﻘﻼ ﻳﻜﺮﻛﺐ ‏) .. ﻳﻌﻨﻲ ﺑﺘﺠﻴﺐ ﻟﻴﻨﺎ ﺍﻟﻜﻮﺍﺭﺙ ﻭﺍﻟﻤﺤﻦ .
    ﺍﻟﻨﺴﻴﻢ ﻗﺎﻟﺖ ﻟﻴﻬﻮ ﺑﺲ ﺍﻧﺖ ﻳﺎﺑﺎ ﺧﻠﻮ ﺍﺻﻠﻚ ﻣﺎﺗﻨﺎﻭﺷﻮ .. ﺍﻧﺎ ﺑﻘﺪﺭ ﻋﻠﻰ
    ﺳﻔﺎﻫﺘﻮ .. ﺍﻧﺎ ﺍﻥ ﺑﻘﻴﺖ ﻣﻠﻜﺔ ﻣﻜﺴﻮﺭﺓ؟
    ﺍﻟﻤﻬﻢ ﻳﺎﺯﻭﻝ ﺍﻟﻨﺴﻴﻢ ﺩﺧﻠﺖ ﺟﻮﺓ .. ﻭﺍﺧﺪﺕ ﻟﻴﻬﺎ ﺑﻜﻴﺔ ﺣﺎﺍﺍﺍﺭﺓ .. ﻭﺗﺎﻧﻲ ﻗﺎﻟﺖ
    ﺑﺮﺍﻫﺎ ﺍﺳﻜﺘﻲ ﺑﺎ ﺍﻟﻨﺴﻴﻢ .. ﻋﺸﺎﻥ ﺳﻼﻣﺔ ﺍﺑﻮﻱ ﻭﺳﻼﻣﺔ ﻭﺩ ﺍﻟﻮﺷﺎﺵ ﻛﻠﻮ
    ﻳﻬﻮﻥ .. ﻭﺩ ﺍﻟﻮﺷﺎﺵ ﺩﻩ ﺍﺑﺨﻮﺳﺔ ..
    ﺍﻟﻤﻬﻢ ﺑﺎﻛﺮ ﺍﻟﺼﺒﺎﺡ ﺑﺪﺭﻱ ﻭﺩ ﺩﺍﺭ ﺍﻟﺰﻳﻦ ﻗﺎﻡ ﻋﻠﻰ ﺳﻨﺎﺭ ﺍﻟﻤﺪﻳﻨﺔ .. ﻭﺩﺍﻳﺮ ﻳﻘﺎﺑﻞ
    ﺍﻟﻤﻠﻚ .. ﻣﺸﻰ ﻃﻮﺍﻟﻲ ﻛﻠﻢ ﺍﻟﺤﺮﺱ ﺍﻟﺨﺎﺹ ﻳﺒﻠﻐﻮ ﺍﻟﻤﻠﻚ ﺑﻲ ﻟﻘﺎﺀ ﻃﺎﺭﺉ ﻣﻊ ﻭﺩ
    ﺩﺍﺭ ﺍﻟﺰﻳﻦ ﻟﻤﻮﺿﻮﻉ ﺷﺨﺼﻲ ..
    ﻭﺟﺎﻫﻮ ﺍﻻﺫﻥ ﺑﺎﻟﺪﺧﻮﻝ ﻋﻠﻰ ﺍﻟﻤﻠﻚ .. ﺍﻟﻤﻠﻚ ﻛﺎﻥ ﻋﻨﺪﻭ ﺗﺮﺗﻴﺐ .. ﻟﻠﺠﻴﺶ ..
    ﻭﻛﺎﻧﺖ ﻓﻲ ﺍﻻﻳﺎﻡ ﺩﻳﻚ ﻓﻲ ﺣﺮﺏ ﻛﺎﻧﺖ ﻓﻲ ﺟﺒﺎﻝ ﺗﻘﻠﻲ .. ﻭﻛﺎﻥ ﻣﺸﻐﻮﻝ
    ﻭﻣﺘﻮﺗﺮ ..
    ﺩﺧﻞ ﻭﺩ ﺩﺍﺭ ﺍﻟﺰﻳﻦ .. ﻭﻛﺎﻥ ﺍﻻﺟﺘﻤﺎﻉ ﻣﻊ ﺍﻟﻘﺎﺩﺓ ﺍﻧﺘﻬﻰ . ﻭﺍﻟﻤﺠﻠﺲ ﻓﻀﻰ ﻟﻴﻬﻮ
    .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺍﺣﺘﺮﺍﻣﺎﺗﻲ ﻳﺎﻣﻮﻻﻱ .. ﻛﻼﻣﻲ ﺧﺎﺹ .. ﺍﻟﻤﻠﻚ ﺭﻓﻊ
    ﺍﻳﺪﻳﻬﻮ ﻭﺻﺮﻑ ﺍﻟﺤﺮﺱ ..
    ﻭﺩ ﺩﺍﺭ ﺍﻟﺰﻳﻦ ﺑﺪﺍ ﻟﻴﻬﻮ .. ﻗﺎﻝ ﻳﺎﻣﻮﻻﻱ ﺍﻧﺎ ﻭﺍﻗﻊ ﻓﻲ ﻋﺮﺿﻚ .. ﺍﺑﻨﻜﻢ ﺍﻟﻤﺼﻮﻥ
    ﺍﻻﻣﻴﺮ .. ﺍﺗﺴﺒﺐ ﻓﻲ ﻃﻼﻕ ﺑﻨﺘﻲ .. ﻭﺍﻻﻥ ﺟﺎﻳﻴﻨﻲ ﻳﺘﺰﻭﺟﻬﺎ .. ﻭﻳﺴﻮﻗﻬﺎ ﻗﺒﻞ
    ﻣﺎﺗﻜﺘﻤﻞ ﻋﺪﺗﻬﺎ ..
    ﺍﻟﻤﻠﻚ ﻗﺎﻝ ﻟﻴﻬﻮ ﻳﺎﻭﺩ ﺩﺍﺭ ﻃﻴﺐ ﺍﻧﺖ ﻣﺎﻟﻚ ﻣﺘﻈﻠﻢ؟ .. ﺍﻟﻤﺮﺍﺓ ﺍﺻﻼ ﻟﻠﺮﺟﺎﻝ ..
    ﻛﻮﻧﻮ ﺍﺗﺴﺒﺐ ﻓﻲ ﻃﻼﻗﻬﺎ ﺩﻩ ﻏﻠﻂ .. ﻭﺣﺼﻞ ﻭﺍﻧﺘﻬﻰ .. ﻭﻣﺎﻓﻲ ﺩﺍﻋﻲ ﻧﻌﺎﻗﺐ
    ﺍﻻﻣﻴﺮ .. ﻭﺭﻳﺚ ﺍﻟﻌﺮﺵ ﻓﻲ ﻏﻠﻂ ﺻﻐﻴﺮ .. ﻭﺣﺼﻞ ﻭﺍﻧﺘﻬﻰ .. ﻭﻛﻮﻧﻮ ﻳﺮﻳﺪ ﺍﻟﺰﻭﺍﺝ
    ﺑﻬﺎ .. ﺩﻩ ﻣﻦ ﺣﻈﻜﻢ .. ﻛﻮﻥ ﺑﻨﺘﻚ ﺗﻜﻮﻥ ﺍﻻﻣﻴﺮﺓ ﻓﻲ ﺍﻟﻘﺼﺮ ﺍﻟﻤﻠﻜﻲ .. ﺩﻩ
    ﺍﻟﻤﻔﺮﻭﺽ ﺍﻧﺖ ﺗﺘﺮﺟﺎﻧﻲ ﻋﺸﺎﻥ ﺍﻭﺍﻓﻖ ﻋﻠﻰ ﺍﻟﺰﻭﺍﺝ ﻫﺎﺩﺍ
    ﻗﺎﻝ ﻟﻴﻬﻮ ﻭﺍﻟﺤﻖ ﻳﺎﻣﻮﻻﻱ .. ﻟﻲ ﺍﻟﺸﺮﻑ ﺑﻲ ﻧﺴﺒﻜﻢ .. ﻟﻜﻦ ﺍﻻﻣﻴﺮ ﻳﺮﻳﺪ ﺍﻟﺰﻭﺍﺝ
    ﻗﺒﻞ ﺍﻧﺘﻬﺎﺀ ﺍﻟﻌﺪﺓ .
    ﺍﻟﻤﻠﻚ ﻗﺎﻝ ﻟﻴﻬﻮ ﻋﺪﺓ ﺷﻨﻮ ﻳﺎ ﻭﺩ ﺩﺍﺭ ﺍﻟﺰﻳﻦ؟؟ ﻫﺴﻊ ﺍﻟﺸﻐﺎﻝ ﺑﻲ ﻋﺪﺓ ﻣﻨﻮ؟؟ .
    ﺳﻠﻢ ﺍﻟﺒﺖ ﻟﻠﻮﻟﺪ .. ﻭﺍﻟﺒﺖ ﺍﺻﻼ ﻣﺼﻴﺮﻫﺎ ﺍﻟﺮﺟﺎﻝ . ﺑﺲ ﺍﻧﺖ ﻗﻮﻝ ﺍﻥ ﺷﺎﺀ ﺍﻟﻠﻪ
    ﺍﻻﻣﻴﺮ ﻳﻜﺘﻔﻲ ﺑﻴﻬﺎ .. ﺍﻟﻮﻟﺪ ﻃﺎﻟﻖ ﺣﺒﻠﻮ .. ﻭﻣﺎﻋﺎﺭﻑ ﺍﺳﻮﻱ ﻣﻌﺎﻫﻮ ﺷﻨﻮ؟
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻳﺎﻣﻮﻻﻱ .. ﺍﻟﻤﺮﺍﺓ ﺍﺫﺍ ﺍﻧﻜﺤﺖ ﻗﺒﻞ ﺍﻧﺘﻬﺎﺀ ﻋﺪﺗﻬﺎ ﻳﻌﺘﺒﺮ
    ﺯﻧﺎ .. ﻗﺎﻝ ﻟﻴﻬﻮ ﻳﺎﻭﺩ ﺍﻟﺰﻳﻦ .. ﺭﺑﻨﺎ ﻏﻔﻮﺭ ﺭﺣﻴﻢ ﻣﺎﺗﺸﺪﺩ ﻓﻲ ﺍﻻﻣﻮﺭ ..
    ﺑﻌﺪﻳﻦ ﻳﻌﻨﻲ ﻣﺎﻓﻲ ﻣﺬﻫﺐ ﻓﻲ ﺍﻟﺪﻳﻦ ﻳﺒﻴﺢ ﺍﻟﺰﻭﺍﺝ ﺑﺪﻭﻥ ﻋﺪﺓ ؟ ..
    ﻗﺎﻝ ﻟﻴﻬﻮ ﻻﻳﻮﺟﺪ ﻳﺎﻣﻮﻻﻱ .. ﻭﺩﻩ ﺍﺟﻤﺎﻉ ﺍﻻﺋﻤﺔ ﺍﻻﺭﺑﻌﺔ .. ﻗﺎﻝ ﻟﻴﻬﻮ ﺍﻻﺋﻤﺔ
    ﺍﻻﺭﺑﻌﺔ ﺩﻳﻞ ﺷﻨﻮ؟ .. ﻗﺎﻝ ﻟﻴﻬﻮ ﻣﺎﻟﻚ ﻭﺍﺑﻮﺣﻨﻴﻔﺔ ﻭﺍﻟﺸﺎﻓﻌﻲ ﻭﺍﺣﻤﺪ .. ﻗﺎﻝ ﻟﻴﻬﻮ
    ﺩﻳﻞ ﻭﻳﻦ ؟ ﻣﺎﻫﻢ ﻓﻲ ﺑﻠﺪﻧﺎ .. ﻧﺤﻦ ﺍﻟﻌﺎﻟﻢ ﻭﺍﻟﺸﻴﺦ ﺍﻟﺒﻨﻌﺮﻓﻮ ﺍﻟﺸﻴﺦ ﺍﻟﻌﺎﺭﻑ
    ﺑﺎﻟﻠﻪ ﻭﺩ ﺟﺎﺭ ﺍﻟﻨﺒﻲ . ﻗﺎﻝ ﻟﻴﻬﻮ ﻛﻮﻳﺲ ﻳﺎﻣﻮﻻﻱ .. ﻧﺎﺩﻳﻬﻮ ﺍﻟﻨﺸﻮﻑ ﺍﻟﻔﺘﻮﻯ ..
    ﻗﺎﻝ ﻟﻴﻬﻮ ﺗﺮﺍﻫﻮ ﻗﺮﻳﺐ ﻧﺎﺩﻱ ﺍﻟﺤﺮﺱ ﻣﻦ ﺑﺮﻩ ﻳﻨﺎﻭﻫﻮ ﻟﻴﻨﺎ ﻓﻲ ﺍﻟﺠﻨﺎﺡ ﺍﻟﻐﺮﺑﻲ
    ﻣﻦ ﺍﻟﻘﺼﺮ ., ﻣﺸﻮ ﻧﺎﺩﻱ ﺍﻟﺸﻴﺦ ﺍﻟﻌﺎﺭﻑ ﺑﺎﻟﻠﻪ ﻭﺩ ﺟﺎﺭ ﺍﻟﻨﺒﻲ .. ﺯﻭﻝ ﻣﻤﺴﻮﺥ
    ﻭﻗﺼﻴﺮ ﻭﺑﻄﻨﻮ ﻣﺎﺷﺔ ﻗﺪﺍﻣﻮ .. ﻭﺟﺎ ﺟﺎﺭﻱ ﺣﻔﻴﺎﻥ .. ﻭﺣﺎﻧﻒ ﻇﻬﺮﻭ ﺩﻻﻟﺔ ﻋﻠﻰ
    ﺍﻟﺨﻀﻮﻉ ﻭﺍﻟﺘﺬﻟﻞ .. ﻭﻗﻒ ﻗﺪﺍﻡ ﺍﻟﻤﻠﻚ ﺧﺎﺷﻊ ﻭﻗﺎﻝ ﻟﺒﻴﻚ ﻳﺎﻣﻮﻻﻱ .. ﺍﻟﻤﻠﻚ ﻗﺎﻝ
    ﻟﻴﻬﻮ ﻳﺎ ﺷﻴﺦ .. ﺍﻻﻣﻴﺮ ﻳﺮﻳﺪ ﺍﻟﺰﻭﺍﺝ ﺑﻲ ﺑﻨﺖ ﻫﺬﺍ .. ﻗﺒﻞ ﺍﻛﺘﻤﺎﻝ ﺍﻟﻌﺪﺓ ..
    ﻓﻤﺎﺭﺃﻳﻜﻢ؟ ..
    ﺍﻟﻌﺮﻑ ﺑﺎﻟﻠﻪ ﻗﺎﻟﻴﻬﻮ .. ﻳﺠﻮﺯ ﻣﻊ ﺍﻟﻜﺮﺍﻫﺔ .. ﻓﻘﻂ ﻳﻮﺻﻮ ﺍﻻﻣﻴﺮ ﺍﻥ ﻻﻳﻘﺘﺮﺏ ﻣﻨﻬﺎ
    .. ﻭﺩ ﺩﺍﺭ ﺍﻟﺰﻳﻦ ﻃﻴﺮ ﻋﻴﻨﻴﻬﻮ ﺑﺎﻟﺨﻠﻌﺔ ﻃﺒﻌﺎ ﻳﺎﺟﻤﺎﻋﺔ .. ﻭﺩ ﺩﺍﺭ ﺍﻟﺰﻳﻦ ﺑﻘﻰ ﺭﺍﺟﻞ
    ﻣﺘﻌﻠﻢ .. ﻻﻧﻮ ﻛﻞ ﻳﻮﻡ ﺳﺒﺖ ﺑﻤﺸﻲ ﻟﻠﺸﻴﺦ ﺍﺏ ﻛﻒ ﻳﺎﺧﺪ ﺩﺭﺱ .. ﻣﻦ ﺯﻣﻨﻮ
    ﺍﻟﺸﻜﺎ ﻓﻲ ﻣﺮﺍﺗﻮ .. ﺍﻫﺎ ﻫﺴﻊ ﻭﺩ ﺩﺍﺭ ﺍﻟﺰﻳﻦ ﻭﻛﺖ ﺳﻤﻊ ﺍﻟﻔﺘﻮﻯ ﺍﻟﺨﺎﻳﺴﺔ ﺩﻱ ..
    ﻗﺎﻝ ﻟﻴﻬﻮ ﻳﺎﺷﻴﺨﻨﺎ . ﻫﺬﻩ ﻟﻴﺴﺖ ﻓﺘﻮﻯ ... ﻫﺬﻩ ﻓﺴﻮﻯ .. ﺍﺗﻖ ﺍﻟﻠﻪ .. ﺍﻧﺖ
    ﻣﺴﺆﻭﻝ ﺍﻣﺎﻡ ﺍﻟﻠﻪ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻠﻤﻠﻚ ﻳﺎﻣﻮﻻﻱ ﺍﻟﻤﻮﻗﺮ .. ﺍﻧﺎ ﺍﻃﻠﺐ ﻣﻦ ﺟﻼﻟﺘﻜﻢ ﺍﺳﺘﺪﻋﺎﺀ
    ﺍﻟﺸﻴﺦ ﺍﻟﻌﺎﺭﻑ ﺑﺎﻟﻠﻪ ﺍﺏ ﻛﻒ .. ﺍﻟﻔﻲ ﺍﻟﻔﺎﺭﻏﺎﺕ ﻣﺎﺑﺨﻒ .. ﻻﻧﻪ ﻓﻘﻴﻪ ﻓﻲ ﺍﻟﺪﻳﻦ
    ﻭﻻﻳﺤﺸﻰ ﺍﻻ ﺍﻟﻠﻪ ..
    ﺍﻟﻤﻠﻚ ﻗﺎﻝ ﻟﻴﻬﻮ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻧﺖ ﺑﻘﻴﺖ ﺍﻧﺴﺎﻥ ﻣﺘﻤﺮﺩ .. ﻭﻛﻼﻣﻚ ﻛﺘﻴﺮ ..
    ﻭﺍﻟﺸﻴﺦ ﺍﺑﻜﻒ ﻣﻦ ﺍﻟﺸﻴﻮﺥ ﺍﻟﻤﺘﺸﺪﺩﻳﻦ . ﻭﻫﻢ ﻣﺪﺭﺳﺔ ﺍﻟﺸﻴﺦ ﻓﺮﺡ
    ﻭﻻﺗﻨﻔﻊ ﻓﺘﺎﻭﻳﻬﻢ ﻣﻊ ﺍﻟﻤﻠﻮﻙ ..
    ﻗﺮﺍﺭﻱ ﺍﻻﻭﻝ ﻭﺍﻻﺧﻴﺮ .. ﺑﺘﻚ ﻣﻦ ﻧﺼﻴﺐ ﺍﻻﻣﻴﺮ .. ﻳﻮﻣﻮ ﺍﻟﻴﺠﻲ ﻣﺎﻳﺠﻲ ﻳﺎﺧﺪﻫﺎ
    ﺍﻧﺖ ﻣﺎﺗﻌﺘﺮﺽ .. ﺍﻧﺘﻬﺖ ﺍﻟﺠﻠﺴﺔ .. ﻗﺎﻝ ﻟﻴﻬﻮ ﺳﻤﻌﺎ" ﻭﻃﺎﻋﺎ" ﻳﺎﻣﻮﻻﻱ ..
    ﻭﺩ ﺩﺍﺭ ﺍﻟﺰﻳﻦ ﻃﺒﻌﺎ" ﺍﺗﻀﺎﻳﻖ ﺿﻴﻖ ﺷﺪﻳﺪ .. ﻭﻣﺎﺭﺟﻊ ﺍﻟﺤﻠﺔ .. ﺭﺟﻊ ﻟﻠﺸﻴﺦ ﺍﺏ ﻛﻒ
    .. ﻭﺣﻜﻰ ﻟﻴﻬﻮ ﺍﻟﻘﺼﺔ ﻣﻦ ﺍﻭﻻ ﻟﻲ ﺍﺧﺮﻫﺎ ..
    ﺍﻟﺸﻴﺦ ﺍﺏ ﻛﻒ ﻗﺎﻝ ﻻ ﺍﻟﻪ ﺍﻻ ﺍﻟﻠﻪ .. ﺭﺑﻨﺎ ﻻﺗﺴﻠﻂ ﻋﻠﻴﻨﺎ ﺑﺬﻧﻮﺑﻨﺎ ﻣﻦ ﻻﻳﺨﺎﻓﻚ ﻭﻻ
    ﻳﺮﺣﻤﻨﺎ .. ﺍﻟﻠﻬﻢ ﺍﻧﺎ ﻧﺴﺄﻟﻚ ﺍﻥ ﺗﻘﻠﻊ ﻣﻦ ﺑﻼﺩﻧﺎ ﻛﻞ ﺯﻧﺪﻳﻖ ﻣﺘﻜﺒﺮ ﻣﺘﺴﻠﻂ ﻋﻠﻰ
    ﺍﻟﻌﺒﺎﺩ .. ﻭﻻﻳﺨﺸﺎﻙ .. ﺍﻟﻠﻬﻢ ﻋﻠﻴﻚ ﺑﻪ ﻭﺑﺎﺑﻨﻪ ﻳﺎﺟﺒﺎﺭ ﺍﻟﺴﻤﻮﺍﺕ ﻭﺍﻻﺭﺽ .. ﺍﻣﻴﻦ
    ﺍﻣﻴﻦ ..
    ﻭﻣﺴﺢ ﻭﺷﻮ ﺑﻲ ﻳﺪﻳﻬﻮ .. ﻭﺩ ﺩﺍﺭ ﺍﻟﺰﻳﻦ ﺣﺲ ﺍﻧﻮ ﺍﻟﺸﻴﺦ ﺩﻩ ﺩﻋﻮﺗﻮ ﺍﺳﺘﺠﻴﺒﺖ ..
    ﻻﻣﻦ ﺟﺴﻤﻮ ﻛﺸﻪ .. ﻗﺎﻝ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻴﻚ ﻳﺎﺷﻴﺨﻲ .. ﺍﻫﺎ ﻫﺴﻊ ﺍﻧﺎ
    ﺍﺗﺼﺮﻑ ﻛﻴﻒ ..
    ﻗﺎﻝ ﻟﻴﻬﻮ ﺍﻧﺖ ﻋﻤﻠﺖ ﺍﻟﻌﻠﻴﻚ .. ﻭﻓﻲ ﺍﻟﻨﻬﺎﻳﺔ ﻛﺎﻥ ﺳﺎﻗﻮ ﺍﻟﺒﺖ .. ﻫﻢ ﺍﻟﻤﺴﺆﻟﻴﻦ
    ﺍﻣﺎﻡ ﺍﻟﻠﻪ ﻣﺎ ﺍﻧﺖ .. ﺍﻧﺖ ﻋﺒﺪ ﺿﻌﻴﻒ .. ﻣﺎﻋﻨﺪﻙ ﺳﻠﻄﺎﻥ ﻣﺘﻞ ﺍﻟﻤﻠﻮﻙ ﻭﺭﺑﻨﺎ ﻋﺎﻟﻢ
    ﺑﻲ ﺣﺎﻟﻚ ..
    ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺷﻴﺨﻨﺎ ﺍﻧﺎ ﻣﺎ ﻋﻨﺪﻱ ﻣﺎﻧﻊ ﺍﻋﺮﺳﻬﺎ ﻟﻴﻬﻮ ﺍﺻﻼ .. ﻟﻜﻦ ﻛﻮﻧﻬﻢ
    ﻳﺴﻮﻗﻮﻫﺎ ﻗﺒﺎﻝ ﺍﻟﻤﺪﺓ ﺍﻟﻤﺸﺮﻭﻋﺔ .. ﺍﻟﻜﻼﻡ ﺩﻩ ﺑﺪﻭﺱ ﻭﺷﻲ ﻓﻲ ﺍﻟﺘﺮﺍﺏ
    .. ﻭﺑﻬﻴﻦ ﻛﺮﺍﻣﺘﻲ ﻭﻛﺮﺍﻣﺔ ﺑﺘﻲ .. ﻭﺍﻟﻠﻪ ﻣﻤﻜﻦ ﺍﻋﺘﺰﻝ ﺍﻟﻤﺠﻠﺲ ﻭﺍﻫﺎﺟﺮ ﻣﻦ
    ﺍﻟﺒﻠﺪ .. ﺩﻩ ﺍﻛﺎﻥ ﻣﺎ ﺟﺎﻧﻲ ﻣﺮﺽ ﻭﻻ ﻣﺼﻴﺒﺔ ﺯﻣﺎﻥ ..
    ﺍﻟﺸﻴﺦ ﺍﺏ ﻛﻒ .. ﺳﻜﺖ ﻣﺴﺎﺍﺍﺍﻓﺔ .. ﻭﻗﺎﻝ ﻟﻴﻬﻮ ﺍﻧﺖ ﺍﻣﺶ .. ﺭﺑﻨﺎ ﺑﺤﻠﻚ .. ﺍﻥ ﺷﺎﺀ
    ﺍﻟﻠﻪ ﺍﻟﻠﻪ ﻗﺒﺎﻝ ﺍﻟﺴﺒﻌﺔ ﻳﻮﻡ ﺩﻳﻞ ﻳﻨﺘﻬﻦ .. ﺍﻟﺤﻞ ﺑﺠﻴﻚ ..
    ﺍﻟﻰ ﺍﻟﻠﻘﺎﺀ
    أســرَار الـزمان .. طارق اللبيبحيث تعيش القصص. اكتشف الآن