Fall of the Star

Downfall 25

Downfall 25

Three Days

Ni-park ni Charles ang kanyang sasakyan sa isang maliit na bahay. Hindi iyon kagandahan.

"Wait for me here." sambit niya at bumaba sa kotse.

Tumango ako. Nanatili ang tingin ko sa bahay na kanyang papasukan. Hindi ako makapaniwala sa aking nakikita. Ito ang kanyang tinitirhan magmula pa noon? Wala siyang magulang dito, 'di ba? He's not...

Lumabas muli si Charles galing sa maliit na bahay. Tumatama sa kanya ang sinag ng mataas na araw habang naglalakad siya patungo sa kanyang sasakyan.

Napansin ko ang kanyang mga dala. Ang kanyang dalawang kamay ay may hawak na tent at ilan pang kagamitan. Dumiretso siya sa compartment sa likod ng sasakyan.

Paano ba siya naghahanap? Ganito? Talaga?

Pumasok siya muli sa driver's seat at ni-start ang engine. Pinanood ko lang siya habang ginagawa iyon.

"How can we find..." Hindi ko maituloy. Hindi ko alam ang mga terminong dapat gamitin para sa mga bagay na kanyang hinahanap.

Sumulyap siya sa akin bago pinindot ang buton sa malapit sa stereo. Umilaw ang maliit na bumbilya sa gilid nito na kulay berde. Halos malaglag ang panga ko nang may lumabas na daan roon.

"There." sabi niya. "Tutunog 'yan kapag malapit tayo sa hinahanap." dagdag niya.

Tumango ako ngunit lalong naging interesado. "Paanong malapit? At ano bang hinahanap?" Maraming tanong ang gusto kong ibato. Detalyadong sagot ang gusto kong marinig. Gusto kong malaman ang lahat. Gusto kong maintindihan kahit papaano.

Tumawa siya. "Too curious?" Lumiko siya sa isang paraas na daan na bubungad ang karatulang 'Mt. Uyani.'. Kumunot ang noo ko. Parang narinig ko na ito noon! "Malalaman iyan because of my necklace. Malalaman kung saan. Tuwing kabilugan ng buwan ay pwede kang magtanong kung saan mo makikita iyong hinahanap mo." sagot niya.

Napaawang ang aking bibig. That's very otherworldly. Tumapon ang tingin ko sa kanyang dibdib kung saan nakalantad ang kwintas niyang may pangalang Carolus.

"Una kong nahanap iyong watch. Hindi siya talaga watch pero parang ganon itsura sa mundo ng mga tao. I bet you saw it in the Sentro?" Tumigil ako saglit at inalala iyon. Oh! Sa CR? Napangiwi ako. Matatawag bang CR ang isang iyon? "And then 'yong pangalawa, the timepiece. And the other two are the crown and the bracelet."

Tuloy-tuloy ang kanyang pagsasalita. Bawat salitang lumalabas sa kanyang bibig ay iniintindi ko.

"What are the use of those?" pagtatanong kong muli. "I guess the crown is the most important?" Tama naman, 'di ba? It's the crown! It means the power! Kahit sa mga normal na tao, kapag nasa iyo ang korona, nasa iyo ang lakas, ang utos, ang lahat.

"Nope," basag niya sa akin. "It's the bracelet. Magkaiba ang paniniwala natin, Katrice. The crown symbolizes your state of life. Marami ang may korona sa mundo namin. Hindi lang si Ama at Ina. But the bracelet symbolizes the strength. Kasama na ang kapangyarihan."

Tumigil ang pagtatanong ko matapos marinig ang lahat ng iyon. Tango na lang ang naisagot ko. That was a mind blown. Hindi ko maisip na ganoon kalalim ang kuwento niya. Kung ganoon, wala pa ako sa kalahati niya. Ang kalahati niya ang pagiging tao at hindi ko pa lubusang kilala ang bawat galaw niya. At ngayon ko pa lang nasisimulan makilala ang likod ng kanyang kalahati. Kung kailan matatapos na.

Ang lokasyon ng campsite ng Mount Uyani ay tabi ng isang lawa. Pinaliligiran ng mga matataas at malalaking berdeng puno ang lugar. Sumalubong sa akin ang sarieang hangin ng lumabas ako. Ang mainit na sinag ng tirik na araw ay dumampi sa aking balat.