حسناء البادية

الجزء 2

مشينا لسيبير تسجلت قبل منرجع لدوار حيت مكاينش انترنيت تما رجعنا لدار لقينا ماما تتسنانا ماما:علا سلامتكم كدوزتو الحفلة علي:مزيان بنتك ولات معروفة ههههه ماما:غوتات مال عينيك يا الصكعة علي:هههههه أجي احنان نحيدو ليك ديك لعجب هههه ماما:شنو هدشي علي:والوالدة هادو عدسات شريتهوم لها با تبقى تلبسهم ملي تبغي تخرج ماما:اوى زيد نهار تسمع خبار لعجب هدا هههه انا:ماما أجي نعودليك (عاودت لماما كلشي )ماما: اوى لي دارها باك مزيانة وخا مسخيتش دوار انا:ملي نتوحشوه نجيو كاملين انشالله ماما:انشاءالله الله فين هو باكم بابا :هاهوا مالكم خليتو الباب ديال الدار محلول أنا :نسيناه علي:اوى حطوا لينا الغدا رآه مبقا والو للعصر مانا:هي ا اللولة نوضو تغسلو (تغدينا بحال العادة فجو عائلي وهضرنا فموضع قرايتي و تفقنا علا كلشي الحمدلله ربي مخيبنيش ملي سالينا جمعت الدار و غسلت لماعن لغد ليه علي رجع لخدمتو و بقينا انا و بابا فالدار دوزنا الصيف فالعرسات ههههههه وخا مكيخلينيش بابا نمشي تنرغبو حتى تيوفق متيبغيش يخسر لي خاطري الله يخليه لينا وصلات وقت لقراية عيط ليا خويا علي انا:أهلا سافا البوكوس ديالنا علي :ضسرتي الشعيبية ضسرتي ههه أنا :ههههه ياك علي:اوى جمعي راسك رآه المدرسة اللي تسجلتي فيها سيمانا جايا غيبداو انا: اه انشاءالله غنهدرو مع السي عمر باش من هنا ليومين نمشيو لدار البيضاء علي : انا هدرت معاه رآه وجد كلشي غير وجدو راسكم ملي توصلو لكازا عيطو ليه باش يتلاقا ليكم انا:لهلا يخطيك اخويا صافي غنكولها لبابا علي :يلا سلمي عليهم و متبقايش تجاوبي فالتلفون ماشي ديالك يلاه تلاحي انا:يلاه بغيت نجاوبو هو يقطع شوطني
بابا:مالكي انا:عيط علي قال بلي خاصنا نمشيو لدار البيضاء السي عمر وجد لينا كلشي بابا:اه انشاءالله جمعو ديك الشي اللي باقي ليكوم بعد غدا نشدو الطريق أنا :انشاءالله (دوزنا يومين فجميع ديال لحويج أو انا كدير كلشي وانا فرحانة علاش منكونش فرحانة و حلم ديالي غنحققو حيت بالنسبة لبنت بحالي من العروبية أصعب حاجة هي يخليها أهلها تكمل لقراية انا تنعتبر راسي محضوظة بهاد العائلة يا ربي تدوم فرحتي و تخلي ليا عاءلتي الصغيره )بابا:زهرة حنان يلاه الكار تيتحرك مع 4 دابا 2 يلاه نوصلو لفيلاج و نشدو بلايص انا:حنا واجدين انا لبست سايا حمرة و تريكو كحلة و فولار و منسيتش العدسات حيت علي تياكد علي منخرج من الدار بلا بهم وصلنا المحطة و ركبنا و انطلق الكار إلى وجهة المدينة الإقتصاد ية ماعمرني ممشيت لها اصلا انا معمري فت الدوار حدي الفيلاج جالسة تنشوف المناظر أو الطرقان باغة نطير بالفرحة داني نعاس حتى تنسمع بابا:نوضي رآه وصلنا انا :خليني نزيد غير شوية بابا:واخا خلينا باش نرجعو لدوار انا:إلا لا لا انا فقت بابا :هههههه انا:بابا:يلاه هبطي نزلنا بابا اتصل بالسي عمر اللي قلنا نتسناوه تسنينا 5 دقايق حبسات حدانا واحد السيارة معمري شفت بحالها كحلة وتتلمع هبط منها واحد الراجل :واش نتوما عائلة الشافعي بابا:اه الرجل صيفطني السي عمر يلاه غنوصلكوم لشقة انا:بلاتي واحد دقيقة بابا عيط لسي عمر سولو واش سيفط لينا شي شخص أو قولي يدور ليه فالتلفون إلا قاليك سيفطو بابا:تبارك الله عليك ابنتي مطاحتش فبالي هاد الفكرة (بابا عيط لسي عمر لمستغربش من الأمر و عرف بلي مغتكون غير فكرة ديالي وعيط لسائق باش يدوز ليه بابا صافي تاكدنا من الأمر و ركبنا معاه ووصلنا لواحد الإقامة جات فبلاصة راقية طلعنا لشقة كانت مفرشة بفراش مغربي أنيق الشيء اللي خلا بابا يشك بلي هادشي ماديروش السي عمر غير بنية العمل حيت هادشي بزاف حتى أنا استغربت من آلامر)
انا :بابا خاصنا نعيطو لسي عمر حيت هادشي بزاف بابا:اه ابنتي عندك الحق ماما:الدار غزالة صافي اش غتقولو ليه صافي خليو عليكم السيد هادي دار بنتي جابتها بقرايتها بابا:هههههه ولايني راني واخد بروسي انا:هههههههههههههههه دخلنا حويجنا بقينا تنتساراو فالشقة حتى تنسمعو دقان حل بابا كان السي عمر بابا:أهلا السي عمر دخل لقيتيني غندور ليك السي عمر:اوى ها أنا جيت حتى لعند كيجاتكوم الشقة بابا:فالصراحة زوينة معندنا منقولو ولكن حنا مكرهناش غير شي حاجة عادية هادشي بزاف السي عمر:اش تتقول لا مبزاف والو هاد الإقامة ديالي بحكم حنا عندنا شركة خاصة بالانشاءات و البنايات و كاينين بزاف ديال الإقامات مهم انا جيت نرحب بكم فالدار البيضاء وإلى احتجيتو شي حاجة متردددوش فالطلب بابا:براك الله فيك مخليتي لي منقول السي عمر:انا غنخليكوم دابا و بالنسبة للإنسة حنان المنحة ديالك غتبدى توصل ليك ابتداءا من هاد الشهر انا: ان شاء الله
دازت تلثيام وحنا فكازا غدا غنمشي للمدرسة أولا المعهد الخاص بالهندسة فالعشية وصلني ظرف فيه المنحة ديالي معرفت مندير بها عطيتها لبابا هو لي يتكلف اقترح علية نخرجو نشري ليا حوايج انا رحبت بالفكرة و عجبتني معمري مشيت نشري حوايج لراسي ديما كنلبس بذوق بابا و خويا علي تيقول لي بلي مكنعرفش نلبس قررت نختار هاد المرة راسي ونشوف واش تنعرف ونناسق الحوايج اول مرة كنخرج من الشقة من نهار جينا لبست سايا كحلة نفسها لي لبست نهار الحفلة و قميجة زرقة فولار أسود و صباط كحل خرجنا ونا شدا فبابا بحال خفت نتلف دخلنا لواحد المحل فيه جوج بنات طلبتهوم يساعدوني نختار و عاونوني مساكن حيت أنا ضخت فالحوايج كلشي تبيان زوين بابا بقى برا تيتسناني حتى ساليت خديت حوايج واعريين حمقوني خلصت وخرجت بابا ساليتي انا:اه مشينا لدار كنوري لماما شنو خديت منبعد صلييت و نعست مفقت حتى لفجر بنفس لحماس لي حسيت به نهار اللي غندوز به الامتحان الباك صليت و فطرت لبست حوايجي هاد المرة كنحاول نكون انيقة لبست كسوة طويلة فالبلوغوا افازي بالكمام فيها حزام بالفضي عطاها جمالية و شال كحل و صباط بلا كحل و هزيت صار سامبل در فيه داكشي لي غنحتاج فالمعهد و منسيتش بطبيعة الحال العدسات ديالي مكرهتش فهاد اللحظة يشوفني علي فطرت فطور بلدي بداكشي لي جبنا من الدوار فاق بابا و ماما بقاو حاليين فمهم فيا انا:مالكوم 😕ماما:ماشاءالله غزالة بابا:تبارك الله بنتي متحمسة انا غنفطر و نوصلك من بعد مسالا بابا خرجنا ركبنا طوبيس اللي تعرضت فيه لبزاف ديال المضايقات من طرف الشباب كنحاول نبقى حادرا راسي باش بابا ميتعصبش و يندم على النهار اللي جابني لكازا غير حبس طوبيس نزلنا انا كنت مزنكة متوقعتش هادشي بابا:باينا فيه مصعب بنتي هادشي لي شفتي غير ديري فراسك بلي غتعرضي ليه ديما انتي الي كنتي مصرة انا:مقدرتش نشوف فبابا بالحشمة كان تيسحاب ليا بلي ملاحظ والو وصلني للمعهد وقالي بلي غيتسناني ملي نخرج
دخلت للمعهد لا مجال للمقارنة بمدرسة الفيلاج بقيت غير كندور عينيا و تلاحظ بلي الأنظار موجهة ليا لي دازت حداه تبقى يتأمل فالجمال ديالي الشيء اللي زعجني و مرتاحيتش ولكن تنحاول نتجنب الكل بنات و دراري بدينا الحصة الولة مزيان أنا تنجاوب مع الأستاد و كلشي لاحظ التفوق ديالي حتى لبروف و هنا استاد قالي قدام الطلبة الأستاد :تنبغي نقول لطلبة لي حاضرين معانا باللي فهاد لكلاس تتواجد معانا صاحبة أعلى نقطة فالباك على الصعيد الوطني و أنا كاستاد تيشرفني تكون الطالبة ديالي بلا شك عرفتوها حنان الشافعي ممكن توقفي انسة الله يخليك انا:(حسيت بالخجل و كلشي تيشوف فيا بنظرات مختلفة فيها حقد و سخرية من بعض الشريرات اللي باين فهم من ملامح وجهم وكاين نظرات غريبة من بعض الشباب اللي معرفتش نفسرها غير خرجنا غادة قاصد ة باب المعهد حتى تيوقف قدامي واحد الولد :السلام حنان أنا طالب معاك نفس لكلاس سميتي رضوان أنا :الصمت مجوبتوش كملت طريقي بزربة و مخلوعة مرتاحيت حتى شفت بابا تيتسناني انا :سلام بابا بابا:وعليكم السلام كدوزتي نهار اللول أنا :مزيان الحمدلله حاجة وحدة لي استغربت منها هي الأستاذ اللي قراني عرفني علا الطلبة كيدار لها بابا:زيدي زيدي باينا غيعرفك نسيتي نهار الحفلة كانت الصحافة أنا :اه بصح نسيت ههههههههه بابا:اوى يلاه نمشيو ابنتي ماماك تتسنانا لغدا
وصلنا لدار تغدينا وصليت راجعت داكشي لي قرينا و ضربتها بنعسا حتى لعشية دوزتها مع بابا و ماما فالدار غير الضحك و تقشاب بحال ديما ههه وعيط خويا علي بغا يجي يشوف السكنة جديدة ديالنا و يطمئن علينا فرحت بزاف والغد ليه مشيت للمدرسة رفقة بابا اللي ولفتو يخرج معايا وصلني ودوزت الحصة عادية بحال العادة و ديك الولد غير تيخنزر فيا خرجت ورجعت لدار مع بابا لقيت خويا علي جا علي :هايهاي علا لالا حنان وليتي انيقة هههههههههههه انا:ياك بديتي عاوتاني (بقينا تندابزو انا وياه بحال لمش و الفار )علي :حنان كيجاتك كازاانا:فالصراحة مدرتش فيها باش نقوليك انا من الدار للمعهد من المعهد لدار علي:صافي هاد لعشية نساريك اتا: تتفلى علية علي:معاك بصاح أنا :نسول بابا بعدا بابا:غير سيري ابنتي خرجي تساراي مع خوك انا:لهلا يخطيك علينا علي :الحاج رآه بغا يتهنا منك شوية و يجلس مع المدام طيط اطيط كلشي:ههههههههه علي يلاه بدلي حوايجك ونخرجو (بدلت بسرعة البرق الفرحة و مدير لبست كسوة طويلة بالبلون كاسي لافيزت بالمارون و صباط بلا مارون و شال فنفس لون الكسوة )علي :والله إلا تعلمتي البعلوكة هههه انا: خرجنا و مخلينا حتى قنط تقول هاد كازا مبغاتش تقادا علي:يلاه ناكلو فشي ريسطو واخا تغدينا نعاوظو ههه ونتي عمرك دخلتي لشي ريسطو انا :يلاه بالسم الله نشوفو اش فيه كاع هه (دخلنا كان شي حاجة فوق مكنتصور واو جد جد راقي انا دخت )علي :كيجاك انا:هادشي غزال مكرهتش شي ناموسية غير ننعس هنا علي :ميمتي جايب معايا خارجا انا:ههههه (تغدينا للمرة التانية تقول مكليتش )علي :إلا بغيتي تزيدي شي حاجة طلبي انا:اه بغيت علي :وجمعي الوقفة مسكينة دارت ها بصاح هههانا:يلاه تهز نمشيو رجلي طابو علية علي :واخا انا غنخلص ونجي تسنايني حدا الباب انا:واخا خرجت بقيت واقفا حدا طرطوار هي تبان ليا واحد السيارة جايا بسرعة لجهتي مع الخوف بقيت بلاصتي و مغمضة عينيا تنتسنا ضربة حتى تنسمع روايد ديال السيارة و ريحة لبنو محكوك مع الأرض تحل باب السيارة
تحل باب السيارة وأنا مازال مكونسيا بلاصتي تنسمع خطوات تتقرب لعندي هزيت راسي رجلي مقدروش يهزوني شعور غريب تسلل للجسم ديالي معرفتش نفسرو الشخص تيقرب وأنا الشخص :واش نتي عورة انا :الصمت الشخص :زيزونة غووت علية و معاك تنهدر انا:عينيا غرغرو وليت حمرة و الشخص لاحظ التوثر ديالي الشخص :مالكي بغا يقيسني وأنا نبعد بغيت نهرب بان ليا علي خرج شافني تخلع علي:مالكي أنا :والو يلاه نمشيو الشخص :خويا واش هادي معاك علي :اه شي حاجة الشخص :انا كنت غندخل فيها بطموبيل هي بقات بلاصتها بحال باغة تموت ياكما صمكا ولا عورة علي :جمع فمك احسن ليك الشخص :هههههه باينا مرتك واخد حمقة بسلامة مدام مسطية الله يسامح علي :تعصب وبغا يضارب انا:عفاك يلاه نمشيو عفاك علي :يلاه قبل مندير شي حاجة ندمو عليها مشينا انا و علي لدار انا مشيت نيشان لبيتي و سديت الباب بقيت كنسترجع الأحداث لي وقعات لي مفهمتش شنو وقع ليا ملي شفت داك الشخص اش هادشي يا سيدي ربي اوووف نوض نصلي و نحيد هاد الأفكار
دابا غنمشيو عند الشخص اللي كان غيضرب حنان جالس فالمطار تيتسنا الطائرة المتجهة لأمريكا الشخص :ميمكنش يكون هادشي لشفت صحيح معمري شفت شي بنت فهاد الجمال سبحان الله ولكن خسارة باينة مزوجة اوووف مالي أنا واش حماقيت مخسنيش نفكر فها أصلان زيزونة و مكتسمعش باز لراجلها هههه وا نوض براكة من التفكير فالخوى الخاوي قبل تمشي عليا الطيارة ونبقى هنا و أنا يلاه بغيت نتهنا شوية
نرجعو لعند حنان انا:الله ياربي هاد نهار عمرو يتنسى نوض نراجع اللي ينفعني حسن من التفكير علي:حنان اش تديري انا:كنراجع علي :واخا ولكن كل مرة تنشوف فيك تتباني شاردة إلا كنتي تتفكري فديك الحقير غير خوي راسك منو و ركزي فحفاظتك انا:اه انا مركزة مهم انا غنخليك نمشي نعس الصباح انا غنفيق بكري غنمشي للخدمة تهلاي فراسك وردي البال لراسك هادي كازا ماشي الدوار انا :صافي كون هاني اخويا تصبح على خير نعست حتى الصباح وصلني بابا لمدرسة ورجعت للأيام الروتينية غير المعهد و الدار قليل فاش كنخرج مع بابا لشي بلاصة تعرفت على واحد البنت فالمعهد تتقرا معايا هي الوحيدة اللي تنهدر معاها حيت مكنبغيش كترات الصدقات حتى من داك الولد لي سميتو رضوان تيحاول يهدرني ولكن تنتفاداه غير كنخرج من الحصة ديريكت الباب لدرجة شي وحديين سماوني الهاربة ههه ولكن مسوقيش يقولو اللي بغاو غير يفوتوني دوزت عام و نصف فالمعهد بنفس الروتين السي عمر بقا فالوعد ديالو المنحة تتوسلني ودابا فالمعهد قالو لنا نقلبو فين غستاجيو حيت بقات لنا غير 6 أشهر وناخدو الدبلومات ولي بغا يزيد السنة التالثة يزيدها انا قررت نحبس حيت اتفقت مع السي عمر على عامين قلتها لبابا و قالي بلي غيعيط لسي عمر باش نسطاجي فالشركة ديالو داكشي لكان فقت الصباح وجدت راسي بحال العادة الحاجة الوحيدة لي مبقاتش تتفارقني هما العدسات حتى وأحد معرف لون عينيا الحقيقيين
هاد هو النهار الوحيد اللي مامشاش معايا فيه بابا لشي بلاصة حيت يوم غنبدى السطاج وصل الطوبيس الخاص بالعمال وركبت كان مليء بالرجال و العيالات فاعمار مختلفة جلست حدا واحد لمرا غتكون عندها ما يقارب 40 هضرنا انا وياها باينة فيها ضريفة سميتها مليكة قالت لي بلي تقدر تعاوني فأي لحظة احتجيت فيها للمساعدة شكرتها رتحيت لهدرتها مليكة :ماشاءالله عليك نتي زوينة بزاف نقدر نقول بلي معمري شفت شي وحدة بحالك فالزين انا:براك الله فيك مليكة :أنا قلت غير الصراحة ابنتي مدام بنت بحالك غتبقى معانا مدة فالشركة كنصحك تبعدي على بعض الأشخاص منبعد غنوريهوم ليك باش تبقاي بعيدة على المشاكل نتي باينة فيك طيبة انا:شكرا بزاف بقينا تنهدرو حتى حبس الباص بداو الموظفين تينزلو نزلت حتى أنا واو هادي كلها شركة قد الدوار ديالنا هههه مليكة :يلاه ندخلو نوريك مكتب المدير تسنايه حتى يجي وطلبي من السكرتيرة ديالو تدخلك و حدي منها راها واحد الشيطانة و شريرة انا: كوني هانية( داكشي لدرنا وصلتني مليكة للمكتب ولتحقت بالعمل ديالها وأنا مشيت عند السكريتيرة سولتها على الوقت اللي غيجي فيه المدير بقات تطلع و تتهبط فيا بحال إلا كدير ليا سكانير السكرتيرة :شكون نتي وعلاش جيتي أو واش عندك موعد (سخفاتني بكترة الأسئلة يلاه بغيت نجوبها هو يوصل السي عمر )السي عمر :اهلان بنتي حنان مرحبا بك فالشركة هادي السكرتيرة ديالي سميتها كوتر انا:متشرفين أختي كوتر السي عمر:كوتر هادي حنان سطجير عندنا وقريبة غتكون من الموظفين ديال الشركة كوتر :(تتخنزر و باينة محملاتنيش ) متشرفين السي عمر :كوتر بغيتك تكلف بحنان وتوريها الشركة و تعرفها للموظفين حيت هي مشي كباقي الأشخاص اللي تتسطاجي عندنا حيت غتكون شخص مهم فالشركة انشاءالله وحنان بالنسبة ليك نتي اليوم غيكون مخصص غير على التعرف على الشركة وغدا ستاعدي للتدريب واخا أنا متأكد بلي نتي ممحتاجاهش ولكن القانون هو القانون اتا:شكرا السي عمر كنتمنى منخيبش ظنك فيا السي عمر :يلاه بسلامة بداية موفقة كوتر :سمعتي وقيلة اش قاليك يلاه زيدي قدامي (السي عمر تلفت حيت سمعها)السي عمر:الآنسة كوتر احترمي الآنسة حنان حيت مازال غتكون المديرة ديالك ( البنات غتكونو مستغربين من التعامل ديال السي عمر مع حنان اكيد كاين سبب من بعد غتكتاشفوه)