أســرَار الـزمان .. طارق اللبيب
جدول المحتويات

    أنت تقرأ

    أســرَار الـزمان .. طارق اللبيب

    Random

    ﺍﻟﻘﺼﺔ ﺩﻱ ﺣﺼﻠﺖ ﺑﺪﺭﻱ ﺷﺪﻳﺪ .. ﻳﻌﻨﻲ ﻗﺒﻞ ﺍﻟﻌﻬﺪ ﺍﻟﺘﺮﻛﻲ ﺫﺍﺗﻮ .. ﻓﻲ ﺯﻣﻦ ﺍﻟﺴﻠﻄﻨﺔ ﺍﻟﺰﺭﻗﺎﺀ ﻳﺎﺯﻭﻝ ﺍﻟﺰﻣﻦ ﺩﺍﻙ ﻣﺎﻛﺎﻥ ﻓﻲ ﺣﺎﺟﺔ ﺍﺳﻤﻬﺎ ﺭﺋﻴﺲ ﺍﻟﺠﻤﻬﻮﺭﻳﺔ ﻭﺍﻟﺤﻜﻮﻣﺔ .. ﻭﺍﻟﻤﺤﺎﻓﻆ ﻭﺍﻟﻤﻌﺘﻤﺪ ﻭﻛﺪﺍ .. ﻛﺎﻥ ﻓﻲ ﻣﻠﻮﻙ ﻭﺍﻣﺮﺍﺀ ﻭﺳﻼﻃﻴﻦ ﻭﺣﺎﺟﺎﺕ ﺯﻱ ﺩﻱ .. ﻭﻧﺴﺒﺔ ﻻﻧﻬﺎ ﺍﻟﻘﺼﺔ ﻓﻲ ﻋﻬﺪ ﻣﻤﻠﻜﺔ ﺳﻨﺎﺭ . ﺍ...

    #اسرار #الزمان #اللبيب #سوداني #طارق

    ( 5 )

    1.3K 25 0 
                                        
    
                                              
    ﺍﺑﺨﻮﺳﺔ ﻭﺻﻞ ﻟﻲ ﺍﻟﺒﺸﻴﺮ .. ﻭﺑﺴﺄﻝ ﻓﻴﻬﻮ ﻣﻦ ﺻﺤﺘﻮ ﻭﺍﺧﺒﺎﺭﻭ .. ﻗﺎﻝ ﻟﻴﻬﻮ
    ﻭﺍﻟﻠﻪ ﺍﻟﺸﺒﺎﻙ ﺍﻟﻠﻪ ﻳﺪﻳﻬﺎ ﺍﻟﻌﺎﻓﻴﺔ .. ﺍﻧﺎ ﻳﺎﺯﻭﻝ ﺍﻛﺘﺎ ﺿﺎﻳﻊ ﺳﺎﻛﺖ .. ﻟﻜﻦ ﺍﻧﺖ
    ﺍﻟﺴﻮﻳﺘﺎ ﻓﻴﻨﻲ ﺍﻧﺎ ﻣﺎﺑﻨﺴﺎﻫﺎ .. ﺍﻻ ﺍﻛﻮﻥ ﺟﺎﺣﺪ ﻧﻌﻤﺔ .. ﺳﻼﻣﺘﺎ ﺍﻟﻌﺮﻭﺱ ﺑﺖ ﻭﺩ
    ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﺍﻟﻠﻪ ﻳﺴﻠﻤﻚ ﻳﺎ ﻋﻢ ﺍﻟﺒﺸﻴﺮ .. ﻭﺍﻟﻠﻪ ﺍﻟﺒﺖ ﺍﻧﻀﺮﺑﺖ ﻋﻴﻦ
    ﺯﻭﻝ ﻣﺎﺫﻛﺮ ﺍﻟﻠﻪ ..
    ﻗﺎﻝ ﻟﻴﻬﻮ ﻳﺎﺯﻭﻝ ﻋﻴﻦ ﺷﻨﻮ؟ .. ﺍﻧﺎ ﻧﺎﺩﻳﺘﻚ ﻣﺨﺼﻮﺹ ﻋﺸﺎﻥ ﺍﻛﺸﻒ ﻟﻚ ﺍﻟﺤﻘﻴﻘﺔ
    .. ﺷﻔﺖ ﺍﻟﺤﺠﻞ ﺍﻟﺸﺎﻳﻠﻮ ﻭﺩ ﺩﺍﺭ ﺍﻟﺰﻳﻦ ﺩﻩ .. ﺩﻩ ﺷﻲ ﻓﻴﻬﻮ ﻟﻌﻨﺔ ﻏﺮﻳﺒﺔ .. ﺍﻭﻝ
    ﺣﺎﺟﺔ ﻳﻠﺒﺴﻮ ﻭﺩ ﺍﻟﺤﻼﻝ ﻳﻜﺐ ﻋﻠﻴﻬﻮ ﺍﻟﻘﺮﻭﺵ ﻭﺍﻟﺼﺤﺔ ..
    ﻳﻠﺒﺴﻮ ﻭﺩ ﺍﻟﺤﺮﺍﻡ ﻳﻤﺮﺿﻮ .. ﻭﻫﺴﻊ ﻭﺩ ﺩﺍﺭ ﺍﻟﺰﻳﻦ ﻟﺒﺴﻮ ﺍﻟﺒﺖ .. ﻗﺎﻡ ﺍﻟﺤﺠﻞ
    ﻣﺮﺿﻬﺎ .. ﻣﻌﻨﺎﻫﺎ ﺍﻟﺒﺖ ﺷﻨﻮ؟ ..
    ﻗﺎﻝ ﻟﻴﻬﻮ ﺷﻨﻮ؟ ﻳﻌﻨﻲ ﺍﻟﻨﺴﻴﻢ ﺑﺖ ﺣﺮﺍﻡ؟؟
    ﻗﺎﻝ ﻟﻴﻬﻮ ﺻﺎﺣﺐ ﺍﻟﻌﻘﻞ ﻳﻤﻴﺰ .. ﺯﻣﺎﻥ ﻭﺩ ﺩﺍﺭ ﺍﻟﺰﻳﻦ ﺩﻩ ﺻﻐﻴﺮ .. ﺳﻘﻨﺎﻫﻮ ﺍﻧﺎ
    ﻭﺍﺑﻮﻫﻮ .. ﻣﺸﻴﻨﺎ ﻟﻲ ﻓﻘﻴﺮ ﻓﻲ ﺳﻨﺎﺭ .. ﻗﺎﻝ ﺍﻟﻮﻟﺪ ﺩﻩ ﻣﺎﻋﻨﺪﻭ ﺟﻨﻰ .. ﻳﻌﻨﻲ
    ﻣﺎﻋﻨﺪﻭ ﺫﺭﻳﺔ ..
    ﺍﻫﺎ ﻧﺤﻦ ﺑﻘﻴﻨﺎ ﻋﺎﺭﻓﻴﻦ ﺍﻧﻮ ﻭﺩﺍﺭ ﺍﻟﺰﻳﻦ ﺍﻛﺎﻥ ﺍﺗﺰﻭﺝ ﻣﺎﺑﻴﻠﺪ .. ﺍﻫﺎ ﻭﻛﺖ ﺍﺗﺰﻭﺝ
    ﺍﻟﺘﺎﻳﺔ ﻭﺟﺎﺑﺖ ﺍﻟﺒﺖ .. ﻧﺤﻦ ﻧﻀﻤﻨﺎ ﻣﻌﺎﻫﻮ .. ﻗﺎﻝ ﻟﻨﺎ ﻳﺎﻧﺎﺱ ﺍﻧﺎ ﻭﺍﻟﻠﻪ ﻣﺮﺗﻲ
    ﻣﺎﻓﺎﺭﻗﺘﻬﺎ ﻣﻦ ﻋﺮﺳﺘﻬﺎ ﻻﻣﻦ ﺣﻤﻠﺖ .. ﻳﻌﻨﻲ ﺣﻤﻠﺖ ﻣﻦ ﺍﻟﺤﻴﻄﺔ؟ ﻭﻧﺤﻦ ﺷﻜﻴﻨﺎ
    ﻓﻲ ﻛﻼﻡ ﺍﻟﻔﻘﻴﺮ .. ﻭﺧﻼﺱ ﺳﻜﺘﻨﺎ .. ﺍﻟﻜﻼﻡ ﺩﻩ ﻋﺎﺭﻓﻨﻮ ﻧﺤﻦ ﺍﻟﺘﻼﺗﺔ .. ﺍﻧﺎ ﻭﺍﺧﻮﻱ
    ﻭﻭﻟﺪﻭ ﺑﺲ .. ﺍﻫﺎ ﻫﺴﻊ ﺍﻇﻨﻮ ﻳﺎ ﺍﻣﺎ ﺷﻜﺎ ﻓﻲ ﺍﻟﺒﺖ .. ﻳﺎ ﺍﻣﺎ ﺩﺍﻳﺮ ﻳﺴﻌﺪﻫﺎ ..
    ﻏﺎﻳﺘﻮ ﻫﺴﻊ ﺍﻧﺎ ﻛﺪﻱ ﺍﺗﺎﻛﺪﺗﺎ ﻣﻦ ﻛﻼﻡ ﺍﻟﻔﻘﻴﺮ ﺍﻟﺰﻣﺎﻥ ﺩﺍﻙ ..
    ﻭﺍﻟﺒﺖ ﻳﺎﺧﻮﻱ ﻣﺎﻫﺎ ﺑﺖ ﻭﺩ ﺩﺍﺭ ﺍﻟﺰﻳﻦ .. ﻭﺍﺣﺴﻦ ﺗﻌﺮﻑ ﻣﻦ ﻫﺴﻊ ..
    ﺍﺑﺨﻮﺳﺔ .. ﻗﺎﻝ ﻟﻴﻬﻮ ﺍﺳﻤﻊ ﻳﺎ ﺍﻟﺒﺸﻴﺮ .. ﺍﻧﺎ ﻭﺍﻟﻠﻪ ﺍﺻﻠﻮ ﻣﺎﻛﺖ ﻗﺎﻳﻠﻚ ﺑﺎﺭﻱ ﻟﻲ
    ﻛﻼﻡ ﺍﻟﻔﻘﺮﺍ ﻭﺍﻟﺪﺟﺎﻟﻴﻦ ﺩﻳﻞ .. ﻳﺎﺯﻭﻝ ﺍﻧﺖ ﺍﻇﻨﻚ ﻣﺎﻗﻌﺪﺕ ﻣﻊ ﺍﻟﻌﺎﻟﻢ ﺍﻟﻘﺮﺍﻧﻲ .
    ﺍﻟﻌﺎﻟﻢ ﻗﺎﻝ ﻣﺎﺗﺴﻤﻌﻮ ﻛﻼﻡ ﻧﺎﺱ ﺍﻟﻜﺸﻒ .. ﻣﺎﻓﻲ ﺯﻭﻝ ﺑﻌﻠﻢ ﺍﻟﻐﻴﺐ ﻏﻴﺮ ﺭﺑﻨﺎ ..
    ﻭﻗﺎﻝ ﺍﻟﺒﺼﺪﻗﻬﻢ ﺻﻼﺗﻮ ﺑﺎﻃﻠﺔ ﺍﺭﺑﻌﻴﻦ ﻳﻮﻡ .. ﺍﻟﺒﻠﺪ ﻛﻠﻬﺎ ﺍﺗﻤﻠﺖ ﺷﻴﻮﺥ ﻭﻓﻘﺮﺍ
    ﻭﻛﺸﺎﻓﻴﻦ .. ﻳﺎﻧﺎﺱ ﻣﺎﺗﺨﺎﻓﻮ ﺭﺑﻜﻢ ..
    ﺑﻌﺪﻳﻦ ﻛﻴﻒ ﻳﻌﻨﻲ ﺷﻴﺦ ﻳﻌﻠﻢ ﺍﻟﻐﻴﺐ؟؟ ﻭﻳﻘﻮﻝ ﻭﺩ ﺩﺍﺭ ﺍﻟﺰﻳﻦ ﻣﺎﻋﻨﺪﻭ
    ﺟﻨﻰ؟؟ .. ﺍﻧﺘﻮ ﻫﺴﻊ ﺧﻠﻴﺘﻮ ﻟﻲ ﺍﻟﻠﻪ ﺷﻨﻮ؟ .. ﻣﺎﻓﻀﻠﻜﻢ ﺍﻻ ﺗﻘﻮﻟﻮ ﺍﻟﺸﻴﺦ ﺭﺑﻨﺎ .
    ﺍﻟﺒﺸﻴﺮ ﻗﺎﻝ ﻟﻴﻬﻮ ﺍﻧﺖ ﺍﻇﻨﻚ ﻣﻦ ﺗﺒﻊ ﺍﻟﺸﻴﺦ ﺍﺏ ﻛﻒ ﺍﻟﻤﻨﻜﺮ ..
    ﻗﺎﻝ ﻟﻴﻬﻮ ﺍﻧﺎ ﺍﺻﻼ ﻣﺎﺗﺒﻊ ﺯﻭﻝ ﺍﻧﺎ ﺗﺒﻊ ﺍﻟﺤﻖ . ﻭﺍﻟﺤﻖ ﻭﺍﺿﺢ ﻭﺑﻴﻦ ﻳﺎ ﺍﻟﺒﺸﻴﺮ ..
    ﻣﺎﺗﺘﻬﻤﻮ ﺍﻋﺮﺍﺽ ﺍﻟﻨﺎﺱ .. ﺑﻲ ﺳﺒﺐ ﻛﻼﻡ ﺍﻟﺸﻴﻮﺥ ﺍﻟﻜﻀﺎﺑﻴﻦ ..
    ﺑﻌﺪﻳﻦ ﺣﺠﻞ ﺷﻨﻮ ﺍﻟﺒﺠﻴﺐ ﻟﻴﻬﻮ ﻗﺮﻭﺵ ﻭﻋﺎﻓﻴﺔ ﻟﻲ ﻭﺩ ﺍﻟﺤﻼﻝ؟؟ .. ﻭﻳﺠﻴﺐ
    ﻟﻴﻬﻮ ﻣﺮﺽ ﻟﻲ ﻭﺩ ﺍﻟﺤﺮﺍﻡ؟؟ .. ﻳﺎﻧﺎﺱ ﺍﻋﻮﺫ ﺑﺎﻟﻠﻪ ﻣﻦ ﺷﺮﻛﻢ .. ﺗﺐ ﻋﻠﻲ ﺟﻬﻠﻜﻢ
    ﺍﻋﻮﺫ ﺑﺎﻟﻠﻪ .. ﻫﺴﻊ ﺍﻟﺒﺖ ﺩﻱ ﻭﺍﻣﻬﺎ ﻛﺎﻥ ﺳﻤﻌﻦ ﺑﺎﻟﻜﻼﻡ ﺩﻩ ..
    ﺩﻱ ﻣﺎ ﺑﺘﺠﻴﺐ ﺣﺮﺏ ﺑﻴﻦ ﺍﻟﻘﺒﺎﻳﻞ .. ﺍﻧﺘﻮ ﻗﺎﻳﻠﻴﻦ ﺍﻭﻻﺩ ﻣﺨﺘﺎﺭ ﻭﺩ ﺍﺏ ﻛﻮﻉ ﺑﺴﻜﺘﻮ
    ﻟﻜﻢ ؟؟ .. ﻭﺍﻟﻠﻪ ﻳﺠﻮﻛﻢ ﺍﻟﻀﺤﻰ ﺍﻻﻋﻠﻰ ﺭﺍﻛﺒﻴﻦ ﺧﻴﻮﻟﻬﻢ ﻭﺷﺎﻳﻠﻴﻦ ﺳﻴﻮﻓﻦ ..
    ﻳﻌﺪﻣﻮﻛﻢ ﻧﻔﺎﺥ ﺍﻟﻨﺎﺭ ..
    ﻭﺍﻟﻠﻪ ﻳﺎﺟﻤﺎﻋﺔ ﺍﻟﺤﻘﻴﻘﺔ ﺍﺏ ﺧﻮﺳﺔ ﻃﻠﻊ ﺭﺍﺟﻞ ﻭﺍﻋﻲ .. ﻓﻲ ﺯﻣﻦ ﺍﻟﺠﻬﻞ
    ﻭﺍﻟﻐﺒﺎﺀ .. ﻃﺒﻌﺎ" ﺍﻟﻔﺘﺮﺓ ﺩﻳﻚ ﻓﻴﻬﺎ ﺍﻟﻮﻫﻢ ﻭﺍﻟﺸﻌﻮﺫﺓ ﺑﻲ ﻃﺮﻳﻘﺔ ﻏﺮﻳﺒﺔ ..
    ﻭﺍﻟﺨﺮﺍﻓﺎﺕ ﻭﻛﺮﺍﻣﺎﺕ ﺍﻻﻭﻟﻴﺎﺀ ﺍﻟﻐﻴﺮ ﻣﻨﻄﻘﻴﺔ .. ﺍﻟﺒﺘﺸﺒﻪ ﺍﻻﺳﺎﻃﻴﺮ .. ﻭﺍﻟﻜﻼﻡ
    ﻣﻮﺛﻖ ﻓﻲ ﺍﻟﻜﺘﺐ ﻟﺤﺪﻱ ﻫﺴﻲ .. ﻭﺍﻟﻨﺎﺱ ﻋﻠﻰ ﺣﺴﺐ ﺟﻬﻼ ﺗﺼﺪﻕ ﺳﺎﺍﺍﺍﺍﺍﻱ ..
    ﺍﻟﺸﻴﺦ ﻓﻼﻥ ﻃﺎﺭ .. ﻭﺍﻟﺸﻴﺦ ﻓﻼﻥ ﺑﺼﻠﻲ ﺍﻟﻀﻬﺮ ﻓﻲ ﺳﻨﺎﺭ ﻭﺑﺼﻠﻲ ﺍﻟﻌﺼﺮﻓﻲ
    ﻣﻜﺔ .. ﻭﺍﻟﺸﻴﺦ ﻓﻼﻥ ﺑﻠﻊ ﺍﻟﺸﻴﺦ ﻓﻼﻥ .. ﻳﺎﺧﻲ ﻗﺎﻟﻮ ﺍﻟﺸﻴﺦ ﻛﺎﻥ ﻗﺎﻝ ﻟﻴﻚ .. ﻃﻠﻖ
    ﻣﺮﺗﻚ ﺗﻄﻠﻘﻬﺎ ..
    ﻛﺎﻥ ﻗﺎﻝ ﻟﻴﻚ ﺍﻗﻄﻊ ﺭﺍﺱ ﺍﺑﻮﻙ ﺑﺎﻟﺴﻴﻒ ﺗﻘﻄﻌﻮ .. ﺑﺪﻭﻥ ﺍﻋﺘﺮﺍﺽ .. ﻭﻳﻘﻮﻟﻮ ﻟﻴﻚ
    .. ﻣﻦ ﺍﻋﺘﺮﺽ ﺍﻧﻄﺮﺩ .. ﻭﻣﻦ ﻗﺎﻝ ﻟﺸﻴﺨﻪ ﻻ ﻓﻘﺪ ﻛﻔﺮ .. ﻭﻛﺘﺎﺏ ﻃﺒﻘﺎﺕ ﻭﺩ ﺿﻴﻒ
    ﺍﻟﻠﻪ ﻣﻠﻴﺎﻥ ﺑﺎﻟﻌﺠﺎﺋﺐ ﻭﺍﻟﻐﺮﺍﺋﺐ . ﻣﻦ ﺷﻴﻮﺥ ﺫﻟﻚ ﺍﻟﺰﻣﺎﻥ ﺍﻟﻤﻨﻘﺮﺽ ..
    ﺑﺲ ﻛﺎﻥ ﻓﻲ ﺍﻟﻌﻠﻤﺎﺀ ﺯﻫﺎﺩ .. ﻣﻦ ﺍﻫﻞ ﺍﻟﻮﻋﻲ ﻭﺍﻻﺩﺭﺍﻙ ﻭﺍﻟﺘﻮﺣﻲ .. ﺩ ﺍﻣﺜﺎﻝ
    ﺣﻜﻴﻢ ﺍﻟﺴﻮﺩﺍﻥ . ﺍﻟﺸﻴﺦ ﻓﺮﺡ ﻭﺩﺗﻜﺘﻮﻙ ﺭﺣﻤﻪ ﺍﻟﻠﻪ .. ﻓﻲ ﻧﻔﺲ ﺍﻟﺰﻣﻦ
    ﻭﺍﻟﻤﻨﻄﻘﺔ .. ﻭﻛﺎﻥ ﻋﻨﺪﻭ ﺿﺪﻳﺔ ﺷﺪﻳﺪﺓ ﻟﻼﻣﻮﺭ ﺍﻟﺸﺮﻛﻴﺔ ﻭﺍﻟﻈﻠﻢ .. ﻭﺩﻱ ﺳﺒﺒﺖ
    ﻟﻴﻬﻮ ﻋﺪﺍﺀ ﻣﻦ ﻣﻌﻈﻢ ﺍﻟﻤﺪﻋﻴﻦ ﻟﻠﺼﻼﺡ ﻭﺍﻟﺘﺼﻮﻑ .. ﻭﺍﺟﻪ ﺍﻟﺸﻴﺦ ﻓﺮﺡ
    ﺍﻻﻧﺤﺮﺍﻓﺎﺕ ﺍﻟﻌﻘﺎﺋﺪﻳﺔ ﺍﻟﻜﺎﻧﺖ ﺳﺎﺋﺪﺓ ﻓﻲ ﺍﻟﻮﻛﺖ ﺩﺍﻙ ﻭﺩﺧﻞ ﻓﻲ ﻣﻨﺎﻇﺮﺍﺕ
    ﻛﺘﻴﺮﺓ ﻣﻨﻬﺎ ﻣﻨﺎﻇﺮﺗﻪ ﻣﻊ ﺍﻟﺸﻴﺦ " ﻋﺒﺪ ﺍﻟﻘﺎﺩﺭ ﻭﺩ ﻫﺠﻮ" ﻭﺍﻟﺸﻴﺦ " ﻣﺤﻤﺪ ﻭﺩ ﻋﺒﺪ
    ﺍﻟﺤﻲ" .. ﻭﻭﺍﺟﻪ ﺍﻟﻔﺮﻕ ﺍﻟﻀﺎﻟﺔ ﺍﻟﺘﻲ ﺣﺮﻓﺖ ﺍﻟﺪﻳﻦ ﺑﺎﺳﻢ ﺍﻟﻔﻘﻪ .. ﻣﺜﻞ ﺟﻤﺎﻋﺔ
    " ﺍﻟﺰﺑﺎﻟﻌﺔ" ﻭﺯﻋﻴﻤﻬﻢ " ﻛﺮﻳﻦ ﻭﺩ ﻋﺒﺪ ﺍﻟﻠﻪ" ﻭﻧﻈﻢ ﻓﻴﻬﻢ ﻗﻮﻟﻪ :
    ﻳﺎ ﺃﺑَّﺎﻥ ﻃـﺮﻳﻘﺔً" ﻣﻀﻠﺔ .. ﻳﺎ ﺃﺑﺎﻥ ﻋﻤﻼً ﻣﺎ ﻫﻮ ﻟﻲ ﺍﻟﻠﻪ
    ﻭﻗﺖ ﺍﻟﻌﻨﻘﺮﻳﺐ ﻓﻮﻗﻜﻢ ﺍﻧﺒﻠﻪ .. ﻣﺎ ﺑﻴﻨﻔﻌﻜﻢ ﻛﺮﻳﻦ ﻭﺩ ﻋﺒﺪ ﺍﻟﻠﻪ
    ﺑﺲ ﺍﻟﺸﻴﺦ ﻓﺮﺡ ﺍﺗﻮﻓﻰ ﻗﺒﻞ ﺯﻣﻦ ﻧﺎﺱ ﻭﺩ ﺩﺍﺭ ﺍﻟﺰﻳﻦ .. ﻟﻮ ﻛﺎﻥ ﺣﺎﺿﺮ ﻛﺎﻥ ﺣﻼ
    ﻟﻴﻬﻢ ﺍﻟﻘﺼﺔ ﺩﻱ .. ﻻﻧﻮ ﻣﺴﻤﻨﻮ ﺣﻼﻝ ﺍﻟﻤﺸﺒﻮﻙ .. ﺑﺲ ﺑﺮﺿﻮ ﻋﻠﻤﻮ ﻣﻮﺟﻮﺩ ..
    ﻭﺑﺼﻤﺘﻮ ﻣﺎ ﺑﺘﺘﻤﺤﻲ . ﻟﺤﻈﺎﺕ ﺗﺎﺑﻌﻮ ﻣﻌﺎﻱ ..
    ﻃﻴﺐ ﻧﺮﺟﻊ ﻟﻠﻘﺼﺔ ..
    ﻃﺒﻌﺎ ﺍﺑﺨﻮﺳﺔ .. ﺍﺩﻯ ﺍﻟﺒﺸﻴﺮ ﺩﺭﺱ ﻓﻲ ﺍﻟﻌﻘﻴﺪﺓ . ﻭﺃﺻﻼ ﻣﺎ ﺍﺗﻬﻢ ﺍﻟﺘﺎﻳﺔ
    ﻭﻻﺷﻜﺎ ﻓﻴﻬﺎ .. ﻭﺩﺍﻳﺮ ﻳﻘﻮﻡ ﻳﻤﺸﻲ .. ﺍﻟﺒﺸﻴﺮ ﻗﺎﻝ ﻟﻴﻬﻮ ﻳﻌﻨﻲ ﺑﺘﻌﺮﺳﻬﺎ؟
    ﻗﺎﻝ ﻟﻴﻬﻮ ﺍﻳﺎ ﺑﻌﺮﺳﻬﺎ .. ﺣﺘﻰ ﺍﻥ ﺑﻘﺖ ﻣﺎﻫﺎ ﺑﺘﻮ ﺑﻌﺮﺳﻬﺎ .. ﻳﻬﺎﺩﻳﻞ ﺍﻟﻨﺎﺱ
    ﺑﻴﺎﺧﺪﻭ ﺍﻟﻔﺮﺧﺔ ‏( ﺍﻟﺨﺎﺩﻡ ﻣﻦ ﺍﻟﺮﻗﻴﻖ ‏) ﺑﺎﻟﻘﺮﻭﺵ .. ﻣﺎ ﻣﻌﺮﻭﻑ ﺍﺑﻮﻫﺎ ﻣﻨﻮ ..
    ﻭﺑﻌﺮﺳﻮﻫﺎ ﻭﺑﻠﺪﻭ ﻣﻨﻬﺎ ..
    ﺍﻧﺎ ﺍﺧﻠﻲ ﺍﻟﻨﺴﻴﻢ ﺍﻟﺒﻬﻴﺔ ﻭﺗﻘﻴﻪ ؟؟ ﺍﺭﻗﺪ ﻳﺎ ﺍﻟﺒﺸﻴﺮ ﻓﻲ ﺭﻗﺎﺩﻙ ﺩﻩ .. ﻛﻼﻣﻚ
    ﻻﺟﺎﺏ ﻻ ﻭﺩﺍ .. ﻟﻜﻦ ﺍﻧﺎ ﺑﻤﺸﻲ ﻟﻲ ﻭﺩ ﺩﺍﺭ ﺍﻟﺰﻳﻦ ﻭﺍﺑﻠﻌﻮ ﻛﺮﺍﻋﻮ ﻣﺘﻨﻴﻪ .
    ﻣﺸﻰ ﻃﻮﺍﻟﻲ ﻟﻲ ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻭﺩ ﺩﺍﺭ ﺍﺗﺎﺭﻳﻬﺎ ﺍﻟﻘﺮﻭﺵ
    ﻭﺍﻟﺴﻠﻄﺔ ﻣﺎﺑﺘﺠﻴﺐ ﺍﻟﻔﻬﻢ .. ﻳﺎﺧﻲ ﻣﺎﺗﻜﻠﻤﻨﻲ ﺑﻲ ﻗﺼﺔ ﺍﻟﺤﺠﻞ ﻣﻊ ﺍﻟﻨﺴﻴﻢ ﺍﻻ
    ﻳﻜﻠﻤﻨﻲ ﺍﻟﺒﺸﻴﺮ ؟ ..
    ﻗﺎﻝ ﻟﻴﻬﻮ ﻫﻮ ﻛﻠﻤﻚ ﺍﻟﻠﻪ ﻳﺎﺧﺪﻭ ﺍﻟﻤﺎﺑﻌﺮﻑ ﻳﻤﺴﻚ ﺍﻟﻜﻼﻡ ..
    ﺍﺑﺨﻮﺳﺔ ﻗﺎﻝ ﻟﻴﻬﻮ ﻭﺍﻧﺖ ﻫﺴﻊ ﻓﻲ ﻓﻬﻤﻚ ﻳﻌﻨﻲ .. ﺩﺍﻳﺮ ﺗﻌﺮﺱ ﻟﻲ ﺑﺘﻚ
    ﺍﻟﻤﺎﻣﻌﺮﻭﻑ ﺍﺻﻼ ﻣﻦ ﻓﺼﻼ ؟؟ .. ﻛﺪﻱ ﺍﻟﻨﺠﻴﻚ ﻋﻠﻰ ﺭﺍﻳﻚ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ
    ﺍﺑﺨﻮﺳﺔ ﺍﻧﺎ ﺑﺮﺍﻱ ﻣﺎﻧﻌﺎﺭﻑ ﺍﺳﻮﻱ ﺷﻨﻮ؟
    ﻗﺎﻝ ﻟﻴﻬﻮ ﻳﺎﺯﻭﻝ ﺩﻱ ﺧﺮﺍﻓﺎﺕ ﺳﺎﻛﺖ .. ﺍﻧﺖ ﺑﺘﻘﺘﻨﻊ ﺑﺎﻻﺳﺎﻃﻴﺮ ﺍﻟﻔﺎﺿﻴﺔ ﺩﻱ؟
    ﺍﻧﺖ ﻣﺎﻗﻌﺪﺕ ﻣﻊ ﺍﻟﻌﻠﻤﺎﺀ ؟
    ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﻫﺴﻊ ﻓﻲ ﻣﺸﻜﻠﺔ .. ﻻ ﻟﻴﻬﺎ ﺍﻭﻝ ﻭﻻ ﻟﻴﻬﺎ ﺍﺧﺮ .. ﻭﺍﻇﻨﻲ
    ﻣﺮﺿﺖ ﻋﺪﻳﻞ .. ﻭﺍﻟﺘﺎﻳﺔ ﺑﺖ ﻣﺨﺘﺎﺭ ﻣﺘﺤﺠﺰﺓ ﻋﻠﻲ ﺗﺐ .. ﺑﻌﺪ ﺍﻟﻌﺮﺱ ﻗﺎﻟﺖ ﺗﺎﻧﻲ
    ﻣﺎﺑﺘﻘﻌﺪ ﻣﻌﺎﻱ ﺩﻗﻴﻘﺔ .. ﻭﺑﺘﻤﺸﻲ ﺗﻜﻠﻢ ﺍﺧﻮﺍﻧﻬﺎ . ﻭﺍﻧﺎ ﻣﺎﻧﻲ ﺧﺎﻳﻒ ﻣﻨﻬﻢ ﻟﻜﻦ
    ﺍﻟﻤﺸﺎﻛﻞ ﺩﺍﺑﻬﺎ ﺟﺎﻳﺔ ..
    ﻗﺎﻝ ﻟﻴﻬﻮ ﺧﻠﻲ ﻟﻲ ﺍﻟﻤﻮﺿﻮﻉ ﺩﻩ ﻋﻠﻲ .. ﺍﻧﺎ ﺑﻌﺪ ﺑﺎﻛﺮ ﻗﺒﺎﻝ ﺍﺳﻮﻕ ﺍﻟﻨﺴﻴﻢ ﻟﻲ
    ﺑﻴﺘﻲ ﺑﻨﻀﻢ ﻟﻚ ﻣﻌﺎﻫﺎ .. ﺑﺲ ﺍﻟﻜﻼﻡ ﺍﻟﺰﻱ ﺩﻩ ﻋﻠﻴﻚ ﺍﻟﻠﻪ ﺗﺎﻧﻲ ﻣﺎﺗﺠﻴﺒﻮ ﻓﻮﻕ
    ﺧﺸﻤﻚ .
    ﻗﺎﻝ ﻟﻴﻬﻮ ﻟﻜﻦ ﻳﺎﺑﺨﻮﺳﺔ ﺍﻟﺸﻚ ﺍﻟﺸﻚ .. ﺍﺳﻮﻱ ﻓﻮﻗﻮ ﺷﻨﻮ؟ ﻗﺎﻝ ﻟﻴﻬﻮ ﺑﺲ
    ﺍﺻﺒﺮ ﻟﻲ ﻳﻮﻣﻴﻦ ﻭﺍﻧﺎ ﺑﺮﺍﻱ ﺑﺠﻴﻚ .. ﻭﺍﻏﺴﻠﻚ ﺍﻟﺸﻚ ﻣﻦ ﻗﻠﺒﻚ ..
    ﻫﺴﻊ ﺍﻧﺎ ﻣﺎﺷﻲ ﺍﻫﺪﻱ ﺍﻟﺘﺎﻳﺔ ﺑﺖ ﻣﺨﺘﺎﺭ ..
    ﺍﺏ ﺧﻮﺳﺔ ﺷﺎﺏ ﻋﻤﺮﻭ ﻓﻲ ﺍﻟﺴﺒﻌﺔ ﺗﻼﺗﻴﻦ .. ﻟﻜﻦ ﻋﻘﻠﻮ ﻳﻮﺯﻥ ﻗﺒﻴﻠﺔ .. ﺷﻮﻑ
    ﺍﻟﺰﻭﻝ ﺩﻩ ﺑﺎﻟﻠﻪ ﻭﺍﻋﻲ ﻛﻴﻒ ..
    ﺍﻫﺎ ﺍﺑﺨﻮﺳﻪ ﻓﺎﺕ ﻣﻦ ﻭﺩﺍﺭ ﺍﻟﺰﻳﻦ .. ﻭﻣﺸﻰ ﻟﻲ ﺍﻟﺘﺎﻳﺔ ﺑﺖ ﻣﺨﺘﺎﺭ ﺍﻡ ﺍﻟﻨﺴﻴﻢ
    .. ﻗﺎﻝ ﻟﻴﻬﺎ .. ﺍﻧﺎ ﻋﺮﻓﺖ ﺑﺎﻟﻜﻼﻡ ﺍﻟﻔﺎﺭﻍ ﺍﻟﺒﺴﻮﻱ ﻓﻴﻬﻮ ﻭﺩ ﺩﺍﺭ ﺍﻟﺰﻳﻦ .. ﺍﻟﺮﺍﺟﻞ ﺩﻩ
    ﺑﺎﺭﻱ ﺍﻻﻭﻫﺎﻡ ﻭﺍﻟﻄﻴﻠﺴﺎﻥ .. ﻭﺍﻧﺎ ﻫﺴﻊ ﺟﻴﺖ ﺩﺍﻳﺮ ﺍﻃﻠﺒﻚ ﺑﻲ ﺍﻟﻠﻪ .. ﻣﺎ ﺗﻜﻠﻤﻲ
    ﺍﺧﻮﺍﻧﻚ ﻭﻻﺗﺴﻮﻱ ﺷﻲ ..
    ﻻﻣﻦ ﺍﻧﺎ ﺍﺟﻴﻚ ﺭﺍﺟﻊ .. ﻗﺎﻟﺖ ﻟﻴﻬﻮ ﺳﻤﺢ ﺍﻋﺸﺎﻱ ..
    ﺍﻟﻤﻬﻢ ﻳﺎﺯﻭﻝ ﻏﺎﻳﺘﻮ ﺍﻟﻌﺮﺱ ﺗﻢ .. ﻭﺍﻟﻮﺿﻊ ﻣﺎ ﻣﻄﻤﻦ ﺍﺑﺪﺍ .. ﻭﺍﻟﻨﺴﻴﻢ ﻟﺴﻊ
    ﺟﺴﻤﻬﺎ ﻣﺎﺭﺟﻊ ﻃﺒﻴﻌﻲ ..
    ﻭﻭﺻﻠﺖ ﺑﻴﺖ ﻧﺎﺱ ﺍﺏ ﺧﻮﺳﺔ .. ﻭﺑﻘﺖ ﻣﺮﺗﻮ ﻋﻠﻰ ﻛﺘﺎﺏ ﺍﻟﻠﻪ ﻭﺳﻨﺔ ﺭﺳﻮﻟﻪ ..
    ﺍﺑﺨﻮﺳﺔ ﻛﺎﻥ ﻓﺮﺣﺎﻥ ﺑﺎﻟﻨﺴﻴﻢ ﻓﺮﺡ ﺷﺪﻳﺪ .. ﻭﻫﻲ ﻛﺎﻧﺖ ﻧﻔﺴﻴﺎﺗﻬﺎ ﺗﻌﺒﺎﻧﺔ .. ﻣﻦ
    ﺍﺛﺮ ﺍﻟﺤﻜﻴﻚ ﺍﻟﻔﻮﻕ ﺟﺴﻤﻬﺎ .. ﻭﺍﺑﺨﻮﺳﺔ ﻛﻞ ﻣﺮﺓ ﺑﻄﻤﻨﻬﺎ .. ﺍﻧﻮ ﺩﻱ ﺟﺮﻭﺡ ﻋﺎﺩﻳﺔ
    ﻭﺑﻘﻮﻝ ﻟﻴﻬﺎ ﺩﻩ ﺳﻠﻴﺦ ﻣﻦ ﺑﺮﻩ ﻻﺑﺮﻩ .. ﻭﺑﺒﺮﺍ .. ﻭﻓﻌﻼ ﺍﻟﺠﺮﻭﺡ ﻣﺎﺯﻱ ﺍﻭﻝ ﺍﻳﺎﻡ ..
    ﺍﻫﺎ ﻳﺎﺯﻭﻝ .. ﺍﻡ ﺍﺑﺨﻮﺳﺔ ﻭﺧﺎﻟﺘﻮ .. ﺷﻐﺎﻻﺕ ﻣﻊ ﺍﻟﻨﺴﻴﻢ ﻋﻼﺟﺎﺕ .. ﺑﺎﻟﻘﺮﺽ
    ﻭﺍﻟﻘﻄﺮﺍﻥ ﻭﺯﻳﺖ ﺍﻟﺴﻤﺴﻢ ﻭﻃﻴﻦ ﺍﻟﺒﺤﺮ .. ﻃﺒﻌﺎ ﺩﻱ ﻛﺎﻧﺖ ﺍﻓﻀﻞ ﺻﻴﺪﻟﻴﻪ ﻓﻲ
    ﺍﻟﺰﻣﻦ ﺩﺍﻙ ..
    ﺑﻌﺪ ﺧﻤﺴﺔ ﻳﻮﻡ ﻣﻦ ﺍﻟﺰﻭﺍﺝ .. ﺍﺑﺨﻮﺳﺔ ﻣﺸﻰ ﻟﻮﺩ ﺩﺍﺭ ﺍﻟﺰﻳﻦ ﻭﺑﻘﻰ ﻳﻘﻮﻝ ﻟﻴﻬﻮ
    ﻓﻲ ﻧﻔﺲ ﺍﻟﻜﻼﻡ ﺍﻟﻜﺎﻥ ﺑﻘﻮﻝ ﻓﻴﻬﻮ ﻟﻠﺒﺸﻴﺮ ..
    ﻭﻳﻮﺿﺢ ﻟﻴﻬﻮ ﻓﻲ ﺍﻟﺨﺰﻋﺒﻼﺕ ﻭﺍﻟﺨﺮﺍﻓﺎﺕ ﺍﻟﻤﺎﺷﻲ ﻭﺭﺍﻫﺎ ..
    ﺍﻟﻤﻬﻢ ﺷﻜﻠﻮ ﻭﺩ ﺩﺍﺭ ﺍﻟﺰﻳﻦ ﺍﺑﺎ ﻳﻘﺘﻨﻊ ﻟﻴﻬﻮ ..
    ﻗﺎﻡ ﺍﺑﺨﻮﺳﺔ ﻗﺎﻝ ﻟﻴﻬﻮ .. ﻃﻴﺐ ﺍﻧﺎ ﻃﺎﻟﺒﻚ ﻃﻠﺐ ﻣﺎ ﺗﺤﻴﺐ ﺭﺟﺎﻱ ..
    ﺩﺍﻳﺮﻙ ﺗﻤﺸﻲ ﻣﻌﺎﻱ ﻟﻠﺸﻴﺦ ﺍﺏ ﻛﻒ .. ﺍﻟﺸﻴﺦ ﺍﺏ ﻛﻒ ﺷﻴﺦ ﻣﺸﻬﻮﺭ .. ﻭﻋﺎﻟﻢ
    ﻋﻼﻣﺔ .. ﻭﻫﻮ ﻣﻦ ﺗﻼﻣﻴﺬ ﺍﻟﺸﻴﺦ ﻓﺮﺡ ﻭﺩ ﺗﻜﺘﻮﻙ .. ﻭﻣﺎﺳﻚ ﺍﻟﻄﺮﻳﻖ ﺍﻟﺴﻨﻲ ..
    ﻭﺑﺪﺭﺱ ﺍﻟﻨﺎﺱ ﺍﻟﻔﻘﻪ ﻭﺍﻟﺘﻔﺴﻴﺮ ﻭﺍﻟﻌﻘﻴﺪﺓ .. ﻭﺣﺘﻰ ﺍﻟﻤﻠﻮﻙ ﺑﻴﺎﺧﺪﻭ ﻣﻨﻮ
    ﺍﻟﻔﺘﻮﻯ ..
    ﻭﺩ ﺩﺍﺭ ﺍﻟﺰﻳﻦ ﻗﺎﻝ ﻟﻴﻬﻮ ﺷﻴﺨﻚ ﺩﻩ ﻣﻨﻜﺮ .. ﺍﻧﺎ ﻣﺎﺑﻤﺸﻲ ﻟﻴﻬﻮ .. ﺩﻩ ﻣﺎﺑﻘﺘﻨﻊ ﺑﻲ
    ﻛﺮﺍﻣﺎﺕ ﺍﻻﻭﻟﻴﺎﺀ .. ﻗﺎﻝ ﻟﻴﻬﻮ ﺍﺑﺪﺍ ﻳﺎ ﻭﺩ ﺩﺍﺭ ﺍﻟﺰﻳﻦ .. ﺍﻭﻟﻴﺎﺀ ﺍﻟﻠﻪ ﻻﺧﻮﻑ ﻋﻠﻴﻬﻢ
    ﻭﻻﻫﻢ ﻳﺤﺰﻧﻮﻥ .. ﻟﻜﻦ ﺷﻴﻮﺧﻜﻢ ﺍﻟﺒﺸﺮﺑﻮ ﺍﻟﺨﻤﺮﺓ ﺩﻳﻞ .. ﻭﺍﻟﻮﺍﺣﺪ ﻳﻌﺮﺱ ﺗﻤﺎﻧﻴﺔ
    ﺣﺮﻳﻢ .. ﻭﻳﻘﻮﻝ ﻟﻚ ﺍﻧﺎ ﻣﺎﻟﻲ ﺑﺎﻟﺸﺮﻳﻌﺔ ؟؟ ﺩﻳﻞ ﻫﺴﻊ ﺑﺘﻘﻮﻝ ﻋﻠﻴﻬﻢ ﺍﻭﻟﻴﺎﺀ؟؟ ..
    ‏(ﻭﻭﻓﻌﻼ ﺩﻩ ﻛﻠﻮ ﻛﺎﻥ ﺣﺎﺻﻞ ﻳﺎﺟﻤﺎﻋﺔ .. ﺣﺘﻰ
    ﻳﺎﺧﻲ ﻗﺎﻟﻮ ﻳﻮﻡ ﻣﻠﻚ ﺍﺳﻤﻮ ﺍﻟﻤﻠﻚ " ﺗﻴﺮﺍ" ﺭﺳﻞ ﻟﻠﺸﻴﺦ ﻓﺮﺡ ﻗﺎﻟﻴﻬﻮ ﻻﺯﻡ ﺗﺮﺳﻞ
    ﻟﻲ ﻓﺘﻮﻯ ﻣﻜﺘﻮﺑﺔ ﺗﺴﻤﺢ ﻟﻲ ﻓﻴﻬﺎ ﺍﻧﻲ ﺍﺗﺰﻭﺝ ﺑﻨﺘﻲ ﺍﻟﻜﺒﻴﺮﺓ !!..
    ﺍﻟﺸﻴﺦ ﻓﺮﺡ ﺭﺣﻤﺔ ﺍﻟﻠﻪ ﻋﻠﻴﻬﻮ ﺭﺳﻞ ﻟﻴﻬﻮ ﺍﻟﻔﺘﻮﻯ ﻭﻛﺎﻥ ﻧﺼﻬﺎ :
    ﻗﻮﻝ ﻟﻠﻤﻠﻚ ﺗﻴﺮﺍ .. ﺯﻭﺟﻨﺎﻟﻚ ﺑﻨﺘﻚ ﺍﻟﻜﺒﻴﺮﺓ ..
    ﺑﻲ ﺳﻨﺔ ﺍﻟﺒﻐﺎﻝ ﻭﺍﻟﺤﻤﻴﺮﺍ .. ﻫﻬﻪ
    ﺍﻫﺎ ﻫﺴﻊ ﺍﺑﺨﻮﺳﺔ ﺑﺤﻨﺲ ﻓﻲ ﻭﺩ ﺩﺍﺭ ﺍﻟﺰﻳﻦ .. ﻳﻤﺸﻲ ﻣﻌﺎﻫﻮ ﻟﻠﺸﻴﺦ ﺍﺏ ﻛﻒ
    ﺍﻟﻤﺎﺧﺪ ﺍﻟﻌﻠﻢ ﻣﻦ ﻭﺩﺗﻜﺘﻮﻙ ﺣﻼﻝ ﺍﻟﻤﺸﺒﻮﻙ ..
    ﻗﺎﻟﻴﻬﻮ ﺍﻧﺎ ﺩﺍﻳﺮﻙ ﺗﻤﺸﻲ ﻣﻌﺎﻱ ﻟﻴﻬﻮ .. ﻭﻧﺴﻮﻕ ﻣﻌﺎﻧﺎ ﺍﻟﺘﺎﻳﺔ ﺑﺖ ﻣﺨﺘﺎﺭ ..
    ﻭﻳﻔﺘﻴﻨﺎ ﻓﻲ ﺍﻟﻤﺸﻜﻠﺔ ﺩﻱ .. ﻭﻻﺯﻡ ﻳﻮﺻﻠﻨﺎ ﻟﻲ ﺣﻞ .. ﻗﺒﻞ ﻣﺎﺗﺠﻴﻚ ﻣﺸﻜﻠﺔ
    ﺗﺨﺴﺮ ﺍﻫﻠﻚ ﻭﺳﻤﻌﺘﻚ .. ﻭﺗﺠﻴﺐ ﻟﻬﺎ ﺩﻡ ﻳﻐﺮﻕ ﺍﻟﺒﻠﺪ ..
    ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﻣﻊ ﺍﻻﺻﺮﺍﺭ .. ﻭﺩ ﺩﺍﺭ ﺍﻟﺰﻳﻦ ﻗﺮﺭ ﻳﻤﺸﻲ ﻣﻌﺎﻫﻮ ﺑﺎﻛﺮ ﺍﻟﺼﺒﺎﺡ
    .. ﻭﻳﺴﻮﻗﻮ ﻣﻌﺎﻫﻢ ﺍﻟﺘﺎﻳﺔ ﺑﺖ ﻣﺨﺘﺎﺭ ﻭﻳﻤﺸﻮ ﻟﻠﺸﻴﺦ .. ﻭﺍﻟﻨﺴﻴﻢ ﺍﻟﻌﺮﻭﺱ ﻗﺎﻋﺪﺓ
    ﻓﻲ ﺑﻴﺖ ﻧﺴﺎﺑﺘﻬﺎ .. ﻣﺎﺟﺎﻳﺒﺔ ﺧﺒﺮ ﻟﻠﺤﺎﺻﻞ ﺑﻲ ﻭﺭﺍﻫﺎ ..
    ﺍﻫﺎ ﻳﺎﺯﻭﻝ ﻛﻠﻬﻢ ﺍﻟﺘﻼﺗﺔ ﺍﻟﺼﺒﺎﺡ .. ﺷﺎﻟﻮ ﻣﻌﺎﻫﻢ ﺍﻟﺤﺠﻞ .. ﻭﺭﻛﺒﻮ ﻣﺸﻮ ﺳﻨﺎﺭ ..
    ﻭﻣﺸﻮ ﻟﻠﺸﻴﺦ ﺍﺏ ﻛﻒ .. ﺍﻟﺸﻴﺦ ﻛﺎﻥ ﻓﻌﻼ ﻣﻦ ﺍﻟﺼﺎﻟﺤﻴﻦ ﻭﺍﻭﻟﻲ ﺍﻟﻔﻄﻨﺔ
    ﻭﺍﻟﻨﺒﺎﻫﺔ ..
    ﺳﻠﻤﻮ ﻋﻠﻴﻬﻮ .. ﻭﻋﺮﻓﻮﻫﻮ ﻭﺭﻭﻫﻮ ﺍﺳﺎﻣﻴﻬﻢ ﻭﺍﻫﻠﻬﻢ ﻭﻋﺮﻓﻬﻢ ﻛﻠﻬﻢ .. ﺑﺪﺕ
    ﺍﻟﻜﻼﻡ ﺍﻟﺘﺎﻳﺔ ﺑﺖ ﻣﺨﺘﺎﺭ .. ﻣﻤﻐﻮﺳﺔ ﻻﻣﻦ ﺑﺘﺒﻜﻲ .. ﻗﺎﻟﺖ ﻟﻴﻬﻮ ﻳﺎﺷﻴﺨﻨﺎ ﺍﻧﺎﺟﺎﻳﺎﻙ
    ﻣﺘﻈﻠﻤﺔ .. ﻭﻣﺎ ﺩﺍﻳﺮﺓ ﺍﺳﻮﻱ ﻟﻲ ﻛﻼﻡ ﻳﺠﻴﺐ ﺍﻟﺪﻡ ﺑﻴﻦ ﺍﻟﻘﺒﺎﻳﻞ .. ﺍﻟﺮﺍﺟﻞ ﺩﻩ
    ﺟﺎﺏ ﺣﺠﻞ .. ﻭﺟﺎ ﺭﻛﺒﻮ ﻓﻲ ﻛﺮﺍﻉ ﺑﻨﻴﺘﻮ ..
    ﻭﺍﻟﺒﺖ ﺣﺼﻞ ﻟﻴﻬﺎ ﻭﻭﻭﻭ .. ﺍﻟﻤﻬﻢ ﺣﻜﺖ ﻟﻴﻬﻮ ﺍﻟﻤﻨﻈﺮ ﻛﻠﻮ .. ﻟﻐﺎﻳﺔ ﺣﺘﺔ ﺍﺗﻬﻤﻬﺎ
    ﻭﺍﺗﺒﺮﺃ ﻣﻦ ﺑﺘﻮ .. ﺩﺣﻴﻦ ﻳﺎﺷﻴﺨﻨﺎ ﺍﻓﺘﺢ ﻛﺘﺎﺑﻚ .. ﺍﻥ ﻟﻘﻴﺘﻨﻲ ﺍﻟﺒﺖ ﺩﻱ ﺟﺎﻳﺒﺎﻫﺎ ﻣﻦ
    ﺭﺍﺟﻼ" ﺍﺧﺮ .. ﻭﺣﺎﺕ ﺍﻟﻠﻪ ﺍﻻ ﺍﺭﻛﺐ ﺍﻟﺴﻜﻴﻦ ﻓﻲ ﻗﻠﺒﻲ ﻫﺴﻊ ..
    ﺍﻟﺸﻴﺦ ﻗﺎﻟﻬﺎ ﺍﻧﺎ ﻳﺎﺑﺖ ﻣﺨﺘﺎﺭ ﻣﺎﻋﻨﺪﻱ ﻛﺘﺎﺑﺎ" ﺑﻔﺘﺤﻮ .. ﻟﻜﻦ ﺑﺘﺮﺟﻌﻮ ﻣﻨﻲ
    ﺑﺎﻟﻨﺠﻴﻀﺔ ..
    ﺍﻟﺸﻴﺦ ﻗﺒﻞ ﻋﻠﻰ ﻭﺩ ﺩﺍﺭ ﺍﻟﺰﻳﻦ .. ﻗﺎﻝ ﻟﻴﻬﻮ ﺍﻟﻜﻼﻡ ﺍﻟﻘﺎﻟﺘﻮ ﺑﺖ ﻣﺨﺘﺎﺭ ﺩﻩ
    ﺣﺎﺻﻞ؟؟ .. ﻭﺩ ﺩﺍﺭ ﺯﻳﻦ ﻗﺎﻝ ﻟﻴﻬﻮ ﺍﻱ ﺣﺎﺻﻞ .. ﻭﺍﻟﻨﺒﺪﺍﻟﻚ ﺍﻟﻘﺼﺔ ﻣﻦ ﺍﻭﻻ ..
    ﺍﻧﺎ ﺍﺻﻼ ﻣﺎ ﺑﺠﻴﺐ ﺟﻨﻰ .. ﻭﺍﻟﻔﻘﻴﺮ ﺯﻣﺎﻥ ﻗﺎﻝ ﺍﻧﺎ ﻣﺎﺑﻠﺪ .. ﻟﻜﻦ ﻭﻛﺖ ﺍﻟﻤﺮﺍﺓ ﺩﻱ
    ﺣﻤﻠﺖ ﻣﻨﻲ .. ﻗﻠﺖ ﺍﻟﺤﻤﺪ ﻟﻠﻪ ﺭﺑﻨﺎ ﻣﻦ ﺟﻮﺩﻭ ﻗﺴﻢ ﻟﻲ .. ﻟﻜﻦ ﺑﻘﻴﺖ ﺷﺎﻛﻲ ﻓﻲ
    ﻗﻠﺒﻲ .. ﻭﻛﻼﻡ ﺍﻟﻔﻘﻴﺮ ﻣﺤﺴﻜﻦ ﻟﻲ .. ﺍﻫﺎ ﺑﻘﻴﺖ ﻛﺎﻳﺲ ﻟﻠﺤﺠﻞ ﺩﻩ .. ﻋﺸﺎﻥ ﻳﺎﻛﺪ
    ﻟﻲ ﺷﻜﻮﻛﻲ .. ﻭﻻ ﻳﺸﻴﻼ ﻟﻲ ﻣﻦ ﺭﺍﺳﻲ .. ﻭﻭﻭﻭﻭ .. ﺣﻜﻰ ﻟﻴﻬﻮ ﺍﻟﺤﺼﻞ ..
    ﺍﻟﺸﻴﺦ ﻗﺎﻝ ﺍﺷﻬﺪ ﺍﻥ ﻻ ﺍﻟﻪ ﺍﻻ ﺍﻟﻠﻪ ﻭﺍﺷﻬﺪ ﺍﻥ ﻣﺤﻤﺪ ﺭﺳﻮﻝ ﺍﻟﻠﻪ .. ﺩﻩ ﻛﻼﻡ
    ﺷﻨﻮ ﻳﺎﺯﻭﻝ ﺍﻟﺒﺘﺴﻮﻱ ﺩﻳﻬﻮ ﺩﻩ؟؟ ..
    ﻳﻌﻨﻲ ﺍﻟﻔﻘﻴﺮ ﺷﺎﻑ ﺍﻟﻠﻮﺡ ﺍﻟﻤﺤﻔﻮﻅ ﺍﻟﻔﻴﻬﻮ ﺍﻗﺪﺍﺭ ﺍﻟﺨﻼﻳﻖ ﻭﻋﺮﻑ
    ﺍﻟﻤﺴﺘﻘﺒﻞ ؟؟ ﻭﺭﺑﻨﺎ ﺟﻼ ﻓﻲ ﻋﻼﻫﻮ ﺑﻘﻮﻝ ‏( ﻭﻣﺎ ﺗﺪﺭﻱ ﻧﻔﺲ ﻣﺎﺫﺍ ﺗﻜﺴﺐ
    ﻏﺪﺍ" ‏) .. ﻋﺎﺭﻑ ﻳﺎ ﻭﺩ ﺩﺍﺭ ﺍﻟﺰﻳﻦ .. ﻳﻮﻡ ﺍﻟﺮﺳﻮﻝ ﻛﺎﻥ ﻗﺎﻋﺪ ﻭﻓﻲ ﺑﻨﻴﺎﺕ ﺑﻐﻨﻦ
    ﻭﻫﻮ ﺑﺴﻤﻊ ﻓﻴﻬﻦ .. ﻭﺍﺣﺪﻩ ﻓﻴﻬﻦ ﻗﺎﻟﺖ .. ﻭﻓﻴﻨﺎ ﻧﺒﻲ ﻳﻌﻠﻢ ﻣﺎﻓﻲ ﻏﺪٍ ..
    ﺳﻴﺪﻧﺎ ﺍﻟﻨﺒﻲ ﻗﺎﻝ ﻟﻬﺎ ﺩﻋﻲ ﻋﻨﻚ ﻫﺬﺍ .. ﻭﻗﻮﻟﻲ ﺑﺎﻟﺬﻱ ﻛﻨﺖ ﺗﻘﻮﻟﻴﻦ . ﻻﻳﻌﻠﻢ
    ﻣﺎﻓﻲ ﻏﺪ ﺍﻻ ﺍﻟﻠﻪ .. ﻳﻌﻨﻲ ﻟﻮ ﻛﺎﻥ ﺳﻴﺪﻱ ﺍﻟﻨﺒﻲ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻣﺎﺑﻌﺮﻑ
    ﻣﺎﻓﻲ ﻏﺪ . ﺍﻻ ﺑﺎﻟﻮﺣﻲ .. ﻳﺒﻘﻰ ﻓﻘﻴﺮﻙ ﺩﻩ ﺍﻓﻀﻞ ﻣﻦ ﺳﻴﺪﻧﺎ ﺭﺳﻮﻝ ﺍﻟﻠﻪ؟؟ ..
    ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ؟؟ ﻳﺎﺯﻭﻝ ﻣﺎﺗﺨﺎﻑ ﻣﻦ ﺍﻟﺨﻠﻘﻚ ..
    ﺑﻌﺪﻳﻦ ﺩﻩ ﺣﺠﻞ ﺷﻨﻮ ﺍﻟﺒﻌﺮﻑ ﻭﺩ ﺍﻟﺤﺮﺍﻡ ﻣﻦ ﻭﺩ ﺍﻟﺤﻼﻝ؟ .. ﻭﻛﻤﺎﻥ ﻳﺠﻴﺐ
    ﺍﻟﺴﻌﺎﺩﺓ ﻭﺍﻟﻤﺮﺽ؟؟ .. ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ..
    ﻛﺪﻱ ﻧﺎﻭﻟﻨﻲ ﺍﻟﺤﺠﻞ ﺩﻩ ﺟﺎﻱ .. ﺍﻧﺖ ﺷﻜﻠﻚ ﻳﺎ ﻭﺩ ﺩﺍﺭ ﺍﻟﺰﻳﻦ ﻣﺎﺑﺘﻘﺘﻨﻊ ﺑﺎﻟﻜﻼﻡ ..
    ﻟﻜﻦ ﺍﻧﺎ ﺑﻘﻨﻌﻚ ﺑﺎﻟﻔﻌﻞ .. ﺍﻟﺸﻴﺦ ﻣﺴﻚ ﺍﻟﺤﺠﻞ ﻭﺑﻘﻰ ﻳﻘﻠﺐ ﻓﻴﻬﻮ .. ﻭﻛﻮﺭﻙ ﻟﻲ
    ﻭﺍﺣﺪ ﻣﻦ ﺍﻟﺤﻴﺮﺍﻥ .. ﻳﺎﻭﺩ ﻓﺎﺿﻞ؟ ﻳﺎ ﻭﺩﻓﺎﺿﻞ .. ﻭﺩ ﻓﺎﺿﻞ ﺟﺎ ﺟﺎﺭﻱ ﺣﻔﻴﺎﻥ ..
    ﻗﺎﻝ ﻟﻴﻬﻮ ﻧﻌﻢ ﻳﺎ ﺷﻴﺨﻨﺎ .. ﻗﺎﻝ ﻟﻴﻬﻮ ﻋﻠﻴﻚ ﺍﻟﻠﻪ ﺍﻣﺶ ﻟﻲ ﺑﺎﺑﻜﺮ ﻭﺩ ﺣﺴﺐ ﺍﻟﻠﻪ ..
    ﻗﻮﻟﻠﻮ ﺷﻴﺨﻨﺎ ﻗﺎﻝ ﻟﻚ ﺭﺳﻞ ﻟﻲ ﺧﻤﺴﺔ ﻓﺮﺧﺎﺕ ‏( ﺧﺪﻡ ﺭﻗﻴﻖ ‏) ﻣﻦ ﺑﻨﺎﺕ
    ﺍﻟﺴﻔﺎﺡ .. ﻳﻌﻨﻲ ﺑﻨﺎﺕ ﺣﺮﺍﻡ ﻋﺪﻳﻞ ﺷﻴﻠﺔ ﻭﺩﻗﺔ .. ﻣﺎﻓﻴﻬﻦ ﺍﻱ ﻧﻘﺎﺵ ..
    ﺑﺎﺑﻜﺮ ﻭﺩ ﺣﺴﺐ ﺍﻟﻠﻪ ﻣﻦ ﺍﻋﻴﺎﻥ ﺳﻨﺎﺭ .. ﻭﻛﺎﻥ ﻋﻨﺪﻭ ﻛﻤﻴﺔ ﻣﻦ ﺍﻟﺮﻗﻴﻖ ..
    ﻭﺑﺸﺘﺮﻱ ﻭﺑﺒﻴﻊ .. ﻭﻃﺒﻌﺎ" ﺍﻟﺨﺪﻡ ﺯﻣﺎﻥ ﻳﻠﺪﻥ ﺳﺎﺍﺍﻛﺖ .. ﻳﺤﻤﻠﻦ ﻭﻳﻠﺪﻥ ﻻﻋﺮﺱ
    ﻭﻻﻏﻴﺮﻭ .. ﻭﺍﻟﺠﻨﻰ ﺫﺍﺗﻮ ﺍﺑﻮﻫﻮ ﻣﺎﺑﻜﻮﻥ ﻣﻌﺮﻭﻑ ﻣﻨﻮ .. .. ﺍﻟﻤﻬﻢ ﺩﻩ ﺍﻟﺤﺎﺻﻞ
    ﻓﻲ ﺍﻟﺰﻣﻦ ﺩﺍﻙ ..
    ﺍﻫﺎ ﻳﺎﺯﻭﻝ ﺍﻟﺨﺪﻡ ﺍﻟﺨﻤﺴﺔ ﻓﺘﻴﺎﺕ ﻟﻘﻴﻄﺎﺕ ﺑﻨﺎﺕ ﺳﻔﺎﺡ ﺣﻀﺮﻥ ﻗﺪﺍﻡ ﺍﻟﺸﻴﺦ ..
    ﻭﻭﺩﺍﺭ ﺍﻟﺰﻳﻦ .. ﻭﺍﻟﺘﺎﻳﺔ .. ﻭﺍﺑﺨﻮﺳﺔ ..
    ﺍﻟﺸﻴﺦ ﻧﺎﺩﻯ ﺍﻻﻭﻻﻧﻴﺔ ﻗﺎﻟﻬﺎ ﻣﺪﻱ ﻛﺮﺍﻋﻚ .. ﻭﻟﺒﺴﻬﺎ ﺍﻟﺤﺠﻞ .. ﻣﺴﺎﻓﺔ .. ﻭ ﻃﻠﻌﻮ
    ﻣﻨﻬﺎ .. ﻭﻧﺎﺩﻯ ﺍﻟﺘﺎﻧﻴﺔ .. ﻭﻟﺒﺴﻬﺎ ﺍﻟﺤﺠﻞ .. ﻭﻃﻠﻌﻮ ﻣﻨﻬﺎ .. ﺍﻻﺗﻨﻴﻦ ﺩﻳﻞ ﻣﺎﺣﺼﻞ
    ﻟﻴﻬﻦ ﺷﻲ .. ﻭﻻ ﺍﻧﻜﺮﺷﻦ ﻭﻻ ﺍﺗﺤﻜﻦ .. ﺍﻟﺘﺎﻟﺘﺔ ﻧﺎﺩﺍﻫﺎ .. ﺑﺲ ﺩﺧﻠﺔ ﺍﻟﺤﺠﻞ ﻓﻲ
    ﻛﺮﺍﻋﻬﺎ .. ﺑﻘﺖ ﺗﻨﻜﺮﺵ .. ﻃﻠﻌﻮ ﻣﻨﻬﺎ .. ﻭﺭﻛﺒﻮ ﻟﻼﺗﻨﻴﻦ ﺍﻻﺧﺮﺍﺕ ﻣﺎﺣﺼﻞ ﻟﻴﻬﻦ
    ﺍﻱ ﺷﻲ ..
    ﻭﻭﺩ ﺩﺍﺭ ﺍﻟﺰﻳﻦ ﻳﻌﺎﻳﻦ ..... ﻣﺤﺘﺎﺭ ﻭﺧﺎﺗﻲ ﺍﻳﺪﻭ ﻓﻮﻕ ﺧﺸﻤﻮ ...
    ﻭﺍﻟﺒﺖ ﺍﻟﻤﺴﻜﻴﻨﺔ ﺍﻟﺒﺘﻨﻜﺮﺵ ﻭﺗﺘﻠﻮﻯ .. ﺍﻟﺸﻴﺦ ﻗﺎﻝ ﻟﻠﺤﻮﺍﺭ ﺟﻴﺐ ﻟﻲ ﻣﻮﻳﺔ ..
    ﺟﺎﺏ ﻟﻴﻬﻮ ﻣﻮﻳﺔ .. ﻗﺮﺍ ﺍﻳﺎﺕ ﻓﻲ ﺍﻟﻤﻮﻳﺔ ﻭﻛﺸﺤﻬﺎ ﺑﻴﻬﺎ ﺍﻟﺒﺖ ﻫﺪﺃﺕ .. ﻭﺑﻘﺖ
    ﻃﺒﻴﻌﻴﺔ ﻭﺍﻟﺸﻴﺦ ﻗﺎﻟﻴﻬﻦ ﺍﻣﺸﻦ .. ﺧﻼﺹ ..
    ﺍﻟﺸﻴﺦ ﻋﺎﻳﻦ ﻟﻲ ﻭﺩ ﺩﺍﺭ ﺍﻟﺰﻳﻦ .. ﻭﻗﺎﻝ ﻟﻴﻬﻮ ﻣﺎﻟﻮ ﻳﺎﺧﻮﻱ ﺍﻟﺤﺠﻞ ﺩﻩ ﻣﺎﻛﺸﻒ
    ﺍﻻﺭﺑﻌﺔ ﺩﻳﻞ؟؟ .. ﻭﺧﺒﺎﺭﻭ ﺍﺗﺴﻠﻂ ﻋﻠﻰ ﺍﻟﺒﻨﻴﺔ ﺍﻟﻤﺴﻜﻴﻨﺔ ﺩﻱ ؟؟
    ﻗﺎﻟﻠﻴﻬﻮ ﻭﺍﻟﻠﻪ ﻳﺎﺷﻴﺨﻨﺎ ﺍﻧﺎ ﺑﺮﺍﻱ ﻫﺴﻊ ﺍﺣﺘﺮﺕ ﻓﻲ ﺍﻟﻤﻮﺿﻮﻉ ﺩﻩ .. ﻭﻧﺪﻣﺖ ﻻﻣﻦ
    ﺳﻔﻴﺖ ﺍﻟﺘﺮﺍﺏ ..
    ﻗﺎﻝ ﻟﻴﻬﻮ ﺍﺳﻤﻊ ﻳﺎ ﻭﺩ ﺩﺍﺭ ﺍﻟﺰﻳﻦ .. ﺍﻟﺤﺠﻞ ﺩﻩ ﻓﻴﻬﻮ ﺳﺤﺮ ﺷﻴﻄﺎﻧﻲ .. ﻣﻌﻤﻮﻝ
    ﻟﻲ ﺯﻭﻝ ﻃﺒﻴﻌﺘﻮ ﻧﺎﺭﻳﺔ .. ﻭﺑﺄﺛﺮ ﻓﻲ ﺍﻱ ﺯﻭﻝ ﻃﺒﻴﻌﺘﻮ ﻧﺎﺭﻳﺔ .. ﻭﻣﺎﺑﺄﺛﺮ ﻓﻲ ﺯﻭﻝ
    ﻃﺒﻴﻌﺘﻮ .. ﺗﺮﺍﺑﻴﻪ ﻭﻻ ﻣﺎﺋﻴﺔ ﻭﻻﻫﻮﺍﺋﻴﺔ .. ﻓﻬﻤﺖ ﺍﻟﻜﻼﻡ ﺩﻩ .. ﻭﺩ ﺩﺍﺭ ﺍﻟﺰﻳﻦ ﻗﺎﻝ
    ﻟﻴﻬﻮ ﻭﺍﻟﻠﻪ ﻣﺎﻓﻬﻤﺖ .. ﻗﺎﻝ ﻟﻴﻬﻮ ﺩﻩ ﻛﻼﻡ ﻛﺒﻴﺮ ﻋﻠﻴﻚ .. ﻟﻜﻴﻦ ﺧﻠﻴﻚ ﻋﺎﺭﻑ .. ﻗﺼﺔ
    ﺍﻧﻮ ﺣﺒﻮﺑﺘﻚ ﺷﺎﻓﺖ ﺍﻟﺤﺠﻞ ﻓﻲ ﺍﻟﻨﻮﻡ ﺩﻩ ﻛﻀﺐ .. ﺩﻩ ﺳﺤﺮ ﺷﻴﻄﺎﻧﻲ .. ﻭﻛﺎﻥ
    ﻣﺸﻴﺖ ﺳﻌﻠﺖ ﺑﺘﺘﻜﺸﻒ ﻟﻴﻚ ﺍﺳﺮﺍﺭ ﺍﻟﺰﻣﺎﻥ .. ﺍﻟﻜﻼﻡ ﺩﻩ ﻛﻠﻮ ﻛﻀﺐ ﻓﻲ ﻛﻀﺐ ..
    ﺗﻌﺎﻝ ﻳﺎ ﻭﺩ ﻓﺎﺿﻞ ‏(ﺍﻟﺤﻮﺍﺭ ‏) .. ﺷﻴﻞ ﺍﻟﺤﺠﻞ ﺍﻣﺸﻲ ﺍﺭﻣﻮ ﻓﻲ ﺍﻟﺒﺤﺮ ﻭﺗﻌﺎﻝ ..
    ﻳﺎﻭﺩ ﺩﺍﺭ ﺍﻟﺰﻳﻦ .. ﻗﻮﻡ ﺍﻋﺘﺬﺭ ﻟﻠﻤﺮﺍﺓ ﺩﻱ .. ﻭﺍﻃﻠﺐ ﻣﻨﻬﺎ ﺍﻟﻌﻔﻮ .. ﺍﻟﻤﺮﺍﺓ ﺩﻱ ﻛﺎﻥ
    ﺭﻓﻌﺖ ﺍﻳﺪﻳﻬﺎ ﻭﺷﻜﺘﻚ ﻋﻠﻰ ﺍﻟﻠﻪ ﺑﺘﻐﺲ ﺣﺠﺮﻙ ..
    ﻭﺩ ﺩﺍﺭ ﺍﻟﺰﻳﻦ ﺑﺮﻙ ﻓﻲ ﺍﻟﻮﺍﻃﺔ .. ﻭﻣﺴﻚ ﻓﻲ ﻛﺮﻋﻴﻦ ﺍﻟﺘﺎﻳﺔ .. ﻭﻳﺒﻜﻲ ﺯﻱ
    ﺍﻟﺸﺎﻓﻊ ﻭﻳﻌﺘﺬﺭ .. ﻭﺍﺑﺨﻮﺳﺔ ﻭﺍﻗﻒ ﻫﻨﺎﻙ ﻳﺒﻜﻲ ﻭﻳﻘﺶ ﻓﻲ ﺩﻣﻮﻋﻮ .. ﻭﺍﻟﺸﻴﺦ
    ﺭﻓﻊ ﺍﻳﺪﻳﻬﻮ ﻳﺤﻤﺪ ﻓﻲ ﺭﺑﻨﺎ ..
    ﺩﻳﻞ ﺍﻟﺼﺎﻟﺤﻴﻦ ﺍﻟﺠﺪ ..
    ﺍﻟﻰ ﺍﻟﻠﻘﺎﺀ
    أســرَار الـزمان .. طارق اللبيبحيث تعيش القصص. اكتشف الآن