Seven Stars- LEGACY 1 (AWESOMELY COMPLETED)

Try Harder

19

"Don't wear that." Naiinis na sabi ni Seven habang hinihila iyong strapless kong blouse. What the hell is his problem? Late na ako sa trabaho!

"Kanina ka pang don't wear that, don't wear that! Umalis ka na nga sa kwarto ko!" sigaw ko. Pilit ko siyang tinutulak pero mas malakas talaga si Seven. Ngumuso lang siya at hinila iyong damit ko.

"Aissh!" sa sobrang inis ko ay ginulo ko na lamang ang buhok ko. Napangisi siya bago sumandal sa may closet ko. Tinitigan niya ako habang nakataas ang kilay niya.

"Come on Cha, fight me. I dare you. Fight me now." Aniya. Lalo siyang ngumisi habang ako ay hindi na makakuha ng damit. Nakakaasar na talaga siya. Ang sarap niya..

I mean, ang sarap niyang kalbuhin. Bwisit.

Tinitigan ko lamang siya at humalakhak naman siya. Binuksan niya ang closet ko at siya ang nangalkal ng mga damit ko. Kumuha siya ng maroon na long sleeves at floral na skirt bago iyon inabot sa akin.

"Next time, magshoshopping tayo ng damit mo." Aniya. Hinila ko iyong damit at inis siyang tinitigan.

"Pakialam mo ba sa damit ko! Lumayas ka na nga!" sabi ko rito. Dumiretsyo agad ako sa banyo at naligo. Nakakainis na kasi siya eh.

Ano bang trip niya? Walong buwan siyang hindi nagpakita pagkatapos niya akong isuka tapos ngayon ay babalik siya na parang okay na ang lahat? Ano siya, timang ganoon? O baka naman iniisip niya na tanga pa rin ako? Hah! Akala niya, makakalimutan ko din siya.

Pagkalabas ko ay nasa kwarto ko pa rin siya at inaayos iyong mga stuff toy ko. Noong narinig na niya ako ay hinarap niya ako at tiningnan ulit ang suot ko. Nilampasan ko lang siya at kumuha ng sapatos ko.

"Do you want me to braid your hair?" aniya. Di ko siya pinansin. Yumuko lang ako at tinanggal ang nakataling tuwalya sa buhok ko. Noong umayos ako ng tayo ay nag belat lamang ako sa kanya.

Ngumiti siya. "Bata." Aniya. Asar. Pukpok ko sayo yung sapatos ko eh.

Umupo na ako sa tukador ko. Sumunod naman siya at kinuha ang suklay ko.

"Ako na!"

"Ako na. Parang bago sayo ito." Aniya. Sinuklayan niya iyong kulot kong buhok bago kinuha iyong blower at pinatuyo iyon. Maya maya lang ay naramdaman ko na ang pagbebraid niya sa akin. He made a messy bun and pinned my hair with my floral hair clips.

Nakanguso siya habang nakatingin sa repleksyon ko. Tumayo lang ako at hindi nagpasalamat sa kanya.

"Iniipitan mo rin ba si Allanis?" tanong ko. Lalong tumulis iyong nguso niya. halatang nagpipigil ng ngiti.

"Bakit?" aniya. Kinuha niya ang sapatos ko bago lumuhod sa harapan ko. Damn it. Bigla akong namula habang siya ay nakayuko sa may paanan ko.