حسناء البادية

الجزء 4

بدر : اوى حيد ديك الغوباشة مكتجيش معاك وانت زعما بكيص ههه الشخص :صافي هدرنا اصاحبي انا غنحيدها من بالي أصلان هي زيزونة هههه بدر:وباز اصاحبي عاد دابة كنتي بحال العاشق التالف الشخص:الصراحة واخا زيزونة مكتهدرش غزالة ميمكنش انسان اقاوم الجمال والبراءة ديالها مهم بدل الموضوع بدر:اوووك
عند حنان (رجعنا انا وعلي كان غير وصلنا دخلت لبيتي وبقيت كنفكر فالمتعجرف معرفتش مالي تنحاول نحيدو من بالي والو بمجرد مكنسد عيني تتجيني صورتو قدامي اوووف كو عرفت غنشوفو منمشيش لبحر بقيت تايهة فافكاري حتى تنسمع شي حد كيدق)انا:شكون علي: انا كيفاش زعما واش مبغاش تجلسي معانا نوضي تكعدي عمري لينا اتاي ويكون منعنع انا:هي اللولة ونيت باش ننسى داك المتعجرف علي :😑كيفاااااش انا:(تلفت و وليت كندخل ونخرج فالهدرة ) بغيت نقول واخا المتعجرف علي:زيدي زيدي انا:(اه يا ربي مالي وليت كنفكر فيه اوووف هاد المرة إلى تلقيت معاه غنوريه مزيان اش تيسوى والله لسكت ليه ،)علي:واااا حنان وااامراكش مالكي ساهية واش بغيتيني نهزك انا:صافي أنا نايضة (عمرت اتاي وبقنا مجمعين ودوزنا الويكاند مجموعين وصل نهار اتنين مشا علي بعدما ودعناه وأنا وجدت راسي نمشي للخدمة فطرت ولبست كسوة حجابية طويلة وافازي مجموعة فمنطقة الخصر فاللون الأبيض بالكمام ومزينا بواحد الاكسسوار باللون الفضي بيناتني زوينة ومنسيتش العدسات خرجت لقيت طرنسبور ديال الخدمة تيتسناني ركبت كالعادة الأنظار موجهة ليا انا ترتاح غير مع مليكة)
أنا:صباح الخير مليكة :صباح الورد لغزالة ديالنا انا:كدوزتي الويكاند مليكة :مزين ابنتي قولي ليا كيجاك المدير ولد السي عمر انا:مزال مشفتوش مليكة : اوى لعجب نتي لوحيدة لممسوقاش ههه انا:علاش :غنتسوق المدير مدير مشا الأب جا ولدو مليكة :اوى ياللا كاع بنات فالشركة معجبات به انا:اوى شغلهم هداك مليكة:المهم نصحك ابنتي متعصبيهش هو طبعو صعيب مشي بحال باه انا:اوى حنا غنديرو خدمتنا مليكة : هو كان تيعاون باه فالخدمة قبل ميمشي لأمريكا كان صارم بززاف انا:شنو السبب اللي خلاه يغادر ويخلي باه مليكة : فالصراحة كان شي مشكل بناتهم باه تيفرض عليه اراءو وهو راسو قصح من باه انا: يلاه نزلو وصلنا (دخلنا لشركة وكل واحد التحق بالعمل ديالو أنا مشيت ديريكت للمكتب باش نوجد العرض اللي غنقدم للمهندسيين ديال الشركة باش يبدا عملية بناء الفندق ديال الأجانب اللي عقدنا معاهم صفقة كنت مركزة فالوراق حتى جات كوتر غير شفتها عرفتها جايبة شي خبار بحال وجها ) كوتر: صباح النور (تتقولها وتتعوج )اتا:اش خاصك عاوتاني كوتر :ولايني ممصوباش مهم بغيت نقول ليك المدير تيتسناك فقاعة الاجتماع مع المهندسيين انا:ولكن حتى 10 عاد قررنا نديرو الإجتماع كوتر:انا وصلت المساج أجي ولا جلسي.
انا:(الحمد لله كنت موجدة كلشي من قبل نضت وانا متجهة لقاعة الاجتماع كنت غادة مزروبة وكنشوف فالوراق حتى تنتصاطح مع شي واحد وتشتتو لوراق حنيت راسي نجمعهم بلا منشوف فاللي دخل فيا حتى تنسمع واحد الصوت مغريبش علية )الشخص :واش مكتشوفيش (أنا يلاه هزيت راسي ) انا: ( الصمت كالعادة والله حتى هو 😦 )الشخص :انتي اش كديري هنا ياكما تابعني انا:( مقدرتش نهدر كاع الهدرة اللي كنت كنقول غنقولها ليه إيلا شفتو مشات ) الشخص :شوفي عندك الزهر ممساليش ليك كوتر:(شفتو تيغوت علية وتضحك ) انا:(انا مشيت دخلت للحمام و غسلت وجهي هو والله حتى هو اش تيدير هنا اوووف لا مخصنيش نتوتر عندي اجتماع خاصني نمشي خديت نفس عميق وقررت منتوترش واتجهت لقاعة الاجتماع تلقيت مع كوتر ) كوتر:نتي هنا راه الناس تيتسناوك زعما اش تيصحابليك انا :(مجوبتهاش باش منوترش كان كلشي تيتسنى غير انا اللي ناقصة وصلت حدا الباب و خديت نفس مرة أخرى ودخلت ) انا: (دخلت و جلست منتابهتش للأشخاص اللي موجودة تبعتني كوتر حتى هيا دخلات )كوتر :انسة حنان منوياش تقدمي العرض الناس من قبيلة تيتسناوك ودابة دخلتي وجلست وقفي تشرحي العرض انا:(مع الوقفة عيني تتجي فنفس الشخص اه يا سيدي ربي مالي منحوسة هاد النهار تيخنزر فية بحالا بغا يتيري فية اش تيدير هنا ياكما هو الم... لا ميمكنش حيت الموظفين اللي هنا كلهم تعرفت عليهم من قبل يلاه وقفت وأنا نسمعو قال ... (شوية التشويق البنات هههه)
وقفت وأنا نسمعو قال :كيفاش واش كضحكو علينا هادي هي اللي غتقدم العرض عيطو على المكلف بالصفقة وخرجو علية هادي انا:(مكرهتش الأرض التحل وندخل فيها فديك اللحظة توتر بزاف ) كوتر رمز تعبيريحلات فمها حتى بانو ضروسها )السي آدم هادي هي اللي مكلفة انا:(اه يا سيدي ربي والله حتى طلع هو المدير انا وقيلة درت شي دنب وربي عاقبني عليه)ادم:ههه دابا بغيتي تقولي اللا كوتر هاد الزيزونة هي اللي غتشرح العرض بغيتوها تشرح بالاشارات (كلشي تيضحك حتى واحد مقدر يتحكم فرلسو )ادم:اش ضحككم واش أنا تنهرج هنا كوتر بدلي علية هادي وجيبي الشخص المناسب أنا :(هنا طلع ليا الدم بلبيا وقررت نجاوبو )كيفاش واحد آخر أنا معمرتش ليك العين انا هي المكلفة وأنا اللي قدمت العرض النهار الأول للأجانب وانا اللي غنقدمو اليوما ادم:(والله حتى تتهدر وانا كان تيصحاب لي زيزونة )و علاش مكنتيش تتجاوبني ملي تنهدر معاك (كلشي استغرب معرفوش اش تيقصد آدم و آدم نسا راسو و تيشوف فيها وتيتفتف )آدم :بغيت نقول إيلا كنتي اللي غتشرحي مالكي معطلة ومخليانا تنتسناوك انا: انا سمحوليا على التأخر ولكن ماشي انا السبب واحد الثور دخل فيا طاحو ليا لوراق جمعتهم و جيت أدم رمز تعبيري انا هو الثور واخا اللا دابة نورييك )و تفضلي قدمي العرض وبركة من الهدرة الخاوية معطلنا وجايا تتعطي محاضرة اتا:(عاد استوعبت اش قلت ليه اوووف دابة عاد غيزيد فيه نضت نقدم العرض وأنا متوترة ومحملتش هاد الموقف اللي تحطيت فيه تفكرت هدرت بابا اللي كيقولي نقرا القرآن ملي نكون متوترة قريت آية الكرسي و قدمت لهم العرض وفيما تنضور وجهي تنلقى آدم مخنزر فية بحالي محملنيش)
( كملت العرض غير بزز حيت النضرات ديال المدير مبغاوش يتفادوني ناقشناه مع المهندسيين و شرحنا منهجية العمل و السي آدم بحال جاتو اللقوة حادك فيا غير انا ميعرفش يتدخل ويعطي وجهة نظر كلشي خرج جمعت لوراق يلاه بغيت نخرج وأنا نسمعو عيط لي)أدم : نتي بقاي نهدر معاك أنا :(اش غيقول عاوتاني تفكرت الهدرة اللي قلت ليه باينة غيسمعني الهدرة عليها ) نعم واش شي حاجة بخصوص العرض آدم :جلسي نهدرو انا:(ولى ضرييف واقيلة غيشكرني على الطريقة باش شرحت العرض )ادم: هاد الهدرة اللي غنقول ليك دخليها مزيان لداك الدماغ عندك أنا :آدم :أول حاجة آخر مرة تعطلي فشي اجتماع وتانيا الخدمة كنبداوها مع 8 انا منسيتش نهار جمعة جايا معطلة و تتقولي لكوتر قولي ليه يتسناني أنا مخدامش عندك انتي اللي خدامة عندي ويلا بغيتي تصلي صلي فداركوم هادي ماشي مسجد هدا مكان خاص بالخدمة فهمتي واش فهمتي (ضرب يديه بالمكتب حتى قفزت وعيني غرغرو بالدموع )أنا :اه فهمت (يلاه بغيت نخرج هو يغوت عاوتاني )ادم :واش قلت ليك سيري انا: ادم: ملي نكون تنهدر معاك شوفي فيا وجاوبي متبقايش ساكتة ونزيدك حاجة خرى آخر مرة تنعتيتي بالثور واللى غندمك يلاه خرجي انا:(خارجة ودموعي فعيني تلقيت مع كوتر فرحات ليا ) كوتر :قلت ليك غيجي اللي غيربيك ههه هادشي قليل فحقك انا :(مجوبتهاش مشيت و خليتها)
عند آدم :(ناري اش درت غنتصل ببدر نهدر معاه ولا غنفجر ) الو بدر نتلقاو فالقهيوة ديالنا المعتادة بدر:قول اصاحبي غير السلام مالك آدم :حتى نتلقاو ونعاود ليك بدر:ياكما تلاقيتي مع (يلاه بغا ينطق قطع عليه آدم)( و دبا البنات فيما يتلاقى آدم ببدر غنوصف ليكم آدم من حيت الزين زيييييييين وخا يغسل من اتنين لتنيين ههه فورمة ديال شخص رياضي مية فالمية عينين عسلييين الفم بحال إيلا مطراسي البشرة بيضاءالشعر أسود و لحية خفيفة زادتو جمال فالصراحة بوكووووص عندو معجبات بزززززززاف من الجنس اللطيف )
بدر:مالك اصاحبي عاقدهوم بحال عندك هم الدنيا والدين آدم :شفتها عاوتاني بدر:ممم كانت شاك واش هي سباب هاد التغوبيشة شنو وقع آدم :صدقات من الموظفين ديال الشركة بدر:مشكلة هادي اوى اش ناوي الدير آدم :كو عرفت اش ندير كاع منعيط ليك بدر:انا مبان ليا والو حيت أصلان كيف قلتي مزوجة آدم :وطلعات مزيزوناش 😑بدر:ههه متقولهاش وعلاش قلتي زيزونة آدم :ملي كنت تنغوت عليها بقات ساكتة مكتهدرش قلت زيزونة بدر:ههه مهم انا فنظري دبر على شي حل وخرجها من الشركة آدم :هادشي لي بأن لي حيت إلى بقيت تنشوفها ديما شي نهار غندير فيها شي حاجة ولنغتصبها مهم انا غنهدر مع الواليد و نلقى شي سبة ونقولها ليه باش تخرج من الشركة بدر:احسن حاجة باش تنساها هي تبعد عليها أو عاود لي كيفاش حتى تلاقيتي بها فالشركة ادم:متفكرتيش حيت مخليت مقلت لها بدر:اش دارت آدم :فالصراحة مدارت والو أنا اللي درت بدر:عندك الزهر كو كانت شي وحدة غتوريك النجوم فعز النهار آدم :هي ماشي بحال لبنات هي مختلفة بدر:نوض جمع الوقفة بديتي عاوتاني صافي متفكرش فيها هدرنا هدرة وحدة اللي كاين آدم:
عند حنان (غير ساليت الخدمة خرجت انا اللولة ومشيت لدار دخلت كلشي لاحظ الانزعاج اللي مرسوم فوجهي حيت أنا مكنقدش نخبي الأحاسيس ديالي تتبان فيا )بابا:مالكي ابنتي معجبتينيش انا: والو غير الخدمة كتيرة هاد النهار خاصني غير نرتاح شوية ماما:كلي شي حاجة ابنتي ورتاحي انا:واخا (غير دخلت لبيتي بقيت تنبكي مبقيتش قادرة نمنع راسي فشيت قلبي بالمزيان معرفتش السبب اللي تيخلي آدم فيما يشوفني يسبني مدرت ليه والو بغيت غير نعرف خسارة كو مكانش السي عمر اللي كان هو السبب فاش حققت حلمي منزيدش معاه النهار فديك الشركة اه تفكرت خاصني نهدر مع السي عمر دوخني ولدو ونسييت باه الله يعطيه التلفة اوووف أنا متيتحل ليا هاد الفم غير ملي متيكونش ملي تيسعر علية تنبقى ساقلة بحال إيلا فيا اللقوة ،خديت تلفون بابا وعيطت لسي عمر )انا:الو السلام عليكم السي عمر مساءالنور السي عمر:اهلان بنتي حنان لاباس عليك (آدم فهاد اللحظة جالس حدا باه غير سمع سميت حنان هو يقلش وذنيه ههه) أنا:الحمدلله انا هدرت معاك بخصوص الشقة اللي ساكنين فيها بما أنني ساليت مدة التكوين فالمعهد وبديت الخدمة بغيت نبقى نخلص الكراء السي عمر:اش تتقولي ابنتي حشومة تقولي هاد الهدرة انا:ولكن تعاونتي معانا بززاف الله يكترث خيرك ودابة ملي خدمت خاصني نعتمد على راسي السي عمر :بنتي انا النهار اللول قلت ليك ديك الإقامة انا خصصتها لناس اللي خدامة فالشركة صافي اعتبري راسك منهم انا:الله يجزيك بالخير شكرا بزاف فالصراحة خجلتيني منك السي عمر:انتي بحال بنتي انا:معرفتش كيفاش نقدر نرد هاد الجميل ولو غير القليل السي عمر:انشاءالله مزال غتجي الوقت اللي غنحتاجك حتى أنا كنتمنى متخيبينيش أنا :اكيد ميمكنش لي نرفض الطلب ديالك وخا يكون اللي يكون (أنا تنقصد فاطار الخدمة ولكن السي عمر تيفكر فحاجة خرى ) يلاه بسلامة تصبح على خير.
فدار السي عمر جالس مع مرتو صفية و ولدو آدم ادم:الواليد معمن كنتي تتهدر السي عمر :مع حنان موظفة فالشركة من أهم الموظفين فالشركة ادم: سمعتك تتهدر معاها على شي شقة اشمن شقة السي عمر :هي ساكنة فالاقامة المخصصة للموظفين اللي معندهومش سكن فالدار البيضاء وبغات تخلص لكرا وانا رفضت ادم:وعلاش رفضتي خليها تخلص السي عمر:اش تتقول هاد البنت تحفة بالنسبة ليا ادم:(الصراحة احسن من التحفة ) انا أصلان كنت بغيت نهدر معاك عليها السي عمر :علايش آدم :انا معجبتينيش خدمتها و قررت نطردها من الشركة السي عمر:اكيد تضحك معايا ياك آدم:لا انا صافي غدا غنجري عليها السي عمر :واش عرفتي اش تتقول هاد البنت رآه هي اللي كنت ب (السي عمر يلاه بغا ينطق هي تنغزو صفية هو يقلب الهدرة ) شوف أولدي هاد البنت عندها كفاءة عالية مكاينة عند حتى موظف عندنا هادشي علاش انا بغيتك تتقبلها معاك وأنت أصلان يلاه شفتي خدمتها نهار وحكمتي عليها ميمكنش اولدي نطردها بلا مبرر آدم : انا مبغيتش نبقى نشوفها السي عمر :انا هدرت كلمة وحدة هي اللي كاينة بلا متعاودها معايا آدم :حتى أنا قلت رأي وغدا إلى جات غنطردها (بحالو بحال باه يا ربي السلامة بجوجهوم عنييديين )السي عمر: دابا كلمتي بكلمتك صفية :مالكوم درتو هاد الحالة على والو صافي نساو علينا أمور الشركة ونتا يا آدم حشومة تتعاند مع الأب ديالك ادم :(حس براسو زاد فيه )سمح لي الواليد مبغيتش نرفع عليك صوتي السي عمر :موقع والو ولكن موضوع الطرد حيدو من بالك ادم:واخا (تقولها غير بزز حيت مبغاش علاقتو مع باه توتر وهي يلاه تقادات
آدم :تصبحو على خير صفية :سير ترتاح اولدي (دخل آدم لبيتو وبقى تيفكر فحنان اللي سلبات ليه العقل بجمالها ورقة ديالها والبراءة اللي فعينيها ) دابة غنبقى نشوفها ديما يا ربي تقويني ومتخلينيش نضعف قدمها بقى تيفكر فيها حتى الداه نعاس
(فبيت السي عمر ) السي عمر:انا تنحاول ندير اللي فجهدي باش هو يبقى مرتاح وهو تيرفع صوتو علية صفية :عذرو غيجي النهار اللي غيعرف السبب اللي خلاك تتعامل معاه هاكا غيندم السي عمر: المهم عندي هي حنان تبقى ديما تحت الأنظار ديالنا ومتبعدش باش نبقى مطمئن عليها صفية:انا مكرهتش نشوفها ونتعرف عليها هي غتكون مرة ولدي فالمستقبل السي عمر:اكيد انا مازال منسيت هاد الفكرة من بالي وآدم إلى رفض من قبل دابة غنخليه هو يطلبني نزوجها ليه صفية:فالصراحة أعمر انا خفت ليتخاصم معاك ويرجع لأمريكا مشفتيش دابة كيف قاليك بغا يطردها السي عمر :هو أصلان عصبي غيكون وقع شي سوء تفاهم وصافي أصلان انا غنخليهم يتغرمو و يبغيو بعضهم نتي مزال مشفتي حنان ملي تشوفيها وتعرف عليها عن قرب غتعرفي سبب الاسرار والالحاح ديالي عليها باش تكون كنتي هي جامعة جميع المواصفات اللي تيتمناها أي رجل الجمال الأخلاق التقافة صفية :شوقتيني نشوفها السي عمر:الاسبوع الجاي ذكرى زواجنا غندير حفلة وندير بها السبة ونعرض فيها على الموظفين وغتكون هي من بينهم صفية :فكرة مزيانة (دابا البنات غنشرح ليكم السبب الأول اللي خلا السي عمر يتعامل مع حنان مزيان ويديرها بحال بنتو نهار اللي تلاقى بها اول مرة شاف علاقتها مع باباها وخوها و مدى احترامها لهم الشي اللي خلاها تضحي بحلمها غير باش متخسرش الخاطر ليهم ومتبعدش ولو تانية عليهم هادشي مبقاش فولاد اليوم وقرر أنها هي لي غتكون كنتو وهي اللي غتقدر تصبر وتكافح مع آدم العصبي وبالنسبة لسبب التاني مازال غتعرفوه من بعد)