أســرَار الـزمان .. طارق اللبيب

( 13 )

ﺍﻟﻨﺴﻴﻢ .. ﺍﺗﺮﺩﺩﺕ ﺷﺪﻳﺪ ﻗﺒﻞ ﻣﺎﺗﺠﺎﻭﺏ ﺧﺎﻟﻬﺎ ﻋﻠﻰ ﺍﻟﺴﺆﺍﻝ ﺩﻩ .. ﺑﺲ ﻗﺎﻟﺖ ﻟﻴﻬﻮ ﺣﺎﺷﺎ ﻭﻛﻼ .. ﺑﺮﺍﻱ ﻃﻠﻘﺘﻮ .. ﻻﻓﻲ ﺍﻣﻴﺮ ﻗﺎﻝ ﻟﻲ ﻻﻗﺎﻭﻟﺘﻮ .. ﻭﺩ ﺍﻟﺤﺪﺍﺩ ﻣﺎﺑﺪﻭﺭﻭ ﻣﻮ ﻋﻠﻰ ﻛﻴﻔﻲ؟
ﻗﺎﻝ ﻟﻴﻬﺎ ﻭﺍﻧﺘﻲ ﻋﺎﺭﻓﺔ ﺍﻻﻣﻴﺮ ﺩﺍﻳﺮﻙ ﺑﻌﺪ ﺗﻜﻤﻠﻲ ﺍﻟﻌﺪﺓ ﺩﻱ .. ﻗﺎﻟﺖ ﻟﻲ ﺍﻳﺎ ﺧﺎﺑﺮﺓ .. ﻗﺎﻝ ﻟﻴﻬﺎ ﻭﺭﺍﻳﻚ ﺷﻨﻮ ﺭﺿﻴﺎﻧﺔ ﻳﻌﻨﻲ .. ؟؟ ﻗﺎﻟﺖ ﻟﻴﻬﻮ ﺍﻳﺎ ﺭﺿﻴﺎﻧﺔ .. ﻻ ﺍﻧﺘﻮ ﻭﻻ ﺍﺑﻮﻱ ﻣﺎﻓﻴﻜﻢ ﺯﻭﻝ ﻳﺪﺧﻞ ﻓﻲ ﺍﻟﺸﻲ ﺩﻩ .. ﻗﺎﻝ ﻟﻴﻬﺎ ﻧﺤﻦ ﺩﺍﻳﺮﻳﻦ ﻧﺮﺟﻌﻚ ﻟﻲ ﺍﺏ ﺧﻮﺳﺔ ﺻﺎﺩﺓ .. ﻗﺎﻟﺖ ﻟﻴﻬﻮ ﻣﺎﻧﻲ ﺩﺍﻳﺮﺍﻫﻮ .. ﺍﻻ ﺍﻻﻣﻴﺮ ﻳﻘﻮﻝ ﺧﻼﻧﻲ ﺑﺮﺍﻫﻮ ..
ﺑﻌﺪ ﺷﻮﻳﺔ ﻫﻲ ﺑﺘﺘﻜﻠﻢ ﻣﻌﺎﻫﻮ ﻛﺪﻱ ﺳﻤﻌﺖ ﺻﻮﺕ ﺍﺏ ﺧﻮﺳﺔ ﺑﺮﺓ ﺟﺎ .. ﻭﻗﺎﻝ ﺍﻟﺴﻼﻡ ﻋﻠﻴﻜﻢ .. ﻭﺻﻮﺗﻮ ﺍﻟﺠﻬﻮﺭﻱ ﺍﻟﻤﻌﺮﻭﻑ .. ﺍﻟﺒﺖ ﺗﻢ ﻗﻄﻌﺖ ﻛﻬﺮﺑﺎ ﻭﺳﻜﺘﺖ .. ﻭﺑﻘﺖ ﺗﺮﺟﻒ ﺯﻱ ﺍﻟﻘﺼﺒﺔ .. ﻭﻗﺪﺍﻡ ﺧﺎﻟﻬﺎ ﺭﻣﺖ ﻟﻴﻬﺎ ﺩﻋﺎﺕ ﺗﺬﻭﺏ ﺍﻟﺤﺠﺮ ..
ﺧﺎﻟﻬﺎ ﻋﻄﻴﺔ ﻗﺎﻝ ﻟﻴﻬﺎ ﻳﺎ ﺍﻟﻨﺴﻴﻢ ﻣﺎﺗﻌﺬﺑﻲ ﺭﻭﺣﻚ ﻭﺗﻌﺬﺑﻴﻨﺎ ﻣﻌﺎﻙ .. ﻧﺤﻦ ﺍﻻﻣﻴﺮ ﺩﻩ ﻗﺎﺩﺭﻳﻦ ﻋﻠﻴﻬﻮ .. ﻭﻗﺎﺩﺭﻳﻦ ﻋﻠﻰ ﺍﺑﻮﻫﻮ ..
ﻗﺎﻟﺖ ﻟﻴﻬﻮ ﺍﻧﺎ ﻣﺎ ﻧﻲ ﺩﺍﻳﺮﺓ ﻳﻨﺴﻞ ﺳﻴﻒ ﺑﻴﻦ ﻧﻔﺮﻳﻦ ﻋﺸﺎﻥ ﺧﺎﺗﺮﻱ .. ﻫﻲ ﺍﻟﻨﺴﻴﻢ ﻫﻲ ﺷﻨﻮ .. ﻋﺸﺎﻥ ﺷﻨﻮ ﻳﺘﻜﺎﺗﻠﻮ ﻓﻮﻗﻬﺎ ﺍﻟﺮﺟﺎﻝ .. ﻛﺎﻥ ﻭﺩ ﺍﻟﻮﺷﺎﺵ ﻭﻛﺎﻥ ﺍﻻﻣﻴﺮ .. ﺍﻟﺒﺴﻮﻳﻬﻮ ﺍﻟﻠﻪ ﻋﻠﻲ ﺍﻧﺎ ﺭﺍﺿﻴﺔ ﺑﻲ ﺣﻜﻤﻮ ﻭﻣﺮﺍﺩﻭ .. ﺑﺲ ﺍﻧﺖ ﻳﺎﺧﺎﻟﻲ ﻣﺎﺗﺪﺧﻞ ﻓﻲ ﺍﻟﻜﻼﻡ ﻋﻼ ﺍﻧﺎ ﺍﻗﻮﻝ ﻟﻚ ﺣﻮﺑﺘﻚ ﺟﺎﺕ .. ﻗﺎﻝ ﻟﻬﺎ ﺳﻮﻱ ﺍﻟﻔﻲ ﺭﺍﺳﻚ ﻳﺎﺑﺖ ﺍﺧﺘﻲ ﻭﺍﻧﺎ ﻭﺍﺧﻮﺍﻟﻚ ﺟﺎﻫﺰﻳﻦ ﻧﻤﻮﺕ ﻓﻮﻗﻚ ﺣﺮﻡ ﻣﺎﻳﻔﻀﻞ ﻓﻮﻗﻨﺎ ﻭﺍﺣﺪ .. ﻟﻜﻦ ﻋﺎﺩ ﺍﻧﺎ ﻣﺎﻧﻲ ﺩﺍﻳﺮ .. ﺍﺟﺒﺮﻙ ﻋﻠﻰ ﺷﻴﺘﺎ ﻣﺎﻙ ﺩﺍﻳﺮﺍﻫﻮ ..
ﻭﺩ ﺩﺍﺭ ﺍﻟﺰﻳﻦ ﺟﺎ ﺩﺍﺧﻞ ﻟﻘﻰ ﻋﻄﻴﺔ ﺑﻨﻀﻢ ﻣﻊ ﺍﻟﻨﺴﻴﻢ .. ﻗﺎﻝ ﻟﻬﻮ ﻳﺎﻋﻄﻴﺔ ﺍﻟﺒﺖ ﻃﻠﺒﺖ ﺍﻟﻄﻼﻕ ﻣﻦ ﺍﺑﺨﻮﺳﺔ .. ﻭﺍﺑﺨﻮﺳﻪ ﻃﻠﻘﻬﺎ ﺗﺎﻧﻲ ﻣﻮ ﻣﻦ ﺣﻘﻨﺎ ﻧﺠﺒﺮﻫﺎ ﻋﻠﻴﻬﻮ ﺍﻻ ﺗﻄﻠﺐ .. ﻭﺍﻧﺎ ﻫﺴﻊ ﻋﻠﻰ ﺣﺴﺐ ﻣﺎﻫﺎ ﺩﺍﻳﺮﺓ ﺭﺑﻄﺖ ﻟﺴﺎﻧﻲ ﻣﻊ ﺍﻟﺴﻠﻄﺎﻥ .. ﺑﺮﺍﻱ ﺍﺳﻮﻗﺎ ﺍﻭﺩﻳﻬﺎ ﻟﻲ ﻭﻟﺪﻭ ﻋﺰﻳﺰﺓ ﻣﻜﺮﻣﺔ ..
ﻗﺎﻝ ﻟﻴﻬﻮ ﻳﺎﻭﺩ ﺩﺍﺭ ﺍﻟﺰﻳﻦ .. ﻭﻳﻦ ﺑﺘﻤﺸﻮ ﻣﻦ ﻇﻠﻤﻜﻢ ﻟﻲ ﺍﺏ ﺧﻮﺳﺔ؟ ..
ﻗﺎﻝ ﻟﻴﻬﻮ ﻭﺍﻟﻠﻪ ﻏﺼﺒﺎ " ﻋﻨﻨﺎ .. ﻭﻣﺎﺩﺍﻳﺮﻳﻦ ﻧﺴﻮﻱ ﻟﻨﺎ ﻓﺘﻨﺔ ﺑﻲ ﺳﺒﺐ ﺍﻟﻨﺴﻴﻢ ..
ﺍﻧﺎ ﺍﻛﺘﺮ ﺣﺎﺟﺔ ﻛﻨﺖ ﺧﺎﻳﻒ ﻣﻨﻬﺎ ﻳﺎﻋﻄﻴﺔ .. ﻭﻋﺎﻣﻠﻬﺎ ﺣﺴﺎﺏ .. ﺍﻧﻮ ﺍﻻﻣﻴﺮ ﻳﺠﻲ ﻳﺴﻮﻕ ﺑﺘﻲ ﻗﺒﻞ ﻣﺎﺗﻢ ﺍﻟﻤﺪﺓ ﺍﻟﺸﺮﻋﻴﺔ ﻓﻲ ﺍﻟﻜﺘﺎﺏ .. ﻟﻜﻦ ﺑﻌﺪ ﺩﻩ ﺗﺎﻧﻲ ﻣﺎﻋﻨﺪﻱ ﻣﺎﻧﻊ .. ﺍﻻ ﻫﻮ ﻳﺎﺑﺎﻫﺎ ﺑﺮﺍﻫﻮ ..
ﻋﻄﻴﺔ ﻋﺎﻳﻦ ﻟﻲ ﻭﺩ ﺩﺍﺭ ﺍﻟﺰﻳﻦ ﻛﺪﺍ ﻣﻌﺎﻳﻨﺔ ﻏﺮﻳﺒﺔ ﻭﻣﺮﻕ ﺑﺮﻩ ﻟﻠﺮﺟﺎﻟﺔ .. ﻭﻟﻘﺎﻫﻢ ﺑﺘﻮﻧﺴﻮ ﺑﺎﻟﻘﺼﺔ ﺍﻟﺤﺼﻠﺖ ﻟﻠﻨﺴﻴﻢ .. ﻭﺍﺑﺨﻮﺳﺔ ﻗﺎﻋﺪ ﻣﺎﺳﻚ ﺳﻴﻔﻮ ﻭﻳﺮﺟﻒ .. ﻭﻳﻌﺮﻕ ﻭﻳﺠﻒ .. ﺣﺎﺻﻠﺔ ﻋﻠﻴﻬﻮ ﺣﺎﻟﺔ ﺍﺻﻼ ﻣﺎﻣﻔﻬﻮﻣﺔ .. ﻟﻜﻦ ﺍﻧﺎ .. ﺣﺎﺳﻲ ﺑﻴﻬﻮ ﺍﻟﺰﻭﻝ ﺑﺲ ﺩﺍﻳﺮ ﻳﺸﻮﻑ ﺍﻟﻨﺴﻴﻢ ﻣﺮﺓ ﻭﺍﺣﺪﺓ .. ﻭﻳﻄﻤﻦ ﻋﻠﻴﻬﺎ .. ﺍﻟﺰﻭﻝ ﻣﺤﺮﻭﻕ ﺣﺸﺎ .. ﻭﺍﻟﻠﻪ ﻣﺤﺮﻭﻕ ﺣﺮﻳﻖ ﺷﺪﻳﺪ ﺧﻼﺹ .. ﺑﺲ ﻣﺎﻓﻲ ﻳﺪﻭ ﺣﺎﺟﺔ ﻳﺴﻮﻳﻬﺎ ..
ﻟﻜﻦ ﻋﻠﻰ ﻛﻞ ﺣﺎﻝ .. ﺍﺏ ﺧﻮﺳﺔ ﻓﺮﺣﺎﻥ ﺑﻲ ﺍﻧﻮ ﺍﻟﻨﺴﻴﻢ ﺟﻤﻌﺖ .. ﻭﻃﻴﺒﺔ ﻣﺎﻋﻨﺪﻫﺎ ﻋﻮﺟﺔ .. ﺍﺗﻐﺪﺍ ﻓﻲ ﺍﻟﻜﺮﺍﻣﺔ ﻭﺩﺍﻳﺮ ﻳﻤﺸﻲ .. ﻋﻠﻰ ﺍﻫﻠﻮ ﻃﺒﻌﺎ ﻣﺎﺷﺎﻑ ﺍﻟﻨﺴﻴﻢ
ﺍﻟﻨﺴﻴﻢ ﻛﺎﻧﺖ ﻣﺘﺄﻣﻠﺔ ﺗﺸﻮﻓﻮ .. ﻣﺎﺷﺎﻓﺘﻮ .. ﻭﻫﻮ ﻛﺎﻥ ﻃﻤﻌﺎﻥ ﻳﺸﻮﻓﻬﺎ .. ﻣﺎﺷﺎﻓﻬﺎ ..
ﻭﻛﺖ ﺩﺍﻳﺮ ﻳﻤﺮﻕ . ﻧﺎﺩﻯ ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﺍﻧﺎ ﺟﺒﺖ ﻟﻴﻚ ﻓﺮﺳﻚ
ﻭﺭﺑﻄﺘﻮ ﻟﻴﻚ ﻓﻲ ﺍﻟﺸﺎﻳﺔ ﺍﻟﺒﺮﺍ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺏ ﺧﻮﺳﻪ ﺍﻟﻔﺮﺱ ﻫﺪﻳﺔ ﻣﻦ ﺍﻻﻣﻴﺮ .. ﺍﻛﺎﻥ ﻣﻮ ﻛﺪﻱ ﺍﻧﺎ ﺗﺎﻧﻲ ﻣﺎﺑﺴﻮﻗﻮ ﻣﻨﻚ ..
ﻗﺎﻝ ﻟﻴﻬﻮ ﺍﻧﺎ ﻳﺎ ﻋﻤﻲ ﺗﺴﻠﻢ ﻟﻲ ﺣﻤﺎﺭﺗﻲ ﺍﻟﺤﻤﺎﻣﻴﺔ .. ﻻ ﻧﻜﺮﺗﻨﻲ ﻭﻻ ﻓﺎﺗﺖ ﺧﻠﺘﻨﻲ .. ﻗﺎﻝ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻣﺎﻳﺠﻴﻬﺎ ﺍﻟﺒﺠﺒﺮﻫﺎ ﺗﻔﻮﺗﻚ .. ﺍﺕ ﻣﺎﻙ ﺭﺍﺟﻼ " ﺑﺘﻨﻔﺎﺕ .. ‏( ﻃﺒﻌﺎ ﺍﻧﺘﻮ ﻓﺎﻫﻤﻴﻦ ﺍﻻﻟﻐﺎﺯ ﺩﻱ ‏) ..
ﺍﺏ ﺧﻮﺳﺔ ﻣﺮﻕ .. ﺑﻲ ﻛﺮﻋﻴﻬﻮ ﻋﻠﻰ ﺍﻫﻠﻮ .. ﻭﺧﺎﺗﻲ ﻋﺼﺎﺗﻮ ﻓﻲ ﺍﻛﺘﺎﻓﻮ ﻭﻣﺎﺷﻲ .. ﻭﻳﺪﻭﺑﻲ ﺳﺎﺍﺍﺍﻱ .. ﻗﺎﻝ ..
ﺍﺣﻲ ﻳﺎﻭﺣــﻴﺢ ﻗﻠﺒﻲ ﺍﻟﻤﻮﻟﻊ ﺟﻮﻓﻲ ..
ﺗﺎﻧﻲ ﺳﻮﺍﺩ ﻋﻠﻴﻚ ﻳﺎﺭﻭﺣﻲ ﻭﻳﻦ ﻣﺎﺗﺸﻮﻓﻲ ..
ﻣﺸﺘﻮﻟﺔ ﺍﻟﻘﺮﻳﺮ . ﺍﻟﻠﻨﻜﺮﺕ ﻣﻌﺮﻭﻓﻲ .
ﻓﺮﻗﻬﺎ ﻧﺸﻒ ﺍﻟﻄﺎﻳﻮﻕ ﻭﻛﻤﻞ ﺩﻭﻓﻲ ..
.
ﺣﺎﺱ ﺑﺎﻟﺨﻮﺳﺔ ﺗﻨﺤﺮ ﻓﻲ ﺍﻟﻜﺒﺪ ﺟﻼﻓﻪ .
ﺗﻬﺮﺩ ﻗﻠﺒﻲ ﻋﻘﺒﺎﻥ ﻟﻠﻀﻠﻮﻉ ﺗﺘﻼﻓﺎ ..
ﻣﻬﻴﻮﺑﺔ ﺍﻟﺤﺸﻮﻡ ﺭﺍﻳﻘﻪ ﻭﻛﺮﺍﻡ ﺍﺳﻼﻓﺎ .
ﺧﻠﺖ ﻋﻴﻨﻲ ﻟﻲ ﻭﺳﻦ ﺍﻟﻤﻨﺎﻡ ﻋﻮﺍﻓﻪ . .
ﺍﻫﺎ ﻳﺎﺯﻭﻝ ﺍﻟﻨﺎﺱ ﺍﺗﻔﺮﺗﻘﻮ ﻣﻦ ﺍﻟﻜﺮﺍﻣﺔ ﺍﻟﺴﻮﺍﻫﺎ ﻭﺩ ﺩﺍﺭ ﺍﻟﺰﻳﻦ ﻟﻲ ﺑﺘﻮ ﻓﻲ ﻧﻔﺲ ﺍﻟﻴﻮﻡ ﺍﻟﺠﺎﺕ ﻓﻴﻬﻮ .. ﻭﺍﻟﻔﺮﺣﺔ ﺩﺧﻠﺖ ﺑﻴﺖ ﻭﺩ ﺩﺍﺭ ﺍﻟﺰﻳﻦ ﻣﻦ ﺟﺪﻳﺪ ..
ﺗﺎﻧﻲ ﻳﻮﻡ ﺟﺎﺗﻬﺎ ﺍﻟﺮﺳﺎﻟﺔ ﺍﺧﺖ ﺍﺏ ﺧﻮﺳﺔ ﻭﺍﻣﻬﺎ .. ﺭﺍﻛﺒﺎﺕ ﺣﻤﻴﺮ ﻋﺸﺎﻥ ﻳﺤﻤﺪﻥ ﻟﻬﺎ ﺍﻟﺴﻼﻣﺔ .. ﻭﺍﻟﻨﺴﻴﻢ ﻭﻛﺖ ﺷﺎﻓﺘﻦ ﺍﻧﻘﺪﺕ ﺑﺎﻟﺒﻜﺎﺀ .. ﻭﺍﺗﺴﺎﻟﻤﻦ ﺟﻨﺲ ﺳﻼﻡ .. ﻳﺒﻜﻲ ﺍﻟﺰﻭﻝ ﺍﻟﺒﻌﺎﻳﻦ ﻟﻴﻬﻦ .. ﺍﻟﺮﺳﺎﻟﺔ ﻗﺮﻳﺒﺔ ﺟﺪﺍ ﻣﻦ ﺍﻟﻨﺴﻴﻢ .. ﺩﺧﻠﺖ ﻣﻌﺎﻫﺎ ﻭﺑﻘﻦ ﻳﺘﻮﻧﺲ ﺍﻻﺗﻨﻴﻦ .. ﻭﻳﺘﻮﺳﻮﺳﻦ .. ﺍﻟﺮﺳﺎﻟﺔ ﻗﺎﺍﻟﺖ ﻟﻴﻬﺎ .. ﺍﻧﺎ ﻳﺎ ﺍﻟﻨﺴﻴﻢ ﻣﺎﻧﻲ ﺭﺿﻴﺎﻧﺔ ﻣﻨﻚ ..
ﻛﻴﻒ ﺑﺘﻔﻮﺗﻲ ﺍﺏ ﺧﻮﺳﺔ ؟ ﻣﺎﻟﻮ ﻟﻘﻴﺘﻴﻬﻮ ﻓﺴﻞ ﻭﻻ ﻣﻮﻧﺎﺟﺢ؟؟ .. ﻓﺴﻞ ﻳﻌﻨﻲ ﺑﺨﻴﻞ ..
ﻗﺎﻟﺖ ﻟﻴﻬﺎ ﻭﺣﺎﺕ ﺍﻟﻠﻪ ﻳﺎ ﺍﻟﺮﺳﺎﻟﺔ ﻣﻜﻤﻞ ﺍﻟﺠﻮﺩ ﻭﺍﻟﺮﺟﺎﻟﺔ .. ﻟﻜﻦ ﺣﻜﻢ ﺍﻟﻌﺒﺪ ﻋﻨﺪ ﺳﻴﺪﻭ .. ﻗﺎﻟﺖ ﻟﻴﻬﺎ ﺍﻧﺘﻲ ﻗﻮﻟﻲ ﻟﻲ ﻭﺍﻧﺎ ﺑﺴﻜﺖ ﺳﺎﺍﺍﻛﺖ ..
ﻣﺎﻟﻚ ﺍﺑﻴﺘﻴﻬﻮ؟؟ ﻋﻠﻴﻚ ﺍﻟﻠﻪ ﻳﺎ ﺍﻟﻨﺴﻴﻢ ..
ﻗﺎﻟﺖ ﻟﻴﻬﺎ ﺍﻟﻴﻮﻡ ﺩﺍﻙ ﺍﻧﺎ ﻣﺮﻗﺖ ﻓﻮﻕ ﺍﻟﺒﻴﺮ ﻭﺣﺼﻞ ﺣﺼﻞ .. ﺣﻜﺖ ﻟﻠﺮﺳﺎﻟﺔ ﺍﻟﻜﻼﻡ ﺍﻟﺤﺼﻞ ﻣﻦ ﺍﻻﻣﻴﺮ ﺑﺎﻟﺘﻔﺼﻴﻞ .. ﻭﺑﻲ ﻛﻞ ﺻﺮﺍﺣﺔ ..
ﺍﻟﺮﺳﺎﻟﺔ ﺩﻱ ﺯﻋﻠﺖ ﺯﻋﻞ ﻻﻣﻦ ﻭﺷﻬﺎ ﺍﻧﻘﻠﺐ ﺍﺣﻤﺮ ..
ﻭﺩﻩ ﺍﻟﻜﻼﻡ ﺍﻟﻜﺎﻧﺖ ﺍﻟﻨﺴﻴﻢ ﺩﺍﺳﺎﻫﻮ ﻋﻠﻰ ﺍﻱ ﺯﻭﻝ .. ﻛﻠﻤﺖ ﺑﻴﻬﻮ ﺍﻟﺮﺳﺎﻟﺔ ﺑﺲ ..
ﺍﻫﺎ ﻳﺎﺯﻭﻝ ﻳﻮﻡ ﺍﻟﺴﺒﺖ .. ﻭﺩ ﺩﺍﺭ ﺍﻟﺰﻳﻦ ﻣﺸﻰ ﺍﻟﻤﺠﻠﺲ ﻋﺎﺩﻱ .. ﺯﻱ ﻋﺎﺩﺗﻮ
ﺩﺧﻞ ﺟﻠﺴﺔ ﻣﺠﻠﺲ ﺍﻟﺸﻮﺭﻱ .. ﺍﻟﺠﻠﺴﺔ ﻛﻠﻬﺎ ﻛﺎﻧﺖ ﻣﻨﺎﻭﺷﺎﺕ ﻭﻣﻨﺎﻗﺮﺍﺕ .. ﺑﻴﻦ
ﺑﻴﻦ ﺍﻟﻔﻮﻧﺞ ﻭﺍﻟﻤﻜﻮﻙ .. ﻭﻃﺒﻌﺎ .. ﺍﻟﺴﻠﻄﻨﺔ ﺩﻱ ﻓﻜﺮﺗﻬﺎ ﻋﺎﻣﻠﺔ ﺯﻱ ﺍﺗﺤﺎﺩ ﺣﺰﺑﻴﻦ ﻓﻲ ﺍﻟﺴﻠﻄﺔ .. ﻟﻜﻦ ﺍﻟﻘﺒﻠﻴﺔ ﻭﺍﻟﺘﻤﻴﻴﺰ ﺍﻟﻌﻨﺼﺮﻱ ﻣﺴﻴﻄﺮ ﻋﻠﻰ ﺍﻟﻮﺿﻊ .. ﺍﺻﻼ ﺍﺑﺎ ﻳﺘﻼﺷﻰ ﻣﻦ ﻧﺴﻴﺞ ﺍﻟﺸﻌﺐ ﺍﻟﺴﻮﺩﺍﻧﻲ ﻣﻦ ﺍﻟﻠﻪ ﺧﻠﻖ ﺍﻟﺴﻮﺩﺍﻥ ﺍﻟﻰ ﻳﻮﻣﻨﺎ ﻫﺬﺍ .. ﻭﺍﻟﺴﻠﻄﻨﺔ ﺩﻱ ﻣﺼﻴﺮﻫﺎ ﺗﺘﻔﺮﺗﻖ ﻭﺗﻀﻌﻒ .. ﺍﺧﺘﻼﻓﺎﺕ ﻭﺩﺳﺎﻳﺲ ﻭﻇﻠﻢ .. ﻭﻣﺤﺎﺑﺎﺓ .. ﻭﺿﺮﺍﻳﺐ .. ﻭﺭﻗﻴﻖ .. ﻭﺍﺳﺘﺒﺪﺍﺩ ﺍﻟﺴﻼﻃﻴﻦ ﻭﺍﻭﻻﺩﻫﻢ ﻋﻠﻰ ﺍﻟﻌﺎﻣﺔ .. ﻭﻣﻌﺎﻣﻠﺔ ﻏﻴﺮ ﻛﺮﻳﻤﺔ ﻟﻲ ﻟﺴﻠﻄﺔ ﺍﻟﺪﺭﺟﺔ ﺍﻟﺘﺎﻧﻴﺔ .. ﺍﻟﻤﺘﻤﺜﻠﺔ ﻓﻲ ﻣﻜﻮﻙ ﻭﻣﺸﺎﻳﺦ ﺍﻟﻌﺒﺪﻻﺏ .. ﻭﻣﻦ ﻫﻢ ﺗﺤﺖ ﺍﻣﺮﺗﻬﻢ ﻛﺎﻟﺠﻌﻠﻴﻴﻦ ﻭﺍﻟﻤﻴﺮﻓﺎﺏ ﻭﺍﻟﺸﺎﻳﻘﻴﺔ ﻭﺍﻫﻞ ﺍﻟﺸﻤﺎﻝ .. ﺍﻟﻜﺎﻥ ﻣﺮﻛﺰﻫﻢ ﻓﻲ ﺍﻟﺤﻠﻔﺎﻳﺎ . ﻭﺍﻳﻀﺎ ﻫﻨﺎﻙ ﺗﻌﺪﻱ ﺳﺎﻓﺮ ﻋﻠﻰ ﻧﻈﺎﺭﺍﺕ ﺍﻟﺸﻜﺮﻳﺔ ﻭﺍﻟﺒﻄﺎﺣﻴﻦ .. ﻭﺟﻤﻊ ﺍﻟﻀﺮﺍﻳﺐ ﺑﺎﻻﻫﺎﻧﺔ ﻭﺍﻟﺘﻌﺬﻳﺐ .... ﻳﻌﻨﻲ ﺍﻟﻈﻠﻢ ﻭﺍﻗﻊ ﻋﻠﻰ ﻋﻨﺼﺮ ﻣﻌﻴﻦ ﺑﻄﺮﻳﻘﺔ ﻭﺍﺿﺤﺔ .. ﻣﻤﺎﻳﺪﻝ ﻋﻠﻰ ﻋﺪﻡ ﺻﺤﺔ ﺍﻟﻤﻌﻠﻮﻣﺔ ﺍﻟﺒﺘﻘﻮﻝ ﺍﻟﻔﻮﻧﺞ ﺍﺻﻠﻬﻢ ﺑﻨﻮ ﺍﻣﻴﺔ .. ﻭﺗﺼﺪﻕ ﻣﻘﻮﻟﺔ ﺍﻟﻔﻮﻧﺞ ﺍﺻﻠﻬﻢ ﺍﻣﺎ ﻣﻦ ﺍﻟﻬﻀﺒﺔ ﺍﻻﺛﻴﻮﺑﻴﺔ ﻭﺍﻋﺎﻟﻲ ﺍﻟﻨﻴﻞ .. ﻭﺍﻻﻗﺮﺏ ﺍﻥ ﺍﺻﻮﻟﻬﻢ ﻣﻦ ﺍﻋﺎﻟﻲ ﺍﻟﻨﻴﻞ ﻣﻦ ﺍﻟﺸﻠﻚ ﻛﻤﺎ ﺫﻛﺮ ﺟﻴﻤﺲ ﺑﺮﻭﺱ ﺍﻟﺴﺎﺋﺢ ﺍﻻﺳﻜﺘﻠﻨﺪﻯ ﻓﻴﻤﺎ ﺣﻜﺎﻫﻮ ﻟﻪ ﺍﻟﻤﻠﻚ ﺍﺣﻤﺪ ﺳﻴﺪ ﺍﻟﻘﻮﻡ .. ﻭﻫﻮ ﺍﻟﻘﻮﻝ ﺍﻟﺮﺍﺟﺢ ﻋﻨﺪﻱ .. ﺑﻌﺪ ﻣﻘﺎﺭﻧﺔ ﺍﻻﻗﻮﺍﻝ ﻭﻟﻜﻦ ﻭﺍﺿﺢ ﺍﻻﺧﺘﻼﻁ ﻭﺍﻟﻤﺼﺎﻫﺮﺓ ﺑﻴﻨﻬﻢ ﻭﺑﻴﻦ ﺍﻻﻋﺮﺍﺏ .. ﻭﺍﻧﺘﺎﺝ ﺟﻴﻞ ﺃﻗﻮﻳﺎﺀ ﺍﻟﺒﻨﻴﺔ ﺷﺪﺍﺩ ﺍﻟﺒﻄﺶ ﻃﻮﺍﻝ ﺍﻟﻘﻮﺍﻡ ﺿﺨﺎﻡ ﺍﻟﺠﺜﺚ ..
ﺍﻣﺎ ﺍﻟﺴﻼﻃﻴﻦ .. ﻓﻜﺎﻥ ﻳﺨﺘﺎﺭﻫﻢ ﻣﺠﻠﺲ ﺍﻟﺸﻴﻮﺥ ﻣﻦ ﺷﺘﻰ ﺍﻟﻘﺒﺎﻳﻞ .. ﻭﻟﻜﻦ ﻏﺎﻟﺐ ﺍﻻﺧﺘﻴﺎﺭ ﻫﻮ ﻣﺎﻳﺨﺘﺎﺭﻩ ﺍﻟﻔﻮﻧﺞ ..
ﺍﻫﺎ ﻳﺎﺯﻭﻝ ﺍﻭﻝ ﻣﺎ ﺍﻧﺘﻬﺖ ﺍﻟﺠﻠﺴﺔ ﺩﻱ ﺍﻟﻤﻠﻚ ﻧﺎﺩﻯ ﻭﺩ ﺩﺍﺭ ﺍﻟﺰﻳﻦ ﻭﺳﺄﻟﻪ ﻧﻔﺲ ﺍﻟﺴﺆﺍﻝ ﺍﻟﻤﻌﺘﺎﺩ .. ﺍﻟﻨﺴﻴﻢ ﻣﺎﺟﻤﻌﺖ ﻳﺎﻭﺩ ﺩﺍﺭ ﺍﻟﺰﻳﻦ؟ ..
ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺤﻤﺪ ﻟﻠﻪ ﻗﺒﺎﻝ ﺗﻼﺗﺔ ﻳﻮﻡ ﺍﻟﻨﺴﻴﻢ ﺍﺻﺒﺤﻨﺎ ﺍﻟﺼﺒﺎﺡ ﻟﻘﻴﻨﺎﻫﺎ ﻓﻮﻕ ﻋﻨﻘﺮﻳﺒﺎ ..
ﺍﻟﻤﻠﻚ ﻗﺎﻟﻴﻬﻮ .. ﺍﻧﺎ ﺍﻓﻬﻢ ﺷﻨﻮ ﻳﺎﻭﺩ ﺩﺍﺭ ﺍﻟﺰﻳﻦ؟؟ ﻏﻴﺮ ﺍﻧﻮ ﺍﻟﻨﺴﻴﻢ ﻛﺎﻧﺖ ﻣﺪﺳﻮﺳﺔ ﻓﻲ ﻣﻜﺎﻥ .. ﻟﻐﺎﻳﺔ ﻣﺎﺗﻨﺘﻬﻲ ﻋﺪﺗﻬﺎ .. ﺍﻟﻔﻜﺮﺓ ﻭﺍﺿﺤﺔ .. ﻟﻜﻦ ﺍﻗﻮﻝ ﻟﻚ ﻛﻼﻡ .. ﻛﺎﻥ ﺍﻧﺖ ﻛﺎﻥ ﻏﻴﺮﻙ .. ﺍﻟﺰﻭﻝ ﺍﻟﻌﻤﻞ ﺍﻟﻌﻤﻠﻴﺔ ﺩﻱ ﺯﻭﻝ ﻓﺎﻫﻢ ﻭﺫﻛﻲ ﻭﺯﻭﻝ ﺍﺻﻼﺡ .. ﻭﺍﻧﺎ ﻛﺎﻥ ﻋﺮﻓﺘﻮ ﺑﺪﻳﻬﻮ ﻣﻨﺼﺐ ﻓﻲ ﺍﻟﺴﻠﻄﻨﺔ .. ﻗﺎﻝ ﻟﻴﻬﻮ ﺍﺭﻳﺘﻨﺎ ﻳﺎﻣﻮﻻﻱ ﻟﻮ ﻋﺎﺭﻓﺘﻮ .. ﺍﻟﻤﻬﻢ ﻳﺎ ﻭﺩ ﺩﺍﺭ ﺍﻟﺰﻳﻦ ﺍﻧﺎ ﻫﺴﻊ ﺑﻤﺸﻲ ﺑﺒﺸﺮ ﺍﻻﻣﻴﺮ ﻭﺍﺧﻠﻴﻬﻮ ﻳﺤﺪﺩ ﻳﻮﻡ ﺯﻭﺍﺟﻪ .. ﻭﻧﺤﻦ ﺑﻨﺠﻴﻚ ﺑﺎﻟﻤﻮﻛﺐ ﺍﻟﻤﻠﻜﻲ ﻓﻲ ﺑﻴﺘﻚ ﻭﻧﺴﻮﻕ ﺍﻟﺒﺖ .. ﺗﺎﻧﻲ ﻋﻨﺪﻙ ﻣﺸﻜﻠﺔ ﻓﻲ ﺣﺎﺟﺔ؟ .. ﻗﺎﻝ ﻟﻴﻬﻮ ﺍﺑﺪﺍ ﻭﺍﻟﻠﻪ ﻣﺎﻋﻨﺪﻱ ﻣﺸﻜﻠﺔ ﻓﻲ ﺍﻱ ﺣﺎﺟﺔ .. ﺍﻟﻤﻠﻚ ﺍﺑﺘﺴﻢ ﻭﻗﺎﻟﻬﻮ . ﺧﻼﺹ ﺍﻧﺎ ﺑﺤﺪﺩ ﺍﻟﻤﻮﺍﻋﻴﺪ ﻭﺍﺭﺳﻞ ﻟﻚ ﺑﺎﻟﻤﻔﻴﺪ ﻓﻲ ﺍﻟﺨﻤﺲ ﻳﻮﻡ ﺍﻟﺠﺎﻳﺎﺕ ﺩﻳﻞ .. ﺍﻥ ﺷﺎﺀ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﻭﺍﺗﻔﻘﻮ ..
ﺍﻟﻤﻠﻚ ﻣﺸﻰ ﻟﻼﻣﻴﺮ ﻓﻲ ﺟﻨﺎﺣﻪ ﺍﻟﺨﺎﺹ .. ﻟﻘﻰ ﻣﻌﺎﻫﻮ ﺗﻼﺗﺔ ﻣﻦ ﺑﻨﻮﺕ ﺍﻟﺬﻭﺍﺕ ﺍﺟﻤﻞ ﻣﺎﺧﻠﻖ ﺍﻟﻠﻪ .. ﺍﻋﻮﺫ ﺑﺎﻟﻠﻪ ﻣﻦ ﺷﺮﻭ .. ﻗﺎﻳﻤﺎﺕ ﻋﻠﻰ ﺧﺪﻣﺘﻮ ﺯﻱ ﺍﻟﺨﺪﻡ .. ﻟﻜﻦ ﺷﻜﻠﻬﻦ ﺣﺮﺍﻳﺮ ..
ﻭﻫﻮ ﺍﻭﻝ ﻣﻦ ﺷﺎﻑ ﺍﺑﻮﻫﻮ ﻗﻌﺪ ﻳﺘﻌﺎﻭﺭ ﺯﻱ ﺍﻟﺸﺎﻓﻊ .. ﻳﺎﺑﺎ ﺍﻧﺎ ﺩﺍﻳﺮ ﺍﻟﻨﺴﻴﻢ . ﻳﺎﺑﺎ ﺍﻧﺎ ﻣﻮﺵ ﻭﻟﺪﻙ ؟ ﻳﺎﺑﺎ ﺟﻴﺐ ﻟﻲ ﺍﻟﻨﺴﻴﻢ ..
ﻗﺎﻝ ﻟﻴﻬﻮ ﻳﺎﻭﻟﺪﻱ ﺍﻧﺖ ﻣﺴﺘﻤﺘﻊ ﺑﻲ ﺣﻴﺎﺗﻚ ﻋﻠﻰ ﺍﺣﺴﻦ ﺣﺎﻝ ﻣﺎﻟﻚ ؟ ﻋﻠﻴﻚ ﻣﺎﺗﺪﺧﻠﻨﺎ ﻓﻲ ﻣﺸﺎﻛﻞ ﻣﻊ ﺍﻟﻤﺸﺎﻳﺦ .. ﺍﻟﻨﺎﺱ ﺩﻳﻞ ﺑﺘﻬﻢ ﻣﺎﺑﺘﺮﺿﻰ ..
ﻭﻫﺴﻲ ﺍﻟﺒﻨﺎﺕ ﺩﻳﻞ ﻣﻦ ﻭﻳﻦ ؟ ﻗﺎﻝ ﻟﻴﻬﻮ ﺍﻟﺼﻴﺪﺓ ﺍﻟﺒﺠﺎﻱ ﺩﻱ ﺑﺖ ﻓﻼﻥ ﺍﻟﻔﻼﻧﻲ ﻣﻦ ﺍﻟﻘﺒﻴﻠﺔ ﺍﻟﻔﺮﺗﻜﺎﻧﻴﺔ .. ﻭﺩﻱ ﻛﺪﺍ .. ﻛﻠﻬﻦ ﺳﺎﻗﻦ ﻣﻦ ﺑﻴﻮﺕ ﺍﻫﻠﻬﻦ ﺳﻮﺍﻗﺔ ﺍﻟﻨﻌﺎﺝ .. ﺑﻘﻮﻝ ﻧﺤﻦ ﺩﺍﻳﺮﻳﻦ ﺍﻟﺒﺖ ﺩﻱ ﺗﺨﺪﻡ ﻓﻲ ﺍﻟﻘﺼﺮ .. ﻗﺎﻟﻮ ﻓﻲ ﺑﺖ ﺍﺧﻮﻫﺎ ﺍﻧﺘﺤﺮ ﺑﻲ ﺍﻟﺴﺒﺐ ﺩﻩ .. ﻭﺍﻻﻣﻴﺮ ﻣﺎﻋﻨﺪﻭ ﻛﺒﻴﺮ ﺍﺻﻠﻮ ﻭﻭﻟﺪ ﺟﺎﻫﻞ ﻭﻣﻐﻔﻞ .. ﻋﺸﺎﻥ ﻛﺪﺍ ﻭﺩ ﺩﺍﺭ ﺍﻟﺰﻳﻦ ﻛﺎﻥ ﺣﺎﺑﺲ ﺍﻟﻨﺴﻴﻢ ﻓﻲ ﺍﻟﺒﻴﺖ ﻣﻦ ﻋﻤﺮﻫﺎ 12 ﺳﻨﺔ .. ﻣﺎﻃﻠﻌﺖ ﺍﻻ ﻫﻲ ﻣﺘﺰﻭﺟﺔ ..
ﺍﻫﺎ ﻫﺴﻊ ﺍﻻﻣﻴﺮ ﻗﻌﺪ ﻳﺘﻼﻳﻖ ﻭﻗﺎﻝ ﻻﺑﻮﻫﻮ ﺍﻧﺎ ﺩﺍﻳﺮ ﺍﻟﻨﺴﻴﻢ ﺗﺎﻧﻲ ﻣﺎﺩﺍﻳﺮ ﺍﻱ ﺑﺖ .. ﻗﺎﻝ ﻟﻴﻬﻮ ﻟﻮ ﺍﺩﻳﻨﺎﻙ ﺍﻟﻨﺴﻴﻢ .. ﺗﺎﻧﻲ ﻣﺎ ﺑﺘﺸﻮﻑ ﻏﻴﺮﻫﺎ ﻧﻬﺎﺋﻲ ؟
ﻗﺎﻝ ﻟﻴﻬﻮ ﻣﺎ ﺑﺸﻮﻑ ﻏﻴﺮﻫﺎ .. ﻗﺎﻝ ﻟﻴﻬﻮ ﺧﻼﺹ ﺍﻟﻨﺴﻴﻢ ﻟﻘﻮﻫﺎ ﻭﺩﻭﺭ ﺍﻟﻠﻴﻠﺔ ﺑﻨﻤﺸﻲ ﻧﻌﺮﺳﻬﺎ ﻟﻴﻚ ﻭﺗﺠﻴﺒﻬﺎ ..
ﺍﻻﻣﻴﺮ ﻓﺮﺡ ﻓﺮﺡ ﺑﻘﻰ ﻳﻨﻄﻂ ﺯﻱ ﺍﻟﻘﺮﺩ .. ﻟﻜﻦ ﻫﻞ ﺡ ﻳﺘﻮﺏ ﻣﻦ ﺍﻟﺒﺴﻮﻱ ﻓﻴﻬﻮ؟ ﺍﻟﻠﻪ ﺍﻋﻠﻢ .. ﻳﺎﺧﻲ ﺩﻩ ﺑﻌﻤﻞ ﻋﻤﺎﻳﻞ ﺗﻘﺸﻌﺮ ﻟﻬﺎ ﺍﻟﺠﻠﻮﺩ ..
ﺍﻫﺎ ﻫﺴﻊ ﻓﻲ ﺣﺎﺩﺛﺔ ﻣﺘﺰﺍﻣﻨﺔ ﻗﺼﺔ ﻓﻲ ﺯﻣﻦ ﻗﺼﺔ ﺍﻟﻨﺴﻴﻢ .. ﻭﻫﻲ ﺍﻧﻮ ﻓﻲ ﺑﺖ .. ﻗﺒﻞ ﻓﺘﺮﺓ ﻣﺸﻰ ﺍﻻﻣﻴﺮ ﻳﺴﻮﻗﻬﺎ ﻣﻦ ﺍﻫﻠﻬﺎ .. ﺍﺑﻮﻫﺎ ﻭﻗﻒ ﻟﻴﻬﻮ ﻭﺍﻋﺘﺮﺿﻮ .. ﺍﺑﻮﻫﺎ ﺍﺳﻤﻮ ﻭﺩ ﺍﻟﻤﺮﻳﻮﺩ ﻣﻦ ﺍﻟﻔﺮﺳﺎﻥ .. ﻗﺎﻡ ﺍﻻﻣﻴﺮ ﻗﺎﻝ ﻟﻠﺤﺮﺍﺱ ﺍﻣﺴﻜﻮﻫﻮ .. ﻣﺴﻜﻮﻫﻮ .. ﻭﺍﻻﻣﻴﺮ ﻃﻌﻨﻮ ﺑﺎﻟﺴﻴﻒ ﺍﻟﻤﺴﻤﻮﻡ .. ﻃﻌﻨﻮ ﻗﺪﺍﻡ ﻧﺎﺱ ﺍﻟﺤﻠﺔ .. ﻭﻗﺪﺍﻡ ﺑﺘﻮ ﻭﻭﻟﺪﻭ ﺍﻟﺼﻐﻴﺮ ﺍﺳﻤﻮ ﺍﻟﻘﺎﺳﻢ .. ﻭﺍﻻﻣﻴﺮ ﺳﺎﻕ ﺍﻟﺒﺖ ﻭﺧﻼ ﺍﻟﻮﻟﺪ ﺑﺎﺭﻙ ﻓﻮﻕ ﺟﻨﺎﺯﺓ ﺍﺑﻮﻫﻮ ﻭﻣﺸﻰ .. ﻭﺍﻟﺤﺮﺱ ﻗﺎﻟﻮ ﻟﻠﻨﺎﺱ ﺍﻟﺤﺎﺿﺮﻳﻦ .. ﺍﻟﺒﻤﺸﻲ ﻳﺸﺘﻜﻲ ﻟﻠﻤﻠﻚ ﻧﺤﻦ ﺑﻨﺤﺮﻗﻮ ﺣﻲ ﻓﻲ ﺑﻴﺘﻮ .. ﻣﻊ ﺍﻧﻮ ﺍﻟﻤﻠﻚ ﻋﺎﺭﻑ .. ﻭﻭﻟﺪﻭ ﻛﻠﻤﻮ .. ﺑﺲ ﻗﺎﻝ ﺍﺗﻜﻤﻮ ..
ﺍﻫﺎ ﻗﺎﻡ ﺍﻻﻣﻴﺮ ﺟﺎﺏ ﺍﻟﺒﺖ ﻋﺪﺍ ﻣﻌﺎﻫﺎ ﺍﺳﺒﻮﻉ .. ﻭﺭﻓﻀﺖ ﺗﺨﻠﻴﻬﻮ ﻳﻘﺮﺏ ﻣﻨﻬﺎ .. ﻭﻛﺎﻧﺖ ﻛﺎﻟﻨﻤﺮﺓ ﺍﻟﻐﺎﺿﺒﺔ .. ﻗﺎﻡ ﺟﻠﺪﻫﺎ ﺑﺎﻟﺴﻮﻁ ﻭﺣﻠﻖ ﻟﻴﻬﺎ ﺷﻌﺮﻫﺎ .. ﻭﻣﺸﻰ ﺩﺧﻠﻬﺎ ﻓﻲ ﺣﻮﺵ ﺍﻟﺮﻗﻴﻖ .. ﻭﺑﺎﻋﻮﻫﺎ .. ﻗﺒﻞ ﻣﺎﺗﻜﺘﻤﻞ ﺑﻴﻌﺘﻬﺎ .. ﺷﺎﻟﺖ ﻟﻴﻬﺎ ﺳﻬﻢ ﻣﻦ ﺯﻭﻝ ﻗﺮﻳﺐ ﻣﻨﻬﺎ .. ﻭﻏﺮﺳﺘﻮ ﻓﻲ ﻗﻠﺒﻬﺎ ﻭﻣﺎﺗﺖ .. ﺍﻫﻞ ﺍﻟﺒﺖ ﺩﻱ ﺍﻋﻤﺎﻣﻬﺎ ﻭﺍﻭﻻﺩ ﻋﻤﻬﺎ .. ﺣﺎﻗﺪﻳﻦ ﻋﻠﻰ ﺍﻻﻣﻴﺮ ﺣﻘﺪ ﺷﺪﻳﺪ .. ﻭﺍﻟﻤﺸﻜﻠﺔ ﺍﻟﻜﺒﻴﺮﺓ ﻓﻲ ﺍﺧﻮﻫﺎ ﺍﻟﺼﻐﻴﺮ ﺍﻻﺳﻤﻮ ﺍﻟﻘﺎﺳﻢ ﺩﻩ .. ﻗﺎﻟﻮ ﻟﻴﻬﻮ ﺍﻛﺘﺮ ﻣﻦ ﺷﻬﺮﻳﻦ ﻳﺠﻬﺮ ﺯﻱ ﺍﻟﺘﻮﺭ ﺍﻟﻬﺎﻳﺞ .. ﻋﻤﺮﻭ 17 ﺳﻨﺔ .. ﻭﺣﺪﻭ ﻓﻲ ﺍﻟﺒﻴﺖ ﻻ ﺍﻡ ﻻ ﺍﺑﻮ ﻻ ﺍﺧﺖ ..
.. ﺍﻫﺎ ﻗﺎﻡ ﺍﻟﻘﺎﺳﻢ ﺩﻩ ﺍﻟﻠﻴﻠﺔ ﺟﺎﺀ ﺭﺍﻛﺐ ﻟﻴﻬﻮ ﻧﺎﻗﺔ .. ﻭﻟﻘﻰ ﺍﻟﺮﺳﺎﻟﺔ ﺑﺖ ﺍﻟﻮﺷﺎﺵ ﻓﻲ ﺍﻟﺨﻼ .. ﺳﺎﺭﺣﺔ ﺑﻲ ﻏﻨﻬﻤﺎ .. ﻗﺎﻝ ﻟﻴﻬﺎ ﺍﻧﺎ ﻋﻄﺸﺎﻥ ﻭﺟﻴﻌﺎﻥ ﻳﺎﺑﻨﻴﺔ .. ﻗﺎﻟﺖ ﻟﻴﻬﻮ ﺣﺒﺎﺑﻚ .. ﺍﻧﺰﻝ ﻧﺰﻝ ﺳﻘﺘﻮ ﻣﻮﻳﺔ .. ﻭﺣﻠﺒﺘﻠﻮ ﻟﺒﻦ ﺷﺮﺑﻮ .. ﺑﻌﺪ ﺷﺮﺏ ﻗﻌﺪ ﻳﺒﻜﻲ ﻓﻲ ﺟﻨﺲ ﺑﻜﺎﺀ ..
ﻗﺎﻟﺖ ﻟﻴﻬﻮ ﻣﺎﻟﻚ ﻳﺎ ﻭﺩ ﺍﻟﻌﻢ؟ .. ﺣﻜﻲ ﻟﻴﻬﺎ ﺍﻟﻘﺼﺔ ﺍﻟﺤﺼﻠﺖ ﻋﻠﻴﻬﻮ .. ﻭﻗﺎﻝ ﻟﻴﻬﺎ ﺍﻧﺎ ﻛﺎﻥ ﻣﺎﻛﺘﻠﺖ ﺍﻻﻣﻴﺮ ﻭﺷﺮﺑﺖ ﻣﻦ ﺩﻣﻮ ﺍﻟﻠﻪ ﻻ ﺑﺎﺭﻙ ﻓﻴﺎ ..
ﻗﺎﻣﺖ ﺣﻜﺖ ﻟﻴﻬﻮ ﺍﻟﺤﺎﺻﻞ .. ﻭﻛﻠﻤﺘﻮ ﺑﺎﻟﺴﺮ ﺍﻟﺤﻜﺘﻮ ﻟﻴﻬﺎ ﺍﻟﻨﺴﻴﻢ .. ﻭﻗﺎﻟﺖ ﻟﻴﻬﻮ ﺍﻻﻣﻴﺮ ﻃﻠﺐ ﻣﻦ ﻣﺮﺕ ﺍﺧﻮﻱ ﺍﺳﻤﻬﺎ ﺍﻟﻨﺴﻴﻢ .. ﺗﻄﻠﻖ ﺍﺧﻮﻱ ﻋﺸﺎﻥ ﻳﻌﺮﺳﻬﺎ ﻫﻮ .. ﻭﻫﺴﻊ ﺑﻌﺮﺳﻬﺎ ﻓﻲ ﺍﻻﻳﺎﻡ ﺩﻱ .. ﻟﻜﻦ ﺍﻟﻨﺴﻴﻢ ﺩﺳﺖ ﺍﻟﻜﻼﻡ ﻋﻠﻰ ﺍﻫﻠﻬﺎ ﻋﺸﺎﻥ ﻣﺎﻳﻜﺘﻠﻮﻫﻮ .. ﻭﺍﻧﺎ ﻭﺍﻟﻠﻪ ﺑﺲ ﺩﺍﻳﺮﺓ ﻟﻲ ﺯﻭﻝ ﻳﻮﺻﻞ ﺍﻟﺨﺒﺮ ﻟﻲ ﺍﻫﻼ .. ﻗﺎﻝ ﻟﻴﻬﺎ ﺍﻧﺎ ﺑﺨﺪﻣﻚ ﻓﻲ ﺧﺪﻣﺔ ﻭﺍﻧﺘﻲ ﺍﺧﺪﻣﻴﻨﻲ ﻓﻲ ﺧﺪﻣﺔ .. ﻗﺎﻟﺖ ﻟﻴﻬﻮ ﺍﻫﺎ ﻗﻮﻝ ..
ﻗﺎﻝ ﻟﻴﻬﺎ ﺍﻧﺎ ﺩﺍﻳﺮ ﺯﻭﻝ ﻳﺘﻮﺳﻂ ﻟﻲ ﺍﺷﺘﻐﻞ ﻓﻲ ﺍﻟﻘﺼﺮ .. ﻭﺍﻧﺎ ﺑﻮﺻﻞ ﻟﻴﻚ ﺍﻟﺨﺒﺮ ﻟﻲ ﺍﻫﻞ ﺍﻟﻨﺴﻴﻢ .. ﻗﺎﻟﺖ ﻟﻴﻬﻮ .. ﺣﻠﻚ ﻭﺣﻠﻲ ﻭﺍﺣﺪ ..
ﻗﺎﻝ ﻟﻴﻬﺎ ﻣﺎﻓﻬﻤﺖ ﺍﻟﻜﻼﻡ ﺩﻩ .. ﻗﺎﻟﺖ ﻟﻴﻬﻮ ﻭﺩ ﺩﺍﺭ ﺍﻟﺰﻳﻦ ﺍﺑﻮ ﺍﻟﻨﺴﻴﻢ .. ﻣﻦ ﺍﻟﻨﺎﺱ ﺍﻟﺒﺤﻠﻮ ﻭﺑﻌﻘﺪﻭ ﻓﻲ ﺍﻟﻘﺼﺮ .. ﺍﻛﺎﻥ ﺩﺍﻳﺮ ﻟﻚ ﺷﻐﻞ ﺑﺸﻐﻠﻚ .. ﻭﺍﻧﺖ ﻛﺎﻥ ﻣﺸﻴﺖ ﻛﺸﻔﺖ ﻟﻪ ﺍﻟﻜﻼﻡ ﺩﻩ .. ﺑﺪﻳﻚ ﺟﺎﻳﺰﺓ ﺧﻞ ﻳﺸﻐﻠﻚ ﺳﺎﻛﺖ .. ﺑﺲ ﺍﻛﺎﻥ ﻗﺎﻟﻚ ﺍﻟﻜﻠﻤﻚ ﻣﻨﻮ .. ﻗﻮﻟﻮ ﺍﻧﺎ ﻛﻨﺖ ﻓﻮﻕ ﺍﻟﺒﻴﺮ ﻭﻛﺖ ﺍﻻﻣﻴﺮﻭﺣﺮﺍﺳﻮ ﺟﻮ ﻧﻀﻤﻮ ﻣﻊ ﺍﻟﻨﺴﻴﻢ .. ﻗﺎﻝ ﻟﻴﻬﺎ ﺧﻼﺹ ﺑﺲ ﺍﻧﺘﻲ ﻭﺻﻔﻲ ﻟﻲ .. ﻭﺻﻔﺖ ﻟﻴﻬﻮ ﻭﻣﺸﻰ .. ﻓﻲ ﻧﻔﺲ ﺍﻟﻴﻮﻡ ﺩﻕ ﺍﻟﺒﺎﺏ ﻋﻠﻰ ﻭﺩ ﺩﺍﺭ ﺍﻟﺰﻳﻦ .. ﺭﺣﺐ ﺑﻴﻬﻮ ﺍﺣﺴﻦ ﺗﺮﺣﻴﺐ ﻗﺎﻝ ﻟﻴﻬﻮ ﻳﺎﻭﺩ ﺍﺭ ﺍﻟﺰﻳﻦ ﺍﻧﺎ ﺟﺎﻳﻴﻚ ﻓﻲ ﻛﻼﻡ ﺧﺼﻮﺻﻲ .. ﻗﺎﻝ ﻟﻴﻬﻮ ﺍﺣﻜﻲ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﻋﻨﺪﻱ ﻟﻴﻚ ﻛﻼﻡ ﺳﺮ ﺷﺪﻳﺪ .. ﻭﻟﻜﻦ ﻣﺎﺑﻘﻮﻟﻮﻟﻴﻚ .. ﺍﻻ ﺗﻮﻋﺪﻧﻲ ﺗﺸﻐﻠﻨﻲ ﻓﻲ ﺍﻟﻘﺼﺮ ..
ﻗﺎﻝ ﻟﻴﻬﻮ ﺩﻩ ﻛﻼﻡ ﺳﺎﻫﻞ ﺷﺪﻳﺪ .. ﺑﺸﻐﻠﻚ .. ﺑﺲ ﺍﻧﺖ ﻗﻮﻝ ﻟﻲ ﺍﻟﻜﻼﻡ .. ﻗﺎﻝ ﻟﻴﻬﻮ ﺑﺘﻚ ﺍﻟﻨﺴﻴﻢ .. ﻗﺎﻟﻴﻬﻮ ﻣﺎﻻ ﺑﺘﻲ ﺍﻟﻨﺴﻴﻢ .. ؟؟ ﻗﺎﻝ ﻟﻴﻬﻮ ﺍﻧﺎ ﻳﻮﻡ ﻓﻮﻕ ﺍﻟﺒﻴﺮ ﻭﻫﻲ ﻛﺎﻧﺖ ﺑﺘﻨﺸﻞ .. ﺟﺎﺀ ﻣﻮﻻﻱ ﺍﻻﻣﻴﺮ ﻭﻭﻗﺎﻝ ﻟﻬﺎ ﻛﻴﺖ ﻛﻴﺖ ..
ﻗﺎﻝ ﻟﻴﻬﻮ ﺍﻟﻜﻼﻡ ﺩﻩ ﺳﻤﻌﺘﻮ ﺍﻧﺖ ؟ ﻗﺎﻝ ﺍﻱ ﻧﻌﻢ ﻛﻨﺖ ﺣﺎﺍﺍﺍﺍﺍﺍﺍﺍﺍﺍﺍﺿﺮ ..
ﻗﺎﻝ ﻟﻴﻬﻮ ﺍﻭﻋﻚ ﺍﻟﻜﻼﻡ ﺩﻩ ﺗﺠﻴﺒﻮ ﻓﻮﻕ ﺧﺸﻤﻚ .. ﺍﺧﻮﺍﻟﻬﺎ ﺍﻭﻻﺩ ﻣﺨﺘﺎﺭ ﻛﺎﻥ ﺳﻤﻌﻮ ﺑﺎﻟﻜﻼﻡ ﺩﻩ .. ﺑﺴﻮﻃﻮ ﺍﻟﺒﻠﺪ ﻭﺍﻟﺒﻠﺪﻳﻦ .. ﻭﺑﺘﺤﺼﻞ ﻓﺘﻨﺔ .. ﻗﺎﻝ ﻟﻴﻬﻮ ﺧﻼﺹ ﺑﺲ ﺍﻭﻋﺪﻧﻲ ﺗﺸﻐﻠﻨﻲ ﻗﺎﻝ ﻟﻴﻬﻮ ﺟﺪﺍ ﺑﺲ ﺍﻧﺖ ﻳﻮﻡ ﺍﻟﺴﺒﺖ ﺗﻼﻗﻴﻨﻲ ﻓﻲ ﺍﻟﺒﻮﺍﺑﺔ ﺍﻟﺸﻤﺎﻟﻴﺔ ﻟﻠﻘﺼﺮ . ﺍﻟﺼﺒﺎﺡ . ﺍﻟﻘﺎﺳﻢ ﻗﺎﻝ ﻟﻴﻬﻮ ﺍﺳﻤﻊ ﻳﺎﻋﻤﻲ .. ﻟﻮ ﺍﻧﺖ ﻣﺎ ﺷﻐﻠﺘﻨﻲ ﺍﻧﺎ ﺑﻤﺸﻲ ﻟﻲ ﺍﻭﻻﺩ ﻣﺨﺘﺎﺭ ﻭﺍﺣﻜﻲ ﻟﻴﻬﻢ ﺍﻟﺸﻔﺘﻮ ..
ﻗﺎﻝ ﻟﻴﻬﻮ ﻻﻻ ﺍﻭﻭﻭﻭﻋﺎ ﻟﻲ ﺑﺎﻟﻚ .. ﺍﻟﻤﻬﻢ ﻭﺩ ﺩﺍﺭ ﺍﻟﺰﻳﻦ ﺟﺎ ﻛﻠﻢ ﺍﻟﺘﺎﻳﺔ ﺑﻲ ﻗﺼﺔ ﺍﻟﻮﻟﺪ .. ﻗﺎﻟﺖ ﻟﻴﻬﻮ ﺍﻭﻋﻚ ﺗﺪﺧﻞ ﺍﻟﻮﻟﺪ ﺩﻩ ﻋﻠﻰ ﺍﻟﻘﺼﺮ ..
ﻭﺣﺎﺕ ﺍﻟﻠﻪ ﺍﻟﻮﻟﺪ ﻭﺭﺍﻫﻮ ﻣﺼﻴﺒﺔ ﻭ ﻳﺠﻴﺐ ﻟﻚ ﻣﺸﻜﻠﺔ ..
ﺍﻫﺎ ﻳﺎﺯﻭﻝ ﻏﺎﻳﺘﻮ ﺍﻟﻘﺎﺳﻢ ﻣﻮ ﻣﻌﺮﻭﻑ ﻧﺎﻭﻱ ﻋﻠﻰ ﺷﻨﻮ؟ ﻭﻫﻞ ﺡ ﻳﻨﺠﺢ ﻓﻲ ﺍﻟﻤﻬﻤﺔ ﻭﻻ ﻳﺮﻭﺡ ﺿﺤﻴﺔ ﺯﻱ ﺍﺧﺘﻮ ﻓﻲ ﺟﻮ ﺍﻟﻘﺼﺮ ﺍﻟﻤﻠﻌﻮﻥ ﺩﻩ ..
ﻭﻟﻮ ﺩﺧﻞ ﺍﻟﻘﺼﺮ ﻭﻗﺎﻡ ﺑﻲ ﺍﻱ ﺣﺮﻛﺔ ﻭﺩ ﺩﺍﺭ ﺍﻟﺰﻳﻦ ﺑﺮﻭﺡ ﻓﻴﻬﺎ ﻃﺒﻌﺎ .."
ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ..
ﺍﻟﻤﻬﻢ ﺑﺎﻛﺮ ﺍﻟﺼﺒﺎﺡ .. ﺟﻮ ﺟﻨﻮﺩ ﻣﻮﻓﻮﺩﻳﻦ ﻣﻦ ﺍﻟﻘﺼﺮ ﻭﺩﻗﻮ ﺑﺎﺏ ﻭﺩ ﺩﺍﺭ ﺍﻟﺰﻳﻦ .. ﻭﻧﺰﻟﻮ ﺣﺎﺟﺎﺕ ﻣﺤﻤﻠﺔ ﻓﻲ ﺟﻤﻠﻴﻦ ..
ﻳﻌﻨﻲ ﺩﻱ ﺍﻟﺸﻴﻠﺔ ﺣﻘﺔ ﺍﻟﻨﺴﻴﻢ ﺗﻘﺮﻳﺒﺎ .. ﻭﺩﺧﻠﻮﻫﺎ ﺟﻮﺓ ﻭﻗﺎﻟﻮ ﻟﻮﺩ ﺩﺍﺭ ﺍﻟﺰﻳﻦ ﺩﻱ ﻫﺪﻳﺔ ﺍﻟﻤﻠﻚ ﻟﻲ ﺍﻻﻣﻴﺮﺓ ﺍﻟﻨﺴﻴﻢ ..
ﻭﺩ ﺩﺍﺭ ﺍﻟﺰﻳﻦ ﻭﺍﻟﺘﺎﻳﺔ ﺟﻮ ﻓﺘﺤﻮ ﺍﻟﺤﺎﺟﺎﺕ .. ﺷﻨﻂ ﺷﻨﻂ .. ﺍﻟﻤﻼﺑﺲ ﺍﻟﻐﺎﻟﻴﺔ ﺟﺪﺍ .. ﻭﺍﻟﺰﻳﻨﺔ .. ﻭﺍﻟﻌﻄﻮﺭ .. ﻭﺍﻟﺪﻫﺐ ﺩﻩ ﻛﻤﻴﺔ ﺧﻴﺎﻟﻴﺔ .. ﺑﺎﻻﺭﻃﺎﻝ . ﻭﺩ ﺩﺍﺭ ﺍﻟﺰﻳﻦ ﻣﻦ ﺍﻟﻠﻪ ﺧﻠﻘﻮ ﻣﺎﺷﺎﻑ ﺩﻫﺐ ﻗﺪﺭ ﺩﻩ .. ﻭﺍﻟﻨﺴﻴﻢ ﺟﺎﺕ ﻋﺎﻳﻨﺖ ﻟﻠﺤﺎﺟﺎﺕ ﻛﺪﺍ .. ﺑﻄﻨﻬﺎ ﻃﺎﻣﺔ ﻭﺭﻣﺖ ﻟﻬﺎ ﺩﻣﻌﺘﻴﻦ ﻭﻣﺸﺖ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻠﺘﺎﻳﺔ ﻭﺍﻟﻠﻪ ﺑﺘﻚ ﺭﺑﻨﺎ ﻋﻮﺿﻬﺎ .. ﻗﺎﻟﺖ ﻟﻴﻬﻮ ﺗﺮﺍﻫﻮ ﻣﻮﻋﺎﺟﺒﺎ .. ﺍﻟﻤﻬﻢ ﻟﻤﻠﻤﻮ ﺍﻟﺸﻨﻂ ﻭﺩﺳﻮﻫﺎ ..
ﺍﻫﺎ ﻳﺎﺯﻭﻝ ﺑﺎﻛﺮ ﺍﻟﺼﺒﺎﺡ ﺑﺪﺭﻱ ﺑﺎﺏ ﻧﺎﺱ ﻭﺩ ﺍﻟﺰﻳﻦ ﺗﺎﺍﺍﺍﺍﺍﺍﺍﻧﻲ . ﺩﻕ ﺗﺎﻧﻲ .. ﻳﺎﻟﻄﻴﻒ .. ﺩﻗﺔ ﺍﻟﺒﺎﺏ ﺍﻟﻤﻦ ﺍﻟﺼﺒﺎﺡ ﺩﻱ ﻣﺎ ﻣﻄﻤﻨﺔ ﻳﺎﺭﺑﻲ ﺩﻩ ﻣﻨﻮ؟ ﻣﺸﻰ ﻓﺘﺢ ﺍﻟﺒﺎﺏ ﻟﻘﺎﻫﻮ ﺩﻩ ﻭﺍﺣﺪ ﻣﻦ ﺍﻟﺤﺮﺱ ﺍﻻﺗﻨﻴﻦ ﺍﻟﺒﻤﺸﻮ ﻣﻊ ﺍﻻﻣﻴﺮ ﻃﻮﺍﻟﻲ .. ﺟﺎﻱ ﺑﺮﺍﻫﻮ .. ﻭﺳﺎﻝ ﺳﻴﻔﻮ ﻭﻋﻴﻮﻧﻮ ﺗﻄﺎﻳﺮ ﺷﺮﺍﺭ ﺷﺮﺍﺭ ..
ﺍﻟﻰ ﺍﻟﻠﻘﺎﺀ ﺍﻥ ﺷﺎﺀ ﺍﻟﻠﻪ ..