حسناء البادية

الجزء 25

نعست حتا الليل فقت معندي خاطر لوالو توضيت وصليت ،جات عندي ماما طلبات مني ننزل نتعشا معاهم هبطت غير باش منخسرش ليها، لقيتهم كلهم تيتعشاو ماعدا آدم معرفت فين تيغبر، المهم ريحني غيابو ،تعشينا فصمت ملي تنهز راسي تنلقاهم تيشوفو فيا،عرفتهم عاوتاني بغاو يقولو ليا شي حاجة مرة أخرى، نضت قبل ميجبدو معاية شي موضوع ولكن حبسني عمي عمر )السي عمر:حنان ممكن نتكلمو انا:(بتردد)عمي فالصراحة السي عمر:(مخلانيش نكمل )يلاه نخرجو للحديقة نهدرو على انفراد انا:واخا (خرجت مع عمي، جلسنا فالحديقة وتقابل معاية)السي عمر: بنتي حنان انا بغيت نهدر عليكم نتي وآدم حيت أنا شاك بلي كاينة شي حاجة أخرى مخبينها علينا انا:لا مكاين والو السي عمر:ومالكم من المفروض تكونو فرحانين حيت يلاه تزوجتو، ولكن انا تنشوف العكس، ياكما غلط معاك آدم فشي حاجة ملي سافرتو، غير قولي ليا تنواعدك غندمو انا:لا أعمي غير تهنا، انا غير مزال متوترة شوية بالطريقة لي تزوجنا بها السي عمر :تنتمنى متكونيش تتخبي علية انا:غير ارتاح السي عمر:طلعي لبيتك ترتاحي انا:غير سير نتا أنا غنزيد هنا شوية وندخل السي عمر:لي بغيتي (دخل عمي لدار وبقيت فالحديقة نعست فواحد الفوتاي وتنتامل فالسماء والنجوم لي مزيناها عجبني المنظر بقيت ساهية حتا قاطعني شي تخرشيش جلست وتندور فعيني، بان ليا آدم واقف مورايا ،تخلعت حيت كان تيخوف اول مرة نشوفو هكاك، عينين دابلين وحمريبن والدموع على وجهو وقفت باش نهرب ولكن وقف قدامي ومخلانيش ندوز بغا يقرب لعندي دفعتو )ادم :(تيبكي )علاش مقلتيش لهم علاش معاودتيش على لي عملت فيك انا متنسواش أنا :(صدماتني دموعو ) ادم :حنان انا تدمرت احياتي، سمحيليا انا محتاج تسمحيليا ولى غنحماق، (جلس على ركابيه وتيترجاني ) انا عارف معنديش الحق نطلب منك هادشي،انا براسي مقدرتش نسامح نفسي على لي عملت فيك ولكن تنترجاك تسامحيني وأي حاجة طلبتيها مني غنفدها غير رحميني الله يخليك انا:(تنبكي فصمت )ونتا علاش مرحمتنيش ملي كنت تنترجاك اهىءاهىءاهىء علاش ؟؟؟؟؟انا معمري غنسامحك كون متيقن من هادشي،أدم : حنان (مشيت وخليتو، واخا منظر ديالو مؤتر ولكن ميمكنش نسامحو حيت مجرد النظر فوجهو تيفكري فيوم الاغتصاب ،طلعت للغرفة ديالي سديت الباب بساروت وتكيت مبغاش يجيني نعاس ،سمعت صوت جاي من الحديقة ديال شي حاجة تتهرس نضت تنطل من النافذة لقيت آدم تيضرب فالكراسى، شافني وحبس سديت النافذة ورجعت لبلاصتي ونعست )
فقت صباح كالعادة توضيت وصليت وفطرت ،وليت تنعيش أيام روتينية، نفس السيستام تيتكرر كل يوم قررت ندير شي حاج ومنبقاش حابس راسي فالدار على أقل منبقاش نفكر فادم، نزلت للصالون لقيت كلشي مجموع تيشربو اتاي، جلست معاهم وعمي ودعنا باش يخرج ) انا:عمي فين غادي السي عمر:للشركة كاين اجتماع وضروري نحضر آدم مبقاش تيمشي تنضطر نمشي انا:ممكن نمشي معاك السي عمر : اه فكرة زوينة باش متبقايش حابسة راسك فالدار انا : اه مليت بزااااااااف السي عمر:يلاه طلعي بدلي حوايجك بالزربة وخرجي انا:(طلعت للغرفة بدلت بسرعة لبست سروال فالابيض، وشميزة فالازرق وفولار بيض، حداء الكعب العالي، درت مكياج باش نخبي الهالات لي ولاو عندي بان ليا قلم فالازرق تفكرت آدم لي كان تيمنعني من المكياج. درتو ضد فيه وحتا العدسات قررت منعاودش نديرهم ومغنبقاش نخبي اللون الحقيقي ديال عيني، نزلت لقيت عني اتفاجا ملي شافني )السي عمر:اش هاد الأناقة، مزيان ابنتي هكا نبغيك تهلاي فراسك ونساي الماضي انا:(بابتسامة مصطنعة )هادشي لي غيكون من هنا لقدام (ركبت مع عمي واتجهنا للشركة لي بيني وبينها مدة طويلة وصلنا، ودخلت بكل ثقة،حسيت بانظار الموظفين كلها موجهة ليا ،دخلت مع عمي للمكتب عطاني أوراق على الاجتماع راجعتهم بسرعة حيت قررت انا لي نقدمو، وصلات الوقت اتجهنا لغرفة الاجتماع كان الكل مجموع شرحت ليهم العرض وكل شخص تنشوف فيا تنحس به مركز فعيني اكتر من العرض بما فيهم كوتر ورضوان )السي عمر:كاين شي تساؤلات الكل :😮لا. (خرجنا من الاجتماع جا لعندي رضوان وحتا مليكة شافتني وجا حتا هيا )رضوان :عاش من شافك، مليكة :ونقول مال الشركة منورة هاد النهار انا: شكرا مليكة :والله حتا توحشناك انا:حتا أنا كتر غير الظروف وصافي رضوان :ناس ديال لي لونتي مليكة :جاوك واعريين انا: هادو لون عيني الحقيقي رضوان :!!!!!!c'est pas vrai مليكة :واش بصااح انا:اه مهم قصة طويلة بلا منهدر عليها رضوان :ماشاءالله هادشي كامل خبيتبه علينا (وقفات علينا كوتر وتتعوج )كوتر: راه غير تتكدب عليكم نتوما تتكبرو الشان لبوجعران ،انا شفتها من قبل وحاولت نفضحها ولكن متيقتونيش انا: (جريت مليكة من يديها وخليتها بحال الكلبة تتنبح حيت ايلا جاوبتها غنخوي فيها كاع الاعصاب لي مجموعة فيا وغنصدق دايرة الشوهة )مليكة :مديش عليها غير تتغير انا: خليها هاديك عادتها انا ولفتها مليكة :اوى عاودي ليا فين غبرتي انا:قصة طويللة من بعد ونعاودليك السي عمر : حنان يلاه نمشيو لدار انا:اه يلاه مليكة تهلاي فراسك مليكة :حتا نتي بسلامة علييك
(رجعنا لدار غير نزلنا من السيارة بان ليا آدم جالس فالحديقة شافنا وقف، وملامحو كلها غضب تيطلع وتيهبط فيا عرفتو علاش تيخنزر حتا أنا بقيت مخرجة فيه عيني بمعنا" تهدر ترعف ههه" )السي عمر:آدم على السلامة ملي بنتي ،يلاه دخل بغيت نهدر معاك نتا وحنان انا:(باستغراب اش بغا يقول لينا عاوتاني ،دخلنا لقينا ماما وخالتي صفية فالصالون دخلنا لعندهم )السي عمر :انا بغيت نتكلم معاكم فموضوع مهم صفية :الله يسمعنا خبار الخير السي عمر:مكاين غير الخير انشاءالله المهم انا غنختصر لي بغيت هو نعملو عرس لآدم وحنان ،انا: ادم: ماما وصفية :😀(فرحو )صفية:فكرة زوينة والله حنا مفرحناش بهم، وامنيتي هي نحضر لعرس ولدي (جات لعندي وتتعنق )متصوريش ابنتي شحال فرحتوني انا:لا سمحوليا انا مبغيتش العرس ادم :(حادر الراس وساكت )ماما:علاش ابنتي انا:(خليتهم وطلعت للغرفة ديالي وتبعاتني ماما وصفية )صفية:بنتي علاش ياك هادشي لي مقلقكم ماما:اه بصاح نتوما مقلقين حيت تزوجتو بسرعة ،دابة هاهيا الفرصة جات حتا لعندكم آدم تنظن مغيعارضش غير وافقي وحنا غنوقفو معاكم انا: اوكي خرجو خليوني نفكر ماما:الله يرضي علييك فكري فينا حتا حنا ،رآه امنيتنا هيا نشوفكم عرسان ونفرحو بكم (خرجو وخلاو لكناوة تتلعب فراسي مبقا ليا غير العرس انا تنتسنا غير الوقت يدوز شوية باش نطلق منو وهما عاد مبغاو يربطوني به، )آدم :(دخل بلا ميدق وسد الباب ، شفتو هربت ومشيت جهة النافذة ووقفت ) انا:غتقرب مني غنتلاح ادم:حنان بغيت نهدر معاك انا:مكاينة حتا هدرة تقولها سير فحالك آدم :انا مغناديكش غير سمعني انا:(تنرجف وهزيت رجل حطيتهم على الشرجم )متقربش آدم :انا غنوقف حدا الباب غير حيدي من تما أنا :يلاه خرج آدم :انا محتاج نتكلم معاك عطيني فرصة نهدر معاك انا:يلاه هدر بالزربة آدم :انا بغيتك تسامحيني انا:إيلا هادشي علاش جاي بلا متحلم آدم :انا مستعد ندير لي بغيتي غير سامحيني انا:(تنفكر )لي بغيت ؟؟؟ ادم:اه تنواعدك انا:طلقني وغنسامحك آدم : انا منقدرش احياتي انا:خرج براااااا آدم : شوفي انا غنعطيك حل آخر وتنواعدك غنفد ليك الطلب ديالك انا:شنوهوا ادم:نديرو العرس وملي تكمل شهر بالضبط غير شهر احنان والله حتا نطلقك تنواعدك وندير لي بغيتي انا:انا مبقيتش تنتيق فيك أدم :هادشي ماشي على قبلي ديريه على قبل والدينا غير نحققو لهم حلمهم انا: اوكي حتا نفكر ادم:(مبتسم،)ادم:اوكي فكري على خاطرك انا:يلاه خرج ومتعاودش دخل (خرج آدم والابتسامة على وجهو، مفهمتش سبب هاد الفرحة حيت واخا نوافق معمري غنرجع ليه، بدلت حوايجي ،وصليت وليت تنحس براسي مزيانة وبمجرد محطيت راسي على لمخدة داني نعاس )
(على أشعة الشمس الساطعة فقت بدلت حوايجي ونزلت لقيتهم كلهم مجموعين تيفطرو )انا:صباح الخير السي عمر:صباح النور صفية:أجي جلسي حداية انا:شكرا (فطرنا وآدم مهبطش عينيه مني وانا غير تنخنزر، كملنا جمعت الطبلة ورجعت لعندهم )انا:بغيت نقول ليكم بلي انا موافقة على إقامة العرس كلشي :😃 ماما:كنت عارفة مغتخسريش لينا الله يرضي علييك صفية:يويويويويويويو ادم:(انا عارف احياتي وافقتي باش نطلقك من بعد ولكن انا واعد نفسي فهاد الفترة ديال شهر غنرجع التقة ديالك فيا وغنرجع الحب لي دفنتيه بسبب تسرعي وغباءي )انا:آدم ممكن نتكلمو السي عمر:اه وعلاش غيرفض هو راجللك سيرو للحديقة وتكلمو على راحتكم (خرجنا للحديقة )أدم :شكرا حيت عطيتيني فرصة انا:لا راك غالط انا معطيتكش فرصة انا درت هكا على قبل والدينا وعلى قبل طلاقي آدم :😔اوكي انا:تنتمنى غير تبقا على كلمتك أدم :انا تنواعدك انا:تنتمنى (مشيت وخليتو واقف طلعت لبست حوايجي باش نمشي للشركة، نزلت لقيت عمي تيتسناني ركبت معاه فالسيارة، حسيت بالدوخة و بغيت نرد)السي عمر:بنتي ياك لاباس انا :غير دخت السي عمر :نحبس؟؟؟؟ انا:(تنحس بالدنيا تدور بيا) السي عمر:نرجعو انا:لا غير كمل (وصلنا لشركة والدوخة مبغاتش توقف خفت لتكون هادي أعراض الحمل حيت يستحيل نقبل به ، خبرت عمي بلي غنرجع لدار أصر يوصلني ولكن رفضت بحجة غنمشي نقدي شي حاجة من بعد نمشي، خرجت شديت طاكسي واتجهت لعند واحد الدكتورة نسائية قلبت عليها فالانترنيت ،وصلت عندها بعد مدة من الانتظار وصلات نوبتي ودخلت والخوف والرعدة ملكني تندعي الله منكونش حاملة ،فحصاتني الدكتورة وابتسمات ليا )الدكتورة :félicitations أنا :علاش؟ ؟؟ الدكتورة :نتي حاملة عندك الاسبوع التالت (غير نطقاتها بقيت تنبكي وتنندب على قلة الزهر لي متنكسابش، الدكتورة تيصحابلها ممزوجاش )الدكتورة :تهدني وجلس واش نتي ممزوجاش انا:(واش هدا حتا هو زواج )مزوجة الدكتورة :اوى مالكي علاش تتبكي انا:مبغيتوش الدكتورة :كاين الحل الإجهاض انا:(بدون تردد تنمسح وجهي )اه هدا هو الحل ،عطيني أقرب موعد الله يخليك انا مبغيتش هاد الجنين هو غير غيفكرني ف الدكتورة :فاش؟ انا :واش ممكن نديرو غدا ،ساعدني الله يسهل أمرك (بقيت تنبكي عليها حتا وافقات )الدكتورة :غدا أجي بكري، حيت عندي مواعد مع الناس انا:اكيد الصباح غنجي بكري (خرجت من عندها حسيت بتانيب الضمير على هادشي لي غندير ولكن احسن حل حيت ديما غيفكرني فالالم لي عيشني آدم ،رجعت لدار وحاولت ما أمكن منبين لحتى واحد،
(رجعت لدار وحاولت ما أمكن منبين لحتى واحد، طلعت مباشرة للغرفة ديالي،تنخمم كيفاااااش غندير غدا ملي غندير الإجهاض ،خفت ليعيقو بيا، دوزت النهار كامل فالتفكير، لغد ليه مع التوتر والخلعة فقت فالفجر صليت ودعيت الله يسامحني فهادشي لي غندير ،لبست كسوة طويلة فالبلوسيال ولافيست فالاسود، فولار فالاسود وصندالة بلا ،هزيت شي فلوس كنت مخبياهم، دزت عند ماما للبيت ديالها كدبت عليها و خبرتها بلي غنمشي لعند واحد صاحبتي اتفقنا نخرجو، وافقات بلا متشك فوالو ،اتجهت للباب مع الزربة حليت الباب و دخلت فادم وقف تيشوف فيا )أدم :فين غادة انا:(خفت ليعيق بيا ،توترت معرفت اش نقول ليه )غيييررر هنا آدم :نوصلك انا:شكيت علييك متوصلني منوصلك، حيد من قدامي خليني ندوز آدم :حنان أنا :متبقاش تدكر سميتي على فمك لموسخ آدم :(😡😠)حنان متستفزينيش رآه إيلا جينا نشوفو حنا بجوجنا غلطنا انا:معندك علاش تحشم وجهك قاصح (مشيت وخليتو بلاكة، غير تيخنزر ومعصب ،شديت طاكسي وصلت عند الدكتورة بكري، لقيتها تتسناني ووجدو كلشي ، عاوناتني الممرضة حتا حيدت حوايجي، لبساتني ملابس خاصة لإجراء عملية الإجهاض نعست وانا متيقنة من هاد القرار لي غندير ومتاكدة بلي مغنندمش عليه، دكات لية الممرضة البنج وماهي إيلا تواني غبت عن الوعي مبقيت تنحس بوالو ،وبعد مرور وقت مايقارب ساعتين بقيت تنفتح عيني غير بشوية ومزال دايخة ،تنحاول نفتح عيني ببطئ الصورة بدات تتوضاح تنشوف راسي فغرفة مختلفة على لي كنت فيها، واقيلة حولوني لغرفة أخرى ،ولكن الغريب فالامر مكنحسش بآلام ولا والو استغربت وظنيت غيكون مزال فيا المفعول ديال البنج، حاولت نجلس وصيفطت يدي لتحت كرشي تنتحقق من مكان العملية ولكن مكاين والو 😮مبقيت فاهمة والو ياكما نكون تنحلم ،تندور عيني فالغرفة مزيان لا لا هدا ماشي صبيطار حتا دخل السي ....)=====>>(شكون كتوقعو ...؟؟!! 😆😉)
(حتا دخل عليا السي آدم وعاقد حجبانو )انا:(تلفت وخفت منو )ننننتتت اش تدير هنا؟أدم :عندك الزهر احنان والله انا:شنو تتقصد وفين انا والدكتورة آدم :مكاين لا دكتورة لا دكتور غير تهناي حنا فالشقة ديالي انا:(بالغوات )كيفاش جبتيني لهنا وعلاش ناوي، ياكما باغي تكمل داكشي لي بديتي ادم:(😡)براكة من لهدرة الخاوية، علاش مقلتيش لية بلي نتي حاملة علاش انا:(ولد لحرام عرف )ادم:هدرييي انا:(بالغوات) وا مشي سوقك فيا بعد مني حرام علييك اهىءاهىءاهىء ،شنو درت ليك حتا تعدبني هكا ،واخا نكون حيوان خاسك ترفق به حشومة عليك اهىءاهىء ادم:براااكة براااكة انا رآه مغنمسكش غير تهناي انا جبتك لهنا باش نفهم علاش خبيتي علية بلي نتي حاملة وعلاش باغا ديري الإجهاض، معندكش الحق تاخدي هاد القرار بوحدك هداك رآه ولدي فهمتي ولدييي ومغنسمحش ليك تقتليه انا: من امتى وليتي تتخاف على الناس، ونتا مارستي علية جميع انواع العنف والجنس انا غنطيحو انا مبغيتش شي حاجة تفكرني فيك ولى تكون عندها علاقة بك، تنفضل نموت ومنولدش منك ادم:(تصدم من كلامي وتيبكي )حنان عفااك فهميني انا مكنتش فوعيي هديك لحظة غضب كنت فاهم الأمور غلاط انا:وعلاش مسمعتينيش ملي كنت تنترجاك علاش اهىءاهىءاهىء انا معمري غننسى أ آدم معمري وهدا الولد مغيتزادش آدم :(نزل لعند رجلي وتيترجاني وتيبكي )حنان متحرمينيش من ولدي الله يخليك عاقبيني بأي حاجة إيلا ولدي انا:(تنشوف فادم بقا فيا وقلبي ضرني جهتو ولكن معندي مندير ليه)ادم بلا متعي راسك حتا أنا كنت كنترجاك بنفس الطريقة واكتر ومرحمتينيش كنعتدر انا غندير داكشي لي فراسي، خرجت ركبت فطاكسي ورجعت لدار مفهمتش كيفاش دار حتا عاق بيا وجابني لهنا ولكن ميهمش انا غنفد داكشي لي فراسي
عند آدم (فالصباح كنت تندير الرياضة ودخلت لدار تزادحت مع حنان فالباب وبانت ليا متوترة وتالفة، حسيت بها مخبية شي حاجة، عرفت إيلا سولتها مغتجاوبنيش ،خليتها حتا خرجات وتبعتها حتا وصلات لعيادة عند دكتورة أخصائية فإمراض النساء شكيت بلي مزال عندها آلام فالرحم ،بقيت تنلوم فراسي حيت أنا السبب، دخلت وسولت الممرضة عليها خبراتني بلي عندها عملية الإجهاض معقلتش على راسي حتا تهجمت عليهم ولقيتها مغيبة ومستعدة لعملية شرحت لدكتورة بلي انا الزوج ديالها ومراضيش على انها دير الإجهاض،وهددتها بلي غنرفع عليها دعوى قضائية حيت مخداتش ادن آب الجنين طلبت من الممرضة تلبسها حوايجها ،و هزيتها وهيا غايبة عن الوعي وصلتها لشقة ديالي وتنتسناها تفيق باش تفسر ليا كيفاش قدرات تاخد قرار بحال هدا بلاصتي ملي فاقت تصدمات ملي شافتني، مخلات مقالت ليا ديما تتفكرني فاليوم المشؤوم وأصرت على أنها غدير الإجهاض حيت مبغاتش شي حاجة تتعلق بيا كلامها جرحني بزااف، من ديما كنت تنحلم يكونو عندي ولاد من حنان ولكن انا لي دمرت هاد الحلم بيدي 😤😢😔😭)
(رجعت لدار طلعت للغرفة ديالي هيا المكان لي تنقدر نرتاح فيه وتنفكر على خاطري، دوزت لعشية كاملة فالنعاس ،وليت تنعس بزااااااااف غيكون غير من بسبب الحمل وصل الليل نزلت لعند ماما لقيتها فالحديقة هي و صفية تيشربو القهوة، جلست معاهم كانو تيهدرو على العرس وتيخططو ليه، انا بقيت غير تنسمعهم، دخل عمي عمر وحتا هو شاركنا فالمجمع وتبعو واحد الشخص كنت مشتاقة ليه و متوقعتوش خصوصا فهاد اللحظة،خويا الغالي لي مدة مشفتو، مشيت بجرية لعندو وعنقتو حتا قجيتو كنت محتاجة ليه فهاد الوقت بقيت تنبوس ونعنق فيه مقدرتش نحبس دموعي تنبكي بصوت مسموع كلشي تعجب فيا وماما وقفات مفهمات والو )علي: توحشتيني العفريتة انا:اهىءاهىء (دخل آدم ولقاني لاصقة على علي )ماما:(تتهمس لآدم )شكون هدا وعلاش ملي شافتو نور دارت هاد لحالة أدم:خوها علي ماما:ااااه السي عمر:وبراكة ابنتي خليه يسلم على العائلة ماما:نور خليني نسلم على علي أنا :(حيدت على علي وبقيت شادة ليه فيدو ) علي :(تيسلم على ماما)بلا شك نتي مامات حنان تتشبهي ليها بزاف ماما:اه اولدي، مرحبا بك علي : ترحب بك جنة انا جيت حيت توحشت ختي لعزيزة السي عمر:جلس أولدي، تفضل علي :(تيشوف فعيني حسيت به بغا يقول ليا شي حاجة ولكن مقدرش حيت معانا كلهم )ماما: ندخلو لداخل أحسن (دخلو كاملين وشديت لعلي فيدو، )علي:يلاه ندخلو انا:لا خلينا حنا شوية هنا (رجعنا جلسنا فالحديقة تكيت ليه على رجليه،)علي:حنان ممكن تجلسي نهدرو انا:(جلست وتقابل معاية )علي:حنان مالكي معجبتينيش تتباني حزينة، ياكما مريضة ولا شي حد قلقك مالكي انا:(انفجرت عليه بالبكا ،الشي لي خلاه يزيد فالشك ديالو، بغيت نخوي عليه الآلام لي عشتها وشنو لي داز علية فغيابو ولكن شي حاجة منعاتني، عنقتو تنبكي فحضنو، بان ليا آدم واقف من بعيد وتيشوف فينا، واقيلة غيظن بلي عاودت ليه على لي دار فيا )انا:لا خويا غير توحشتك بزااف علي:حتا انا توحشتك ولكن انا عارفك مزيان نتي عندك شي حاجة أخرى قولي ليا ياك انا خوك انا:لا مكاين والو علي:اوكي المهم عاودي ليا كيجاتك ماماك الحقيقية بانت ليا ظريفة انا:(تنمسح دموعي بيدي )اه هيا كانت متشوقة تتعرف علييك علي: اه حتا أنا المهم تهلاي فيها وحاولي تعوضي الأيام لي كنتي بعيدة عليها انا:انشاءالله (بقينا تنهدرو وعاودت ليه على الأيام لي كنت فيها فامريكا، ولكن مقدرت نعاود ليه والو على زواجي بادم وكيفاش تزوجتا حيت إيلا عرف مغيعجبوش الحال ،دخلنا لدار و تعشينا مجموعيين مع الدار )