حسناء البادية

الجزء 22

(نزلات ماما وجدي وجدة وبقيت تنفكر فهاد الوحلة لي حطيت فيها راسي، حسيت براسي تسرعت بزااااااااف، والمشكلة آدم لي محال واش غيبغي يهدر معاية ،هزيت التلفون دوزت رقمو تيصوني متجاوبنيش هادشي كنت متوقعاه حيت النظرات ديالو ليا البارح واضحة وضوح الشمس، عيت من تفكير ملقيت حتا حل آخر ،ضروري خاسني نهدر مع آدم ونشرح ليه، دوزت النهار كلو تنحاول نصوني عليه والو بدون جدوى ،حتا باش نمشي عندو لدار ميمكنش نخرج حيت دايريين علية الحراسة اوووف، ديما تنسيفط ليه مساج باش يهدر معاية على أساس أن كاينة شي حاجة ضرورية وخاسني نهدر معاه ،ولكن لا حياة لمن تنادي، داز أسبوعين وانا على نفس الوضع واحد النهار جالسة فالبيت بوحدي وتنشوف تصور ديالي انا وآدم وسمعت صوت ديال مساج وصلني حليت مصدقتش فرحت كان من عند حبيبي لي مدة مسمعت صوتو ولكن الفرحة ديالي مكملاتش ملي فتحتو وقريتو لقيتو كاتب فيه "قريب غتندمي على الألم لي سببتي ليا فيه يا الخائنة" بقيت دقائق تنقرا ونعاود نقرا ودموعي شلال، هو تيعتبرني خائنة ولكن هو مزال معرف السبب لي خلاني نخدلو، كان عليه يسولني نهار لي شافني كان عليه يفهمني ويعرف بلي ماشي لخاطري كان عليه يحاسبني ونشرح ليه حيت ماشي أي حاجة شافتها عينينا هو الحقيقة اهىءاهىءاهىء ،كان عليه يعرف بلي حبي ليه أكبر من أي حاجة.
العرس قرب بقا ليه تلات أيام كلشي تيوجد ويحضر ليه من غيري، وأنا مبينا فيا حالة ديال شي وحدة عروسة، انا محملاش راسي جالسة هنا بدون حركة وتنتسناهم يزوجوني بغيت نهرب ونمشي نقلب على آدم ولكن خفت على ماما وجدي وجدة ليعمل ليهم العم أحمد شي حاجة، والمشكلة الأكبر اليوم بالليل غتبدا طقوس العرس اليوم لحنا ديال لعريس غدا انا وبعدو العرس ،حرت ومعرفتش كيفاش غنتصرف، فكرت مزيان وقررت نخرج بالليل ملي يكونو مشغولين مع لعريس ونمشي لدار لعلى وعسى نلقى آدم،
وصل الليل تجمعات العائلة باش يحنيو لسفيان استغليت لفرصة وخرجت بلا ميشوفني حد ،خرجت من الباب وبقيت غادة وحادية جنابي ،حتا وقف علية الغول ديال بدر )بدر:فين غادة فهاد الوقت بالسلامة، ياكما كنتي تتقلبي علية انا:بعد مني خليني نمشي بدر:فين غادة انا:ماشي شغلك (عرفتو مغيتفاكش معاية ،قررت نصدرو بشي طريقة وأحسن طريقة لقيتها هيا نكدب عليه ونقول ليه بغيت نشري شي حاجة ويوصلني نيت حدا دار ادم ونسلت ليه ) ممكن توصلني لواحد لبلاصة خاسني نشري شي حاجة بدر: اه علاش لا ولكن شنو المقابل انا:شنو تتقصد بدر :(تيهدر وتيقرب مني حتا تلاصق معاية، وفهاد اللحظة المنحوسة آدم وقف علينا)انا:(مخرجة عيني )ادم ؟؟؟!!!!! ادم:بنتي على حقيقتك انا:لا راك فهمتي الموضوع غلاط بدر: (تيفرنس وعجبو الحال) انا:آدم انا كنت تنق (مخلانيش نكمل دفل علينا ومشا ولكن كلمة وحدة هيا باش نطق)ادم: غتندمي على هادشي كامل انا:(مشا ومخلا قدامو غير لعجاجة، رجعت لدار تنجري ،دخلت للغرفة ديالي وعطيتها لبكا )
(رجعت لدار مقدرتش نصدق كيفاش تصرف آدم معاية هو مفاهم والو ،اهىءاهىءاهىء بقيت تنبكي ونغوت حتا تجمعو علية نسا )ماما:(تتعنق فيا وتتبكي )مالكي ابنتي ،عاودي ليا شنو وقع انا:خرجو علية برا كلشي يخرج (جريت عليهم وبقيت تنبكي ونغوت باش نخرج الحرقة لي فقلبي، معقلتش على راسي حتا طحت سخفت، وملي فقت لقيت ماما تدوز يديها حدا راسي )ماما:نور فقتي بنتي انا:اه واش صبح الحال ماما:اه ابنتي الليل كلو ونتي سخفانة انا:(تفكرت شنو وقع البارح، )ماما عفااك سمحيليا انا مقصدتش نغوت عليك كنت معصبة ماما:ششششش أنا عارفك ابنتي مناش تدوزي أنا :ماما انا صافي خديت قرار هو غنكمل هاد الزواج وننساه آدم ماما:كيفاااااش واش تتخربقي انا:لا انا صافي لقيت الحل الصح هو هدا ماما:لا لا نتي تسطيتي انا:(شديت يديين ماما )ماما صافي أنا فكرت مزيان ومتخافيش انا متأكدة هدا هو الحل الأمثل أدم اصلا تخلى علية وسفيان حتا هو تيبان مزيان متنضنش هو بحال باه وجدو ماما :كيفاااااش انا:سمحيليا اماما ولكن مبغيتش نتفكر صافي أنا قررت وانتهى الأمر ماما:(عنقاتني )انا:انا غنمشي ندوش اليوم حفل لحنا ماما:(تتشوف فيا باستغراب )اه!!!! انا:صافي خاسني ندوش ونوجد راسي ماما:لي بغيتي ابنتي (نزلات ماما ،ودخلت لحمام ندوش ،غتستغربو من الاختيار ديالي ولكن معندي مندير ،فكرت مزيان أدم لي عولت عليه يعاوني تخلى علية ،وانا منقدرش نغامر بحياة أغلى الناس ونواجه هاد الناس بوحدي حيت فجميع الأحوال مغنقدرش ،فكرت وفكرت هدا هو الحل الوحيد ،كملت دوش لقيت امينة موجودة ليا قفطان لي غنلبس، كان أخضر ملكي مرصع بالأحجار، فكرني فالقفطان لي كان شرا ليا بابا محمد فمناسبة عيد زواج السي عمر وصفية، نزلات دمعة من عيني ومسحتها بالزربة باش منبداش عاوتاني حيت تفكرت كيفاش كنت عايشة معاهم فسعادة على الرغم من الفقر ومعاناتو ودابة كلشي موفر ولكن السعادة غايبة ،الحمدلله على كل حال ،الحاجة الوحيدة لي خلاتني صابرة هيا ماما ،لبست القفطان وجاتني واحد لكوافورة عملات ليا مكياج وقادات ليا فولار ،لبساتني تاج سامبل ،ونزلوني للصالون فين غندير لحنا ،كلشي عجبتو، وتيتبهاو بجمالي قدام الحضور لي كاين على الرغم من أنني داير العدسات ومشافوش لون عيني الحقيقي ،
(بدأت الزغاريد والصلاة والسلام على رسول الله كلشي فرحان وناشط ماعدا انا وماما لي علامات الحزن باينة على وجوهنا ،شي تيشوف شي تيطبل ،بدات النقاشة تدير ليا لحنا. واحد اللحظة دخل سفيان وجايب معاه لهدية بالعيساوة والدقايقية والسي بدر متيفارقوش ،جلس حداية سفيان والابتسامة على وجهو ،كل مرة تيشوف فيا وتيفرنس، بداو تيصورنا والعائلة حتا هيا تتصور معانا تينوض شي ويجلس شي ،جلس بدر حداية وتيهمس ليا فوذني )بدر:أممممم جيتي تتهبلي، خويا مسكين فرحان سطيتيه ههه ولكن فرحتو مغتكملش انا:شنو تتقصد بدر :موعدنا غدا يا حلوة انا:غتنوض من حداية ولى غنغوت بدر:هاهو نايض ولكن وجدي راسك مزيان احبيبة انا:(تنهدر بين سناني )حقير مع راسك .
(مشا بدر وخلاني تنغلي، كملات النقاشة لحنا تسنيتها حتا نشفات ومشا سفيان وأغلبية الناس الحاضرين ، طلعت لبيتي وانا باغا ننفجر من التعامل ديال بدر معاية ،الله يرزقني الصبر وصافي ، بدلت حوايجي ولبست بيجامة وتكيت باش نرتاح حيت عارفة غدا غيكون حافل بالأحداث، سمعت الدقان فالباب لبست شالي بالزربة ونسيت العدسات، فتحت الباب كان سفيان )سفيان :(تيشوف فيا وحسيت به تالف )جيت بغيت انا ت انا: مالك سفيان : بغيت نقول جاو معاك العدسات انا:(عاد تفكرت اوووف ) اه شكرا سفيان : ممكن ندخل انا:علاش سفيان :(تيحك راسو )باش نهدرو شويا انا:راه غدا غنتزوجو وديك الساعة أرى متكلم دابة انا بغيت نرتاح سفيان :اه عندك الصح سمحي ليا تصبحي على خير انا:بسلامة(مشا سفيان يلاه بغيت نسد الباب هو يوقفو بدر برجليه، انا تندفع وهو يدفع ولكن ولد لحرام كان اقوى )بدر: وقويصحة مع راسك انا:شنو بغيتي مني واش متتفهمش بدر: علاش خليتي سفيان يشوف عينيك انت:دخل الصحا هدا واش نسيتي رآه غدا غيكون راجلي اسي بدر:دابة نشوفو وبصحة لحنا انا:خرج الله يخليك بدر:ههه اوكي انا غنخليك ترتاحي باش غدا تكوني وجدة ليا انا:خرج براااااا بدر :هههه (خرج بدر وسديت الباب بقيت تندعي فيه ،حطيت راسي على لمخدة ونعست )
(صبح صباح فقت على صوت الزغاريد، دخلو لعيالات لعندي )امينة:شوفو لعروسة ديالنا مزال ناعسة رآه 12 هادي ، أمممم تتعوضي النعاس حيت عارفة بالليل مغيكون نعاس كلشي:هههه انا:مالكم كلشي :هههه امينة:نسيتي رآه اليوم العرس انا:اه عارف هادشي ولكن نتوما مالكم امينة:نوضي تفطري باش تمشي لعند الزيانة انا:شنووو امينة :زعما النكافة انا:اوكي (نضت بتتاقل، دوشت وفطرت لبست جلابة فلبيض سامبل والعدسات ،ودعت ماما وركبت السيارة مع سفيان واتجهنا عند النكافة ،غير وصلنا نزلت وخبطت الباب بلا منهدر مع سفيان، هو خرج تابعني )سفيان :نور واش نتي مزيانة انا:علاش تتوسلني سفيان :تتباني مقلقة انا:ممالي والو سفيان :انا غنمشي من بعد غنرجع ليك ملي نعرفك ساليتي أنا :اوكي (بعد مغادرة سفيان دخلت عند الزيانة كيف تيسميوها هنا فطنجة ،زعما لعروسة تدخل حالتها وتيزينوها ههه كترت الهم تضحك، بقاو علية بليماسك وتخربيق كل وحدة ومنين شادة انا غير سلمت أمري لله وخليتهم يعملو لي بغاو فيا ،من بعد مقادو ليا لبسوني تشكيطة فالابيض والذهبي مرصع بالأحجار عيطت لسفيان وقلت ليه بلي انا وجدة وتنتسناه مكملاتش 10 دقايق على اتصالي به ،جات عندي وحدة من لي خدامين مع النكافة وقالت ليا بلي لعريس وصل استغربت هدا كان تيتسناني غير فالدورة، خرجت لقيت سيارة مزينة بالورود تتسناني ركبت وسديت الباب بلا منشوف فسفيان غير طلعت هو يكسيري انا:غير بشوية مالنا (طلعت فيه عيني مقدرتش نصدق 😮)
(خرجت لقيت السيارة مزينة بالورود، تتسناني ركبت وسديت الباب بلا منشوف فسفيان غير طلعت هو يكسيري انا:مالنا غير بشوية هزيت فيه عيني ولكن صدمني انا:نت اش تدير هنا ،وفين غادي بيا ادم:(الصمت )انا:حبس السيارة واحباااااس آدم :غتزمي فمك ولى غتهرسو ليك الحمارة انا:فين غادي بيا ادم :(تيغوت علية)سكتيييينا انا:اهىءاهىءاهىء أدم : (باينة فيه معصب بززاف فالصراحة شكلو خوفني ) براكة من دموع التماسيح مغينفعوش معاية نتي غدااارة انا:راك معارف والو ادم:اه انا قريب غنوريك شكون لي عارف انا ولى نتي الكلبة أنا :(تصدمت من الكلام لي تيخرج من فمو مقدرتش نعاود معاه شي كلمة باينة غيديني لشي بلاصة وغيقتل مي عصا ،بقا غادي بسرعة لمدة نصف ساعة تقريبا ،حبس السيارة حليت الباب حيدت السباط لي كنت لابسة وهربت ،ولكن مع التكشيطة وداك لعجب لي لبسوني مقدرتش نجري مزيان ،شدني آدم وزير علية من يدي حتا قصحني وكان غيهرسني ) انا:طلقني اهىءاهىء راك غتهرسني، طلقني بغيت نمشي عند ماما أدم :ماماك ولى باغا ترجعي عند دوك الز**** أنا : خليني نهدر مع ماما راهم غيتخلعو علية،وسفيان غيكون وصل عند النكافة آدم :(صرفقني حتا رعفت )ومزال تتجبدي سميتو انا:اهىءاهىءاهىء نتا راك ظالمني راك معارف والو آدم : مكاينش شي سبب لي غيخليك تغدريني كيفماكان نوعو انا: (جرني وبقا غادي بيا بتكشيطتي حتا حبسنا حدا واحد البناية، دخلني اول حاجة تارت انتباهي هو مكتب العدول، انا:علاياش ناوي قول علاش ناوي ادم:(مسح ليا وجهي حيت عامر بالدم باش رعفت ونزل ليا الطرحة على وجهي )انا:نزلت ليه على رجليه وتنرغبو عفاااااك رجعني رآه العم أحمد (قبل منكمل سكتني بتصرفيقة اخرى)آدم :سمعيني مزيان غتسدي عليا داك الفم وغندخلو عند العدول وغتوافقي على زواجي بك فهمتي انا:شنوووو لا لا ادم: أقسم بالله حتا نقتلك غتوافقي ولى غتندمي بزااف انا:غير قتلني انا مغنتزوجش بك ادم:لهاد الدرجة كنتي كارهاني وتتمتلي علية الحب طلعتي ممتلة بارعة ولكن غتوافقي بغيتي ولى كرهتي انا:لا مغنتزوجش بك آدم :غتوافقي ولى كنواعدك غنخلي ماماك هيا لي غتدفع تمن العناد ديالك انا:كيفاااااش ماما ادم:دخلي حسن ليك ووافقي قدام العدول ولى إيلا كنتي مخايفاش على ماماك رافضي انا:اله ياخد فيك الحق نتا ماشي آدم نتا حيوان بصفة انسان كنت غالطة فيك ادم :إيلا ساليتي من الهدرة تفضلي (فتح ليا الباب ودخلت لقيت العدول كان اصلا تيتسنانا السيد دار جميع الإجراءات من قبل ،كان عوال على كلشي )العدول :جلسي ابنتي (جلست وآدم تيشوف فيا بنظرة نصر واستفزاز جامع فيها كل عبارات الحقد والكره)العدول :على بركة الله حنان الشافعي واش نتي قابلة الزواج من أدم الوزاني انا: )بعد مدة من الصمت )اه العدول :آدم الوزاني (مخلاهش يكمل )ادم:اه قابل ،(عطا لعدول لآدم يسيني سينا وعطاني حتا أنا نسيني بقيت شادة الستيلو ويدي تيترعدو )
نرجعو عند سفيان (رجع عند النكافة غير وصل نزل والسيارة قتلها بالكلاكسون، مسكين جا يدي لعروسة، بقا تيكلاكسوني حدا الباب خرجات عندو وحدة من الخادمات مع النكافة) البنت :خويامالك واش تتسناني شي هدية هنا سفيان :ههههه وجيت ندي عروستي البنت :اشمن عروسة واش لي تلفات ليه مرتو يجي لعندنا سفيان :ههه زوينة هادي البنت :خويا إيلا كنتي تتهدر بصاح رآه مكاينة حتا عروسة راكم غالطين فالعنوان سفيان:شكون حنا البنت:عاد دابة جا حتا واحد الولد حتا هو بغا عروستو، بزز باش مشا لينا من هنا سفيان :ختي انا متنكدبش انا لي جبت عندكم واحد البنت الصباح البنت :واش هديك البنت الزوينة حنان سفيان:اه هيا وشفتي دابة البنت:ولكن جات سيارة داتها سفيان:كيفاااااش البنت:غيكون داها شي حد من عائلتها رآه حتا حنا كنا بغينا نمشيو معاها على حساب اللبيسات ديالها باش تبدل ولكن السيد لي جا داها غير ركبت طار سفيان :واش تتفلاي علية انا مسيفط حد البنت:اوى جات سيارة مزينة بالورود، ركبات فيها ومشاو سفيان :والحماق هدا واش شفتي لي داها البنت:انا قلت ليك وغير ركبات طار بها سفيان :قلتي ليا جا حتا شي واحد تيسول على عروستو البنت:اه واحد الحمار مخلانيش مقال لينا بحال خبيناها علييه سفيان :وصفية ليا البنت: (بقات تتشوف فيه )فالصراحة تيشبه ليك شي شوية واخا نتا قصير عليه ولكن تيدي ليك ،آجي أجي ياكما تكونو تتعرفو بعضياتكم وتتسطا علية سفيان :هادشي ماشي ديال الضحك البنت :سير فحالك الله يحفظك مكاينة لا عروسة لا ستين حمص ،باينة غتكونو ناوي شي حاجة على ديك البنت مسكينة وانا تنقول مالها مقلقة ومزيان لي داها راجلها سفيان:اش تتقولي رآه انا هو راجلها البنت :خويا تلاح علية من هنا سير قلب فشي قنت آخر (بعد الحوار لي دار بين سفيان والبنت مبقا فاهم والو، تفكر التلفون ديالها عيط ليها تيصوني مكاينش لي يجاوبو، ورجع لدار باش يشوف واش جابها شي حد ،غير وصل تلقات ليه العائلة بالزغاريت والصلاة والسلام تيتسناو للا لعروسة تنزل، ولكن كلشي تصدم ملي عرفو بلي رجع بلا بها، وخبرهم بلي شي حد داها ومعرفوش شكون. )
(عند بدر جالس فالسيارة وتيضرب فالفولا ) بدر :😬 اكيد غيكون الحقير ديال ادم مشا ليها قبل مني ،الله ينتقم منك ولكن شحال قدو يهرب بها واخا يمشي لآخر الدنيا غنلقاهم غنلقاهم ،وإلا مشا حتا قرب ليها مغنرحموش، نهايتو غتكون على يدي هيا ديالي ،أنا كيف مسمحتش لخويا ولد مي وبا يتزوجها حتا نتا والله لكانت ليك.
(شديت الستيلو ويدي تيترعدو ،آدم بقا تيخنزر فيا وزطم علية برجليه بلا ميشوفو لعدول، مضيت على العقد ونزلو دموعي معاها، خرجنا وآدم علامات النصر والانتقام بارزة على وجهو )انا:حشومة علييك اهىءاهىءاهىء ادم :دابة زيدي قدامي أمدام الوزاني انا:فين غادي بيا عاود تاني آدم :لجهنم غتسدي فمك وتزيدي قدامي ولى غنعوجك انا:😟 (ركبنا فالسيارة وزاد بيا بلا منعرف اشمن وجهة ،غادي وهو مكسيري محبس حتا وصلنا لقدام الدار عائلة ماما ،بقيت تنشوف فيه ومفهمتوش علاش ناوي، نزل وهبطني وبقا جارني للدار كان الباب محلول، الحديقة كانت عامرة بالناس العائلة والناس الحاضرين العرس ،غير شافونا تصدمو ومفهم والو خصوصا مع الطريقة العجيبة لي دخلني بها آدم ،شافتني ماما وجا تتجري لعندي )ماما:بنتي فين كنتي انا:(ساكتة وعطيتها للبكى معرفت باش نجاوبها )ادم :تنقدم ليكم مدام حنان الوزاني زوجة آدم الوزاني كلشي: (تصدمو ) العم أحمد :اش هاد لعب الدراري، شي حد يفهمني شنو واقع ادم: انا وحنان تزوجنا العم احمد :شنوووو ادم:سير غسل ودنيك بدر:(😬 ،طار على آدم و شنق عليه) شنو درتي ليها الغدار ادم:ههه الغدار أنا وليت غدار ههه (دفع بدر ) سفيان :نور شنو هادشي تنسمع شرحي لينا انا مفهمت والو ادم:باش تتفهم الشينوبة انا تزوجت بها غير دابة، سفيان :انا تنهدر مع نور ماشي معاك (جا لعندي وشدني بجوج يديين ) سفيان :نور تكلمي قولي شي حاجة انا:اهىءاهىءاهىء ادم:(ضربو بونية حتا طاح )متعاودش تحط عليها يديك العم أحمد : (تيغوت )حككككككمممممة .