حسناء البادية

الجزء 28

(تنشكر سفيان وهو مركز فالسياقة، معرفتش سفيان منين خرج لينا قدامنا هو والعم احمد، خليناه مورانا ودابة ها هو قدامنا، سفيان شد لفران حتا تحكو الروايض فالشانطي .بغا يرجع بالخلف ولكن حاصراتنا سيارة خرى من الخلف بقينا وسطهم، )سفيان :نزلي انا:ولكن سفيان :تقي فيا ومتخافيش انا معاك، خاسنا نهرب وبرجلينا (نزلنا، شد ليا سفيان يدي وعطيناها لجرى مرة أخرى وبدر من مورانا تيضحك )بدر:ههه وشحال قدكم سفيان :نور غير متسمعيش كلامهم وجري بالجهد لي عندك رآه معندنا حتا شي حل آخر انا:اوكي (تنجري بكل طاقتي، وسفيان مسكين قابط يدي بإحكام ،بدر والرجال لي معاه تابعينا والعم احمد بقا واقف حدا السيارات. )سفيان: غير صبري انا:(تنجري وهما تيزيد يقربو منا ،واحد اللحظة عكلاتني واحد الحجرة وطحت على كرشي، وبقيت تنتالم )سفيان:وقفي انا: منقدرش كرشي تنتالم بزااف، سفيان :راه قربو لينا انا:اهىءاهىء منقدرش (تفكرت ولدي لي فكرشي مع هاد الهم نسيتو ) انا:ولدي اهىءاهىءاهىء سفيان:شنو واش نتي حاملة انا:اه مغنقدرش نكمل سفيان :على قبل ولدك انا:(تفكرت كلام آدم وعلي وماما ،وقفت بصعوبة ،خديت نفس عميق قررت منتنازلش و نصبر على قبل ولدي، عطيناها لجري مرة أخرى ،وبدر تيغوت من مورانا وولى قريب بزاف )بدر:سفيان حبس انا:(دورت وجهي شفت فيه وانا ونوقف كان هاز سلاح ومصوبو اتجاه خوه ،سفيان شافو ولكن مبغاش يحبس بقا تيجري وانا وقفت، شافني رجع لعندي وتيجرني )سفيان:نوووور يلاه انا:لا غيقتلك غيقتلك هو هاز السلاح سفيان:مغيوقع والو انا:لا هو غيديرها (بقا سفيان تيحاول معاية حتا وصل لينا بدر ،تيضحك والابتسامة على وجهو )سفيان : هه والله حتا ضحكتوني واش ظنيتو نيت غتقدرو تهربو ،(دارو بينا رجال )سفيان :بدر هدر معاية انا وفوت علييك نور بدر: غتزيد كلمة خرى غنفركع ليك داك الراس انا: نتا ماشي إنسان ،عل أقل هو خوك من دمك ولحمك بدر:انا ملي تندير عيني على شي حاجة متنعرف لا أخ ولا آب ولا والوووووو فهمتي (شدني من يدي وجارني لجهة السيارة ،بغا يمنعو سفيان ضربو واحد من الرجال للكرش وشدوه حتا هو وغادي ين به ،وصلنا حدا العم أحمد دار واحد الضحكة ديال السخرية، قرب لعندي وهز يدو حتا لسما وصرفقني ،)بدر:جدي آخر مرة تحط عليها يديك فهمتي العم أحمد : عاود شنو قلتي ياك اتفقنا ننتاقمو منها بدر:اه ولكن متافقناش تضربها، انا غنعاقبها بطريقتي ومنبغي حتا واحد يحط عليها يدو العم أحمد :لا اولدي سمحيليا ولكن انا بدلت رأي وغنقتلها حيت بمجرد النظر فيها تيفكرني فالشوهة لي حطاتنا فيها هيا ومها بدر:(هز السلاح وصوبو لجدو )العم أحمد :واش على قبل هاد المسخة وصلات بيك الحقارة تهز السلاح على جدك، هيا عرفات كيف تلعب بك بدر:انا متنعرف حد انا تنعرف شخص واحد هي حنان وغنتزوج بها ولي قرب منها يودع حياتو .
بدر:انا متنعرف حد من غير حنان ولي قرب منها غير يودع حياتو العم أحمد :هههه ضحكتيني اولدي انا وريتك الطريق ودابة قلبتي علية ولكن متحلمش بزااف (شاف فرجالو لي شادين سفيان غير بنظرة منو فهموه وصوبو أسلحتهم لحنان )العم أحمد :شفتي كيفاش تيتقلب السحر على الساحر ،غير بإشارة مني ودع هاد البرهوشة لي منوضة الفتنة بين الناس بدر:😡😠 سفيان:جدي اش هادشي تدير العم أحمد :نتا سكت حسابك معاية هو الآخر ،بغيت غير نعرف شنو دارت لعقلكم هاد المسخة انا: (ساكتة وتنشوف فيهم تيحددو مصيري ومقادرة ندير والو والألم مزال تنحس به ) العم أحمد :(قرب لعندي وهز السلاح وصوبو لراسي ) تمناي آخر أمنية ليك باش تلتاحقي بالاب ديالك انا:(سديت عيني، وسلمت أمري لله،بقيت تنردد الشهادة فنفسي، واحد اللحظة سمعت صوت الطلقات النارية، فتحت عيني بانو ليا الرجال لي كانو شاديين بدر طايحين وغارقيين فدمايتهم ،بدر والعم احمد تخباو مور السيارة وكل واحد فيهم تيسب الآخر مبقيت فاهمة والو، )سفيان :نور تخباي انا: شنو واقع سفيان :تنظن شي حد من الأعداء ديال جدي انا:هادشي لي كان ناقصنا سفيان :تحناي (نزلنا للأرض وتنحاول نشوف، شكون لي تهجم علينا من الجهة لخرى )سفيان :متبقايش طلي يقدرو يضربوك انا:(هبطت راسي وبقيت لاصقة فسفيان حتا سمعت صوت لي زعزعني كان صوت منقدي وحبيبي آدم كان تينادي بسميتي رفعت راسي بمجرد ملمحتو نسيت كاع داكشي لي دار ليا عطيتها لجري فاتجاهو وكان معاه حتا علي وشي ولد آخر معرفتوش ولكن لي منحوس منحوس ،جرني العم أحمد وشدني من عنقي وصوب السلاح لراسي مرة أخرى قبل منوصل ليهم )العم أحمد :فين غادة اللالة انا مزال مكملت حسابي معاك انا:اهىءاهىء ادم :(تيغوت وتيقرب جهتنا ) حنان متخافيش العم أحمد :رجع بلاصتك ولا غنخوي كاع الرصاصات فراسها ادم:والله وتمسها حتا ندمك، طلقها وواجهني انا علي:آدم تهدن رآه يقدر يقتلها خلينا نفكرو العم أحمد :كون تسمع الهدرة (مكملش لهدرة تلاح عليه بدر من الخلف حيد ليه السلاح وضربو حتا طاح للأرض، شدني من يدي بالقوة وغادي بيا فاتجاه السيارة وليت بحال شي مونيكة بيناتهم )
بدر: زيدي قدامي انا:اهىءاهىءاهىء خليني الله يخليك بدر:باش ترجعي عند داك الشماتة والله لكنتي ليه غير زيدي قدامي انا:(زدت فالبكا ،ووقف قدامنا سفيان ) بدر:سفيان حيد من الطريق،قبل منغلط فيك وراك عارفني مزيان سفيان:بدر غير سمعني، نور راها مزوجة أنا عارفك تتبغيها ولكن هيا رآه فملك راجل آخر إيلا كنتي بصاح تتبغيها خليها تعيش بسعادة كيف بغات بدر: انا هو هاد الراجل لي تتهدر عليه انا هو لي عندو الحق يعيش معاها بسعادة، ميمكنش نخلي ها لغيري سفيان :خويا عفااك متهورش نور رآه معمرها مغتكون ليك هيا مزوجة وراها حاملة من لفوق بدر:😲شنووووو سفيان :اه هيا حاملة من راجلها بدر:(تيخنزر فيا )واش هادشي بصاااح واش لمسسك داك الكلب انا:(اكتفيت بالصمت والبكاء )بدر:(بالغوات )هدرييي ادم:مترفعش صوتك عليها ، بدر:(مزال مركز الشوفة فيا ) هدري انا:اه انا حاملة منو بدر:( نزل راسو وطاحت دمعة من عينيه )سمحيليا انا:😮 بدر:للأسف تنعتدر منك ،انا منقدرش احياتي سمحيليا منقدرش انا كنت باغي نكون أول شخص تيلمسك انا:غتخليني نمشي ياك بدر:(صوب السلاح لراسي ويديه تيترعدو ) لا للأسف ،نتي مغتكوني لا ليا ولا ليه انا:ششننو ادم:بدر لا عنداك تهور، قتلني انا وخليها الله يخليك .دير غير بحساب الصحبة لي كانت بيناتنا ،انا تنترجاك متديهاش بدر:(باسني فراسي )بسلامة حياتي ادم:(طاح على ركابيه وتيبكي )بدر لاااا 😭 علي:(شاد راسو) العم أحمد :هدا هو بدر لي تنعرف متخليهمش ياترو عليك قتلها وهنينا منها. و من شرها (لحظة صمت كلشي ساكت ،وتيتسناو حدوت معجزة ويتراجع بدر ، تسمع صوت الطلقة النارية، آدم علي سفيان كلهم مصدومين وممتيقينش المنظر لي قدامهم )
(ادم علي سفيان كلهم مصدومين من المنظر لي قدامهم، بدر طاح للأرض وكلو دمايات حتا واحد مفاهم شي حاجة، حتا بأن لينا الولد لي جا مع آدم وعلي مورانا هو لي تيرا فيه من الخلف ،انا مقدرتش نتحمل هادشي لي شفت قدامي مشيت تنجري وتلاحيت على آدم لي عنقني وزير علية وتيبكي )العم أحمد :(تيصرخ بأعلى صوتو )بددررر سفيان :(تيجري وطاح حدا خوه وعنقو)بدر لااا اهىء خويا لا العم احمد:(مشا تيجري هز السلاح من يد بدر وصوبو اتجاهنا )العم أحمد :قتلتو ليا حفيدي انا غنقتلكم كامليين الكلاب ادم:(ردني موراه وتقابل مع العم أحمد، )سفيان :جدي براااكة واش متتشوفش فين وصلنا برااكة العم أحمد :انا مغنتهنا حتا نقتلهم كامليين، قتلو ليا حفيدي قدام عيني وبغيتيني نحبس لا اولدي منقدرش سفيان :(بغا يحيد السلاح لجدو .بقاو تيتجارو حتا تطلق الرصاص مرة أخرى )العم أحمد :😨 لا ميمكنش سسففيياان لا انا:(شفت فسفيان بان ليا هو لي تضرب بالرصاصة، طاح حدا خوه بقا فيا بزااااااااف، حسيت بشي حاجة سخونة هابطة ليا مع رجلي من كترة الصدمة ) علي:حنان شنو هادشي واش تجرحتي انت:(شفت فرجلي بانو ليا عامريين بالدم ) ادم :(مخلوع )حنان مالكي انا:(تنحس بالدنيا تدور بيا مقدرتش نهدر ،شدني علي حطني فالسيارة وغبت عن الوعي )
(آدم هو لي غيتكلم ) ادم:(بمجرد ما لمحت الدم فرجللين حنان عرفتها نزفات والقضية فيها الجنين، ركبها علي فالسيارة فقدات الوعي ومشينا فاتجاه المستسفى ،خلينا مهدي مع لخرين، عيط لشرطة شدو العم أحمد وسفيان لي حالتو حرجة نقلوه للمستشفى وبدر على ما أظن مات ،وصلنا للمستشفى دخلو حنان بسرعة و حنا بقينا على برا مبقينا عارفين اش طرأ خلانا على اعصابنا لأول مرة تنحس براسي عاجز ومقادر ندير والو حبيبتي لداخل معرفتش حالها وحال ولدي وانا جالس بدون حركة، عيط علي على الواليد مكملات حتا 15 دقيقة جا وجاب معاه ماما وخالتي حكمة )
(فتحت عيني في غرفة هادئة تيغلب عليها اللون الأبيض عرفت راسي فالمستشفى ولكن معرفتش سبب وجودي فيه ، دخلات عندي مرأة من لبسها عرفتها دكتورة )دكتورة :على السلامة مدام أنا :شكرا الدكتورة : عائلتك على برا مخلوعيين علييك انا:اه بغيت نشوفهم ولكن شنو وقع ليا دكتورة :شوفي عاءلتك ومن بعد نهدرو (خرجات قبل منعاود نسألها دخلات عندي ماما وعينيها منفوخين بالبكا هيا ومعها خالتي صفية وعلي والسي عمر ،تنشوف فيهم تنقلب على شخص آخر ولكن مبانش ليا ) ماما :نور كيبقيتي ابنتي انا:مزيانة الحمد لله علي:(باسني فراسي )على سلامتك اختي انا :شكرا اخويا فين هو آدم السي عمر :(تيتلف الهدرة ) الحمد لله على سلامتك ابنتي ،أنا :الله يطول عمرك أعمي، انا معرفتش راسي علاش انا هنا، شنو وقع ليا ماما: ارتاحي ماشي وقت الهدرة دابة أنا :انا مزيانة غير قولو ليا شنو وقع لي (بان ليا كلشي سكت وحتا واحد مقدر يجاوبني والشي لي خلاني نخاف من النظرات ديالهم ليا تنحس بها بحال شفقة علية )انا:عمي فين آدم ماما :(تتبكي بصوت مسموع ) انا:واش وقعات ليه شي حاجة ،هدرو قولو شي حاجة ، علي عفاك جاوبني نتا قولو ليا شي حاجة غنتسطى فين آدم اهىءاهىء علي:حنان مديريش هادشي فراسك انا:وجاوبوني شنو وقع علي: (جلس حداية)اوكي انا غنقول ليك ماما :(شدات فكتف علي ) لا ماشي دابة انا: ماما غتقولو ليا ولا غنخرج من هنا ونقلب عليه بنفسي علي:آدم موقع ليه والو انا:وشنو لي وقع علي:😔 فقدتي الجنين ديالك انا:(حطيت يدي على كرشي )😢😢 شنو ماما:(مقدراتش تحمل المنظر خرجات ) صفية :بنتي هدا قضاء الله خاسك ترضاي ونرضاو به انا: اهىءاهىءاهىء بغيت غير نعرف علاش الحياة تتقاسي علية علاش اهىءاهىء واش معنديش الحق نعييش مرتاحة فحياتي، علي:تهدني اختي الحمد لله ملي رجعتي لينا نتي حنا كنا خايفيين نفقدوكم بجوج انا: هدا عقاب من الله اهىءاهىء هو عاقبني حيت كنت باغا ندير الإجهاض انا كنت غنرتكب معصية باش نرضي غروري انا كنت باغا نعاقب أدم بولدي لي معندو حتا دنب، وملي حسيت بشعور الأمومة مبقيتش قادرة نحرم نفسي من ولدي ولكن تأخرت بزااف وربي عاقبني .
( عند ادم) ادم:(بعد مرور ساعة باش دخلو حنان ،خرجات الدكتورة بوجه مكيبشرش بالخير)دكتورة:نتوما عاءلة المريضة ادم:اه كيبقات الدكتورة :تنتاسف ادم:(تيغوت )هدري نيشان شنو واقع علي : آدم تهدن باش نعرف شنو كاين الدكتورة: ماشي مشكل انا متفهمة الخوف ديالكم، المهم المريضة بصحة جيدة ولكن الجنين ادم: مالو الدكتورة :اضطرينا نديرو الإجهاض بسبب النزيف ادم:(كلام الدكتورة خلاني جامد بلاصتي ، أحاسيس متضاربة خلاتني تائه واش نفرح لكون حبيبتي بصحة جيدة أولا نحزن لفقداني ولدي ،علي تيهدر معاية مقدرتش نفرز لكلام لي تيقول ليا ،خرجت من المستشفى حيت مقدرتش نواجه حنان ونشوف فوجها حيت انا السبب لمعاناتها كل متنحاول نسعدها تناديها وتنزيد نجرحها اكتر واكتر ،عانات بما فيه الكفاية ،اتجهت مباشرة للبحر المكان المناسب فهاد اللحظة باش نفرغ الحزن لي فقلبي وتيمزقني، واخا صعيب علية ولكن على الأقل غنرتاح شوية ،
(عند حنان ) انا frown رمز تعبيري تفكرت سفيان لي خليتو طايح وغارق فدماياتو مسحت دموعي ) شنو وقع لسفيان علي:معرفتش خليناه تما غيكونو نقلوه هو وخوها للمشفى انا: واش مسولتوش عليه علي:حنان صافي نساي عليك هادوك انا:كيفاش بغيتيني ننسا الشخص لي نقد حياتي علي: نقدك؟؟؟؟ انا:اه هو لي نقدني باش كان العم أحمد وبدر حابسيني وهربني منهم حيت كانو ناويين نتزوج ببدر بزز علي:انا كنت تنظن هو معاهم انا:عفاااااك سول عليه علي:اوكي غير ارتاحي دابة انا: اشمن راحة تتهدر عليها انا مغنرتاح حتا نعرف الإنسان لي نقد حياتي واش حي ولى ميت علي:انا غنهدر مع مهدي صاحب آدم ونجاوبك (خرج علي وبعد 10 دقايق تقريبا رجع )انا:شنو وقع علي: هو فنفس المستشفى فين حنا دابة، حالتو ماشي خطيرة تصاب برصاصة فكرشو ولكن قدرو يعتقوه انا:بغيت نمشي نشوفو علي:من بعد ارتاحي دابة ومن بعد تنواعدك غنديك لعندو انا:وبدر والعم احمد علي:بدر للأسف مات والعم احمد شداتو الشرطة ولكن مغيدخلش السجن انا:كيفاااااش زعما غيخرجوه هو رآه ارتكب جرائم فحق الناس ماشي غير فحقي انا هو السبب فموت بابا وفمرض ماما علي:غير تكالماي هو خدا العقاب لي يليق به انا:شنو تتقصد علي: حماق، الشرطة ظنات بلي تيمتل عليهم باش ميدخلش لسجن ولكن بعد ما احالوه لطبيب نفسي أكد ليهم بلي فقد عقلو وغينقلوه للمستشفى أمراض العقلية ماما: الدنيا غدارة هو أدى الناس بزاف ودابة وصلات نوبتو ،باش تقتل باش تموت يا ملك الموت
انا: علي ممكن تاخدني لعند سفيان علي:اوكي (وقفت وتكيت على علي وماما شاداني من يدي، وصلت للغرفة لي ناعس فيها سفيان، دقيت الباب و دخلت )سفيان :(شافني وتيحاول يقاد الجلسة كان ملوي عليه الفاصمة فكرشو )نور !!! انا:غير خليك ،كيبقيتي سفيان : إيلا قلت ليك مزيان غنكون تنكدب علييك، انا فقدت خويا الوحيد لي عندي انا:(جلست حداه ) الباراكة فراسك سمح ليا انا السبب سفيان :لا نتي معندك دخل هو لي تسبب لنفسو بداكشي ولكن هو تبقى خويا منقدرش نحقد عليه على الرغم من كلشي انا تنعتدر منك بالنيابة علييه ماما:براكة فراسك اولدي سفيان :شكرا علي:سمحلينا انا كنت تنظنك حتا نتا معاهم سفيان :انا مسامحك ،ولكن عندي طلب لنور انا:اه ممكن تطلب انا منقدرش نرفض ليك نتا لي نقدتي حياتي سفيان :انا عارف ولكن هاد الطلب صعيب بالنسبة ليك انا:غير طلب سفيان : انا بغيتك تسامحي لخويا بدر ،هو كان تيبغيك والحب عمى عينيه انا:(الصمت )علي:سمحليا نجاوبك انا ولكن رآه طلب صعيب ،هو أداها بزااف وماشي هادي أول مرة سفيان :(هبط راسو ) انا : انا مسامحاه ومن قلبي سفيان : انا :الله يرحمو انا سامحتو ومحاقداش عليه ،الإنسان لي منقدرش نسامحو هو العم أحمد ماشي حيت حاول يقتلني لا حيت هو السبب فافتراقي على عاءلتي وهو السبب فموت بابا سفيان : كل واحد فيهم خدا عقابو انا: حتا أنا عندي ليك طلب تنتمنى مترفضوش سفيان :طلباتك أوامر انا: واش تقبل نكون ختك سفيان : بطبيعة الحال اه وهدا احسن طلب سمعتو انا فقدت أخ وكسبت اخت علي: لا سمحوليا ولكن ميمكنش انا:علاش علي:نتا مكسبتيش غير أخت نتا كسبتي أخ واخت سفيان:😀 الحمد لله دابة عندي أخ واخت علي:اه أخ واخت ماما : لا سمحوليا حتا أنا مقابلاش ،كلشي : ماما: انا مغنقبلش حتا تعتابروني ماماكم كاملين وهاكا غنكونو احسن عائلة كلشي :هههههه انا:لهلا يخطيك علينا، سفيان نخليوك دابة باش ترتاح سفيان :حتا نتي ارتاحي اختي علي :من بعد نرجعو لعندك (رجعت للغرفة ديالي، وتنخمم فادم لي مبانش ليه الأتر معرفتش علاش، معرفتش كيفاش غتكون ردة الفعل ديالو ملي يعرف لي وقع، ولكن اكيد غيكون عرف داكشي علاش مبانش غيظن بلي انا فرحت حيت اصلا كنت مصرة ندير الإجهاض، اوووف )علي :هدرت مع الدكتورة وقالت ليا غتخرجي اليوم انا:اه انا بغيت نخرج من هنا مليت بزااااااااف سفيان :وجدي راسك نرجعو لشقة ديالي انا:لا مبغيتش نرجع علي:بغيتي ترجعي لدار عمك انا:لا ماما:وفين باغا تمشي انا:بغيت نرجع لدوارنا.