حسناء البادية

الجزء 1

انا اسمي حنان عمري 19 ساكنة فالعروبية مع بابا (محمد) و ماما (زهرة) و عندي خويا سميتو (علي) عسكري معايش معانا بحكم العمل ديالو كلمرة تنتقل لمدينة بعض المرات تيمشي لجنوب افريقيا حنا كشوفه غير فالاعياد مهم مسكين مهلي فينا الأب ديالي فلاح عندو أرض تيزرعها أو ماما ربة بيت غير الدار أو انا تنقرا فاليسي فواحد المدرسة كاين فواحد الفيلاج بعيد على دارنا الأب ديالي مبغانيش نكمل قرايتي تقول لي بقاء غير بالدار عاوني ماماك حيت لمرا تقرا حتى تعيا تتزوج فالصراحة هادي غير تيبغي يدير السبة حيت هدا ماشي هو السبب اللي تيخليه يرغمني نحبس دراسة حيت السبب الحقيقي هو الشكل الديالي إلي ديمة مسبب لي مشاكل مكاينش النهار لي منخرج فيه أو ميوقع ولو انا غنوصف ليكم ر اسي (أنا دات بشرة بيضاء كبياض الثلج الشعر بني مايل للاشقر واصل لحد المؤخرة رطب أو قوي لطاي مقادة احسن من العارضات شفايف وردية بدون مكياج أو أكثر شيء ملفت لنظر هي العيون الزرقاء المايلة للون السماء الصافية )هاد الشكل هو سبب تعاستي كيف كنحس بعض المرات حيت ميمكنش نخرج بوحدي منغير الا كانت معايا ماما أو بابا حتى من المدرسة ضروري يديني بابا أو يرجعني .
انا جالسة فالدار انا أو ماما كنجمعو ونطيبو الاكلات اللي كيبغيها خويا أو حبيبي علي غيجي ليوما حيت عيد الاضحى مبقاليه غير يومين مهم وصلات لعشية أو جا علي انا:اهلان البوكوس ديالنا ولله حتى توحشتك اخويا الدار بلا بيك اخوية عنقتو او حلفت منطلقو ماما:واش مغاتخلينيش نسلم على ولدي علي:مي الحبيبة (عنقها أو باسها فراسها )انا:يلاه ندخلو نحيدو من الباب علي :فينهوا الواليد ماما:دابة يدخل اولدي رآه مشا الجامع نوضي احنان سخني لعشا فيما يدخل باك انا:خليني نشبع من خويا رآه يلا ه دخل ماما:نوضي تهز حسن ليك رآه مزال غيكلس معانا علي:نوضي أختي سمعي لهدرة دابة نطلع ليك فراس غير تهناي انا:(نصت لكوزينة أو معاجبنيش لحال يلاه شعلت على طاجن ونا نسمع الباب شي أحد تيدق غير حليت الباب هو يدخل باب بلاما يهدر أو داخل مزروب)بابا:فينهوا ولدي علي:اهلان الواليد (بداو تيتعانقو حتى بكاوني مهم تعشينا مجموعين أو ضحكنا فواحد الجو عاىءلي أو سهرنا كاملين خويا علي تيسول بابا على الفلاحة أو كيف دايرة الامور) بابا:كلشي اولدي حد ساعة مزيان عندي مشكل واحد مكرهتش والدي تقنع ختك تكلص من مدرسة براكة عليها تجلس فالدار تعاون مها انا:(غير سمعت هادشي عيناي غرغرو بالدموع نظت أو خليتهوم حيت أنا ديما رافضة هاد الفكرة )علي:اشغنكوليك الحاج حنان بنت مجتهد تتقرا مزيان أو ديما جايبة نقط عاليين الى حبسناها غنكونو ظلمناها خليها تقرأ معرفتي شينهار تكون شيحاجة أو تعاونك بابا :اولدي انا ماشي مبغيتهاش تقرا رآه غير لمصلحتها ديمة تتوقع لها مشاكل أو الدوار عندنا الناس خاصهوم غير فاش تهدر
علي:بصاح أنا عرفتك شنو بغيتي تقصد ولكن ختي حنان مربية أو ملتزمة أو عارفة اش كدير وخا باقا صغيرة أو زايدون هاد العام عندها الباك انا متأكد ختي غتنجح أو بنقطة مزيانة عطيها فرصة هاد السنة تكملها أو ملي نوصلو لديك لوقت نفكرو فشي حل بابا:انشاءالله اولدي انا متأكد بلي بنتي مجتهد ة غير خفت عليها الجمال ديالها تيفتن مهم دابة غنخليها تكمل حتى لمن اونشوفو اش المعمول أو نوض تنعس اولدي غتكون عيتي علي:هي اللولة الحاج سيرو ترتاحو حتى نتوما تصبحو على خير انا :(جالسة فبيتي كنبكي حيت خايفة لباب يقنع خويا أو يجلسوني فالدار حتى تنسمع الباب ديال البيت تحل هزيت راسي بان لي خويا) علي:هايهاي علا حنونة البكاية نوضي مسحي خنونتك أو أجي نهدرو انا:عفاك اخويا إلا كنتي غتقولي نفس الهدرة ديال بابا غير سير خرج أو خليني نعس علي:مالكي تتسبقي الأحداث واش أنا غنمنع ختي لغزالة من القراية أو هي المجتهدة ديال الدار قربي عندي الفششة يا آخر العنقود متلقيقش الواليد باغي مصلحتك حتا تكبري غتفهميه ا و غتعدريه المهم انا هدرت معاه باش يخليك تقراي اوى قراي مزيان أو فرحيه باش يفتخر بيك فالدوار حتى تاخد الباك ونلقاو شي حل عاوتاني انا:بصح اخويا (طرة عليه بتعنيقة حتى كنت غنجيفو )لها يخطيك عليا خويا انا الحلم ديالي هي نكمل قرايتي أو نبين لبابا بلي حتى لبنت تقدر تحقق نفسها بحال الرجال أو انشاءالله غنحقق الحلم ديالي علي:اوى نوضي نوضي البكاية تنعسي أو براكة من كترة الاحلام اليقظة انا:ياك (ضربت بالمخدة ردها ليا بقينا كنضاربو حتى دانا نعاس)
صبح الصباح أو دوزنا نهار زوين كلشي كان صايم حيت اليوم هو يوم عرفة أو جا نهار العيد كان أحلى حيت داز فجو عائلي دوزنا أيام وأعرة كملات العطلة أو جا نهار اللي غيمشي خويا لخدمتو انا: (كنبكي) خويا والله مكرهت تزيد تبقا معانا علي:هي نبقى بلا خدمة ماما:سير اولدي الله يسهل عليك الراجل خاصو يخدم متديهاش فهاد الحمقة (ماما تتبين راسها قوية ولكن غير تيخرج علي تطلق العناء للبكى بحال ديما اوى الوالدين الله يسمح لينا فحقهوم) مشا علي أو انا رجعت لمدرسة أو الروتين اليومي بابا كيف العادة تيديني او يجبني دازت ايام أو شهور أو موعد الامتحان تيقرب انا بديت لحفاظة بحماس أو أسرار على أساس نجيب أعلى نقط أو نفرح عاءلتي دوزت معظم الأوقات فالمراجعة حتى وصل نهار الإمتحان هاد النهار كنحس به مهم حيت استعديت ليه مزيان فقت صباح فالفجر صليت أو دعيت الله فالسجود باش يسر لي أمري فطرت أو كلي نشاط أو حيوية الشي اللي خلا كلشي يلاحظ مدى تحمسي وصلني بابا لمدرسة داز الامتحان مزيان كيف كنت متوقعة خرجت أو لقيت الأب ديالي كالعادة تيتسناني فرح ملي عرف الأمور دازت على ما يرام المهم دازت ايام الامتحان من بعد ارتاحيت نسبيا في انتظار النتائج
دازت 10 أيام على الإمتحان غدا نتائج غتعلق فالمدرسة أو غتكون هاد العشية فالانترنيت ولكن حنا فالدوار حتى واحد معندو انترنيت غنظطرو نتسناو حتى الغد صبح الصباح أو فقت بكري الخلعة أو مدير ههههه وخا عرفت راسي خدمت ولكن كلشي متوقع مشا معايا هاد المرة بابا أو ماما بجوج حيت ماما مقدرتش تستنانا حتى نرجعو غير وصلنا بنت ليا المدرسة عامرة اكيد حيت اليوم النتائج مع الدخلة تنشوف التلاميذ تيشوفو فية المدير غير شافني المدير :اهلان الآنسة حنان نورتي المدرسة أجي معايا الإدارة انا :الخلعة مفارقاتنيش أو خفت نتحشم فهاد النهار أو المدرسة عامرة ياربي تخرج هاد النهار على خير وصلنا المكتب المدير اللي باين فيه فرحان المدير :تفضلو مرحبا انا جد سعيد أو فخور بيك ابنتي مبروك النجاح انا:واش بصاح أنا نجحت لا ميمكنش آلا كيف الا اه انا خدمت مزيان مع الفرحة معرفت منكول غير تنخربق أو كنشوف فبابا أو ماما الي فرحانين أو تيبكيو معايا بابا:مبروك ابنتي تستاهلي نتي خدمتي ولي خدم ربي مكيخيبوش ماما :الحمد الله يا ربي استجبت لدعوات ديالنا المدير :انا مازال عندي ليكم خبر احسن من هدا بكتير السي محمد بنتك احتلت المرتبة اللولة على صعيد الوطني حصلات على نقطة 19.55هادشي الي خلاني نرحب ببنتكم أو نبارك ليها النجاح أنا :كييييفااااااااش اهىءاهىءاهىءا(أنا صافي بالفرحة كنعنق بابا أو ماما اللي حتا هوما تصدمو أو فرحو ماما تتزغرت بلا متشعر )المدير:المهم ابنتي حنا قررنا أننا غنحضرو حفلة خاصة على شرفك حيت شرفتينا انا:انشاءالله ولكن نشوف بابا شنو غيكول المدير :الآب ديالك مكاينش علاش يعارض حيت الحفلة غيحضرها بزاف ديال الناس الي غيقدمو ليك عروض العمل أو الدراسة بمنحة خاصة نتي غتختاري اللي بغيتي ابنتي انا:كنشوف فبابا بابا:بنتي انا منقدرش نوقف قدام طموحاتك
انا:باست يد بابا انشاءالله أبابا غنخليك مفتخر ببنتك المدير :بنتي غدا متنسايش تجي بكري إلا بغا يجي معاك الاب ديالك مرحبا حيت الحفلة على شرفك جيبي معاك اللي بغيتي انا:اشاءالله المدير:يالله بسلامة ابنتي حتى الغد انا:انشاءالله (مشينا لدار فالطريق كلشي تيبارك لينا حتى ليمكنعرفوش وصلنا لدار اكاع عيالات الدوار جاو يباركو لينا هادو هوما ناس البادية انا غير كنضحك أو فرحنا بلا قياس داز النهار كلو نشاط الناس داخلة خارجة حتى وصل الليل بغينا نتعشاو كنشوف فبابا تبيان ليا ساكت أو سارح فالتفكير انا:بابا ياكما عيان مالك معجبتينيش بابا:لا ابنتي غير كنفكر فشي حوايج انا :فاش بابا:دابا ابنتي إلا مزال غتكملي قرايتك يعني غتبعدي علينا انا :بقيت ساكتة كاع مطاح فبالي هادشي اه واقيلة ولكن بابا:بنتي مبغيتكش تقلقي ولكن منقدرش تبعدي علينا انا:معرفت منقول ليك أبابا حتى انا منقدرش نبعد عليكم سمعت بورطابل ديال بابا تيصوني بابا:ألو اه ولدي علي اوا مالك من كبيلة تنصونيو عليك بغينا نغوليك رآه (يلاه بغا يهدر هو يقول ليه بلي عرفني نجحت)شكون قالها ليك علي :واش ممخدمينش التلفازة رآه شفتها فالاخبار ديال 2m بابا:والله أولدي مشفنا شي حاجة رآه لانطير خاصر شي يومين هادي علي:دوز لي حنان نبارك لها انا:الو علي :مبرررررررررووووووووك الآلة تستاهلي انا:فين الكاظو علي:هههه من حقك طلبي انا:الكاظو اللي بغيت هو
هو تاخد كونجي أو غدا تكون هنا حيت دارين حفلة على شرفي علي:انا غنحاول اختي ندير اللي فجهدي باش نجي انا:انشاءالله يلاه بسلامة ماما:يلاه دوزو تعشاو هاد النهار عيينة بزاف أو غدا غتمشي لمدرسة بابا :وخا حنان الموضوع اللي هدرا فيه حتى لغدا ونقشوه مع خوك انا:انشاءالله أبابا
صبح الصباح انا مزال بلاصتي كنسمع دقان فالباب نقزت شكون غيجي فهاد الصباح حلات ماما انا خرجت نبركك بأن لي علي انا:جيتييييييي 😀علي اوا شحال من حنان عندنا من غيرك انا:قلت محال تجي (بقينا تنهدرو انا و على عاودت كلشي علا لبارح فرح مسكين فطرنا أو وجدنا رسنا نمشيو لحفلة انا لبست سايا طويلة فالكحل أو قميجة بيضة أو جاكيت قصير أو فولار فالبيض تلقيت مع علي قالي مزال دوقك عيان فالبس ولكن احسن باش حتى واحد ميهدر معاك انا:هدشي لي تنعرف 😑 مهم وصلنا لمدرسة الحفلة كانت فواحد القاعة خاصة عجبني لحال يلاه جينا ندخلو جرني علي بلاتي نهدر معاك انا:مالك بابا:ولدي الناس تتسنانا علي :غير دخلو نتوما واحد شوية غنلحقو عليكم بابا:يلاه سربيو علي :أجي دخلي هاد القاعة راها خاوية باش نهدرو انا:واخا يلا ه هدر مالك خلعتيني ياكما منجحتش علي:سوكتي الحمقة انا جبت ليك معايا شي حاجة بغيتك ديريها انا:شنو هي (علي جبد واحد لبواطة بيضة صغيرة حلها وانا نغوت اويلي عينين ديال منهادو)علي :سكتي الحمقة غتشوهينا هادو العدسات فاللون الكحل ديريهوم لعينك باش حتى واحد ميتبسل عليك هادوك العينين عندك تيفتنو انا خفت عليك ليديروليك شي مشكيل أنا :اوى لعجب هدا يلاه سايبهوم ليا قبل منعور راسي ههههه علي:ديريها الحمقة (علي قاد ليا هاد لعجب حيت اول مرة نشوف بحال هادشي ودخلنا )بابا:مالكوم فين مشيتو شاف حنان مال عينيك هكا علي:من بعد نشرح ليك بابا:قولي أشد رتي للبنت علي :ههههه مدرت ليها والو حتى نرجعو لدار أو نكوليك
جلسنا انا أو بابا و علي ناض المدير تيهدر كيعطي لكلمة ديالو المدير و رحب بجميع الناس اللي متواجدة فالقاعة انا شفت شي وجوه عمرني شفتهوم باينا عليهم لباس عليهم شوية كنسمع سميتي حنان الشافعي تفضلي ابنتي أنا مقدرتش نوض ميمكنش نهدر قدام كاع هاد الجمهور اللي هنا عاودو عيطو علي وانا تكوانسيت بابا:منوياش تنوضي أنا :بابا يلاه معايا بابا :واش أنا لي نجحت ههههه نوضي قراي شوية القرآن و عبري على داكشي اللي حسيتي بيه انا غير وقفت كنشوف كاع الأنظار موجها ليا والحاجة اللي متوقعتهاش هي الصحافة اه يا ربي اش داني المدير :تفضلي ابنتي باش تعطي الكلمة و تسلمي شهادة الباكالوريا ديالك انا واخا غير وصلت وليت حمرة بالخجل مع أنا بيضة بنت بحال مطيشة تفكرت هدرت بابا قريت آية الكرسي رتحيت شوية أو عطيت الكلمة ديالي اللي هي توجه شكر خاص للمؤسسة و الأساتذة بشكل عام و بابا و ماما بشكل خاص و عبرت على مدى الفرحة ديالي بالنجاح بأول نقطة على الصعيد الوطني ملي ساليت اعطاني المدير الشهادة و أنا كنحس به مفتخر بية قدام هاد الحشد من الناس شوية وليت كنتلقى التهاني من الناس الحاضرة فالحفل و المدير عرفني على بعض رجال الأعمال اللي جاو على قبلي باش يقدمو لي عروض فالشركات الخاصة واخا مزال تابعني مسار دراسي فهاد اللحظة تقدم لي رجل كبير فالسن غتكون عندو ما يقارب 50 عرض علي العمل فالشركة الخاصة ديالو مباشرة بعد إنهاء الدراسة و قالي بلي غيتكلف بالمنحة الدراسية ديالي حتى نسالي انا بطبيعة الحال معرفت منقول ليه هنا تدخل خويا علي اللي قال ليه يخلينا نتشاورو مع بعضنا و نجاوبوه داكشي اللي درنة انا:خويا انا مكرهتش نكمل قرايتي ولكن منقدرش نبعد على بابا و ماما علي :هههه مسطية واش الناس تيمناو هاد الفرص ونتي تتخربقي و شكون قاليك غتبعدي عليهم صبري صبري
انا :اوى اش غندير علي :بلاتي نهدر مع الحاج بابا :مالكوم اولدي بنتو ليا دايخيين ياك لباس علي شرح لباه شنو كاين بابا:ولدي هادشي هو لي خفت منو و منشحال هادي هاز الهم علي :انا عندي واحد الاقتراح خليوني حتى نكمل و هدرو انا غنتكلم مع هاد السيد غنشوف المدينة فين عندو الشركة غنشريو دار تماك أو غنرحلو ليها أو هكا غتكون قريب لبنتك بابا:لا لالا انا منبعدش على الدوار علي :شكون قاليك بعد ملي توحشو سير ليه بابا :ولدي انا إلى سمعتو كلامي حنان قرات خدات الباك الله يجعل الباركة انا:غير سمعت هاد الهدرة عينيا غرغرو بالدموع بابا:بنتي مكاين لاش تبكي انا خايف عليك معنديش مشكل لرحلت ولكن رآه الوقت خيابت أنا :اللي بغيتي أبابا كلامك هو لكبير هبطت راسي لأرض و دموعي مبغاوش يحبسو هنا سمعنا واحد الصوت اه هو نفس الرجل اللي قدم لنا العرض السيد:سمحو ليا إلى تدخلت انا سمعت الهدرة اللي دارت بيناتكوم ولكين كنتمنى منتقلقوش بابا:مكاينش بأس اسيدي السيد:من هدرتكوم تتبانو ناس طيبين خايفين على بنتكوم و عندكم الحق و مشا الله بنتكم تتبان مربية حيت مبقاوش لولاد اللي تيتخلاو على احلامهم على قبل والديهم و إلى سمحتو انا عندي واحد الاقتراح انا نقدر نعاونكوم ونسهلها عليكم علي:تفضل السيد:انا غنقدم ليكم نفسي إسمي عمر الوزاني صاحب مجموعات الشركات الخاصة بالانشاءات و البناء بالدار البيضاء شركتنا محتاجة لبزاف ديال مهندسين ذوي مهارات عالية حيت دبة عطا الله المهندسيين ولكن قليل إللي عندو مهارات عالية هادشي علاش انا متأكد بلي بنتكوم عندها هاد الميزة الاقتراح ديالي لكم هو غنوفر لبنتكم شقة تسكن فيها طيلة مدة التكوين الديالها و غنقدم لها منحة دراسية بشرط ملي تكمل تخدم معانا بابا:الصمت علي:فالصراحة مكاين محسن منها العرض شنو بأن ليك الحاج بابا:انا غنوافق بشرط منفرقش بنتي نمشيو معاها انا و مها السيد عمر :اكيد مكاين مشكل انا:بتسمت حتى ضروس بانو علي:اوى دابا عاد غنكونو تهنينا الحمد لله بابا:اه اولدي المهم السي عمر كنشكرك4 حيت حليت لينا المشكل عمر:انا فرحان حيت انسة بحال حنان غتخدم فشركتي المهم انا دابا غنخليك هاهيا لكارت فيزيت ديالي ملي توصل الوقت الي غتبدا انسة حنان الدراسة كلموني نوجد الاجراءات اللازمة و الشقة بابا:شكرا مرة خرى السي عمر علي :اوى يلاه نمشيو لدار خرجنا من المدرسة بابا:علي سيرو نتوما لدار انا عندي شي غرض فالفيلاج علي :اه سير حتى حنا غندوزو لسيبير نحطو طلب التسجيل عبر الإنترنيت لشي مدرسة ديال الهندسة بالدارالبيضاء بابا:واخا سيرو علي:زيدي يا الهبيلة عندك الزهر تيهرس لحجر انا:بصاح منقدرش نوصف ليك الفرحة ديالي