حسناء البادية

الجزء 30

انا: فين غادي بالسلامة واش متتفهمش ادم:(مجاوبنيش دخل ومشا لصالون حيد صباطو دخل وتكا)انا:واش متتسمعش آدم : كاين شي فطور مزال مفطرت أنا :(تنغوت )خرج برا ومتبقاش دير راسك مكلخ ادم: انا غنوض نوجد لراسي( ناض ومشا تيقلب على الكوزينة حتا لقاها تنهدر معاه متجاوبنيش تيوجد لفطور وانا غير حاضياه مفهمتش شنو تيحاول يدير ملي مبغاش يخرج لبست مونطو ديالي فوق لبيجامة وخرجت وزدحت الباب خرجت من الدار بانت ليا السيارة ديالو قدام الباب مجموعيين عليها الدراري الصغار تيلعبو فوقها ،خليتهم واتجهت للواد باش نفكر على راحتي بقيت تنخمم فهاد لحريرة وكيفاش ندير باش نتهنا منو حتا قاطعني صوتو ) ادم : دابة واش نقدرو نهدرو على راحتنا انا: شنو بغيتي مني وبعد مني البشار ونساني علييك، ياك العقد لي تيجمعنا مبقاش صافي حنا طلقنا صافي سير عيش حياتك أدم:لا حنا مزال مزوجين ونتي مزالة مرتي انا:شنووووو آدم :اه انا منقدرش نتفارق معاك عطيني فرصة واعتبريها آخر فرصة انا :نتا تتكدب حنا طلقنا علي ميمكنش يخدلني انا اتفقت معاه أدم : واش هدرتي معاه على هادشي انا:لا ولكن انا تايقة فيه آدم :اوى هدري معاه وتاكدي نتي مرتي ومغنطلقكش ومعمري غنتفارق معاك وانا راني هنا من نهار لي جيتي كنت ديما مراقب انا:كيفاااااش لا هادشي بزااف (نضت وبعدت عليه جبدت التلفون ودورت لعلي جاوبني )انا:الو علي:اهلان الخايبة لباس علييك انا:اه بخير بغيت نسولك على آدم واش كملتي الإجراءات القانونية ديال الطلاق، صافي حنا طلقنا ياك علي:(الصمت)انا:علي جاوبني علي:الو حنان الو الو انا متنسمعكش طيط طيط طيط طيط انا : علي علي
أدم :امدرا شنو قال ليك انا:شوف رآه واخا مزال مطلقنا انا تنعتبر راسي مطلقة منك منبغيش نشوفك فطريقي ادم:لا احنان انا منقدرش وغنبقا هنا حتا تبغي تعطينا فرصة انا:غير حلم ادم: يلا نرجعو لدار انا:(هزيت حجرة )والله وتبعني حتا نضمغك ادم:ههه وعاريتي انا:هانا تنعلمك (أنا غادة وهو تابعني تندور تنلقاه واقف وعطاني بالظهر هزيت الحجرة بغيت نخلعو وانا نضربو لرجل طاح بقا تيتالم، غير شفتو طاح تخلعت ،مشيت تنجري لعندو لقيت رجليه مضروبة مشي شي ضربة كان غير تيمتل علية وانا نضربو بركلة وكملت طريقي )ادم :حنان راك حتا نتي تتبغيني وبرهنتي ليا دابة انا شفت الخوف فعينيك اعترفي انا:(كملت طريقي لدار ،وصلت سديت الباب وجدت ليا لغدا تغديت ونعست فقت فالعشية وقيتة المغرب توضيت وصليت العصر والمغرب شعلت التلفزة بقيت تنتفرج، التلفزة كانت حدا الشرجم تنشوف شي ظل ديال شي شخص تيطل علية وتيمشي ،قلت واقيلة غير تنتخايل واحد اللحظة عاودتاني بأن ليا الظل جلست، عرفتو مغيكون غير آدم سديت الضو ونضت غير بشوية هزيت العود ديال الشطابة حليت الباب ديال الدار وخرجت تنتسلت باش منديرش الحس مشيت لجهة الشرجم ملقيت حد بقيت تندور فعيني وانا نحس بيدين لصقوني مع الحيط بقوة هزيت عيني شفت مكانش آدم كان سعيد ولد عمي التهامي تتفوح منو ريحة الشراب )انا:اااي طلقني راك قصحتيني سعيد :شنو قاليك راسك باش ترفضيني هدري معمرتش ليك العين انا لي منهار خويتي الدوار تنتسانك ترجعي وملي رجعتي مبغيتينيش انا:طلقني بعدا وخلينا نهدرو سعيد :انا غندمك على هادشي لي درتي فيا بسبابك وليت سكايري انا:واش عمري واعدتك بشي حاجة انا معمري مشفت فيك حتا الشوفة سعيد :وتتقوليها بوجهك حمر انا:(هزيت رجلي وضربتو للمنطقة الحساسة خليتو منشور وهربت لدار تساطحت مع آدم شافني مفهم والو )
ادم:حنان مالكي تتجري انا :(تنهج )سعيد ولد عمي التهامي ادم:شكون هاد سعيد انا :(يلاه بغيت نشرح ليه هو يجي سعيد تابعني تيجري وشاد مستقبلو شاف آدم هو يوقف )ادم:شكون هدا انا:سعيد آدم : مالو سعيد :والله لبقات فيك ادم :شرحي ليا مالو أنا :هدا هو لي بغا آدم :هو لي شنو تكلمي انا:سوقك بعدا سير بحالك بعد مني آدم :(غادي لجهة سعيد باش يفهم منو هو يهرب )مال هدا شرحي ليا ومالو هارب وتيجري حاني انا:انا لي ضربتو آدم : وعلاش انا: حيت حاول يتقرب مني آدم :الكلب وعلاش مقلتيهاش لية نتفاهم معاه انا:حيت بحالك بحالو ادم:(تعصب ) حنان انا:واش كدبت ويلا قربتي ليا حتا نتا غندير ليك بحالو واكتر ( دخلت لدار وتبعني سد الباب و خدا السوارت) ادم :آخر مرة تقولي ديك الهدرة أنا : انا غنقولها وغنعاود نقولها آدم:(جامع يدو وزير عليها شفتو تخلعت منو وهربت للبيت ليرتكب شي فعل بعد مدة خرجت تنتسلت طليت فالصالون بان ليا ناعس دخلت وجلست حداه مقدرتش نمنع يدي وحطيتها على وجهو تنتامل فملامحو لي توحشتها وتوحشت نلمسها نزلت يدي لشفايفو مررتها عليهم حسيت بحرارة الأنفاس ديالو زادت، جمعت يدي بالزربة ووقفت هو يتكلم )آدم : حنان علاش تتعدبينا بجوج عطيني فرصة ،جلس وقاد الجلسة شدني من يدي و قابلني معاه ،حنان انا عارف راسي غلطت معاك ومنستاهلش تسامحيني انا والله حتا ندمت على كلشي سمحيليا انا مستعد نفديك بروحي الله يخليك إيلا كانت مزال عندك غير درة حب تتكنيها ليا فقلبك، انا منقدرش نعيش حياتي بلا بك انا عارفك عانيتي بزااف وانا سبب انا مقدرتش نحميك من نفسي ومن بدر ومن العم احمد ومقدرتش حتا ننقد ولدنا لي فقدناه تنترجاك عطيني فرصة و تنواعدك معمرك مغتندمي.
(انا تسمرت فبلاصتي كنت محتاجة نسمع لهاد الكلمات ولكن معرفت باش نجاوبو واش نسمع لقلبي لي تيتقطع وتيتمنى نترمى فحضنو وننسا الآلام لي عشتها ولا نسمع لعقلي لي تيفكر فالمنطق حيت خايفة تتكرر احدات الماضي )ادم :حنان الله يخليك جاوبيني انا:منقدرش اهىءاهىءاهىء منقدرش سمحليا (هادي هيا الكلمات لي قدرات تخرج من فمي قلتها ومشيت للبيت نخوي قلبي، مخرجت حتا صبح الصباح فقت على رائحة لفطور لقيت آدم فالكوزينة مكفد وتيقاد لفطور، ها الحرشة ها الملوي ه البغرير وتيصايب القهوة) انا:واش نتا لي درتي هادشي ادم: اه انا:متأكد آدم :مهم تقريبا انا مشيت شريتو فالصباح بكري وانا دابة تنقادو فالطباسل بحال انا لي سايبتو انا:الله يعطينا وجهك ،وقتاش غتمشي من هنا آدم :(ببرودة بحال إيلا مهدرتش معاه البارح )ملي تبغي ترجعي معاية انا:راك غير تضيع وقتك أدم :اوى انا مستعد نضيع وقتي كلو معاك (بقينا تنترادو انا وياه وتنحاول نخليه يغادر حتا سمعنا أصوات عالية على برا بحال السوق ،تنحاول نسمع ولكن مع الهراج والصداع مقدرتش نفرز الأصوات )آدم :اش هادشي شي صداع على برا انا: بحالي بحالك (سمعنا الدقان فالباب شي حد تيدق بجهد وتيغوت )أدم:بقاي هنا انا:ونتا لي بقا هنا باش ميشوفك حد (مشيت نفتح الباب سبقني آدم حلو خرجنا بان ليا الدوار كامل مجموع حدا الباب عيالات ورجال ودراري صغار وعمي التهامي مرتو ووالدهم سعيد حتا هو مفهمت والو كلهم تيبانو معصبين وتيشوفو فيا بنظرات حقد وكره )
(مشيت نفتح الباب سبقني آدم فتح وخرجنا بأن ليا الدوار كلو مجموع حدا الباب رجال وعيالات ودراري صغار وحتا عمي التهامي ومرتو خديجة ولدهم سعيد مفهمت والو كلهم تيبانو معصبين وتيشوفو فيا بنظرات مليءة بالحقد والكره )سعيد :(تيشير لادم بصبعو )ها هو الولد لي قلت ليكم شفتو دخل عندها انا:مالكم اش واقع خديجة :الله ينعل لي ميحشم واش هدا وجهك ولا كفاك ادم:(بغضب ) مالكم رجل( من ناس الدوار) : خاسنا نعيطو لبوليس مخسناش نسكتو على هادشي انا:شي حد يقولي اش واقع خديجة :مفهمتيش زعما مكلخة جايب راجل غريب على الدوار ومبيتاه معاك فالدار ،محشمتيش هادي تربية والديك مساكن، مزيان ملي ماتو قبل ميشوفو هاد الشوهة الله يستر غير مشيتي لمدينة طوالو رجليك، ملي مولفة لفساد بقاي تما لاش جايباه لعندنا انا :شنووو الرجل :الله يرحمك امحمد معشتيش باش تشوف هاد الشوهة، باك كان راجل محترم مات وخلى بلاصتو نقية ونتي ابنتي بغيتي توسخيها، حنا ناس دراوش ولكن منرضاوش بقلة لحية فدوارنا ادم (بالغوات ):اش تتخربقو خديجة :وتيدافع علييك من لفوق متتحشموش، حنا مغنتحركو من هنا حتا يجيو البوليس ويديوكم، الناس ديال الدوار كاملين شاهدين انا: عمي التهامي قول شي حاجة أنا راه خديجة:(مخلاتنيش نكمل ) تعماي من عينيك انشاءالله يا المصيبة الحمدلله مخديناكش لولدنا سعيد:اه انا كنت باغي نتزوجها ونسترها ساعة ربي فضحها وطلعات ق***ادم :(تلاح على سعيد قبل ميكمل كلامو خلطو بالبونيات، خديجة تتغوت وانا غير تنبكي الرجال تيحاولو يفكو سعيد من يديين آدم ولي قرب ليه تيخلطو معاه حتا جاو البوليس هما لي فكوهوم )
خديجة :(تتندب )واميمتي قتل ليا ولدي ادم:عندو الزهر أما والله حتا نشتت لمو عظامو الشرطي :شنو واقع هنا خديجة :(تتشير لحنان )سيدي هاد البنت هيا السبب، حصلنا معاها راجل فالدار وكاع الدوار شاهد وشافوه من خرج عندها الشرطي :واش هادشي بصاح؟ ؟انا:(مقدرتش نجاوبو غير تنبكي )اهىءاهىءاهىء خديجة:شفتي معندهاش لوجه باش تهدر وهاد هو لي بات معاها وملي هدرنا معاهم تلاح على ولدي كان غيقتلو وراك شفتو بعينيكم كون مفكيتوهش كان غيقتلو الرجل :اه حنا كامليين شفناهم (الناس كاملة تتقول اه اه اه وانا عاد مزدت فالبكا، فيما مشيت تابعييني المشاكل وهاد آدم داير بحال مجبد لبلى )آدم : اش تترونو واش تسطيتو الشرطي :يلاه معانا نتا وياها آدم :صبر صبر واش عرفتو شكون انا بعدا ولى غير تتهدرو علاش تتحكمو بلا متعرفو شنو كاين الكل :(الصمت ) خديجة :اش غتكون كاع، حنا حسلناك معاها وهادشي كافي معندنا منديرو بمعرفتك آدم :نتي بالضبط غتسكتي ولا غنغلط فيك واخا تكوني مرة الشرطي :عندنا السيبة هنا خديجة :ها نتا تتشوف اسيدي ، الشرطي :شنو الاسم ديالك آدم :سميتي آدم الوزاني وولد عم حنان و راجلها على سنة الله ورسوله الكل :😮 الشرطي :واش تتقصد نتا آدم الوزاني ابن السي عمر الوزاني صاحب مجموعة الشركات الخاصة للانشاءات آدم :بالضبط وهادي راها مراتي حنا مزوجين والناس ديال الدوار معارفينيش، غير شافوني معاها فالدار بالزربة لفقو ليها التهم وبقاو تيصبو فينا الشرطي :تنعتدر منك اسيدي على الإزعاج حنا تلقينا خبر وجينا نلقيو القبض كيف تتعرف ناس ديال هاد الدوار محترمين ومتحفظين آدم :هادي خدمتكم وحتا حنا محترمين ولكن لي سعرني هما هاد الناس لي تيعايرو فمراتي بلا ميعرفو شنو كاين خصوصا هاد لمرا وولدها ( تيشير لخديجة وسعيد ) الشرطي : ممكن ترفع عليهم دعوى بتهمة إزعاج الغير والسب والقدف آدم :اه انا غنرفعها باش ياخدو الجزاء ديالهم ويتعلمو درس ميبقاوش يحكمو بلا ميعرفو شنو كاين خديجة :(تلاحت حدا رجلي )ها العار ابنتي لما سمحيليا والله ميسحابلينا مزوجة آدم : لا مغنسامحوش نتي مسيتي شرف مرتي وشككتي فالعفة ديالها انا بصفتي راجلها مغنسامحكومش وهاد ولدك لي جاي تيتجابه معانا رآه هو جا البارح سكران وحاول يتحرش بمرتي وبإمكان نرفع عليه دعوى بتهمة التحرش الجنسي العم التهامي : شنو واش بصاح احنان هدري ابنتي انا:انا مبنت حد انا جبت الرجا لدواري وناسي قلت هما لي غيفهموني وغنبقا معاهم الساعة نتوما اهىءاهىءاهىء ،
العم التهامي:سمحيلينا ابنتي رآه هاد المسخوطة وولدها هما لي جمعو الدوار وحنا مكناش عرفينك مزوجة مسحيها فيا ادم:لي وقع وقع حنا غنمشيو دابة نرفع عليكم دعوى انا:لا انا مغنرفع دعوى على حد كل واحد تيخلصو الله الشرطي :مهم حنا غنمشيو ويلا بغيتو أي حاجة حنا فالمركز فرهن الإشارة (دخلت لدار وتبعني ادم وخليت كلشي على برا )أدم :علاش رفضتي نرفع دعوى انا:هما بصاح جرحوني ولكن تيبقا سوء فهم وصافي ادم:ولكن هما هانوك فكرامتك وشرفك انا:(تعصبت من كلامو )سمع الله يرحم باك هادشي كامل بسبابك نتا اش داك تجي لعندي بقا فداركم تيتي حدا ماماك وباباك ادم:(خرج ووزدح الباب خلاني باغا ننفجر ،دخلت للكوزينة لقيت داكشي كامل ليتيصايب مزال كيف خلاه جمعت كلشي ولحتو لزبل، دخلت لبيتي وتنفكر فهاد كحل العفطة لي تابعني فين ما مشيت، وجايب معاه المشاكل، دوزت النهار كامل فالدار مبانش ليه الحس وصلات لعشية لبست حوايجي وخرجت نشم شوية اهوا، بقيت تنتمشى فجنب الواد حسيت بالجو بحال ديال الشتا رجعت لدار كان الظلام بدأ يطيح غير دخلت شميت ريحة الماكلة، مشيت لكوزينة لقيت آدم تيصايب طاجين )انا: دخلت عليك بالله واش معندك شغل ادم:والله معندي انا:اوووف آدم :يلا بدلي حوايجك واجي تاكلي رآه مبقا والو ويطيب لعشا انا:كول غير نتا أنا شبعانة اسيدي غير بخر به آدم :(جاي جهتي تيقرب لعندي بنظرات تذوب خلاتني تايهة فعيونو ،وقف حداية جرني من خصري حتا تزادحت مع صدرو حسيت براسي تبنجت، عيني مركزة فشفايفو لي نازليين لعندي كنت على شوية غنضعاف قدامو ونستسلم للحظة فكرت فنهار لي تعدا علية موعيتش براسي حتا نزلت عليه بواحد مولاتي التصرفيقة خلات صباعي مصورين فوجهو .
(نزلت عليه بواحد التصرفيقة من حيت لا يدري خلات صباعي مصورين فوجهو ادم:(ساد عينيه و ولى حمر بغا يطرطق ) انا:هادي آخر مرة تحاول تقرب مني ،آدم :(الصمت وتيشوف فيا ) انا:خرج سير فحالك آدم :(تلاح علية بعنف لصقني مع الحيط وشد ليا يدي بجوج فيكساهم مع الحيط ونزل على شفاهي تيبوس بعنف ففمي وعيني وجهي كامل ولى بحال المسعور بغيت ندفعو ولكن كان حاكمني مزيان ،ومع القرب ديالو مني مقدرتش حتا أنا نقاومو تجاوبت معاه بنفس الطريقة العنيفة بحال تنبرد فيه غدايدي بالبوسان جاب ليا الله حتا أنا نقدر نغتاصبو هههه هو عاد مزاد جعر وجهل هزني ديريكت للبيت لويت عليه رجلي بجوج مور ظهرو، حطني فوق الناموسية وبقا تيحيد حوايجو بواحد السرعة فائقة غير تيلوح بغا يكمل الشغل انا ديك الساعة عاد حسيت بداكشي لي درت خفت لنتراجع ويشدني بزز يلاه بغا يجي عندي )انا: حبس آدم :مالكي انا : خرج ادم:(مطلع حاجب ) ياك غير دابة كنتي تتجاوبي معاية انا:واش بغيتيني بزز مني آدم :لا ولكن نتي تجاوبتي معاية انا:(بغيت نزيد فيه)لا بغيتي تمارس علية مرة أخرى بزز مني آدم :(تيقيس ليا راسي واش طالعة ليا الحرارة )واش نتي لاباس انا:كنت لاباس حتا تسلطتي علية، سير لبس حوايجك آدم : (حاول يلمسني وأنا ندفعو ) انا:متقيسنيش آدم: اوكي مغنمسكش حتا تبغي مرة أخرى انا:بلا متنسا مرة أخرى أدم :(غمزني )عاد دابة كنتي دايبة فحضني على أقل تأكدت بلي مزال عندي بليصة هنا (تيشير بصبعو لقلبي ) انا: نتا لي شديتيني غصبا عني وهزيتيني وجبتيني لهنا ادم:ميهمش احبيبة ليوم بوسة وغدا تعنيقة وبعدو حاجة أخرى انا ممزروبش انا:(هزيت صندالة ) غتخرج لا ادم:(ناض تيلبس حوايجو والابتسامة مفارقاتش وجهو
(خرج آدم سديت الباب ورجعت تنفكر فهادشي لي درت كيفاش قدرت نتجاوب معاه على الرغم من كلشي، اوووف مكنقدرش نقاومو ملي كيكون قريب مني وباينة مغيتهنى حتا يوصلني لداك شي لي بغا ولكن انا ليه بالمرصاد، فكرت مزيان وقررت غنعدبو كيف عدبني وبنفس الطريقة لي اداني فيها ولكن غندير بعض التغيرات وغنخليه يبغي ينفجر .)
صبح الصباح عوالة على خزيت، فقت لقيتو موجد لفطور وتيتسناني درت ليه واحد الابتسامة عريضة وجلست حداه مفهم والو )ادم :صباح النور الغزالة ديالي انا:صباح الورد والياسمين ادم: أمممم انا: ممكن كأس القهوة ادم: اكيد علاش لا انا:ميرسي ادم:تنشم ريحة شي حاجة غتوقع انا:علاش بالسلامة آدم : اوى وليتي ضريفة انا:هيا انا قبيحة ادم:حشا مقصدتش هكاك انا:ممكن ملي نفطرو تمشي معاية لواحد لبلاصة بعيدة شوية على الفيلاج نتقدا شي حوايج ادم: طلباتك أوامر ا(كملنا الفطور وانا غير تنبتسم فوجه آدم لي مسكين فرحان وتيبادلني الابتسامة، بدلت حوايجي لبست واحد لكسوة طويلة فالمارو ولافيزت فالباج وصباط باج وفولار مارو، خرجت لقيت آدم حدا السيارة تيتسناني ركبت معاه ومشينا لواحد لبلاصة بعيدة شوية على الفيلاج فيها محلات بيع الملابس، اتجهت مباشرة لمحل لبيع الملابس الداخلية آدم بقا غير تيبحلق فعينيه مفهم والو، بديت تنختار غير فلحوايج الاكتر جرأة من لي شوميز دو نوي ولي دوبياس فالانواع والأشكال السيد عجبو الحال لدرجة بقا تيختار معاية كن محبستوش كان غيشري المحل كامل، وشريت المكياج ودخلت لصيدلية تبعني آدم وانا نوقفو )انا :فين غادي ادم:ندخل معاك انا:لا خليك انا بغيت نشري شي حاجة خاصة بالعيالات ادم:ياكما باغا تشري موانع الحمل انا رآه مغنقبلش تشربيهم انا:(عصبني كنت غنجاوبو ولكن فكرت خاسني نسايرو حتا نفدي فيه جديد والقديم) انا: لا غير كون هاني مغناخدهمش آدم :اوكي يلاه سيري انا غنتسناك حدا السيارة (دخلت لصيدلية خديت داكشي لي بغيت وخرجت و رجعنا لدار و الطريق كلها وهو فرحان وتيبتسم هههه مسكين بقا فيا عند بالو باغا نبرعو .