ﻭﺻﻞ ﻭﺩ ﺩﺍﺭ ﺍﻟﺰﻳﻦ .. ﻟﻠﻤﺪﻳﻨﺔ ﺳﻨﺎﺭ .. ﻭﺍﺳﺎﺗﺄﺫﻥ ﻋﻠﻰ ﺍﻟﻤﻠﻚ ﻃﻮﺍﻟﻲ .. ﻭﻛﺎﻥ ﻣﺘﻀﺎﻳﻖ ﻭﻣﺘﻮﺗﺮ .. ﻭﺍﻟﺤﺮﺍﺱ ﺍﺫﻧﻮﺍ ﻟﻴﻬﻮ ﻳﺪﺧﻞ .. ﻟﻘﻰ ﺍﻟﻤﻠﻚ ﺟﻤﺒﻮ ﻭﻟﺪﻭ .. ﻳﺘﻜﻠﻢ ﻣﻌﺎﻫﻮ .. ﻭﺍﻟﻮﻟﺪ ﺑﺪﺍﻋﺐ ﻓﻲ ﺷﺒﻞ ﺑﺘﺎﻉ ﻧﻤﺮ ﺻﻐﻴﺮ .. ﻭﻣﻮ ﺧﺎﺕ ﺑﺎﻟﻮ ﻓﻲ ﻛﻼﻡ ﺍﺑﻮﻫﻮ .. ﺍﻟﻜﻼﻡ ﺍﻟﺴﻤﻌﻮ ﻭﺩ ﺩﺍﺭ ﺍﻟﺰﻳﻦ ﻣﻦ ﺍﻟﻤﻠﻚ .. ﻳﺎﻭﻟﺪﻱ ﺗﺮﺍﻫﻮ ﻭﺩ ﺩﺍﺭ ﺍﻟﺰﻳﻦ .. ﺑﺎﻟﺘﻲ ﻫﻲ ﺍﺣﺴﻦ .. ﻭﺑﺪﻭﻥ ﻣﺸﺎﻛﻞ ﻭﻓﻀﺎﻳﺢ ﻧﻨﺘﻈﺮ ﺍﻻﻳﺎﻡ ﺍﻟﺒﺎﻗﻴﺔ ..
ﺣﺒﺎﺑﻚ ﻳﺎﻭﺩ ﺩﺍﺭ ﺍﻟﺰﻳﻦ .. ﺍﻫﺎ ﺍﻟﺨﺒﺮ ﺷﻨﻮ؟
ﻗﺎﻝ ﻟﻴﻬﻮ ﻳﺎﻣﻮﻻﻱ ﺍﺑﻨﻜﻢ ﺍﻟﻤﺼﻮﻥ .. ﻫﺪﺩﻧﻲ ﺍﻧﻮ ﻳﺴﻮﻕ ﺍﻟﻨﺴﻴﻢ ﺑﺘﻲ .. ﻣﻦ ﺍﻟﺒﻴﺖ ﺯﻧﺪﻳﺔ .. ﻭﻫﺴﻊ ﺳﺎﻗﻬﺎ .. ﺍﻧﺎ ﻭﺍﻗﻊ ﻓﻲ ﻋﺮﺿﻚ ﻳﺎﻣﻮﻻﻱ .. ﺭﺟﻌﻮ ﻟﻲ ﺑﺘﻲ .. ﻭﻭﻋﺪ ﺑﻌﺪ ﺗﺘﻢ .. ﺑﺠﻴﺒﻬﺎ ﻟﻴﻜﻢ ﺑﻲ ﻧﻔﺴﻲ ..
ﺍﻻﻣﻴﺮ ﻓﻜﻪ ﺍﻟﺸﺒﻞ ﺑﺘﺎﻉ ﺍﻟﻨﻤﺮ .. ﻭﻗﻌﺪ ﻳﻌﺎﻳﻦ ﻟﻲ ﻭﺩ ﺩﺍﺭ ﺍﻟﺰﻳﻦ .. ﻭﻣﻄﻴﺮ ﻋﻴﻮﻧﻮ ﻛﺪﺍ .. ﺯﻱ ﺍﻟﻤﺘﻔﺎﺟﺊ ﺑﺎﻟﻜﻼﻡ ﺩﻩ .. ﻭﻗﺎﻡ ﻋﻠﻲ ﺣﻴﻠﻮ ﻭﺟﺎ ﻣﺎﺷﻲ ﻋﻠﻰ ﻭﺩ ﺩﺍﺭ ﺍﻟﺰﻳﻦ .. ﻭﻣﺴﻜﻮ ﻣﻦ ﺗﻮﺑﻮ ﺍﻟﻤﺘﻠﻔﺢ ﺑﻴﻬﻮ ﻛﺪﺍ .. ﻳﻌﻨﻲ ﺯﻱ ﺍﻟﻤﻘﺒﻘﺒﻮ .. ﻭﻗﺎﻝ ﻟﻴﻬﻮ ﻫﻮﻱ ﻳﺎ ﺍﺑﻮ ﺍﻟﻨﺴﻴﻢ .. ﻣﺎﺗﻤﺜﻞ ﻟﻨﺎ ﺫﻛﻲ .. ﺍﻟﻨﺴﻴﻢ ﻭﺩﻳﺘﻬﺎ ﻭﻳﻦ؟ .. ﺍﻧﺖ ﺩﺳﻴﺖ ﺍﻟﻨﺴﻴﻢ ﻭﺟﻴﺖ ﺗﻘﻮﻝ ﻛﻼﻣﻚ ﺩﻩ .. ﻋﺸﺎﻥ ﺍﻧﺎ ﻣﺎ ﺍﻟﻘﺎﻫﺎ؟؟ ﺍﻧﺎ ﺑﻘﺘﻠﻚ .. ﻭﺟﺮﻯ ﺷﺎﻝ ﺍﻟﺴﻴﻒ ﺍﻟﻤﻠﻜﻲ ﺍﻟﻤﺼﻨﻮﻉ ﻣﻦ ﺍﻟﺬﻫﺐ .. ﻭﻣﻮﺿﻮﻉ ﻓﻲ ﺍﻻﺭﻳﻜﺔ ﻋﻠﻰ ﻃﺮﻑ ﺍﻟﻜﻜﺮ .. ﻫﻨﺎ ﺍﻟﻤﻠﻚ ﺍﺷﺮ ﻟﻠﺤﺮﺍﺱ ﻳﻤﺴﻜﻮ ﺍﻻﻣﻴﺮ .. ﻭﻣﺎﻳﺨﻠﻮﻫﻮ ﻳﺘﺼﺮﻑ .. ﻣﺴﻜﻮﻫﻮ ﻻﻣﻦ ﻫﺪﺍ .. ﻭﻭﺩﺍﺭﺍﻟﺰﻳﻦ ﺧﺎﻑ ﺧﻮﻑ ﺷﺪﻳﺪ .. ﻭﺍﻟﺨﻮﻑ ﻇﻬﺮﻓﻲ ﻭﺷﻮ .. ﻭﻗﺎﻝ ﻟﻠﻤﻠﻚ ﻭﺍﻟﻠﻪ ﻳﺎﻣﻮﻻﻱ .. ﺍﻧﺎ ﻣﺴﺘﻌﺪ ﺍﺣﻠﻒ ﻓﻲ ﺍﻟﻤﺼﺤﻒ .. ﺍﻟﻨﺴﻴﻢ ﻣﻦ ﺍﻟﺒﺎﺭﺡ ﺍﻟﺼﺒﺎﺡ ﻣﻔﻘﻮﺩﺓ .. ﻭﻫﺴﻊ ﻭﻛﺖ ﺍﻻﻣﻴﺮ ﻣﺎﺳﺎﻗﻬﺎ .. ﺧﻠﻨﻲ ﺍﻣﺸﻲ ﺍﻓﺘﺶ ﻟﻬﺎ ﻛﺘﺮ .. ( ﻓﻲ ﻣﻜﺎﻥ ﺗﺎﻧﻲ ) .. ﺍﻟﻤﻠﻚ ﻗﺎﻝ ﻟﻴﻬﻮ .. ﻳﺎﺍﺍﺍﺍﺍﻭﺩ ﺩﺍﺭ ﺍﻟﺰﻳﻦ ﺧﻠﻲ ﺍﻻﺳﺘﻬﺒﺎﻝ .. ﻭﺍﻟﻜﻀﺐ .. ﻭﻭﺭﻳﻨﺎ ﺍﻟﺒﺖ ﻭﺩﻳﺘﻬﺎ ﻭﻳﻦ؟ ﺍﻻﻣﻴﺮ ﺩﻩ ﺑﻘﺘﻠﻚ .. ﻭﺍﻧﺎ ﻣﺎﻣﻤﻜﻦ ﺍﻣﺴﻜﻮ ﻣﻨﻚ ﻃﻮﻝ ﺍﻟﻌﻤﺮ .. ﻗﺎﻝ ﻟﻴﻬﻮ ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ ﺍﻷﻧﺎ ﻣﺎﺑﺤﻠﻒ ﺑﻲ ﻏﻴﺮﻭ .. ﻭﻣﺎ ﻓﻲ ﺍﻋﻈﻢ ﻣﻨﻮ .. ﺍﻧﺎ ﻣﺎﻋﺎﺭﻑ ﺍﻟﻨﺴﻴﻢ ﻭﻳﻦ .. ﺍﻭﻝ ﻣﺎﻓﻘﺪﺗﻬﺎ ﺟﻴﺘﻚ ﻻﻧﻮ ﺍﻻﻣﻴﺮ ﻫﺪﺩﻧﻲ ..
ﻫﻨﺎ ﺍﻟﻤﻠﻚ ﺻﺪﻕ ﻭﺩ ﺩﺍﺭ ﺍﻟﺰﻳﻦ ﺗﻤﺎﻣﺎ " .. ﻗﺎﻝ ﻟﻴﻬﻮ ﺣﻠﻴﻔﺘﻚ ﺣﻠﻴﻔﺔ . ﺻﺎﺩﻕ ﻳﺎﻭﺩ ﺩﺍﺭ ﺍﻟﺰﻳﻦ .. ﻟﻜﻦ ﺍﻟﺒﺖ ﺑﻜﻮﻧﻮ ﺧﻄﻔﻮﻫﺎ ﺍﻫﻠﻬﺎ ﺍﻭ ﺍﺻﺤﺎﺑﻚ .. ﻋﺸﺎﻥ ﺍﻻﻣﻴﺮ ﻣﺎﻳﺴﻮﻗﻬﺎ ﻋﺸﺎﻥ ﻛﺪﻱ ﺍﻧﺎ ﻣﻀﻄﺮ ﺍﺣﺒﺴﻚ ﻟﻐﺎﻳﺔ ﺍﻟﺒﺖ ﺗﺘﻠﻘﻲ ..
ﻗﺎﻝ ﻟﻴﻬﻮ ﻳﺎﻣﻮﻻﻧﺎ ﺍﻟﺒﺖ ﺍﻟﺒﻜﻮﺳﻠﻬﺎ ﻣﻨﻮ ﻭﺍﻧﺎ ﻣﺤﺒﻮﺱ ..
ﺍﻻﻣﻴﺮ ﻗﺎﻝ ﻟﻴﻬﻮ ﺍﻧﺎ ﺍﻟﺒﻜﻮﺱ ﻟﻬﺎ ﻳﺎﺑﺎ ﺍﻟﺰﻭﻝ ﺩﻩ ﻣﺎﻳﻄﻠﻊ ﻣﻦ ﻫﻨﺎ ﺍﻻ ﺍﻧﺎ ﺍﻟﻘﻰ ﺍﻟﺒﺖ ﻭﺗﺒﻘﻰ ﻣﻠﻜﻲ .. ﺍﻟﻤﻠﻚ ﻗﺎﻝ ﻟﻠﺤﺮﺍﺱ ﻭﺩﻭﻫﻮ ﺍﻟﺴﺠﻦ ﺍﻟﻤﻠﻜﻲ .. ﺳﺎﻗﻮ ﻭﺩ ﺩﺍﺭ ﺍﻟﺰﻳﻦ ﻭﻣﺴﻜﻮﻫﻮ ﻓﻲ ﺍﻟﺤﺒﺲ ﺍﻟﻤﻠﻜﻲ ( ﺯﻱ ﺣﺒﺲ ﺍﻧﻔﺮﺍﺩﻱ ﻓﻲ ﺳﺮﺍﻳﺎ .. ﻭﻓﻴﻬﺎ ﺧﺪﻣﺎﺕ ﻛﻮﻳﺴﺔ ﻳﻌﻨﻲ ﻣﺎﺯﻱ ﺳﺠﻦ ﺍﻟﻤﺠﺮﻣﻴﻦ ﻭﺍﻟﻬﻤﺒﺎﺗﺔ .. ﺳﺠﻴﻦ ﺳﻴﺎﺳﻲ ﻭﻛﺪﺍ ) ﺍﻻﻣﻴﺮ ﻭﻛﺖ ﺍﺗﺎﻛﺪ ﺍﻧﻮ ﻭﺩ ﺩﺍﺭ ﺍﻟﺰﻳﻦ ﺑﺘﻮ ﻣﻔﻘﻮﺩﺓ ﻓﻌﻼ ﺑﻲ ﺣﻠﻴﻔﺘﻮ ﻭﺗﺼﺪﻳﻖ ﺍﻟﻤﻠﻚ ﻟﻴﻬﻮ ..
ﻗﺎﻡ ﺟﺎﺭﻱ ﺯﻱ ﺍﻟﻤﺠﻨﻮﻥ ﻭﻣﺎﻣﻌﺮﻭﻑ ﻣﺎﺷﻲ ﻭﻳﻦ ؟ ﺳﺎﻕ ﺍﻟﺤﺮﺍﺱ ﺍﻻﺗﻨﻴﻦ ﻣﻌﺎﻫﻮ ﻗﺎﻝ ﻟﻴﻬﻢ ﺍﺭﻛﺒﻮ ﺳﺮﻳﻊ ﻃﺒﻌﺎ " ﺍﻟﺘﺎﻟﺖ ﺍﻻﺳﻤﻮ ﺍﻟﻀﻴﺐ ﻛﺘﻠﻮ ..
ﻭﺭﻛﺒﻮ ﻭﻗﺎﻣﻮ ﺟﺮﻱ ﺑﺠﻮ ﻟﻠﻤﻠﻔﺎﺕ ﺑﺘﺎﻋﺎﺕ ﺷﻮﺍﺭﻉ ﺍﻟﻤﺪﻳﻨﺔ ﺩﻱ ﻻﻣﻦ ﺑﻤﻴﻠﻮ ﻟﻠﻔﺔ .. ﻣﻦ ﺷﺪﺓ ﺍﻟﺠﺮﻱ ﺑﺘﺎﻉ ﺍﻟﺤﺼﻴﻦ ﺩﻱ ..
ﻭﻋﻠﻰ ﻭﻳﻦ ﻣﺎﻣﻌﺮﻭﻑ .. ﺣﺘﻰ ﺍﻟﺤﺮﺍﺱ ﻣﺎﻓﺎﻫﻤﻴﻦ ﺍﻻﻣﻴﺮ ﺩﻩ ﺟﺎﺭﻱ ﻣﻨﺰﻋﺞ ﻛﺪﺍ ﻭﻳﻦ .. ﺍﻻﻣﻴﺮ ﻣﺎﺷﻲ ﻳﻔﺘﺶ ﺍﻟﻨﺴﻴﻢ ﻓﻲ ﺑﻴﺖ ﺍﺑﻮﻫﺎ ﻭﻫﻨﺎﻙ ﺑﻠﻘﻰ ﺍﻟﺴﻢ ﺍﻟﻘﺪﺭ ﻏﺪﺍﻫﻮ ..
ﺍﻟﻤﻬﻢ ﻳﺎﺯﻭﻝ ﻭﺻﻞ ﺍﻟﺒﻴﺖ ﻭﻧﺎﺱ ﺍﻟﺤﻠﺔ ﻣﻦ ﺑﻌﻴﺪ ﻣﺘﺎﺑﻌﻴﻦ ﻓﻲ ﺳﺘﺔ ﺣﺼﻴﻦ ﻣﺮﺑﻄﺎﺕ ﺑﺮﺓ ﻭﻫﺴﻲ ﺟﺎ ﺍﻻﻣﻴﺮ ﻭﺣﺮﺍﺳﻮ ﻳﺎﺭﺑﻲ ﺍﻟﻨﺴﻴﻢ ﺩﻱ ﺍﻟﺤﺎﺻﻞ ﻋﻠﻴﻬﺎ ﺷﻨﻮ ؟ ﺍﻣﺎﻫﺎ ﺍﻟﺒﺎﺭﺡ ﻗﺎﻟﺖ ﺍﻟﻨﺴﻴﻢ ﺿﺎﻳﻌﺔ .. ﻭﺍﻟﻨﺎﺱ ﺑﺪﻭ ﻳﺘﻠﻤﻠﻤﻮ ﻭﻻﻣﻦ ﺟﺎ ﺍﻻﻣﻴﺮ ﺑﻲ ﺣﺮﺍﺳﻮ ﺍﻟﻨﺎﺱ ﺍﺗﻔﺮﻗﻮ ..
ﺍﻻﻣﻴﺮ ﻭﻛﺖ ﻟﻘﻰ ﺣﺼﻴﻦ ﻣﺮﺑﻄﺎﺕ ﺑﺮﻩ .. ﺍﺳﺘﻐﺮﺏ .. ﻭﻗﺎﻝ ﻟﻠﺤﺤﺮﺍﺱ ﺍﺳﺘﻌﺪﻭﺍ ﻓﻲ ﻣﺠﺮﻣﻴﻦ ﺟﻮﺓ ﺩﻱ ﺣﺼﻴﻦ ﺑﺘﺎﻋﺎﺕ ﻋﺼﺎﺑﺔ .. ﺳﻠﻮ ﺳﻴﻮﻓﻬﻢ ﻭﺩﻓﺮﻭ ﺍﻟﺒﺎﺏ ﺩﺧﻠﻮ .. ﺍﻟﻜﻼﻡ ﺩﻩ ﻧﺼﺖ ﻧﻬﺎﺭ .. ﺍﻭﻻﺩ ﻣﺨﺘﺎﺭ ﺷﺎﻓﻮ ﺍﻻﻣﻴﺮ ﻭﺣﺮﺍﺳﻮ ﺟﻮ ﺷﺎﻳﻠﻴﻦ ﺳﻴﻮﻓﻬﻢ ﻭﺩﻓﺮﻭ ﺍﻟﺒﺎﺏ .. ﻗﺎﻣﻮ ﺍﻟﺴﺘﺔ ﻧﻄﻮ ﻛﺪﺍ ﺯﻱ ﺍﻟﺼﻘﻮﺭ ﺷﺎﻳﻠﻴﻦ ﺳﻴﻮﻓﻬﻢ ﻭﺩﺍﺭﺕ ﺍﻟﻤﻌﺮﻛﺔ ﻓﻲ ﺑﻴﺖ ﻭﺩ ﺩﺍﺭ ﺍﻟﺰﻳﻦ .. ﻭﺍﻻﺧﻮﺍﻥ ﺍﻟﺴﺘﺔ ﺍﺗﺤﻠﻘﻮ ﻓﻮﻕ ﺍﻻﻣﻴﺮ ﻭﺍﻟﺤﺎﺭﺳﻴﻦ ﺍﻻﺗﻨﻴﻦ ﻭﻭﺍﺧﻮﻫﻢ ﺍﻟﻜﺒﻴﺮ ﻗﺎﻝ ﻟﻴﻬﻢ ﻣﺎ ﺗﻜﺘﻠﻮ ﺍﻋﻘﺮ ﻋﻘﺮ .. ﻳﻌﻨﻲ ﻃﻠﻮ ﺍﻟﻮﺍﺣﺪ ﻣﻦ ﺩﻭﻥ ﻣﻮﺕ ..
ﺍﻟﻤﻬﻢ ﺍﻟﻤﻬﻢ ﻋﻄﻴﺔ ﻗﺎﻝ ﻟﻼﻣﻴﺮ ﺍﺭﻣﻲ ﺳﻼﺣﻚ ﻳﺎﻣﻮﻻﻱ ﻭﻻ ﻧﺤﻦ ﺍﻭﻻﺩ ﻣﺨﺘﺎﺭ ﺍﻟﻀﺮﺍ .. ﺍﻟﻘﺮﻉ ﺍﻟﺪﻳﺶ ﺑﺮﺍ .. ﻳﻌﻨﻲ ( ﺻﺪ ﺟﻴﺸﺎ ﻛﺎﻣﻼ ﻭﺣﺪﻩ ) ..
ﺍﻻﻣﻴﺮ ﻗﺎﻝ ﻟﻠﺤﺎﺭﺳﻴﻦ ﺍﺭﻣﻮ ﺍﻟﺴﻼﺡ .. ﺭﺏ ﺭﺏ ﺭﻣﻮ ﺍﻟﺴﻴﻮﻑ
ﻋﻄﻴﺔ ﻗﺎﻝ ﻻﺧﻮﺍﻧﻮ ﺍﻛﺘﻔﻮ ﺍﻟﻜﻼﺏ ﺩﻳﻞ .. ﻣﺴﻜﻮﻫﻢ ﺭﺑﻄﻮﻫﻢ ..
ﻋﻄﻴﺔ ﻭﺩ ﻣﺨﺘﺎﺭ ﻗﺎﻝ ﻟﻼﻣﻴﺮ ﻭﻳﻦ ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﻭﺩ ﺩﺍﺭ ﺍﻟﺰﻳﻦ ﻣﺴﺠﻮﻥ .. ﺍﻧﺘﻮ ﻣﻨﻮ ﻭﺟﻴﺘﻮ ﻫﻨﺎ ﻟﺸﻨﻮ ﻭﺍﻟﻨﺴﻴﻢ ﻭﻳﻨﺎ؟ ﻭﺩﻳﺘﻮﻫﺎ ﻭﻳﻦ .. ﻋﻄﻴﺔ ﺻﺮﺭﺭﺭﺭﺭ ﻗﺸﻄﻮ ﻛﻒ .. ﻗﺎﻝ ﻟﻴﻬﻮ ﻛﻤﺎﻥ ﺑﺘﺠﻴﺐ ﺳﻴﺮﺓ ﺍﻟﻨﺴﻴﻢ ﻓﻮﻕ ﺧﺸﻤﻚ ﺍﻟﻌﻔﻦ ﺩﻩ .. ﻃﺒﻌﺎ ﺍﻻﻣﻴﺮ ﻣﻮ ﻋﺎﺭﻑ ﺍﻟﻨﺎﺱ ﺩﻳﻞ ﺍﺧﻮﺍﻝ ﺍﻟﻨﺴﻴﻢ .. ﻗﺎﻳﻠﻬﻢ ﻣﺠﺮﻣﻴﻦ .. ﻭﻫﻢ ﺫﺍﺗﻬﻢ ﻋﺮﻓﻮ ﻛﺪﺍ ﺍﻧﻮ ﺍﻻﻣﻴﺮ ﻣﺎﻋﺮﻓﻬﻢ ..
ﻗﺎﻝ ﻟﻴﻬﻮ ﻧﺤﻦ ﺍﻟﺒﻨﺴﻌﻠﻚ .. ﺍﻟﻨﺴﻴﻢ ﻭﺩﻳﺘﻬﺎ ﻭﻳﻦ؟ ﺍﻻﻣﻴﺮ ﻗﺎﻝ ﻟﻴﻬﻮ ﻭﺍﻟﻠﻪ ﺑﻲ ﻋﻴﻨﻲ ﻣﺎﺷﻔﺘﻬﺎ .. ﻭﻳﺤﻠﻒ ﻭﻳﺒﻜﻲ ﺍﻟﺨﺎﻳﺐ .. ﻭﻻﺩﺓ ﺍﻟﻨﺪﺍﻣﺔ .. ﻳﺎﺟﻤﺎﻋﺔ ﺍﻟﻨﺴﻴﻢ ﻣﻌﻨﺎﻫﺎ ﻣﺴﺮﻭﻗﺔ .. ﻭﻫﺴﻲ ﻣﺎﻣﻌﺮﻭﻑ ﺣﺎﻟﺘﻬﺎ ﺷﻨﻮ ؟ ﺍﻧﺘﻮ ﻗﺎﻋﺪﻳﻦ ﻫﻨﺎ ﻭﺣﺎﺑﺴﻴﻨﻲ .. ﻭﺩ ﺩﺍﺭ ﺍﻟﺰﻳﻦ ﻣﺤﺒﻮﺱ ﻓﻲ ﺍﻟﻘﺼﺮ ﻭﺍﻟﻨﺴﻴﻢ ﻣﺎﻣﻌﺮﻭﻓﺔ ﻭﻳﻦ؟ ﻭﻃﻴﺐ ﺍﺗﻨﻴﻦ ﻣﻨﻜﻢ ﻳﻤﺸﻮ ﻳﻔﺘﺸﻮ ﻟﻴﻬﺎ ﻳﺎﺟﻤﺎﻋﺔ ﺍﻟﻨﺴﻴﻢ ﺿﺎﻳﻌﺔ .. ﺑﺨﻴﺖ ﺟﺎ ﻣﺎﺷﻲ ﻋﻠﻴﻬﻮ ﺩﺍﻳﺮ ﻳﻀﺮﺑﻮ .. ﻋﻄﻴﺔ ﻗﺎﻝ ﻟﻴﻬﻮ ﻻ ﻳﺎﺑﺨﻴﺖ ﺍﻟﺰﻭﻝ ﺩﻩ ﻛﻼﻣﻮ ﺻﺢ . ﻣﺎ ﺗﻬﺒﺸﻮ ..
ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﻻﻣﻴﺮ ﻧﺤﻦ ﺑﻨﻔﻜﻚ ﺑﺲ ﺍﻧﺖ ﺗﺮﺳﻞ ﺭﺳﺎﻟﺔ ﻟﻠﻘﺼﺮ ﻫﺴﻲ ﺍﺑﻮﻙ ﻳﻔﻚ ﻭﺩ ﺩﺍﺭ ﺍﻟﺰﻳﻦ ﻭﻻ ﻧﺤﻦ ﺑﻨﻘﻄﻊ ﺭﺍﺳﻚ ..
ﻗﺎﻟﻠﻴﻬﻮ ﻛﻮﻳﺲ ﺑﺮﺳﻞ ﺍﻟﺮﺳﺎﻟﺔ .. ﺑﺲ ﺍﻧﺘﻮ ﻣﻦ ﻳﺠﻲ ﻭﺩﺍﺭ ﺍﻟﺰﻳﻦ ﺗﻔﻜﻮﻧﻲ .. ﻗﺎﻝ ﻟﻴﻬﻮ ﺑﻨﻔﻜﻚ .. ﻟﻜﻦ ﺗﺎﻧﻲ ﻣﺎﺗﺠﻴﺐ ﺳﻴﺮﺓ ﺍﻟﻨﺴﻴﻢ ﻓﻮﻕ ﺧﺸﻤﻚ ﻛﺎﻥ ﻟﻘﻴﻨﺎﻫﺎ ﺣﻴﺔ ﻛﺎﻥ ﻟﻘﻴﻨﺎﻫﺎ ﻣﻴﺘﺔ ..
ﻗﺎﻝ ﻟﻴﻬﻮ ﻟﻜﻦ ﺍﺑﻮﻫﺎ ﺍﺩﺍﻧﻲ ﻭﻗﺎﻝ ﻟﻲ ﺗﻌﺎﻝ ﺑﻌﺪ ﺗﻨﺘﻬﻲ ﻣﻦ ﺍﻟﻌﺪﺓ . ﻗﺎﻝ ﻟﻴﻬﻮ ﻻﻋﺪﺓ ﻭﻻﻏﻴﺮﻩ .. ﺗﺎﻧﻲ ﺍﻧﺖ ﻟﻮ ﺟﻴﺖ ﻫﻨﺎ ﺍﻧﺎ ﺑﻜﺘﻠﻚ ﻭﺍﻛﺘﻞ ﻭﺩ ﺩﺍﺭ ﺍﻟﺰﻳﻦ ﻣﻌﺎﻙ ﻓﺎﻫﻢ؟
ﻭﺍﺣﺪ ﻣﻦ ﺍﻟﺤﺮﺍﺱ ﻣﺸﻰ ﻭﻗﺎﻝ ﻟﻠﻤﻠﻚ ﻓﻲ ﻣﺠﺮﻣﻴﻦ ﻓﻲ ﺑﻴﺖ ﻭﺩ ﺩﺍﺭ ﺍﻟﺰﻳﻦ ﻣﺎﺳﻜﻴﻦ ﻣﻮﻻﻱ ﺍﻻﻣﻴﺮ ﻭﻗﺎﻟﻮﺍ ﻣﺎﺑﻨﻔﻜﻮ ﻛﺎﻥ ﻣﺎ ﻓﻜﻴﺖ ﻟﻬﻢ ﻭﺩ ﺩﺍﺭ ﺍﻟﺰﻳﻦ .. ﺍﻟﻤﻠﻚ ﻧﺎﺩﻯ ﻭﺩ ﺩﺍﺭ ﺍﻟﺰﻳﻦ ﻭﻗﺎﻝ ﻟﻴﻬﻮ ﺩﻳﻞ ﻣﻨﻮ ﺍﻟﻨﺎﺱ ﺍﻟﻔﻲ ﺑﻴﺘﻚ ؟ ﻗﺎﻝ ﻟﻴﻬﻮ ﺩﻳﻞ ﺍﺧﻮﺍﻝ ﺍﻟﻨﺴﻴﻢ ﺩﻳﻞ ﻋﻨﺪﻫﻢ ﻛﻠﻤﺔ ﻛﺒﻴﺮﺓ ﻋﻠﻰ ﻋﺼﺎﺑﺎﺕ ﺍﻟﺸﺮﻕ ﺍﻟﻤﺘﻤﺮﺩﺓ .. ﻭﻣﺎ ﻣﻦ ﺍﻟﺼﺎﻟﺢ ﻧﺘﻨﺎﻭﺵ ﻣﻌﺎﻫﻮ ﻻﻧﻬﻢ ﻋﻨﺪﻫﻢ ﺗﺒﻌﻴﺔ ﻓﻲ ﺍﻟﻤﻨﻄﻘﺔ ﺍﻟﺸﻤﺎﻟﻴﺔ ﺍﻟﺸﺮﻗﻴﺔ .. ﻭﺍﻫﻬﻢ ﻛﻠﻬﻢ ﻋﻤﺪ ﻭﻧﻈﺎﺭ .. ﺧﻠﻨﻲ ﺍﻣﺸﻲ ﺍﺣﻞ ﻟﻚ ﺍﻟﻤﻮﺿﻮﻉ ﻋﺸﺎﻥ ﺍﻻﻣﻴﺮ ﻳﺠﻲ ﺳﺎﻟﻢ .. ﻭﻫﻢ ﺍﺻﻼ " ﻣﺎﺑﻴﺄﺫﻭﻫﻮ ﺍﻧﺎ ﻣﺘﺄﻛﺪ .. ﺍﻟﻤﻠﻚ ﻗﺎﻝ ﻟﻴﻬﻮ ﺍﻧﺎ ﻛﺎﻥ ﻣﺎ ﺑﺤﺴﺐ ﻟﻚ ﺍﺕ .. ﺍﻛﻨﺖ ﻗﺘﻠﺘﻬﻢ ﻭﺍﺣﺪ ﻭﺍﺣﺪ ﻓﻲ ﻣﻴﺪﺍﻥ ﻭﺩ ﺍﻟﻔﻜﻲ ﻋﻠﻲ .. ﻫﺴﻊ ﺍﻧﺖ ﺍﻣﺶ ﺧﻠﻲ ﺟﻤﻠﻚ ﻗﺒﻠﻮ ﻭﺳﻮﻕ ﻓﺮﺱ ﻣﻦ ﺍﻻﺻﻄﺒﻞ . ﻣﺸﻰ ﺍﻟﺤﺎﺭﺱ ﺍﺩﺍﻫﻮ ﺣﺼﺎﻥ ﺍﻟﻀﻴﺐ .. ﻭﺭﻛﺒﻮ ﺍﻻﺗﻨﻴﻦ ﻭﻗﺎﻣﻮ ﺟﺮﻱ ﻋﻠﻰ ﺍﻟﺤﻠﺔ ..
ﻭﻛﺖ ﺩﺧﻞ .. ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﻳﺎﻋﻄﻴﺔ ﻛﺪﺍ ﻋﻤﻠﺖ ﻏﻠﻂ ﻛﺒﻴﺮ ﻓﻜﻮ ﺍﻟﺰﻭﻝ ﺩﻩ .. ﺍﻧﺖ ﻳﺎﻋﻄﻴﺔ ﻣﺎﻙ ﻋﺎﺭﻑ ﻧﺤﻦ ﺷﻐﺎﻟﻴﻦ ﻣﻊ ﺍﻟﻤﻠﻚ ﺑﻲ ﺍﻟﻮﻓﺎﺀ ﻭﺍﻻﺧﻼﺹ ﻭﻋﻤﺮﻧﺎ ﻣﺎﺣﺼﻞ ﻋﺼﻴﻨﺎ ﺍﻭﺍﻣﺮﻭ .. ﺍﻟﻘﺼﺔ ﺍﻟﻌﻤﻠﺘﻮﻫﺎ ﺩﻱ ﻋﻮﺍﻗﺒﺎ ﻭﺧﻴﻤﺔ .. ﺍﻻﻣﻴﺮ ﻗﺎﻝ ﻟﻴﻬﻮ ﻻ ﻭﺧﻴﻤﺔ ﻭﻻ ﺣﺎﺟﺔ ﺍﻟﻨﺎﺱ ﺩﻳﻞ ﻓﺮﺍﺱ ﻭﻣﺎﻋﻤﻠﻮ ﻣﻌﺎﻱ ﺍﻱ ﺣﺎﺟﺔ ﺍﻧﺎ ﻣﺎﺑﺨﻠﻲ ﺍﻟﻤﻠﻚ ﻳﻬﺒﺸﻬﻢ .. ﻋﻄﻴﺔ ﻗﺎﻝ ﻟﻴﻬﻮ ﺍﺭﻛﺐ ﺍﻣﺶ ﻋﻠﻰ ﻗﺼﺮﻙ ﻭﺗﺎﻧﻲ ﻣﺎﺗﺠﻲ ﺣﺎﻳﻢ ﺑﻲ ﺟﺎﻱ .. ﻭﻛﺖ ﺩﺍﻳﺮ ﻳﻤﺮﻕ .. ﻗﺎﻝ ﻟﻲ ﻭﺩ ﺩﺍﺭ ﺍﻟﺰﻳﻦ ﻳﺎﻋﻤﻲ ﺍﻟﺤﺼﺎﻥ ﺩﻩ ﻫﺪﻳﺔ . ﻭﺭﻛﺒﻮ ﻭﻓﺎﺗﻮ ﺍﻟﻘﺼﺮ .. ﻭﺍﻟﻨﺴﻴﻢ ﻣﺎﺯﺍﻟﺖ ﻣﻔﻘﻮﺩﺓ .. ﻭﺍﻟﺠﻤﺎﻋﺔ ﺩﻳﻞ ﺩﺍﻳﺮﻳﻦ ﻳﺮﻛﺒﻮ ﻳﻤﺸﻮ ﻓﻲ ﺯﻭﻝ ﻧﻘﺮ ﻟﻴﻬﻢ ﺍﻟﺒﺎﺏ ﻧﻘﺮﺓ ﺯﻭﻝ ﻓﺎﻫﻢ ﻭﻣﺘﻌﻠﻢ .. ﻭﺭﺍﺍﺍﺍﺍﺍﻗﻲ .. ﻫﻪ ﻣﺸﻮ ﻓﺘﺤﻮ ﺍﻟﺒﺎﺏ ﻟﻘﻮ ﻟﻴﻚ ﺩﻩ ﺍﺏ ﺧﻮﺳﺔ ..
ﻗﺎﻝ ﺳﻠﻢ ﻋﻠﻰ ﺍﻟﺠﻤﺎﻋﺔ ﻃﺒﻌﺎ " ﻛﻠﻬﻢ ﺑﻌﺮﻓﻬﻢ ﻭﺍﺣﺪ ﻭﺍﺣﺪ .. ﻭﻗﺎﻝ ﻟﻲ ﻭﺩ ﺩﺍﺭ ﺍﻟﺰﻳﻦ ﺍﻟﻜﻼﻡ ﺍﻟﺴﻤﻌﺘﺎﻫﻮ ﺩﻩ ﺣﺎﺻﻞ ﻳﺎ ﻭﺩ ﺩﺍﺭ ﺍﻟﺰﻳﻦ ﺑﺼﺢ ﺍﻟﻨﺴﻴﻢ ﻣﻔﻘﻮﺩﺓ ؟
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻭﺍﻟﻠﻪ ﻣﻦ ﺍﻟﺒﺎﺭﺡ ﺍﻟﺼﺒﺎﺡ .. ﻗﺎﻝ ﻟﻴﻬﻮ ﺑﻜﻮﻥ ﺳﺎﻗﻬﺎ ﺍﻟﻮﻟﺪ ﺍﻟﻤﺪﻟﻊ ﺍﻟﺮﻣﺔ ﺩﻩ .. ﻗﺎﻝ ﻟﻴﻬﻮ ﺍﺑﺪﺍ ﻭﺍﻟﻠﻪ ﻫﻮ ﺫﺍﺗﻮ ﻣﻮﻋﺎﺭﻓﻬﺎ ﻭﻳﻦ .. ﺍﺏ ﺧﻮﺳﺔ ﻭﻛﺖ ﻋﺮﻑ ﺍﻧﻮ ﺍﻟﻨﺴﻴﻢ ﻣﺤﻠﻬﺎ ﻣﻮﻣﺨﺒﻮﺭ .. ﺍﺗﺒﺸﺘﻦ ﺑﺸﺘﻨﻪ ﺷﺪﻳﺪﺓ ﺧﻼﺹ .. ﻭﻗﺎﻝ ﻟﻴﻬﻮ ﻛﺎﻥ ﺗﺴﻤﺢ ﻟﻲ ﺍﻓﺰﻉ ﻣﻌﺎﻛﻢ .. ﻳﻌﻨﻲ ﺍﺭﻛﺐ ﻣﻌﺎﻛﻢ ﺍﻓﺘﺶ .. ﻗﺎﻝ ﻟﻴﻬﻮ ﻣﺎﻙ ﻣﺸﺤﻮﺩ ﻳﺎ ﻭﺩ ﺍﻟﻮﺷﺎﺵ .. ﺍﺭﻛﺐ ﻓﻮﻕ ﺍﻟﻔﺮﺱ ﺩﻩ .. ﻭﺭﻛﺒﻮ ﻭﺍﻟﺴﺒﻌﺔ ﻭﺧﻠﻮ ﻭﺩ ﺩﺍﺭ ﺍﻟﺰﻳﻦ ﻗﺒﻠﻮ ﺍﺗﻔﺮﻗﻮ ﻛﻞ ﺍﺗﻨﻴﻦ ﻣﺸﻮ ﻋﻠﻰ ﺟﻴﻬﺔ ﻳﺴﺎﻟﻮ .. ﻭﺍﺗﻔﻘﻮ ﺍﻧﻬﻢ ﻳﺘﻼﻗﻮ ﺍﻟﻤﻐﺮﺏ ﻓﻲ ﻣﻨﻄﻘﺔ ﺍﺳﻤﻬﺎ .. ( ﺩﻭﺑﺎ ) ..
ﻭﺩ ﺩﺍﺭ ﺍﻟﺰﻳﻦ ﺧﻼﻫﻢ ﻣﺮﻗﻮ ﻭﺭﻛﻞ ﺭﺟﻊ ﺳﻨﺎﺭ .. ﻭﺍﻟﺘﺎﻳﺔ ﺟﺎﺕ ﺷﻘﻴﺎﻧﺔ ﻭﺗﻌﺒﺎﻧﺔ ﻭﺧﺸﻤﻬﺎ ﻳﺎﺑﺲ ﻻﻣﻦ ﺍﻏﺒﺶ ﻭﻛﺮﻋﻴﻬﺎ ﻣﻐﺒﺮﺍﺕ ﺯﻱ ﻟﻮﻥ ﺍﻟﺘﺮﺍﺏ ﻭﺍﺣﺪ ﻭ ﻟﻘﺖ ﺍﻟﺒﻴﺖ ﺧﻼ . ﺍﻛﻞ ﺩﺧﻞ ﺧﺸﻤﻬﺎ ﻣﺎﻓﻲ ..
ﺍﻫﺎ ﻃﺒﻌﺎ ﻭﺩﺍﺭ ﺍﻟﺰﻳﻦ ﻣﺸﻰ ﺍﻟﻘﺼﺮ ﻋﺸﺎﻥ ﻳﺸﻮﻑ ﺍﻟﺨﺒﺮ ﻭﺍﻥ ﺷﺎﺀ ﺍﻟﻌﻤﻠﻴﺔ ﺑﺘﺎﻋﺔ ﺍﻭﻻﺩ ﻣﺨﺘﺎﺭ ﻣﺎﺗﻜﻮﻥ ﺯﻋﻠﺖ ﺍﻟﻤﻠﻚ .. ﻟﻤﻦ ﺩﺧﻞ ﻟﻘﻰ ﺍﻻﻣﻴﺮ ﻭﺍﻟﻤﻠﻚ ﻭﻣﻌﺎﻫﻢ ﺗﻼﺕ ﻓﻘﺮﺍ .. ﻭﺩ ﺟﺎﺭ ﺍﻟﻨﺒﻲ ﻭﻣﻌﺎﻫﻢ ﺍﺗﻨﻴﻦ ﻭﻗﺎﻋﺪﻳﻦ ﺑﺤﻮﻃﻮﺍ ﻓﻲ ﺍﻟﻨﺴﻴﻢ .. ﻋﺸﺎﻥ ﻳﺸﻮﻓﻮﻫﺎ ﻣﺸﺖ ﻭﻳﻦ .. ﻭﺷﻐﺎﻟﻴﻦ ﺑﻲ ﺣﺎﺟﺔ ﺍﺳﻤﻬﺎ ﺍﻟﻤﻨﺪﻝ .. ﻭﻫﻮ ﻧﻮﻉ ﻣﻦ ﺍﻟﺪﺟﻞ .. ﻟﻜﺸﻒ ﻣﻜﺎﻥ ﺍﻟﺸﻲ ﺍﻟﻀﺎﻳﻊ .. ﻗﺎﻟﻮ ﻟﻴﻬﻮ ﺍﺗﻔﻀﻞ ﻳﺎ ﻭﺩ ﺩﺍﺭ ﺍﻟﺰﻳﻦ .. ﻧﺤﻦ ﻓﺎﺯﻋﻴﻦ ﻓﻮﻕ ﺍﻟﻨﺴﻴﻢ .. ﻭﺍﻟﻠﻪ ﺍﻟﻨﺴﻴﻢ ﺷﻐﻠﺖ ﺍﻟﻘﺼﺮ .. ﻭﺍﻟﺮﺍﻱ ﺍﻟﻌﺎﻡ ﺍﻟﻠﻪ ﻳﺪﻳﻨﺎ ﺧﻴﺮﺍ ﻭﻳﻜﻔﻴﻨﺎ ﺷﺮﻫﺎ ..
ﻭﺩ ﺩﺍﺭ ﺍﻟﺰﻳﻦ ﻗﻌﺪ .. ﺑﻌﺪ ﺷﻮﻳﺔ ﺍﻟﻔﻘﺮﺍ ﻗﺎﻟﻮ ﺍﻟﻨﺴﻴﻢ ﺧﻄﻔﻮﻫﺎ ﺍﻟﺠﻦ .. ﻭﺩﺧﻠﻮ ﺑﻴﻬﺎ ﺟﺒﺎﻝ ﺍﻻﻧﻘﺴﻨﺎ .. ﻭﺩ ﺩﺍﺭ ﺍﻟﺰﻳﻦ ﺑﻘﻰ ﻳﺘﺒﺴﻢ .. ﺑﺎﻟﺴﺨﺮﻳﻪ .. ﻃﺒﻌﺎ " ﻣﺎﻣﺼﺪﻕ ﻧﻬﺎﺋﻲ .. ﻻﻧﻮ ﺯﻭﻝ ﻣﺘﻌﻠﻢ ﻭﻗﺎﻝ ﻟﻴﻬﻮ ﻣﻊ ﺍﺣﺘﺮﺍﻣﻲ ﻳﺎﻣﻮﻻﻱ ﺍﻟﺴﻠﻄﺎﻥ ﺍﻟﻜﻼﻡ ﺩﻩ ﺍﻧﺎ ﻣﺎ ﺑﺪﺧﻞ ﺭﺍﺳﻲ .. ﺍﻧﺎ ﻋﺎﻳﺰ ﻗﻮﺓ ﻣﻦ ﺩﻳﺶ ﺍﻟﺴﻠﻄﻨﺔ ﺍﻓﺘﺶ ﺑﺘﻲ ﻭﻳﻦ ﻣﻜﺎﻧﻬﺎ ..
ﺍﻧﺎ ﻭﺯﻳﺮ ﺍﻧﺎ ﻋﻤﺪﺓ ﻳﺎﻣﻮﻻﻱ ﻭﻣﻦ ﻋﻨﺎﺻﺮ ﺍﻟﺴﻠﻄﻨﺔ ﺍﻟﻤﻮﺍﻟﻴﻦ .. ﻳﺎﻣﻮﻻﻱ ﺣﻘﻲ ﺍﻟﺪﺳﺘﻮﺭﻱ ﻓﻲ ﺑﺘﻲ ﺑﺲ .. ﺍﻧﺎ ﺗﻌﺒﺎﻥ ﻳﺎﻣﻮﻻﻱ ..
ﺍﻟﻤﻠﻚ ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﻓﻲ ﻭﻻﻋﺸﺮﺓ ﻋﺴﺎﻛﺮ ﻳﻤﺸﻮ ﻳﻔﺘﺸﻮ ﻟﻲ ﺑﺘﻚ ﺍﻧﺎ ﻋﻨﺪﻱ ﺣﺮﻭﺏ ﻭﺑﻼﻭﻱ ﻳﺎ ﻭﺩ ﺍﺭ ﺍﻟﺰﻳﻦ ﺍﻣﺶ ﻓﺘﺶ ﻟﻲ ﺑﺘﻚ ﻭﻛﺖ ﺗﻠﻘﺎﻫﺎ ﺗﻌﺎﻝ ﻛﻠﻤﻨﺎ .. ﻋﺸﺎﻥ ﻧﺠﻲ ﻧﻌﻘﺪ ﻋﻠﻴﻬﺎ ﺑﻲ ﺭﺿﺎﻙ ﻭﺭﺿﺎﻫﺎ ..
ﻭﺩ ﺩﺍﺭ ﺍﻟﺰﻳﻦ ﺷﻚ ﺷﻚ ﺑﻠﻴﻎ ﺭﺑﻤﺎ ﻳﻜﻮﻥ ﻓﻌﻼ ﺍﻟﺒﺖ ﺧﻄﻔﻮﻫﺎ ﺍﻟﺠﻦ ﺧﺼﻮﺻﺎ " ﺍﻧﻮ ﺳﺎﻣﻊ ﻗﺼﺺ ﻛﺘﻴﺮ ﻣﻦ ﺍﺧﺘﻄﺎﻑ ﺍﻟﺠﻦ ﻟﻠﻔﺘﻴﺎﺕ ﺍﻟﺸﻲ ﺍﻟﺘﺎﻧﻲ ﻣﻌﻘﻮﻝ ﺗﻼﺕ ﻓﻘﺮﺍ ﻳﺘﻔﻘﻮ ﻋﻠﻰ ﺣﺎﺟﺔ ﻛﺬﺏ؟
ﻗﺎﻡ ﻗﺎﻝ ﻣﺎﻓﻲ ﺯﻭﻝ ﺑﺤﻞ ﻟﻲ ﺍﻟﻠﻐﺰ ﺩﻩ ﺍﻻ ﺍﻟﺸﻴﺦ ﺍﺏ ﻛﻒ .. ﺍﻟﻤﺎ ﺑﻌﺮﻑ ﺍﻟﻠﻒ .. ﻃﻮﺍﻟﻲ ﺍﺳﺘﺎﺫﻥ ﻣﻦ ﺍﻟﻘﺼﺮ ﻭﻣﺸﻰ ...
ﻭﻫﻮ ﻃﺎﻟﻊ ﻣﻦ ﺑﻮﺍﺑﺔ ﺍﻟﻘﺼﺮ .. ﻭﺍﺣﺪ ﻣﻦ ﺍﻟﻔﻘﺮﺍ ﻗﺎﻝ ﻟﻴﻬﻮ ﻣﺎﺗﺨﺎﻑ ﻳﺎ ﺍﺑﻮ ﺍﻟﻨﺴﻴﻢ .. ﻧﺤﻦ ﺷﻐﺎﻟﻴﻦ ﻭﺍﻟﻨﺴﻴﻢ ﺑﺘﺠﻤﻊ ﺍﻥ ﺷﺎﺀ ﺍﻟﻠﻪ ﻭﻧﺤﻦ ﺑﻨﻘﻠﻌﻬﺎ ﻣﻦ ﺧﺸﻢ ﺍﻟﺘﻤﺴﺎﺡ ..
ﺍﻟﻤﻬﻢ ﻭﺩ ﺩﺍﺭ ﺍﻟﺰﻳﻦ ﺩﺭﺑﻮ ﻋﺪﻳﻞ ﻣﺸﻰ ﻟﻲ ﺍﻟﺸﻴﺦ ﺍﺏ ﻛﻒ ﻭﺣﻜﻰ ﻟﻴﻬﻮ ﺍﻟﺘﻄﻮﺭﺍﺕ .. ﻭﺍﺏ ﻛﻒ ﺑﻘﻰ ﻳﺴﻤﻊ ﻓﻲ ﺣﻜﺎﻳﺔ ﻭﻻﺩ ﻣﺨﺘﺎﺭ ﻭﻳﺘﺒﺴﻢ .. ﻭﻗﺎﻝ ﻟﻴﻬﻮ ﻭﺍﻟﻠﻪ ﻣﺨﺘﺎﺭ ﺭﺍﺟﻞ ﻭﻭﻟﺪ ﺭﺟﺎﻝ .. ﻫﻊ .. ﻭﺩﻋﺘﻬﻢ ﻟﻲ ﺍﻟﻠﻪ .. ﻗﻠﺖ ﻟﻲ ﻣﺴﻜﻮ ﺍﻻﻣﻴﺮ ﺭﻫﻴﻨﺔ .. ﺍﻣﺎﻧﺔ ﻣﺎﻣﺮﻳﻦ ﺣﻨﺎﺿﻞ ﻗﻮﺯ ..
ﻭﺑﺪﺍ ﻳﺤﻜﻲ ﻟﻴﻬﻮ ﻓﻲ ﻛﻼﻡ ﺍﻟﻔﻘﺮﺍ ﺍﻟﻘﺎﻟﻮ ﺍﻟﻨﺴﻴﻢ ﺧﻄﻔﻬﺎ ﺟﻦ ﻭﺍﻟﻤﻠﻚ ﻭﺍﻻﻣﻴﺮ ﻣﺼﺪﻗﻴﻦ ﻭﺍﻧﺎ ﻭﻣﺎ ﻣﻘﺘﻨﻊ ﻭﺩﺍﻳﺮﻙ ﺗﺸﻮﻑ ﻟﻲ ﻳﺎ ﺷﻴﺨﻨﺎ ﻛﻼﻣﻬﻢ ﺩﻩ ﺻﺎﺡ ﻭﻻ ﻏﻠﻂ ؟؟
ﻗﺎﻝ ﻟﻴﻬﻮ ﻳﺎﻭﺩ ﺩﺍﺭ ﺍﻟﺰﻳﻦ ﺍﻧﺎ ﻣﺎ ﺑﻌﻠﻢ ﺍﻟﻐﻴﺐ .. ﻭﻻ ﺑﺪﻋﻲ ﺍﻟﻜﺸﻒ .. ﻧﺤﻦ ﻧﺎﺱ ﻣﺴﺎﻛﻴﻦ ﺳﺎﻱ ﻣﺎﻋﻨﺪﻧﺎ ﺍﻟﺘﻜﺘﺢ .. ﻭﻣﺎ ﻋﻨﺪﻧﺎ ﻋﻤﺎﺭ ﺫﺍﺗﻮ ﻋﺸﺎﻥ ﺗﺠﻴﻨﺎ ﻛﺮﺍﻣﺎﺕ ﺍﻟﻜﺸﻒ ﺍﻟﺒﻘﻮﻟﻮﻫﺎ ﺩﻱ .. ﻟﻜﻦ ﻓﻲ ﺭﺍﻱ .. ﺣﺘﻰ ﻟﻮ ﺍﻟﻔﻘﺮﺍﺀ ﺩﻳﻞ ﻣﺎ ﺻﺪﻗﻮ .. ﺍﻟﺒﺖ ﺍﻧﺖ ﻣﺎﻋﺎﺭﻑ ﻣﺤﻠﻬﺎ ﻭﺧﻴﻼﻧﻬﺎ ﻣﻮﻧﻌﺎﺭﻓﻴﻦ ﻣﺤﻠﻬﺎ .. ﻭﺍﻻﻣﻴﺮ ﺑﺮﺿﻮ ﻣﻮﻋﺎﺭﻑ .. ﻭﺍﻟﺪﻧﻴﺎ ﻛﻠﻬﺎ ﻣﺎﻓﻲ ﺯﻭﻝ ﻋﺎﺭﻑ ﺍﻟﻨﺴﻴﻢ ﻭﻳﻦ؟ ﻳﻌﻨﻲ ﺍﻧﻔﺠﺖ ﺍﻟﻮﺍﻃﺎ ﻭﺑﻠﻌﺘﻬﺎ .. ﺑﺲ ﻣﺎﻓﻲ ﻏﻴﺮ ﻳﻜﻮﻥ ﺧﻄﻔﻮﻫﺎ ﺍﻟﺠﻦ .. ﺍﻟﻠﻪ ﻳﻜﻔﻴﻨﺎ ﺷﺮﻫﻢ ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻬﺪﻫﻢ ﻭﻳﺠﻴﺒﻮﻫﺎ ﺭﺍﺟﻌﺔ ﻟﻲ ﺍﻫﻠﻬﺎ ..
ﻭﺩ ﺩﺍﺭ ﺍﻟﺰﻳﻦ ﻣﺸﻰ ﻭﻛﻠﻢ ﻧﺎﺱ ﺍﻟﺤﻠﺔ ﺍﻧﻮ ﺍﻟﻔﻘﺮﺍﺀ ﻗﺎﻟﻮ ﻗﺎﻟﻮ .. ﻭﺍﻟﺸﻴﺦ ﺍﺏ ﻛﻒ ﺩﻩ ﺭﺍﻳﻮ ﺑﺮﺿﻮ .. ﻭﻗﺼﺔ ﺍﻟﻨﺴﻴﻢ ﺍﻟﺨﻄﻔﻮﻫﺎ ﺍﻟﺠﻦ ﻛﺎﻧﺖ ﻟﻴﻬﺎ ﺻﺪﻯ . ﻓﻲ ﻛﻞ ﺍﺭﻛﺎﻥ ﺍﻟﻤﻨﻄﻘﺔ .. ﻭﺍﻟﻔﻘﺮﺍﺀ ﺩﻳﻞ ﺷﺮﻕ ﻭﻏﺮﺏ ﺷﻐﺎﻟﻴﻦ ﺑﻲ ﺳﺒﺤﻬﻢ ﺣﻮﺍﻃﺔ .. ﺣﺘﻰ ﺍﻟﺘﺎﻳﺔ ﻣﺸﺖ ﻟﻲ ﺷﻴﺦ ﻃﺮﻳﻘﺔ ﻣﺸﻬﻮﺭ ﻗﺎﻟﺖ ﺷﻴﺦ ﻋﻘﻴﺪﺗﻬﺎ .. ﻗﺎﻟﺖ ﻟﻴﻬﻮ ﻛﺎﻥ ﻣﺎﺟﺒﺖ ﻟﻲ ﺍﻟﻨﺴﻴﻢ ﺑﺘﺒﻊ ﺷﻴﺦ ﺍﺑﻜﻒ ﻣﻊ ﻭﺩ ﺩﺍﺭ ﺍﻟﺰﻳﻦ .. ﻭﺑﺠﻲ ﺑﻜﺸﺢ ﻟﻚ ﺍﻟﻤﺮﻳﺴﻪ ﻗﺪﺍﻡ ﺧﻠﻮﺗﻚ .. ﻗﺎﻝ ﻟﻴﻬﺎ ﻓﻲ ﺗﻼﺗﺔ ﻳﻮﻡ ﺑﺠﻴﺒﻬﺎ ﻟﻴﻚ .. ﻭﻣﺮﺕ ﺍﻟﺘﻼﺗﺔ ﻳﻮﻡ ﻭﺍﻟﺴﺒﻊ ﻳﻮﻡ ﻭ .. ﻣﺎﻓﻲ .. ﻭﺟﺎﺗﻮ ﺍﻟﺘﺎﻳﺔ ﺭﺍﺟﻌﺔ ﻗﺎﻟﺖ ﻟﻴﻬﻮ ﻛﻀﺎﺑﻴﻦ ﺍﻧﺘﻮ .. ﻣﺎﻓﻲ ﺍﻱ ﻛﺮﺍﻣﺎﺕ ﻇﻬﺮﺕ ﻟﻜﻢ .. ﻃﻠﻌﺖ ﻛﺮﺍﻣﺎﺗﻜﻢ ﺍﺷﺎﻋﺎﺕ ﺳﺎﻛﺖ . ﺍﻧﺎ ﺗﺎﻧﻲ ﻭﺣﺎﺕ ﺍﻟﻠﻪ ﻓﻮﻕ ﻣﺴﻴﺪﻛﻢ ﻣﺎﺑﻘﻴﻒ .. ﺑﻼﻓﻘﺮﺍ ﺑﻼﻛﻀﻮﺑﺎﺕ .. ﻭﻛﺖ ﻛﺘﺮﺕ ﻛﻼﻣﻬﺎ ﺷﺪﻳﺪ ﻗﺎﻟﻬﺎ ﺑﺘﻚ ﺗﺎﻧﻲ ﻣﺎﺗﻜﻮﺳﻲ ﻟﻴﻬﺎ ﻻﻧﻮ ﺍﻟﺠﻦ ﻛﺘﻠﻮﻫﺎ .. ﻭﺍﻟﺘﺎﻳﺔ ﻣﻦ ﺍﻟﻜﻮﺍﺳﺔ ﻭﺍﻟﺒﻜﺎ ﻛﺮﻋﻴﻬﺎ ﺣﻔﻦ .. ﻭﺟﺴﻤﻬﺎ ﺍﻧﻘﻠﺐ ﺯﻱ ﺳﺠﻢ ﺍﻟﺪﻭﻛﺔ ..
ﻭﻣﺮﺕ ﺍﻻﻳﺎﻡ ﻭﺍﻭﻻﺩ ﻣﺨﺘﺎﺭ ﻣﺎﻫﺠﺴﻮ ﻻﻟﻴﻞ ﻻﻧﻬﺎﺭ ... ﺣﺪﻫﻢ ﺟﺒﺎﻝ ﺗﻘﻠﻲ ﻭﺍﻟﻌﻴﻠﻔﻮﻥ ﻭﺍﻟﻘﻼﺑﺎﺕ ﻭﺍﺑﻮﺟﺒﻴﻬﺔ .. ﻣﺎﺧﻠﻮ ﻣﻨﻘﻄﻘﺔ . ﺧﻤﺴﻴﻦ ﻳﻮﻡ ﻣﺎ ﺟﻮ ﺩﺍﺧﻠﻴﻦ ﺍﻟﺤﻠﺔ ﺍﻟﻔﻴﻬﺎ ﺑﻴﺘﻬﻢ ..
ﻭﺍﺑﺨﻮﺳﺔ ﺍﺟﺒﺮﻭﻫﻮ ﻳﻘﻌﺪ ﻳﻜﻮﻥ ﻓﻲ ﺭﺍﺱ ﻭﺍﻟﺪﻳﻬﻮ ﺍﺧﺘﻮ ..
ﺑﻘﻰ ﻳﻤﺮﻕ ﻣﻌﺎﻫﻢ ﻳﻮﻡ ﺍﻟﺠﻤﻌﺔ ﻭﺍﻟﺘﻼﺗﺎ .. ﻭﺍﻟﻨﺎﺱ ﺧﻼﺹ ﻗﻨﻌﻮ ﻣﻦ ﺍﻟﻨﺴﻴﻢ ﻭﺑﻘﺖ ﻓﻲ ﺍﻟﺤﻜﺎﻳﺎﺕ ﻟﻜﻦ ﺍﺧﻮﺍﻟﻬﺎ ﻭﺍﺑﻮﻫﺎ ﻭﺍﺑﺨﻮﺳﺔ ﺑﻔﺘﺸﻮ ﻻﻫﺴﻊ ﻓﺘﺎﺷﺔ ﻗﻨﻊ ﻭﻳﺎﺱ ..
ﺍﻫﺎ ﻳﺎﺯﻭﻝ ﻳﻮﻡ ﺍﻟﺼﺒﺎﺡ ﺍﻟﺘﺎﻳﺔ ﻣﺮﻗﺖ ﻟﻘﺖ ﺣﺎﺟﺔ ﻏﺮﻳﺒﻪ ﻭﺍﻗﻌﺔ ﺑﺮﺓ ﻗﺪﺍﻡ ﺧﺸﻢ ﺍﻟﺒﺎﺏ .. ﺭﻓﻌﺘﻬﺎ ﻟﻘﺘﻬﺎ ﻗﻄﻌﺔ ﻗﻤﺎﺵ .. ﺩﻱ ﻃﺮﺣﺔ ﺍﻟﻨﺴﻴﻢ ﺳﺠﻤﻲ .. ﻗﻠﺒﺘﻬﺎ ﻛﺪﺍ ﻟﻘﺖ ﻓﻴﻬﺎ ﺷﻲ ﻣﺼﺮﻭﺭ .. ﻃﻠﻘﺘﻬﺎ ﻟﻘﺖ ﻓﻴﻬﺎ ﺟﻠﺪ ﻓﻴﻬﻮ ﻛﺘﺎﺑﻪ .. ﻭﻫﻲ ﻣﺎﺑﺘﻌﺮﻑ ﺗﻘﺮﺍ ..
ﺍﻟﻰ ﺍﻟﻠﻘﺎء
أنت تقرأ
أســرَار الـزمان .. طارق اللبيب
Randomﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...
