ﺍﻟﻤﻠﻚ ﺍﻟﺠﺪﻳﺪ ﺍﻟﻨﺼﺒﻮﻫﻮ .. ﻓﻲ ﻧﻔﺲ ﺍﻟﺠﻠﺴﺔ ﺍﻟﻌﺰﻟﻮ ﻓﻴﻬﺎ ﺍﻟﻤﻠﻚ ﺍﻟﻘﺪﻳﻢ .. ﻻﻥ ﺍﻟﻔﻮﻧﺞ ﻛﺎﻧﻮ ﺧﺎﻳﻔﻴﻦ ﻣﻦ ﺍﻧﻔﺮﺍﻁ ﺍﻻﻣﻦ ﻓﻲ ﺍﻟﻤﻤﻠﻜﺔ .. ﻭﺍﻻﺣﻮﺍﻝ ﻏﻴﺮ ﻣﻄﻤﻨﺔ .. ﻭﺍﻻﺳﺘﺠﺎﺑﺔ ﺍﻟﺴﺮﻳﻌﺔ ﻟﻌﺰﻝ ﺍﻟﻤﻠﻚ ﻭﺗﻮﻟﻴﺔ ﺍﺧﺮ ﻋﻠﻰ ﻭﺟﻪ ﺍﻟﺴﺮﻋﺔ .. ﺑﺘﻮﺭﻱ ﻣﺪﻯ ﺍﻟﻘﻠﻖ ﺍﻟﻌﺎﻳﺸﻨﻮ ﺍﺻﺤﺎﺏ ﺳﻠﻄﺔ ﺍﻟﺪﺭﺟﺔ ﺍﻻﻭﻟﻰ ..
ﺍﻟﻤﻠﻚ ﺍﻟﺠﺪﻳﺪ ﺍﻟﻤﺘﻮﺝ ﺑﺎﻟﻜﻜﺮ ﻭﺍﻟﻄﺎﻗﻴﺔ ﺍﻡ ﻗﺮﻳﻨﺎﺕ .. ﻛﺎﻥ ﻣﻦ ﺍﺻﻠﺢ ﻭﺍﻧﺠﺢ
ﺍﻋﻀﺎﺀ ﺍﻟﻤﺠﻠﺲ .. ﻭﻛﺎﻥ ﻋﻠﻰ ﺗﻘﻮﻯ ﻭﺻﻼﺡ .. ﻭﻳﻘﺎﻝ ﺍﻧﻪ ﻛﺎﻥ ﻣﻦ ﺍﻟﻤﺸﺎﻳﺦ ﺍﻟﺬﻳﻦ ﺗﺸﺪ ﻟﻬﻢ ﺍﻟﺮﺣﺎﻝ .. ﻟﻄﻠﺐ ﺍﻟﻔﺎﺗﺤﺔ ﻭﺍﻟﺒﺮﻛﺎﺕ .. ﻛﻤﺎﻫﻮ ﺳﺎﺋﺪ ﻓﻲ ﺍﻟﻮﻛﺖ ﺩﺍﻙ ..
ﻣﻊ ﺍﻧﻮ ﻛﺎﻥ ﻋﻠﻰ ﺧﻼﻑ ﻣﻊ ﺍﻟﺸﻴﺦ ﺍﺏ ﻛﻒ .. ﻭﻣﻦ ﻫﻢ ﻋﻠﻰ ﻣﺬﻫﺒﻪ ﻣﻦ ﺍﺻﺤﺎﺏ ﺍﻟﻄﺮﻳﻖ ﺍﻟﺴﻨﻲ .. ﺧﺼﻮﺻﺎ " ﻓﻲ ﻣﺴﺄﻟﺔ ﺍﻻﺳﻤﺎﺀ ﻭﺍﻟﺼﻔﺎﺕ .. ﻓﺎﻟﺸﻴﺦ ﺍﺏ ﻛﻒ ﻛﺎﻥ ﻋﻠﻰ ﻣﺬﻫﺐ ﺍﻫﻞ ﺍﻟﺤﺪﻳﺚ ﻭﺍﻻﺛﺒﺎﺕ .. ﻭﺍﻟﻤﻠﻚ ﺍﻟﺠﺪﻳﺪ ﻣﻦ ﺍﻫﻞ ﺍﻟﺘﺄﻭﻳﻞ .. ﻟﻜﻨﻪ ﻛﺎﻥ ﻣﻦ ﺍﻟﻤﺘﺼﻮﻓﺔ ﺍﻟﺰﻫﺎﺩ ..
ﺍﻫﺎ ﺑﻌﺪ ﺍﻧﺘﻬﺎﺀ ﺍﻟﺠﻠﺴﺔ ﺍﻟﺘﻲ ﺍﺳﺘﻤﺮﺕ ﺣﺘﻰ ﺻﻼﺓ ﺍﻟﻌﺼﺮ .. ﻭﺩ ﺩﺍﺭ ﺍﻟﺰﻳﻦ ﺍﺗﺮﺍﻭﺡ ﻋﻠﻰ ﺍﻟﺸﻴﺦ ﺍﺏ ﻛﻒ .. ﻳﺴﻠﻢ ﻋﻠﻴﻬﻮ ﻭﻳﻮﺍﻓﻴﻬﻮ ﺑﺎﻻﺧﺒﺎﺭ ﺑﺎﻟﺘﻔﺼﻴﻞ .. ﻭﻳﺒﺸﺮﻭ ﺍﻧﻮ ﺭﺑﻨﺎ ﺍﺟﺎﺏ ﺍﻟﺪﻋﻮﺓ .. ﻟﻤﻦ ﻭﺻﻞ ﺍﻟﺸﻴﺦ ﻟﻘﻰ ﺍﻟﺸﻴﺦ ﻋﻨﺪﻭ ﺧﺒﺮ ﺑﻲ ﻋﺰﻝ ﺍﻟﻤﻠﻚ ﻭﺳﺠﻦ ﺍﻻﺑﻦ ..
ﺑﺲ ﻭﺩ ﺩﺍﺭ ﺍﻟﺰﻳﻦ ﺣﻜﻰ ﻟﻴﻬﻮ ﺗﻔﺎﺻﻴﻞ ﺩﻗﻴﻘﺔ .. ﻣﺎﻛﺎﻥ ﻣﻠﻢ ﺑﻴﻬﺎ .. ﺍﻟﺸﻴﺦ ﻗﺎﻝ ﻟﻴﻬﻮ ﺭﺑﻨﺎ ﻳﻔﺮﺣﻚ ﺯﻱ ﻣﺎﻓﺮﺣﺘﻨﻲ .. ﺍﻧﺖ ﻣﺎﻙ ﻋﺎﺭﻑ ﺍﻟﺰﻭﻝ ﺑﺤﺲ ﺑﺸﻨﻮ .. ﻭﻛﺖ ﻳﺸﻮﻑ ﺍﻭﻻﺩﻭ ﻭﺗﻼﻣﻴﺬﻭ . ﺑﺼﻠﺤﻮ ﺍﻟﻤﺠﺘﻤﻊ ﻭﺑﻘﻠﻌﻮ ﺍﻟﻔﺴﺎﺩ ﻣﻦ ﺍﻻﺭﺽ .. ﻟﻜﻦ ﺭﺑﻨﺎ ﻳﻜﻔﻴﻨﺎ ﺷﺮ ﺍﻟﻤﻠﻚ ﺍﻟﺠﺪﻳﺪ .. ﺍﻧﺖ ﻋﺎﺭﻑ ﺍﻟﻨﺎﺱ ﻣﺴﻨﻤﻨﻮ " ﻣﺮﻭﺍﺩ ﺍﻟﻌﻤﻰ .." ﻭﻣﻌﺘﻘﺪﻳﻦ ﻓﻴﻬﻮ ﺍﻟﻨﻔﻊ ﻭﺍﻟﻀﺮ ﻭﺍﻟﻌﻴﺎﺫ ﺑﺎﻟﻠﻪ .. ﻭﻫﻮ ﺯﻭﻝ ﻣﺄﻭﻝ ﻛﺒﻴﺮ ..
ﻗﺎﻝ ﻟﻴﻬﻮ ﻣﺎﺩﺍﻡ ﻫﻮ ﺯﻭﻝ ﺑﻌﺮﻑ ﺭﺑﻨﺎ .. ﻭﺑﺤﺐ ﺍﻟﻤﺼﻄﻔﻰ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ .. ﺍﺻﻼ ﻣﺎﻣﻨﻮ ﺧﻮﻑ ﻳﺎ ﺷﻴﺨﻨﺎ ..
ﺍﻟﺸﻴﺦ ﻗﺎﻝ ﻟﻴﻬﻮ ﻟﻜﻦ .. ﻳﺎﻭﺩ ﺩﺍﺭ ﺍﻟﺰﻳﻦ ﺍﻧﺎ ﻋﻨﺪﻱ ﻟﻴﻚ ﻭﺻﻴﺔ .. ﺍﻋﻤﻞ ﺣﺴﺎﺑﻚ ﺷﺪﻳﺪ .. ﻻﻧﻲ ﺍﻟﺒﺎﺭﺡ ﺷﻔﺖ ﻟﻴﻚ ﺭﺅﻳﺎ ﻣﺎﻣﻄﻤﻨﺔ ..
ﻗﺎﻝ ﻟﻴﻬﻮ ﺍﺣﻜﻲ ﻟﻲ ﻳﺎﺷﻴﺨﻨﺎ ﺷﻔﺖ ﺷﻨﻮ؟ .. ﻗﺎﻝ ﻟﻴﻬﻮ ﺍﻧﺎ ﺭﺍﻳﺖ ﺍﻧﻚ ﻫﺠﻢ ﻋﻠﻴﻚ ﺍﺳﺪ ..
ﻭﺍﻧﺖ ﻃﻠﻌﺖ ﺳﻴﻔﻚ .. ﻭﺭﻗﺪﺕ ﻋﻠﻰ ﻗﻔﺎﻙ .. ﻭﻃﻌﻨﺖ ﺍﻻﺳﺪ ﻓﻲ ﺻﺪﺭﻭ
ﺑﺲ ﻛﺎﻥ ﺗﺤﺖ ﺿﻬﺮﻙ ﻓﻲ ( ﺩﻗﺮ ) ﺛﻌﺒﺎﻥ ﺳﺎﻡ ﻭﺍﻧﺖ ﻣﺎ ﺧﺎﺗﻠﻮ ﺑﺎﻟﻚ ..
ﻗﺎﻝ ﻟﻴﻪ ﺍﻫﺎ ﻳﺎﺷﻴﺨﻨﺎ ﺷﻔﺘﺎ ﺍﻟﺪﻗﺮ ﺿﺮﺑﻨﻲ؟ ﻗﺎﻝ ﻟﻴﻬﻮ ﺍﻧﺎ ﺻﺤﻴﺖ ﻗﺒﺎﻝ ﺍﻟﺮﺅﻳﺎ ﺗﻨﺘﻬﻲ ﺍﻟﻤﻬﻢ ﺍﻋﻤﻞ ﺣﺴﺎﺑﻚ ..
ﻗﺎﻝ ﻟﻴﻬﻮ ﺩﻋﻮﺍﺗﻚ ﻣﻌﺎﻱ ﻳﺎﺷﻴﺨﻨﺎ .. ﻗﺎﻝ ﻟﻴﻬﻮ ﻣﻮﻓﻖ ﻭﻣﻨﺼﻮﺭ ﻳﺎﻭﺩ ﺩﺍﺭ ﺍﻟﺰﻳﻦ .. ﻭﺩ ﺩﺍﺭ ﺍﻟﺰﻳﻦ ﻓﻌﻼ ﻗﻠﻘﻞ ﺑﻘﻰ ﻣﺎ ﻣﺘﻮﺍﺯﻥ .. ﻭﺻﻞ ﺍﻟﺒﻴﺖ ﻭﺍﻟﺸﺎﺭﻉ ﻛﻠﻮ ﻳﺘﻠﻔﺖ .. ﻭﻛﻞ ﻣﺮﺓ ﻳﺘﺨﻴﻞ ﺍﻧﻮ ﻓﻲ ﺯﻭﻝ ﺟﺎﻱ ﺟﺎﺭﻱ ﻭﺭﺍﻫﻮ .. ﻳﺘﻠﻔﺖ ﻣﺎﻳﻠﻘﻰ ﺣﺎﺟﺔ ﻳﻘﻮﻡ ﻳﺘﺒﺴﻢ ﻭﻳﻬﺰ ﺭﺍﺳﻮ .. ﻭﻳﻘﻮﻝ . ﻭﺍﻟﻠﻪ ﺍﺧﺮ ﺍﻟﺰﻣﻦ ﻳﺎﻭﺩﺍﺭ ﺍﻟﺰﻳﻦ .. ﺑﻘﻴﺖ ﺗﺨﺎﻑ ..
ﻭﺻﻞ ﺍﻟﺒﻴﺖ .. ﻭﻗﺎﻝ ﺍﻟﺤﻤﺪ ﻟﻠﻪ ﺍﻟﻮﺍﺣﺪ ﻛﺪﺍ ﺍﺭﺗﺎﺡ ﻣﻦ ﺍﻟﺰﻋﺰﻋﺔ ..
ﻭﻧﺎﺩﻯ ﺍﻟﻨﺴﻴﻢ ﻭﺍﻣﻬﺎ ﻭﺣﻜﻰ ﻟﻴﻬﻢ ﺍﻟﺤﺼﻞ ﻓﻲ ﺳﻨﺎﺭ .. ﻭﺍﻟﻨﺴﻴﻢ ﺩﻱ ﻓﺮﺣﺖ ﻓﺮﺡ .. ﻟﻤﻦ ﻛﺘﻤﺖ ﺻﻮﺕ .. ﻭﺑﻘﺖ ﺗﺮﻣﻲ ﻓﻲ ﺩﻣﻮﻋﻬﺎ ﺑﻼ ﺣﺴﺎﺏ ﻭﻻ ﻋﺪﺩ ..
ﻭﻗﺎﻟﺖ ﻟﻴﻬﻮ ﺍﻱ ﻳﺎﺑﺎ .. ﺍﻟﻠﻪ ﻣﻊ ﺍﻟﻤﺴﻜﻴﻦ .. ﺍﺻﻠﻮ ﺭﺑﻨﺎ ﻣﺎﺑﻀﻴﻌﻨﻲ .. ﺍﻟﺘﺎﻳﺔ ﺑﺖ ﻣﺨﺘﺎﺭ ﻗﺎﻝ ﻟﻴﻬﻮ ﺍﻟﻠﻪ ﻳﺼﻘﻂ ﺣﺠﺮﻭ ﻫﻮ ﻋﻠﻰ ﺍﺑﻮﻫﻮ .. ﻟﻜﻦ ﺍﻧﺎ ﻳﺎ ﺍﻟﺤﺎﺝ ﺑﺲ ﺣﺎﻳﻔﺔ ﺍﻟﺠﻤﺎﻋﺔ ﻳﺠﻮ ﻳﻘﻠﻌﻮ ﻣﻨﻨﺎ ﺍﻟﺸﻴﻠﺔ ﺍﻟﺠﺎﺑﻮﻫﺎ ﻟﻠﻨﺴﻴﻢ ..
ﺍﻟﻨﺴﻴﻢ ﻗﺎﻟﺖ ﻟﻴﻬﻢ .. ﺷﻴﻠﺔ ﺷﻨﻮ ﻳﻤﺔ؟ .. ﻭﺣﺎﺕ ﺭﺑﻲ ﻣﺤﺮﻣﺔ ﻋﻠﻰ ﺍﺩﺧﻞ ﻣﻨﻬﺎ ﺷﻲ ﻋﻠﻲ .. ﺩﻱ ﺣﺮﺍﻡ .. ﻭﺍﺻﻼ ﻳﻤﻪ ﺍﻟﻤﻠﻚ ﻛﺎﻥ ﺧﺎﺩﻣﻬﺎ ﺑﻲ ﺿﺮﺍﻋﻮ؟؟ .. ﻣﻲ ﻳﺎﻫﺎ ﺍﻟﻘﺮﻭﺵ ﺍﻟﺒﻘﻠﻌﻬﺎ ﻣﻦ ﺍﻟﻤﺴﺎﻛﻴﻦ؟؟ .. ﺑﺮﻱ ﻣﺎ ﺑﺪﻭﺭﻫﺎ .. ﺍﻣﻬﺎ ﻗﺎﻟﺘﻠﻬﺎ ﻫﻲ ﺳﺠﻤﻲ !! ﻛﻴﻔﻦ ﻣﺎﺑﺘﺪﻭﺭﻳﻬﺎ ؟؟ ﻋﻠﻰ ﺍﻻﻗﻞ ﺷﻴﻠﻲ ﺍﻟﺪﻫﺐ ﺩﻩ .. ﻋﻤﺮﻱ ﺑﻴﻬﻮ ﺑﻴﺘﻚ .. ﻗﺎﻟﺖ ﻟﻴﻬﺎ ﻳﺎﺗﻮ ﺑﻴﺖ؟ ﺍﻟﺒﻌﻤﺮﻭ ﺑﻲ ﻣﺎﻝ ﺍﻟﻐﻼﺑﺔ ...
ﻓﻮﻗﻲ ﻳﻤﻴﻦ ﻣﺎﺑﺸﻴﻞ ﻣﻨﻮ ﻭﻻ ﺍﻭﻗﻴﺔ .. ﻣﺤﺮﻡ ﻋﻠﻲ ﻣﺘﻞ ﻣﻜﺔ ﻣﺎﺣﺮﻣﺖ ﻋﻠﻰ ﺍﻟﻜﻔﺎﺭ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻬﺎ ﺧﻠﻴﻬﺎ ..
ﺑﺎﻟﻨﺴﺒﺔ ﻟﻲ ﺍﺏ ﺧﻮﺳﺔ ﻃﺒﻌﺎ " ﺳﻤﻊ ﺑﻲ ﻗﺼﺔ ﺍﻟﻤﻠﻚ ﺍﻟﻌﺰﻟﻮﻫﻮ ﻭﺍﻻﻣﻴﺮ ﺍﻟﺴﺠﻨﻮﻫﻮ ..
ﻭﻛﺎﻥ ﺍﻟﺴﺒﺐ ﻭﺩ ﺩﺍﺭ ﺍﻟﺰﻳﻦ .. ﺍﻧﺒﺴﻂ ﺑﺴﻂ ﺷﺪﻳﺪ ﻣﻦ ﻭﺩ ﺩﺍﺭ ﺍﻟﺰﻳﻦ .. ﻭﻛﻠﻢ ﺍﺑﻮﻫﻮ ﻭﺍﻣﻮ ﺑﺎﻧﻮ ﺍﻟﻨﺴﻴﻢ ﺍﻥ ﺷﺎﺀ ﺍﻟﻠﻪ ﺗﺮﺟﻊ ﺍﻟﺒﻴﺖ ﻓﻲ ﺍﻣﻦ ﻭﺍﻣﺎﻥ .. ﻭﺭﻛﺐ ﻣﺸﻰ ﻟﻮﺩ ﺩﺍﺭ ﺍﻟﺰﻳﻦ .. ﻭﺻﻞ ﻟﻴﻬﻮ ﻭﻛﺎﻧﺖ ﺍﻟﻔﺮﺣﺔ ﻃﺎﻫﺮﺓ ﻓﻮﻕ ﺍﺏ ﺧﻮﺳﺔ ﺷﺪﻳﺪ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﺍﺑﻮ ﺍﻟﻨﺴﻴﻢ ﻋﺎﺩ ﺍﻟﺴﻮﻳﺘﺎ ﺗﻘﻌﺪ ﺗﺎﺭﻳﺦ ﻻ ﺟﻨﻰ ﺍﻟﺠﻨﻰ .. ﺍﻧﺖ ﺗﺴﻠﻢ ﻳﺎ ﺍﺑﻮ ﺍﻟﻨﺴﻴﻢ .. ﺍﻧﺎ ﺟﺎﻳﻴﻚ ﻓﻲ ﻃﻠﺐ ﻳﺎﻋﻤﻲ .. ﺍﻧﺎ ﺩﺍﻳﺮﻙ ﺗﺮﺟﻊ ﻟﻲ ﻣﺮﺗﻲ .. ﺧﻼﺹ ﺍﻟﻜﻀﺒﺔ ﺍﻟﻜﻀﺒﺘﺎ ﻟﻴﻨﺎ ﺍﻟﻨﺴﻴﻢ ﺍﻧﺘﻬﺖ .. ﻗﻮﻝ ﻟﻠﻨﺴﻴﻢ ﻛﻀﺒﻚ ﺍﻧﻜﺸﻒ .. ﺍﻧﺘﻲ ﻛﻀﺒﺘﻲ ﻋﺸﺎﻥ ﺗﺤﻘﻨﻲ ﺩﻣﻨﺎ .. ﻟﻜﻦ ﺍﻟﻜﻀﺐ ﻣﺎﺑﺪﻭﻡ .. ﻭﺍﻻﺗﻨﻴﻦ ﺿﺤﻜﻮ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻭﺍﻟﻠﻪ ﻣﻦ ﺣﻘﻚ ﺗﺮﺟﻊ ﺍﻟﻤﺮﺍﺓ .. ﻟﻜﻦ ﻣﺎ ﺍﺣﺴﻦ ﻧﺴﻌﻠﻬﺎ ﻗﺒﺎﻝ ﺍﺩﻳﻚ ﺭﺍﻱ ؟
ﻗﺎﻝ ﻟﻴﻬﻮ ﺍﻳﻮﺓ ﺍﺳﻌﻠﻬﺎ ﻧﺤﻦ ﻧﺎﺱ ﻣﺘﻌﻠﻤﻴﻦ .. ﻭﺑﻨﻔﻬﻢ ﻓﻲ ﺍﺻﻮﻝ ﺍﻟﺪﻳﻦ .. ﺍﻥ ﺑﻘﺖ ﻣﻲ ﺭﺿﻴﺎﻧﺔ ﺧﻠﻨﻲ ﺍﻟﻨﺘﺮﺍﻭﺡ ﻋﻠﻰ ﺍﻫﻠﻲ ..
ﻭﺩﺍﺭﺍﻟﺰﻳﻦ .. ﺩﺧﻞ ﻋﻠﻰ ﺍﻟﻨﺴﻴﻢ ﻭﻟﻘﺎﻫﺎ ﻟﻮﻧﻬﺎ ﻧﺎﻗﻊ ﻭﻣﺼﻔﺮ ﺯﻱ ﺍﻟﻜﺮﻛﻢ .. ﻭﻋﺮﻗﺎﻧﺔ ﻭﺗﺮﺗﻌﺶ .. ﻗﺎﻝ ﻟﻬﺎ ﺑﺴﻢ ﺍﻟﻠﻪ ﻳﺎ ﺍﻟﻨﺴﻴﻢ ﻣﺎﻟﻚ؟
ﺍﻟﺘﺎﻳﺔ ﻗﺎﻟﺖ ﻟﻴﻬﻮ ﻋﺸﺎﻥ ﺳﻤﻌﺖ ﺣﺲ ﺍﺏ ﺧﻮﺳﺔ .. ﻏﺎﻳﺘﻮ ﺍﺑﺨﻮﺳﺔ ﺩﻩ ﺷﺎﻳﻞ ﻗﻠﺒﻬﺎ ﻛﻠﻮ ﻛﻠﻮ .. ﻣﻮ ﻣﻌﺮﻭﻑ ﻛﺎﺗﺒﻬﺎ ﻋﻨﺪ ﻳﺎﺗﻮ ﻓﻘﻴﺮ ..
ﻗﺎﻝ ﻟﻴﻬﺎ ﻳﻌﻨﻲ ﻫﺴﻊ ﺍﻧﺘﻲ ﺩﺍﻳﺮﺓ ﺗﺮﺟﻌﻲ ﻟﻴﻬﻮ ﻳﺎ ﺍﻟﻨﺴﻴﻢ؟ .. ﻻﻧﻮ ﺍﻟﺰﻭﻝ ﺩﻩ ﻗﺎﻝ ﺟﺎﻱ ﻳﺮﺟﻌﻚ ﻟﻲ ﺑﻴﺘﻚ؟
ﺍﻟﻨﺴﻴﻢ ﻗﻤﺰﺕ ﻣﻦ ﺍﻟﻌﻨﻘﺮﻳﺐ ﻭﻗﺎﻟﺖ ﻟﻴﻬﻮ ( ﻋﻠﻴﻚ ﺍﻟﻠﻪ ﻳﺎﺑﺎ ﺑﺼﺢ . ﻗﺎﻝ ﻛﺪﻱ؟؟؟ )
ﻓﺠﺄﺓ ﺍﻧﺘﺒﻬﺖ ﻟﻲ ﺭﻭﺣﻬﺎ ﺍﻧﻬﺎ ﺍﺗﺤﺮﻛﺖ ﺑﻲ ﻏﻴﺮ ﺗﺤﻜﻢ .. ﻗﻌﺪ ﺑﺮﺍﺍﺍﺣﺔ ﻓﻮﻕ ﺍﻟﻌﻨﻘﺮﻳﺐ ﺭﺍﺟﻌﺔ .. ﻭﺧﺠﻠﺖ ﻣﻦ ﺭﻭﺣﻬﺎ .. ﺍﺑﻮﻫﺎ ﻗﻌﺪ ﻳﻌﺎﻳﻦ ﻟﻴﻬﺎ ﻭﻳﺘﺒﺴﻢ ..
ﻗﺎﻝ ﻟﻴﻬﺎ ﻣﺎﻓﻴﻬﺎ ﺣﺎﺟﺔ ﻳﺎ ﺍﻟﻨﺴﻴﻢ ﻳﺎﻫﻮ ﺭﺍﺟﻠﻚ ﻳﺎﺑﺘﻲ .. ﺑﺲ ﺍﻟﻠﻪ ﻳﻠﻌﻦ ﺍﻟﻈﻠﻤﺔ ﺍﻟﻔﺮﻗﻮﻛﻢ .. ﺧﻼﺹ ﺍﻧﺎ ﺑﻜﻠﻤﻮ ﺑﻤﻮﺍﻓﻘﺘﻚ .. ﻳﺠﻲ ﻓﻲ ﺍﻟﻴﻮﻡ ﺍﻟﺪﺍﻳﺮ ﻳﺴﻮﻗﻚ .. ﻟﻜﻦ ﺍﻧﺎ ﺑﺸﺎﻭﺭﻭ ﺍﻧﻚ ﺗﺘﺰﻳﻨﻲ ﺑﺎﻟﻬﺪﺍﻳﺎ ﺍﻟﺠﺎﺑﻦ ﻟﻴﻚ ﺍﻟﻤﻠﻚ .. ﻛﺎﻥ ﻭﺍﻓﻖ ﺗﺎﻧﻲ ﻣﺎﺗﻌﺎﺭﺿﻲ .. ﻗﺎﻟﺖ ﻟﻴﻬﻮ ﻣﺎﺑﻮﺍﻓﻖ .. ﺍﻧﺎ ﺑﻌﺮﻓﻮ ..
ﻣﺸﻰ ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﻳﺎ ﺍﺑﺨﻮﺳﺔ .. ﺍﻟﺤﻤﺪ ﻟﻠﻪ ﺍﻟﻨﺴﻴﻢ ﺑﺎﻗﻴﺔ ﻋﻠﻴﻚ ﺗﺐ . ﻭﻣﺎﻋﻨﺪﻫﺎ ﻗﺒﻠﺔ ﻏﻴﺮﻙ .. ﻟﻜﻦ ﻳﺎﺧﻲ ﻓﻲ ﻣﻮﺿﻮﻉ .. ﻃﺒﻌﺎ ﺍﻟﻤﻠﻚ ﺭﺳﻞ ﻫﺪﺍﻳﺎ ﻓﻲ ﺷﻜﻞ ﺷﻴﻠﺔ .. ﻟﻲ ﺍﻟﻨﺴﻴﻢ ﺣﺎﺟﺎﺕ ﻏﺎﻟﻴﺔ ﻏﺎﻟﻴﺔ .. ﻛﺎﻥ ﺑﺎﻋﻮﻫﺎ ﺗﺠﻴﺐ ﻟﻬﺎ ﻋﺸﺮﺓ ﺑﻜﺎﺭ ( ﻧﻴﺎﻕ ) .. ﻭﻣﻌﺎﻫﺎ ﺩﻫﺐ ﺑﺎﻻﺭﻃﺎﻝ .. ﺍﻃﻨﻮ ﺷﻨﻄﺔ ﻣﻼﻧﺔ ..
ﻭﻃﺒﻌﺎ " ﺍﻧﺖ ﻋﺎﺭﻑ ﺍﻟﻤﻠﻚ ﻭﻭﻟﺪﻭ ﺧﻼﺹ ﺑﻘﻮ ﻓﻲ ﺧﺒﺮ ﻛﺎﻥ .. ﺍﻫﺎ ﺍﻧﺎ ﺷﺎﻳﻒ ﺩﻩ ﺭﺯﻕ ﻣﻦ ﺍﻟﻠﻪ ﺍﺩﺍﻛﻢ ﻟﻴﻬﻮ .. ﻟﻜﻦ ﺍﻟﻨﺴﻴﻢ ﻣﻘﻮﻳﺔ ﺭﺍﺳﻬﺎ ﻭﻣﺎﻫﺎ ﺩﺍﻳﺮﺓ ﺷﻲ ﻳﺬﻛﺮﻫﺎ ﺑﺎﻟﻮﻟﺪ ﺍﻟﻤﺮﻋﺔ ﺩﻩ .. ﺍﻧﺖ ﺭﺍﻳﻚ ﺷﻨﻮ؟
ﺍﺑﺨﻮﺳﺔ ﻗﺎﻝ ﻟﻴﻬﻮ ﻭﺍﻟﻠﻪ ﻭﻻ ﺧﺎﺗﻢ ﻣﺎﻳﺒﺮﺍﻧﻲ .. ﻭﺍﻧﺎ ﻣﻦ ﺭﺍﻱ ﺗﺸﻴﻞ ﺍﻟﺤﺎﺟﺎﺕ ﺩﻳﻞ ﺑﻲ ﺻﻤﺔ ﺧﺸﻤﻦ .. ﻭﺗﻮﺩﻳﻬﻦ ﻟﻲ ﺍﻟﻤﺠﻠﺲ ﻋﺸﺎﻥ ﻳﻤﺸﻦ ﻟﻲ ﺑﻴﺖ ﺍﻟﻤﺎﻝ .. ﺍﻟﻤﻠﻚ ﺍﻻﺩﺍﻙ ﻟﻴﻬﻦ ﺩﻩ .. ﺟﺎﻳﺒﻬﻦ ﺑﻲ ﻋﺮﻕ ﺟﺒﻴﻨﻮ؟ .. ﻭﻻ ﺟﺎﻳﺒﻦ ﺑﻲ ﺧﺪﻣﺔ ﺿﺮﺍﻋﻮ؟ . ﻳﺎﻫﺎ ﺣﻘﻮﻕ ﺍﻟﻀﻌﻔﺎﺀ ﻭﺍﻟﻐﻼﺑﺔ .. ﻋﺸﺎﻥ ﺍﻧﺖ ﻣﺎﺗﺪﺧﻞ ﻓﻲ ﺍﻟﻠﻌﻨﺔ ﻣﻊ ﺍﻟﺴﻼﻃﻴﻦ ﺍﻟﻈﻠﻤﺔ .. ﻭﺩﻫﻦ ﻭﺍﻧﻔﺾ ﺍﻳﺪﻙ ﻣﻦ ﺍﻟﻮﺳﺦ ..
ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ . ﻟﻜﻦ ﺍﻧﺎ ﻻ ﺍﺧﺘﻠﺴﺘﻬﻦ ﻭﻻﺳﺮﻗﺘﻬﻦ .. ﺩﻳﻞ ﻫﺪﻳﺔ ﻣﻦ ﺍﻟﻤﻠﻚ .... ﺍﻟﻤﻬﻢ ﻳﺎﺟﻤﺎﻋﺔ ﻭﺩ ﺩﺍﺭ ﺍﻟﺰﻳﻦ ﻭﺍﺑﺨﻮﺳﺔ ﺍﺗﻨﺎﻗﺸﻮ ﻓﻲ ﺍﻟﻤﻮﺿﻮﻉ ﺩﻩ ﻛﺘﻴﺮ .. ﻓﻲ ﺍﻟﻨﻬﺎﻳﺔ ﺍﺗﻔﻘﻮ ﻳﻤﺸﻮ ﻳﺴﺄﻟﻮ ﺍﻟﺸﻴﺦ ﺍﺏ ﻛﻒ .. ﻭﺍﻟﺒﻘﻮﻟﻮ ﺍﺏ ﻛﻒ ﻳﻤﺸﻮ ﻋﻠﻴﻬﻮ ﺑﺲ ﻣﻮﻣﻌﺮﻭﻑ ﻳﻤﺸﻮ ﻣﺘﻴﻦ ..
ﻭﺑﻲ ﻏﺎﺩﻱ ﻓﻲ ﺍﻟﻘﺼﺮ ﺣﺎﺻﻠﺔ ﻣﺼﺎﻳﺐ ﻋﺠﻴﺒﺔ .. ﺍﻟﻤﻠﻚ ﻓﻲ ﺗﺴﻠﻴﻤﻪ ﻟﻠﻤﻬﺎﻡ ﻃﻠﺐ ﺣﻀﻮﺭ ﻣﻤﺜﻞ ﺍﻟﻌﺪﻝ . ﻭﺭﻓﻊ ﻟﻴﻬﻮ ﻣﺮﺳﻮﻡ ﺗﻈﻠﻤﻲ ..
ﻛﺘﺐ ﻓﻴﻪ .. ﺍﻟﻰ ﻗﺎﺿﻲ ﻗﻀﺎﺓ ﺍﻟﺴﻠﻄﻨﺔ ﺍﻟﺰﺭﻗﺎﺀ .. ﺍﻧﺎ ﺍﺗﻈﻠﻢ ﻣﻦ ﻣﺠﻠﺲ ﺍﻟﺸﻮﺭﻱ ﻓﻲ ﺍﻧﻪ ﻟﻢ ﻳﻌﻄﻮﻧﻲ ﺍﻟﻔﺮﺻﺔ ﻓﻲ ﺍﻟﺪﻓﺎﻉ ﻋﻦ ﻧﻔﺴﻲ .. ﺑﺎﻟﻨﺴﺒﺔ ﻟﺤﺎﻟﺔ ﺍﺑﻨﻲ ﻓﺎﻧﻪ ﻣﺼﺎﺏ ﺑﺎﻟﺠﻨﻮﻥ ﻣﻨﺬ ﻣﻮﺕ ﺍﺧﻮﺗﻪ ﻣﺴﻤﻮﻣﻴﻦ . ﻭﻫﻮﻏﻴﺮ ﻣﺘﻮﺍﺯﻥ ﻋﻘﻠﻴﺎ ." ﻓﻠﺬﻟﻚ ﻛﻞ ﺷﻲ ﻳﻘﻮﻡ ﺑﻪ ﻻﻳﺴﺘﺤﻖ ﺍﻟﻌﻘﺎﺏ ﻋﻠﻴﻪ .. ﻭﻟﻜﻨﻲ ﺍﻗﻮﻡ ﺩﺍﻳﻤﺎ ﺑﺤﺒﺴﻪ .. ﻭﻳﺨﺮﺝ ﻣﻦ ﻏﻴﺮ ﺍﺫﻧﻲ .. ﻭﻻ ﺍﺳﺘﻄﻴﻊ ﺍﻥ ﺍﺣﺒﺲ ﺍﺑﻨﻲ ﺍﻟﻮﺣﻴﺪ .. ﻓﻤﻊ ﺍﻧﻲ ﻣﻠﻚ ﻭﻟﻜﻨﻲ ﺍﺏ .. ﻭﻟﺴﺖ ﻣﺴﺆﻻ " ﻣﻤﺎﻳﻘﺘﺮﻑ ﺍﺑﻨﻲ . ﻓﺎﻥ ﻧﻮﺡ ﻋﻠﻴﻪ ﺍﻟﺴﻼﻡ ﻟﻢ ﻳﻌﺎﻗﺐ ﺑﻤﺎﻳﻘﻮﻡ ﺑﻪ ﺍﺑﻨﻪ ..
ﻭﻛﻞ ﺍﻟﻔﻈﺎﺋﻊ ﺍﺗﻲ ﻳﻘﻮﻡ ﺑﻬﺎ ﺍﺑﻨﻲ .. ﺗﺪﻝ ﻋﻠﻰ ﺍﻧﻪ ﻏﻴﺮ ﻣﺘﻮﺍﺯﻥ ﻋﻘﻠﻴﺎ .. ﻓﺎﻟﺤﻜﻢ ﻋﻠﻰ ﻣﺨﺒﻮﻝ ﻏﻴﺮ ﺟﺎﺋﺰ ﺷﺮﻋﺎ .. ﻓﺎﻥ ﺍﻟﺪﻳﻦ ﺍﻻﺳﻼﻣﻲ ﺭﻓﻊ ﺍﻟﻘﻠﻢ ﻋﻦ ﺍﻟﻤﺠﻨﻮﻥ ..
ﺍﻻﻣﺮ ﺍﻟﺜﺎﻧﻲ ﻣﺎﻳﺘﻌﻠﻖ ﺑﻌﻀﻮ ﺍﻟﻤﺠﻠﺲ ﻭﺩ ﺩﺍﺭ ﺍﻟﺰﻳﻦ .. ﻓﺎﻧﻨﺎ ﻃﻠﺒﻨﺎ ﺍﺑﻨﺘﻪ
ﻋﻠﻰ ﻛﺘﺎﺏ ﺍﻟﻠﻪ ﻭﺳﻨﺔ ﺭﺳﻮﻝ ﺍﻟﻠﻪ .. ﻓﻜﻮﻥ ﺑﻨﺘﻪ ﺗﻮﺍﻓﻖ ﻋﻠﻰ ﻃﻼﻕ ﺯﻭﺟﻬﺎ ﻭﺯﻭﺍﺝ ﺍﺑﻨﻲ .. ﻓﻬﺬﺍ ﻻﻳﺠﻌﻞ ﺍﺑﻨﻲ ﻣﺠﺮﻣﺎ ﻓﻲ ﺣﻘﻬﺎ .. ﺣﺘﻰ ﻟﻮ ﻫﻮ ﻃﻠﺐ ﻣﻨﻬﺎ ﺫﻟﻚ .. ﻭﺍﻧﺎ ﺷﺨﺼﻴﺎ ﻃﻠﺒﺘﻬﺎ ﻣﻦ ﺍﺑﻴﻬﺎ .. ﻓﻮﺍﻓﻖ ﻭﻟﻜﻨﻪ ﻃﻠﺐ ﻣﻨﻲ ﺭﺷﻮﺓ ﺑﻤﺎ ﻳﻘﺪﺭ ﺑﺜﻼﺛﺔ ﺍﺭﻃﺎﻝ ﻣﻦ ﺍﻟﺬﻫﺐ .. ﻭﺍﻧﺎ ﺍﺧﻄﺄﺕ ﻓﻲ ﻣﻮﺍﻓﻘﺘﻲ ﺍﻋﻄﺎﺀﺓ ﺍﻟﺮﺷﻮﺓ .. ﻭﻟﻜﻨﻪ ﺍﺧﺬ ﺍﻟﺮﺷﻮﺓ ﻓﻬﻮ ﺍﻳﻀﺎ ﻳﺴﺘﺤﻖ ﺍﻟﻌﻘﺎﺏ .. ﻭﻻﻳﺴﺘﺤﻖ ﺍﻥ ﻳﻜﻮﻥ ﻓﻲ ﻣﺠﻠﺲ ﺍﻟﺸﻮﺭﻯ .. ﻓﺎﻥ ﺍﻟﺮﺷﻮﺓ ﻣﺤﺮﻣﺔ ﻓﻲ ﺩﺳﺘﻮﺭ ﺍﻟﺴﻠﻄﻨﺔ .. ﻛﻤﺎﻓﻲ ﻛﺘﺎﺏ ﺍﻟﻠﻪ .. ﻭﻳﻌﺎﻗﺐ ﻣﺘﻌﺎﻃﻲ ﺍﻟﺮﺷﻮﺓ .. ﺑﺎﻟﺴﺠﻦ ﻟﻤﺪﺓ ﺧﻤﺴﺔ ﻋﺸﺮ ﻋﺎﻣﺎ " .. ﻭﻟﺼﺪﻗﻲ ﻓﻲ ﻣﺎ ﺃﻗﻮﻝ ﻳﻤﻜﻦ ﺗﺸﻜﻴﻞ ﻟﺠﻨﺔ ﺗﺤﻘﻴﻖ ﺳﺮﻳﺔ .. ﻟﺘﻔﺘﻴﺶ ﻣﻨﺰﻝ ﻭﺩ ﺩﺍﺭ ﺍﻟﺰﻳﻦ ﻭﺳﺘﺠﺪ ﺍﻟﻠﺠﻨﺔ ﺍﻟﺬﻫﺐ ﻓﻲ ﺑﻴﺘﻪ ..
ﻭﺍﻥ ﻟﻢ ﺗﺠﺪﻩ ﻓﺎﻧﻲ ﺟﺎﻫﺰ ﻟﻼﺗﻴﺎﻥ ﺑﺎﻟﺸﻬﻮﺩ .. ﺍﻟﺬﻳﻦ ﺍﻭﺻﻠﻮ ﺍﻟﻴﻪ ﺍﻟﺮﺷﻮﺓ .. ﺍﻣﺎ ﺍﻻﻣﺮ ﺍﻻﺧﻴﺮ ﻳﺎ ﺳﻐﺎﺩﺓ ﺳﻌﺎﺩﺓ ﺍﻟﻘﺎﺿﻲ ﻭﺩ ﺩﺍﺭ ﺍﻟﺰﻳﻦ ﺑﺎﻉ ﻟﻨﺎ ﺑﻨﺘﻪ .. ﻭﻣﻦ ﺣﻘﻨﺎ ﺑﺎﻟﻘﺎﻧﻮﻥ ﺍﻥ ﻧﺄﺧﺬﻫﺎ ﻣﻨﻪ .. ﺍﻻﻥ ﺣﺘﻰ ﻭﻟﻮ ﻛﺎﻥ ﺍﺑﻨﻲ ﺑﺎﻟﺴﺠﻦ .. ﻭﺍﻧﺎ ﺍﻟﺠﺄ ﺍﻟﻰ ﻋﺪﺍﻟﺘﻜﻢ .. ﻭﺍﺭﺟﻮ ﺍﻥ ﻻﺗﺨﻴﺒﻮ ﻇﻨﻲ ﻓﻲ ﻛﻞ ﻣﺎ ﻛﺘﺒﺖ ..
ﻭﺍﻟﻠﻪ ﻟﻜﻦ ﺍﻟﻤﻠﻚ ﻟﻌﺐ ﺍﻟﺤﻜﺎﻳﺔ ﻟﻌﺒﺔ ﻣﻌﻠﻤﻴﻦ .. ﻭﻭﺩ ﺩﺍﺭ ﺍﻟﺰﻳﻦ ﺑﻘﻰ ﻓﻲ ﺟﻨﺎﺡ ﻏﺮﺍﺏ ..
ﺭﺩ ﻋﻠﻴﻪ ﺍﻟﻘﺎﺿﻲ ﺍﻟﻌﺎﻡ .. ﻓﻲ ﻇﻬﺮ ﺍﻟﺮﺳﺎﻟﺔ ﻗﺎﻝ ﻟﻪ .. ﻧﺤﻦ ﺳﻨﺄﺗﻲ ﺑﺎﻟﺤﻜﻤﺎﺀ ﻭﺍﻟﻤﻌﺎﻟﺠﻴﻦ ﻓﺎﻥ ﺍﺛﺒﺘﻮ ﺍﻥ ﺍﺑﻨﻚ ﻣﺠﻨﻮﻥ ﻓﺴﻨﺮﻓﻊ ﻋﻨﻪ ﺍﻟﻌﻘﻮﺑﺔ ﻭﻧﺤﻮﻟﺔ ﺍﻟﻰ ﺩﺍﺭ ﺍﻟﺸﻔﺎﺀ ﻟﺘﻠﻘﻲ ﺍﻟﻌﻼﺝ ..
ﻭﺳﻨﻌﻄﻴﻚ ﻓﺮﺻﺔ ﻟﻼﺳﺘﺌﻨﺎﻑ ﻓﻲ ﺍﻟﻤﺠﻠﺲ .. ﻟﺘﺪﻟﻲ ﺑﺮﺍﻳﻚ .. ﻭﺍﻥ ﻭﺟﺪﻙ ﺍﻟﻤﺠﻠﺲ ﺑﺮﻳﺌﺎ .." ﺳﺴﺘﺮﺟﻊ ﺍﻟﻰ ﺍﻟﻜﻜﺮ ﺑﻤﺮﺳﻮﻡ ﺧﺎﺹ ﻣﻨﻲ .. ﻭﺳﺎﺣﻜﻢ ﺑﻤﺎ ﺍﺭﻯ ﺍﻧﻪ ﺍﻟﺤﻖ .. ﻭﻻ ﻋﻼﻗﺔ ﻟﻲ ﺑﻤﺎ ﺍﺗﻔﻘﺖ ﻋﻠﻴﻪ ﺷﻮﺭﺍﻫﻢ ..
ﺍﻣﺎ ﺑﺎﻟﻨﺴﺒﺔ ﻟﻠﺮﺷﻮﺓ ﺍﻟﺘﻲ ﻗﺪﻣﺘﻬﺎ ﻟﻮﺩ ﺩﺍﺭ ﺍﻟﺰﻳﻦ ﻭﺍﺧﺬﻫﺎ ..
ﻓﺎﻧﻬﺎ ﺳﺘﺤﺮﻣﻚ ﻣﻦ ﺣﻘﻚ ﺍﻟﺪﺳﺘﻮﺭﻱ .. ﺣﺘﻰ ﻟﻮ ﺑﺮﺃﻧﺎﻙ ﻣﻦ ﻏﻴﺮﻫﺎ ..
ﻻﻧﻬﺎ ﺗﻌﺘﺒﺮ ﺟﺮﻳﻤﺔ ﻓﻲ ﺣﻖ ﺍﻟﺴﻠﻄﻨﺔ .. ﻭﺑﺎﻻﺷﺎﺭﺓ ﺍﻟﻰ ﺧﻄﺎﺑﻚ ﻓﺎﻧﻨﺎ
ﺳﻨﺸﻜﻞ ﻟﺠﻨﺔ .. ﻗﺒﻞ ﻳﻮﻡ ﺍﻟﺴﺒﺖ ﻟﺘﻬﺎﺟﻢ ﻭﺩ ﺩﺍﺭ ﺍﻟﺰﻳﻦ ﻓﻲ ﺑﻴﺘﻪ ..
ﻓﺎﻥ ﻭﺟﺪﻧﺎ ﻓﻲ ﺑﻴﺘﻪ ﻣﻤﺎ ﻗﻠﺖ .. ﻓﺎﻥ ﺍﻟﻌﻘﺎﺏ ﺳﻴﻜﻮﻥ ﻋﻠﻴﻚ ﻭﻋﻠﻴﻪ .. ﻓﺎﻧﺘﺒﻪ ﻟﺬﻟﻚ ﺟﻴﺪﺍ .. ﻓﻬﺬﺍ ﻭﺣﺪﻩ ﺳﻴﺤﺮﻣﻚ ﻣﻦ ﺍﻟﻌﻮﺩﺓ ﻟﻠﻜﻜﺮ ﻣﺮﺓ ﺍﺧﺮﻯ ..
ﺍﻫﺎ ﻃﺒﻌﺎ " ﺍﻟﻤﻠﻚ ﻋﺮﻑ ﺍﻧﻮ ﺗﺎﻧﻲ ﻻﻳﻤﻜﻦ ﻳﺮﺟﻊ ﺍﻟﻰ ﺍﻟﻜﻜﺮ .. ﻓﺮﺩ ﻋﻠﻰ ﺍﻟﻘﺎﺿﻲ ﺍﻟﺮﺳﺎﻟﺔ ﺍﻟﺘﺎﻧﻴﺔ .. ﻭﻛﺘﺐ ﺍﻟﻴﻪ ﻛﻠﻤﺘﻪ ﺍﻟﺸﻬﻴﺮﺓ ﺍﻟﺘﻲ ﺻﺎﺭﺕ ﻣﺜﻼ " ( ﻳﺎﺳﻴﻞ ﺍﻟﺒﺪﻭ .. ﺷﻴﻠﻨﻲ ﻭﺷﻴﻞ ﺍﻟﻌﺪﻭ ) .. ﻳﻌﻨﻲ ( ﻋﻠﻲ ﻭﻋﻠﻰ ﺍﻋﺪﺍﺋﻲ ) ..
ﺍﻟﻤﻠﻚ ﻣﺤﺒﻮﺱ ﻓﻲ ﺻﺮﺍﻳﺎ ﻭﻣﺤﺮﻭﺱ .. ﺣﺮﺍﺳﺔ ﻣﺸﺪﺩﺓ ﺑﻲ ﻋﺸﺮﺓ ﻣﻦ ﺍﻗﻮﻳﺎﺀ ﺍﻟﺠﻨﻮﺩ .. ﺑﺠﻴﺒﻮ ﻟﻴﻪ ﺍﻻﻛﻞ ﻭﺍﻟﺸﺮﺍﺏ ﻭﻗﺎﻳﻤﻴﻦ ﻋﻠﻰ ﺧﺪﻣﺘﻮ ﻟﻐﺎﻳﺔ ﻣﺎﻳﺸﻮﻓﻮ ﺍﻟﺒﺘﻨﺠﻢ ﻋﻨﻮ ﺍﻟﻤﺤﻤﻜﻤﺔ ﺑﺘﺎﻋﺔ ﺍﻟﺨﻤﻴﺲ ..
ﻗﺎﻡ ﺍﻟﻤﻠﻚ ﻧﺎﺩﻯ ﻭﺍﺣﺪ ﻓﻲ ﺍﻟﺤﺮﺍﺱ ﺍﺳﻤﻮ ﺿﻤﺮﻩ . ﻭﻗﺎﻝ ﻟﻴﻬﻮ ﺍﻧﺎ ﻋﺎﻳﺰﻙ ﺍﻧﺖ ﻓﻲ ﻛﻼﻡ ﺳﺮﻱ ﻟﻠﻐﺎﻳﺔ .. ﺷﻮﻑ ﻭﻛﺖ ﻣﻬﻢ ﻭﻳﻜﻮﻥ ﻣﺎﻓﻲ ﺯﻭﻝ ﻣﻌﺎﻙ ﻭﺗﻌﺎﻝ ﻟﻲ ﺍﻗﻮﻝ ﻟﻚ .. ﺍﻟﻤﻬﻢ ﺍﻟﺤﺎﺭﺱ ﺩﻩ ﻟﻘﻰ ﻓﺮﺻﺔ .. ﻭﺩﺧﻞ ﻋﻠﻰ ﺍﻟﻤﻠﻚ ﻓﻲ ﻏﺮﻓﺘﻮ .. ﺍﻟﻤﻠﻚ ﻗﺎﻝ ﻟﻴﻬﻮ ﺧﻠﻲ ﺑﺎﻟﻚ ﻣﻌﺎﻱ ﻛﻮﻳﺲ .. ﺍﻧﺎ ﻃﺒﻌﺎ ﻧﺎﺱ ﺍﻟﻤﺠﻠﺲ ﻋﺰﻟﻮﻧﻲ ﻭﺍﻧﺎ ﻛﻨﺖ ﺣﺎﺳﺐ ﺣﺴﺎﺏ ﻟﻠﻴﻮﻡ ﺩﻩ .. ﺩﺍﻓﻦ ﺩﻫﺐ ﻭﻛﻨﻮﺯ ﻓﻲ ﻛﻢ ﻣﺤﻠﺔ ﻓﻲ ﺍﻟﺒﻠﺪ ﺩﻱ .. ﻭﺍﻧﺖ ﺗﺴﺘﺎﻫﻞ ﻳﺎﻋﺰﻳﺰﻱ .. ﻓﻌﺎﻳﺰ ﻣﻨﻚ ﺣﺎﺟﺔ ﻣﻬﻤﺔ ﺟﺪﺍ .. ﺍﻟﺤﺎﺭﺱ ﺑﻘﻰ ﻳﺘﻤﻄﻖ ﻭﻗﺎﻝ ﻟﻴﻬﻮ ﺍﻣﺮﻧﻲ ﻳﺎﻣﻮﻻﻱ ﺍﻟﻤﻠﻚ ..
ﻗﺎﻝ ﻟﻴﻬﻮ ﺗﻤﺸﻲ ﺍﻟﺴﺠﻦ ﻣﺘﺨﻔﻲ ﻭﺗﻼﻗﻲ ﺍﻻﻣﻴﺮ .. ﻭﺗﻘﻮﻝ ﻟﻴﻬﻮ ﺍﺑﻮﻙ ﻗﺎﻝ ﻟﻴﻚ ﻟﻮ ﻋﺎﻳﺰ ﺗﻤﺮﻕ ﻣﻦ ﺍﻟﺠﺮﻳﻤﺔ ﺳﻮ ﻧﻔﺴﻚ ﻣﺠﻨﻮﻥ ﻋﺪﻳﻞ ..
ﻗﺎﻝ ﻟﻴﻬﻮ ﺑﺴﻴﻄﺔ ﻳﺎﻣﻮﻻﻱ .. ﺍﻭﻝ ﻣﻦ ﺍﻟﻘﻰ ﻟﻲ ﻓﺮﺻﺔ ﺑﺰﻭﻍ .. ﺍﻟﺤﺎﺭﺱ ﻣﺸﻰ ﺍﻟﺴﺠﻦ ﻭﻗﺎﻝ ﺩﺍﻳﺮ ﻳﻘﺎﺑﻞ ﺍﻻﻣﻴﺮ ﻳﺴﺄﻟﻪ ﻣﻦ ﺳﺆﺍﻝ ﺳﺮﻱ ﺑﺨﺺ ﺍﻟﻤﻠﻚ ﻭﺯﻭﺟﺘﻪ .. ﻓﺴﻤﺤﻮ ﻟﻴﻬﻮ ﻳﻘﺎﺑﻞ ﺍﻻﻣﻴﺮ .. ﻭﻛﻠﻤﻮ .. ﻭﻭﺻﺎﻫﻮ ﻗﺎﻝ ﻟﻴﻬﻮ ﺍﺑﻮﻙ ﻗﺎﻝ ﻟﻴﻚ ﺍﻋﻤﻞ ﻣﺠﻨﻮﻥ .. ﺍﻟﻮﻟﺪ ﺍﻟﻌﺒﻴﻂ ﻣﻦ ﺍﻟﺤﺎﺭﺱ ﻣﺮﻕ ﻣﻦ ﻋﻨﺪﻭ .. ﻗﻌﺪ ﻳﻬﻨﻖ ﺯﻱ ﺍﻟﺤﻤﺎﺭ ﻭﻳﻬﻮﻫﻮ ﺯﻱ ﺍﻟﻜﻠﺐ .. ﻏﺎﻳﺘﻮ ﺟﻨﺲ ﻋﻮﺍﺭﺓ ﻭﺗﻼﻓﺔ ..
ﺑﺲ ﻓﻲ ﻣﺸﻜﻠﺔ .. ﻭﻣﺸﻜﻠﺔ ﻛﺒﻴﺮﺓ .. ﻓﻲ ﻛﻤﻴﺔ ﻣﻦ ﺍﻟﺒﺸﺮ ﺍﻟﻤﻈﺎﻟﻴﻢ ﻣﻨﺘﻈﺮﻳﻦ ﻓﺮﺻﺔ ﻓﻲ ﺍﻻﻣﻴﺮ ﻳﻘﺘﻠﻮﻫﻮ .. ﻓﻲ ﺍﻟﻌﻤﻠﻮ ﻓﻲ ﺍﻫﺎﻟﻴﻬﻢ ﻭﺑﻨﺎﺗﻬﻢ ..
ﺣﺘﻰ ﺍﻟﻘﺎﺳﻢ ﺣﺎﻟﻒ ﻣﺎﻳﺸﻮﻑ ﺍﻻﻣﻴﺮ ﺍﻻ ﻳﺮﻛﺐ ﻓﻴﻬﻮ ﺣﺮﺑﺔ .. ﻭﻏﻴﺮﻭ ﻭﻏﻴﺮﻭ ..
.. ﻭﺍﻟﺤﺎﺭﺱ ﺿﻤﺮﺓ ﺩﻩ ﺳﻤﻊ ﺑﺎﻟﺤﻜﺎﻳﺔ ﺩﻱ ..
ﻭﺭﺟﻊ ﻛﻠﻢ ﺍﻟﻤﻠﻚ ﻗﺎﻝ ﻟﻴﻬﻮ ﻳﺎﻣﻮﻻﻱ .. ﻣﺎ ﻣﻦ ﻣﺼﻠﺤﺔ ﺍﻻﻣﻴﺮ ﺍﻧﻮ ﻳﻄﻠﻊ ﻣﻦ ﺍﻟﺴﺠﻦ .. ﻻﻧﻮ ﺍﻟﻨﺎﺱ ﻣﺘﺤﺠﺰﻳﻦ ﻋﻠﻴﻬﻮ ﻭﺣﺎﻟﻔﻴﻦ ﻳﻘﺘﻠﻮﻫﻮ .. ﻭﻧﺎﺱ ﻣﻦ ﺟﻬﺎﺕ ﻛﺘﻴﺮﺓ ﻻﻧﻔﺮ ﻻ ﻧﻔﺮﻳﻦ .. ﻛﺎﻥ ﺍﻻﻣﻴﺮ ﺳﺎﻕ ﺑﻨﺎﺗﻬﻢ ﻭﺑﺎﻋﻦ ..
ﻗﺎﻝ ﻟﻴﻬﻮ ﻧﺤﻦ ﻛﺎﻥ ﻗﺪﺭﻧﺎ ﺍﺗﺤﺼﻠﻨﺎ ﻋﻠﻰ ﺣﻜﻢ ﺍﻟﺒﺮﺍﺀﺓ ﻣﻦ ﺍﻟﻘﺎﺿﻲ .. ﺗﺎﻧﻲ ﺗﻬﺮﻳﺒﻮ ﻣﻦ ﺍﻟﺴﺠﻦ ﻣﻮ ﺻﻌﺐ .. ﺍﻧﺖ ﻣﺎﺑﺘﻘﺪﺭ ﺗﻮﺻﻠﻮ ﻟﻲ ﺍﻣﻮ ﻓﻲ ﺻﻌﻴﺪ ﻛﺴﻼ ؟ . ﺑﺪﻳﻚ ﺭﻃﻠﻴﻦ ..
ﺿﻤﺮﺓ ﻗﺎﻝ ﻟﻴﻬﻮ ﻛﺪﻱ ﺍﻟﻴﺤﺼﻞ ﻋﻠﻰ ﺍﻟﺒﺮﺍﺀﺓ .. ﺗﻬﺮﻳﺒﻮ ﺩﻩ ﺧﻠﻮ ﻋﻠﻲ ........ ﻭﻃﺒﻌﺎ " ﻟﺴﻊ ﻣﻮ ﻣﻌﺮﻭﻑ ﺍﻻﻣﻴﺮ ﻣﺼﻴﺮﻭ ﺷﻨﻮ ..
ﺍﻟﻤﻬﻢ ﻳﺎﺯﻭﻝ ﻳﻮﻡ ﺍﻟﺨﻤﻴﺲ ﻛﺎﻧﺖ ﺍﻟﻤﺤﻜﻤﺔ ﺍﻟﻌﺎﻣﺔ ﻟﻼﻣﻴﺮ ﺍﻟﻌﻮﻗﺔ ﺩﻩ ..
ﻭﺍﻟﺪﻧﻴﺎ ﺩﻱ ﺍﻻﻋﻤﻰ ﺷﺎﻳﻞ ﺍﻟﻤﻜﺴﺮ .. ﻗﺎﻡ ﻋﻤﺪﺓ ﺍﻟﺪﺍﻳﺮﺓ ( ﺍﻟﻤﺪﻋﻲ ﺍﻟﻌﺎﻡ ) .. ﺷﺎﻳﻞ ﻭﺛﻴﻘﺔ ﺍﻻﺗﻬﺎﻡ .. ﻭﻭﻗﻒ ﻋﻠﻰ ﺣﻴﻠﻮ ﻭﺍﻟﻨﺎﺱ ﺩﻳﻞ ﺻﻨﻨﻨﻨﻦ ..
ﺍﻟﻰ ﺍﻟﻠﻘﺎﺀ ﺍﻥ ﺷﺎﺀ ﺍﻟﻠﻪ ..
أنت تقرأ
أســرَار الـزمان .. طارق اللبيب
Randomﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...
