حسناء البادية

الجزء 27

(دخلت للغرفة سديت علية حيت حسيت بكلام ماما حرك فيا الإحساس بالامومة تندوز يدي على كرشي ،تمنيت كو كانت الظروف مختالفة ونفرح مع آدم بولدنا ولكن خسارة، هزيت المصحف باش نقرا بعض الآيات قرآنية وأول مفتحت القرآن جات عيني على الآية الكريمة من سورة البقرة "ولا يحل لهن أن يكتمن ماخلق الله في ارحامهن إن كن يومن بالله واليوم الآخر " نزلو دموعي بلا منشعر ،اعتبرت هاد الآية تنبيه من عند الله، ياربي تسمح ليا اش كنت غندير فالأول كتمت الحمل على آدم وفالاخر بغيت ندير الإجهاض، نضت صليت وطلبت الله فالسجود يسامحني ويغفر ليا حيت كانت لحظة ضعف ،وواعدت نفسي معمري غنتخلى على ولدي ، قريت بعض السور وتكيت تنفكر فادم بزااف مكرهتش نقول ليه انا غنحتافض بولدنا ومعمري نفكر مرة اخرى ندير الاجهاض، توحشت نشوفو غيكون تعيش لحظات صعبة معا والديه بعد ما عرفو الحقيقة، على الرغم من الألم والعداب لي دوز علية ولكن كلام خويا علي صحيح حتا أنا غلطت ملي خبيت عليه، الله يسامحني ويسامحو تمنيت نقدر ننسا هادشي ونبدأ مع آدم من جديد ولكن منقدرش حيت بمجرد منشوف وجهو تنخاف، نعست حتا الليل ،فيقاتني ماما باش نتعشا معاهم، خرجت لقيتهم فالطبلة ومعهم حتا كمال لي غبر من الصباح عاد بان، بقا غير تيدور فيا عينيه مكرهتش نعميهم ليه ،هو عاوني بزاف فاصيلا ولكن ريب كلشي فلحظة وحدة، )كمال:حنان كيبقيتي انا:الحمد لله كمال:انا هدرت مع واحد المحامي صاحبي تنعرفو مزيان غيطلقك من أدم علي:كح كح شنو قلتي انا:(اش دخل حمارتك لأسبوع الفرس ) كمال :(مد لعلي كاس لما )مالك اصاحبي علي:عاود شنو قلتي كمال :هدرت مع واحد المحامي باش يعاونكم على اجراءات الطلاق انا:(هدرت بلا منشعر )وشكون قاليك باغا نطلق علي:(حابس الضحكة )اه حنان مغطلقش حنا صافي تفاهمنا وهما غيديرو العرس الاسبوع جاي كمال :😖😶ولكن هو رآه ماما: (مخلاتوش يكمل عاقت به )تعشا اولدي تعشا كمال :(حس بالاحراج حنا راسو ،كملنا لعشا وكل واحد مشا لبلاصتي انا وماما نعسنا فنفس البيت وعلي وصاحبو فبيت ،مبغاش يجيني نعاس بكترة مكنفكر فادم، داز أسبوع بسرعة البرق مشفتش فيها آدم بمرة وصل العرس انا موجدت ليه والو غنكتفي بداكشي لي عندي حيت اصلا زواج مغيدومش ما هي إلا أيام وغنتفارقو هادشي لي اتفقنا عليه انا وآدم، )
( اليوم موعد العرس .وعلى مقال ليا علي الترتيبات بدات فدار عمي حيت العرس غيتقام فالحديقة ،كمال رجع لمدينتو بعدما تأكد بلي مغنتفارقش مع آدم وماما مشات لعندهم باش تعاونهم بقيت غير انا وعلي ، دوشت وصليت، وجا لعندي علي)علي:حنان مدام صفية عطاتني واحد العنوان قالت ليا نديك ليه تما فين كاينة النكافة لي غتقاد ليك قالت ليا تتعرفيه انا:(تفكرت النهار لي كنت غنتزوج بسفيان، حسيت بقلبي مقبوض علية بحال إيلا غيتكرر النهار المشؤوم و حتا علي حس بيا )علي:متخافيش انا معاك اختي ،تنواعدك غنبقا فجنبك على طول تيقي فيا هادشي تنديرو لمصلحتك انا عارفك خايفة ترجعي مع آدم ولكن تيقي فيا انا:معنديش شك فيك انا تقتي فيك عمية وأي حاجة طلبتيها مني ميمكنش نرفضها ليك علي:عارف اختي (لبست عباية كان جابها ليا علي ومشينا للصالون لي اختارت خالتي صفية، وصلني علي ومشا ،قادو ليا ولبسوني تكشيطة خضرا حيت جمعنا كلشي لحنا والعرس فنفس الوقت. حسيت بنفس اللحظات لي عشتها فطنجة تتكرر تنتمنا غير ميوقع والو مرة أخرى حيت قلبي ممهنينيش، وتنتمنى يخيب ظني حيت عييت من المفاجات ،كملات ليا النكافة ، وصلات لعشية والظلام بدا يطيح معنديش نمرة ديال علي باش نعيط ليه وحتا التلفون باش نهدر خليتو فدار عمي ،بقيت تنتسنا حتا عييت ، جات عندي النكافة قالت ليا بلي جا لي يديني ، خرجت لقيت السيارة ولكن ماشي ديال علي وماشي ديال آدم حسيت بالخوف يلاه بغيت نضرب الدورة نرجع، حسيت بشي يد جامعة ليا يدي بجوج مور ظهري و وراسي مخشي فشي خنشة ،تنقاوم ونضرب ولكن هادا كان اقوى مني هزني لاحني فالسيارة وكسيرا تنغوت باش ينقدني شي حد ولكن بدون فائدة، )انا:شكون نتا شكون الشخص:ههههه وأخيرا انا:هاد الصوت مغريبش علية هدر شكون نتا ،شكوووون الشخص:متخافيش احبيبة انا:هدا انت الكلب انا عرفتك، عرفتك
الشخص:متخافيش احبيبة انا:نتا أنا عرفتك الكلب عرفتك بدر :هههه اممم مزيان ملي عقلتي علية الغزالة، انا:فين غادي بيا هدر بدر:غنسافر انا وياك انا:شنووو بدر:(حط ليا شي حاجة علي وجهي وغبت عن الوعي، بعد مرور بعض الوقت تنفتح عيني على غرفة النوم والسي بدر حدا راسي تيلعبش ليا على شعري ) انا:(دفعتو حتا طاح فالارض )فين انا بدر:نتي تتباني ليا كامونية، تتقلبي علية مرة أخرى انا: رجعني منين جبتبني بدر: حنا غنتزوجو انا:شنووو بدر:اه غنتزوجو وغنعيشو حياتنا مع بعض، انا:واش غتزوج بوحدة مزوجة بدر:هداك ماشي زواج آدم تزوج بيك بزز منك انا عرفتها انا: متيهمش الطريقة باش تزوجنا المهم مزوجة بدر:(قرب لعندي وتيشم فشعري )ريحتك تتحمقني وعينيك كتر انا: (خفت نعايرو ونطيح معاه فنفس المشكل لي دزت فيه ) عفااك خليني نمشي الله يخليك هما غيكونو تخلعو علية وتيقلبو بدر:شكون تتقصدي آدم ههه خليه يقلب راه هو لي بدأ الحرب وزيدون انا ضربتو بسلاحو، هو خطفك نهار العرس نفس النهار لي قررت انا لي نديرها وهو سبقني ولكن دابة انا لي ربحتو حيت أنا مغنضيعكش من يدي بحالو انا:علاش ناوي رآه ميمكنش نتزوجو انا رآه مزوجة فهمها بدر :غدا غنديرو العقد ارتاحي دابة ومتزيديش معاية الهدرة ونغلط معاك (خرج بدر وسد علية الباب، معرفتش اش هاد لقرينة فين جابني، نضت نطل من واحد الشرجم ،تيبان ليا راسي فشي منطقة مهجورة وخاوية يعني مكاينش لي يعرف خباري واخا يقتلوني، دقيت الباب وتنرغب بدر يرجعني ولكن متيردش علية واخة حسو كاين فالدار ،جلست فالناموسية وعطيتها لبكا حيت هادي هيا اللخرة ليا ،انا مكدبتش على كمال نهار قلت ليه سميتي تعيسة الحظ هاد اللقب لي عطيتو لنفسي تيليق بيا مئة بالمئة، ظلم الحال وانا مزال على نفس الوضع تنتحسر على حالي للحظة كرهت هاد الحياة وميجي منها، تيممت بواحد لحجرة لقيتها فالغرفة وصليت وطلبت من الله تعالى يفرج علية كملت الصلاة و ،بقيت فنفس الوضعية تندعي الله حتا نعست فالارض )
(عند علي بغا يحماق ومعرفش حنان فين مشات وشكون داها شك فادم ولكن تأكد بلي ماشي هو لي داها بعدما هدر معاه فالتليفون رجع للفيلا لقا الكل متانق ومستعد للحفل الزفاف لي غيتقام هاد الليلة، شافو آدم جا لعندو تيلهت ) آدم : فين حنان واش ملقيتيهاش علي: رجعت نجيبها قالت ليا الكوافورة بلي داوها، انا تنظن ختي مبغاتش هاد الزواج هادشي علاش مشات آدم :لا ميمكنش حنان مغديرهاش علي:كيفاااااش لا وباش عرفتيها آدم :(جر علي ندخلو لدار و دخلو للصالون ) علي:مالك شنو واقع ادم :انا وحنان كنا متافقين غنديرو العرس وبعد مدة شهر غنطلقو علي:شنو ولكن انا هدرت معاك غير نتا على هادشي والمدة لي قلت ليك حتا تولد ماشي شهر ادم:اه عندك الحق ولكن انا وحنان اتفقنا على هادشي قبل متجي نتا وهيا وافقات غير باش نطلقها من بعد حيت بغات تحقق رغبة العائلة علي:(ضرب آدم بونية ،)علي: (تيغوت ) علاش مقلتيهاش ليا علاش (دخل السي عمر وصفية وماما لعندهم لقاوهم تيضاربو)السي عمر:اش هادشي واقع هنا ياك اتفقنا وكلشي توضح مالكم عاوتاني ماما:فين نور( كلشي الصمت ) صفية:هدرو مالكم تدابزو وفين هيا نور علي:(عاود ليهم كلشي وعلى الاتفاق ديالها مع آدم )ماما:اهىءاهىء الله يا ربي واش هادشي لي كان ناقصنا ،واش بنتي معندهاش الحق تفرح شي نهار صفية:يعني غتكون هربات حيت خافت تبقا مع آدم السي عمر:(تيهدر وتيشوف فادم )اه من حقها هيا عانات بزااف والإنسان لي كانت محتاجة يوقف معاها هو لي عدبها وتكرفس عليها علي:خلينا من هاد الهدرة وقولو ليا دابة فين غتكون مشات، واش عندها شي صحبتها هنا آدم :لا معندهاش صفية:خاسنا نعلمو الشرطة علي:راه حنا معارفين والو اش غنقول لشرطة بلي مشات حيت مبغاتش تزوج بادم، و هربات، فكرو فشي حل اخر السي عمر : اه عندك الحق ، الشرطة غتدخل إيلا كانت مخطوفة ادم:(تفكر بدر ونهار هددو يرجع حنان وياخدها منو ) ادم:اه بابا عندو الحق حنان تخطفات، كيفاش نسيت اه غيكون غير هو الكل :شكون هو ادم:بدر ماما:بدر يعني حفيد عمي أحمد آدم :كيفاااااش حفيد عمك ماما:هو خو سفيان لي كان غيتزوج بحنان ادم:(تفكر نهار لي شاف بدر معنقها وتفكر نهار قالت ليه رآه ماشي أي حاجة شفناها بعينينا هي الحقيقية فهم بلي فداك اللحظة كان تيتحرش بها، وهو فهمها غلاط وعواض مايساعدها خلاها معاه، ضرب يدو مع الباب وحتا واحد مفهمو، ) ادم:انا مغنبقاش هاكا انا غنخرج نقلب عليها
ادم:انا مغنبقاش هاكا انا غنخرج نقلب عليها انا متأكد بلي بدر هو لي خاطفها وهيا مهرباتش انا متأكد علي:فين غنقلبو ادم:أول حاجة هيا دار بدر ماما:تتعرفها؟؟؟ ادم:اه هو كان صاحبي صفية:واش بدر بدر صاحبك هو نيت لي تنعرفو ادم :اه السي عمر : (تيخنزر فادم )راه مبقات تقة و بلى متصدمي شوفي غير ولدك شنو دار ، المهم انا غنبلغ الشرطة وكاع المعارف ديالي (خرج آدم وعلي واتاجهو لدار بدر طلعو من السور وهرسو الباب ودخلو، ملقوش اتر لحنان ولا بدر )علي:واش متأكد غيكون خطفها هو ادم:انا متيقن والمشكلة إيلا دار شي حاجة لحنان غير يودع راسو علي :متقولش هكا هو حاول مرة مغنسمحش ليه مرة تنواعدك غنرجعوها آدم :تنتمنى (السي عمر بلغ الشرطة وآدم وعلي الليل كلو تيقلبو عليهم وملقاوش ليها اتر، الشمس بدات تطلع بلا نتيجة، آدم بغا يحماق وفكرة أنها مع بدر بغات تخليه ينفجر مخلاو حتا قنت فكازا ولكن بدون جدوى. رجعو لدار لقاو حكمة وصفية والسي عمر تيتسناوهم على اعصابهم )السي عمر:كاينة شي خبار علي:والو ادم(الصمت،)ماما:اهىء علي:بحال إيلا الأرض بلعاتها، بقات حاجة وحدة ادم:شنو هيا علي: نطلعو لطنجة يقدر يكون داها لتما آدم :! فكرت فيها ولكن تنعرف بدر مزيان هو مغيديهاش تما غيكون داها لشي بلاصة لي متأكد مغنلقاوهاش السي عمر :عندك الحق ولكن بما أنك صاحبو فكر مزيان فالاماكن لي تيمشي ليها ادم: قلبنا كاع لبلايص لي شكينا فيها ،ماما :كاينة واحد لبلاصة يقدر يكون مشا ليها الكل:(باستغراب )اشمن بلاصة! !؟؟ ماما:(مترددة)عمي أحمد هو تيتاجر فالممنوعات وعندو شي مستودعات فنواحي كازا تيخبي فيها السلعة لي تيتاجر فيها، آدم :فين جات هاد المستودعات ماما:معرفتش لبلاصة بابا لي عاود ليا على هادشي مقالش ليا لبلاصة بالضبط وكاين احتمال آخر يقدر يكون عمي أحمد عندو دخل فهادشي هو واعدني غينتقم منا السي عمر:نقدرو نسولو باك ماما:للأسف صعيب نوصلو ليه علي:فهاد الحالة منقدروش نبقاو نتسناو، غنسولو على جميع المستودعات لي قريبة لكازا ونقلبوهم واحد بواحد، حيت دابة غير تنضيعو الوقت وحياة ختي فخطر ( السي عمر وادم كل واحد فيهم جبد التليفون وتيسولو على المستودعات، وتيسجلوهم )
(فقت على اصوت الناس خارج الغرفة ،كانت أصوات رجالية ،وقفت واتجهت للباب تكيت عليه نتصنت فجأة تحل الباب و وطحت على الشخص لي داخل اول مرة متنتفاجأش حيت بكترة المفاجات لي عشتها كلشي متوقع )العم أحمد :أهلا للا لعروسة، انا:شنو بغيتو مني العم أحمد :راك ممصوباش مع راسك انا جاي من طنجة على قبلك وفالاخر مترحبيش بيا انا:انسان بحالك ميستاهلش غير الترحيب تستاهل حاجة أخرى العم أحمد :شنو تتقصدي انا:(دفلت ليه على وجهو، معرفتش هاد الجرأة منين جاتني ولكن بعد صلاة ديال البارح حسيت براسي قوية ) هادشي لي تتستحق انا احترمتك بما فيه الكفاية وعلى قبلكم تخليت على أغلى الناس عندي ولاسف نتا متستاهلش العم أحمد :(تيمسح وجهو وعلامات الغضب مرسومة عليه شدني من شعري ، ) كيفاش تجراتي المسخة انا:ههه أنا مبقيتش تنخاف لا منك ولا غيرك (فهاد اللحظة دخل بدر و جرني من العم أحمد )بدر:عمي شنو تدير العم أحمد :هاد الكلبة دفلت على وجهي بدر:متخافش انا غنندمها علي هادشي من بعد مبقا والو، لعدول تيتسنانا العم احمد :عندك الزهر فلتي منها دابة ولكن ولدي بدر غيعرف مزيان كيف يتصرف معاك غتخلسي كاع لفضايح لي فضحتونا نتي وماماك وشوهتونا مع لي يسوى ولي ميسواش انا:واش متتفهموش انا رآه مزوجة ابنادم وزيدون انا ح بدر: ( مخلانيش نكمل ،رمى علية واحد القفطان )عندك 15 دقيقة تبدلي حوايجك ونرجع لعندك إيلا مبدلتيش غتندمي (خرج هو والعم احمد وزدح علية الباب ،معرفت مندير وحلة وحلت فيها ،مكملاتش 15 دقيقة كيف قال وتفتح الباب وانا مزال مبدلت يلا بغيت نقول ليه مزال مكملت دخل عندي شخص اخر غيرهم ماشي بدر وماشي العم أحمد ) انا: حتا نتا هنا كلكم بغيتو تنتاقمو مني .
( عند آدم وعلي بعدما سجلو أماكن جميع المستودعات لي خارج كازا علم آدم صديق ديالو فالشرطة وبداو البحت بأقرب مستودع دوزو وقت طويل فالبحت ومزال موصلو لنتيجة ) ادم:اوووف خفت غير لنكونو تنضيعو الوقت بدون فائدة صديق آدم (مهدي )تفاءل اصاحبي، انشاءالله غنلقاوهوم علي: انشاءالله اليوم غنلقاو ختي آدم : يلاه خلينا نكملو البحت مهدي:فنظري نقلبو فالاماكن لي مهجورة وبعيدة على السكان علي:عندك الحق مهدي:كاين واحد المستودع بعيد من هنا شوية كاين ف منطقة بعيدة على السكان، ممكن يكونو تما آدم :خلينا نمشيو ليه تنتمنا تكون هاد الفكرة ديال المستودع صحيحة كيف قالت لينا خالتي حكمة حيت إيلا كانت خاطئة غنكونو ضيعنا وقت بززاف مهدي :آدم هدرنا معاك صافي متبقاش تشاءم وتفكر غير فالسلبيات
(عندحنان) انا :حتا نتا جاي تنتاقم سفيان :سربي سربي انا:بلاتي نلبس سفيان:(جرني من يدي وخرجني،وغادي بيا بسرعة )انا:وطلقني بشوية علية سفيان :راه معندنا الوقت بزاف ،يقدرو يشدونا انا:شكون عاوتاني شي حد آخر خرج من لبلان سفيان:وجدي وبدر ،انا:شنووو سفيان :راه معندناش الوقت انا بغيت نعتقك غير تبعيني ومتخافيش من والو انا:(قررت نتبعو ولي ليها ليها ،نزلنا بسرعة من واحد السلوم ديال لحديد، وأنا معا مزال لابسة تكشيطة متنقدرش نسربي، وصلنا لتحت، سفيان حيد السلوم باش ميتبعوناش ولكن ولد لحرام بدر شافنا حيت غيكون مشا للغرفة وملقانيش )بدر:( طل من الفوق وتيغوت ) حناااااان حبسييي سفيان:متسمعيش ليه جري معندناش الوقت انا: فين غنمشيو فهاد لخلا سفيان :كاينة السيارة ديالي فجهة لخرى غير سربي.
(بقينا تنجريو انا وسفيان لجهة الأخرى ،مع تكشيطة متنقدرش نسرع، قربنا لسيارة، بان ليا بدر تيجري بحال البرق والعم احمد تيغوت على سفيان )العم أحمد :سفييييان فين غادي بها انا:راهم قربو لينا سفيان:متخافيش ركبي ومتشوفيش فيهم (ركبنا السيارة وزاد سفيان بسرعة ،بان ليا بدر حتا هو راكب فسيارتو هو العم أحمد وشي سيارة أخرى موراهم على ما أظن شي رجال ديالهم ولكن سفيان كان سايق بسرعة خلاهم موراهم حتا مبقاو تيبانو لينا انا:شنو غيوقع دابة انا فالصراحة حاسة بشي حاجة غتوقع سفيان :تنواعدك مغنخليهمش يمسو شعرة منك انا:(استغربت من تصرف سفيان معاية، حيت أي شخص بلاصتو غيحقد علية ولكن هو ساعدني )انا:سفيان ممكن نسولك سفيان :انا عارف شنو تيدور فراسك ولكن انا محاقدش علييك، انا متأكد غيكون عندك سبب لأي شيء وقع انا: فالصراحة انا متوقعتش تساعدني بعد داكشي لي وقع نهار العرس ولكن ظنك فمحلو كاين سبب سفيان:انا متأكد وعارف حيت شفت الحزن لي كان فعينيك فالفترة لي كنتي معانا انا:(نزلت دمعة من عيني حيت تفكرت آدم لي من المفروض هو لي يفهمني ويحس بيا ويفهمني ولكن للأسف،😟 سفيان لي شفتو غير مدة قصيرة فهمني من دون مانعاود ليه والو )انا:خسارة سفيان :شنو قلتي انا:والو غير بغيت نقول تفاجئت منك بززاف حيت عرفتك غير فمدة قصيرة وقدرتي تفهمني والشخص لي توقعت منو يحس بيا مفهمنيش سفيان : تتقصدي آدم انا:اه سفيان :(سايق بسرعة وراد البال مع بدر ) كانت بيناتكم شي حاجة انا:اه (عاودت ليه على كلشي وعلى سوء الفهم لي وقع )سفيان :نور انا عارف هادشي صعيب علييك حيت متاقش فيك ولكن هو تيبغيك داكشي علاش تصرف بديك الطريقة ومنساوش حتا نتي غلطتي كان علييك تعاودي ليه كلشي وزايدن كون قلتي ليا انا هادشي قبل كنت انا غنعاونك ومنوصلوش لهادشي كامل انا:عندك الحق حتا أنا غلطت تنعتدر منك سفيان : ماشي مشكل دابة ،كلشي غيرجع كيفكان انا:انشاءالله غيكونو تيقلبو علية سفيان :انا غنديك لعندهم متخافيش، انا:معمري مغننسى هادشي لي درتي معاية سفيان :هدا واجب انا: قولي بعدا كيفاش عرفتيني تخطفت سفيان :(تنهد ) عقلتي على نهار العرس انا:اه سفيان :ملي غادروا الناس ،بدر كان خارج يتبعكم انا تبعتو باش ميتهورش وحبسو جدي ودخلو للمكتب تبعتهم بلا ميشوفوني وسمعت داكشي كامل لي دار بيناتهم انا:كانو تيتافقو يخطفوني سفيان:اه قررو يخطفوك ويزوجوك بزز لبدر باش يردو الاعتبار لراسهم، ومن بعد متزوجو كانو ناويين يقتلو آدم انا:شنوو سفيان :اه للأسف انا كنت من داك النهار متبع خطواتهم، ملي عرفو غديرو العرس فالفيلا ديال عمك خططو يخطفوك نهار عرسك وبنفس الطريقة لي خداك بها آدم نهار العرس فطنجة انا كنت عارف هادشي مزيان بقيت مترقبهم من بعيد وملي خطفك بدر انا شفتو وتبعتو حتا عرفت لبلاصة فين حبسوك، أنا :وعلاش مقلتيهاش لينا من قبل مكناش غنوصلو لهادشي سفيان : حاولت ولكن عاق بيا جدي وبدر حبسوني فدار ديال بدر حتا ينفدو المهمة، انا قدرت نهرب منهم واخا تعطلت شوية ولكن عل الأقل قدرت نهرب منهم وهربتك حتا نتي انا: معرفتش كيفاش غنرد ليك هاد الجميل .