أســرَار الـزمان .. طارق اللبيب
جدول المحتويات

    أنت تقرأ

    أســرَار الـزمان .. طارق اللبيب

    Random

    ﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...

    #اسرار #الزمان #اللبيب #سوداني #طارق

    ( 4 )

    1.3K 22 1 
                                        
    
                                              
    ﺍﻟﺒﺸﻴﺮ ﻗﺎﻝ ﻟﻴﻬﻢ ﺍﻧﺎ ﺩﺍﻳﺮ ﺍﻟﺸﺒﺎﻙ ﺑﺖ ﻣﻮﺳﻰ .. ﻭﻫﻲ ﺑﺮﺍﻫﺎ ﺩﺍﻳﺮﺍﻧﻲ .. ﺍﻣﺸﻮ
    ﻋﻠﻴﻬﺎ ﺍﺳﻌﻠﻮﻫﺎ .. ﻭﺩ ﺩﺍﺭ ﺍﻟﺰﻳﻦ ﻗﺎﻟﻴﻬﻮ ﺍﻟﻜﻼﻡ ﺩﻩ ﻣﻦ ﻣﺘﻴﻦ ﻳﺎﻋﻤﻲ؟ .. ﻗﺎﻝ
    ﻟﻴﻬﻮ ﻭﺍﻟﻠﻪ ﻣﻦ ﻃﻮﻝ ..
    ﻃﺒﻌﺎ" ﺍﻟﺸﺒﺎﻙ ﻓﻲ ﺍﻟﺨﻤﺴﺔ ﻭﺍﺭﺑﻌﻴﻦ .. ﻭﺭﺍﺟﻠﻬﺎ ﻣﻴﺖ ﻣﺎﻋﻨﺪﻫﺎ ﻣﻨﻮ ﺟﻨﻰ ..
    ﻗﺎﻋﺪﺓ ﺑﺮﺍﻫﺎ ﻭﻣﺘﻮﺣﺪﻩ .. ﻭﺍﻟﺒﺸﻴﺮ ﻛﻤﺎﻥ ﻣﺘﻮﺣﺪ ..
    ﻗﺎﻝ ﻟﻬﻢ ﻭﻗﺖ ﺑﺘﻲ ﺗﻜﻮﻥ ﻋﻴﺎﻧﺔ .. ﻭﻻ ﻋﻨﺪﻫﺎ ﺍﻱ ﺷﻐﻼﻧﺔ ﺗﺤﻤﻴﻬﺎ ﺍﻟﺠﻴﺔ ..
    ﺍﻟﺸﺒﺎﻙ ﺑﺘﺠﻴﺐ ﻟﻲ ﺍﻻﻛﻞ .. ﻭﺗﻘﻮﻝ ﻟﻲ ﻏﺎﻳﺘﻮ ﻳﺎ ﺍﻟﺒﺸﻴﺮ .. ﺍﻧﺎ ﻭﺍﻧﺖ ﻟﻴﻨﺎ ﺍﻟﻠﻪ ..
    ﺭﺑﻨﺎ ﻳﺸﻮﻑ ﺣﺎﻟﻨﺎ ..
    ﻭﺩ ﺩﺍﺭ ﺍﻟﺰﻳﻦ ﺳﺎﻕ ﺍﺑﺨﻮﺳﺔ .. ﻭﻣﺸﻮ ﻟﻲ ﻧﺎﺱ ﻣﻮﺳﻰ ﻣﻦ ﺳﺎﻋﺘﻬﻢ ﺩﻳﻚ ..
    ﻭﺷﺮﺑﻮ ﻣﻌﺎﻫﻮ ﺍﻟﻘﻬﻮﺓ .. ﻭﻗﺎﻝ ﻟﻴﻬﻮ ﺩﺍﻳﺮﻳﻦ ﺍﻟﺸﺒﺎﻙ ﻟﻠﺒﺸﻴﺮ .. ﻭﻓﻲ ﻗﻌﺪﺗﻬﻢ
    ﺩﻱ ﺍﺑﻮﻫﺎ ﻗﺎﻝ ﻟﻬﻢ ﻣﺒﺮﻭﻙ .. ﺍﺩﻳﻨﺎﻛﻢ ﺍﻗﺮﻭ ﺍﻟﻔﺎﺗﺤﺔ . ﻗﺮﻭ ﺍﻟﻔﺎﺗﺤﺔ ﻭﻗﺎﻟﻮ
    ﻟﻠﺤﺮﻳﻢ ﺯﻏﺮﺩﻥ .. ﺍﻟﺤﺮﻳﻢ ﺯﻏﺮﺩﻥ ﻭﻗﺎﻟﻮ ﺍﻟﺸﺒﺎﻙ ﻋﻘﺪﻭ ﻟﻴﻬﺎ ﻋﻠﻰ ﺍﻟﺒﺸﻴﺮ ..
    ﻭﺟﺎﺑﻮ ﺍﻟﺠﻤﻞ ﺑﻲ ﺍﻟﺸﺒﺮﻳﺔ ‏( ﺍﻟﻬﻮﺩﺝ ‏) ﺭﻛﺒﻮﻫﺎ ﻭﺩﻭﻫﺎ ﻟﻴﻬﻮ .. ﻭﺷﺎﻳﻠﻪ ﻫﺪﻳﻤﺎﺗﻬﺎ
    ﻓﻲ ﻣﺨﻼﻳﺔ ﺷﻌﺮ .. ﻋﺮﺱ ﻭﺗﻢ .. ﻻﻗﺮﺵ ﻻﺗﻌﺮﻳﻔﺔ .. ﻻﺻﺮﻑ ﻻﻗﻮﻣﺔ ﻻﻗﻌﺪﺓ ..
    ﻻﺷﻴﻠﺔ ﻻﺻﺎﻟﺔ .. ﻻ ﺟﻮﻃﺔ ﻻ ﻫﻮﺳﻪ ...
    ﺍﻫﺎ ﻳﺎﺯﻭﻝ ﺍﻟﺒﺸﻴﺮ ﻭﻗﺖ ﺍﻟﻤﺮﺍﺓ ﻭﺻﻠﺘﻮ .. ﺑﻘﻰ ﻳﺮﺟﻒ ﺯﻱ ﺍﻟﻘﺼﺒﺔ .. ﻭﻗﺎﻝ ﻧﺎﺩﻭ
    ﻟﻲ ﻭﺩ ﺩﺍﺭ ﺍﻟﺰﻳﻦ ﻭﺍﺑﺨﻮﺳﺔ ..
    ﻭﻛﺖ ﺟﻮﻫﻮ .. ﻗﺎﻝ ﻟﻴﻬﻮ ﻳﺎﺟﻤﺎﻋﺔ ﺍﻟﻠﻪ ﻳﺮﺿﻰ ﻋﻠﻴﻜﻢ .. ﺍﻟﺤﺠﻞ ﺩﻩ ﻣﺎﺗﻬﺒﺸﻮﻩ ..
    ﺍﻟﺤﺠﻞ ﺩﻩ ﺑﺪﻣﺮ ﺣﻴﺎﺓ ﺍﻟﻨﺎﺱ ﺍﻧﺎ ﺑﻌﺮﻓﻮ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻳﺎﺯﻭﻝ ﺍﻧﺖ ﺍﻣﺴﻚ ﻣﺮﺗﻚ ﺩﻱ .. ﻭﺗﺎﻧﻲ ﻣﺎﻙ ﻣﺴﻌﺆﻝ ..
    ﻟﻜﻦ ﻋﺎﺩ ﻋﺮﺱ ﺍﻟﻨﺴﻴﻢ ﺟﻬﺰﻭﻟﻮ .. ﻭﺩ ﺩﺍﺭ ﺍﻟﺰﻳﻦ ﺧﺖ ﺍﻟﻨﻘﻂ ﻓﻮﻕ ﺍﻟﺤﺮﻭﻑ ..
    ﻭﻗﺎﻝ ﻟﻴﻬﻮ ﻳﺎﺍﺑﺨﻮﺳﺔ .. ﺑﻌﺪ ﺍﻟﻌﺮﺱ ﺗﺠﻮ ﺍﻧﺖ ﻭﺍﻣﻚ ﻭﺍﺑﻮﻙ ﻭﺑﻲ ﻣﺮﺗﻚ ﺗﺴﻜﻦ
    ﻣﻌﺎﻱ .. ﺍﻟﺒﻴﺖ ﺷﺎﻳﻠﻜﻢ ..
    ﺍﺏ ﺧﻮﺳﺔ ﻗﺎﻝ ﻟﻴﻬﻮ ﺍﻧﺎ ﺍﺧﻮﻙ ﺍﺕ .. ﻭﺍﻟﻠﻪ ﺩﻱ ﺍﺑﺨﻮﺳﺔ ﻣﺎﺑﺴﻮﻳﻬﺎ ..
    ﺍﻧﺖ ﺩﺍﻳﺮ ﺗﻌﺮﺳﻨﻲ .. ﻭﻻ ﺩﺍﻳﺮ ﺗﻌﺮﺱ ﻟﻲ ﺑﺘﻚ .. ﺍﻻﻭﻟﻮ ﺷﺮﻁ ﺍﺧﺮﻭ ﻧﻮﺭ .. ﺍﻧﺎ
    ﺑﻌﺮﺱ ﻣﺮﺗﻲ ﻭﺑﺴﻮﻗﻬﺎ ﺗﺴﻜﻦ ﻣﻌﺎﻱ ﻓﻲ ﺍﻟﺨﻼ .. ﺍﻛﺎﻥ ﻣﻮﺍﻓﻖ ﺁﺍﺧﻮﻱ ﻧﺘﻢ ..
    ﻭﻛﺎﻥ ﻋﻨﺪﻙ ﺭﺍﻱ ﺍﺧﺮ ﻗﻮﻟﻮ ﻟﻲ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺭﺍﻱ ﺷﻨﻮ؟؟
    ﺍﻧﺎ ﻛﻤﺎﻥ ﺑﻨﻂ ﻛﻢ ﻛﻠﻤﺘﻲ .. ﺍﻧﺎ ﻭﺍﻟﻠﻪ ﺑﺲ ﻛﺖ ﺩﺍﻳﺮ ﺍﺭﻳﺤﻚ .. ﻭﺍﺭﻳﺢ ﺍﻫﻠﻚ ﻭﺑﺘﻲ ..
    ﺍﻫﺎ ﻳﺎﺧﻮﻱ ﺑﻌﺪ ﻋﺮﺳﻨﺎ ﻟﻠﺒﺸﻴﺮ ﻋﻤﻲ .. ﺗﻤﺸﻲ ﺗﻮﺭﻳﻨﻲ ﻣﺤﻞ ﺍﻟﺤﺠﻞ ﻭﻻﻛﻤﺎﻥ
    ﺍﻻ ﺗﻌﺮﺱ ﺍﻧﺖ ؟
    ﻗﺎﻝ ﻟﻴﻬﻮ ﻻﻻ ﻳﺎ ﻭﺩ ﺩﺍﺭ ﺍﻟﺰﻳﻦ .. ﺍﻭﺭﻳﻚ ﻟﻴﻬﻮ ﺍﻭﻝ .. ﺍﻟﻌﺮﺱ ﻣﻠﺤﻮﻕ ..
    ﻟﻜﻦ ﺍﻧﺎ ﺩﺍﻳﺮﻙ ﺗﺤﻜﻲ ﺣﻜﺎﻳﺔ ﺍﻟﺤﺠﻞ ﺩﻩ ﺷﻨﻮ؟ .. ﺍﻧﺖ ﺗﻘﻮﻝ ﻓﻴﻬﻮ ﺳﺮ .. ﻭﻋﻤﻚ
    ﻳﻘﻮﻝ ﻓﻴﻬﻮ ﻟﻌﻨﺔ .. ﺣﻴﺮﺗﻮﻧﻲ ﻭﺟﺒﺘﻮ ﻟﻲ ﻣﺨﻮﻟﺔ ﻓﻲ ﻣﺨﻲ .. ﻗﺎﻝ ﻟﻴﻬﻮ ﻛﻮﻳﺲ ﻳﺎ
    ﺍﺑﺨﻮﺳﺔ ﺍﻧﺎ ﺑﺤﻜﻲ ﻟﻚ .. ﺣﺒﻮﺑﺘﻲ ﺍﻡ ﺍﺑﻮﻱ ﻛﺎﻧﺖ ﺍﻟﻠﻪ ﻳﺮﺣﻤﻬﺎ ﺯﻭﻟﺔ ﺣﻼﻣﺔ .. ﺑﺲ
    ﺗﺮﻗﺪ ﺗﺤﻠﻢ ﻟﻬﺎ ﺑﻲ ﺣﻠﻢ .. ﺗﻘﻮﻡ ﺍﻟﺼﺒﺎﺡ ﺗﻨﻀﻢ ﺑﻴﻬﻮ ﻭﻳﻄﻠﻊ ﺻﺎﺡ . ﺍﻫﺎ ﻳﻮﻡ ﺣﻠﻤﺖ
    ﺑﻲ ﺟﻤﺎﻋﺔ ﻗﺎﻟﻮ ﻟﻴﻬﺎ ﻧﺤﻦ ﺩﺍﻳﺮﻳﻦ ﻧﺪﻳﻚ ﻫﺪﻳﺔ .. ﺍﻫﺎ ﺑﺲ ﺍﺩﻭﻫﺎ ﺍﻟﺤﺠﻞ ﺩﻩ .
    ﻟﻜﻦ ﺍﻟﺴﺮ ﺍﻟﻔﻴﻬﻮ ﺷﻨﻮ ﺍﻧﺎ ﻣﺎﺑﻨﻀﻢ ﺑﻴﻬﻮ .. ﻟﻜﻦ ﻭﺍﻟﻠﻪ ﺍﻟﺤﻘﻴﻘﺔ ﺍﻟﺴﺮ ﺍﻟﻔﻴﻬﻮ ..
    ﻣﺮﺍﺕ ﺑﻜﻮﻥ ﺧﻴﺮ .. ﻣﺮﺍﺕ ﺑﻜﻮﻥ ﻟﻌﻨﺔ ﻟﻜﻦ ﺿﺮﻭﻱ .. ﻭﺍﻧﺎ ﻛﻠﻮ ﺑﻌﺮﻓﻮ ..
    ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻭﺩ ﺩﺍﺭ ﺍﻟﺰﻳﻦ ﺣﻴﺮﺗﻨﻲ .. ﻟﻜﻦ ﻳﺎﺯﻭﻝ ﺧﻴﺮ ﺍﻥ ﺷﺎﺀ ﺍﻟﻠﻪ .. ﺍﻟﺤﺠﻞ
    ﻓﻲ ﺍﻟﺤﺘﺔ ﺍﻟﻔﻼﻧﻴﺔ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺧﻼﺹ ﺍﻧﺎ ﻋﺮﻓﺖ ﺍﻟﻮﺻﻒ .. ﺑﺲ
    ﻣﺎﺗﻘﻮﻟﻮ ﻟﻲ ﺯﻭﻝ .. ﻗﺎﻟﻴﻬﻮ ﺍﻓﻮ ﺍﻧﺎ ﺍﺧﻮﻙ ﺍﺕ .. ﻛﻴﻒ ﺍﻣﺮﻕ ﺍﻟﺴﺮ ﺍﻟﻘﺪﺭ ﺩﻩ ..
    ﺍﻟﻤﻬﻢ ﻳﺎﺯﻭﻝ ﺍﻟﺨﺒﺮ ﺍﻧﺘﺸﺮ ﻓﻲ ﻛﻞ ﺍﻟﺒﻠﺪ .. ﺍﻧﻮ ﺍﻟﺒﺸﻴﺮ ﻭﺭﻯ ﺍﺑﺨﻮﺳﺔ ﻣﺤﻞ
    ﺍﻟﺤﺠﻞ .. ﻭﺍﺑﺨﻮﺳﺔ ﺣﻴﻌﺮﺱ ﺍﻟﻨﺴﻴﻢ ..
    ﻭﺣﺪﺩﻭ ﺍﻟﻴﻮﻡ .. ﻭﺍﻟﺪﻧﻴﺎ ﻛﻠﻬﺎ ﺟﺎﻃﺖ ﻭﻫﺎﺻﺖ ..
    ﻳﻮﻡ ﻗﺒﻞ ﺍﻟﻌﺮﺱ ﺑﻴﻮﻣﻴﻦ ﺗﻼﺗﺔ ﻣﻦ ﺍﻟﺼﺒﺎﺡ .. ﻭﺩ ﺩﺍﺭ ﺍﻟﺰﻳﻦ ﻣﺸﻰ ﻋﻠﻰ ﺣﺴﺐ
    ﺍﻟﻮﺻﻒ .. ﻭﺻﻞ ﺍﻟﺸﺪﺭﺓ ﺑﺘﺎﻋﺔ ﺍﻟﺴﺪﺭ .. ﺍﻟﻔﻲ ﺣﻮﺵ ﺍﺣﻤﺪ ﻭﺩ ﺍﻻﻣﻴﻦ .. ﻭﺍﺧﺪ
    ﻣﻨﻬﺎ ﺷﺮﻕ ﺧﻤﺴﺔ ﺧﻄﻮﺍﺕ .. ﻭﺳﻼ ﺳﻜﻴﻨﻮ ﺍﻟﻼﺑﺴﻬﺎ ﻓﻲ ﺿﺮﺍﻋﻮ .. ﻭﺣﻔﺮ ﻓﻲ
    ﺍﻟﻮﺍﻃﺔ .. ﻭﻃﻠﻊ ﺍﻟﺤﺠﻞ ﻭﻧﻔﻀﻮ ﻣﻦ ﺍﻟﺘﺮﺍﺏ .. ﻭﻧﻔﺨﻮ ﺗﺐ ﻭﻭﻟﻔﺎﻫﻮ ﻓﻲ ﺩﻟﻘﺎﻥ
    ﻛﺎﻥ ﺷﺎﻳﻠﻮ ﻣﻌﺎﻫﻮ .. ﻭﺷﺎﻟﻮ ﻭﻣﺸﻰ ﻭﺻﻞ ﺍﻟﺒﻴﺖ ..
    ﻭﻗﺎﻝ ﻟﻠﺘﺎﻳﺔ ﺍﻧﺎ ﻳﺎ ﺍﻟﺘﺎﻳﺔ ﺟﺒﺖ ﺍﻟﺤﺠﻞ .. ﻧﺎﺩﻱ ﻟﻲ ﺍﻟﻨﺴﻴﻢ .. ﺍﻟﻨﺸﻮﻓﻮ ﻗﺪﺭﻫﺎ
    .. ﻗﺎﻟﺖ ﻟﻴﻬﺎ ﺗﻌﺎﻟﻲ ﻳﺎ ﺍﻟﻨﺴﻴﻢ ..
    ﺍﻟﻨﺴﻴﻢ ﻣﺰﻳﻨﺔ ﻭﻣﺠﻴﻬﺔ ﻭﻣﺪﻟﻜﺔ ﺑﺎﻟﺼﻨﺪﻝ ﻭﺍﻟﻤﺤﻠﺐ .. ﺍﻟﻤﻬﻢ ﻋﺮﻭﺱ ﺗﺐ ﻓﻲ
    ﻛﺎﻣﻞ ﺯﻳﻨﺘﻬﺎ ﻭﺟﺴﻤﻬﺎ ﺩﻩ ﺯﻱ ﺍﻟﺪﻫﺐ .. ﻭﺗﺸﺒﻪ ﺍﻟﻠﺆﻟﺆ ﻭﺍﻟﻴﺎﻗﻮﺕ .. ﻭﺷﻌﺮﻫﺎ ﺩﻩ
    ﻧﺎﺯﻝ ﻓﻮﻕ ﺣﻘﻮﺓ ﺍﻟﺮﺣﻂ ..
    ﺍﻫﺎ ﻭﻛﺖ ﺟﺎﺕ .. ﻗﺎﻝ ﻟﻴﻬﺎ ﻣﺪﻱ ﻛﺮﺍﻋﻚ ﺟﺎﻱ ﻳﺎ ﺍﻟﻨﺴﻴﻢ .. ﻣﺪﺕ ﻛﺮﺍﻋﻬﺎ ..
    ﻭﻟﺒﺴﻬﺎ ﺍﻟﺤﺠﻞ ﻓﻲ ﻛﺮﺍﻋﻬﺎ ﺍﻟﺸﻤﺎﻝ .. ﺑﺲ ﺍﻟﻨﺴﻴﻢ ﻣﻦ ﺍﻟﺤﺠﻞ ﺩﺧﻞ ﻓﻲ
    ﻛﺮﺍﻋﻬﺎ .. ﻗﻌﺪﺕ ﺗﻨﻜﺮﺵ ﻭﺗﺘﺤﻚ .. ﻭﻃﻠﻊ ﻣﻨﻬﺎ ﺍﻟﺤﺠﻞ ﻭﺑﺮﺿﻮ ﺗﻨﻜﺮﺵ ﻭﺗﺘﺤﻚ ..
    ﻭﺗﺒﻜﻲ ﻣﻦ ﺍﻻﻟﻢ .. ﻭﺍﺑﻮﻫﺎ ﻧﻄﻂ ﻋﻴﻨﻴﻬﻮ ﻳﻌﺎﻳﻦ ﻟﻴﻬﺎ ﻣﺨﻠﻮﻉ .. ﻭﺍﻟﻨﺴﻴﻢ ﻳﺎﺯﻭﻝ
    ﺑﻘﺖ ﺗﻨﺤﻚ ﻻﻣﻦ ﺳﻠﺨﺖ ﺟﻠﺪﻫﺎ ..
    ﻭﺍﻳﺪﻳﻬﺎ ﻭﺳﻴﻘﺎﻧﻬﺎ ﻭﺻﺪﺭﻫﺎ ﺑﻘﻦ ﻣﺴﻠﺨﺎﺕ ﺣﻤﺮ ﻭﻳﻜﺒﻦ ﻓﻲ ﺍﻟﺪﻡ ..
    ﻭﻗﺎﻣﺖ ﺟﺎﺭﻳﺔ ﻋﻠﻰ ﺍﻭﺿﺘﻬﺎ ﺗﺘﺼﺮﻭﻉ ﺯﻱ ﺍﻟﺒﻘﺮﺹ ﻓﻴﻬﺎ ﻧﺤﻞ ..
    ﻭﺍﺑﻮﻫﺎ ﻳﺴﻮﻱ ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﻻ ﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﺩﻩ ﺍﻟﺸﻲ
    ﺍﻟﻜﻨﺖ ﺧﺎﻳﻒ ﻣﻨﻮ ..
    ﺍﻟﺘﺎﻳﺔ ﺑﻘﺖ ﺗﺒﻜﻲ ﻋﻠﻰ ﺑﺘﻬﺎ .. ﻭﻣﺴﺘﻐﺮﺑﺔ ﻓﻲ ﺍﻟﺮﺍﺟﻞ ﺍﻟﻤﻐﻤﻮﻡ ﺩﻩ ﻣﺎﻟﻮ؟؟
    ﻗﺎﻟﺖ ﻟﻴﻬﻮ ﺍﻟﺤﺠﻞ ﺩﻩ ﻓﻴﻬﻮ ﺷﻨﻮ ﻳﺎ ﺍﺑﻮﺍﻟﻨﺴﻴﻢ؟ ..
    ﻗﺎﻝ ﻟﻴﻬﺎ ﺗﺎﻧﻲ ﻟﻲ ﻣﻌﻠﻮﻣﻴﺘﻚ ﻣﺎﺗﻘﻮﻟﻲ ﻟﻲ ﻳﺎ ﺍﺑﻮ ﺍﻟﻨﺴﻴﻢ .. ﺍﻟﻨﺴﻴﻢ ﻣﺎ ﺑﺘﻲ ..
    ﻗﺎﻟﺖ ﻟﻴﻬﻮ ﺳﺠﻢ ﺧﺸﻤﻲ ﺩﻩ ﻛﻼﻡ ﺷﻨﻮ؟
    ﻗﺎﻝ ﻟﻴﻬﺎ ﺍﻟﺤﺠﻞ ﺩﻩ ﻓﻴﻬﻮ ﺳﺮ .. ﺍﻛﺎﻥ ﻟﺒﺴﻮ ﻭﺩ ﺍﻟﺤﺮﺍﻡ ﻓﻲ ﻛﺮﺍﻋﻮ ﺍﻟﺸﻤﺎﻝ ..
    ﺑﻤﺮﺿﻮ ﺍﻛﺎﻥ ﻟﺒﺴﻮ ﻭﺩ ﺍﻟﺤﻼﻝ ﺑﺴﻌﺪﻭ .. ﻭﺍﻧﺎ ﻛﻨﺖ ﺩﺍﻳﺮ ﺍﺗﺎﻛﺪ ﻣﻦ ﺍﻟﻨﺴﻴﻢ ﺩﻱ
    ﺑﺘﻲ ﻭﻻ ﻣﻲ ﺑﺘﻲ .. ﻭﻫﺴﻊ ﺑﺎﻟﺤﺠﻞ ﺍﺗﺎﻛﺪﺕ ﺍﻧﻮ ﺍﻟﻨﺴﻴﻢ ﺑﺖ ﺣﺮﺍﻡ .. ﺍﻧﺎ ﻣﺎ ﺍﺑﻮﻫﺎ
    ..
    ﺍﻟﺤﺠﻞ ﺩﻩ ﻳﺎ ﺍﻟﺘﺎﻳﺔ ﻛﺸﻒ ﻧﺎﺱ ﻛﺘﻴﺮﻳﻦ ﺯﻣﺎﻥ .. ﺍﻱ ﺭﺍﺟﻞ ﺑﻜﻮﻥ ﺷﺎﻛﻲ ﻓﻲ
    ﻭﻟﺪﻭ .. ﻻ ﻓﻲ ﺑﺘﻮ ..ﺑﺠﻲ ﻟﻲ ﺟﺪﻱ .. ﻳﺸﻴﻠﻮ ﺍﻟﺤﺠﻞ ﻣﻦ ﺣﺒﻮﺑﺘﻲ ﻳﻤﺸﻲ ﻳﻠﺒﺴﻮ
    ﻟﻲ ﻭﻟﺪﻭ ﻓﻲ ﻛﺮﺍﻋﻮ ﺍﻟﻴﺴﺎﺭ .. ﻛﺎﻥ ﻣﺎﺳﻮﺍﻟﻮ ﺷﻲ .. ﻣﻌﻨﺎﻫﺎ ﻭﺩ ﺣﻼﻝ .. ﻟﻜﻦ ﺍﻥ
    ﺳﺒﺐ ﻟﻴﻬﻮ ﻣﺮﺽ ﻣﻌﻨﺎﻫﺎ ﻭﺩ ﺣﺮﺍﻡ ..
    ﻭﺍﻟﻠﻪ ﻧﺴﻮﺍﻥ ﺍﻃﻠﻘﻦ .. ﻭﺑﻨﺎﺕ ﺍﺗﻜﺘﻠﻦ .. ﻭﺍﺑﻮﺍﺕ ﺍﺗﺒﺮﻭ ﻣﻦ ﺍﻭﻻﺩﻫﻢ .. ﺑﻲ ﺑﻲ
    ﺍﻟﺤﺠﻞ ﺩﻩ .. ﺍﻟﺤﺠﻞ ﺩﻩ ﻛﺸﺎﻑ ﺍﻭﻻﺩ ﺍﻟﺤﺮﺍﻡ ﻳﺎ ﺍﻟﺘﺎﻳﺔ .. ﻋﺸﺎﻥ ﻛﺪﺍ ﻋﻤﻲ ﺍﻟﺒﺸﻴﺮ
    ﻛﺎﻥ ﺩﺍﻓﻨﻮ .. ﻭﺑﻘﻮﻝ ﺍﻟﺤﺠﻞ ﻓﻴﻬﻮ ﻟﻌﻨﺔ ..
    ﺍﻟﺘﺎﻳﺔ ﻗﺎﻟﺖ ﻟﻴﻬﻮ ﺷﻜﻴﺘﻚ ﻋﻠﻰ ﺍﻟﻠﻪ ﻳﺎ ﻭﺩ ﺩﺍﺭ ﺍﻟﺰﻳﻦ .. ﻛﻤﺎﻥ ﺗﺘﻬﻤﻨﻲ ﺑﻲ ﺣﺠﻞ
    ﻓﻴﻬﻮ ﻟﻌﻨﺔ .. ﻳﻌﻨﻲ ﺍﻧﺖ ﻓﺎﻗﺪ ﺍﻟﻴﻘﺎﻥ ﻓﻲ ﺍﻟﺘﺎﻳﺔ ﺑﺖ ﻣﺨﺘﺎﺭ .. ﻻﻣﻦ ﺗﺠﻴﺐ ﻟﻬﺎ
    ﻃﻴﻠﺴﺎﻥ ﺗﻜﺸﻔﺎ ﺑﻴﻬﻮ .. ‏( ﻃﻴﻠﺴﺎﻥ ﻳﻌﻨﻲ ﺳﺤﺮ ‏) ..
    ﻗﺎﻝ ﻟﻴﻬﻮ ﺍﺳﻜﺘﻲ ﻳﺎ ﺍﻟﺘﺎﻳﺔ .. ﺍﻧﺘﻲ ﺗﺎﻧﻲ ﻣﺎﻋﻨﺪﻙ ﻣﻌﺎﻱ ﻧﻀﻢ .. ﻭﺑﺘﻚ ﺩﻱ ﺷﻮﻓﻲ
    ﻟﻴﻬﺎ ﺍﺑﻮﻫﺎ ﻭﻳﻦ .. ﺩﻱ ﻣﺎﺑﺘﻲ ..
    ﻗﺎﻟﺖ ﻟﻴﻬﻮ ﺧﻼﺹ .. ﺍﻧﺎ ﺑﺲ ﻋﻨﺪﻱ ﻣﻨﻚ ﻃﻠﺐ ﻭﺍﺣﺪ .. ﺍﻧﺖ ﻣﺎﺗﻔﺘﺢ ﺧﺸﻤﻚ
    ﺑﺎﻟﻨﻀﻢ ﺩﻩ .. ﻻﻣﻦ ﺍﻟﺒﺖ ﺗﺘﻌﺮﺱ .. ﻋﺸﺎﻥ ﺍﻟﻨﺎﺱ ﺍﺻﻠﻬﻢ ﺍﻱ ﻛﻼﻡ ﻳﺴﻤﻌﻮﻫﻮ
    ﺑﺼﺪﻗﻮﻫﻮ .. ﻭﺍﻧﺎ ﺧﺎﺑﺮﺓ ﺭﻭﺣﻲ .. ﻛﺎﻥ ﻛﺪﻱ ﻭﻻﻛﺪﻱ
    ﻗﺎﻝ ﻟﻴﻬﺎ ﺍﻧﺎ ﺫﺍﺗﻲ ﻛﺖ ﻣﻴﺎﻗﻦ ﻣﻨﻚ ‏( ﻭﺍﺛﻖ ﻓﻴﻚ ‏) .. ﻟﻜﻦ ﺑﻌﺪ ﺍﻟﺤﺠﻞ ﻛﺸﻒ
    ﺍﻟﻨﺴﻴﻢ ﺑﺖ ﺣﺮﺍﻡ ﺗﺎﻧﻲ ﺍﻗﻮﻝ ﺷﻨﻮ؟
    ﻳﺎﺯﻭﻝ ﺍﻟﺰﻭﻝ ﺩﻩ ﺑﻘﻰ ﺯﻋﻼﻥ .. ﻭﻋﻀﺒﺎﻥ ﻻﻣﻦ ﺑﺒﻜﻲ .. ﻭﺣﺎﻳﻢ ﻓﻲ ﺍﻟﺤﻮﺵ ﺯﻱ
    ﺍﻟﺒﻌﻴﺮ ﺍﻟﻤﻠﺪﻭﻍ ..
    ﻭﻳﻀﺮﺏ ﻓﻲ ﺭﺍﺳﻮ ﺑﺎﻟﻨﻌﺎﻝ .. ﻭﻳﻘﻮﻝ ﻟﻌﻨﺔ ﺍﻟﻠﻪ ﻋﻠﻴﻚ ﻳﺎﻭﺩ ﺩﺍﺭ ﺍﻟﺰﻳﻦ .. ﺗﺮﺑﻲ
    ﻓﻲ ﺑﺖ ﺍﻟﻨﺎﺱ .. ﻟﻌﻨﺔ ﺍﻟﻠﻪ ﻋﻠﻴﻚ ﻳﺎ ﺍﻟﺘﺎﻳﺔ ﺑﺖ ﻣﺨﺘﺎﺭ .. ﺟﺒﺖ ﻟﻲ ﺑﺖ ﺣﺮﺍﻡ ﻓﻲ
    ﺑﻴﺘﻲ .
    ﻭﺍﻟﻨﺴﻴﻢ ﺍﻟﻜﻼﻡ ﺩﻩ ﻛﻠﻮ ﻣﺎﺳﺎﻣﻌﺎﻫﻮ .. ﻗﺎﻋﺪﺓ ﻓﻲ ﺍﻭﺿﺘﻬﺎ ﻭﺗﻨﻜﺮﺵ ﻭﺗﻜﺐ ﻓﻲ
    ﺍﻟﺪﻡ .. ﺣﺘﻰ ﺑﻌﺪ ﻣﺮﻗﻮ ﻣﻨﻬﺎ ﺍﻟﺤﺠﻞ .. ﺍﻻﻛﻮﻟﺔ ﺍﺑﺖ ﺗﻘﻴﻒ ..
    ﻏﺎﻳﺘﻮ ﻟﻐﺎﻳﺔ ﺑﺎﻛﺮ ﺍﻟﺼﺒﺎﺡ ﻻﻫﺠﺴﺖ ﻻﻧﺎﻣﺖ .. ﻭﺟﺴﻤﻬﺎ ﺩﻩ ﺍﻧﺴﻠﺦ ﻭﺑﻘﺖ ﺯﻱ
    ﺍﻟﻤﺒﺮﺻﺔ ﻭﺍﻟﻌﻴﺎﺫ ﺑﺎﻟﻠﻪ .. ﺍﻟﺒﺖ ﺍﻟﺠﻤﻴﻠﺔ ﺩﻳﻚ ﺑﻘﺖ ﻣﺎﺑﺘﺘﻘﺎﺑﻞ .. ﻻﻣﻦ ﺟﺴﻤﻬﺎ ﺩﻩ
    ﺟﺎﻳﺐ ﺭﻳﺤﺔ ..
    ﻭﺍﻟﻨﺴﻮﺍﻥ ﺑﻘﻦ ﻳﻨﻀﻤﻦ .. ﻭﺍﺣﺪﺍﺕ ﻳﻘﻮﻟﻦ ﺍﻟﻨﺴﻴﻢ .. ﺍﺩﻭﻫﺎ ﻋﻴﻦ ﻭﺍﺣﺪﺍﺕ ﻳﻘﻮﻟﻦ
    ﺍﺑﻮﻫﺎ ﻇﻠﻢ ﻟﻴﻬﻮ ﺯﻭﻟﻮﺭﺑﻨﺎ ﺍﻧﺘﻘﻢ ﻓﻲ ﺑﺘﻮ .. ﻭﺍﺣﺪﺍﺕ ﻳﻘﻮﻟﻦ ﺩﻱ ﻣﻦ ﻗﻄﻴﻌﺔ
    ﺍﻟﺘﺎﻳﺔ ﺑﺖ ﻣﺨﺘﺎﺭ ﻓﻮﻕ ﺍﻟﻨﺎﺱ .. ﻭ .. ﻏﺎﻳﺘﻮ ﻛﻼﻡ ﺍﻟﻨﺎﺱ ﻛﺘﺮ .. ﻭﺍﻱ ﺯﻭﻝ ﺑﻘﻮﻝ
    ﻛﻼﻡ ﺑﺮﺍﻫﻮ ..
    ﻭﻻﺣﺪﻱ ﺍﻟﻠﺤﻈﺔ ﺩﻱ ﺍﺑﺨﻮﺳﺔ ﻣﺎﻋﻨﺪﻭ ﺧﺒﺮ ﻣﻦ ﺍﻟﻤﺮﺽ ﺍﻟﺤﺼﻞ ﻟﻠﻌﺮﻭﺱ ..
    ﺍﻟﻤﻬﻢ ﻃﺒﻌﺎ" ﻭﺩ ﺩﺍﺭ ﺍﻟﺰﻳﻦ ﻏﺎﻟﺒﻮ ﻳﺘﻜﻠﻢ ﺑﺎﻟﻜﺎﺭﺛﺔ .. ﻻﻧﻬﺎ ﻓﻀﻴﺤﺔ ﻣﺎﺑﻌﺪﻫﺎ
    ﻓﻀﻴﺤﺔ .. ﺍﻭﻝ ﺣﺎﺟﺔ ﺍﻟﺘﺎﻳﺔ ﺑﺖ ﻣﺨﺘﺎﺭ ﺑﺖ ﻗﺒﺎﻳﻞ .. ﻭﺍﺑﻮﻫﺎ ﺯﻱ ﻣﺎﻗﻠﺖ ﻟﻜﻢ ﻛﺎﻥ
    ﻣﻦ ﺍﻫﻞ ﺍﻟﺠﺎﻩ ﻭﺍﻟﺴﻌﻴﺔ .. ﻭﻋﻨﺪﻫﺎ ﺍﺧﻮﺍﻥ ﻓﺮﺍﺱ ﻳﺴﺪﻭ ﻋﻴﻦ ﺍﻟﺸﻤﺶ ..
    ﻭﻭﺩﺍﺭ ﺍﻟﺰﻳﻦ ﺫﺍﺗﻮ ﺧﺎﻳﻒ ﻣﻦ ﺍﻟﻜﻼﻡ ﻳﺼﻠﻬﻢ .. ﻭﺗﺒﻘﻰ ﻣﺸﻜﻠﺔ ﻻ ﻟﻴﻬﺎ ﺍﻭﻝ ﻭﻻ
    ﻟﻴﻬﺎ ﺍﺧﺮ .. ﻭﻣﺎﻇﻦ ﺗﺘﺤﻞ ﺍﻻ ﺑﺎﻟﺪﻡ ..
    ﻭﺩ ﺩﺍﺭ ﺍﻟﺰﻳﻦ ﻣﺸﻰ ﻭﺍﻋﻠﻦ ﻟﻠﻨﺎﺱ ﺍﻧﻮ ﺍﻟﻌﺮﺱ ﺍﺗﺄﺟﻞ .. ﻭﻣﺸﻰ ﻛﻠﻢ ﺍﺑﺨﻮﺳﺔ
    ﻗﺎﻝ ﻟﻴﻬﻮ ﺍﻟﻨﺴﻴﻢ ﻣﺮﺿﺎﻧﺔ .. ﻧﺤﻦ ﺩﺍﻳﺮ ﺍﺧﺮﻧﺎ ﺍﻟﻌﺮﺱ ﺷﻮﻳﺔ ﻻﻗﺪﺍﻡ .. ﻟﻜﻦ ﺍﻧﺎ ﻣﺎ
    ﺑﺤﺪﺩ ﻟﻚ ﻳﻮﻡ .. ﻻﻣﻦ ﺗﺒﻘﻰ ﺍﻟﻨﺴﻴﻢ ﻃﻴﺒﺔ ..
    ﻗﺎﻝ ﻟﻴﻬﻮ ﻳﺎﺯﻭﻝ ﻣﺎﻋﻨﺪﻱ ﻣﺎﻧﻊ .. ﺑﺲ ﺍﻣﻲ ﻭﺍﻟﺮﺳﺎﻟﺔ ﺍﺧﺘﻲ .. ﻻﺯﻡ ﻳﺠﻦ ﻓﻲ
    ﺍﻟﺒﻴﺖ ﻭﻳﺤﻤﺪﻟﻦ ﻟﻬﺎ ﺍﻟﺴﻼﻣﺔ .. ‏(ﻳﻜﻔﺮﻥ ﻟﻴﻬﺎ ‏) ..
    ﻗﺎﻝ ﻟﻴﻬﻮ ﻣﺎﻓﻲ ﻣﺸﻜﻠﺔ .. ﺑﺲ ﺍﻟﻨﺴﻴﻢ ﻣﺮﺿﻬﺎ ﻓﻲ ﺟﻠﺪﻫﺎ .. ﻭﺍﻧﺎ ﺧﺎﻳﻒ ﺍﻣﻚ
    ﻭﺍﺧﺘﻚ ﻳﺸﻮﻓﻨﻬﺎ ﻭﺑﻄﻨﻦ ﺗﻄﻢ ﻣﻦ ﺷﻮﻓﺘﻬﺎ ..
    ﻗﺎﻝ ﻟﻴﻬﻮ ﻳﺎﺯﻭﻝ ﺩﻩ ﻛﻼﻡ ﺷﻨﻮ ﺍﻟﺒﺘﻘﻮﻝ ﻓﻴﻬﻮ ﺩﻩ؟؟ ..
    ﻓﻲ ﺯﻭﻝ ﻣﺎﺑﻌﺮﻑ ﺍﻟﻤﺮﺽ؟؟ ﺍﻟﻤﺮﺽ ﻣﻦ ﺍﻟﻠﻪ ﻭﺍﻟﻌﺎﻓﻴﺔ ﻣﻦ ﺍﻟﻠﻪ .. ﺧﻠﻴﻚ ﺭﺍﺟﻞ
    ﻭﺍﻋﻲ ﻭﻣﺘﻌﻠﻢ .. ﺍﻧﺎ ﻓﻲ ﺭﺍﻱ ﺗﺨﻠﻲ ﻣﻮﺍﻋﻴﺪ ﺍﻟﻌﺮﺱ ﻓﻲ ﻭﻛﺘﻬﺎ .. ﻭﺍﻟﻨﺴﻴﻢ ﺩﺍﻡ
    ﺑﻘﺖ ﻣﺮﺗﻲ ﻋﻼﺟﻬﺎ ﻋﻠﻲ ..
    ﻗﺎﻝ ﻟﻴﻬﻮ ﻻﻻ ﻳﺎ ﺍﺑﺨﻮﺳﺔ .. ﺍﺻﺒﺮ ﺍﻟﻨﺸﻮﻑ ﻧﻬﺎﻳﺔ ﻣﺮﺿﻬﺎ ..
    ﻫﺴﻊ ﻋﻠﻴﻚ ﺍﻟﻠﻪ ﻣﺎﺗﺮﺳﻠﻬﻦ .. ﻭﺍﺟﻴﺐ ﺳﻴﺮﺓ ﺍﻟﻌﺮﺱ ﻓﻮﻕ ﺧﺸﻤﻚ ﻗﺒﺎﻝ ﺍﻟﺒﺖ
    ﺗﻄﻴﺐ ..
    ﻏﺎﻳﺘﻮ ﻣﺮﺽ ﺍﻟﻨﺴﻴﻢ ﺍﻧﺘﺸﺮ ﻓﻲ ﺍﻟﺒﻠﺪ ﺯﻱ ﺍﻟﻤﺄﺳﺎﺓ .. ﻭﺍﻟﺤﺮﻳﻢ ﻓﻲ ﺑﻴﻮﺗﻬﻦ ﻳﺒﻜﻦ
    ﻋﻠﻰ ﺍﻟﻨﺴﻴﻢ .. ﻭﻋﻠﻰ ﺟﺴﻤﻬﺎ ﺍﻟﻜﺎﻥ ﺯﻱ ﺍﻟﺤﺮﻳﺮ .. ﻭﺑﻘﺖ ﻣﺒﺮﺻﺔ ﻭﻣﻈﻠﻄﺔ ..
    ﻭﺩﻩ ﻛﻠﻮ ﺣﺼﻞ ﺑﻲ ﺳﺒﺐ ﺍﻟﺤﺠﻞ ﺍﻟﻤﻠﻌﻮﻥ .. ﻭﺍﻟﻨﺎﺱ ﻣﺎﻋﺎﺭﻓﻴﻦ ﺍﻟﻨﺴﻴﻢ ﻃﻠﻌﺖ
    ﻣﺎ ﺑﺖ ﺍﺑﻮﻫﺎ .. ﻭﺍﻟﺤﺠﻞ ﺍﻟﻜﺸﺎﻑ ﻣﺮﻕ ﺍﻟﻨﺴﻴﻢ ﻣﺰﻭﺭﺓ ﺳﺎﻱ .. ﻭﺍﺏ ﺧﻮﺳﺔ
    ﺷﻜﻠﻮ ﺡ ﻳﻨﻐﺶ ﻏﺸﺔ ﺍﻟﺴﻴﺢ ﻭﺍﻟﺮﻳﺢ ..
    ﻭﺍﻟﻨﺴﻴﻢ ﺫﺍﺗﻬﺎ ﺯﻱ ﻣﺎﻗﻠﺖ ﻟﻴﻜﻢ ﻣﺎﻋﺎﺭﻓﺔ ﻧﻔﺴﻬﺎ ﻛﺪﺍ ..
    ﻭﻻﻫﺴﻊ ﺗﺘﻜﻠﻢ ﻣﻊ ﺍﺑﻮﻫﺎ ﻳﺎﺑﺎ ﻳﺎ ﻳﺎﺑﺎ .. ﻭﺍﺑﻮﻫﺎ ﻣﺘﻀﺎﻳﻖ ﻣﻦ ﻛﻠﻤﺔ ﻳﺎﺑﺎ .. ﻟﻜﻦ
    ﻣﻮﻗﺎﺩﺭ ﻳﻘﻮﻝ ﻟﻴﻬﺎ ﺷﻲ .. ﺍﺗﺨﻴﻞ ﺍﻟﺰﻭﻝ ﺩﻩ ﻣﺘﺄﻛﺪ ﺑﻤﺎ ﻻﻳﺪﻉ ﻣﺠﺎﻻ ﺍﻥ ﺍﻟﺒﺖ
    ﻣﺎﺑﺘﻮ .. ﻭﺍﻧﻮ ﻣﺮﺍﺗﻮ ﺧﺎﻳﻨﺔ .. ﻟﻜﻦ ﻣﺎﻋﻨﺪﻭ ﺍﺛﺒﺎﺕ . ﻳﻌﻨﻲ ﻳﻤﺸﻲ ﻳﻘﻮﻝ ﻟﻲ ﺍﻫﻠﻬﺎ
    ﻛﺸﻔﺖ ﺍﻟﺒﺖ ﺑﺎﻟﺤﺠﻞ ؟؟ ﺩﻩ ﻛﻼﻡ ﻣﻮﻣﻌﻘﻮﻝ .... ﻭﻫﻮ ﻋﺎﺭﻑ ﻛﺪﻱ .. ﺑﺲ ﺑﻘﻰ
    ﻛﺎﺗﻢ ﺍﻟﻜﻼﻡ ﻓﻲ ﻗﻠﺒﻮ .. ﻭﻣﺘﻀﺎﻳﻖ .. ﻟﻜﻦ ﺍﻟﻤﺸﻜﻠﺔ ﺍﻟﺘﺎﻳﺔ ﺑﺖ ﻣﺨﺘﺎﺭ .. ﺍﺗﺠﻬﺠﻬﺖ
    ﺣﺘﻰ ﻣﻦ ﻣﺮﺽ ﺑﺘﻬﺎ ﺑﻲ ﺳﺒﺐ ﺍﻟﻜﻼﻡ ﺩﻩ .. ﻭﺑﻘﻰ ﻫﻤﻬﺎ ﻓﻲ ﺍﻟﻜﻼﻡ ﺍﻛﺘﺮ ﻣﻦ
    ﻣﺮﺽ ﺍﻟﺒﺖ ..
    ﻭﻃﺒﻌﺎ" ﺍﻟﺘﺎﻳﺔ ﻋﺎﺭﻓﺔ ﺍﻧﻮ ﻭﺩ ﺩﺍﺭ ﺍﻟﺰﻳﻦ ﺧﺎﻳﻒ ﻣﻦ ﺍﻟﺨﺒﺮ ﻳﻤﺮﻕ .. ﻻﻧﻮ ﻣﺎﻋﻨﺪﻭ
    ﺍﺛﺒﺎﺕ ﻣﻨﻄﻘﻲ .. ﺷﻐﺎﻟﺔ ﻓﻴﻬﻮ ﺫﻟﺔ ﻭﺍﻫﺎﻧﺔ ﺑﺎﻟﻄﺮﻳﻘﺔ ﺍﻟﺼﺎﺡ .. ﻳﺎﺭﺍﺟﻞ ﻳﺎﻭﻫﻤﺎﻥ
    .. ﻋﻠﻴﻚ ﺍﻟﻠﻪ ﻫﺴﻊ ﻓﻲ ﺯﻭﻝ ﺑﻨﻜﺮ ﺟﻨﺎﻫﻮ .. ﻭﻳﺸﻚ ﻓﻲ ﻣﺮﺍﺗﻮ ﺑﻲ ﺣﺠﻞ ﻛﺎﻥ
    ﻣﺪﻓﻮﻥ ﺳﻨﻴﻦ ؟
    ﻗﺎﻝ ﻟﻴﻬﺎ ﺍﺳﻜﺘﻲ ﻭﻣﺎﺗﺘﻜﻠﻤﻲ ﻣﻌﺎﻱ .. ﺍﻧﺘﻲ ﻋﺎﺭﻓﺔ ﺍﻧﻚ ﻋﺎﻣﻼﻟﻚ ﻋﻤﻠﺔ
    .. ﻭﺳﺎﻛﺘﺔ ﺍﻟﻮﻗﺖ ﺩﻩ ﻛﻠﻮ .. ﻗﺎﻳﻠﺔ ﻣﺎﻓﻲ ﺯﻭﻝ ﺑﻜﺸﻔﻚ .. ﺍﻧﺘﻲ ﻗﺎﻳﻠﺔ ﺭﺑﻨﺎ ﻏﺎﻓﻞ .
    ﺍﻧﺎ ﻣﺎﺑﺘﻜﻠﻢ ﻭﻻﻓﻲ ﺯﻭﻝ ﺑﻌﺮﻑ ﻓﻀﻴﺤﺘﻲ ﻭﻓﻀﻴﺤﺘﻚ .. ﻟﻜﻦ ﺗﺎﻧﻲ ﻋﻤﺮﻙ ﻓﻲ
    ﺍﻟﺪﻧﻴﺎ ﻣﺎﺗﻘﺮﺑﻲ ﻣﻨﻲ ﻻﻙ ﻣﺮﺍﺗﻲ ﻭﻻﺑﻌﺮﻓﻚ ..
    ﻗﺎﻟﺖ ﻟﻴﻬﻮ .. ﻭﻫﻮ ﺍﻟﺪﺍﻳﺮ ﻣﻨﻮ ﻳﺎ ﺍﺑﻘﻠﺒﺎ" ﻭﺳﺨﺎﻥ .. ﻭﺍﻧﺎ ﺑﻮﺭﻳﻚ ﺩﻕ ﺍﻟﻘﻨﻄﺮﺓ ﺑﻌﺪ
    ﺑﺘﻲ ﺗﺘﻌﺮﺱ .. ‏( ﺍﻟﻘﻨﻄﺮﺓ : ﺣﺪﻳﺪﺓ ﻓﻲ ﻣﺆﺧﺮﺓ ﻋﻮﺩ ﺍﻟﺴﻜﻴﻦ ‏)
    ﺍﻟﻤﻬﻢ ﻳﺎﺯﻭﻝ ﻣﺮﺕ ﺍﻻﻳﺎﻡ .. ﻭﺍﻟﻨﺎﺱ ﻣﻨﺘﻈﺮﻳﻦ ﺍﻟﻨﺴﻴﻢ ﺗﺒﻘﻰ ﻛﻮﻳﺴﺔ .. ﻣﻦ
    ﺍﻟﺤﻜﺔ ﺍﻟﻠﻤﺖ ﻓﻴﻬﺎ .. ﺑﻌﺪ ﺍﺳﺒﻮﻋﻴﻦ ﺍﻟﺤﻜﺔ ﻭﻗﻔﺖ .. ﻟﻜﻦ ﺍﻟﻨﺴﻴﻢ ﺟﺴﻤﻬﺎ ﺍﺗﺸﻮﻩ
    ﻭﺑﻘﺖ ﺯﻱ ﺍﻟﻤﺒﺮﺻﺔ .. ﻭﺍﻟﺴﻤﺎﺣﺔ ﺍﻟﻔﻮﻗﺎ ﺩﻳﻚ ﻛﻠﻬﺎ ﺭﺍﺣﺖ .. ﻭﻫﻲ ﺗﺒﻜﻲ ﺍﻟﻠﻴﻞ
    ﻭﺍﻟﻨﻬﺎﺭ ..
    ﻭﻫﻨﺎﻙ ﺍﺏ ﺧﻮﺳﺔ ﻣﻀﺎﻳﻘﻬﻢ ﺿﻴﻖ ﺷﺪﻳﺪ .. ﺩﺍﻳﺮ ﺍﻟﻌﺮﺱ ﻳﺘﻢ ﺑﺎﻱ ﻭﺳﻴﻠﺔ ..
    ﻭﻫﻮ ﻃﺒﻌﺎ" ﺳﻤﻊ ﺑﺎﻧﻮ ﺍﻟﻨﺴﻴﻢ ﺟﺴﻤﻬﺎ ﺍﺗﺰﻟﻂ ﻭﻛﺪﺍ .. ﻟﻜﻦ ﻣﺎ ﻣﺪﺭﻙ ﺣﺠﻢ
    ﺍﻟﻤﺄﺳﺎﺓ ..
    ﺍﻫﺎ ﻳﻮﻡ ﺍﺑﺨﻮﺳﺔ ﺟﺎ ﻟﻲ ﻭﺩ ﺩﺍﺭ ﺍﻟﺰﻳﻦ ﻓﻲ ﺍﻟﺒﻴﺖ .. ﻭﻗﺎﻝ ﻟﻴﻬﻮ ﺍﻧﺎ ﺩﺍﻳﺮ ﺍﺣﺪﺩ
    ﺍﻟﻌﺮﺱ .. ﻗﺎﻝ ﻟﻴﻬﻮ ﺍﻧﺖ ﺍﻇﻨﻚ ﻣﺎﻙ ﻋﺎﺭﻑ ﺍﻟﻨﺴﻴﻢ ﺍﻟﺤﺎﺻﻞ ﻋﻠﻴﻬﺎ ﺷﻨﻮ؟
    ﺍﺩﺧﻞ ﺗﻌﺎﻝ ﺗﻌﺎﻝ ﺷﻮﻑ ﺍﻟﺒﺖ ﺑﻲ ﻋﻴﻨﻚ .. ﻋﺸﺎﻥ ﻳﺎ ﺍﻗﺘﻨﻌﺖ ﻭﻗﻨﻌﺖ ﻣﻨﻬﺎ ..
    ﻭﻣﺸﻴﺖ ﻓﻲ ﺣﺎﻝ ﺳﺒﻴﻠﻚ .. ﻭﻻ ﻛﻤﺎﻥ ﻧﻌﻘﺪ ﻟﻚ ﻋﻠﻴﻬﺎ ﺑﻲ ﺣﺎﻻ ﺩﻩ ..
    ﻛﻮﺭﻙ ﻟﻴﻬﺎ ﻳﺎ ﺍﻟﻨﺴﻴﻢ .. ﺗﻌﺎﻟﻲ ﺍﻟﻨﺴﻴﻢ ﺟﺎﺕ .. ﻳﺎﺯﻭﻝ ﺍﺑﺨﻮﺳﺔ ﻭﻛﺖ ﺷﺎﻑ
    ﺍﻟﻨﺴﻴﻢ ﻻﻣﻦ ﺍﺗﺨﻠﻊ ..ﻗﺮﺏ ﻳﻘﻊ ﻓﻲ ﺍﻟﻮﺍﻃﺔ ﻣﻦ ﺷﻜﻞ ﺍﻟﺒﺖ ﺍﻟﻤﻨﻔﺮ ﻭﺍﻟﻤﺨﻴﻒ ..
    ﻗﺎﻝ ﻟﻴﻬﻮ ﺩﻱ ﻣﻨﻮ؟؟
    ﻗﺎﻝ ﻟﻴﻬﻮ ﺩﻱ ﺍﻟﻨﺴﻴﻢ ﻳﺎﺧﻮﻱ ﺍﻫﺎ ﺷﻔﺖ ﺑﻲ ﻋﻴﻨﻚ؟ ..
    ﺍﺑﺨﻮﺳﺔ ﻗﺎﻝ ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ﻣﻦ ﺣﺎﻝ ﺍﻟﻰ ﺣﺎﻝ .. ﻣﺎﻟﻚ ﻳﺎ ﺍﻟﻨﺴﻴﻢ
    ﺍﻟﺤﺼﻞ ﻋﻠﻴﻚ ﺩﻩ ﺷﻨﻮ؟
    ﻗﺎﻟﺖ ﻟﻴﻬﻮ ﺍﺳﻌﻞ ﺍﺑﻮﻱ .. ﺍﺑﻮﻫﺎ ﺳﺎﻛﺖ ﻭﻗﺎﻋﺪ ﻣﺘﺮﺑﻊ ﻓﻲ ﺍﻟﻮﺍﻃﺔ ﻭﺧﺎﺗﻲ ﺍﻳﺪﻭ
    ﺗﺤﺖ ﺣﻨﻜﺎﺗﻮ .. ﻭﻳﻌﺎﻳﻦ ..
    ﺍﺏ ﺧﻮﺳﺔ ﻗﺎﻝ ﻟﻴﻬﺎ ﺍﻧﺘﻲ ﻫﺴﻊ ﻳﺎ ﺍﻟﻨﺴﻴﻢ ﻋﺮﻓﺘﻴﻨﻲ ؟؟
    ﻗﺎﻟﺖ ﻟﻴﻬﻮ ﺍﻳﺎ ﺑﻠﺤﻴﻞ ﻋﺮﻓﺘﻚ .. ﺍﻧﺖ ﺍﺑﺨﻮﺳﺔ ﺍﻟﺠﺎﻱ ﺗﺎﺧﺪﻧﻲ .. ﻗﺎﻝ ﻟﻴﻬﺎ ﺍﻫﺎ
    ﺭﺍﻳﻚ ﻓﻲ ﺷﻨﻮ؟ ﻗﺎﻟﺖ ﻟﻴﻬﻮ
    ﺍﻟﺒﺪﻭﺩﻭ ﺍﺑﻮﻱ ﺍﻧﺎ ﺑﺪﻭﺭﻭ .. ﻭﺍﻟﻴﺎﺑﺎﻫﻮ ﺍﺑﻮﻱ ﺍﻧﺎ ﺑﺎﺑﺎﻫﻮ ..
    ﺍﺑﺨﻮﺳﺔ ﻗﺎﻝ ﻟﻴﻬﻮ ﺗﻢ ﻟﻲ ﺍﻟﻌﻘﺪ ﻋﻠﻰ ﺍﻟﻨﺴﻴﻢ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻧﺎ ﻛﻤﺎﻥ
    ﺍﻗﺴﻤﺖ ﺑﺎﻟﻠﻪ .. ﺍﻟﻨﺴﻴﻢ ﻣﺎﺑﻌﺮﺱ ﻏﻴﺮﻫﺎ .. ﻭﺩﺍﻳﺮﻫﺎ ﺑﻲ ﺣﺎﻟﺘﻬﺎ ﺩﻱ ..
    ﺍﻟﻨﺴﻴﻢ ﺷﻮﻭﻭ ﺩﻣﻮﻋﻬﺎ ﻛﺒﻦ .. ﻭﻗﺎﻟﺖ ﻟﻲ ﺍﺑﻮﻫﺎ .. ﺍﺣﻤﺪ ﺍﻟﻠﻪ ﻳﺎﺑﺎ ﺭﺑﻨﺎ ﻗﺴﻢ ﻟﻲ
    ﺭﺍﺟﻼ ﻗﻠﺒﻮ ﺯﻱ ﺍﻟﻠﺒﻦ ..
    ﺍﺑﺨﻮﺳﺔ ﻗﺎﻝ ﻟﻴﻬﺎ ﺍﻧﺘﻲ ﻳﺎ ﺍﻟﻨﺴﻴﻢ ﻣﺎﺳﻮﻳﺘﻲ ﺷﻴﺘﺎ" ﻳﻌﻴﺒﻮﻙ ﺑﻴﻬﻮ .. ﺍﻟﻤﺮﺽ ﻣﻦ
    ﺍﻟﻠﻪ .. ﻭﺍﻟﻌﺎﻓﻴﺔ ﻣﻦ ﺍﻟﻠﻪ .. ﺍﻧﺎ ﻫﺴﻊ ﺍﻛﺎﻥ ﻋﺮﺳﺘﻚ .. ﻭﺍﻟﻤﺮﺽ ﺩﻩ ﺟﺎﻙ ﻋﻨﺪﻱ ..
    ﺑﻄﻠﻘﻚ ﻋﺸﺎﻥ ﻣﺮﺿﻚ ؟؟ ﺣﺎﺷﺎ ﻭﻛﻼ ..
    ﺍﻫﺎ ﺣﺪﺩﻭ ﺍﻟﻌﺮﺱ ﺑﻌﺪ ﺑﺎﻛﺮ ..
    ﺍﻫﺎ ﻓﻲ ﻧﻔﺲ ﺍﻟﻴﻮﻡ ﺩﻩ ﺑﺎﻟﻤﺴﺎﺀ ﻋﻤﻚ ﺍﻟﺒﺸﻴﺮ ﺍﻟﻌﺮﻳﺲ ﺳﻤﻊ ﺑﻲ ﺗﺤﺪﻳﺪ
    ﻣﻮﺍﻋﻴﺪ ﺍﻟﻌﺮﺱ .. ﻗﺎﻡ ﺭﺳﻞ ﻟﻲ ﺍﺑﺨﻮﺳﺔ ﻳﺠﻴﻬﻮ ﻓﻲ ﺍﻟﺒﻴﺖ .. ﻃﺒﻌﺎ" ﻫﻨﺎ ﻓﻲ
    ﻧﻘﻄﺔ ﻻﺯﻡ ﻧﺨﺖ ﺑﺎﻟﻨﺎ ﻟﻴﻬﺎ .. ﺍﻟﺒﺸﻴﺮ ﻋﺎﺭﻑ ﺍﻧﻮ ﺍﻟﺤﺠﻞ
    ﻟﻤﻦ ﻳﻠﺒﺴﻮﻫﻮ ﻭﺩ ﺍﻟﺤﺮﺍﻡ ﺑﻤﺮﺽ .. ﻭﻋﺮﻑ ﺑﻲ ﻣﺮﺽ ﺍﻟﻨﺴﻴﻢ .. ﻭﻋﺮﻑ ﺍﻧﻮ
    ﺍﺑﻮﻫﺎ ﻟﺒﺴﻬﺎ ﺍﻟﺤﺠﻞ .. ﻋﺸﺎﻥ ﻳﺘﺄﻛﺪ ﻣﻦ ﻧﺴﺒﺘﻬﺎ ﻟﻴﻬﻮ .. ﻭﻋﺮﻑ ﺍﻧﻮ ﺍﻟﻨﺴﻴﻢ ﻣﺎﻫﺎ
    ﺑﺖ ﻭﺩ ﺩﺍﺭ ﺍﻟﺰﻳﻦ ..
    ﻭﻧﺎﺩﻯ ﺍﺑﺨﻮﺳﺔ ﻣﺨﻮﺹ ﺷﻜﻠﻮ ﺩﺍﻳﺮ ﻳﻜﺸﻒ ﻟﻴﻬﻮ ﺍﻟﺴﺮ ﺩﻩ .. ﻭﻳﺤﺬﺭﻩ ﻣﻦ ﺑﺪﺭﻱ
    .. ﻗﺒﻞ ﻣﺎﻳﻘﻊ ﻓﻴﻬﺎ ﻭﺑﻌﺪﻳﻦ ﻳﻜﺘﺸﻒ ﺍﻧﻮ ﺍﺗﺨﺪﻉ ﻭﺍﻧﻐﺸﻪ ..
    ﻭﺍﻟﻨﺸﻮﻭﻭﻭﻭﻑ .. ﺍﻟﻰ ﺍﻟﻠﻘﺎء
    أســرَار الـزمان .. طارق اللبيبحيث تعيش القصص. اكتشف الآن