حسناء البادية

الجزء 3

كوتر:(محملاش راسها من الموقف اللي تحطت فيه الجملة اللي قال السي عمر غير غتزيد فالحقد لحنان) يلاه تفضلي انا:يلاه (بدينا التعرف على اركان الشركة و عرفاتني كوتر على الموظفين كلشي كان رائع الحاجة الوحيدة الي زعجاتني هي نظرات ديال بعض الذكور الشيء اللي عصب حتى كوتر حيت لاحظت وحيت مكتبغيش شي وحدة تكون حسن منها نوصف لكم هاد كوتر بنت زوينة غتكون عندها ما يقارب 27 سنة لاطاي زوينة الشعر زعر ولكن هادشي باين غير صباغة ولا ديباجة ههه لباس فاضح صدرها مبقاليه والو ويخرج يتسارا فكراتني غير فواحد الكلبة عندنا فالدوار بزازلها مدليين و ولادها تابعينها يرضعو ههه اوى سالينا الدوران فالشركة حتى طابو ليا الرجلين بدينا مع 8 مسالينا حتى لوقت لغدا جا الوقت اللي غنرجع فيه لدار ودعت لي مجوبتنيش يلاه كنت غنخرج وأنا نسمع واحد الصوت تيعيط ليا اه مليكة )مليكة :حنان فين غادا تسناي بلاتي نتغداو انا:فالصراحة مشا لحال خاصني نرجع لدار مليكة :أجي تغداي معايا و سيري انا:يلاه غير سربي مليكة :واش عندك شي غراض انا:لا غير هادي اول مرة نمشي لشي بلاصة بوحدي بغيت غير وقتاش نرجع لدار مليكة :ههه واخا أجي تغداي و غنهدر مع الشفور ديال الشركة يوصلك انا:واخا ( مشينا انا و مليكة نتغداو فواحد المطعم صغير داخل الشركة لقناه عامر بالموظفين )مليكة :جلسي انا غنجيب ليا ولك انا:غير متعطليش
بقيت جالسة بوحدي ومرتحيتش حيت الأنظار موجهة ليا كانت حتى كوتر لي تتفترسني بالنظرات ديالها حسيت بها ناوية على شي حاجة بقيت حانية راسي شوية كنسمع كوتر تهدر بطريقة مستفزة بغا تحرجني قدام الموظفين كوتر : الإخوان الله يخليكوم بغيتكم تسمعو لي واحد الدقيقة بلا شك تعرفتو على السطاجيرة جديدة ديالنا قالت ليك بغات تكون الرئيسة ديالي ونسمع لكلامها ونحترمها ههههه بانت ليا مزال معرفت شكون هي كوتر فهاد الشركة هه شوفي احبيبة شحال من وحدة دازت بلاصتك مخليتش لها فرصة واكيد نوبتك جايا هههههه انا؛:الصمت كوتر :مسكينة تزيزنات هه بغيت غير نسوللك الغزالة شكون هو الدكتور ديالك انا:كفاش كوتر :اللي عامللك التجميل ياكما بغيتي تقولي انا جمالي طبيعي هههههه غير هدري احبيبة كلشي هنا عارف بلي مبقاش الدوريجين (كلشي بقا تيضحك )انا: (بغيت نخرج هي تجي مليكة )مليكة؛: جلسي احنان معندك فين تمشي أصلان اللي خاصو يغبر هيا هاد الخيبوعة كوتر :هايهاي على لماما مليكة خدماتك مدافع مليكة:يا إما غتفوتي عليك البنت يا أما غندير بك شكاية يلاه تلاحي تيسحاب ليك كاع الناس بحالك عاطينها لزواق و الديكباج المزوق من برى اش خبارك من الداخل (كلشي بقا يضحك عليها )كوتر: عقلي اللا مليكة مزيان على هادشي مليكة:اللي فجهدك ديريه انا:سمحي ليا امليكة ولكن منقدرش نزيد تانية هنا مليكة :اللي بغيتي ابنتي انا غنوصي الشيفور يوصلك انا:براك الله فيك
غير وصلت لدار لقيت بابا حدا الباب غادي جاي انا:بابا مالك بابا:بالي مشطون عليك ابنتي من خرجتي من الدار انا:صافي أنا جيت ماما:كدوزتي هاد النهار انا:مزيان اليوم تعرفت على الشركة و الموظفين غدا غنبدى (مبغيتش نعود لهم على لي وقع حيت محال يخليوني نرجع )انا:كاين شي غدا ماما:دخلي لكزينة انا:واخا (تغديت وبدلت حوايجي و صلييت و نعست الغد ليه وجدت راسي و قررت منجاوب حتى واحد واخا يقول اللي بغا لبست سروال اسود و شوميزة فالبلوغوا طويلة حد الركبة فها حزام فالكري شال فالكري و العدسات بحال العادة فيما تلبسهم كنتفكر خويا علي هزيت صاكي وودعت بابا و ماما وقلت لهم ميتقلقوش علية غير نسالي غنرجع هبطت لقيت الطرنسبور ديال الخدمة مشيت معاهم و تلقيت مع مليكة هضرنا شوية من بعد غير وصلنا لشركة كل واحد مشا لخدمتو و أنا مشيت عند كوتر باش تعطيني المهام ديالي دخلتني لواحد المكتب و تتجمع ليا كاع الدواسا نخدمهوم بغات تنتاقم مني ولكن مقلت لها والو حيت كنرتاح فالخدمة و اصلا مدة 6 أشهر قليلة غدوز بحال البرق و غنرد فها كلشي هي تيصحاب لها تتحكم فيا ولكن مزال غندمها على كلشي دوزت أيام السطاج فالشركة وكملت المدة و جا النهار اللي خاصني نرجع للمعهد باش ناخد الدبلوم فقت الصباح لبست كسوة حجابية طويلة بالاسود و لافيزت فاللون الأبيض و والو أسود سباط ابيض وعدسات وخرجت متجهة للمعهد رفقة بابا غير وصلنا مشينا مباشرة الإدارة خديت الدبلوم كالعادة أنا اللولة فالمعهد بابا:الحمدلله بنتي غنتهناو من هاد المعهد و طوبيسات و البسالة ديال الدراري دابا غتبقى تمشي بالطرنسبور ديال الخدمة غيديك و يرجعك أنا :اه أبابا كون هاني دابا انشاءالله قريب نرتاحو (حنان كظن بلي المعانات ديالها سالات حيت حصلات على خدمة و غتعيش مع عائلتها بسعادة ولكن للأسف القدر مخبي لها حوايج أخرى حيت دابا عاد غتبدا المعاناة الحقيقية)
رجعنا لدار و حنا فرحانين أول حاجة هي اتصلت بالسي عمر من تلفون بابا انا:الو السلام عليكم السي عمر انا معاك حنان السي عمر:اه عرفتك ابنتي مبرووك التخرج انا:الله يبارك فيك هادشي فاش بغيت نهدر معاك غدا غنجي لشركة نبدا الخدمة السي عمر:انشاءالله انا:بسلامة
الغد ليه فقت صليت و فطرت وأنا جد نشيطة متشوقة ومتحمسة للعمل ديالي حيت متأكد بلي مغنخيبش السي عمر غنعطي كل ما عندي لبست كسوة طويلة تركية افازي فاللون الأزرق ملكي فولار و فولار أسود مع بوني أزرق و صباط أسود جيت بحال التركيات ودعت بابا و ماما اللي شبعوني دعوات الله يخليهوم ليا ركبت طوبيس كلشي تيشوف فيا حيت أول مرة تيشوفوني بشكل رسمي وهازا راسي سلمت على مليكة و جلست حداها حسات بيا تبدلت عليها مليكة :تتباني هاد النهار فشكل اتا:كيفاش مليكة : تتباني واتقة من راسك انا: حيت اليوم مهم بزاف فحياتي تعبت بزاف باش نوصل ليه و غنبرهن لناس اللي تاقو فيا بلي التقة ديالهم فيا كانت فمحلها مليكة:مزيان هاكا نبغيك (وصلنا لخدمة لقيتهوم موجودين ليا المكتب ديالي الخاص كان كبير و مختلف بزاف على اللي كنت تنسطاجي فيه جلست كنحقق سمعت شي حد كيدق )اتا:تفضل (كان السي عمر وقفت و سلمت عليه)السي عمر:انسة حنان ليوم اول نهار ليك فالعمل مرحبا بك انا: شكرا انشاءالله غنكون عند حسن الظن ديالك السي عمر:انا مشاكش فهادشي يلاه بالتوفيق من هنا لوحد شوية غنسيفط ليك كوتر تعطيك واحد الملف خاص بواحد المشروع بناء فندق بغيتك تراقبيه و تشوفي واش ناقصة شي حاجة من هنا ساعتين عندنا اجتماع مع الناس إلي غنعقد معاهم الصفقة الخاصة بالمشروع حيت إلى عجبهم غنستافدو منها انا: واخا اشاءالله غيكون خير (مشا السي عمر شوية جات كوتر وهي تتعوج دخلات مدرمة بحال داخلة لكوري)انا:خرجي كوتر :شناهي انا:غتخرجي و غتدقي الباب حتى نعطيك الاذن عاد غدخلي كوتر:ههه ضحكتيني انا:(غوت حتى سمعوني كاع الموظفين تيطلو و كوتر تخلعات هي تخرج دقات الباب عاد خليتها دخل حطت الملف و هي محملاش راسها )انا:بشوية و المرة جاية دقي الباب عاد دخلي كوتر: انا :يلاه بسلامة تقدري تمشي (مشات كوتر بعدما فقصتها شوية ههه ولكن هي اللي بدات بقيت مركزة مع هاد المشروع وزدت عليه إضافات و نقصت شي حوايج لا علاقة حتى جا وقت الاجتماع)
(مشيت لقاعة الاجتماع ملقيت حد انا اللولة ههه الحماس و ميدير شوية دخل السي عمر مع شي رجال باينيين اجنبي اكيد هما الناس ديال الصفقة قدمني لهم السي عمر و قالي نوقف نشرح لهم العرض داكشي لي كان شرح لهم مزيان كان الاجتماع باللغة الإنجليزية مع أنا تنتقنها مكانش عندي مشكل الأجانب عجبهم المشروع خصوصا الإضافات اللي زدت الشي اللي خلا السي عمر هاز رأس و مفتخر بيا قدام الأجانب وهما بدورهم عبرو على مدى الإعجاب بالطريقة الهندسية يعني إلى كان هادشي كامل لي قلت لهم اكيد الفندق غيكون رائع فالنهاية تعقدت الصفقة بين الأطراف ومشاو الأجانب فرحانين )
السي عمر:حمرتي ليا وجهي تبارك الله عليك انا: هدي خدمتي كنحرس يكون كلشي متقون السي عمر: مهم انا دابا عندي ليك واحد الخبار ولكن بغيت نعلن عليه أمام جميع الموظفين انا:اوك السي عمر: كوتر بغيتك تقولي لجميع الموظفين 5 دقايق كلشي يكون فقاعة الاجتماع كوتر :اوك اتا:(مستغربة و راسي ضرني بغيت غير نعرف اش غيقول لينا تجمعو الموظفين كلشي جالس تيتسناو السي عمر يهدر)السيعمر:انا كنشوف فوجهكوم علامات الاستفهام كلشي ملتهف باش يعرف السبب اللي خلاني نجمعكم المهم غندخل فالموضوع غدا انشاءالله مغنبقاش انا هو المدير ديال الشركة انا قررت نخلي ولدي هو اللي يتولى المهام هو خريج معهد الهندسة بأمريكا أغلبية ديالكوم تتعرفوه آدم الوزاني مشا هادي سنتين لبعض الأسباب شخصية اليوم غيرجع من أمريكا و غدا انشاءالله غيبدا العمل كنتمنى منكم العمل يبقى بحال إلى انا موجود انا:(تبيان ليا كلشي تصدم معرفتش السبب و بعض لبنات بغاو يطيرو بالفرحة منهم كوتر انا بوحدي جاني هادشي عادي السيد غيمشي غيجي ولدو بلاصتي بغيت غير نعرف مال هادو ) السي عمر:يمكن لكم دابا تفضلو (كلشي خارج حبسات ليا كوتر فالطريق )كوتر :نتلقاو غدا الغزالة دابا نشوفو هاد الجرأة ديالك فين غيوصلك جا اللي غيحبسك عند حد (غمزاتني و مشات) أنا :😑
دوزت النهار اللول مزيان رجعت لدار باب:بنتي تتباني عيان كدوزتي هاد النهار انا:مزيان (عاودت ليه على الصفقة فرح )بابا:انا عارف بنتي علاش قادة سيري ترتاحو ماما:تاكل بعدا شيحاجة مبقاتش تتاكل مزيان انا:بغيت غير نتكى شوية و نكول من بعد لعشية غير حطيت راسي مفقت حتى لصباح فقت مخلوعة قفرتها مشا الحال نضت بدلت بزربة لبست كسوة طويلة سامبل فالغوز بارد و لافيزت كحلة و فولار فنفس لون الكسوة سباط كحل و خرجت بلا فطور غير وصلت بانت ليا الشركة كلشي خدام دخلت المكتب ديالي جات عندي كوتر كوتر : مرحبا بلا حنان عاد وصلتي الزين كنتي تبقاي شوية انا:حانية راسي خرجي و سدي الباب كوتر:ههههههه مسكينة و جمعي راسك لبارح سكت ليك ولكن اليوم جا اللي غيورييك مزيان انا:اش تتقصدي كوتر:تكلمي لسي آدم انا:شكون آدم كوتر:خخخخخخ تتريكلي علية ولد السي عمر والمدير الجديد انا:اوك خرجي شوية غنمشي لعندو واحد 5 دقايق غير نصلي مفقتش بكري و مصليتش الفجر كوتر :ههه دايرة فها مؤمنة خخخ (لقاتها سبة ومشات تقولها لآدم دقات على مكتب ديال آدم )ادم:تفضل كوتر:السي آدم انا كلمت الآنسة حنان قالت ليك تسناها واحد 5 دقايق تصلي وتجي(تقولها و تتعوج عليه محنة هه) آدم :كييييفااااااااش كوتر :هادشي لقالت ليا آدم :سيري لشغلك انا غنمشي نوريها تيصحاب لها عندي مسجد هنا كوتر:اوك (خرجت و هي بغات طير من الفرحة وآدم مشا عند حنان دخل لقاها ساجدة و عاطياه بالظهر بقا واقف تيتسناها تسالي يلاه بغات تسلم جاه اتصال و خرج من الشركة وهي كملات دارت ملقات حد)
خرجت و أنا غادة متاجها لمكتب السي آدم دقيت مجوبني حد حليت الباب مكان حد ورجعت للمكتب نخدم دوزت النهار كلو فالخدمة حتى لغدا متغديتش جات عندي كوتر كوتر: عندك الزهر فلتي منها اليوم ولكن انا ونتي والزمن طويل انا:واش معندك شغل كوتر:اللا مغنتهنا حتى ندمك على نهار اللي حطيت فيه رجلك فهاد الشركة أنا :الله يستر والله يرد بيك كوتر:بنت ليك ممستوراش انا:مستوووورة هههه (مشيت وخليتها تتقلى غير بوحدها وصلت لدار رتحيت وتفكرت خويا علي شحال هادي مدرت معاه خديت التلفون ديال بابا نهدر معاه )انا:الو اهلان الحبيب ديالي علي:اهلان الحمقة لاباس عليك انا:مزيان توحشتك واش منويش تجي طل علينا علي:غنجي غدا انشاءالله انا:بصاح علي :اه بغيت ندوز معاكم الويكاند ونرجع حيت غنمشيو لجنوب إفريقيا لمدة 3 أشهر انا:مزيان أجي جلس معانا شوية قبل متغبر عاوتاني علي:انشاءالله اتا:يلاه بسلامة حتى الغدا (كملت الهدرة مع علي و جلست مع بابا و ماما شحال هادي مجلست معاهم دوزنا لعشية مع بعضنا تعشينا و ونعسنا)
صبح الصباح كان السبت اليوم مكاينش الخدمة وجا علي قررنا انا وياه نتساراو حيت مليت من الروتين اليومي و غنغتنم الفرصة محد كاين علي انا:علي فين غتديني علي :أي بلاصة من غير ريسطو ههه مزال عاقلة انا:(تفكرت داك الشخص اللي بهدلني وبقيت ساكتة ليه معرفتش علاش مرة مرة كيطيح فبالي فالصراحة معمري شفت شي مغرور بحالو )علي:فين سهيتي اتا:والو انا معاك علي :ياكما تقلقتي حيت فكرتك بداك خاينة انا:لا أصلا خويت راسي منو علي:اوى هكاك انا:عرفتي فين بغيت نمشي لبحر معمري مشيت ليه علي :اوك نمشيو ليه نتمشاو حداه وندوزو نصليو فالمسجد الحسن التاني انا:ياس احسن حاجة علي :زيدي قدامي (كنت لابسة سروال فالباج ومونطو أسود طويل حد الركبة وفولار باج وصباط كحل )علي:مزال تتلبسي العدسات انا:فالصراحة مبقيتش تنبغي نخرج بلا بهم علي :مزيان (مشينا حد لبحر وبقنا تنتمشاو وانا شفت غزل لبنات رغبت علي يشريها لية)علي:تسنايني هنا انا نشرها ونجي انا:يلاه سير (بقيت تنتسنى علي بان لي واحد الكرسي بغيت نمشي نجلس بقيت غادة حتى كنحس بشي واحد دخل فيا وطحت هزيت راسي )انا: ( والله حتى هو نفس الشخص )الشخص :أنتي واش عورة مكتشوفيش انا:الصمت 😶الشخص :اه نسيت نتي زيزونة ايلا مكنتيش تتهدري عل أقل حل ديك العينين عندك اللي كبار بلا فايدة بحال البقرة غير مدرمة انا: (مشا و خلاني مزالا طايحا فبلاصتي بغيت غير نعرف مال هاد اللسان عندي تيتقال ملي تنبغي نهدر معاه ورد عليه ونشبعو حتى أنا هدرة
( جا علي لقاني منشورة مات علية بالضحك ) علي :مالكي منشورة بغا تسجدي هههه رآه مزال موصلنا لمسجد انا: (عاد تحل ليا الفم ورديت غدايدي فيه بحال هو السبب )علي:مالكي ههه (حابس الضحكة غير بزز)انا:مكتشوفيش راني طحت عاوني نوقف علي :مالكي مشداش التوازن أنا: علي:صافي صافي بلا تخنزير أري يدك (نوضني و عطاني غزل لبنات)انا:مبقيتش باغاه علي:وصافي (عنقني وبقى تطلب السماحة مسكين تيصحاب ليه هو اللي قلقني )انا:يلاه أرى علي :ههههه وباز (بقينا غاديين وتنضحكو حتى وصلنا المسجد صلينا ورجعنا لدار )
(نمشيو عند الشخص اللي طيح حنان جالس فكافي مع صاحبو تيعاود ليه ) الشخص :شفتها عاوتاني بدر (صديق الشخص ):ياكما ديك الملاك دياللك كيف مسميها ههه الشخص:اه هي بدر:هدرتي معاها الشخص :اه بدر :اوى مزيان هي عبرت على داكشي اللي تحس جهتها الشخص :لا طيحتها و شبعتها معيور كنت تندير الرياضة جنب لبحر ودخلت فها وعايرتها بدر :واش اصاحبي كنتي تتقول ليا بغيت غير نشوفها واخا من بعيد ودابا بهدلتيها الشخص:اش بغيتيني ندير أنا مكنتحكمش فاعصابي بكترة متوحشة غير شوفة فها معرفة منقول بقات ساكتة وتتشوف فيا وعينها مغرغريين بالدموع بغيت نطلب منها السماحة ونعاونها توقف ولكن معرفتش مالي حتى مشيت ورجعت نهدر معاها ونطلب السماحة لقيتها معنقها راجلها نفس الشخص اللي شفتو معاها اول مرة شفتو وشاري لها غزل لبنات صافي قررت نتراجع بدر:احسن حاجة تسناها ومتبقاش تفكر فيها هي مزوجة غتكون سعيدة بحياتها مع الزوج ديالها الشخص :انشاءالله هادا هو الحل