Feel My Heart

V. Mystery Sender

"I'm sorry Dino," rinig n'yang sabi ng manager n'ya.

"Wala kang kasalanan kaya wala kang dapat ihingi ng tawad."

"Gagawa tayo ng paraan para gumaling ka, para makabalik ka sa pagsasayaw. Kung kailangan kong mapilay para sa 'yo, gagawin ko. Para na rin kitang anak."

"Hindi mo kailangang isakripisyo ang sarili mo. Kung hanggang dito na lang ako, hanggang dito na lang ako. Siguro nga, dapat ko na lang tanggapin."

Narinig nila ang katok sa kanilang pinto. Agad na pumunta ang manager para pagbuksan kung sino man ang taong kumakatok.

"Good morning. Dito po ba nakatira si Dino Villegas?" tanong ng tao sa may pintuan.

"Oo, dito s'ya nakatira, bakit?"

"May padala po para sa kan'ya,"

"Ha?"

"Paki pirmahan na lang po ito," Inabot na ni Manager Kim ang padalang box. Sinarado n'ya na ang pinto at bumalik sa salas kung nasaan ang binata.

"Anong meron Manager Kim?" tanong ng binata.

"May nagpadala sa 'yo ng regalo."

Kumunot ang noo ng binata sa kan'yang narinig.

"Regalo?"

"Ito o. Tingnan mo na lang."

Inabot ng binata ang regalo mula kay Manager Kim. Iniisip n'ya kung sino ang posibleng nagpadala nito. Nakita n'ya ang isang maliit na sulat na nakadikit dito.

Dino, huwag ka sanang mawalan ng pag-asa. Lagi lang akong nandito sa malayo, binabantayan at tinitingnan ka.

Pilit mang isipin ng binata ang ibig sabihin ng sulat ay hindi n'ya maisip.

"Nakatingin sa akin sa malayo?" tanong sa sarili ng binata.

"Kanino raw galing?" tanong ni Manager Kim.

"Walang nakasulat."

Binuksan n'ya na lamang ang padalang regalo mula sa misteryosong nagpadala.
Isang cake kung saan may nakasulat na 'Welcome back Dino, Get well soon. Smile.'

Hindi napigilan ng binata ang mapangiti kahit hindi n'ya alam kung sino ang nagpadala.

"Uy may secret admirer," pang aasar ni Manager Kim sa kan'ya.

"Wala nga sabing nakalagay Manager," katwiran ni Dino.

"Kainin na nga lang natin 'yan," yaya ni Manager Kim. Kinuha nito ang cake at dinala sa kusina.

Kinuha na ni Dino ang kan'yang saklay at sumunod kay Manager Kim. Isang tanong ang bumuo sa kanyang isipan, "Sino kaya ang nagpadala niyon?"

---