ادم:😲 انا:سد فمك الموت تدور آدم :(مهدرش معايا شدني من يدي و جرني لعندو حتا تلاحيت فوق منو وتقابلت معاه وبدا من جديد معياش الليل كامل وهو خدام وحتا انا مخليتش من جهدي حتا بدا الصباح تيطلع عاد نعسنا وفقنا مع العشرة لبست لبينوار ويلاه بغبت نوض مخلانيش ادم )انا:واش معيتيش آدم:لا هادشي متنعياش فيه وهاد النهار مبغيت لا فطور لا غدا غير بقاي حداية أنا :واقيلة تضحك رآه بزز غنقدر نوقف دابة ويلا زدت معاك هاد النهار خاسني كرسي متحرك آدم :متخافيش غير بشوية انا: لا تيقة فعتيقة آدم :ياك انا:(نضت من حداه باش نمشي للكوزينة )ادم :(مخلوع )حنان اش داكشي موراك انا:شنو آدم :الدم انا :(تفكرت الدورة الشهرية هادي وقتها ضربتها بجرية للبيت وسديت علية باش نبدل حالتي آدم جا لعندي تيدق )ادم :حنان مالكي أنا :صبر انا غنخرج (بعد مدة قصيرة خرجت عندو ) ادم: (بنظرات خوف )مالكي واش أنا لي قصحتك انا:لا آدم :واش داكشي انا:انا صافي داكشي عادي غير الدورة الشهرية أدم:وهاد الدورة ملقات امتا تجي حتا لدابة انا:(تنضحك علييه ) العفو الملكي آدم :(بجدية)شحال تتبقا فيك انا:(كدبت عليه )واحد 15 يوم ادم:شننننووووانا: هه غير تنضحك معاك غير 5 أيام ادم:بزاف انا:خمسة أيام بزربة غدوز ادم: (طلع ليه الدم مرة أخرى دخل دوش وخرج، بقيت بوحدي فالدار جمعتها وطيبت لغدا وصل وقت الظهر مزال مبان، باين هدا غيفضيها ليا شي نهار غير خمسة أيام مقدرش يصبر ،بديت تنسمع الدقان عرفتو هو يلاه فتحت الباب وانا نتفاجاء )
(فتحت الباب ادا بي تنتفاجاء بادم رفقة علي وعمي عمر وخالتي صفية وماما مجموعيين ،)صفية : كاين شي ترحيب انا: ا(طرت على ماما تنبوسها وسلمت عليهم واحد بواحد ) بطبيعة الحال تفضلو مرحبا بكم علي:وهيا إيلا حيدتي من الباب باش ندوزو الكل :هههه انا:(نسيت راسي واقفة ليهم فالباب وتنرحب بهم )اه سمحوليا علي :(شدني من حنكي ) زيانيتي العفريتة انا: (تفكرت الخطة ديالو هو وآدم )نتا حسابك معايا من بعد علي:(تيصطنع الغباء وتيشوف فادم )علاش ادم:راها عرفات كلشي علي:متتعرفش تستر ماستر الله السي عمر:وخليونا ندوزو وهدرو (كلشي دخل وجلس فالصالون جاب الله جمعت الروينة قبل ميوصلو )علي:نوضي حطي للناس شي حاجة انا:(مزال ساهية وتنفكر فهاد الزيارة المفاجئة )واخا واخا أنا غنوض (نضت للكوزينة وتبعني علي )علي:البعلوكة لاباس علييك انا:(تنخنزر فيه )حيد من حداية علي:وا صافي لي عطا الله عطاه انا:انا زعما تقت فيك ونتا مشيتي تاتفق معاه رآه انا لي ختك ماشي هو آدم :(تدخل )وصافي نساي المهم كلشي داز على ما يرام علي:(غمز آدم )صافي صافي إيلا معصبة علينا حتا دابة مزال الحال ،يلاه اخويا آدم زيد قدامي نمشي نطلقكم (دارو راسهم بحال إيلا خارجين وتخباو مور الباب ديال الكوزينة وانا نطلق داكشي لي فيدي وخرجت بالغوات )انا: صافي صافي حتا أنا مبغيتش نطلق (غير خرجات من فمي خرجو وماتو علية بالضحك ومع الصالة مقابلة مع الكوزينة سمعونا حتا عمي وصفية وماما ماتو علية بالضحك وانا منقولش ليكم كيفاش وليت قدامهم جميع الألوان دازو فوجهي علي:وابازززز محيحة علية على والو انا:(هربت للكوزينة وخليتهم، جا لعندي آدم وهو فرحان )
ادم: لهاد الدرجة احبيبة خايفة نتفارقو انا: انا حشومة عليكم حشمتوني قدامهم ادم:اوى نتي دايرة فيها مقلقة انا:صافي صافي أنا راه منقدرش نتفارق معاك واخا يوقع لي يوقع غير فالأول تسرعت وراك عارف السبب ادم:(قرب لعندي وباسني فخدي ومع كنت تنمسح الصينية دخل علي على غفلة وشافنا )علي: كح كح انا:(طلقت الصينية ووليت تنترعد وقلبوها ضحك علية ) علي:هادي كلها حشمة فيك ادم:(تفكر نهار لي كنت ربطتو وتندير حركات الإغراء ) تتحشم لهلا يوريك أنا :( خنزرت فيه وضربتو برجلي )انا خرجو علية بجوجكم خليوني نكمل شغلي علي وآدم :ههههه (عمرت اتاي وحطيتو ليهم وحطيت معاه حلوى جابها علي معاه، وأنا مزال مقادرة نهز راسي قدامهم بالفلاش لي دارو لي علي وآدم )السي عمر:الدنيا هنا غزالة واخا جيت من قبل ولكن مدرتش علي:اه حتا لعشية ونخرجو ونمشيو جهة الواد السي عمر:انشاءالله المهم حنان واش نتي مستعدة انا:لاياش خالتي صفية : للعرس انا: شنوو اشمن عرس عاوتاني ماما: عرسك نتي وآدم علي :حنا رآه جاين من كازا ومقررين على العرس غنديرو فاخر الاسبوع البارح هدر معانا آدم وقالينا بلي تصالحتو و حنا اتفقنا بيناتنا انا:(تنشوف فادم هدا غير تيخطط بلا بيا) كيفاش لا لا انا معندي مندير بعرس علي:يهديك الله ادم:حنان انا رآه أمنيتي هيا نشوفك عروسة ويشهدو الناس كاملين بلي نتي مرتي وحلالي انت:(حشمني ولد لحرام ) انا سمحوليا ولكن العرس هو آخر حاجة غنعاود نفكر فيه ونتوما كاملين عارفيين شنو وقع ليا من قبل.
علي: ولكن هاد المرة انشاءالله مغيوقع والو انا: لا سمحليا اخويا أهم حاجة رجعنا انا وآدم مع بعضنا ومكاين لاش نديرو العرس ادم: مناش خايفة انا:كلشي، عندي دكرى خايب كل متنسمع كلمة عرس علي: واخا قررنا نديرو العرس هنا انا:شنو هنا زعما فالدوار علي:اه فالدوار وغيدوز بالطريقة التقليدية مغنحتاجو لا نكافة لا قاعة لا تريتور لا والو عرس تقليدي محض وبالتقاليد ديال المنطقة انا:(عجباتني الفكرة حيت تتعجبني تقاليد ديالنا ) أنا :خليوني نفكر علي: هههه وغير قولي اه رآه باينة فعينيك عاجبك الفكرة كلشي:ههه انا: وا صافي ملي عرفتي علاش تتسول السي عمر:اوى الحمد لله أخيرا غنفرحو بكم قدام العائلة صفية : والله ابنتي حتى فرحتوني انا ولد واحد عندي من ديما تنحلم نفرح به ماما: وحتا انا بحالك أخيرا غنشوف بنتي عروسة الله يكمل عليكم انا: (بست يد ماما وعمي وخالتي صفية وصلت حدا آدم هو يعطيني يدو باش نبوسها وانا نزل عليه بواحد القرصة حتا غوت )علي:عبرات علييك ادم:ياك علي:اه اش تيصحابليك غنبقى ديما نجي منك صافي اولدي جمع راسك آدم :(تيتحلف علية وانا تنقلي ليه السم )السي عمر:اوى دابة مبقا غير نبداو الترتيبات وبحكم علي عارف التقاليد والعادات هو لي غيورينا اش غنديرو علي:اه انشاءالله كلشي غيدوز مزيان ماما:انشاءالله (تغدينا مجموعين ونظرات آدم مفارقاتنيش فكرني فايام الماضية باش كانت ديما تتحسلو خالتي صفية، وصلات لعشية خرجنا كاملين ودرنا ومشينا جنب الواد درنا تصور تدكارية ،عجبهم الدوار رجعنا لدار وجدت لعشا وتعشينا بكري حيت كلشي عيا وبغا ينعس السي عمر وصفية نعسو فبيت علي )علي :حنان انا غنمشي انا وآدم للبيت ديالك نعسو فيه انا:اه سيرو (تفكرت الناموسية لي مشخشخة ) لا لا علي:علاش لا انا:(تنشوف فادم بمعنى عتق الموقف وتقول السيد واش فهم شي لعبة ) ادم: مالكي تتشوفي فيا أنا :نعسو فالصالة ادم:ماماك ناعسة فيه انا: انا غنفيقها باش تنعس معاية (تنغمز آدم والو بحال الدمدومة، مشا علي للبيت وتبعتو بجرا وقفت ليه حدا الباب )علي:حنان مالكي ادم:(عاد تفكر ) اه خفتي يشوف الناموسية علي:شنو علاش مالها (جرني وحل الباب لقا الناموسية مشخشخة هربت حيت مقدرت نشوف فوجه علي سمعت أصواتهم تيضحكو باينة غيكون ديك الصكع فرش القاضية اوووف، مشيت تكمشت فالصالون حدا ماما) .
( تكمشت حدا ماما وداني النعاس حتا لنص تنحس بشي حاجة تتقيسني فرجلي فالأول كنت تنظن تنحلم وعاودت حسيت بشي حاجة مساتني يلاه بغيت نغوت هو يسد ليا آدم فمي وجرني بكاشتي )ادم:سكتي كنتي غتشوهينا انا:اش هاد لفعايل ادم:سكتي قبل ميسمعونا انا:فين غادي بيا آدم:واش متتقدريش تسكتي (حل الباب وخرجنا وجلسنا فواحد لكرسي ديال لخشب )انا فين غنمشيو آدم :لحتى بلاصة انا:وعلاش مفيقني اش بغيتي مني واش ماشي حشومة علييك البارح مخليتيش ننعس واليوم حتا هو ادم:انا رآه مبغاش يجيني نعاس انا:واش غندير ليك انا خلينا ندخلو قبل ميشوفني شي حد ادم:مالنا تنسرقو نتي راكي حلالي (تخشى معاية فالكاشة وعنقني )انا:غنمرضو هنا خلينا ندخلو آدم :عفااك غير بقاي معاية انا مرتاح هاكا انا:فيا النعاس آدم :نعسي المهم تكوني حداية شوفي الجو شحال زوين خلينا هاكا انا:اه السما عامرة نجوم آدم :اه عرفتي شنو قاليك إيلا شفتي نجم طاح وتمنيت أمنية غنحقق ليك انا:هه وآله حتا نتا مسالي متبع ليا النصارى وغير تمنى وتسنا الريح داكشي غير تخربيق رآه الشياطين لي تترجم آدم :ههه وتنقول علاش متتحققش انا:ههه أحمق، ملي تبغي شي أمنية تحقق هز يديك لسما وطلب من الله تعالى هو لي غيحقق ليك لي بغيتي وممكن تكون هادي ساعة استجابة أدم :(تنهدر معاه هو يهز يدو لسما وتيدعي وحتا انا درت بحالو ودرنا الدعاء )أنا :شنو طلبتي آدم :تمنيت نعيش معاك داكشي لي بقا ليا من حياتي ويرزقنا الله بولاد وبنات بزاف ونتي شنو تمنيتي انا:تمنيت من الله يستجب لدعواتك آدم :(اكتفى بحضني وواحد البوسة فخدي خلاتني دايبة فحضنو، بقينا معانقيين حتا دانا نعاس،)
( أصبح الصباح )ماما:(فاقت وتتقلب علية تلاقت مع علي )علي:خالتي مالكي علامن تتقلبي ماما:نور مكاينش علي:هه متخافيش رآه حتا أنا فقت ملقيتش آدم ماما:وفين غيكونو مشاو صفية :مالكم علي:آدم وحنان مكاينينش السي عمر: ههه ادم هو آدم (خرجو كاملين لقاونا فسابع نومة ماتو علينا بالضحك ) صفية :تيبانو غزالين علي:خليوهم متفيقوهمش (مشا تيجري جاب الكاميرا وبقا تيصورنا ) أنا :(مع الحلة ديال العين تيبان ليا كلشي داير بينا وتيضحكو، قفزت من بلاصتي وقفت وآدم مزال مغيب تنحركو باش ينوض والو عاد مزاد فيه تيجرني لعندو ملي شفتو غيزيد يفرشني هربت للداخل وخليتو.
ادم:(عاد فاق وتيتكسل )صفية :صباح الخير ادم:صباح النور السي عمر:نعستي مزيان ادم:اه احسن نعسة الكل :هههههه ادم :(عاد عاق براسو عرف راسو تفرش وبقا تيحك راسو و تيضحك ) ماما:دخلو تفطرو (دخلو يفطر وكلهم غالبة عليهم الضحكة انا بقيت فالبيت مبقيتش قادرة نجلس معاهم داكشي لي بداه آدم البارح كملو اليوم ،مخرجت من البيت حتا تأكدت بلي عمي وعلي خرجو بقا آدم وصفية وماما حيت حنا غنمشيو نتقداو شي حوايج غير بنت ليهم بقاو تيضحكو مرة أخرى كملو لفطور و خرجنا وآدم كل مرة تيشوف فيا ويفرنس دوزنا أيام زوينة مجموعين فالتوجاد للعرس فاجواء عائلية غير الضحك والنشاط وكل مرة تيشدو فينا انا وآدم وهو كل مرة فارشني قدامهم ،اليوم نهار الحنة غتكون بالليل وفهاد الصباح غتوصل عاءلة ماما لي فطنجة عرضنا عليهم وغيجيو كاملين فرحت بزاف حيت الأمور رجعات كيف كانت وللاحسن الحمد لله لأول مرة غيتجمعو العائلات بجوج فمناسبة رسمية ،غير كملنا لفطور وصلو بالسيارات ديالهم جدي و جدتي والعائلة كاملة سلمت عليهم وكان معاهم حتا سفيان لي فرحت بزاف لحضورو حيت وليت تنعتبرو أخ بالنسبة ليا ،غير شفتو سلمت عليه وبقينا تنضحكو مع بعض حتا بأن ليا آدم مخرج فيا عينيه وانا نمشي حدا ماما حيت خفت ليدير شي مصيبة والعاءلة مجموعة كبير وصغير والناس ديال الدوار تعجبو منين جاو هاد الناس كامليين وفين تنعرفوهم حيت تيبانو ناس انيقين ، دخلو الناس لدار وعلي والرجال ديال الدوار سايبو لخزانات فين غيجلسو الناس حيت الدار مكفياهمش وصلات لعشية وكنت فالبيت تيقادو ليا النسا اللباس التقليدي الخاص بليلة الحنا حتا تنسمعو أصوات عالية جاية من برا كلشي خرجو انا خفت ليكونو ناس ديال الدوار تيقلبو يلفقو ليا شي شوهة اخرى مقدرتش نخرج نبركك حيت ممنوع نخرج حتا نبغي ندير الحنا بقيت تنطل فالشرجم حتا بانو ليا الدراري الصغار تابعين كوتر بالحجر وتيرميو عليها التراب مع كانت لابسة لباس فاضح ومزوقة بحال الطعريجة وواحد الطالون فيه مترو مقدرتش نمنع راسي من الضحك عليها ولى الشكل ديالها تيخلع ههههه سرها باش تتعلم تستر شوية الناس هنا ممولفاش تشوف هاد الكائنات الفضائية هه وبان ليا حتا رضوان ومليكة جايين موراه وتيموتو بالضحك عليها )
(حتا واحد مفكها منهم حتا وصلات لدار ودخلات تتنهج وجات لعندي ) كوتر:(تتنهج ) عتقني اختي انا:(حابسة الضحكة) دخلي دخلي تغسلي ديك الحالة ماما:(دخلات لعندي شفتها هيا تغوت )مال هادي وشكون هيا انا:ماما عفاك ديها للحمام تغسل هادي راها السكرتيرة ديال آدم ههه ولات بحال الدجاجة المنتوفة ماما:ههه يلاه ابنتي (دخلات مليكة ورضوان ومزال تيضحكو سلمت عليهم ) مليكة :تبارك الله على لالة لعروسة ها حنا جينا انا:مرحبا بكم رضوان : مبروووك عليكم انا:الله يبارك فيك، (بقيت مجمعة معاهم وتنضحكو على المنظر ديال كوتر مع الدراري الصغار حتا وصلات لوقيتة لغندخل وندير فيها الحنة خرجوني بالصلاةوالسلام وجلسوني وسط لبنات تيحنيو ليا فواحد الجو رااااائع بعيد كل البعد على البروتوكولات الخاوية ماما مسكينة بقات تتبكي وبكاتني معاها. كلشي ناشط وتيضحك ولعيالات تيطبلو ولبنات تيشطحو وفالخزانة لي حدانا كاينين الرجال وتيحنيو لآدم حتا هو كملنا الحنا تعشاو الناس وكلشي بات فالخزانة وانا دخلت لبيتي نبدل حوايجي ونعس باش فالغد نكون مستعدة،يلاه بدلت حوايجي ولبست واحد لبيجامة ديال النعاس هو يبان ليا آدم دخل لعندي وسد الباب )انا:اش تدير دابة يشوفك شي حد ادم :(الصمت وداير واحد الضحكة شريرة وتيقرب مني حتا تلاصق بالجسم ديالي )ادم:جيت نشوف عروستي رآه النهار كلو مشفتكش انا:راه من التقاليد مخاسكش تشوفني حتا ليلة العرس آدم :هيا بغيتيني ننفجر انا:(تندفعو )سير تنعس ادم:(زاد زير علية) وريني ليديدات ديالك نشوفهم غيكونو تيحمقو بالحنا انا:(هزيت يدي ووريتها ليه )شفتيهم يلاه خرج ادم:(باسهم ) انا غنبات هنا حتا لصباح انا:هادي آخر ليلة غنكون بعيدة علييك ابتداءا من غدا غنبقا معاك ديما ادم: اه ولكن حتا اليوم مبغيتش نبعد على لحبيبة ديالي اصلا كنت بعيد عليك مدة طويلة انا:ولكن (قبل منكمل التهم فمي بالقبلات خلاتني مندمجة معاه حتا فيقنا الدقان فالباب كانت ماما بغات تنعس معاية )انا:شفتي بلاناتك فين تيوصلوني ديما مشوهني ادم: ههه اش بغيتيني ندير أنا تنتوحشك بزاف انا:اش غنديرو دابة ماما تتسنا ادم: حلي الباب انا: واش تسطيتي ادم: ههه قولي ليها شي حاجة وخليها تمشي انا: هيا غتنعس معاية ماما: نور فتحي الباب ياكما نعستي أنا :(تلفت وآدم تيموت علية بالضحك فتحت الماريو باش ندخلو ولكن هاد الصكع مغيقدوش مكاين فين يتخبا )ماما:نور واش نتي لاباس انا:اه لاباس ماما:واش معاك آدم ؟؟ انا:😖 ماما:صافي غير خليك ههه انا غننعس فالصالة آدم :خالتي مسكينة تتفهمنا صافي دابة مبقا عندك حتا شي عذر انا:والله متتحشم خرج ادم: ههه انا غنخرج وغدا استعدي ليا رآه 5 أيام سالات انا:شاد لحساب ادم:اكيد 😆😉.
(خرج آدم غير بالكشايف ورجعت تجبدت فبلاصتي ونعست فقت الصباح دوشت وصليت وفطرت وصلات وقت لغدا بداو الناس تيجمعو من جديد لخزانات عمرو لبسوني تكشيطة زوينة فالبلونكاسي والدهبي جابتها ليا خالتي صفية من كازا ومكياج درتو راسي داكشي كان سامبل ولكن جاني واعر ماما حتا هيا لبسات تكشيطة فالازرق ملكي ومكياج خفيف تتبان بحال إيلا غير صحبتي وخالتي صفية لا تقل أناقة على ماما كانت لابسة قفطان أحمر مرصع بالأحجار تتبان أنيقة و ،جا أدم حتا هو كان تيبان أنيق بواحد الكوستيم فالنواغ جاه لاصق وبارز العضلات ديالو خرجونا بجوج بالصلاة والسلام لخزانة درنا تصور مع بعضيتنا ومع العائلة كاملة ،لبست غير لبسة وحد حيت هادشي لي تيديرو فالدوار مكاين لابرزة لا والو جلسنا حدا بعضنا قدام الناس وصافي من بعد خرج آدم وداروني وسطهم وتيغنيو عليا النسا اغاني تتبكي تتكمل وحدة وتتبدا لخرى مكملو حتا وليت حالتي بالدموع وماما اكتر مني خصوصا فاش غناو على لفراق وخروج العروس من دار والديها لدار راجلها والغريب فالامر والاكتر حاجة لفتت انتباهي هي دموع ديال كوتر لي انهارت وتتبكي بالصوت لدرجة كاع الناس بقاو تيشوفو فيها )مليكة :أمالكي تتهرنطي علينا كوتر: بغيت نتزوج الكل :ههههههه ،(تغداو الناس ومشاو بقات غير العائلة وصل الليل وآدم تيتسنا غير الوقت باش يختلي بيا كل مرة تيطل علية يشوف واش أنا بوحدي ولى معاية شي حد انا كنت فبيتي ومعاية لبنات )مليكة : حنان تيبان ليا أدم مزروب ههه كل مرة تيطل علييك واقيلة نمشيو نخليوه يدخل لعندك انا: لا واقيلة غير بغا شي حاجة غير بقاو كوتر: هادشي بززاف اختي غير قولي ليا شنو هو فقيهك مليكة :واش غتزمي داك الفم ولا نوض نجمع علييك الدراري الصغار انا:هههه كوتر:😤 انا: دابة يجيب ليك الله ولد الناس كوتر: فين هو حلف مايبان لي حطينا عليه العين معمرو شاف فينا وطارو عليه (تتمعني علية ) انا: داكشي مكاتيب كوتر:(هازة يديها لسما وكدعي)سير يا زماني لي حلفتي متبان بغيت ليك غير شي جوج واحد يشدك أو واحد يقتلك عصا انا ومليكة :هههههه تمحنتي كوتر: نسولك وجاوبيني بصراحة انا: تفضلي كوتر:واش هدوك عينيك ديال بصاح ولا عدسات انا: هههه مليكة :ومازال شاكة (قاطعنا دخول آدم )ادم:هدوك عيني انا ملكي انا انا:(حشمني ولد الهم قدام لبنات، خرجو وخلاوني معاه )أدم :كو عرفت غيخرجو كون درتها من قبيلة حلفو ميتحركو انا:ونتا واش متتقدرش تصبر ادم: وتقوووول احبيبة (يلاه بغا يقرب يبوسني هو يقاطعو الدقان فالباب هو يتعصب) ادم: واش هادو متيفهموش اوووف واش منبوسش مرتي اعباد الله انا: ههه نوض راك المشكل فيك نتا لي مقادر تصبر.
(ناض آدم فتح الباب كانت ماما جابت ليا مانكول حيت فيا جوع متغديتش معاهم، خدا من عندها لبلاطو ورجع لعندي وكلني بيديه )انا: صافي شبعت ادم:(هز كلينيكس تيمسح ليا فمي وقرب لعندي بغا يبوسني انا سديت عيني يلاه بغا يحط شفايفو فشفايفي هو يقفزنا الدقان فالباب مرة أخرى وهنا ادم تعصب بززاف وناض شاعل حل الباب لقا شي عيالات ومعهم ماما وخالتي صفية )ادم: شي حاجة ماما:(حابسة الضحكة )ولدي حنا بغينا حنان حيت قالو لينا هاد لعيالات بلي باقي واحد الحاجة ناقصة فالتقاليد وبغينا نديروها دابة )ادم:(خرج معصب بلا ميجاوبهم ودخلو لعندي وجابو ليا السكر باش يهرسوه ليا على حوايجي باش الإبن الاول يكون ولد درت ليهم خاطرهم حيت هادي هيا الحاجة الوحيدة لي متتعجبنيش فطقوس، خرجو وخلاوني ورجع آدم بغا يدخل حبسو علي )علي: أجي معاية شي صحابي بغاو يتعرفو علييك انا:(تنشوف فيهم وحابسة الضحكة، آدم تيبان معصب ومقدرش يرفض لعلي مشا معاه وانا مع لعيا حيدت التكشيطة ولبست بيجامة والتكيت يلاه بغا يجيني النعاس وانا نحس براسي مرفوعة )انا:(تنغوت ) اش هادشي ادم:(هزني فوق كتافو وساكت وخرج بيا قدام الناس كامليين لي باقيين ) انا:وا طلقني راك شوهتيني واماما صفية : بسلامة ابنتي تهلاي فراسك انا:خالتي هدري مع ولدك ماما: بسلامة الغزالة ديالي نتلاقاو من بعد السي عمر: الله يكمل عليكم بالخير علي: (بالغوات)وتهلا ليا فالخوادرية (كلشي تيضحك خرجنا من الدار وركبت السيارة ودار ليا السمطة وركب حتا هو )انا:فين غادي بيا ادم: بنادم مبغاش يفهم راسو اللهم ندير شرع يدي انا: خليني نجمع حوايجي ونسلم عليهم ادم:(كسيرا ومخلا موراه غير لعجاجة )انا: فين غنمشيو ادم: انا براسي معارفش اختاري أي مدينة عجباتك ونمشيو ليها انا:هاد الشوهة كاملة ومعرفش اشمن وجهة غادي ليها ادم:انا سبقلي قلت ليك أهم حاجة نكون معاك انا:اوكي عطيني واحد 5 دقايق نفكر اممم آدم :يلاه طلقنينا انا:نمشيو لجبال الأطلس ادم:هههه باغا تصيدي انا: 😑اوى عاوني وقول حتا نتا شي بلاصة زوينة انا راه متنعرفش بزاف ديال المدن يلاه دوارنا وكازا ادم: اممم وعلى هاد الأساس غنتساراو المغرب كامل انا:شنوو ادم:اه غنمشيو لكاع المدن السياحية انا:واو ادم:نبداو بافران انا:ياس آدم :ههه حميمقة وجدي راسك ساعتين وها حنا فافران لا مفر ومكاين لا خروج لا دوران غير البيت انا:وااااع وعلاش غنسافرو رجعني لعند ماما دابة ادم: صافي الالة غبقا ندوزو النهار كامل فالغرفة وساعة فالدوارن انا :مماتش غاخرجو مصارنو ادم: هههه رآه ديك الساعة وبزاف (وصلنا لافران نزلنا ففندق فاخر مع الدخلة ديال الغرفة جرني ادم مباشرة لناموسية انا:خليني غير نرتاح آدم :مالكي كنتي فالحرب انا:لا مكنتش فيها يلاه غندخل ليها خليني غير نقاد حالتي ونلبس شي شوميز دونوي ادم: براكة من الزواق الخاوي انا بغيت الصح ونساي علية كلشي وفي تليفونك باش ميصدعني حد انا :والقارءات شكون لي غيبقا يكتب ليهم قصتنا أدم :صافي مبقا ميتقال داكشي لي بقا غير السفالة فالسفالة انا:كون تحشم دابة يسمعوك ادم:(مكملش معاية الهدرة لصق علية )مبغيتيش شي بيبي انا:(تنحمار ونصفار) ادم: اممم الناس تيحشمو أري داك التليفون هو الأول انا:صبر نودع لبنات آدم :( خدا التليفون وتيكتب ) قصتنا هنا سالات الفتيات يلاه خليوني حتا نتوما نكمل الشغل وبلا مديرو ليا بحال لخرين انا: بسلامة عليكم دعيو معاية يسهل علينا الله بشي بيبي ولا بيبية آدم : دابة عاد هدرتي وفهاد الليلة انشاءالله انا وآدم : باااااااااااااااي .
القصة سالات تنتمنى تكون نالت الإعجاب ديالكم و شكرا على الصبر معاية طيلة هاد المدة 😘😚😙😍😍😍😍😍
أنت تقرأ
حسناء البادية
Romanceتأليف:#bele_bela .... سلام انا اسمي حنان عمري 19 ساكنة فالعروبية مع بابا (محمد)و ماما (زهرة)أو عندي خويا سميتو (علي )عسكري معايش معانا بحكم العمل ديالو كل مرة تنتقل لمدينة بعض المرات تيمشي لجنوب (أنا دات بشرة بيضاء كبياض الث...
